உங்கள் வீட்டில் கண்டிபாகா வளர்க்க வேண்டிய 10 மருத்துவ தாவரங்கள்!!

எந்த ஒரு மூலிகை வேண்டுமென்றாலும் நீங்கள் நாட்டு மருந்து கடை அல்லது எங்கயாவது தேடி அலைய வேண்டியிருக்கும். ஆனால் உங்கள் அழகான வீட்டிலேயே பலன் தரக்கூடிய சில மூலிகை தாவரங்களை உங்கள் வீட்டிலேயே வளர்த்து பயன் பெறலாம்.

 எந்த மாதிரியான மூலிகை செடிகளை எப்படி உங்கள் வீட்டில் வளர்த்து பாரமரிக்கலாம் என்பதை இக்கட்டுரையில் காண்போம்.

துளசி :

துளசி மருத்துவ குணங்களில் தலை சிறந்து இருப்பதால் மூலிகை செடிகளின் ராணி என்றும் பெயர் பெற்று விளங்குகிறது. இதை அப்படியே அல்லது ஹெர்பல் டீ யாக போட்டு சாப்பிடலாம். இந்த துளசியில் நான்கு வகைகள் உள்ளன. ராம துளசி, வன துளசி, கிருஷ்ணா துளசி, கற்பூர துளசி. இதில் கற்பூர துளசி பெரும்பாலும் வெளிபயன்பாட்டிற்கு பயன்படுத்தப்படுகிறது. கற்பூர துளிசி எண்ணெய் காது பிரச்சினைகள் மற்றும் காது சொட்டு மருந்தாக பயன்படுகிறது. மேலும் இந்த ஆயில் சோப்பு, ஷாம்பு போன்று உடம்பை சுத்தப்படுத்தும் பொருளாகவும் அமைகிறது. துளசியில் கிருமி எதிர்ப்பு சக்தி, பூஞ்சை எதிர்ப்பு பொருள்கள், ஆன்டி பாக்டீரியல் பொருட்கள், ஆன்டி பயோடிக் பொருட்கள் போன்றவை காய்ச்சல், சலதோஷம் மற்றும் மூச்சு பிரச்சினைகள் போன்றவற்றிற்கு மருந்தாக பயன்படுகிறது. ராம துளசி இலைகள் நீண்ட நாள்பட்ட மூச்சுப் பிரச்சினைகளுக்கு மருந்தாக பயன்படுகிறது. இந்த துளிசியின் சாறு காய்ச்சல், சலதோஷம், இருமல் மற்றும் சுவாச பிரச்சினைகளை சரி செய்கிறது. மேலும் மலேரியாவை சரி செய்யவும் துளசி பயன்படுகிறது. சீரண பிரச்சினை, காலரா, இன்ஸோமினியா, ஹைஸ்ட்ரியா போன்றவற்றை எதிர்த்தும் செயல்படுகிறது. சுத்தமான துளசி இலைகளை மில்லியன் மக்கள் தினமும் பயன்படுத்தி வருகின்றனர்.

வெந்தயம்:

 வெந்தயம் என்பது மெத்தி என்ற பெயரில் இந்தியாவில் அழைக்கப்படுகிறது. அதன் விதைகள் மற்றும் அதன் இலைகள் நிறைய மருத்துவ குணங்கள் வாய்ந்ததாக உள்ளது. நமது உடம்பை குளிர்ச்சியாக வைப்பதற்கு வெந்தயம் மிகவும் உதவி புரிகிறது. இது எந்த ஒரு சூழ்நிலைக்கும் ஏற்ற படி வளரும் மருத்துவ குணம் வாய்ந்த மூலிகை செடியாகும். உடம்பை ஆரோக்கியமாக வைப்பதற்கும் உடல் எடையை அதிகரிக்கவும் பயன்படுகிறது. வெந்தயம் கல்லீரல் புற்றுநோயை தடுக்கிறது. சீரண சக்தியை அதிகரிக்கிறது. புதிய பாலூட்டும் தாய்மார்களுக்கு பால் உற்பத்தியை அதிகரிக்கிறது. பிரசவ வலி மற்றும் மாதவிடாய் காலங்களில் ஏற்படும் வலிகளை குறைக்கிறது. மேலும் வயிற்றில் ஏற்படும் அலர்ஜி, குடல் அலர்ஜி குடல் அல்சர் போன்றவற்றை தடுப்பதோடு இரத்தத்தில் கொலஸ்ட்ரால் அளவை குறைக்கிறது. கெட்ட சுவாசத்தை தடுக்கிறது. இந்த அற்புதமான மூலிகை செடியை வீட்டிலேயே வளர்த்து நாம் பயன் பெறலாம்.

லெமன் கிராஸ்:

 லெமன் கிராஸ் மற்றொரு மூலிகை செடியாகும். இதையும் வீட்டிலேயே வளர்த்து நாம் பயன் பெறலாம். சின்ன ஒரு ஜாடியில் கூட எளிதாக இதை வளர்க்கலாம். இது எண்ணிலடங்காத மருத்துவ பயன்களை அள்ளித் தருகிறது. இது டீ, சாலட்ஸ், சூப், மற்றும் நிறைய சமையல் வகைகளில் பயன்படுகிறது. இந்த லெமன் கிராஸ் நரம்பு மண்டலத்திற்கு மிகவும் நல்லது. இதிலுள்ள ஆன்டி பைரிடிக் பொருள் அதிகமான காய்ச்சலை கூட குணப்படுத்தி விடுகின்றது. மூச்சுப் பிரச்சினை மற்றும் தொண்டை புண் போன்றவற்றிற்கும் பயன்படுகிறது. மேலும் இது எல்லா விதமான வலிகளான அடி வயிற்றில் வலி, தலைவலி, மூட்டு வலி, தசை வலி, சீரண மண்டல கோளாறுகள், தசை சுருக்கம், வயிற்று வலி போன்றவற்றிற்கும் பயன்படுகிறது

பாசில்:

 ஒரு சிறிய பூந் தொட்டியில் கூட பாசிலை வளர்க்க முடியும். இதுவும் மருத்துவ குணம் வாய்ந்த மூலிகை செடியாகும். நிறைய மக்கள் இதை சமையலில் பயன்படுத்துகின்றனர். தாய் குஷைன் போன்ற உணவு வகைகளில் பயன்படுத்துகின்றனர். மேலும் சாலட், சூப் மற்றும் மற்ற ரெசிபிகளிலும் பயன்படுகின்றனர். இது துளசி செடியிலிருந்து வித்தியாசமான ஒன்றாகும். இது ஸ்வீட் பாசில் என்று அழைக்கப்படுகிறது. வயிற்றில் உள்ள கேஸ் மற்றும் வயிறு மந்தம் போன்றவற்றிற்கு பயன்படுகிறது. பசியின்மைக்கு மருந்தாக பயன்படுகிறது. வெட்டு பட்ட காயங்களுக்கு மருந்தாக பயன்படுகிறது.

கற்றாழை:

 கற்றாழை ஒரு அற்புதமான மூலிகை செடியாகும். இது எங்கு வேணும்னாலும் வளரும். நன்றாக வளர்வதற்கு சூரிய ஒளி தேவை. இது கண்டிப்பாக வீட்டில் வளர்க்க வேண்டிய மூலிகை செடியாகும். இதை உங்கள் வீட்டில் வளர்த்தால் கொசுக்கள் வராமல் இருக்க இது உதவுகிறது. இது வெளி மற்றும் உள் என்ற இரண்டு பயன்பாட்டிற்கும் பயன்படுகிறது. இது நல்ல நீர்ச்சத்தை கொடுக்கக்கூடிய மூலிகையாக உள்ளது., இதிலுள்ள ஆன்டி ஆக்ஸிடன்ட்கள் நோய் எதிர்ப்பு சக்தியை அதிகரித்து நமது உடம்பு வயதாகுவதை தடுக்கிறது. நீங்கள் குறைவான நோய் எதிர்ப்பு சக்தியுடன் இருந்தால் கற்றாழை ஜூஸை தினமும் குடித்து வந்தால் உங்கள் நோய் எதிர்ப்பு சக்தி அதிகரிக்கும். அடிபட்ட மற்றும் வெட்டப்பட்ட காயங்கள் மற்றும் தீ காயங்கள் போன்றவற்றை குணப்படுத்தும் மருந்தாக பயன்படுகிறது. அலற்சியை எதிர்க்கிறது. மேலும் உங்கள் சருமம் மற்றும் தலை முடிகளை பாதுகாக்கிறது. இந்த கற்றாழை ஜூஸை குடித்தால் பசியின்மை, சீரண சக்தி கோளாறுகள், மலச்சிக்கல், குடல் அல்சர் போன்றவற்றை குணப்படுத்துகிறது.

புதினா : 

இந்த மூலிகை செடி உலகளவில் எல்லாராலும் வளர்க்கப்படும் முக்கிய செடியாகும். ஒரு சிறிய தொட்டியில் எல்லா சூழ்நிலைக்கும் பொருந்தக் கூடிய இவற்றை வீட்டிலேயே எளிதாக வளர்க்கலாம். இதில் இயற்கையாகவே மக்னீசியம், விட்டமின் ஏ மற்றும் விட்டமின் சி போன்றவைகள் உள்ளன. இதன் இலைகளிருந்து தயாரிக்கப்படும் சாறு தசைகளுக்கு ரிலாக்ஸ் கொடுக்க பயன்படுகிறது. வாய் துர்நாற்றத்தை போக்குகிறது. மேலும் வாய்வு, வயிற்று மந்தம், காய்ச்சல், எரிச்சலுடன் மலம் கழித்தல், பெருங்குடல் பிரச்சினை போன்றவற்றிற்கு மருந்தாக பயன்படுகிறது. நமது உடலில் பாக்டீரியாக்களின் வளர்ச்சியினை தடுக்கிறது.

வல்லாரை கீரை:

 மற்றொரு வீட்டிலேயே வளர்க்க கூடிய ஈஸியான செடி வல்லாரை ஆகும். இது நமது மூளை வளர்ச்சிக்கும் நினைவாற்றலுக்கும் மிகச் சிறந்த மூலிகை பொருளாகும். இந்த சின்ன மூலிகை செடி அல்சர், சரும பாதிப்பு, இரத்த குழாய் சுருக்கம் போன்றவற்றை சரியாக்குகிறது. நீங்கள் எப்பொழுதும் இளமையாக இருக்க நினைத்தால் இதை தினமும் உணவில் சேர்த்து கொண்டாலே போதும். இதன் இலைகளை கசக்கி பிழிந்த சாறு வெளியில் ஏற்படும் புண்களை குணப்படுத்த பயன்படுகிறது. மேலும் மூளை மற்றும் நரம்பு மண்டல சீரான இயக்கத்திற்கு பயன்படுகிறது. நினைவாற்றலை அதிகரிக்கிறது.

அஸ்வகந்தா:

 அஸ்வகந்தா முந்தைய கால ஆயுர்வேத முறைகளிலிருந்து பயன்படுத்தப்படும் மூலிகை செடியாகும். இதை வீட்டிலேயே வளர்க்கலாம். இது மன அழுத்தம் குறைப்பதற்கும் மற்றும் நரம்பு மண்டல பாதுகாப்பிற்கும் பயன்படுகிறது. இந்த பழைய மூலிகை செடி கருவுறுதல், காயங்களை குணப்படுத்துதல், நோய் எதிர்ப்பு சக்தியை அதிகரித்தல் போன்றவற்றிற்கு பயன்படுகிறது. இதய இயக்கத்திற்கு டானிக்காக செயல்படுகிறது. கண்களின் ஆரோக்கியத்திற்கும் பயன்படுகிறது. மேலும் இது மன அழுத்தத்தை குறைத்து கவலைகள், அனிஸ்சிட்டி போன்றவை வராமலும் தடுக்கிறது. இரத்த சர்க்கரை அளவை கட்டுப்பாட்டில் வைத்தல், கொலஸ்ட்ரால் அளவை குறைத்தல் போன்ற அற்புதமான பலன்களை அள்ளித் தருகிறது.

வேப்பிலை:

 இது மிகவும் பழங்கால மருத்துவ குணம் வாய்ந்த தாவரமாகும். இது ஒரு மரமாக வளரக் கூடியது. இருப்பினும் வீட்டில் வளர்க்க வேண்டிய முக்கியமான மரமாகும். உங்களுக்கு போதுமான இட வசதி இல்லாவிட்டாலும் ஒரு தொட்டியிலும் இதை வளர்த்து கொள்ளலாம். இதில் ஆன்டி செப்டிக் பொருட்கள் உள்ளன. இது உள் மற்றும் வெளி பயன்பாட்டிற்கு பயன்படுகிறது. இதன் இலை சாறு மற்றும் எண்ணெய் ஒரு கிருமி நாசினியாக செயல்படுகிறது. பெரியவர்கள் முதல் சிறியவர்கள் வரை அனைவரும் இந்த மூலிகையை பயன்படுத்தி கொள்ளலாம்.

லெமன் பாம்:

 வீட்டில் வளர்க்கக்கூடிய மற்றொரு தாவரம் லெமன் பாம் ஆகும். இதன் இலைகள் பார்ப்பதற்கு லெமன் மர இலைகளை போல் இருப்பதால் இந்த பெயர் பெற்றுள்ளது. இதன் இலைகளை கசக்கி அதன் சாற்றை உடம்பில் தேய்த்து கொண்டால் இயற்கை கொசு விரட்டியாக செயல்படும். தொண்டை புண், சலதோஷம், காய்ச்சல், தலைவலி, மன அழுத்தம், சீரண மண்டல பிரச்சினைகள் போன்றவற்றிற்கும் பயன்படுகிறது.

Read More

நீங்கள் சுவாசிக்கும் காற்றினை சுத்தப்படுத்திக் கொள்ள வேண்டுமா? இதோ எளிய வழி | Super Indoor Plants Which Can Actually Purify the Air in Your Home

 பெருகி வரும் காற்று மாசினால் சுற்று சூழல் பெருமளவு பாதிப்புக்குள்ளாகி வருகிறது. சுத்தமான காற்றை சுவாசிப்பதே கடினமாகிவிட்டது. முடிந்த வரை நம் சுற்றுப்புறத்தை மரங்களால் பாதுகாக்க வேண்டும். குறைந்தபட்சம்  நாம் நமது வீட்டை சுற்றி மரங்கள் ஒன்றோ, இரண்டோ மரங்களை நட வேண்டும். அதுமட்டுமல்லாது செடி, கொடிகளை வளர்த்து மாசில் இருந்து நம்மையும், நம்மை சுற்றி உள்ளவர்களை பாதுகாக்கும். 

நகரங்கில் குடிருப்பவர்களுக்கு சுத்தமான காற்று என்பது சற்று கடினமாகிவிட்டது. வீட்டில் உள்ள காற்றை தூய்மை ஆக்குவதற்கு என்று சில செடிகளை பரிந்துரைக்கிறார்கள். இந்த வகை செடிகளை வீட்டில் வளர்க்கும் போது காற்று சுத்தமாவதுடன், நமக்கு புத்துணர்ச்சி அளிக்கிறது. உங்கள் அனைவருக்கும் ’ Natural Air Purifier ‘ பற்றி தெரிந்து கொள்ள வேண்டுமா? நம் நாட்டின் சீதோஷ்ண நிலைக்கு ஏற்ற, அதிக நன்மைகளை தரும் செடிகளைப் பற்றிய பார்வை  இதோ…

கற்றாழை (Aloevera)

கற்றாழை செடி வீட்டிற்குள்ளும், வெளியிலும் வளர கூடிய செடி. கிரமங்களில் வீட்டிற்கு வெளியில் கட்டி தொங்க விட்டிருப்பார்கள். நெடுங்காலமாக ஆயர்வேத மருத்துவத்திலும், சித்த மருத்துவத்திலும் போற்றக்கூடிய ஒரு மூலிகை செடி என்றே கூறலாம். அது மட்டுமின்றி  காற்று சுத்திகரிப்பிலும் கற்றாழை முக்கியப்பங்கு வகிக்த்து வருகிறது என்பது பலருக்கும்  அறியாத ஒன்று. காற்றில் எப்போதும் புத்துணர்ச்சி இருப்பதை உறுதிசெய்கிறது இது. சருமம் சார்ந்த பிரச்னைகளுக்கு கை கொடுக்கும் மருந்தாக விளங்கி வருகிறது.

மூங்கில் செடி (Bamboo Plant)

மூங்கில் மரங்கள் மற்றும் செடிகளை நாம் பல நேரங்களில், காடுகளில் தான் பார்த்திருப்போம்.  ஆனால் தற்போது அந்த மூங்கில் செடி நம் வீட்டை அலங்கரிக்கவும் பயன்படுகிறது. காற்றில் கலந்துள்ள ஃபார்மால்டிஹைட் நச்சுக்களை நீக்குவதோடு இயற்கையான ஈரப்பதனியாகச் செயல்படுவதாக கண்டுபிடிக்கப் பட்டுள்ளது.எனவே இவ்வகை செடிகளை நீங்கள் தாராளமாக வீட்டிலேயே வளர்க்கலாம்.

மருள் (Snake Plant)

மருள் தண்ணீரின்றி பல நாட்கள்  வாழக்கூடியது. குறைந்த வெளிச்சதிலும் நன்கு செழித்து வளர கூடியது. எல்லாவற்றிற்கும் மேலாக நைட்ரஜன் ஆக்ஸைடு மற்றும் ஃபார்மால்டிஹைடைக் கிரகித்து ஆக்சிஜனை நாள் முழுவதும்  வெளிப்படுத்தும்  தன்மை கொண்டவை. இது படுக்கையறையில் வைபதற்கு ஏற்ற தாவரமாகும். நாசாவால் அடையாளம் காணப்பட்ட சிறந்த காற்று சுத்திகரிப்பு தாவரங்களில் இதுவும் ஒன்று.

மணிபிளான்ட் (Money plant)

நம்மில் பலருக்கும் மணி பிளான்ட் என்றால் செல்வதை கொடுக்கும் தாவர இனம் என்று  மட்டுமே தெரியும். ஆனால் காற்றைச் சுத்தப்படுத்தும் தாவரங்களின் பட்டியலில் மூன்றாம் இடம் பிடித்திருக்கும் இந்தச் செடி, கார்பன் மோனாக்சைடு வாயுவை உறிஞ்சிக்கொண்டு காற்றின் அளவை அதிகரிக்கச் செய்யும் தன்மை கொண்டது. இந்த செடியை டெவில் ஐவி என்றும் சொல்வார்கள். இந்த செடியானது வீட்டில் உள்ள ஃபார்மால்டிஹைடு, பென்சைன் மற்றும் சைலின் போன்ற தூசிகளை முற்றிலும் வெளியேற்றி, வீட்டை குளிர்ச்சியுடன் வைத்துக் கொள்ளும்

எலுமிச்சைப்புல் (Lemon grass)

அருகம்புல், கோதுமைப்புல் போல எலுமிச்சைப் புல்லும் நமக்கு நன்மை பயக்கும் செடி என்கிறார்கள்.  நல்ல வாசனையை தரக் கூடியது, இதனால் லெமன் கிராஸ் பாக்டீரியாக்கள், காற்றில் உள்ள நுண்ணுயிர்கள் இவற்றை அழித்து சுத்தமான காற்றை தருகிறது.

ஐவி (Ivy)  

இது படரும் தன்மை கொண்ட கொடி. இதை பல  வீடுகளில் அழகுக்காக முகப்பில் படர விட்டிருப்பதைப் பார்த்திருப்போம். இவ்வகை செடி அழகு மட்டுமல்ல, ஆரோக்கியமானதும் கூட என்றால் நம்ப முடிகிறதா. அதிலும் குறிப்பாக ஆஸ்துமா மற்றும் அலர்ஜி பிரச்சனை உள்ளவர்கள், வீட்டில் இதனை வளர்ப் பது நல்லது. இது காற்றில் உள்ள ஃபார்மால்டிகைடு மற்றும் அசுத்தத்தை நீக்கக்கூடியது. வறட்சியிலும் எளிதாக வளரக் கூடிய தன்மை கொண்டது.

Read More

இந்த 6 பழங்கள் சாப்பிட்டால் மன அழுத்தம் போகும் !

 துரிதமான வாழ்க்கையில், அதிக போட்டி நிறைந்த உலகில் மன அழுத்தம் (Stress) என்பது உலகம் முழுவதும் உள்ள பலருக்கு ஒரு முக்கிய கவலையாகவும் பிரச்சனையாகவும் உள்ளது. கவலை, மன அழுத்தம் ஆகியவை பல கடுமையான நோய்களுக்கு வழிவகுக்கிறது. சில நேரங்களில் இது ஆரோக்கியத்துடன் தொடர்புடையதாக இருக்கலாம்.

மன அழுத்தம் (Stress)

சரியான நேரத்தில் மன அழுத்தத்திற்கு சிகிச்சையளிக்கப்படா விட்டால், அது மன ஆரோக்கியத்திற்கு பெரும் அச்சுறுத்தலாக மாறும் என்று சுகாதார நிபுணர்கள் கூறுகின்றனர். மன அழுத்தத்தை எதிர்த்துப் போராடுவதில் பயனுள்ளதாக இருக்கும் சில பழங்களை (Fruits) தினமும் உணவில் சேர்த்தால் உற்சாகமாக இருக்கலாம்.

கொய்யா (Guava)

கொய்யாப் பழத்தில் வைட்டமின் சி அதிகளவில் காணப்படுவதால், குளிர் காலத்தில் இதனை உட்கொள்வதன் மூலம், பல நோய்களை எதிர்த்துப் போராடும் வலிமையை கூடுதலாக பெறலாம்.

திராட்சை (Grape)

திராட்சையில் நீர் சத்து, சோடியம், பொட்டாசியம் மற்றும் இரும்புச்சத்து நிறைந்துள்ளது. இது மன அழுத்தத்தை போக்க சிறந்த வழி.

கிவி (kiwi)

கிவி மன அழுத்தத்தைப் போக்க வந்த வரம் எனக் கூறினால் மிகையில்லை. இதில் இரும்புச்சத்து மற்றும் போலிக் அமிலம் நிறைந்துள்ளது. எனவே இந்த பழம் மன அழுத்தத்தை சமாளிக்க மிகவும் பயனுள்ளதாக இருக்கும்.

ஆரஞ்சு (Orange)

ஆரஞ்சு மன அழுத்தத்தை நீக்குகிறது. இதில் வைட்டமின் சி அதிகம் உள்ளதால் மன அழுத்தத்தை நீக்குகிறது என்று ஒரு ஆராய்ச்சியில் கண்டறியப்பட்டுள்ளது.

வாழை (Banana)

பல வைட்டமின்கள், பொட்டாசியம் மற்றும் பாஸ்பரஸ் வாழைப்பழத்தில் காணப்படுகின்றன. மன அழுத்தத்தில் வாழைப்பழம் சாப்பிடுவது நன்மை பயக்கும்.

புளுபெர்ரி (Blueberry)

புளுபெர்ரி எனப்படும் அவுரிநெல்லியில் வைட்டமின் சி, ஏ, பி, ஈ போன்றவை நிறைந்துள்ளன. இது மன அழுத்தத்தைப் போக்கி, உடலை வலுவாக வைத்திருக்கும் என்று ஆய்வு ஒன்றில் தெரிய வந்துள்ளது. அதே நேரத்தில், இது நியாபக சக்தியையும் அதிகரிக்கிறது

Read More

வீட்டுத்தோட்டத்தில் புதினா வளர்ப்பு - நடவு, வளர்ச்சி, அறுவடை - மிக எளிமையான வழிமுறைகள்

 புத்துணர்ச்சியான மற்றும் குளுமையான புதினாவை விதையிலிருந்து வளப்பது என்பது மிகவும் எளிமையானது. மேலும் புதினா மிக விரைவாக வளரும் தன்மையுடையது. வீட்டில் தோட்டம் வைத்து பராமரிப்பவர்கள் பெரும்பாலும் தொட்டிகளில் தான் புதினாவை வளர்த்து வருகிறார்கள். நறுமணமுள்ள தாவரங்கள் தொட்டிகளிலிருந்து எளிதாக வளரும் என்பதால் வீட்டுத் தோட்டம் வைக்க விரும்புவர்களுக்கு மிகவும் ஏற்றதாக இருக்கும். எல்லோருக்கும் தெரிந்த புதினாக்களில் இரண்டு வகை உள்ளது. ஒன்று ஸ்பியர் வகை புதினா, மற்றொன்று மிளகுக்கீரை இவை புதினா செடியின் தண்டு, நறுமண இலை, புத்துணர்ச்சியூட்டும் சுவை ஆகியவற்றால் வேறுபடுகிறது.

புதினா: 

புதினா ஒரு பிரபலமான மூலிகையாகும். புதினா பசுமையாக அல்லது உலர்ந்த நிலையில் ஆகிய இருமுறைகளில் பயன்படுத்தப்படுகிறது. புதினா எண்ணெய் நறுமணத்திற்காக பற்பசை, கம், கேண்டி, மற்றும் அழகு சாதனப்பொருட்களில் பயன்படுத்தப்படுகின்றன.

புதினாவின் பயன்கள்

1. ரோஸ்மாரினிக் அமிலம் எனும் அழற்சியை எதிர்க்கும் அமிலத்தைக் கொண்டுள்ளதால் இயற்கையான முறையில் அலர்ஜி சம்மந்தமான தொல்லைகளுக்கு தீர்வு அளிக்கிறது. 
2. தாய்மார்கள் பாலூட்டும் போது காம்புகளில் ஏற்படும் விரிசல்கள், வலிகளை மிளகுக் கீரைக் குணப்படுத்துவதாக மருத்துவர்கள் தெரிவித்துள்ளனர். 
3. தேநீருடன் கலந்துக் குடிக்கும் போது தொண்டை வலியைக் குறைக்கிறது மேலும் சளித் தொல்லைகளிலிருந்து விலக்கு அளிக்கிறது. 
4. அதுமட்டுமில்லாமல் அல்சர், வயிறு சம்மந்தமான அனைத்துப் பிரச்சினைகளிலிருந்தும் புதினா விடுதலை அளிக்கிறது.

3 அடி வளரும் எளிதில் வற்றாத வகை தாவரமானதால் ஈரப்பதமுள்ள வடிகட்டிய மணலில் நன்கு வளரக்கூடியது. மேலும் புதினா செடிகள் 3 அடி நீளம் வரை வளரும். அமெரிக்கா முதலிடம் உலகில் 70 சதவீதம் புதினா மற்றும் மிளகுக்கீரையை அமெரிக்கா விளைவிக்கிறது. விளைச்சலில் பாதி பகுதியை பபிள் கம்மின் நறுமணத்திற்காகப் பயன்படுத்துகிறார்கள்.

 

புதினா- பயிரிடுதல், வளர்ச்சி, அறுவடை 

1.எல்லா வகையான புதினாக் விதைகளும் எளிதாக பரப்பபட்டு நன்கு வளரக்கூடியது. 
2.புதினா நாற்றுகளை தேவையான தண்ணீர் விடப்பட்ட செழுமையான மண்ணில் நட வேண்டும் 
3.கோடைகாலத்தில் அறுவடை செய்யவதாக இருந்தால் உலர்ந்த அல்லது புதிய நாற்றுகளை பயன்படுத்தவும். 
4.பூச்சிகளிடம் இருந்து தற்காத்துக் கொள்வதற்காக காலை நேரங்களில் தண்ணீர் விடுங்கள். 

5. ஆப்பிட்ஸ், முட்டைகோஸ் லூப்பர்கள், வண்டுகள், சிலந்திப்பூச்சிகள் புதினா செடிகளில் இருக்கின்றனவா என்பதை தொடர்ந்து கண்காணிக்க வேண்டும்.

சூரிய ஒளி :

பகுதி சூரிய ஒளி நிழலில் அறுவடை காலம் - விதை விதைத்த நாளிலிருந்து 75-90 நாட்கள் உயரம் - 12 முதல் 24 இன்ச் வரை வளரும். உழவு நிலத் தயாரிப்பு புதினா வளர்வதற்கு நீர் ஆதாரம் அதிகமாகத் தேவைப்படுகிறது. புதினா வளர்வதற்கு மண்ணோ, ஒளியையோ பற்றி கவலைப்படுவதில்லை. ஆனால் புதினா வளர்வதற்கு நீர் என்பது மிகவும் முக்கியமானது. புதினாவுக்கான நிலத்தை தயார் செய்யும் போது ஏராளாமான கரிம உரங்களை இயற்கை உரங்களை அதிகமாக மண்ணில் செலுத்த வேண்டும். புதினா செடிகளை களை எடுக்கும் போது விலங்கு கழிவுகளால் தயாரிக்கப்பட்ட உரங்கள் சிரமத்தை ஏற்படுத்துவதால் விலங்கு கழிவு உரங்களை தவிர்க்க வேண்டும்.

எப்படி நடவு செய்ய வேண்டும்: 

வீட்டிற்குள் பயிர் செய்யப்படும் புதினா விதைகளை மண்ணின் மேற்பரப்பிற்கு சில அடியில் பயிரிட வேண்டும்.மாறாகத் தொட்டியில் பயிரிடுகிறோம் என்றால் குறைந்தது 10 இன்ச் தூரமாவது விதைகளை மண்ணில் புதைந்திருக்க வேண்டும். மண்ணிலிருந்து ஒரு பயிருக்கும் மற்றொரு பயிருக்கும் இடையில் எல்லாத் திசைகளிலும் ஒன்று முதல் இரண்டு அடி இடைவெளியை நிர்ணயிக்க வேண்டும். அதே சமயத்தில் பனிக்காலங்களில் புதினவை பயிர் செய்ய விரும்பினால் பனிக்காலம் தொடங்குவதற்கு நான்கில் இருந்து ஆறு வாரங்கள் முன் விதைகளை பயிரிட வேண்டும்.

அறுவடை மற்றும் சேமித்தல் 

புதினா இலைகளை தொடர்ச்சியாக அறுவடை செய்யுங்கள். அதே சமயத்தில் புதினாக்களை அதிகாலையில் பனி படர்ந்திருக்கும் போது அறுவடை செய்வதென்பது மிகச் சிறந்த வழியாகும். புதினாவை உலரவைத்து அதன் அடிப்பகுதித் தண்டினை நறுக்க வேண்டும். இருண்ட நன்கு காற்றோட்டமான அறையில் குறைந்த பட்சம் இரண்டு வாரமாவது வைத்திருங்கள்.

பூச்சி, நோய்த் தாக்குதல்: 

பொதுவாக எல்லாத் தாவரங்களுக்கும் பூச்சி மற்றும் நோய்த் தாக்குதல் இருக்கும். அதே போல் புதினா பயிருக்கும் அஃபிட்ஸ், முட்டைக்கோஸ் லூப்பர்கள், வண்டுகள், சிலந்தி போன்ற பூச்சிகளின் தாக்குதல் இருக்கும். குறைந்த பட்ச பூச்சிக் கொல்லிகளுடன், இயற்கையான பூச்சிக்கொல்லிகளைப் பயன்படுத்தி பூச்சிகளின் தாக்குதலை கட்டுப்படுத்தலாம். அதே மாதிரி பயிர்களும் பூஞ்சைத் தொற்றால் நோய்வாய்ப் படுகின்றன. பூஞ்சையால் பாதிக்கப்பட்ட இலைகளை கையால் கத்தரித்து இயற்கையான் பூஞ்சைக் கொல்லிகளை பயிரில் தெளிக்கவும்.

Read More

குளிர்காலத்துல நீங்க ஏன் கட்டாயம் மீன் சாப்பிடணும்? அப்படி சாப்பிடலனா என்னவாகும் தெரியுமா?

 குளிர்காலம் என்றாலே, பகல் நேரம் குறைவாகவும் இரவு நேரம் அதிகமாகவும் இருக்கும். குளிர்காலத்தில் குளிர் நம்மை வாட்டி வதைக்கும்.

இவை மட்டுமல்லாது குளிர்காலம் நமக்கு பல பிரச்சனைகளை ஏற்படுத்தும். குளிர்காலம் நெருங்க நெருங்க நமது நோய் எதிர்ப்பு சக்தி குறையும். இதனால் விரைவில் உடல்நலக் கோளாறு ஏற்படுகிறது. குளிர்காலத்தில் சளி, காய்ச்சல், இருமல் என ஏற்படுவது வழக்கம். அதைத்தொடர்ந்து, நம் உடலில் உள்ள தசைவலி, பிடிப்புகள் மற்றும் தோல் பிரச்சினைகள் மோசமடையத் தொடங்குகின்றன. இதற்கு முக்கிய காரணம் நாம் சாப்பிடும் உணவு. நாம் நம் உணவில் கவனம் செலுத்தவில்லை என்றால், இந்தப் பிரச்சனைகள் தொடரும்.

நீங்கள் ஆரோக்கியமாக இருக்க வேண்டும் என்றால், இந்த உணவை உங்கள் உணவில் சேர்த்துக் கொள்ளுங்கள். நம் உணவானது உடலுக்கும், மனதிற்கும் ஆரோக்கியம் தருவதாக இருக்க வேண்டும். இதனை நன்றாக அறிந்த நம் முன்னோர்கள் பருவத்திற்கேற்ப சத்தான உணவுகளை உட்க்கொண்டு ஆரோக்கியமாக வாழ்ந்தனர். எனவே குளிர்க்கால பருவத்திற்கேற்ற ஒரு சிறந்த உணவைப் பற்றி இக்கட்டுரையில் காணலாம்.

மீன் சாப்பிடுவதால் கிடைக்கும் நன்மைகள்

குளிர்காலம் தொடங்கியவுடன், நமது நோய் எதிர்ப்பு சக்தியை நாம் அதிகரிக்க வேண்டும். ஏனெனில், குளிர்காலத்தில் பாக்டீரியாவால் பரவும் நோய்கள் அதிகம் பரவுகின்றன. காற்றில் உள்ள ஈரப்பதம் அவை இனப்பெருக்கம் செய்வதை எளிதாக்குகிறது. எனவே, குளிர்காலத்தில் ஆரோக்கியமான உணவுகளை சாப்பிடுவது மிக முக்கியம். இதனால் நமது உடல் இந்த பாக்டீரியாக்களுக்கு எதிராக ஒரு கவசத்தை உருவாக்குகிறது. இதுபோன்ற அனைத்து வகையான நோய்களிலிருந்தும் நம்மைப் பாதுகாக்கும் ஒரு உணவு தான் மீன். குளிர்காலத்தில் மீன் ஏன் சாப்பிட வேண்டும் என்பதை அறிய இக்கட்டுரையை தொடர்ந்து படியுங்கள்.

இருமல் மற்றும் சளியை எதிர்த்துப் போராடுகிறது

மீன்களில் காணப்படும் ஒமேகா-3 கொழுப்பு அமிலங்கள் நமது நுரையீரலுக்கு காற்றோட்டத்தை அதிகரிக்க உதவுகின்றன. எனவே உங்கள் நுரையீரலை தொற்றுநோயிலிருந்து இது பாதுகாக்கிறது. மேலும் குளிர்காலத்தில் சளி மற்றும் காய்ச்சலைத் தடுக்கிறது.

சருமத்திற்கு நல்லது

குளிர்காலத்தில், நம் தோல் அடிக்கடி வறட்சியாக காட்சியளிக்கும். மீன்களில் காணப்படும் ஒமேகா-3 மற்றும் ஒமேகா-3 கொழுப்பு அமிலங்கள் உங்கள் தோலின் மேலுள்ள அடுக்குக்கும் சருமத்திற்கும் இடையில் ஒரு தடையை உருவாக்க உதவுகின்றன. எனவே, இவை சருமம் வறண்டு போவதைத் தடுக்க உதவுகிறது.

கீல்வாதத்தை எதிர்த்துப் போராட உதவுகிறது

குளிர்கால மாதங்களில் மூட்டுவலி மற்றும் வலி ஆகியவை ஏற்படுவது வழக்கம். இந்த வலிமிகுந்த பிணைப்பை உடைக்க சிறந்த வழி மீன் சாப்பிடுவதாகும். ஒமேகா -3 கொழுப்பு அமிலங்கள் வீக்கத்தைக் குறைப்பதன் மூலமும் கீல்வாத அறிகுறிகளைக் குறைத்து, இத்தகைய நிலைமைகளை எதிர்த்துப் போராட உதவுகின்றன.

நல்ல கொழுப்பு

நிபுணர்களின் கூற்றுப்படி, மீனில் ஒமேகா -3 கொழுப்பு அமிலங்கள் நிறைந்துள்ளன. நல்ல கொழுப்பாகிய இது மூளை மற்றும் கண்களை ஆரோக்கியமாக வைத்திருக்க உதவுகிறது. மேலும், மீன் சாப்பிடுவது தாய்மார்களுக்கும் நல்லது என்று கருதப்படுகிறது.

ஆரோக்கியமான இதயம்

மீனில் பூஜ்ஜிய நிறைவுற்ற கொழுப்பு உள்ளது என்பது நிரூபிக்கப்பட்டுள்ளது. இது இதயத்திற்கு நன்மையளிக்கிறது. நிபுணர்களின் கூற்றுப்படி, வாரத்திற்கு ஒரு முறை மீன் சாப்பிடுவது இதய நோய்களைத் தடுக்க உதவுகிறது.

வைட்டமின் டி-யின் ஆதாரம்

மீன் வைட்டமின் டி-யின் வளமான மூலமாகும். மேலும் சுவாரஸ்யமாக, இது மற்ற ஊட்டச்சத்துக்களை உடலால் உறிஞ்சுவதற்கு உதவுகிறது . உங்களை ஆரோக்கியமாக வைத்திருக்க மீன் உதவுகிறது.

மனச்சோர்வை எதிர்த்துப் போராட உதவுகிறது

குளிர்கால நாட்கள் உங்களுக்கு சோம்பலை ஏற்படுத்துகிறது. மேலும், இந்நாட்கள் உங்களுக்கு மனச்சோர்வையும் ஏற்படுத்துவதால், மீன் சாப்பிடத் தொடங்குங்கள். தி ஜர்னல் ஆஃப் சைக்கியாட்ரி & நியூரோ சயின்ஸின் கூற்றுப்படி, மீன் மற்றும் மீன் எண்ணெயை வழக்கமாக உட்கொள்வது மனச்சோர்வை எதிர்த்துப் போராட உதவுகிறது.

கண்களுக்கு நல்லது

ஆரோக்கியமான கண்கள் அதிக அளவு ஒமேகா-3 கொழுப்பு அமிலங்களைக் கோருகின்றன. சுகாதார ஆராய்ச்சி மற்றும் தரத்திற்கான ஏஜென்சியின் படி, மீன்கள் கண்களை ஆரோக்கியமாக வைத்திருக்கும் கொழுப்பு அமிலங்களை அதிக அளவில் வழங்குகிறது.

Read More

எது ஆரோக்கியமான உணவு ?

 ஆரோக்கியமான உணவு உட்கொள்ளவது என்றால் ரொட்டி, பாஸ்தா மற்றும் தானியங்கள், இதில் ஒவ்வொரு தானியம் முலைகட்டியதும் மற்றும் தவிடு சேர்ந்தது ஆகும்.

பழங்கள் மற்றும் காய்கறிகளில் வைட்டமின்கள், தாதுக்கள் மற்றும் நார்ச்சத்து நிறைந்தவை. பல்வேறு நிறங்கள் உடைய பழங்கள் மற்றும் காய்கறிகள் எடுப்பதன் மூலம் அதிகமான ஊட்டச்சத்துகளை பெற முடியும்.

பழச்சாறுகளை காட்டிலும் முழு பழங்கள் அல்லது காய்கறிகளை சாப்பிடுவது நல்லது, ஏனெனில் இது அதிக நார்சத்து கிடைக்கும். பழம் மற்றும் காய்கறிகள் உண்பதன் மூலம் இதய நோய், வகை 2 நீரிழிவு, மற்றும் புற்றுநோய் ஆகியவை வராமல் பாதுகாக்க முடியும் என்று ஆராய்ச்சி கூறுகின்றது.

உடலில் திசுக்களை சரிசெய்வதற்கு முக்கியமானது, புரதம் நிறைந்த உணவுகள் பலவற்றில் இரும்பு, மக்னீசியம் மற்றும் ஜிங்க் போன்ற கனிமங்களைக் கொண்டிருக்கின்றன.

புரதங்கள் நிறைந்த உணவுகளாக இறைச்சிகள், மீன், மற்றும் முட்டைகள் ஆகியவை கூறப்படுகின்றது. பீன்ஸ், நட்ஸ், சோளம் மற்றும் சோயா ஆகியவை ஒரு சைவ உணவு உண்பவர்களுக்கு புரத உணவுகளாக உள்ளது.

கால்சியம் நிறைந்த உணவு ஆரோக்கியமான எலும்புகள் மற்றும் பற்களுக்கு ஊக்குவிக்கிறது. பால் பொருட்கள் கால்சியம் சத்துக்கு ஆதாரமாக உள்ளன. குறைந்த கொழுப்பு பால், தயிர் மற்றும் சீஸ் பரிந்துரைக்கப்படுகிறது.

தவிர்க்க வேண்டிய உணவுகள்:

அளவான உணவை எடுத்து கொள்ள வேண்டும். பதப்படுத்தபட்ட உணவுகளை தவிர்க்க வேண்டும். செயற்கையான சர்க்கரை உண்ண கூடாது. விலங்குகளில் இருந்து வரும் கொழுப்பு உணவுகளை தவிர்க்க வேண்டும்.

சோடியம் உள்ள உணவுகளை தவிர்க்க வேண்டும். ஆரோக்கியம் இல்லாத உணவை தவிர்ப்பதே நாம் உடக்குக்கு செய்யும் பெரிய கைமாறு ஆகும்.

Read More

குறுகிய காலத்தில் வீட்டில் வளரக்கூடிய காய்கறிகள்! -கிச்சன் கார்டன் -

 உணவில் கலப்படம் செய்வது என்பது காலம் காலமாக நடந்து வரும் ஒரு அநீதி ஆகும். ஒரு பக்கம் உணவில் கலப்படம் செய்வது அதிகாித்து வருவதைப் பற்றி ஏராளமான விவாதங்கள் மற்றும் கருத்து மோதல்கள் நடந்து கொண்டிருக்கின்றன. மறுபக்கம் தனி மனிதா்கள் பலா், தமது சொந்த நிலங்களிலோ அல்லது மொட்டை மாடிகளிலோ காய்கறிகளைப் பயிா் செய்து கொண்டிருக்கிறாா்கள். அதன் மூலம் சுற்றுப்புறமும், நிலத்தடி நீரும் மாசடைந்து இருக்கும் இந்த சூழலில், கலப்படம் இல்லாத, பச்சைக் காய்கறிகளைப் பயிாிட்டு, அவற்றை அறுவடை செய்து உண்ண முடியும் என்று நம்புகிறாா்கள்.

நமது வீட்டின் சமையலறையில் பயன்படுத்த கூடிய காய்கறி, கீரைகள் மற்றும் மூலிகை செடிகளை வீட்டில் தொட்டிகளில் வளர்த்து நமக்கு தேவையான காய்கறிகளை தேவையான போது உடனுக்குடன் பறித்து சமைக்கும் போது அதன் சுவையும், ருசியும் தனி. அத்துடன் இயற்கையான முறையில் நாமே வளர்த்து பயன்படுத்தும் காய்கனி மற்றும் கீரைகளில் இரசாயன உரங்களின் கலப்பு தவிர்க்கப்படுகிறது.

காய்கறிகளைப் பயிா் செய்வது என்பது ஒரு ஆத்ம திருப்தியை அளிக்கிறது. ஆனால் அதே நேரத்தில் காய்கறித் தோட்டங்களை வளா்க்க வேண்டும் என்றால் அதற்கு ஒரு குறிப்பிட்ட அளவு காலம் மற்றும் மனித உழைப்பு ஆகியவைத் தேவைப்படுகின்றன. பல காய்கறிகள் விளைவதற்கு அதிக காலம் எடுத்துக் கொள்கின்றன. அதனால் தினமும் காய்கறிகள் விளைந்துவிட்டனவா என்று செடிகளைப் பாா்த்துக் கொண்டிருப்பதே பலருக்கும் வேலையாக இருக்கும்.

ஆகவே காய்கறிகளை விளைவிக்க விரும்பும் எவரும் விரைவாக காய்கறிகளை விளைவிக்க வேண்டும் என்றால் பின்வரும் காய்கறிகளைப் பயிாிடலாம்.

முள்ளங்கி:

 முள்ளங்கி மிக விரைவாக விளைச்சலைக் கொடுக்கும் ஒரு காய் ஆகும். அதாவது பயிாிட்ட மூன்று முதல் நான்கு வாரங்களுக்குள் முள்ளங்கி விளைச்சலைத் தரும். முள்ளங்கியை வளா்ப்பது மிகவும் எளிது. இதை பானைகளில் அல்லது தொட்டிகளில்கூட வளா்க்கலாம். முள்ளங்கி விதையிட்ட மூன்று முதல் நான்கு நாட்களுக்குள் முளைப்பயிா் வந்துவிடும்

கேரட்: 

கேரட் மிக வேகமாக வளரக்கூடிய காய் அல்ல. ஆனால் விரல் நீள அளவு கேரட்டுகள் வேண்டும் என்றால் கேரட்டை பயிா் செய்யலாம். ஆறு வாரங்களுக்குள் விரல் நீளமுள்ள அதே நேரத்தில் மிருதுவான கேரட் கிடைக்கும். பானைகள் அல்லது தொட்டிகளில் கேரட்டை பயிா் செய்தால், அவற்றில் உள்ள மண்ணின் மேல் கேரட் விதைகளைத் தூவ வேண்டும். அதற்கு மேல் சலித்த மண்ணை இட்டு மூட வேண்டும்.

பசலைக் கீரை:

 பசலைக் கீரையை விதைத்த 30 நாட்களில் அறுவடை செய்யலாம். அதாவது ஒவ்வொரு மாதத்தின் தொடக்கத்திலும் பசலைக் கீரை விதைகளை விதைத்தால் அந்த மாத முடிவில் பசலைக் கீரையை பறிக்கலாம். பசலைக் கீரையை சேலட் மற்றும் பாஸ்தா போன்ற உணவுகளில் பயன்படுத்தலாம்

அவரை: 

  அவரைக்காய் கோடை வெயிலுக்கு மிகவும் பயனுள்ள ஒரு காய் ஆகும். அவரை மிக வேகமாக விளைச்சலைக் கொடுக்கும். அவரையானது மண்ணுக்கு சத்தைத் தருகிறது. அவரை தனது வோ்களில் வளிமண்டல நைட்ரஜனை தேக்கி வைத்திருக்கிறது. செடிகள் இறக்கும் தருவாயில் இருக்கும் போது, இந்த நைட்ரஜனை வெளியேற்றி செடியையும், மண்ணையும் காக்கிறது. புதா் வகை அவரையை வளா்த்தால் 50 நாட்களில் அறுவடை செய்யலாம்.

வெங்காய கொத்து:

 வெங்காய கொத்து (இலை) பயிாிட்ட 3 அல்லது 4 வாரங்களில் வெங்காயக் கொத்துகளை அறுவடை செய்யலாம். வெங்காய இலைகளை சூப்புகள் அல்லது வறுத்த உணவுகளில் கலந்தால் அவை பாா்ப்பதற்கு அழகாக இருப்பதோடு, அவற்றுக்கு சுவையையும் கொடுக்கும். வெங்காயத்தைப் பயிாிட்டு, முழு வெங்கயாத்தை அறுவடை செய்ய வேண்டும் என்றால் அதற்கு 6 மாதங்கள் தேவைப்படும். ஆனால் வெங்காயக் கொத்துகளை 4 வாரங்களுக்குள் அறுவடை செய்யலாம்.

Read More

கட்டிலின் கீழ் காளான் வளர்த்து, மாதம் ரூ. 90,000 சம்பாத்தியம்.

 இது பினாவின் கடின உழைப்பாகும், இதன் காரணமாக காளான் வளர்ப்பு இப்போது 105 அண்டை கிராமங்களிலும் பிரபலமாகிவிட்டது. இந்த பகுதிகளில் இருந்து சுமார் 10,000 கிராமப்புற பெண்களுக்கு பினா பயிற்சி அளித்துள்ளார்.

பல வருடங்களுக்கு முன்பு பீனாவின் முங்கர் மாவட்டத்தில் உள்ள தோரி கிராமத்தில் பினா தேவி திருமணம் செய்து கொண்டார். நாட்டின் பெரும்பாலான கிராமங்களில் இருந்ததைப் போலவே அங்கேயும் இருந்தது. மற்ற பெண்களைப் போலவே, அவளும் வீட்டின் நான்கு சுவர்களுக்குள் வாழ்ந்து, வீட்டு வேலைகளுக்கும் அதிக நேரம் செலவிட்டாள். கிராமத்தில் பெண்கள் வீட்டிற்கு வெளியே வேலை செய்ய முடியாது என்று நம்பப்பட்டது

ஆனால் பினா அப்படி இல்லை என்பது பலருக்கு தெரியாது. சிறிது ஊக்கம் மற்றும் பயிற்சியுடன், இந்த பெண் விவசாயத்தில் முயற்சித்து விரைவில் முங்கர் முழுவதும் 'காளான் பெண்' என்று புகழ் பெற்றார். இது மட்டுமல்லாமல், அவர் தன்னைப் போன்ற பல பெண்களுக்கு அதிகாரம் அளித்தார். தனது தைரியம் மற்றும் பொறுமையின் உதவியுடன், பீனா அந்த நிலையை அடைந்தார், அதற்காக அவர் இந்திய குடியரசு தலைவரால் கௌரவிக்கப்பட்டார்.

அரசாங்கத்தின் கீழ், முங்கரில் உள்ள கிரிஷி விக்யான் மையம் பல பெண்களுக்கு விவசாயத்தில் பயிற்சி அளிக்கிறது. பீனாவும் அங்கிருந்து பயிற்சி பெற்றார். அவர் சிறந்த இந்தியாவிடம், “எனக்குள் ஒரு தீ இருந்தது. நான் ஏதாவது செய்ய வேண்டும், நான் ஒரு வழியைத் தேடிக்கொண்டிருந்தேன், சிறிது நேரம் கழித்து, அந்த திசையைக் கண்டேன் என்று தெரிவித்தார்.

கிரிஷி விக்யான் கேந்திரா வழங்கும் பயிற்சி கிராமப்புற பெண்களை இயற்கை விவசாயத்தில் ஈடுபடுத்தி அதிகாரம் அளிக்கும் முயற்சியாகும், இதனால் அவர்கள் பொருளாதார ரீதியாக பயனடைவது மட்டுமல்லாமல், சுற்றுப்புறத்தை தூய்மையாக வைத்திருப்பதிலும் பங்களிக்க முடியும்.

பயிற்சித் திட்டம் விவசாயக் கருவிகளை பினாவின் கைகளுக்குக் கொண்டு வந்தது. இது அவருக்கு முதல் படி. காளான் வளர்ப்பை அறிமுகப்படுத்திய இந்த விஷயத்தில் அவருக்கு மிகுந்த ஆர்வம் இருந்தது. பினா கூறுகையில், அது எவ்வளவு எளிதாக வளர்க்கப்படுகிறது என்பதை அறிந்து மிகவும் ஆச்சரியப்பட்டேன், அதை விட மிகச் சிலருக்கு மட்டுமே தெரியும் மற்றும் மிகக் குறைந்த நபர்களே இந்த வர்த்தகத்தில் ஈடுபட்டுள்ளனர் என்பதை அறிந்து தான் ஆச்சரியப்பட்டேன்.

2013 ஆம் ஆண்டில், பினா கிராம பாரம்பரியத்தை உடைத்து, வீட்டை விட்டு வெளியே வைத்தாள். அவர் கட்டிலின் கீழ் காளான்களை வளர்த்து தனது வேலையைத் தொடங்கினார்.

காளான் வளர்ப்பு தொடர்பான நுணுக்கங்களை தனக்கு விளக்கிய கிரிஷி விக்யான் கேந்திராவை தொடர்பு கொண்டதாக பினா கூறுகிறார். பீனா கூறுகையில் "என்னிடம் ஒரு பழைய படுக்கை இருந்தது. அந்த படுக்கையின் கீழ் ஒரு கிலோ காளான்களை வளர்க்கத் தொடங்கினேன். காளான்கள் மிகவும் சத்தானவை மற்றும் பல பழங்கள் அல்லது காய்கறிகளை விட சந்தையில் விலை அதிகம். நான் வீட்டில் விவசாயம் செய்வது மட்டுமல்லாமல், நான் அதை வெளியே சென்று மார்க்கெட்டில் விற்றுக்கொண்டிருந்தேன், இந்த வேலையை நான் மட்டுமல்ல, அந்தப் பகுதியைச் சேர்ந்த பல பெண்களும் செய்து வருகிறார்கள் என்று கூறினார்.

இந்த ஆண்டு பினாவுக்கு இந்திய குடியரசு தலைவர் ராம்நாத் கோவிந்த் நாரி சக்தி புரஸ்கார் விருது வழங்கியுள்ளார். மார்ச் 8 அன்று, அவருக்கு 16 பெண்களுடன் மதிப்புமிக்க விருதும் வழங்கப்பட்டது.

இது 43 வயதான பினாவின் கடின உழைப்பு, இதன் காரணமாக காளான் வளர்ப்பு இப்போது மாவட்டத்தின் ஐந்து தொகுதிகளிலும் 105 அண்டை கிராமங்களிலும் பிரபலமாகிவிட்டது. இந்த பகுதிகளில் இருந்து சுமார் 10,000 கிராமப்புற பெண்களுக்கு பினா பயிற்சி அளித்துள்ளார். இதில், 1,500 பெண்கள் ஏற்கனவே காளான் சாகுபடியை செய்து,  அதன் பலனை அறுவடை செய்து வருகின்றனர்.

Read More

குளிர்காலத்தில் ஆரோக்கியமாக இருக்க எந்தெந்த உணவுகளை சாப்பிடலாம்!

 குளிர்காலத்தில் உடலுக்கு உள் வெப்பம் இருக்க வேண்டியது அவசியமாகும். நம் உடலின் வெப்பம் தக்கவைக்கப்பட்டால், நாம் நோய் வாய்ப்பட வாய்ப்பில்லை. இத்தகைய சூழ்நிலையில், நம்மை சூடாகவும் ஆரோக்கியமாகவும் வைத்திருக்கும் உணவில் கவனம் செலுத்த வேண்டியது அவசியமாகிறது. சில குறிப்பிட்ட உணவுகளை நாம் குளிர்காலத்தில் (Winter) சேர்த்துக் கொண்டால் நம் உடலுக்கு பயனளிக்கும். அவை என்னவென்று என்பதை இங்கே பார்க்கலாம்.

காளான்:

காளான்களில் (Mushroom) அதிக அளவு வைட்டமின் டி உள்ளது. எனவே குளிர்காலத்தில் காளான் கட்டாயம் சாப்பிட வேண்டும். செலினியம் இவற்றில் நிறைந்துள்ளது.

முட்டை:

குளிர்காலத்தில் தவறாமல் முட்டைகளை (Egg) சாப்பிட வேண்டும். இது வைட்டமின் A, B12, B6, E, K ஆகியவற்றின் சிறந்த மூலமாகும். இதில் கால்சியம், இரும்புச்சத்து, பொட்டாசியம், சலினியம், கொழுப்பு அமிலங்கள் மற்றும் புரதங்கள் உள்ளன.

பருப்பு வகைகள்:

குளிர்காலத்தில் சாப்பிட பயறு மற்றும் பருப்பு வகைகள் சிறந்தவையாகும். இவை புரதம் மற்றும் நார்ச்சத்துக்கான நல்ல மூலமாக உள்ளன. கால்சியம், இரும்புச்சத்து, பொட்டாசியம், துத்தநாகம், பாஸ்பரஸ், தியாமின், ரைபோஃப்ளேவின் மற்றும் பி 6 போன்ற பல அத்தியாவசிய ஊட்டச்சத்துக்களும் இவற்றில் உள்ளன.

உலர் பழங்கள்:

அனைத்து மருத்துவர்களும் குளிர்காலத்தில் (Winter) உலர் பழங்களை சாப்பிட பரிந்துரைக்கின்றனர். வைட்டமின் ஈ, பி காம்ப்ளக்ஸ், ஒமேகா 3 எஸ், மெக்னீசியம், தாமிரம், ஃவுளூரைடு, துத்தநாகம், கால்சியம், செலினியம் மற்றும் பல ஆரோக்கியமான புரதங்கள் இவற்றில் உள்ளன

Click here to join whatsapp group for daily health tip 

Read More

வீட்டுக்குள்ளேயே வளர்க்கும் இந்த செடிகள் வீட்டை அழகாக்குவதோடு காற்றையும் சுத்தப்படுத்துமாம்

 வீட்டில் பசுமைத் தோட்டம் அமைப்பது என்பது தற்போது மிகவும் பிரபலமானதாகி வருகிறது. தங்கள் வீட்டுக்குத் தேவையான காய்கறி மற்றும் பழங்களை வீட்டு மாடித் தோட்டத்தில் தற்போது பலரும் பயிரிட்டு வருகின்றனர். இந்த சூழலில் வீட்டை பசுமையாக வைத்திருப்பது என்பது மிகவும் கடினமானதாகத் தோன்றலாம், ஆனால் உண்மையில் பழங்கள் மற்றும் காய்கறிகள் இல்லாமல் வேறு சில செடிகள் மூலம் கூட வீட்டை பசுமையாக்கலாம்

இந்த பசுமைத் தோட்டம் ஆடம்பரமானதாகத் தோன்றலாம் ஆனால் உண்மையில் சிறிய வீடுகளில் கூட இந்த பசுமைத் தோட்டத்தை அமைக்கலாம். உங்கள் தோட்டக்கலை ஆர்வத்தை வளர்த்துக் கொள்ள உங்கள் வீட்டில் வளர்க்கக்கூடிய சில செடிகள் உள்ளது. இந்த செடிகளை வளர்க்க பெரிய மொட்டைமாடியோ, பால்கனியோ தேவையில்லை.

அரேகா பாம் 

இந்த இலைச் செடியை மறைமுக சூரிய ஒளியில் வீட்டில் எங்கு வேண்டுமானாலும் வளர்க்கலாம். இது நேரடி சூரிய ஒளியில் இருக்கக்கூடாது என்பதை உறுதிப்படுத்திக் கொள்ளுங்கள், இல்லையெனில் இலைகள் மஞ்சள் நிறமாக மாறும். இந்த செடி வெளிப்புறத்தில் 30 அடி உயரம் வரை வளரக்கூடியது, ஆனால் உட்புற இடங்களில் இது ஏழு அடி வரை கட்டுப்படுத்தப்படுகிறது. ஒரு சிறிய கொள்கலனில் வைக்கவும், நெரிசலான வேர்கள் தாவரத்தின் அளவைக் கட்டுப்படுத்த உதவும். இந்த செடி காற்றில் இருந்து சைலீன் மற்றும் டோலுயீனை வடிகட்ட பயனுள்ளதாக இருக்கும். இது ஒரு பயனுள்ள ஈரப்பதமூட்டியாகவும் திறம்பட செயல்படுகிறது.

இங்கிலிஷ் ஐவி

இந்த பச்சை தாவரமானது காற்றில் பரவும் மலம் சார்ந்த துகள்களை குறைக்க உதவுகிறது. இது சில வீட்டு துப்புரவுப் பொருட்களில் காணப்படும் ஃபார்மால்டிஹைட்டையும் வடிகட்டுகிறது. தாவரம் புதியதாக இருக்க பிரகாசமான ஒளி தேவை மற்றும் போதுமான வெளிச்சம் இல்லாவிட்டால் பூச்சிகளை ஈர்க்கலாம். நீர் பாய்ச்சும் போது சிறப்பு கவனம் செலுத்தி, மீண்டும் தண்ணீர் பாய்ச்சுவதற்கு முன் மண்ணை சிறிது நேரம் உலர வைக்கவும்.

கற்றாழை 

இந்த மிகவும் ஆபத்தான ஃபார்மால்டிஹைட் மற்றும் பென்சீனை அழிக்கிறது, இது இரசாயன அடிப்படையிலான கிளீனர்கள், வண்ணப்பூச்சுகள் மற்றும் பிற நச்சுகளின் தயாரிப்பாக இருக்கலாம். மேலும், கற்றாழை சிறந்த நிறத்தை அடைய பயன்படுகிறது என்பது பரவலாக அறியப்பட்ட உண்மை. கற்றாழை செடிகள் வறண்ட மற்றும் சூடாக இருக்க விரும்புகின்றன, எனவே பானையில் உள்ள மண் வறண்டு இருப்பதைக் கண்டால் மட்டுமே தண்ணீர் ஊற்றவும். இந்த செடியை பராமரிக்க சிறந்த இடம் சூரிய ஒளி விழும் ஜன்னலாகும். முழு நிழலில் கற்றாழை செழித்து வளராது

துளசி

துளசியை வளர்ப்பது கடினமான ஒன்றல்ல. சிறிய பராமரிப்பு இல்லாத போதும் செழிப்பாக காணப்படும் இந்த செடியில் ஏராளமான மருத்துவ குணங்கள் உள்ளன. கூடுதலாக, இது காற்றை சுத்தப்படுத்தவும் காற்றின் தரத்தை மேம்படுத்தவும் உதவுகிறது. இதை ஒரு சிறிய தொட்டியில் கூட நடலாம். இதற்கு வழக்கமான சூரிய ஒளி தேவைப்படுகிறது, எனவே இந்த செடி வைக்க சிறந்த இடம் ஒரு வெயில் நன்றாக விழும் இடமாகும். நீங்கள் செய்ய வேண்டியதெல்லாம், அதற்குத் தவறாமல் தண்ணீர் பாய்ச்சுவதுதான்.

டிராகேனா 

இந்த செடிக்கு நேரடி சூரிய ஒளி தேவையில்லை மற்றும் 12 அடி உயரம் வரை வளரக்கூடியது, எனவே அது வளர போதுமான இடத்தை அனுமதிக்கும் இடத்தில் நடப்பட்டிருப்பதை உறுதிப்படுத்தவும். மேலும், கத்தரித்து அதன் உயரத்தை கட்டுப்படுத்தலாம். சில வாரங்களில் வெட்டப்பட்ட இடத்திற்கு கீழே புதிய இலைகள் முளைக்கும். அதன் மண்ணை ஈரமாக வைத்திருங்கள், ஆனால் ஈரமாக இருக்கக்கூடாது. தாவரத்தில் மஞ்சள் இலைகள் அதிக நீர்ப்பாசனம் அல்லது மோசமான வடிகால் அறிகுறியாகும். நீங்கள் அதை ஒரு மெல்லிய திரை அல்லது ஜன்னலுக்கு அருகில் வைக்கலாம்

ஸ்பைடர் செடி 

இந்த அழகான செடி பென்சீன், ஃபார்மால்டிஹைட், கார்பன் மோனாக்சைடு மற்றும் சைலீன், தோல், ரப்பர் மற்றும் அச்சிடும் தொழில்களில் பயன்படுத்தப்படும் கரைப்பான் ஆகியவற்றை எதிர்த்துப் போராடுகிறது. வலையில் சிலந்திகள் போல தொங்கும் தனித்துவமான வடிவிலான இலைகள் காரணமாக இந்தத் தாவரம் இந்த தனித்துவமான பெயரைப் பெற்றது. நீங்கள் செல்லப்பிராணிகளை வைத்திருந்தால் இந்த செடி முற்றிலும் பாதுகாப்பானது. செடி சிறிது பழுப்பு நிறமாக மாறுவதை நீங்கள் கண்டால், கவலைப்பட வேண்டாம். இது சாதாரணமானது, அது விரைவில் அதன் பச்சை நிறத்திற்கு திரும்பும்.

பாம்பு செடி 

இந்த செடி குளியலறைகளுக்கு மிகவும் பொருத்தமானது, ஏனெனில் இது ஃபார்மால்டிஹைட்டை வடிகட்டுகிறது, இது பொதுவாக தனிப்பட்ட பராமரிப்பு தயாரிப்புகளில் காணப்படுகிறது. நாசாவால் அடையாளம் காணப்பட்ட சிறந்த காற்றைச் சுத்திகரிக்கும் செடிகளில் இதுவும் ஒன்றாகும். இந்த செடி வளர மிகவும் எளிதானது மற்றும் கூடுதல் கவனம் தேவையில்லை. நீங்கள் மனதில் கொள்ள வேண்டிய ஒரே விஷயம் என்னவென்றால், அவை எளிதில் அழுகும், எனவே அவை உலர்ந்த மண்ணில் நடப்பட வேண்டும்.

Read More