குழந்தைகளுக்குள் அடிக்கடி சண்டை போட்டுக்கொள்கிறார்களா..? இன்னைக்கே முடிவுகட்ட இதை டிரை பண்ணுங்க...

 ஒன்றுக்கும் மேற்பட்ட குழந்தைகள் உள்ள வீட்டில் சண்டை, சச்சரவுகள் இல்லாத நிலையை நீங்கள் பார்க்க இயலுமா? ஒற்றுமையாக விளையாடுவது என்றாலும் கூட எந்த நேரமும் சத்தமிட்டபடி கல, கலவென விளையாடிக் கொண்டிருப்பார்கள். அதிலும் சண்டை என்று வந்துவிட்டால் சொல்லவே வேண்டாம். வீடே இரண்டாகிவிடும். அந்த அளவுக்கு சண்டையும் களைகட்டும். டிவி ரிமோட் யார் வைத்துக் கொள்வது, மொபைலில் யார் கேம் விளையாடுவது, ஸ்நாக்ஸ் எப்படி பகிர்ந்து கொள்வது என பல காரணங்களுக்காக சண்டை நடக்கும்.

ஆனால் குழந்தைகளிடம் வஞ்சகமும், பழி உணர்ச்சியும் இருக்காது. எந்த சண்டையானாலும் உடனுக்குடன் அதை முடித்துக் கொண்டு அடுத்த வேலையை பார்க்கப் போய் விடுவார்கள். இருந்தாலும், குழந்தைகள் மத்தியில் சண்டை சச்சரவுகள், வீண் வாதங்களை தவிர்க்க இந்த நடவடிக்கைகளை நாம் முன்னெடுக்கலாம்.

குழந்தைகளின் சண்டை பொதுவானதே

இரண்டு அல்லது அதற்கு மேற்பட்ட குழந்தைகள் இருக்கும் வீட்டில், சண்டையை எப்படி நிறுத்துவது, அவர்களுக்குள் எப்படி சமாதானம் செய்வது, எப்படி அமைதியை நிலைநாட்டுவது என்பது குழப்பத்திற்கு உரிய விஷயமாக இருக்கும். ஆனால், இது இயல்பான விஷயம் தான்.

விதிமுறைகளை உருவாக்க வேண்டும்

சண்டைகளை தவிர்க்க முடியாது என்றாலும், குழந்தைகள் எப்படி நடந்து கொள்ள வேண்டும் என்ற விதிமுறைகளை நாம் உருவாக்கி விட வேண்டும். எதை செய்யலாம், எதை செய்யக் கூடாது என்று குழந்தைகளுக்கு தெரிந்து விட்டால், அவர்கள் எச்சரிக்கை உணர்வுடன் இருப்பார்கள்.

குழந்தைகளை சமமாக பார்க்க வேண்டும்

குழந்தைகளிடையே நீங்கள் பாகுபாடு காட்டக் கூடாது. அனைத்து குழந்தைகளையும் ஒரே மாதிரியாக பாவிக்க வேண்டும். அனைத்து குழந்தைகளின் தேவைகளையும் பூர்த்தி செய்யவும்.

தேவையில்லாமல் குறுக்கிட வேண்டாம்

குழந்தைகள் தங்கள் பிரச்சினைகளுக்கு தாங்களாகவே தீர்வு கண்டு கொள்வார்கள். கட்டுக்கடங்காமல் செல்லும்போது மட்டும் நீங்கள் தலையிட்டால் போதுமானது.

எப்போது வழிகாட்டலாம்

பெற்றோராக நீங்கள் எப்போதுமே உங்கள் குழந்தைகளுக்கு வழிகாட்டலாம். ஒரு பிரச்சினையை எப்படி அணுகுவது, எப்படி தீர்வு காண்பது என்பதை சொல்லிக் கொடுக்கலாம்.

தகவல் தொடர்பு முக்கியம்

பிறரிடம் எப்படி பேச வேண்டும் என்பதே முக்கியமான விஷயம். உங்கள் செல்லக் குழந்தைக்கு இதுகுறித்து தெரியாமல் இருப்பின், நீங்கள் அதை கற்றுக் கொடுக்கலாம்.

நியாயமான தீர்வு தருவது

தங்கள் பிரச்சினைகளுக்கு தீர்வு கிடைக்காமல் குழந்தைகள் தடுமாறும்போது நீங்கள் தலையிட்டு முடிவு சொல்லலாம். ஆனால், அது நியாயமானதாக இருக்க வேண்டும்.

நல்ல உதாரணமாக இருக்கவும்

பெற்றோராகிய நீங்கள் அடுத்தவரிடம் சண்டையிடாமல், வீண் வாதம் செய்யாமல் இருக்க வேண்டும். உங்களை பார்த்து குழந்தைகள் நற்பண்புகளை கற்றுக் கொள்ளும். நீங்கள் சண்டையிட்டால் அதே பழக்கம் குழந்தைகளிடமும் தொற்றிக் கொள்ளும்.

Click here to join whatsapp group for daily health tip 

Read More

எலும்பு தேய்மானத்தை தடுக்கும் ஊட்டச்சத்துக்கள்

 

மனித உடலின் அனைத்து பகுதிகளையும் எலும்புகள்தான் ஒருங்கிணைக்கின்றன. எலும்புகளை எந்த அளவிற்கு வலுவாக வைத்திருக்கிறோமோ அந்த அளவிற்குதான் ஆரோக்கியமும் மேம்படும். எலும்பு புரை, எலும்பு தேய்மானம், எலும்பு நொறுங்குதல் போன்ற பிரச்சினைகளையும் தவிர்க்கலாம். 

முதுமையில் எலும்பு குறைபாடு சார்ந்த பிரச்சினைகள் இன்றி நிம்மதியாக இருக்கலாம். எலும்புகளின் உறுதி தன்மைக்கு ஊட்டச்சத்துக்கள் முக்கிய பங்கு வகிக்கின்றன. அவற்றை தவறாமல் உணவில் சேர்த்துக்கொள்ள வேண்டும். 

கால்சியம்: எலும்புகளின் ஆரோக்கியத்திற்கு கால்சியத்தின் பங்களிப்பு முதன்மையானது. சாப்பிடும் உணவுகளின் மூலம்தான் எலும்புகளுக்கு தேவையான கால்சியம் உறிஞ்சப்படும். அதனால் பால், சோயா, ஓட்ஸ், முட்டை, புரோக்கோலி, பச்சைக் காய்கறிகள், பாதாம் போன்ற கால்சியம் அதிகம் உள்ளடங்கிய உணவுகளை தவறாமல் உட்கொள்ள வேண்டும்.

வைட்டமின் சி: எலும்புகளை பாதுகாக்க உதவும் கொலோஜன் உற்பத்திக்கு வைட்டமின் சி இன்றியமையாதது. சிட்ரஸ் பழங்களில் வைட்டமின் சி அதிகம் இருக்கும் என்பதால் ஆரஞ்சு, திராட்சை, சாத்துக்குடி, நெல்லிக்காய், ஸ்ட்ராபெர்ரி, எலுமிச்சை போன்றவற்றை சாப்பிடலாம். 

வைட்டமின் டி: காளான், முட்டையின் மஞ்சள் கரு, மீன், சோயா பால் போன்றவை வைட்டமின் டி உள்ளடங்கிய உணவு பொருட்கள். இவற்றை சாப்பிடுவதோடு காலை வேளையில் சூரிய ஒளி உடலில் படும்படியான செயல்பாடுகளில் சிறிது நேரம் ஈடுபட வேண்டும். உடற்பயிற்சியும் செய்து வரலாம். 

சூரிய ஒளியில் இருந்து கிடைக்கும் வைட்டமின் டி சத்தும் உடலுக்கு போதுமானது. 

வைட்டமின் கே: இது எலும்புகளின் அடர்த்தியை அதிகரிக்க உதவும். குறிப்பாக எலும்பு தேய்மானம், விபத்தில் எலும்பு நொறுங்குதல் போன்ற பாதிப்பு கொண்டவர்கள் வைட்டமின் கே சத்துக்கள் அதிகம் கொண்ட முட்டைகோஸ், காலிபிளவர், துளசி, கொத்தமல்லி, லெட்டூஸ் கீரை ஆகியவை சாப்பிடலாம். 

இவை எலும்பு பாதிப்பை சரி செய்ய உதவும். புரதம்: இதுவும் எலும்புகளின் ஆரோக்கியத்தை பேணக்கூடியது. குறிப்பாக எலும்புகள் தேய்ந்து, மெலிந்து போவதை தடுக்கக்கூடியது. பால், தயிர், பாலாடைக்கட்டி, முட்டை, ஓட்ஸ், இறைச்சி போன்ற புரதச்சத்து கொண்ட உணவுகளை உட்கொள்ளலாம். 

மக்னீசியம்: எலும்புகளின் ஆரோக்கியத்தை சீராக பேணவும், அதன் உறுதித் தன்மையை பாதுகாக்கவும் மக்னீசியம் உதவும். 35 வயதை கடந்தவர்களுக்கு மக்னீசியம் குறைபாடு ஏற்படுவதற்கு வாய்ப்பு இருக்கிறது. எனவே மக்னீசியம் அதிகம் கொண்ட பச்சைக் காய்கறிகள், பூசணி விதைகள், வாழைப்பழம் போன்றவை அடிக்கடி சாப்பிடலாம்.

பாஸ்பரஸ்: எலும்புகளுக்கு தேவையான கால்சியம் சத்தை அதிகரிக்க பாஸ்பரஸ் உதவும். மீன், பால் பொருட்கள், பழங்கள், அவகொடோ, திராட்சை, அத்திப்பழம், வாழைப்பழம் ஆகியவற்றில் பாஸ்பரஸ் நிரம்பி இருக்கிறது.

Click here to join whatsapp group for daily health tip 

Read More

வீட்டுக்குள் காற்று மாசுபாட்டை எப்படி கட்டுப்படுத்தலாம்

 

ஒரு நாளின் பெரும்பகுதியை வீட்டில்தான் செலவிடுகிறோம். கொரோனா பரவலுக்கு பிறகு வீட்டிற்குள் செலவிடும் நேரம் அதிகரித்துவிட்டது. நோய்த்தொற்றுகளின் தாக்கத்தால் வீட்டை தூய்மையாக வைத்துக்கொள்வதற்கு முன்பை விட அதிக அக்கறை செலுத்துகிறார்கள்.

 அழுக்குகள், தூசுகள், ஆவியாகும் கரிம சேர்மங்கள், மாசு விளைவிக்கும் வாயுக்கள், நுண் துகள்கள், ஒவ்வாமை போன்றவை மூலம் காற்று மாசுபாடு ஏற்படக்கூடும். 

குளியல் அறை, சமையல் அறைகளில் இருந்து வெளிப்படும் வாசமும் மாசுபாட்டுக்கு வழிவகுக்கும். பெரும்பாலும் இத்தகைய மாசுக்கள் கண்களுக்கு தெரிவதில்லை. ஒருசில வழிமுறைகளை பின்பற்றுவதன் மூலம் காற்று மாசுக்களை கட்டுப்படுத்தி வீட்டுக்குள் ஆரோக்கியமான சூழலை உருவாக்க முடியும். 

1. துப்புரவு பொருட்கள்: 

சமையலறை, குளியலறை, ஜன்னல்கள், தரைத்தளங்கள் போன்றவற்றில் காணப்படும் மாசுக்களை சுத்தப்படுத்துவதற்கு பயன்படுத்தும் துப்புரவு பொருட்களில் கலந்திருக்கும் ரசாயனங்கள் மூலம் கூட மீண்டும் மாசுக்கள் உருவாகக்கூடும். எனவே இயற்கையான துப்புரவு பொருட்களை பயன்படுத்துவது, மாசுபாட்டுக்கு வழிவகுக்காத பொருட்களை உபயோகிப்பது என மாற்று வழிமுறையை பின்பற்றுவது வீட்டின் உட்புற மாசுபாட்டை குறைக்க உதவும்.

 2. வெற்றிடம்: 

வைரஸ்கள், பாக்டீரியாக்கள், கரப்பான் பூச்சி மற்றும் நாய் மூலம் உருவாகும் அலர்ஜி போன்றவை நாம் உட்காரும், விளையாடும், தூங்கும் இடங்களில் அதிகமாக காணப்படுவதாக ஆய்வு ஒன்று தெரிவிக்கிறது. தரை விரிப்புகள், தரை தளங்களில் செல்லப்பிராணிகளின் முடிகள் உதிர்ந்து கிடப்பது, அவற்றின் அழுக்குகள் படிந்திருப்பது மூலமாகவும் மாசுக்கள் அதிகரிக்கலாம். ஷோபாவை தூசு தட்டும்போதோ, குஷனில் அமர்ந்து விளையாடும்போதோ காற்றில் தூசு பறப்பதை காண முடியும். அவற்றில் தங்கி இருந்த தூசுவை நாம் சுவாசிக்க நேரிடும்போது நோய்த்தொற்று ஏற்படக்கூடும். 

எந்தவொரு பொருளையும் சில நாட்கள் உபயோகிக்காமல் இருந்தால் அவற்றில் தூசுக்கள் படிந்திருப்பதை காணலாம். வீட்டுக்குள் தூசுக்களை கட்டுப்படுத்துவதற்கான சிறந்த வழி, வெற்றிடமாக வைத்திருப்பதுதான். அதாவது தேவையற்ற பொருட்களை அப்புறப்படுத்தி அதிக வெற்றிடங்களை உருவாக்க வேண்டும். 

3. வாசனை திரவியங்கள்: 

நிறைய பேர் அறைக்குள் நிலவும் கெட்ட வாசத்தை போக்குவதற்கு 'ரூம் பிரஷ்னர்களை' உபயோகிப்பார்கள். அவை நல்ல வாசத்தை கொடுக்கும் என்றாலும் அதனை நுகர்வதை தவிர்க்க வேண்டும். 

அறை முழுவதும் வாசனை திரவியத்தை ஸ்பிரே செய்துவிட்டு உடனே அங்கிருந்து வெளியேறிவிட வேண்டும். அதன் வாசம் நீங்கிய பிறகு அறைக்குள் நுழையலாம். ஏனெனில் அவற்றில் இருக்கும் ரசாயனங்கள் காற்றிலும், மாசுக்களிலும் கலப்பதை நாம் சுவாசிக்கும்போது ஒவ்வாமை பிரச்சினையை எதிர்கொள்ள நேரிடும். 

4. சமையல்:

 சமைக்கும்போது கையாளும் சில வழிமுறைகள் கூட மாசுபாட்டை உருவாக்கும் என்பதை கவனத்தில் கொள்ள வேண்டும். எண்ணெய்யில் பொரிக்கும்போது அவற்றில் இருந்து வெளிப்படும் துகள்கள் மாசுபாட்டை உருவாக்கும். சமையல் அறையில் இருந்து வெளிப்படும் புகையும் மாசுவை அதிகப்படுத்திவிடும். ஆதலால் சமைக்கும்போது காற்றோட்டமான சூழலை உறுதி செய்துகொள்ள வேண்டும். 

வெளிப்புற காற்று மாசுபாடு பிரச்சினை இல்லாவிட்டால் ஜன்னலை திறந்துவைத்துக்கொள்ளலாம். சுத்திகரிப்பானையும் நிறுவலாம். சமையல் அறை மட்டுமின்றி மற்ற அறைகளிலும் காற்று சுத்திகரிப்பானை நிறுவுவது மாசு பிரச்சினையை கட்டுப்படுத்தும்.

Click here to join whatsapp group for daily health tip 

Read More

நல்ல தூக்கத்தை எப்படி பெறுவது?

 தூங்கும் - விழிக்கும் நேரம்:

 தினமும் இரவில் ஒரே நேரத்தில் தூங்கி காலையிலும் ஒரே நேரத்தில் எழுந்திருங்கள். அதனை கடைப்பிடிக்கும்போது எழுந்திருக்க வேண்டிய நேரத்தை உடல் அறிய உதவும். ஆழ்ந்த தூக்கத்திற்கும் வழிவகுக்கும். 

சரியான சூழல்: 

படுக்கையறை சூழலை உறங்குவதற்கு ஏதுவாக அமைக்க வேண்டும். அது குளிர்ச்சியாகவும், இருட்டாகவும், சத்தமில்லாமலும் அமைந்திருக்க வேண்டும். இவை நிம்மதியான தூக்கத்திற்கு உதவும். 

காபியை தவிர்க்கவும்: 

காபி, டீயில் கலந்திருக்கும் காபின் விழிப்புடன் வைத்திருக்கும் தன்மை கொண்டது. எனவே, தூங்க செல்வதற்கு முன்பு டீ மற்றும் காபியை தவிர்க்கவும். மேலும், தூங்குவதற்கு முன்பு எளிதில் ஜீரணமாகும் உணவை உட்கொள்ள வேண்டும். 

நீல நிற ஒளியை தவிர்க்கவும்: 

ஸ்மார்ட்போன், டி.வி. லேப்டாப் போன்ற எந்த வகையான மின்னணு சாதனங்களையும் தூங்குவதற்கு முன்பு பார்க்கக்கூடாது. இந்த சாதனங்கள் அனைத்தும் நீல ஒளியை வெளியிடுகின்றன. இது தூக்கத்தை பாதிக்கச்செய்யும் தன்மை கொண்டது.

Click here to join whatsapp group for daily health tip 

Read More

ஸ்டெயின்லெஸ் ஸ்டீல் Vs கிளாஸ் வாட்டர் பாட்டில் : தினசரி பயன்பாட்டிற்கு எது சிறந்தது?

 நாட்டின் பல பகுதிகளில் கோடை வெயில் இன்னும் தொடர்கிறது. கொளுத்தும் வெயிலை சமாளிக்க உடலை ஹைட்ரேட்டாக வைத்திருப்பது மிகவும் அவசியமாகிறது. உடலை நீரேற்றமாக வைத்திருப்பது நம்மை ஆரோக்கியமாகவும், நோயிலிருந்து பாதுகாக்கவும் உதவுகிறது.

இருப்பினும் நம்மில் பலரும் தினசரி போதுமான அளவு தண்ணீரை குடிக்க மறந்து விடுகிறோம் அல்லது தாகம் எடுக்கவில்லை என்பதால் தவிர்த்து விடுகிறோம். வெளியில் செல்லும் போதெல்லாம் ஒரு பாட்டில் தண்ணீரை கையில் எடுத்து செல்வது நமது உடலை நீரேற்றமாக வைத்திருப்பதை எளிதாக்குகிறது. இந்த நாட்களில் மீண்டும் பயன்படுத்தக்கூடிய தண்ணீர் பாட்டில்கள் மிகவும் பயனுள்ளதாக மற்றும் ட்ரெண்டியாக உள்ளன. மேலும் வாட்டர் பாட்டில்கள் அனைவரிடத்திலும் இருக்க வேண்டிய பொருளாக மாறி இருக்கிறது.

நம் ஆரோக்கியத்தின் இன்றியமையாத ஒன்றாக நீரேற்றம் இருப்பதால் நீங்கள் எங்கு சென்றாலும் உங்களுடன் கூடவே எடுத்து செல்ல லாங்-லாஸ்டிங் ரீயூசபிள் பாட்டிலை வைத்து கொள்வது அவசியம். ஆனால் பாதுகாப்பு மற்றும் நிலைத்தன்மையின் அடிப்படையில் எந்த மாதிரியான வாட்டர் பாட்டில்களை பயன்படுத்தினால் நன்றாக இருக்கும்?

கிளாஸ் வாட்டர் பாட்டில்:

மெட்டல் அடிப்படையிலான வாட்டர் பாட்டில்களை போல கிளாஸ் வாட்டர் பாட்டில்கள் தண்ணீரின் சுவையை மாற்றாது. வாஷிங்டன் போஸ்ட்டில் வெளியாகி உள்ள ஒரு அறிக்கை, கண்ணாடி உடைந்து போகாமல் இருந்தால், கிளாஸ் வாட்டர் பாட்டில் பயன்படுத்துவது சிறந்த வழி என்று கூறுகிறது. 

கண்ணாடி இயற்கையான பொருட்களால் ஆனது என்பதால், அதை சூடாக்கும்போது அல்லது குளிர்விக்கும் போது கனிம ரசாயனங்கள் திரவங்களில் கசியும் அபாயம் இல்லை என்பது சிறப்பு. கிளாஸ் பாட்டில் உடைந்து விடும் என்று நீங்கள் கவலைப்பட்டால் கிளாஸ் வாட்டர் பாட்டில்களில் ஹீட்-ரெசிஸ்டன்ட் அல்லது ஷட்டர்ப்ரூஃப் ஆப்ஷன்களை நீங்கள் பார்க்கலாம்.

ஸ்டெயின்லெஸ் ஸ்டீல் வாட்டர் பாட்டில்கள்:

மெட்டல் பாட்டில்கள் அலுமினியம் அல்லது ஸ்டெயின்லெஸ் ஸ்டீல் (துருவேறா எஃகு) என்றும் அறியப்படுகிறது. இவை பற்றி வாஷிங்டன் போஸ்ட்டில் கூறப்பட்டுள்ளதாவது, ஸ்டெயின்லெஸ் ஸ்டீல் பாட்டில்கள் சுற்றுச்சூழலுக்கு உகந்தவை, அவை மீண்டும் பயன்படுத்தக்கூடியவை மற்றும் மறுசுழற்சி செய்யக்கூடியவை, எனினும் இவை greenhouse gas emissions-ஐ உருவாக்குகிறது. இது புவி வெப்பமடைதலுக்கு முக்கிய பங்களிப்பாக அமைகிறது.

மேலும் திரவத்தில் அலுமினியத்தின் சிறிய பரிமாற்றம் இருக்கலாம். சமையல் தர துருவேறா எஃகு மூலம் தயாரிக்கப்படும் ஸ்டெயின்லெஸ் ஸ்டீல் பாட்டில்கள் கிளாஸ் அல்லது பிளாஸ்டிக்கை விட நீண்ட காலம் நீடிக்கும். அதே போல ஸ்டெயின்லெஸ் ஸ்டீல் பாட்டிலை வாங்கும் போது, அதில் தீங்கு விளைவிக்கும் ரசாயனங்கள் நிரம்பியிருக்கலாம் என்பதால் அதில் பிளாஸ்டிக் அல்லது பிசின் இல்லை என்பதை உறுதி செய்து கொள்ளவும். கிளாஸ் அல்லது பிளாஸ்டிக் போன்ற மற்ற பொருட்களை விட ஸ்டெயின்லெஸ் ஸ்டீல் சற்று விலை உயர்ந்தது என்றாலும், அவை ஆற்றல் மிகுந்தவை. மேலும் 100% மறுசுழற்சி செய்யக்கூடியது மற்றும் நீண்ட காலத்திற்கு பயன்படுத்தலாம்.

Click here to join whatsapp group for daily health tip 

Read More

குழந்தைகளுக்கான கால்சியம் சத்தை அள்ளித்தரும் உணவுகள்... தினம் ஒன்று கொடுங்கள்..!

 தாய்மார்களைப் பொறுத்தவரை குழந்தைகளை மூன்று வேளையும் முறையாக சாப்பிட வைப்பது என்பதே மிகப்பெரிய சவாலான விஷயம். அப்படியிருக்கையில் அவர்கள் ருசித்து சாப்பிடக்கூடிய வகையில் சத்தான உணவுகளை தயார் செய்து கொடுக்க வேண்டிய கடமையும் தாய்மார்களையே சாரும். குறிப்பாக வளரும் குழந்தைகளுக்கு கால்சியம் நிறைந்த உணவு என்பது மிகவும் அத்தியாவசியமானது. ஏனெனில் கால்சியம் தான் எலும்புகள், பற்கள் ஆகியவற்றை வலுவக்க உதவுகிறது.

பசுவின் பால், தயிர் மற்றும் சீஸ் போன்ற பால் பொருள்கள் கால்சியத்தின் சிறந்த மூலமாகும். குழந்தைக்கு பால் பிடிக்கவில்லை என்றால், அதற்கு மாற்றாக தயிர் மற்றும் பாலாடைக்கட்டி கொடுக்கலாம். ஆனால் பெரும்பாலான குழந்தைகளுக்கு பால் மற்றும் பால் சார்ந்த பொருட்களை எடுத்துக்கொள்ள மாட்டேன் என அடம்பிடிப்பார்கள். இருப்பினும் குழந்தைகளின் உணவில் சிறிதளவு பால் இடம்பிடிப்பது போல் பார்த்துக்கொள்வது நல்லது.

குழந்தைகளுக்கு அத்தியாவசிய ஊட்டச்சத்தான கால்சியம் சத்து நிறைந்துள்ள சில உணவுப்பொருட்கள் குறித்து பார்க்கலாம்..

1. பாதாம்:

மூன்றில் ஒரு கப் பாதாம் பருப்பில் 110 மி.கி கால்சியம் உள்ளது. பாதாம் கால்சியத்தின் சிறந்த மூலமாகும், மேலும் இது நினைவாற்றல் மற்றும் மூளை சக்தியை அதிகரிக்கிறது. இதனை தண்ணீரில் ஊறவைத்து காலை வேளையிலோ அல்லது மொறு மொறுப்பான ஸ்நாக்ஸாக மாலை வேளையிலோ குழந்தைகளுக்கு சாப்பிட கொடுக்கலாம்.

2. சோயா:

சோயா கால்சியம் சத்து நிறைந்த மற்றொரு உணவாகும். இதனை குழந்தைகளின் அன்றாட உணவில் இருப்பது போல் பார்த்துக்கொள்ளலாம். சோயா பீன்ஸ், சோயா மில்க், தயிர், டோஃபு என பலவகையான பொருட்களை குழந்தைகளுக்கு கொடுக்கலாம். சோயா மில்கின் மற்றொரு கூடுதல் நன்மை என்னவென்றால், லாக்டோஸ் சகிப்புத்தன்மை இல்லாத குழந்தைகளுக்கு இதை கொடுக்கலாம். மேலும் சோயாவில் கால்சியத்துடன் சேர்த்து இரும்பு, நார்ச்சத்து மற்றும் பாஸ்பரஸ் மெக்னீசியம் மற்றும் தயாமின் போன்ற தாதுக்கள் நிறைந்துள்ளன.

3. பால் சார்ந்த பொருட்கள்:

பாலில் இயற்கையாகவே கால்சியம் சத்து நிறைந்துள்ளது. ஆனால் பல குழந்தைகளுக்கு பால் பிடிப்பது கிடையாது. எனவே பாலை தவிர்க்கும் குழந்தைகளுக்கு, சீஸ், பனீர் மற்றும் வெண்ணெய் போன்ற பால் பொருட்களை கொடுக்கலாம். இவையும் கால்சியத்தின் சிறந்த இயற்கை ஆதாரங்களில் ஒன்றாக விளங்குகின்றன.

4. பட்டாணி:

ஒரு கப் பச்சை பட்டாணியில் 45 மி.கி கால்சியம் உள்ளது. இது குழந்தையின் சரியான எலும்பு வளர்ச்சி மற்றும் வலிமைக்கு உதவுகிறது. பட்டாணியில் வைட்டமின் கே உள்ளது, இது குழந்தைகளின் எலும்பு தாது அடர்த்தியை பராமரிக்க உதவுகிறது.

5. ஆரஞ்சு:

ஒரு ஆரஞ்சு பழத்தில் 50 மி.கி கால்சியம் உள்ளது. இது கால்சியத்தின் நல்ல ஆதாரமாக இருந்தாலும், குழந்தைகளுக்கு புதிதாகப் பிழிந்த ஆரஞ்சு பழ சாற்றை மட்டுமே கொடுக்க வேண்டும், பேக்கேஜ் செய்யப்பட்ட ஜூஸை பெற்றோர்கள் கொடுப்பதை தவிர்க்க வேண்டும்.

6. பீன்ஸ்:

100 கிராம் பீன்ஸில் 113 மில்லி கிராம் கால்சியம் உள்ளது. குழந்தைகளுக்கு பீன்ஸ் பிடிக்காமல் போகலாம், ஆனால் இந்த கால்சியம் நிறைந்த காய்கறிகளை அவர்களுக்கு கொடுப்பது முக்கியமாகும். தாய்மார்கள் பீன்ஸை வைத்து பிள்ளைகளுக்கு பிடித்தமான உணவுகளை சமைத்து கொடுத்து சாப்பிடவைக்கலாம்.

7. மீன்:

உங்கள் பிள்ளைக்கு மீன் மீது விருப்பம் இருந்தால், தினசரி உணவில் சிறிதளவு மீன் இருப்பது போல் பார்த்துக்கொள்ளுங்கள். ஏனெனில் மீன் கால்சியத்தின் சிறந்த ஆதாரமாக உள்ளது. அதேபோல் குழந்தைகளுக்கு மீனை சாப்பிட கொடுப்பதற்கு முன்பே அதனை நன்றாக பரிசோதித்து, முள்ளை அகற்றிவிட்டு கொடுங்கள்.

8. கேழ்வரகு:

100 கிராம் கேழ்வரகில் 344 மில்லிகிராம் கால்சியம் உள்ளது. கேழ்வரகு கால்சியம் செறிவு நிறைந்த சிறந்த தானியமாக கருதப்படுகிறது. ராகி மாவைக் கொண்டு கலி, கூழ், தோசை, சப்பாத்தி என குழந்தைகளுக்கு கொடுக்கக்கூடிய பல உணவு வகைகளையும் தயார் செய்யலாம்.

9.கீரைகள் :

கீரை வகைகள் கால்சியம் சத்து நிறைந்த மற்றொரு உணவுப்பொருளாகும். ஆனால் கீரைகளை குழந்தைகள் விரும்புவது கிடையாது. குழந்தைகள் விரும்பாவிட்டாலும், 100 கிராமுக்கு 99 மில்லி கிராம் கால்சியம் நிறைந்துள்ள இந்த அதிசய இலைகளை நீங்கள் அவர்களது உணவில் கட்டாயம் சேர்க்க வேண்டும்.

10. முட்டை :

கால்சியம் சத்து நிறைந்த உணவுப்பொருட்கள் பட்டியலில், குறைந்தபட்சம் குழந்தைகள் விரும்பிச்சாப்பிடும் உணவாக முட்டை உள்ளது. முட்டையில் நிறைந்துள்ள கால்சியம் குழந்தைகளின் எலும்பு மற்றும் பற்கள் வலுவடைய உதவுகிறது. உங்கள் குழந்தைக்கு ஒவ்வாமை பிரச்சனை இல்லாத வரையில் தினந்தோறும் ஒரு முட்டையை உணவுடன் சேர்த்துக்கொடுக்கலாம்.

Click here to join whatsapp group for daily health tip 

Read More

பெண்களை காட்டிலும் ஆண்களுக்கு அதிக அளவில் மாரடைப்பு ஏற்பட என்ன காரணம்..?

 உலகெங்கிலும் உள்ள மக்களிடையே அதிகரித்து வரும் உடல்நலப் பிரச்சினைகளில் இதய நோய்கள் முதன்மையானதாக உள்ளது. உலகளாவிய சுகாதார அமைப்பின் மதிப்பீடுகளின்படி, 2019 ஆம் ஆண்டில் 17.9 மில்லியன் மக்கள் இருதய நோய் சம்பந்தமான பாதிப்புகளால் இறந்துள்ளனர், இது உலகளாவிய இறப்புகளில் 32 சதவீதம் ஆகும். இந்த இறப்புகளில் 85 சதவீதம் மாரடைப்பு மற்றும் பக்கவாதம் காரணமாக நடந்துள்ளது.

இதய நோய்கள் அதிகரிக்க மாறிய வாழ்க்கை முறை முதல் உணவுப் பழக்கம் வரை பல காரணிகள் கூறப்படுகிறது. பெண்களை விட ஆண்களுக்கு இதய நோய் ஏற்படும் அபாயம் அதிகம் என்று ஆய்வுகள் மற்றும் ஆராய்ச்சிகள் தெரிவிக்கின்றன.

வயதானவர்கள் மட்டுமின்றி இளைஞர்களும் மாரடைப்பு போன்ற இதய நோய்களுக்கு ஆளாகிறார்கள். பெண்களுடன் ஒப்பிடும் போது, ​​ஆண்களுக்கு மன அழுத்தம் மற்றும் கோபம் அதிகம் எனவே இவை, இரத்த அழுத்தம் மற்றும் மன அழுத்த ஹார்மோன்களின் அளவு அதிகரிப்பதாகவும் அதனால் இதய நோய்க்கான ஆபத்து அதிகரிப்பதற்கும் வழிவகுக்கும் என நிபுணர்கள் கூறுகின்றனர்.

மாரடைப்புக்கான அறிகுறிகள் ஆண்களுக்கும் பெண்களுக்கும் வேறுபடுகின்றன. ஆண்கள் பொதுவாக மார்பு வலி, மூச்சுத் திணறல் மற்றும் கை, கழுத்து அல்லது முதுகில் கூச்ச உணர்வு போன்ற பிரச்சனைகளை அனுபவிக்கிறார்கள். குமட்டல், தலைச்சுற்றல், நெஞ்செரிச்சல், சோர்வு மற்றும் வியர்வை போன்றவை பெண்களுக்கான அறிகுறியாகும்.

எனவே போதுமான அளவு நடவடிக்கைகள் மூலம் ஒருவர் தனது இதய ஆரோக்கியத்தைப் பேணுவது, இதய நோய்க்கான ஆபத்தை முடிந்தவரை குறைப்பதற்கான வழியாகும்.

ஆரோக்கியமான இதயத்தை பராமரிக்க ஆண்கள் என்ன மாதிரியான விஷயங்களை மேற்கொள்ள வேண்டும் என்பதை கீழே விரிவாக விளக்கியுள்ளோம்.

உடற்பயிற்சி:

ஜாகிங், வாக்கிங், சைக்கிள் ஓட்டுவது அல்லது ரன்னிங் போன்ற எளிய உடல் செயல்பாடுகள் குறிப்பிடத்தக்க மாற்றத்தை ஏற்படுத்தும் என்று மருத்துவர்கள் அறிவுறுத்துகின்றனர். இத்துடன் இதய ஆரோக்கியத்தை மேம்படுத்துவதற்கான சில உடற்பயிற்சிகளையும் அன்றாடம் செய்வது நல்லது.

ஊட்டச்சத்து:

நல்ல இதய ஆரோக்கியத்தை பராமரிக்க உணவுக் கட்டுப்பாடும் அவசியமானது. உங்கள் உணவில் அதிக காய்கறிகள், பழங்கள் மற்றும் பருப்பு வகைகள் சேர்த்துக்கொள்ள வேண்டும். குறிப்பாக உணவுப்பழக்கத்தில் நார்ச்சத்து மற்றும் ஆக்ஸிஜனேற்றம் நிறைந்த, குறைந்த கலோரிகளளைக் கொண்ட உணவுகளை சேர்த்துக்கொள்ள வேண்டும். ஏனெனில் இவை ரத்த அழுத்தத்தைக் கட்டுப்படுத்த உதவுகிறது.

கொழுப்பு நிறைந்த உணவுகள்:

உடலின் பல்வேறு செயல்பாடுகளுக்கு கொழுப்பு முக்கியமானதாக இருந்தாலும், அனைத்து வகையான கொழுப்புகளும் ஆரோக்கியத்திற்கு நன்மை பயக்குவது கிடையாது. இதயத்தில் எதிர்மறையான தாக்கத்தை ஏற்படுத்தும் நிறைவுற்ற கொழுப்பின் நுகர்வை குறைக்க வேண்டும். இவை பொதுவாக ரெட் மீட் மற்றும் வெண்ணெய் போன்ற உணவுகளில் காணப்படுகின்றன.

மன அழுத்தம் மேலாண்மை:

மோசமான மன அழுத்தம் எப்போதும் இதய ஆரோக்கியத்தை பாதிக்க கூடியதாகவே உள்ளது. நல்ல தூக்கம், தியானம், சரியான ஓய்வு மற்றும் உடற்பயிற்சி போன்றவை மூலமாக மன அழுத்தத்தைக் கட்டுக்குள் வைத்துக்கொள்ள முயற்சிப்பது நல்லது.

புகை, மதுவை கைவிடுங்கள்:

புகைபிடித்தல் ஆரோக்கியத்திற்கு தீங்கு விளைவிப்பதாகும். அது உங்கள் இதய ஆரோக்கியத்தையும் நேரடியாக பாதிக்கலாம். இது இதயத்திற்கு ஆக்ஸிஜன் விநியோகத்தை பாதிக்கிறது மற்றும் இரத்த உறைவு அபாயத்தை அதிகரிக்கிறது. அதிகப்படியான ஆல்கஹால் உட்கொள்வதும் இதய செயலிழப்பு, உயர் இரத்த அழுத்தம் மற்றும் பக்கவாதம் ஆகியவற்றுடன் தொடர்புடையவை ஆகும்.

Click here to join whatsapp group for daily health tip 

Read More

சைக்கிளிங் Vs வாக்கிங் - இவற்றில் எது சிறந்தது?

 ஏரோபிக் என்று அழைக்கப்படும் உடற்பயிற்சிகள், ஆரோக்கியமான வாழ்க்கை முறையைப் பேணவும், சக்தியோடும் இருக்கவும் உதவி செய்கின்றன. எல்லோரும் உடற்பயிற்சிக்கு என்று தனியாக மெனக்கிடுவதை விரும்புவதில்லை. அப்படிப்பட்ட மக்களுக்கு நடைப்பயிற்சி அல்லது மிதிவண்டி பயிற்சி சிறந்த கருவியாக இருக்கும்.

நடைப்பயிற்சி மற்றும் சைக்கிளிங் போன்றவை நமது மண் சாா்ந்த உடற்பயிற்சிகள் ஆகும். அவை நமது வளா்சிதை மாற்றத்தையும், உடல் வலுவையும் அதிகாிக்கும். மேலும் நமது வலு தாங்கும் தன்மையையும், சுறுசுறுப்பையும் அதிகாிக்கும். இந்த இரண்டு பயிற்சிகளும் நமது இதய ஆரோக்கியத்திற்கும், சொிமான மண்டலத்திற்கும், சிறுநீரக இயக்கங்களுக்கும் மற்றும் நரம்பு மண்டலத்திற்கும் அதிகளவில் நன்மைகளைச் செய்கின்றன.

எனினும் இந்த இரண்டு பயிற்சிகளில் ஒன்று மிகச் சிறந்த பலன்களைத் தருகிறது. அது நடைப்பயிற்சியா அல்லது மிதிவண்டி பயிற்சியா என்பதை இந்தப் பதிவில் சற்று விாிவாகப் பாா்க்கலாம்.

கலோாிகளை எாிப்பதில் எது சிறந்தது? 

சைக்கிளிங் பயிற்சியாக இருந்தாலும் சாி அல்லது நடைப் பயிற்சியாக இருந்தாலும், கலோாியை எாிப்பது என்பது அந்த பயிற்சியின் தீவிரத்தைப் பொறுத்து அமைகிறது. அதாவது மெதுவாக மிதிவண்டியை ஓட்டுவதைவிட வேகமாக நடந்தால் அதிக கலோாிகளை எாிக்கலாம். உடலில் உள்ள கலோாிகள் எாிவது என்பது அந்த உடலின் உயரம், எடை மற்றும் அந்த உடலின் இயக்கம் ஆகியவற்றைப் பொறுத்து அமைகிறது. கலோாியை எாித்தல் பற்றி ஒரு மாதிாி அட்டவணையை கிழே பாா்க்கலாம். அதாவது 68 கிலோ எடை கொண்ட ஒருவா் 30 நிமிடங்கள் சைக்கிளிங் பயிற்சியோ அல்லது நடைப்பயிற்சியோ செய்தால் எவ்வளவு கலோாிகளைக் குறைக்கலாம் என்பதைப் பாா்க்கலாம். 

- 30 நிமிடங்கள் மெதுவாக மிதிவண்டி ஓட்டினால் 240 கலோாிகளை எாிக்கலாம். - மித வேகமாக ஓட்டினால் 285 கலோாிகளை எாிக்கலாம் - அதிவேகமாக ஓட்டினால் 357 கலோாிகளை எாிக்கலாம் 

- 30 நிமிடங்கள் மெதுவாக நடந்தால் 154 கலோாிகளை எாிக்கலாம் - மித வேகமாக நடந்தால் 179 கலோாிகளை எாிக்கலாம் - அதிவேகமாக நடந்தால் 250 கலோாிகளை எாிக்கலாம்.

 மேற்சொன்ன அட்டவணையில் இருந்து, நடைப்பயிற்சியை விட சைக்கிளிங் பயிற்சி அதிக கலோாிகளை எாிக்கிறது என்பதை நாம் அறிந்து கொள்கிறோம். இந்த முடிவு ஒருவருடைய எடை மற்றும் உயரத்திற்கு ஏற்றாா் போல மாறுபடும்.

தசைகளுக்கு பலன் தரும் சிறந்த பயிற்சி எது? 

சைக்கிளிங் பயிற்சி மற்றும் நடைப்பயிற்சி ஆகிய இரண்டுக்கும் ஒரே அளவிளான தசை இயக்கங்கள் வேண்டும். இந்த இரண்டு பயிற்சிகளைச் செய்யும் போது இடுப்பு தசை மற்றும் தொடை தசை ஆகியவற்றின் இயக்கம் அதிகமாக இருக்கும். இரண்டு தசைகளும் ஒருவருக்கு சக்தியை அளித்து அவரை இயங்க வைக்கின்றன அல்லது மிதிவண்டியை ஓட்ட வைக்கின்றன. இந்த நிலையில் வேகமாக மிதிவண்டியை ஓட்டும் போது அவரது தசைகள் அதிகமாகத் தூண்டப்படுகின்றன. ஒருவா் மலை மீது அல்லது ஏணிப்படிகள் மீது ஏறும் போது அவருடைய பின் தொடை தசைகள் அதிக அளவில் இயக்கம் பெறுகின்றன. முன் தொடை தசைகளும் அதற்கு ஏற்ப பலன் பெறுகின்றன. இந்நிலையில் நடைப்பயிற்சியைவிட சைக்கிளிங் பயிற்சியானது தசைகளை வளா்த்து எடுப்பதற்கு அதிக உதவி செய்கிறது.

எடையைக் குறைக்க சிறந்த பயிற்சி எது? 

இரண்டு பயிற்சிகளையும் ஒப்பிடும் போது நடைப்பயிற்சியை விட சைக்கிளிங் பயிற்சியானது எடையைக் குறைக்க அதிக அளவில் உதவி செய்கிறது என்று சொல்லலாம். தேசிய சுகாதார மையத்தில் (National Institute of Health) சமீபத்தில் நடத்தப்பட்ட ஆய்வு ஒன்று என்ன சொல்கிறது என்றால், சைக்கிளிங் பயிற்சியானது நமது வளா்சிதை மாற்றத்தை மிக வேகமாகத் தூண்டுகிறது என்று தொிவிக்கிறது. தினமும் சைக்கிளிங் பயிற்சி செய்யக்கூடிய சிலரும், அதுபோல் தினமும் நடைப்பயிற்சியில் ஈடுபடும் சிலரும் இந்த ஆய்வில் பங்கு எடுத்தனா். அவா்கள் தங்களது பயிற்சியில் ஈடுபட ஒரு குறிப்பிட்ட கால அளவு வழங்கப்பட்டது. 

இறுதியாக நடைப்பயிற்சியில் ஈடுபட்டவா்களை விட சைக்கிளிங் பயிற்சியைச் செய்தவா்கள் அதிக அளவிலான கொழுப்பைக் கரைத்ததாக அந்த ஆய்வில் தொிய வந்தது. எனினும் வேறொரு ஆய்வு என்ன சொல்கிறது என்றால், சைக்கிளிங் பயிற்சியை விட, நடைப்பயிற்சியும், ஓட்டப்பயிற்சியும் எலும்பின் மஜ்ஜையில் (bone marrow) குறைவான அளவு கொழுப்பையே குவிய அனுமதிக்கிறது என்று தொிவிக்கிறது.

இறுதியாக மேற்சொன்ன தகவல்களில் இருந்து, கலோாிகளை எாிப்பதற்கும், உடல் எடையைக் குறைப்பதற்கும், தசைகளின் வலுவை அதிகாிப்பதற்கும், நடைப்பயிற்சியை விட சைக்கிளிங் பயிற்சியே சிறந்தது என்பதை நம்மால் உணர முடிகிறது. எலும்புகளின் அடா்த்தியை அதிகாிக்க வேண்டும் என்றால் அதற்கு நடைப்பயிற்சி சிறந்த ஒன்றாக இருக்கும். மிதிவண்டி ஓட்டுவதில் சிரமப்படும் வயதில் முதிா்ந்தவா்கள் தினமும் குறைந்தது 20 முதல் 30 நிமிடங்கள் வரை நடக்க வேண்டும். அதன் மூலம் அவா்கள் எலும்புப்புரை (osteoporosis), எலும்பு கீழ்வாதம் (osteo-arthiritis) மற்றும் எலும்புத் திண்மக் குறை (osteopenia) போன்ற பிரச்சினைகளைக் குறைக்கலாம்.

Click here to join whatsapp group for daily health tip 

Read More

உப்பில் இத்தனை பக்க விளைவுகளா: ஒரு நாளில் எவ்வளவு உப்பு சாப்பிடலாம்?

உப்பு நமது உணவின் ஒரு முக்கிய அங்கமாகும். இது நமது உணவின் சுவையை அதிகரிக்கிறது. உணவில் உப்பு குறைவாக இருக்கலாம், ஆனால் உப்பு இல்லாமல் நாம் சாப்பிடுவதை நினைத்துக்கூட பார்க்க முடியாது. 

உப்பு உணவின் சுவையை அதிகரிக்கிறது, அத்துடன் உடலையும் ஆரோக்கியமாக வைக்கிறது. எனினும், உணவில் உப்பின் அளவு அதிகமானால், அது பல பக்க விளைவுகளையும் ஏற்படுத்தலாம். அதிக உப்பை உட்கொள்வது உயர் இரத்த அழுத்தம் மற்றும் சிறுநீரக பிரச்சனைகளுக்கு வழிவகுக்கும்.

அதிக உப்பை உட்கொள்வதால், சிறுநீரகங்கள் உடலில் இருந்து திரவங்களை வெளியேற்றுவது கடினமாகி சிறுநீரக பிரச்சனைகளை உண்டாக்குகிறது. உணவில் குறைந்த அளவு உப்பு உட்கொள்வது முக்கியம். நல்ல ஆரோக்கியத்திற்கு எவ்வளவு உப்பு உட்கொள்ள வேண்டும் என்பதை தெரிந்து கொள்வோம். உடலில் அதிக உப்பை உட்கொள்வதால் ஏற்படும் விளைவுகள் என்ன? இந்த பதிவில் காணலாம்.

ஆரோக்கியமான உடலுக்கு எவ்வளவு உப்பு சாப்பிடுவது நல்லது?

உலக சுகாதார அமைப்பின் படி, நாம் தினமும் 5 கிராமுக்கு மேல் உப்பைப் பயன்படுத்தக்கூடாது. அதிக உப்பை உட்கொள்வதால் உடலில் சோடியம் மற்றும் பொட்டாசியத்தின் அளவு அதிகமாகிறது. இது உயர் இரத்த அழுத்தம் மற்றும் இதய நோய்களின் அபாயத்தை அதிகரிக்கிறது. 

உலக சுகாதார அமைப்பின் கூற்றுப்படி, மக்கள் தினமும் 9 முதல் 12 கிராம் உப்பு சாப்பிடுகிறார்கள். இது ஆரோக்கியத்திற்கு தீங்கு விளைவிக்கும்.

இரத்த அழுத்தத்தை அதிகரிக்கலாம்: 

உணவில் அதிக உப்பை உட்கொள்வது உயர் இரத்த அழுத்த அபாயத்தை அதிகரிக்கும். இரத்த அழுத்தம் இதயம் மற்றும் பக்கவாதம் போன்ற பல நோய்களின் அபாயத்தை அதிகரிக்கும். உயர் இரத்த அழுத்தம் கண்பார்வையை குறைக்கும். உணவில் குறைந்த அளவு உப்பை உட்கொள்வது உங்களை ஆரோக்கியமாக வைத்திருக்கிறது, உணவின் சுவையை முழுமையாக வைத்திருக்கிறது, அத்துடன் பல நோய்களின் அபாயத்தையும் குறைக்கிறது.

உடல் பருமனை அதிகரிக்கிறது: 

உணவில் அதிக உப்பை உட்கொள்வது உடல் பருமனை அதிகரிக்கிறது. உப்பை அதிகமாக உட்கொள்வது உடலில் கலோரிகளை அதிகரிக்கிறது. இது உடல் கொழுப்பை அதிகரிக்கிறது. உப்பு அதிகமாக உட்கொள்வதால் இரைப்பைக் கட்டிகளும் ஏற்படலாம். உடல் பருமன் அதிகரித்தால், உப்பைக் கட்டுப்படுத்துங்கள்.

சிறுநீரக ஆரோக்கியத்தில் பாதிப்பு: 

அதிக உப்பை உட்கொள்வது சிறுநீரக ஆரோக்கியத்தையும் பாதிக்கிறது. அதிக சோடியம் உடலில் சேரும்போது, ​​அதை ஜீரணிக்க சிறுநீரகங்கள் கூடுதல் முயற்சி எடுக்க வேண்டும்.

வீங்கிய முகம்: 

அதிக உப்பை உட்கொள்வதால், முகத்தில் வீக்கம் தோன்றும். உப்பு அதிகமாக உட்கொள்வதால் முகம் ஊதிய தோற்றம் அளிக்கும் என்பது பல ஆராய்ச்சிகளில் தெரியவந்துள்ளது.

கைகள் மற்றும் கால்களில் வீக்கம் அதிகரிக்கும்: 

உப்பு அதிகமாகப் பயன்படுத்துவதால் கை மற்றும் கால்களில் வீக்கம் ஏற்படலாம்.

Click here to join whatsapp group for daily health tip 

Read More

ப‌சி‌யி‌ன்மையை‌ப் போ‌க்கு‌ம் க‌றிவே‌ப்‌பிலை!

 க‌றிவே‌ப்‌பிலை, சு‌க்கு, ‌மிளகு, ‌தி‌ப்‌பி‌லி, காய‌ம், இ‌ந்து‌ப்பு சம அளவு எடு‌த்து பொடி செ‌ய்து, சுடுசாத‌த்‌தி‌ல் கல‌ந்து நெ‌ய் ‌வி‌ட்டு ‌பிசை‌ந்து சா‌ப்‌பிட ‌ப‌சி‌யி‌ன்மை, உண‌வி‌ல் வெறு‌ப்பு, பு‌ளியே‌ப்ப‌ம், வா‌ய் கும‌ட்ட‌ல் ஆ‌கியவை குணமாகு‌ம்.

குழ‌ந்தைகளு‌க்கு‌ம் இ‌ந்த சாத‌த்தை ‌சி‌றிய அள‌வி‌ல் கொடு‌த்து வரலா‌ம்.

க‌றிவே‌ப்‌பிலை ஈ‌ர்‌க்குட‌ன் சே‌ர்‌த்து இடி‌த்து சாறு ‌பி‌ழி‌ந்து ‌கிரா‌ம்பு, ‌தி‌ப்‌பி‌லி பொடியை சே‌ர்‌த்து குழை‌த்து தர குழ‌ந்தைகளு‌க்கு உ‌ண்டாகு‌ம் வா‌ந்‌தி ‌நி‌ற்கு‌ம். ந‌ன்கு ப‌சியெடு‌க்கு‌ம்.

க‌றிவே‌ப்‌பிலை, ‌மிளகு, ‌சீரக‌ம், வெ‌ந்தய‌ம், சு‌ண்டை வ‌ற்ற‌ல், சூரண‌த்து உ‌ப்பு சே‌ர்‌த்து உ‌ண‌வி‌ல் கல‌ந்து சா‌ப்‌பி‌ட்டு வர ம‌ந்த‌ம் ‌நீ‌ங்‌கி ப‌சி உ‌ண்டாகு‌ம்.

க‌றிவே‌ப்‌பிலையை துவையலாகவோ, பொடியாகவோ செ‌ய்து ‌தினமு‌ம் உ‌ட்கொ‌ண்டு வர, செ‌ரியாமை, ப‌சி‌யி‌ன்மை, க‌ழி‌ச்ச‌ல் இவ‌ற்றை‌ப் போ‌க்கு‌ம். தலைமுடியை ‌நீ‌ண்டு வளர‌ச் செ‌ய்யு‌ம்.

Click here to join whatsapp group for daily health tip 

Read More