நடைபயிற்சி செய்வதன் மூலம் இதய ஆரோக்கியம் மேம்படும்; எலும்புகள் வலுவடையும்; உடல் எடை குறையும்; என பல விதமான் நன்மைகளை அடுக்கி கொண்டே செல்லலாம். தினமும் 10,000 ஸ்டெப்ஸ் நடப்பது சிறந்தது என நிபுணர்களின் கூற்றுப்படி கூறுகின்றனர். ஏனெனில் இது உடல் இயக்கம் மற்றும் உடலின் சமநிலையை மேம்படுத்தவும் ரத்த சர்க்கரை அளவை கட்டுப்படுத்தவும் உதவுகிறது.
நடைபயிற்சி செய்வதன் மூலம் இதய ஆரோக்கியம் மேம்படும்; எலும்புகள் வலுவடையும்; உடல் எடை குறையும்; என பல விதமான் நன்மைகளை அடுக்கி கொண்டே செல்லலாம். தினமும் 10,000 ஸ்டெப்ஸ் நடப்பது சிறந்தது என நிபுணர்களின் கூற்றுப்படி கூறுகின்றனர். ஏனெனில் இது உடல் இயக்கம் மற்றும் உடலின் சமநிலையை மேம்படுத்தவும் ரத்த சர்க்கரை அளவை கட்டுப்படுத்தவும் உதவுகிறது.
ஆனால் இந்த எளிய உடற்பயிற்சியின் பலன்களை நீங்கள் கூடுதலாக பெற நினைத்தால் உங்கள் எடை இழப்புக்கான முயற்சிகளை இன்னும் துரிதப்படுத்த நினைத்தால் 10,000 ஸ்டெப்ஸ்கள் நடப்பதற்கு பதில் படிக்கட்டுகளில் ஏறுவது பயனுள்ளதாக இருக்கும். இதில் நல்ல விஷயம் என்னவென்றால், வீட்டிலோ அல்லது அலுவலகத்திலோ எங்கு வேண்டுமானாலும் இதை எளிதாக மேற்கொள்ளலாம்.
வாக்கிங் ஒரு சிறந்த உடற்பயிற்சி என்றாலும், கலோரிகளைக் குறைக்க அல்லது குறைந்த நேரத்தில் விரும்பிய முடிவுகளைப் பெற நிறைய நேரம் எடுக்கும். இதனிடையே சமீபத்தில் 18 வயதிற்கு மேற்பட்ட சுமார் 4,50,000 நபர்களிடம் நடத்தப்பட்ட ஆய்வானது நடைபயிற்சிக்கு மாற்றாக படிக்கட்டுகளில் ஏறுவதை விரைவான உடல் எடை குறைப்பிற்கு பரிந்துரைத்துள்ளது. படிக்கட்டுகளில் ஏறும் பயிற்சியானது குறைந்த நேரத்தில் பயனுள்ள நன்மைகளை வழங்க கூடியதாக இருக்கும் என்று ஆய்வு கூறுகிறது.
Atherosclerosis என்ற மருத்துவ இதழில் வெளியிடப்பட்ட ஒரு ஆய்வில், நாளொன்றுக்கு 5 flights அளவிலான படிக்கட்டுகளில் ஏறுவது அல்லது தோராயமாக 50 படிகள் ஏறுவது இதய நோய்கள் ஏற்படுவதற்கான அபாயத்தை 20% குறைப்பதாக கூறப்பட்டுள்ளது. மேலும் படிக்கட்டுகளில் அடிக்கடி ஏறுவது உடல் நலத்திற்கு நன்மை பயக்கும் எனவும் கூறப்பட்டுள்ளது.
இந்த ஆய்வின் தொடர்புடைய பேராசிரியரான டாக்டர் Lu Qi கூறுகையில், குறிப்பாக தங்களுக்கான உடல் செயல்பாடு பரிந்துரைகளை மேற்கொள்ள முடியாதவர்களுக்கு அதிக தீவிரம் கொண்ட படிக்கட்டு ஏறும் செயல்பாடானது கார்டியோரெஸ்பிரேட்டரி ஃபிட்னஸ் மற்றும் லிப்பிட் ப்ரொஃபைலை மேம்படுத்துவதற்கான சிறந்த வழியாகும், என்கிறார். சமீபத்திய இந்த ஆய்வின் கண்டுபிடிப்புகள் பொது மக்களில் ASCVD-க்கான முதன்மை தடுப்பு நடவடிக்கையாக படிக்கட்டு ஏறுதல் செயல்பாடு வழங்கும் நன்மைகளை அடிக்கோடிட்டு காட்டுகிறது.
குறிப்பாக உடற்பயிற்சிக்கென்று தனியாக நேரம் ஒதுக்க முடியாதவர்கள் தினசரி படிக்கட்டுகளில் ஏறுவதன் மூலம் பயனடையலாம். சமீபத்திய இந்த ஆய்வு UK Biobank-ல் உள்ள 450,000-க்கும் மேற்பட்டவர்களிடமிருந்து பெறப்பட்ட தரவுகளை ஆய்வு செய்தது. ஆய்வில் பங்கேற்றவர்களிடம் வாழ்க்கை முறை மற்றும் படிக்கட்டுகளில் ஏறும் பழக்கம் குறித்தும் கேள்விகள் கேட்கப்பட்டது. இந்த ஆய்வானது சுமார் 1 1/4 ஆண்டுகள் நடத்தப்பட்டுள்ளது. தினமும் அதிகமான படிக்கட்டுகளில் ஏறுவது, இதய நோய் ஏற்படுவதற்கான அபாயத்தை குறைப்பதாக ஆய்வில் கண்டறியப்பட்டுள்ளது.
இந்த பயிற்சியை குறிப்பிட்ட கால இடைவெளியில் நிறுத்தியவர்களுக்கு இதய நோய் பாதிப்புக்கான ஆபத்து 32 சதவீதம் அதிகரித்ததாகவும் ஆய்வில் கண்டறியப்பட்டுள்ளது. வாக்கிங்குடன் ஒப்பிடும்போது, படிக்கட்டுகளில் ஏறுவது ஒரு மேல்நோக்கிய வாக்கிங் என்பதற்கு சமம். ஏனெனில் புவியீர்ப்பு விசைக்கு எதிராக உடலை நகர்த்தி கொண்டு நடக்க வேண்டும் என்பதோடு இது அதிக கலோரிகளை எரிக்கும் எனவும் ஆய்வின் முடிவுகள் தெரிவிக்கின்றன.
வழக்கமான நடைப்பயணத்தை விட படிக்கட்டுகளில் ஏறுதல் மிகவும் தீவிரமான செயலாகும். இதன் மூலம் நீங்கள் அதிக கலோரிகளை எரிக்கலாம். படிக்கட்டுகளில் ஏறுவது மிகவும் பயனுள்ளதாக இருந்தாலும், அது 10,000 ஸ்டெப்ஸ்களுக்கு நேரடி மாற்றாக இருக்காது. ஏனென்றால் படிகள் இலக்கு 2.5 அடி ஃபீட்டை அடிப்படையாகக் கொண்டது மற்றும் ஒப்பிடும்போது ஸ்டெப்ஸ்கள் குறைவாக இருக்கும். ஒரு பயிற்சியாக படிக்கட்டுகளில் ஏறுவது ஏறுதல் மற்றும் இறங்குதல் ஆகிய இரண்டையும் உள்ளடக்கியது.
இதய ஆரோக்கியத்தைப் பொறுத்தவரை, நடைபயிற்சி, படிக்கட்டுகளில் ஏறுதல், ஜாகிங் மற்றும் சைக்கிளிங் போன்ற ஏரோபிக் பயிற்சிகள் சிறந்தவை. படிக்கட்டுகளில் ஏறுவது வாக்கிங்கை காட்டிலும் தீவிர உடற்பயிற்சியாகக் கருதப்படுவதோடு, குறிப்பிடத்தக்க உடல்நலப் பலன்களை அளிக்கக் கூடியது. இது 10,000 ஸ்டெப்ஸ்களை நடப்பது போல் "திறன் வாய்ந்ததாக" இருக்க வேண்டிய அவசியமில்லை. ஏனெனில் இரண்டு செயல்பாடுகளும் உடற்பயிற்சியின் வெவ்வேறு அம்சங்களைக் கொண்டது மற்றும் பெறும் பலன்கள் குறிப்பிட்ட காரணிகளை பொறுத்தது. சிறிது நேரம் படிக்கட்டு ஏறுவது அல்லது ஏறி இறங்குவது கூட இதய நோய் அபாயத்தை கணிசமாக குறைக்கும்.
No comments:
Post a Comment