எஸ்எஸ்சி தேர்வுக்கு இலவச பயிற்சி வகுப்புகள் : தமிழக அரசு

 எஸ்எஸ்சி ஒருங்கிணைந்த பட்டதாரி நிலை பதவிகளுக்கு விண்ணப்பித்தோருக்காக தமிழ்நாடு வேலைவாய்ப்பு மாற்று பயிற்சித் துறை இலவச பயிற்சியை அறிவித்துள்ளது.

இதுகுறித்து, வெளியிடப்பட்ட செய்திக் குறிப்பில்: தமிழ் நாட்டிலுள்ள அனைத்து மாவட்ட வேலைவாய்ப்பு மற்றும் தொழில்நெறி வழிகாட்டும் மையங்களிலும், தன்னார்வ பயிலும் வட்டங்கள் மூலம் போட்டி தேர்வுகளுக்கு பயிற்சி வகுப்புகள் நடத்தப்பட்டு வருகின்றன.

மத்திய அரசின் பணியாளர் தேர்வு ஆணையம் ( Staff Selection Commission) Combined Graduate Level தேர்விற்கான அறிவிப்பை விரைவில் வெளியிடயுள்ளது. இதனை தொடர்ந்து சென்னை தொழில்சார் வேலைவாய்ப்பு மற்றும் தொழில்நெறி வழிகாட்டும் மையத்தில் (Professional Employment and Career Guidance Centre, Chennai) பணியாளர் தேர்வு ஆணையம் (SSC) நடத்தும் Combine  Graduate level தேர்விற்கான பயிற்சி வகுப்புகள்  21.09.2022 அன்று தொடங்கப்படவுள்ளது.

இத்தேர்விற்கான கல்வி தகுதியாக "ஏதாவது ஒரு பட்டப்படிப்பு (Any Degree)" எனக் குறிப்பிடப்பட்டுள்ளது. இத்தேர்விற்கான பாடத்திட்டத்தின் படி  General Intelligence & Reasoning, General Awareness, Numerical Aptitude, English Comprehension ஆகியவற்றிற்கான வகுப்புகளும், வார்ந்தோறும் மாதிரித் தேர்வுகளும் நடத்தப்படவுள்ளன.

இப்பயிற்சி வகுப்பில் கலந்துகொள்ள ஆர்வமும், விருப்பமும் உள்ள தேர்வர்கள்9597557913 என்ற  வாட்ஸ் அப் (Whatsapp) எண்ணிற்கு தங்களது பெயர், முகவரி, கல்வித்தகுதி ஆகியற்றை அனுப்பி தங்களின் பெயரினை பதிவு செய்து கொள்ளலாம் என்று தெரிவிக்கப்பட்டுள்ளது.

Click here to join WhatsApp group for Daily employment news