ஹாப்பி ஹார்மோனை அதிகரித்து மன அழுத்தத்தை போக்கும் ‘சில’ உணவுகள்!

தற்காலத்தில் பிஸியான வாழ்க்கை மற்றும் பணிச்சுமை காரணமாக மன அழுத்தம் என்பது ஒரு பொதுவான பிரச்சனையாகி வருகிறது. மன அழுத்தம் உடலில் கடுமையான விளைவுகளை ஏற்படுத்துகிறது. இதன் காரணமாக, உங்களுக்கு சோர்வு, தசை வலி, மார்பு வலி, பாலியல் ஆரோக்கியத்தில் மோசமான பாதிப்பு, கவனம் இல்லாமை, பசியின்மை, கோபம், எரிச்சல் போன்ற பிரச்சனைகள் ஏற்படலாம். கோபம், சந்தோஷம், பயம், துக்கம் போன்ற உணர்வுகள் அனைத்தும் மனித உடம்பில் சுரக்கும் ஹார்மோன்கள் செய்யும் மாயம் தான். செரடோனின் எனப்படும் ஹார்மோன் சரியாக சீராக சுரந்தால் மனதில் மகிழ்ச்சி அதிகரித்து, மன அழுத்தம் மறையும். இதனை சந்தோஷ ஹார்மோன் அல்லது ஹாப்பி ஹார்மோன் என்றும் அழைக்கிறார்கள். செரடோனின் ஒருவரின் மனநிலையை சந்தோஷமாக வைத்துக் கொள்வதோடு, பாலுணர்ச்சியையும் தூண்டுகிறது.

மன அழுத்தத்தை கவனிக்காமல் அலட்சியப்படுத்தினால், அது உங்களை மனநோயாளியாகவும் மாற்றும். மன அழுத்தத்தைத் தவிர்க்க, உங்கள் உணவில் கவனம் செலுத்த வேண்டும். முக்கியமாக மூளையில் மகிழ்ச்சியான ஹார்மோன்களை நிரப்புவதன் மூலம் மன அழுத்தத்தையும் பதட்டத்தையும் போக்க  சில உணவுகள் உதவுகிறது என ஊட்டச்சத்து நிபுணர்கள் பரிந்துரைக்கிறார்கள். 

வைட்டமின் பி அதிகம் உள்ள உணவுகள்

கொண்டைக்கடலை மற்றும் இலை கீரைகள் போன்ற பி வைட்டமின்கள் கொண்ட உணவுகளை உட்கொள்வது மன அழுத்தத்தை சமாளிக்க உதவும். அழுத்தமாக இருக்கும்போது, ​​​​உங்கள் உடல் பி வைட்டமின்களை அதிகம் பயன்படுத்த முனைகிறது என்கின்றனர் வல்லுநர்கள்.

கடிக்க கடினமான பச்சை காய்கறிகள்

செலரி அல்லது கேரட் போன்ற கடித்து சாப்பிட சிறிது கடினமான பச்சை காய்கறிகளை சாப்பிடுவது மன அழுத்தத்தை பெருமளவு குறைக்க உதவும்.

வாழைப்பழம்

வாழைப்பழம் மிக விரைவாக ஜீரணிக்கக்கூடிய பழமாகும். மேலும் அதில் டிரிப்டோபான் என்ற அமினோ அமிலமும் உள்ளது. உடலில் 5-HTP அளவை அதிகரிக்க டிரிப்டோபானைப் பயன்படுத்துகின்றனர். வாழைப்பழம் சிறந்த தூக்கத்தையும் கொடுக்கிறது

பச்சை இலை காய்கறிகள்

பச்சை இலைக் காய்கறிகள் மெக்னீசியத்தின் நல்ல மூலமாகும் மற்றும் அவற்றை தொடர்ந்து உட்கொள்வது மன அழுத்தம் மற்றும் பதட்டத்தை எதிர்த்துப் போராட உதவும்.

வைட்டமின் சி நிறைந்த உணவுகள்

வைட்டமின் சி நிறைந்த உணவுகளை உட்கொள்வது நோய் எதிர்ப்பு சக்தியை வலுப்படுத்த உதவுகிறது. இது தவிர, இது மன அழுத்த ஹார்மோன் அளவைக் குறைக்கும்.

லைட்டான உணவு

பருப்பு மற்றும் அரிசி போன்ற லைட்டான மற்றும் எளிதில் ஜீரணிக்கக்கூடிய உணவுகளை சாப்பிடுவது மகிழ்ச்சியான ஹார்மோனான செரோடோனின் அளவை அதிகரிக்கவும், பசியைக் குறைக்கவும் உதவும்.

பாதாம்​ பருப்பு

பாதாம் ஒரு உலர் பழம், இதில் ஏராளமான ஃபோலேட் மற்றும் மெக்னீசியம் உள்ளது. மெக்னீசியம் செரோடோனின், அத்துடன் வைட்டமின் பி2 மற்றும் ஈ (வைட்டமின் பி 2 & ஈ) பாதாம் பருப்பில் அதிக அளவில் உள்ளது. இது நோயெதிர்ப்பு மண்டலத்தையும் பலப்படுத்துகிறது.

வைட்டமின் ஈ கொண்ட உணவுகள்

நோயெதிர்ப்பு சக்தியை அதிகரிக்க வைட்டமின் ஈ நிறைந்த பாதாம் மற்றும் மன அழுத்தத்திற்கு பி வைட்டமின்கள் கொண்ட உணவுகளை சாப்பிடுங்கள். இது தவிர, மூளை சிக்கலான கார்போஹைட்ரேட்டுகளை சாப்பிடுவதன் மூலம் அதிக செரோடோனினை உருவாக்குகிறது.

சோயா பொருட்கள்

சோயா பொருட்களிலும் டிரிப்டோபான் அதிகம் உள்ளது. இது சாப்பிடுவது மிகவும் நன்மை பயக்கும். அதே போல் சோயா பால், சோயா பனீர் (டோஃபு), சோயா தயிர் போன்ற உணவுகளை டயட்டில் அதிகம் சேர்த்துக் கொள்ளலாம்.

பொறுப்புத் துறப்பு: இந்தக் கட்டுரை பொதுவான தகவலுக்காக மட்டுமே. இது எந்த வகையிலும் எந்த மருந்துக்கும் அல்லது சிகிச்சைக்கும் மாற்றாக இருக்க முடியாது. மேலும் விவரங்களுக்கு எப்போதும் உங்கள் மருத்துவரை அணுகவும்.