பாலைக் கொண்டு தயாரிக்கப்படும் டீ, இந்தியா உட்பட உலகெங்கிலும் உள்ள பல கலாச்சாரங்களில் ஒரு முக்கியப் பொருளாக மாறியுள்ள சுவையான மற்றும் நறுமணமுள்ள பானமாகும். காபியை விட டீயை விரும்பி குடிப்போர் எண்ணிக்கை ஏராளம்.
அதுவும் இந்தியர்கள் சரியான டீ பிரியர்கள். காலையில் எழுந்ததும் பெரும்பாலானோர் ஒரு கப் டீ குடிக்காமல் அவர்களுக்கு நாள் நகரவே நகரத்து. ஆனால் நீங்கள் பால் டீயை தினசரி குடிக்கும்போது உங்கள் உடலுக்கு என்ன நடக்கும் என்பதை பற்றி பார்ப்போம். ஹங்கிரி கோலாவின் மூத்த ஊட்டச்சத்து நிபுணர் இப்சிதா சக்ரபர்த்தி கூறுகையில், பாலில் உள்ள கால்சியம், உங்கள் எலும்புகளை கொஞ்சம் வலுவடைய செய்யும். தேநீரில் உள்ள காஃபின் உங்களை அதிக விழிப்புடனும், கவனத்துடனும் உணர வைக்கும்.
தேயிலையில் ஆன்டிஆக்ஸிடென்ட்களால் நிறைந்துள்ளது, அவை உங்கள் செல்களை சேதத்திலிருந்து பாதுகாக்கும் சிறிய கவசங்கள் போன்றவை. இருப்பினும், சிலருக்கு பால் மற்றும் தேநீர் குடலில் நன்றாக கலக்காது. இதனால் வயிற்று உப்புசம், வாயு மற்றும் அஜீரணத்திற்கு வழிவகுக்கும். பால் டீ-க்களில் சர்க்கரை மற்றும் கலோரிகள் நிரம்பியுள்ளன. இந்த அதிகப்படியான இனிப்பு உடல் எடை அதிகரிக்க வழிவகுக்கும் மற்றும் டைப் 2 நீரிழிவு ஏற்படும் அபாயத்தை அதிகரிக்கும்.
டீ-யில் காஃபைன் மட்டுமின்றி, தியோஃபில்லைனும் உள்ளது. அளவுக்கு அதிகமாக டீயை ஒருவர் வெறும் வயிற்றில் குடிக்கும் போது, அது உடலில் வறட்சியை ஏற்படுத்தி, தீவிரமான மலச்சிக்கல் பிரச்சனையை உண்டாக்கும். டீ அல்லது கஃபி குடிப்பதாக இருந்தால், அதற்கு 30 நிமிடங்களுக்கு முன்பே ஒரு க்ளாஸ் தண்ணீர் பருகுங்கள். இது ஆசிட் அளவை குறைத்து செரிமானத் தொல்லையை போக்கும்.
பால் டீயில் உள்ள காஃபின் உடலை எவ்வாறு பாதிக்கிறது, குறிப்பாக தினமும் குடிக்கும்போது?
தினமும் குடிக்கும்போது, அது உங்களுக்கு விரைவான பிக்-மீ-அப்பை வழங்குவதோடு, சிறப்பாக கவனம் செலுத்தவும் உதவுகிறது. ஆனால் அதிகப்படியான காஃபின் கவலை, அமைதியின்மை மற்றும் தூக்குமின்மைக்கு வழிவகுக்கும் என்று சக்ரபர்த்தி கூறியுள்ளார்.
பால் டீயில் உள்ள பொருட்கள் வளர்சிதை மாற்றத்தை பாதிக்கலாம்: பால் டீயில் உள்ள பொருட்கள் உங்கள் செரிமானத்தை பாதிக்கலாம்.
கால்சியம் மற்றும் வைட்டமின் டி: இந்த பால் ஊட்டச்சத்துக்கள் ஆரோக்கியமான எலும்புகளுக்கு அவசியம் மற்றும் உங்கள் வளர்சிதை மாற்றம் சீராக இயங்க உதவுகிறது.
ஆன்டிஆக்ஸிடென்ட்: இவை உங்கள் செல்களை சேதத்திலிருந்து பாதுகாக்கின்றன.
தினசரி பால் டீ குடிக்கும்போது எடை அதிகரிப்பு அல்லது பிற சிக்கல்களுக்கு பங்களிக்குமா?
தினசரி பால் டீ குடிப்பது என்பது ஆரோக்கியமான எடை பராமரிப்பை கடினமாக்கும் என்று சக்ரபர்த்தி ஒப்பு கொள்கிறார்.
கூடுதலாக, அதிகப்படியான காஃபின் அதிகமாக கழிப்பறைக்குச் செல்ல தூண்டுகிறது. பால் டீயில் உள்ள குறிப்பிட்ட ஊட்டச்சத்துக்கள் அல்லது கலவைகள் செரிமானம் அல்லது வளர்சிதை மாற்றத்தை பாதிக்கலாம். பால் டீயில் இருந்து வெளியேறும் சர்க்கரை ரத்தத்தில் உள்ள சர்க்கரையின் அளவை சீர்குலைத்து, அவற்றை விரைவாக மேலும் கீழும் செல்லச் செய்யும். காலப்போக்கில், இது இன்சுலின் எதிர்ப்பு மற்றும் நீரிழிவு நோய்க்கு பங்களிக்கும், என்று நிபுணர் பரிந்துரைக்கிறார். பால் டீயில் உள்ள சர்க்கரை மற்றும் கொழுப்பின் கலவையானது உங்கள் உடலில் குறிப்பாக வயிற்றைச் சுற்றி கொழுப்பைச் சேமிக்க ஊக்குவிக்கும்.
தினமும் பால் டீ குடிப்பவர்கள் மனதில் கொள்ள வேண்டியது என்ன?
பால் டீ ஒரு சுவையான மற்றும் மகிழ்ச்சியான பானமாக இருக்கலாம், ஆனால் நீங்கள் அதை எவ்வளவு அடிக்கடி குடிக்கிறீர்கள் மற்றும் எந்த வகையைத் தேர்வு செய்கிறீர்கள் என்பதை கவனத்தில் கொள்ள வேண்டியது அவசியம்.
உடல்களை ஆரோக்கியமாக வைத்திருக்க, சக்ரபர்த்தி பின்வருவனவற்றைப் பரிந்துரைக்கிறார்:
டீயை அதிகமாக குடிக்காதீர்கள்.
முடிந்தவரை குறைவான சர்க்கரை மற்றும் கிரீமி இல்லாத பால்களை தேர்ந்தெடுக்கவும்.
உங்களை ஹைட்ரேட்டாக வைத்திருங்கள்: இதற்கு தினசரி நீங்கள் நிறைய தண்ணீர் அருந்துவதை உறுதிப்படுத்தி கொள்ளுங்கள்.
உங்களுக்கு ஏதேனும் செரிமான கோளாறுகள் இருந்தால் பால் டீ குடிப்பதை குறைக்கவும் அல்லது வேறு வகையை முயற்சிக்கவும்.
🔻 🔻 🔻
0 Comments:
Post a Comment