உடலில் கால்சியம் குறைபாடு இருந்தால், இதை கட்டாயம் சாப்பிடுங்கள்

 உடலில் கால்சியம் பற்றாக்குறை இருந்தால் எலும்புகள் வலுவிழந்து வலியை உணர வைக்கும். அதேபோல் தசைப்பிடிப்பும் தொடங்கும். வயது ஏற ஏற, கால்சியம் குறைபாட்டால் ஏற்படும் பிரச்சனைகள் அதிகரிக்க ஆரம்பிக்கின்றன.

பொதுவாக கால்சியம் குறைபாட்டை போக்க பால், தயிர், பாலாடைக்கட்டி, சோயாபீன், எள் போன்றவற்றை சாப்பிட அறிவுறுத்தப்பட்டாலும், இது திவிரவும் சில உணவுகளிலும் கால்சியம் உள்ளது. அதன்படி கால்சியம் நிறைந்த ஐந்து உணவுகளை பற்றி தெரிந்து கொள்ளுங்கள்:

விதைகள் ஊட்டச்சத்து நிறைந்தவை

விதைகள் ஊட்டச்சத்து நிறைந்தவை. இவற்றில் சில, கசகசா, எள் விதைகள் மற்றும் சியா போன்ற்றில் கால்சியம் அளவு அதிகமாக நிறைந்துள்ளது.

சானா மற்றும் ராஜ்மாவில் கால்சியம் நிறைந்துள்ளது

பருப்பு வகைகள் பெரும்பாலும் புரதம் நிறைந்ததாகக் கருதப்படுகிறது, ஆனால் சில பருப்புகளில் குறிப்பிடத்தக்க அளவு கால்சியம் உள்ளது. அதன்படி சனா மற்றும் ராஜ்மாவில் கால்சியம் அதிகளவு நிறைந்துள்ளது.

பாதாமில் கால்சியம் உள்ளது

பாதாம் உடலுக்கு எவ்வளவு ஆரோக்கியமானது என்பது அனைவருக்கும் தெரியும். பாதாமில் இருந்தும் நல்ல அளவு கால்சியத்தை நாம் பெற்றுக்கொள்ளலாம்.

பசலைக்கீரையில் இரும்புச்சத்துடன் கால்சியம் சத்தும் நிறைந்துள்ளது

பசலைக் கீரையில் இரும்புச்சத்து மட்டுமின்றி, கால்சியமும் அபரிமிதமாக இருக்கிறது. இதேபோல இஞ்சி, கடுகு விதைகள் நம் உடலில் கால்சியம் உறிஞ்சுதலை மேம்படுத்துகின்றன. வெந்தயம் பரோட்டா, கீரை தோசை, கீரை மற்றும் முட்டை ஆம்லெட் ஆகியவை கால்சியம் நிறைந்த உணவு பொருட்களாகும்.

ராகியில் கால்சியம் சத்தும் நிறைந்துள்ளது

ராகி மாவில் இரும்பு, புரதம் மற்றும் கால்சியம் சத்துக்கள் மிகுதியாக உள்ளது. ராகி ரொட்டி அல்லது ராகி தோசை செய்ய நீங்கள் சாப்பிடலாம். வயதானவர்கள் மற்றும் மாதவிடாய் நின்ற (மெனோபாஸ்) பெண்களுக்கு ஏற்படும் எலும்புத் தேய்மானம்  ஏற்படாமல் தடுக்க இது உதவும்.

எள் கால்சியம் நிறைந்தது

எள் விதைகளில் நம்பமுடியாத அளவிற்கு கால்சியம் சத்துக்கள் நிறைந்துள்ளது. எள் கொண்டு எண்ணற்ற தின்பண்டங்கள் தயாரிக்க முடியும். எள்ளில் அதிக அளவு காப்பர் சத்தும், கால்சிய சத்தும், மக்னீசியம், பாஸ்பரஸ், வைட்டமின் பி, ஈ, இரும்பு சத்தும் உள்ளன. இதனால் அன்றாட உணவில் எள் சேர்த்து கொள்வது ஆரோக்கியத்தை தரும். 

 Click here to join whatsapp group for daily health tip

Read More

கோடையில் இந்த 4 மசாலா பொருட்களை சாப்பிடுவதை தவிர்க்கவும்

 காய்கறிகளின் சுவையை அதிகரிப்பதில் மசாலாப் பொருட்கள் முக்கியப் பங்கு வகிக்கின்றன, ஆனால் மசாலாப் பொருட்கள் எல்லாப் பருவங்களிலும் உங்கள் ஆரோக்கியத்திற்கு நல்லது என்று கூற முடியாது. இதுபோன்ற சில மசாலாப் பொருட்களை கோடை காலத்தில் சாப்பிடவே கூடாது. இருப்பினும், நீங்கள் இந்த மசாலாப் பொருட்களை குறைந்த அளவில் உட்கொண்டால், எந்தத் தீங்கும் ஏற்படாது, ஆனால் இந்த மசாலாப் பொருட்களை அதிக அளவில் சாப்பிட்டால், அவற்றை எடுத்துக்கொள்வதற்கு நீங்கள் மருத்துவரிடம் அதிக பணம் செலுத்த வேண்டி இருக்கும். அப்படியானால், அதிகப்படியான நுகர்வினால் பிரச்சனைகளை உண்டாக்கும் மசாலாப் பொருட்கள் எவை என்று தெரிந்து கொள்வோம்.

1. மஞ்சளை அதிகமாக பயன்படுத்த வேண்டாம்

மஞ்சள் உங்கள் உடலுக்கு நல்லது என்பது அனைவருக்கும் தெரியும், ஆனால் நீங்கள் அதை அதிக அளவில் பயன்படுத்தினால் அதிக இரத்தப்போக்கு ஏற்படும். 

2. துளசி உட்கொள்ளலைக் குறைக்கவும்

துளசியையும் குறைவாகப் பயன்படுத்த வேண்டும். இதை அதிகமாக உட்கொள்வது இரத்த அழுத்தத்தைக் குறைக்கும் என்பதை மிகச் சிலருக்கே தெரியும். இது பெண்களின் கருவுறுதலையும் பாதிக்கும்.

3. இலவங்கப்பட்டை உபயோகத்தை குறைக்கவும்

இலவங்கப்பட்டை அதன் சொந்த நன்மைகளைக் கொண்டுள்ளது, ஆனால் அதை அதிகமாகப் பயன்படுத்துவதால் வாயில் கொப்புளங்கள் ஏற்படலாம். மேலும், இதை அதிகமாக உட்கொள்வது இரத்த அழுத்தத்தை மேலும் குறைக்கும்.

4. கருப்பு மிளகு

கருப்பு மிளகு பெரும்பாலும் காய்கறிகளில் பயன்படுத்தப்படுகிறது. இது எடையைக் குறைக்கிறது என்பது அனைவருக்கும் தெரியும், ஆனால் இரத்த உறைவு பிரச்சனை உள்ளவர்கள் கருப்பு மிளகு உட்கொள்வதை தவிர்க்க வேண்டும். 

Read More

பழங்களும் பயன்களும்!

 கோடைக்காலம் வந்து விட்டது. சுற்றுச் சூழல் மட்டுமில்லாமல் நம் உடலும் உஷ்ணமாக இருப்பதால்... ஆரோக்கியத்தை மேம்படுத்தக்கூடிய பழங்கள் என்னவென்று தெரிந்து கொள்ளலாம்.

அன்னாசி: இப்பழத்தை உணவுக்குப் பின் உண்டால் எளிதில் ஜீரணமாகும். அன்னாசிப் பழத்துடன் தேன் கலந்து உண்டால்… பெண்களுக்கு வெள்ளைப்படுவது நிற்கும். வாந்தி, பித்தம், தாகவறட்சி, காமாலை, மாதவிடாய்க் கோளாறுகளில் நல்ல பலனை அளிக்கக் கூடியது.இலந்தை: இப்பழம் உடலை குளிர்ச்சியாக்கும். தாது விருத்தியை உண்டாக்கும். ரத்தத்தை சுத்தப்படுத்தும். அஜீரணம், புளி ஏப்பம், கண்நோய், தொண்டைப் புகைச்சலை நீக்கும்.

ஆப்பிள்: தூக்கத்தில் நடமாடும் பிரச்னை உள்ளவர்களுக்கு இரண்டு ஆப்பிளை தண்ணீரில் ஊறவைத்து, மறுநாள் காலையில் அரைத்துப் பாலில் கலந்து கொடுப்பது நல்லது. இருதய நோய்களுக்கு ஆப்பிளுடன் தேன் கலந்து உண்ணலாம். ஆரஞ்சு: ஆரஞ்சுப் பழத்தை தொடர்ந்து சாப்பிட்டு வந்தால் ரத்தப் போக்கு, இன்ஃப்ளூயன்ஸா தடுக்கப்படுகிறது. உணவுக் கழிவுகள் குடலில் தங்கி விடாமல் தடுக்கிறது. முகப்பருவிற்கு ஆரஞ்சுத் தோலை தண்ணீர் விட்டு அரைத்துப் பூசலாம்.

திராட்சை: உடல் சூட்டை தணிக்கும். கபக்கட்டு நீக்கும். ரத்தம் விருத்தியாகும். மூளைத் திறன் அதிகரிக்கும். வயிற்றில் ஏற்படும் எரிச்சலை அகற்றும். ஆஸ்துமா பிரச்னைக்கு திராட்சை ரசம் நல்ல பலன் அளிக்கும். சிறுநீரக அழற்சியை நீக்கும்.

நெல்லிக்கனி: நீண்ட ஆயுளைத் தரும். உயர் ரத்த அழுத்தத்தைக் குறைக்க நெல்லிக்கனி சாறு பயன்படுகிறது. வாந்தி, குமட்டல் போன்றவற்றுக்கு நெல்லிக்கனிச்சாறு பலன் தரும். இதன் சாற்றில் தேன் கலந்து கொடுத்தால் சுவாசக் கோளாறு, விக்கல், பித்த மயக்கம் குணமாகும்.

பப்பாளி: பப்பாளியில் வைட்டமின் ஏ,பி,சி உள்ளது. ஜீரணம் ஆகக் கூடியது. இளமையும், அழகும் தருவது. பெண்களின் கருப்பைத் தசை நார்களை சுருங்கச் செய்வதற்கு பப்பாளி உதவுகிறது. முறையான மாதவிடாய்ப் போக்கை நிகழ்த்தும்.

Read More

கோடைக்கு குளுகுளு தரும் நுங்கு

 கோடையை தணிக்க இயற்கை தந்த இதமான உணவுகளில் நுங்கு முதன்மையானது. பருவகாலத்துக்கு ஏற்ப உடல்நிலையில் உண்டாகும் மாற்றங்களை தடுத்து ஆரோக்கியமாகவைத்திருக்க இயற்கையே நமக்கு உதவுகிறது. அந்த வகையில் கோடை வந்துவிட்டாலே உடலுக்கு குளுமை தரும் நுங்கில் பல மருத்துவகுணங்கள் அடங்கியுள்ளது.

* நுங்கில் வைட்டமின் பி, சி, இரும்புச்சத்து, கால்சியம், துத்தநாகம், சோடியம், மக்னீசியம், பொட்டாசியம், தயமின், அஸ்பாரிக் அமிலம் மற்றும் புரதம் போன்ற சத்துக்கள் அதிகம் காணப்படுகின்றன.

* கொழுப்பை கட்டுப்படுத்தி உடல் எடையை குறைக்க உதவும்.

* வயிற்றுப்போக்கு, மலச்சிக்கல் போன்ற பிரச்னைகளுக்கு நுங்கு நல்ல தீர்வு.

*  உடல் உஷ்ணம் உள்ளவர்களுக்கு வெயில் காலத்தில் ஏற்படும் தாகத்திற்கு எவ்வளவு தண்ணீர் பருகினாலும் தாகம் அடங்காது. ஆனால் நுங்கை சாப்பிட்டவுடன் அந்த தாகம் இருந்த இடம் தெரியாமல் மறைந்துபோகும். ரத்த சோகைக்காரர்கள் தொடர்ந்து நுங்கு சாப்பிட்டு வந்தால் விரைந்து குணமாகும். உடலும் சுறுசுறுப்பு அடையும்.

* நுங்கில் உள்ள ஆந்த்யூசைன் என்ற ரசாயனப்பொருள் பெண்களுக்கு மார்பகத்தில் புற்றுநோய் கட்டி ஏற்படாமல் தடுக்கிறது.

* கோடையில் தோன்றும் அம்மை நோய் வராமல் பாதுகாக்கிறது.

* நுங்கை அரைத்து தேங்காய்ப்பாலுடன் சேர்த்து குடித்தால் வயிற்றுப்புண், அல்சர் குணமாகும்.

* நுங்கை மசித்து வியர்க்குரு கட்டிகளின் மேல் பூசினால் விரைவில் சரியாகும்.

* இளநீருடன் நுங்கை சேர்த்து ஜூஸாக செய்து குடிக்கலாம். தலைக்கு தேய்த்தும் குளிக்கலாம். உடல் பொலிவடையும்.

* நுங்கை உடைத்து கால் டம்ளர் நுங்கு நீரில் ஒரு எலுமிச்சம்பழச்சாறு சேர்த்து சர்க்கரையுடன் சர்பத்தாக அருந்தலாம்.

* நுங்கின் மேலுள்ள பழுப்பு நிறமான தோலில்தான் நார்ச்சத்து அதிகம் என்பதால் அதைச் சேர்த்துச் சாப்பிடுவதுதான் நல்லது.

* களைப்பாக உள்ள நேரத்தில் நுங்கு சாப்பிட்டால் உடனடியாக புத்துணர்வு கிடைக்கும்.

* நுங்கை வெட்டி துண்டுகள் செய்து தேனை சேர்த்து, பச்சை திராட்சையை கலந்து சாப்பிட சுவையே தனிதான்.

Read More

தயிர் தகவல்கள்

 

* தயிரின் மேல் நிற்கும் ஆடையை மட்டும் எடுத்து சிறிது தேன், வெல்லம் சேர்த்துச் சாப்பிட உடல் புஷ்டியைத் தரும்.

* உறை ஊற்றிய பின் சிலசமயம் நன்கு உறையாமல் இருக்கும் (அதாவது பால் நிலைக்கும் தயிர் நிலைக்கும் இடையே இருக்கும்) அதனை உட்கொண்டால், பசியைக் குறைத்து, நெஞ்செரிச்சல், புளித்த ஏப்பம், வாய்ப்புண் ஆகியவற்றிற்கு வழிவகுக்கும். நன்கு உறைந்த தயிரை சாப்பிடுவது சிறந்தது.

* மண் சட்டியிலிருந்து புரை ஊற்றிய தயிர்தான் நமது தேக ஆரோக்கியத்திற்கு மிகவும் சிறந்தது. அது கெட்டியாகவும் இருக்கும்.

* ஒருபோதும் தயிரை சுட வைத்துச் சாப்பிடக்கூடாது. சிலர் சூடான சாதத்தில் தயிர் கலந்து கடுகு தாளித்து உப்பு சேர்த்து சாப்பிடுவார்கள். இது உடலுக்கு ஏற்றதல்ல.

* உடலைப் புஷ்டிப்படுத்த விரும்புபவர்கள் வேக வைத்த பச்சைப்பயிறு, நெல்லிக்காய்த் துவையலுடன் தயிர் சாப்பிடலாம்.

* தோய்ந்து நிற்கும் தயிரின் அடிப்பகுதியில் தெளிவான தண்ணீர் காணப்படும். இது இனிப்பு, புளிப்பு, துவர்ப்பு மூன்றும் கலந்த சிறந்த பானம். அந்தத் தண்ணீரை வெறும் வயிற்றில் காலை, மாலை கால் கிளாஸ் குடித்தால் தொண்டை எரிச்சல், குமட்டல், உடற்சூடு, களைப்பு, தலைச்சளி நீங்கும்.

* தயிரை துணியில் வடிகட்டி அதிலுள்ள நீர் முழுவதும் வடிந்த பிறகு அதனுடன் சர்க்கரை, ஏலக்காய், கிராம்பு, குங்குமப்பூ, பச்சைக்கற்பூரம் சேர்த்து குளிர வைத்தால் ஸ்ரீகண்ட் இனிப்பு தயார். இது உடல் உஷ்ணத்தைக் குறைக்கும்.

* பசியில்லாதவர்கள் லேசான புளிப்புடன் இருக்கும் தயிரை சாப்பிட்டால் பசி எடுக்கும்.

* நன்றாக புளித்த தயிர் ரத்தக்கொதிப்பு. பித்த வாயு, வயிற்றுக்கோளாறுகள் உள்ளவர்களுக்கு ஏற்றதல்ல.

* இரவில் குளிர்ச்சியான தன்மையில் தயிரைச் சாப்பிட்டால் ஜீரணக்குறைவு, மூச்சிறைப்பு, ரத்த சோகை, காமாலை, தோல் நோய்கள், ரத்தக்கொதிப்பு போன்றவை உண்டாகும்.

* இரவில் தயிர் சாப்பிட வேண்டிய நிர்ப்பந்தம் வந்தால் அதனுடன் சிறிது தேன் கலந்து சாப்பிடலாம். அல்லது சீரகம், இந்துப்பு, பெருங்காயம் சேர்த்து சாப்பிடலாம்.

Read More

கோடையில் உடல் நீர்ச்சத்தை தக்க வைக்கும் தண்ணீர் நிறைந்த பழங்கள் : தினம் ஒன்று சாப்பிடுங்கள்..

 ஒரு நாளைக்கு பல கிளாஸ் தண்ணீர் குடிப்பதை நிபுணர்கள் பரிந்துரைக்கும் அதே நேரத்தில், நீரிழப்பை தவிர்க்க உங்கள் டயட்டில் அதிக அளவு தண்ணீர் சார்ந்த காய்கறிகள் மற்றும் பழங்களை சேர்த்து கொள்வது நல்ல பலனை தரும்.

கோடையில் மக்கள் அடிக்கடி உடலில் நீரிழப்பு ஏற்பட்டது போன்றும் மற்றும் சோர்வாகவும் உணர்கிறார்கள். கோடை காலத்தில் ஏற்படும் உடல் நலப் பிரச்சனைகளில் நீர்ச்சத்து குறைபாடும் ஒன்று. எனவே இந்த வெயில் உங்களை முழுவதும் நீரேற்றமாக வைத்திருக்க வேண்டியது அவசியம். நீர்ச்சத்து நிறைந்த பழங்களை உட்கொள்வதன் மூலம் ஊட்டச்சத்து தேவைகளை பூர்த்தி செய்து உடலை ஹைட்ரேட்டாக வைத்திருக்க முடியும்.

உடலை ஹைட்ரேட்டாக வைத்திருக்க நிறைய தண்ணீர் குடிக்க வேண்டும் என்பது பொதுவான ஒன்று. ஒரு நாளைக்கு பல கிளாஸ் தண்ணீர் குடிப்பதை நிபுணர்கள் பரிந்துரைக்கும் அதே நேரத்தில், நீரிழப்பை தவிர்க்க உங்கள் டயட்டில் அதிக அளவு தண்ணீர் சார்ந்த காய்கறிகள் மற்றும் பழங்களை சேர்த்து கொள்வது நல்ல பலனை தரும்.

தர்பூசணி : 

கோடை காலத்தில் பலருக்கும் பிடிக்கும் தர்பூசணி சுவையானது மட்டுமல்ல, அதிக ஊட்டச்சத்துக்களும், நீர்ச்சத்தும் நிறைந்தது. இதில் சுமார் 92 சதவீதம் தண்ணீர் உள்ளது. இந்த பழம் இதய நோய் வராமல் தடுக்க உதவுகிறது.

வெள்ளரி காய்: 

கொளுத்தும் கோடை வெயிலுக்கு மற்றொரு சிறப்பான உணவு வெள்ளரி. விலை மலிவான அதே சமயம் அதிக நீர்சத்து கொண்ட வெள்ளரியை வெயில் நாட்களில் தினசரி சாப்பிடுவது உடலை டிஹைட்ரேட் ஆகாமல் தடுக்கிறது. மேலும் பளபளப்பான சருமத்தை பராமரிக்க, அசிடிட்டி ஏற்படாமல் தடுக்க வெள்ளரி உதவுகிறது.

ஆரஞ்சு:

ஆரஞ்சு பழத்தில் 80% நீர்ச்சத்து உள்ளது, இது உடலை நன்கு ஹைட்ரேட் செய்கிறது. ஆரஞ்சுகள் பொட்டாசியத்தின் சிறந்த ஆதாரமாக அறியப்படுகின்றன. எனவே கோடையில் இந்த பழத்தை அதிகம் எடுத்து கொள்ள நிபுணர்கள் பரிந்துரைக்கிறார்கள்.

மாம்பழம் : 

இந்த சீசனல் பழம் கோடையில் மிகவும் விரும்பப்படும் பழங்களில் ஒன்றாகும். இதில் 80 சதவீதம் தண்ணீர் உள்ளது. மேலும் இது ஆன்டி-ஆக்சிடன்ட் பண்புகளை கொண்டுள்ளது. மாம்பழம் பார்வை திறனை மேம்படுத்த மற்றும் நோய் எதிர்ப்பு சக்தியை அதிகரிக்க செய்கிறது.

பப்பாளி : 

இதில் வைட்டமின் சி, நார்ச்சத்து மற்றும் ஆன்டி-ஆக்சிடன்ட் அதிகம் உள்ளது. தமனிகளில் கொலஸ்ட்ரால் உருவாவதை தடுக்க, நோய் எதிர்ப்பு சக்தியை அதிகரிக்க பப்பாளி பெரிதும் உதவும். பப்பாளி சன்பர்னை தணித்து, வெயிலால் உடலில் ஏற்படும் நிற மாற்றத்தை சரி செய்கிறது. ரத்த அழுத்தத்தை குறைக்கிறது மற்றும் செரிமானத்திற்கு உதவுகிறது.

ஆப்பிள்: 

இந்த பழத்தில் கரைய கூடிய நார்ச்சத்துக்கள் நிறைந்துள்ளன. கோடையில் ஏற்பட கூடிய வெப்ப பக்கவாதம், நீரிழிவு மற்றும் புற்றுநோய் போன்ற பெரிய நோய்களின் அபாயத்தைக் குறைக்கும். healகுடல் ஆரோக்கியத்தை மேம்படுத்துகிறது. மேலும் ஆப்பிள்களில் நிறைந்திருக்கும் வைட்டமின்கள் மற்றும் தாதுக்கள் எலும்புகள், பற்கள் மற்றும் தோல் ஆரோக்கியத்திற்கு உதவுகிறது.

Read More

இரவில் நீண்ட நேரம் விழித்திருப்பவரா நீங்கள் ? அப்போ அவசியம் தெரிந்து கொள்ள வேண்டியவை..!

 மனிதனுக்கு பொதுவாகவே சரியான தூக்கம் அவசியம்.

சராசரியாக   6 முதல் 8 மணி நேரம் வரை தூங்க வேண்டும். 

அப்படியில்லையெனில் பல உடல், மன நல கோளாறுகள் ஏற்படும் 

அவை என்னவென பார்போம்.

மூட் ஸ்விங்ஸ்:

6 முதல் 8 மணி நேரம் தூக்கமில்லாமல் இருப்பவர்களுக்கு மூட் ஸ்விங்ஸ் எனப்படும் தீவிர மனநிலை மாற்றங்கள் பொதுவானவை . இதனால், எரிச்சல், கோபம், சோர்வு , கவனசிதறல் போன்றவை ஏற்படும்.

மனநலத்தில் பாதிப்பு :

சரியான தூக்கம் இல்லை என்றால் ஒருவர் மன ஆரோக்கியம் சீர்கெடும். சரியாக தூங்கவில்லை எனில் க்ளினிக்கல் டிப்ரஷன் போன்ற மனநிலைக் கோளாறுகள் ஏற்படலாம் என ஆய்வுகள் தெரிவிக்கின்றன.

நோய் எதிர்ப்பு சக்தி பாதிப்பு:

தூக்கமின்மை உங்களில் நோய் எதிர்ப்பு மண்டலத்தையும் பாதிக்கும். ஒருவர் தூங்கும் போது தான் நோயெதிர்ப்பு அமைப்பு ஆன்டிபாடிகள் மற்றும் சைட்டோகைன்கள் போன்ற பாதுகாப்பு, தொற்று-எதிர்ப்புகளை உற்பத்தி செய்கிறது அதனால், நோய் எதிர்ப்பு மண்டலம் சரியாக செயல்பட தூக்கம் அவசியம். அதே போல தூக்கமின்மை உடலுறவின் மீதான் ஆர்வத்தை குறைக்கும்.

Read More

காலை உணவில் இந்த 4 உணவுகளை சாப்பிடுங்கள், வயிற்று கொழுப்பை ஐஸ் போல் கரையும்

 நீங்களும் வேகமாக உடல் எடையை குறைக்க விரும்பினால், இந்த செய்தி உங்களுக்கு பயன்படும். தற்போதைய காலகட்டத்தில், தவறான உணவுப்பழக்கம், மன அழுத்தம் மற்றும் பிஸியான வாழ்க்கை முறை போன்றவற்றால் மக்கள் உடல் பருமனுக்கு இரையாகி வருகின்றனர்.

எடை அதிகரிக்கும் போது, ​​​​அதைக் குறைப்பது மிகவும் கடினம், குறிப்பாக தொப்பையைக் குறைப்பது இன்னுமும் கடினம்.

தொப்பையை குறைக்க சிறந்த காலை உணவு

வயிற்றில் கொழுப்பு சேர்வதால் பல நோய்கள் உண்டாக்கும். மேலும் இதய நோய்கள், பக்கவாதம், சர்க்கரை நோய், இன்சுலின் சுரப்பு தட்டுப்பாடு போன்ற பாதிப்புகளை உண்டாக்கும். எனவே தான் மருத்துவர்கள் வயிற்று பகுதியில் அதிக கொழுப்பு சேராமல் பார்த்து கொள்ள வேண்டும் என்று அறிவுறுத்துகின்றனர். அந்த வகையில் வெறும் உடற்பயிற்சிகளினால் மட்டுமே வயிற்று பகுதியில் சேர்ந்துள்ள கொழுப்புகளை குறைத்து விட முடியாது. சரியான உணவுகளும் இதில் அடங்கும். எனவே சில உணவுகளை காலை உணவில் சேர்த்து வந்தால், தொப்பை விரைவாக குறையும்.

1. எலுமிச்சை மற்றும் தேன்

தொப்பை மற்றும் எடையைக் குறைக்க, தினமும் காலையில் ஒரு கிளாஸ் வெதுவெதுப்பான நீரில் அரை எலுமிச்சைப் பழத்தைப் பிழிந்து வெறும் வயிற்றில் குடிக்கவும். நீங்கள் விரும்பினால், அதில் ஒரு ஸ்பூன் தேனையும் சேர்க்கலாம்.

2. தயிர்

கால்சியம் மற்றும் புரதம் நிறைந்த தயிர், எடையைக் குறைக்க உதவுகிறது. இதனுடன், இது உடலில் உள்ள புரதத்தின் அளவையும் நிர்வகிக்கிறது. தொப்பையை குறைக்க விரும்புபவர்கள் இந்த நார்ச்சத்து மற்றும் புரதம் நிறைந்த தயிரை காலை உணவில் சேர்த்துக்கொள்ளலாம்.

3. உப்மா

உப்மாவில் உள்ள சிமோலினா உறுப்பு எடையைக் கட்டுப்படுத்த உதவுகிறது, மேலும் இது நல்ல கொலஸ்ட்ராலை ஊக்குவிக்கிறது. இருப்பினும், உப்மாவை எப்போதும் குறைந்த எண்ணெயில் செய்ய வேண்டும் என்பதை நினைவில் கொள்ளுங்கள்.

4. மூங் தால்

செரிமான நார்ச்சத்து தவிர, மூங் தால் சீலாவில் நல்ல அளவு புரதமும் உள்ளது. காலை உணவுக்கு இது மிகவும் ஆரோக்கியமான விருப்பமாக கருதப்படுகிறது. இதில் உள்ள நார்ச்சத்து தொப்பையை குறைக்க உதவுகிறது. அத்தகைய சூழ்நிலையில், உங்கள் காலை உணவில் மூங் தால் சீலாவை சேர்த்துக்கொள்ளலாம்.

வயிற்று பகுதியில் சேர்ந்துள்ள கொழுப்பை குறைக்க யோகர்ட்டுடன் சேர்த்து இன்னும் சிலவற்றை பின்பற்றலாம். குறிப்பாக உடற்பயிற்சிகளை மேற்கொள்ளலாம். வெறும் வயிற்று பகுதியை மட்டும் குறிக்கோளாக வைத்து செய்ய கூடிய பயிற்சிகளை தொடரலாம். அடுத்து நார்சத்து அதிகம் உள்ள உணவுகளை சாப்பிடலாம்.

Read More

அன்றாட உணவில் சின்ன வெங்காயம் சேர்த்துக்கொள்வதால் இத்தனை நன்மைகளா...!!

 மூலநோயால் அவதிப்படுவோர் உணவில் சின்ன வெங்காயத்தை அதிகமாக சேர்ப்பது நல்லது. நீர்மோர்ல சின்ன வெங்காயத்தை வெட்டிப்போட்டு குடித்தாலும் பலன் கிடைக்கும்.

பொடுகுத் தொல்லை, முடிகொட்டுதல் போன்ற பிரச்சனை உள்ளவர்களுக்கு சின்ன வெங்காயம் நல்ல பலன் தரும்.

தேள் கொட்டின இடத்துல வெங்காயச்சாறை தேய்த்தால் விஷம் ஏறாது. தலை பகுதியிலசொட்டை விழுந்து முடி முளைக்காம இருந்தாலும் சின்ன வெங்காயத்தை தேய்த்து வந்தால் காலப்போக்கில் முடி முளைக்கும். ஆண்களுக்கு மீசை பகுதியில் இப்படி சொட்டை இருந்தாலும், இதே முறையை செய்யலாம்.

வெங்காயத்தை அவித்து தேன், கற்கண்டு சேர்த்து சாப்பிட உடல் பலமாகும். வெங்காயத்தை வதக்கி வெறும் வயிற்றில் சாப்பிட்டுவர நரம்புத் தளர்ச்சி குணமாகும்.

சின்ன வெங்காயத்தை வதக்கி தேன் விட்டு இரவில் சாப்பிட்டு, பின் பசும் பால் சாப்பிட ஆண்மை பெருகும்.

படை, தேமல் மேல் வெங்காயச் சாற்றை சிவர மறைந்துவிடும். திடீரென மூர்ச்சையானால் வெங்காயத்தை கசக்கி முகரவைத்தால் மூர்ச்சை தெளியும்.

வெங்காயச் சாற்றையும் தேனையும் கலந்து அல்லது வெங்காயச் சாற்றையும், குல்கந்தையும் சேர்த்து சாப்பிட்டால் சீதபேதி நிற்கும்.

வெங்காய ரசத்தை நீர் கலந்து குடிக்க நன்கு தூக்கம் வரும். பனைமர பதநீரோடு வெங்காயத்தை நறுக்கிப் போட்டு சூடுபடுத்தி குடித்து வர மேகநோய் நீங்கும்.

Read More

முதுகெலும்பு ஆரோக்கியத்தை வலுப்படுத்தும் 6 உணவுகள்

 உங்களுக்கு அடிக்கடி முதுகு வலி பிரச்சினை உள்ளதா? அது முதுகெலும்பு ஆரோக்கியம் பாதிப்புக்குள்ளாகி இருப்பதற்கான அறி குறியாக அமையலாம். நமது நாட்டில் சுமார் 25 முதல் 30 சதவீதம் பேர் முதுகெலும்பு பிரச்சினையால் பாதிப்புக்குள்ளாகிறார்கள்.

உடல் செயலற்ற தன்மை, உடல் பலவீனம், தவறாக அமரும் தோரணை, அதிக எடை இழப்பு காரணமாக முதுகெலும்பு பிரச்சினைகள் ஏற்படுகின்றன. ஊட்டச்சத்துள்ள உணவுகளை சரியான அளவில் உண்பதன் மூலம் இத் தகைய பிரச்சினைகளுக்கு தீர்வு காண முடியும்.

முதுகெலும்பு ஆரோக்கியத்தை வலுப்படுத்தும் 6 வகையான உணவுகள் பற்றி பார்ப்போம்.

1. தாவர புரதம்: விலங்குகளில் இருந்து பெறப்படும் புரதத்தை விட தாவரங்களில் இருந்து கிடைக்கும் புரதம்தான் முதுகு தண்டுவடத்திற்கு நலம் சேர்க்கும். விலங்கு புரதம் முதுகெலும்பில் வீக்கத்தை ஏற்படுத்தக்கூடும். முதுகெலும்பு பலவீனத்திற்கும் வழிவகுக்கும். சியா விதைகள், பருப்பு வகைகள், பீன்ஸ், பாதாம் போன்றவை முதுகெலும்பு ஆரோக்கியத்தை மேம்படுத்த உதவும் நார்ச்சத்து, வைட்டமின்கள், தாதுக்களை கொண்டுள்ளன.

2. கடல் உணவுகள்: கடல் உணவுகளில் குறிப்பாக சால்மன் மீன்களில் உள்ள மெலிந்த புரதம் தண்டுவட ஆரோக்கியத்தை வலுப்படுத்தக்கூடியது. இதில் ஒமேகா 3 கொழுப்பு அமிலங்கள் உள்ளன. அவை எலும்பு அடர்த்தியை அதிகரிக்க உதவும். மேலும் திசுக்களின் ஆரோக்கியத்தையும் மேம்படுத்தும். சில குறிப்பிட்ட வகை மீன்களும், கடல் உணவுகளும் முதுகெலும்பு பிரச்சினைகளை சரி செய்ய உதவுகின்றன. இருப்பினும் முதுகுவலி பிரச்சினை கொண்டவர்கள் சால்மன் வகை மீன்களை தவறாமல் உட்கொள்ள வேண்டும்.

3. பால் பொருட்கள்: முதுகெலும்பு ஆரோக்கியத்தை மேம்படுத்த பால் பொருட்களை உட்கொள்வது அவசியமானது. ஏனெனில் பெரும்பாலான பால் பொருட்களில் அதிக அளவு பால் உள்ளது. எலும்புகள் கால்சியத்தால் ஆனது. பாலிலும் கால்சியம் இருப்பதால் அதனை உட்கொள்வது முதுகெலும்பு ஆரோக்கியத்தை மேம்படுத்தும்.

பால் மட்டுமே உட்கொள்ளாமல் தயிர், பாலாடைக்கட்டி உள்ளிட்ட பிற பால் பொருட்களை உட்கொள்வதன் மூலம் எலும்புகளை பாதுகாக்கலாம். எனினும் பால் பொருட்களை அதிகம் உட்கொள்ளக் கூடாது. அவற்றில் ஆரோக்கியமான ஊட்டச்சத்துக்களின் விகிதத்தை சமநிலையற்றதாக மாற்றக்கூடிய பிற ஊட்டச்சத்துக்களும் உள்ளன. குறிப்பாக தயிர், பாலாடைகட்டி போன்றவற்றை அடிக்கடி சாப்பிட வேண்டாம்.

4. பழங்கள்: இவைகளில் அதிக அளவு ஆன்டி ஆக்சிடென்டுகள் மற்றும் ஊட்டச்சத்துக்கள் உள்ளன. அவை முதுகெலும்பு பகுதியை ஆரோக்கியமாகவும், வலுவாகவும் வைத்திருக்க உதவும். இருப்பினும் உடலில் சர்க்கரையின் அளவை அதிகரிக்கச்செய்யும் தன்மை கொண்டதால் பழங்களை அதிக அளவில் எடுத்துக்கொள்ளக்கூடாது. பெர்ரி வகை பழங்களை உட்கொள்வது முதுகெலும்புக்கு நலம் சேர்க்கும்.

5. காய்கறிகள்: பொதுவாக காய்கறிகள் உடல் ஆரோக்கியத்திற்கு நன்மை தரும். உடலில் ஏற்படும் அழற்சியைக் குறைக்க உதவும் காய்கறிகள் ஏராளம் உள்ளன.

காய்கறிகள் மற்றும் அதில் இருந்து பெறப்படும் ஊட்டச்சத்துக்களின் எண்ணிக்கை குறைவதால் முதுகெலும்பு பிரச்சினைகள் ஏற்படலாம். குறிப்பாக பச்சை காய்கறிகள் முதுகெலும்புகளில் ஊட்டச்சத்து மதிப்பை அதிகரிக்கவும், எலும்பு அமைப்பை வலுவாக்கவும் துணைபுரியும்.

முட்டைக்கோஸ், புரோக்கோலி மற்றும் கீரை ஆகியவை முதுகெலும்பு ஆரோக்கியத்தை மேம்படுத்துவதற்கு தேவையான ஊட்டச்சத்துக்களை கொண்டவை. இவற்றை தினசரி உணவில் சேர்த்துக்கொள்வதன் மூலம் முதுகெலும்பு தொடர்பான பிரச்சினைகள் வராமல் தடுக்கலாம்.

6. மூலிகைகள் மற்றும் மசாலாக்கள்: முதுகெலும்புக்கு வலு சேர்க்கும் பயனுள்ள மூலிகைகள் பல உள்ளன. சுவைக்காகவும், உடல் நலனுக்காகவும் இந்திய உணவுகளில் மசாலாக்கள் பயன்படுத்தப்படுகின்றன. மஞ்சள் போன்ற சில மசாலாப் பொருட்கள், சேதமடைந்த திசுக்களை சரிசெய்ய உதவுகின்றன.

இஞ்சி, துளசி, ரோஸ்மேரி, லவங்கப்பட்டை போன்ற மூலிகை மற்றும் மசாலாப் பொருட்கள் முதுகெலும்பு ஆரோக்கியத்தை மேம்படுத்தக்கூடியவை. சில மருந்துகளில் கூட இவை பயன்படுத்தப்படுகின்றன. மசாலாப் பொருட்கள், மூலிகைகளை பயன்படுத்தி டீ தயாரித்தும் பருகலாம்.

Read More