உடற்பயிற்சி, டயட்... இவை எதுவும் உடல் எடையை குறைக்க உதவலையா..? அப்போ இதை டிரை பண்ணி பாருங்க..

 ஆரோக்கியமான முறையில் எப்படி எடை குறைப்பது என்பது தற்போது பலரும் எதிர்கொள்ளும் மிகப்பெரிய பிரச்சனை! எடை குறைக்க முடியாமல் அவதிப்படுவர்களின் எண்ணிக்கை தொடர்ந்து அதிகரித்து வருகிறது. இந்தியாவில் 2012 ஆம் ஆண்டின் கணக்குப்படி ரெண்டரை கோடி மக்கள் உடல் பருமனால் பாதிக்கப்பட்டுள்ளனர். அதன் பிறகு 2016 ஆம் ஆண்டில் அந்த எண்ணிக்கை 3.4 கோடியாக உயர்ந்தது. கடந்த 10 ஆண்டுகளில் உடல்பருமனால் பாதிக்கப்பட்ட இந்தியன் அடல்ட் மக்கள் தொகையில் ஐந்து ஆண்டுகளில் கிட்டத்தட்ட 4% அதிகரித்துள்ளது என்று ஐக்கிய நாடுகளின் வெளியிட்ட அறிக்கை குறிக்கின்றது.

இந்தியாவில் மட்டுமல்லாமல் உலக அளவிலேயே உடல் பருமனால் பாதிக்கப்பட்டவர்களின் எண்ணிக்கை இரண்டு மடங்காக அதிகரித்துள்ளது. உலகம் முழுவதிலும் 67.5 கோடி மக்கள் உடல் பருமனால் அவதிப்பட்டு வருகிறார்கள் என்று அறிக்கை கூறுகிறது. இது அடுத்த இரண்டு ஆண்டுகளில் இன்னும் கணிசமாக அதிகரிக்கும் என்று அச்சுறுத்தக்கூடிய தகவலும் வெளியாகியுள்ளது.

உடல் பருமன் என்றால் என்ன..?

மூத்த பேரியாட்ரிக் மற்றும் வளர்சிதை மாற்ற அறுவை சிகிச்சை நிபுணரான மருத்துவர் ராஜ் பழனியப்பன் உடல் பருமனை பற்றி கூறுகையில், ‘உடல் பருமன் என்பது உடலில் இருக்கும் கூடுதல் கொழுப்பை குறைக்கிறது. வழக்கமாக ஒரு உடலில் இந்த அளவுக்கு தான் கொழுப்பு இருக்க வேண்டும் என்பதை விட அதிகமாகவோ அல்லது அசாதாரணமான அளவிலோ கொழுப்பு சேர்வது உடல்பருமன் என்று கூறப்படுகிறது. இந்த நிலையால் உடல் ஆரோக்கியமும் உடல் நலமும் பெரிதாக பாதிக்கப்படும்’ என்று தெரிவித்தார்.

உடல் பருமனை பாடி மாஸ் இன்டெக்ஸ் என்ற அளவீட்டின்படி கணக்கிடலாம். அதுமட்டுமல்லாமல் ஒரு நபரின் பூர்வீகத்தின் அடிப்படையில் BMI கணக்கிடப்படுகிறது. உதாரணமாக, தெற்கு ரஷ்யர்கள், ஆப்பிரிக்கர்களின் பிஎம்ஐ 30 க்கு மேல் இருக்கலாம் ஆசிய மற்றும் அரேபிய நாடுகளில் காகசியர்களை விட 2.5 புள்ளி குறைவான BMI தான் சராசரி அளவாகக் கருதப்படுகிறது.

உடல்பருமனால் என்னென்ன பிரச்சனைகள் ஏற்படுகின்றன?

உடல் பருமன் என்பது சமீப காலமாக மிகப்பெரிய அச்சுறுத்தலை ஏற்படுத்தி வருகிறது. உடல் பருமன் என்பது ஒரு நேரடி நோய் அல்ல என்றாலும் உடல் பருமனால் பல விதமான தீவிரமான நோய்கள் உருவாகும் ஆபத்து இருக்கிறது. நீரிழிவு, அதிக கொலஸ்ட்ரால், உயர் ரத்த அழுத்தம் ஆகியவை உட்பட இதய நோய் பாதிப்புகள் மற்றும் ஸ்லீப் அப்னியா எனப்படும் தூக்கம் சம்பந்தப்பட்ட தீவிரமான நோய் அனைத்துமே உடல் பருமனுடன் தொடர்புடையது. அது மட்டுமில்லாமல் எலும்பு தேய்மானம், எலும்பு உருக்குதல், கல்லீரல் கொழுப்பு நோய் ஆகியவையும் உடல் பருமனால் ஏற்படக்கூடிய நோயாகும். உடல் பருமன் ஒரு நபரின் ஆயுளை 10 % வரைக் குறைக்கிறது இன்று பல ஆய்வுகள் தெரிவிக்கின்றன.

உடற்பயற்சி செய்தும், உணவு கட்டுப்பாட்டில் இருந்தும் ஏன் எடை குறையவில்லை?

நமக்கு வயதாக வயதாக வளர்சிதை மாற்றம் அதாவது மெட்டபாலிசம் குறைய துவங்கும். உடல் பருமன் ஏற்படுவதற்கு இதுவும் ஒரு காரணமாகும். எனவே தான் உடலின் மெட்டபாலிசத்தை சரியான அளவில் வைத்திருப்பது மிகவும் அவசியம். இதற்கு தான் உடல் உழைப்பு, உடற்பயிற்சி, நடைப்பயிற்சி ஆகியவை தினமும் செய்ய வேண்டும் என்று பரிந்துரைக்கப்படுகிறது. அது மட்டும் இல்லாமல் உடற்பயிற்சி மட்டும் செய்து உணவு கட்டுப்பாடு இல்லாமல் அல்லது டயட் பின்பற்றி உடற்பயிற்சி செய்யாமல் இருந்தாலும் மெட்டபாலிசம் மாற்றம் அடையாமல் உடல் எடை குறையாது.

அது மட்டுமல்லாமல் பெண்களை பாதிக்கும் ஹார்மோன் இம்பேலன்ஸ், பிசிஓடி, தைராய்டு ஆகிய குறைபாடுகளால் உடல் எடை குறைப்பதில் சிரமம் ஏற்படலாம். உடல் எடை குறையாமல் இருப்பதற்கு மற்றொரு முக்கிய காரணம் ‘தூக்கமின்மை’ என்று மருத்துவர் தெரிவிக்கிறார். அதிகப்படியான மன அழுத்தம் மற்றும் குறைவான தூக்கம் இவை இரண்டையும் சரி செய்யும் வரை எவ்வளவு உடற்பயிற்சி செய்தாலும், டயட் பின்பற்றினாலும் உடல் எடை குறையாது என்று அவர் தெரிவித்தார்.

உடல் பருமனுக்கு வேறு தீர்வு - எடை குறைப்பு அறுவை சிகிச்சை

என்ன செய்தும் உடல் எடையை குறைக்க முடியவில்லை என்று வருத்தப்படுபவர்களுக்கு பேரியாட்ரிக் சர்ஜரி என்ற எடை குறைப்பு அறுவை சிகிச்சை உதவும். சராசரியான உடல் எடையை விட பெண்கள் 30 கிலோ எடை அதிகமாக இருந்தாலும், ஆண்கள் 40 கிலோ எடை அதிகமாக இருந்தாலும், உடல் பருமனால் அன்றாட வேலைகளை செய்ய முடியவில்லை என்றாலும் இந்த அறுவை சிகிச்சையை மருத்துவரின் ஆலோசனையின் பேரில் மேற்கொள்ளலாம்.

பாரியாட்ரிக் அறுவை சிகிச்சையில் பல முறைகள் உள்ளன. உங்களுடைய உடல் ஆரோக்கியம், நீங்கள் எவ்வளவு எடை குறைக்க வேண்டும் மற்றும் இணை நோய்கள் அபாயம் என்ற பல விதமான காரணிகளை ஆய்வு செய்து அதற்கு ஏற்றார் போல மருத்துவர்கள் உங்களுக்கு எந்த விதமான அறுவை சிகிச்சை செய்யலாம் என்று பரிந்துரைப்பார்.

Click here to join whatsapp group for daily health tip

Read More

Recruitment of Field Assistant in DPT Sponsored Project - ARS, Amaravathi, Guntur- Walk in Interview on 11.08.2022 at 10.30 AM

 Official Notification

Official Website

Read More

Internship Programme 2022 at MANAGE, Hyderabad

 

Official Website

Registration link

Read More

பருவமழையில் குடல் ஆரோக்கியத்தை மேம்படுத்த உதவும் 5 அற்புதமான மூலிகைகள்...

 சீரகம், ஓமம், ஏலக்காய், திரிபாலா போன்றவற்றை தினமும் உங்களது உணவு முறையில் சேர்த்துக்கொள்ளும் போது குடல் ஆரோக்கியம் சீராக இருக்கும் என்கின்றனர் ஆயுர்வேத மருத்துவர்கள்.

நம்முடைய குடலை எப்போதும் ஆரோக்கியமாக வைத்திருக்க வேண்டும். ஒருவேளை குடலில் பாதிப்பு ஏற்பட்டால் உடலில் உள்ள பிற உறுப்புகளுக்கும் பாதிப்பை சந்திக்க நேரிடும். குறிப்பாக வயிற்றுப்போக்கு, மலச்சிக்கல், பித்தம், அடிக்கடி வாந்தியும் ஏற்படும். இதனால் உடல் சோர்வடைவதோடு மன அழுத்தமும் நமக்கு உண்டாகிறது. குறிப்பாக பருவமழைக்காலங்களில் பாக்டீரியாக்களின் தொற்று அதிகளவில் ஏற்படுவதால் உடல் நலப்பிரச்சனைகள் ஏற்படக்கூடும். 

எனவே இந்நாள்களில் குடல் ஆரோக்கியத்தை மேம்படுத்தவும் பாதுகாப்பாக வைத்துக்கொள்வதற்கு உதவும் ஆயுர்வேத மூலிகைகள் என்ன? எப்படி பயன்படுத்த வேண்டும் என அறிந்து கொள்வோம்.

பருவகாலங்களில் குடல் ஆரோக்கியத்தை மேம்படுத்த உதவும் ஆயுர்வேத மூலிகைகள்:

உடலில் செரிமானம் நன்றாக சீராக இருப்பதற்கு குடல் ஆரோக்கியத்தோடு இருப்பது அவசியம். நமது குடல் சீராக இருந்தால் மட்டுமே நோய் எதிர்ப்பு சக்தி முதல் மன ஆரோக்கியம் வரை பல்வேறு வியாதிகளுக்கு நம்மை பாதுகாத்துக்கொள்ள முடியும். 

குடல் ஆரோக்கியமில்லா நிலையை சந்திக்கும் போது தான், அஜீரணம், நெஞ்செரிச்சல், வயிற்றுப்போக்கு, தோல் எரிச்சல், அதிக தாகம், காய்ச்சல், உயர் இரத்த அழுத்தம், மூட்டுவலி, வறண்ட சருமம் மற்றும் பொதுவான உடல் வலி போன்றவை ஏற்படுகிறது. எனவே குடல் ஆரோக்கியத்தை மேம்படுத்த உதவும் உணவுகளை தினமும் நாம் சாப்பிட வேண்டும்.

மஞ்சள் பூக்கள் கொண்ட மூலிகை, சிறந்த வாய் புத்துணர்ச்சியூட்டி, அமிலத்தன்மையை ஏற்படுத்தும் பாக்டீரியாக்களின் எண்ணிக்கையை குறைக்கிறது மற்றும் குடல் அழற்சியைக் குறைக்கிறது.

சீரகம், ஏலக்காயை தினமும் தண்ணீரில் கலந்து அருந்தலாம் :

இரைப்பை பிரச்சனைகளால் ஏற்படும் வயிற்று வலியைப் போக்க ஓமம் உதவுகிறது. எனவே வெதுவெதுப்பான நீரில் ஒரு டீஸ்பூன் ஓமம் சேர்த்து பருகுவது நல்ல தீர்வாக இருக்கும். மேலும் அசாஃபோடிடா பாக்டீரியா எதிர்ப்பு மற்றும் நுண்ணுயிர் எதிர்ப்பு விளைவுகளைக் கொண்டுள்ளது. இது இரத்த அழுத்தத்தை குறைக்க உதவுகிறது மற்றும் இரைப்பையில் இருந்து உடனடி நிவாரணம் அளிக்கிறது.

வயிறு அல்லது தொப்புளில் விளக்கெண்ணெய் தடவலாம்..

திரிபாலா பொடி- நமக்கு எவ்வித பிரச்சனையும் இல்லாமல் செரிமானம் நடைபெறுவதற்கு திரிபாலா மிகவும் உதவியாக உள்ளது. எனவே திரிபாலா பொடியை தினமும் இரவு தூங்க செல்வதற்கு முன்னதாக சிறிதளவு சாப்பிடலாம். 

பொடியாக சாப்பிட பிடிக்கவில்லை என்றால், திரிபாலா பொடியை சுடு தண்ணீரில் கலந்து சாப்பிடலாம். பெரும்பாலான ஆயுர்வேத மருத்துவர்கள் செரிமான பிரச்சனைகளுக்குத் தீர்வு காண இதனை பயன்படுத்துகின்றனர். இதோடு நெல்லிக்காய், தான்றிக்காய், கடுக்காய் போன்றவையும் குடல் சம்பந்தப்பட்ட பிரச்சனைகளுக்குத் தீர்வு காண உதவுகிறது.

மேலும் மஞ்சள், வால்மிளகு, அதிமதுர வேர், சிலிப்பெரி எர்ம் போன்றவற்றையும் நமது குடல் ஆரோக்கியத்திற்குப் பயன்படுத்தலாம் என்கின்றனர் ஆயுர்வேத மருத்துவர்கள்

Read More

உணவில் அதிக உப்பு சேர்ப்பவரா நீங்கள்..? உங்களுக்கு ஆயுள் குறைவு... ஆய்வில் அதிர்ச்சி தகவல்.!

 உணவில் அதிகளவு உப்பு சேர்ப்பதால் பெண்களுக்கு சுமார் ஒன்றரை ஆண்டுகளும், ஆண்களுக்கு இரண்டு ஆண்கள் என்ற அளவிற்கு அவர்களின் ஆயுள் குறைகிறது என சமீபத்திய ஆராய்ச்சி கூறுகிறது.

“உப்பில்லா பண்டம் குப்பையிலே“ என்ற பழமொழிக்கு ஏற்ப எவ்வளவு விதவிதமாக நாம் உணவுகளை சமைத்தாலும் சிறிதளவு உப்பு குறைவாகிவிட்டால் சுவையே இருக்காது. 

எத்தனை மசாலாக்கள் போன்றவற்றை சேர்ந்தாலும் சரியான அளவு உப்பு இல்லையென்றால் சொல்லவே தேவையில்லை, யாரும் சாப்பிடமார்கள். ஆனால் சுவைக்காக நாம் அதிகளவு உப்பு சேர்த்து சாப்பிடும் போது நம்முடைய ஆயுள் குறைகிறது என அதிர்ச்சியளிக்கும் ஆராய்ச்சி முடிவுகள் வெளியாகியுள்ளது.

சுமார் ஐந்து லட்சம் நடுத்த வயது மக்களை வைத்து அமெரிக்காவில் நியூ ஆர்லியன்ஸில் உள்ள துலேன் யுனிவர்சிட்டி ஸ்கூல் ஆஃப் பப்ளிக் ஹெல்த் அன்ட் டிராபிக் மெடிசின் பேராசிரியர் லு குய் என்பவர் ஆராய்ச்சி நடத்தினார்.

இதில் தேவைக்கு அதிகமாக உப்பு உடலில் சேரும் போது, அதை ஜீரணிக்க நமது சிறுநீரகங்கள் கூடுதலாக வேலை செய்ய வேண்டும். இதனால் பல நேரங்களில் சிறுநீரக செயலிழப்பு உள்பட ஒட்டுமொத்த உடல் ஆரோக்கியத்தையும் பாதிக்கும். 

முகம், கை மற்றும் கால்களில் வீக்கம் அதிகரிப்பதற்கும் உப்பு காரணமாக உள்ளதாக ஆய்வுகள் கூறுகின்றனர். மேலும் உப்பை அதிகளவில் உணவில் சேர்க்கும் போது, பெண்களுக்கு சுமார் ஒன்றரை ஆண்டுகளும், ஆண்களுக்கு இரண்டு ஆண்கள் என்ற அளவிற்கு அவர்களின் ஆயுள் குறைகிறது என அதிர்ச்சி தரும் வகையில் ஆய்வு முடிவுகள் அமைந்துள்ளது.

மேலும் உப்பைப்பயன்படுத்தாதவர்களுடன் , உப்பு அதிகளவில் சாப்பிடுபவர்களை ஒப்பிடும் போது இவர்கள் சீக்கிரம் உயிரிழப்பதற்கான வாய்ப்பு 28 சதவீதம் அதிகமாக இருப்பதாக ஆய்வுகள் கூறுகிறது. தொடர்ந்து உப்பைச் சேர்க்கும் ஆண்களும் பெண்களும் அவர்களது 50 வயதிற்குப் பிறகு உடலில் பல்வேறு உடல் நலப்பிரச்சனைகளை சந்திக்கக்கூடும்.

உணவில் உப்பு எவ்வளவு சேர்க்க வேண்டும்?

உப்பு அதிகளவில் சாப்பிடுவதால் ஆயுள் காலம் குறைவதாக ஆய்வுகள் தெரிவிக்கையில், சரியாக அளவு உப்பை உணவில் சேர்த்துக்கொள்ளவேண்டும். 

இது குறித்து உலக சுகாதார அமைப்பு கூறுகையில், ஒரு நாளைக்கு சராசரியாக 2400 மில்லிகிராம் உப்பை சேர்க்க வேண்டும். அதே சமயம் ஒருவருக்கு குறைவான அளவு உப்பு இருக்கும் பட்சத்தில் கூடுதலாக 1.5 மில்லிகிராம் சாப்பிடலாம். சாரசரியாக ஒரு நாளைக்கு 5 கிராமிற்கு மேல் உப்பை சேர்த்துக்கொள்ளக்கூடாது என அறிவுறுத்தப்படுகிறது. 

மேலும் ஒரு நாளைக்கு அரை தேக்கரண்டிக்கு மேல் உப்பு சேர்க்கக்கூடாது என ஊட்டச்சத்து நிபுணர்கள் தெரிவிக்கின்றனர். கருவாடு, உப்பு கருவாடு, ஊறுகாய் போன்றவற்றை முற்றிலும் தவிர்க்கலாம்..

சமீப காலங்களில் நடுத்தர வயதினர் பெரும்பாலும் சிறுநீரக செயலிழப்பினால் பலியான சம்பவங்கள் நடக்கிறது. இதற்காக பலமுறை டயாலிசிஸ் செய்து பார்த்தாலும் பலனில்லாமல் போய்கிறது. இறுதியில் உயிரிழக்கும் அபாயமும் நேரிடுகிறது. எனவே “அளவான உப்பே ஆரோக்கியம்“ என்பதை மனதில் வைத்து இனி உணவில் உப்பு சேர்த்து சாப்பிட வேண்டிய கட்டாயத்தில் அனைவரும் உள்ளோம்….

Click here to join whatsapp group for daily health tip

Read More

தினமும் காலை எண்ணெயில் வாய் கொப்பளித்தால் கிடைக்கும் நன்மைகளை பற்றி தெரியுமா?

 உலகின் மிகப் பழமையான மருத்துவ முறைகளில் ஒன்றான ஆயுர்வேத மருத்துவத்தில் பெரும்பாலான நோய்களுக்கு சிகிச்சை முறைகள் உள்ளன. 

பருவ நிலைக்கு ஏற்றவாறு உணவுகளை சாப்பிடுவது, உடற்பயிற்சி, மூச்சுப்பயிற்சி, மூலிகைகள் என்று சில எளிய பயிற்சிகள் மூலம் உடல் மற்றும் மன ஆரோக்கியத்தை சிறப்பாக வைத்துக் கொள்ள ஆயுர்வேத பரிந்துரைகள் உள்ளன. 

அந்த வகையில் ஓரல் ஹெல்து என்று சொல்லப்படும் பற்கள் மற்றும் வாய் ஆரோக்கியத்துக்கான மிகச் சிறந்த பயிற்சியாக எண்ணெய் கொப்பளித்தல் என்ற முறை பல நூற்றாண்டுகளாக வழக்கத்தில் உள்ளது.

ஆயில் புல்லிங் என்று சொன்னால் பலரும் எளிதில் புரிந்து கொள்ள முடியும். பல் வலி, சொத்தை, ஈறுகளில் வலி, வீக்கம் உள்ளிட்ட பல்வேறு பற்கள் மற்றும் ஓரல் பிரச்சனைகளுக்கு ஆயில் புல்லிங் மிகச் சிறந்த நிவாரணமாக மற்றும் தடுப்பு முறையாக இருக்கிறது. அது மட்டும் இல்லாமல் தினமும் எண்ணெய் கொப்பளிப்பது வாயில் பாக்டீரியா சேரவிடாமல் தடுத்து, நச்சுக்களை நீக்கி, உடலுக்கு தேவையான என்சைம்களையும் வெளியிடுகிறது. 

ஆயில் புல்லிங் வாய் ஆரோக்கியத்திற்கு எவ்வளவு நல்லது மற்றும் எப்படி ஆயில் புல்லிங் வேண்டும் என்பதை பற்றிய முழு விவரங்களையும் இங்கே பார்க்கலாம்.

ஆயில் புல்லிங் என்றால் என்ன.?

எண்ணெய் கொப்பளித்தல் என்பது பல நூற்றாண்டுகளாக இந்தியாவில் பின்பற்றப்பட்டு வரும் ஆயுர்வேத சிகிச்சை முறையாகும். 30 க்கும் மேற்பட்ட உடலியல் சார்ந்த பிரச்சனைகளுக்கு ஆயில் புல்லிங் நிவாரணமாக இருக்கிறது என்று ஆயுர்வேதம் கூறுகிறது. அது மட்டுமல்லாமல் மேலே கூறியது போல வாய் சம்பந்தப்பட்ட பல்வேறு பிரச்சனைகளையும் தடுக்கிறது. ஆயுர்வேதத்தில் எண்ணெய் கொப்புளித்தல் கவாலா-கண்டுஷா என்று கூறப்படுகிறது.

கவாலா என்றால் கொப்புளித்தல் மற்றும் கண்டுஷா என்றால் வாய்க்குள் திரவத்தை வைத்துக் கொள்வது என்று அர்த்தமாகும். சிறிய அளவு எண்ணெயை வாய்க்குள் ஊற்றி, வாய் முழுவதும் படுமாறு சில நிமிடங்கள் வரை கொப்புளிக்க வேண்டும்.

ஆயில் புல்லிங் எப்போது மற்றும் எப்படி செய்ய வேண்டும்.?

காலையில் எழுந்தவுடன் வெறும் வயிற்றில் ஆயில் புல்லிங் செய்ய வேண்டும்.

ஒன்று அல்லது இரண்டு டேபிள்ஸ்பூன் எண்ணெயை 15 – 20 நிமிடங்கள் வரை வாய்க்குள் வைத்து கொப்பளிக்க வேண்டும்.

எண்ணெய்யின் தன்மை மாறி, வெள்ளை நிறத்தில் லேசான நுரையோடு, பிசுபிசுப்பின்றி மாறும் வரை வாய்க்குள் கொப்பளிக்க வேண்டும். அதன் பிறகு அதை முழுவதுமாக வெளியே துப்பிவிட்டு, வாய்க்குள் தண்ணீர் விட்டு மீண்டும் கொப்பளித்து, சுத்தம் செய்ய வேண்டும்.

இதைச் செய்வதற்கு 10 – 20 நிமிடங்கள் வரை தேவைப்படுவதால் அவசரப்படாமல் நிதானமாக இதற்கென்று கால அவகாசத்தை ஒதுக்கிவிட்டு ஆயில் புல்லிங் செய்யலாம்.

ஆயில் புல்லிங் செய்த பிறகு வாயை நன்றாக தண்ணீர் விட்டு அலசுவது மிக மிக முக்கியம். அதன் பிறகு சில நிமிடங்கள் கழித்து நீங்கள் சூடான பானங்கள் அருந்தலாம் அல்லது உணவு சாப்பிடலாம்.

ஆயில் புல்லிங் செய்த பிறகு உடனே பல் துலக்க வேண்டாம். ஆயில் புல்லிங் செய்த எண்ணைய்யை முழுங்கக் கூடாது, அதை நீங்கள் வெளியே துப்பிவிட வேண்டும்.

ஆயில் புல்லிங் செய்வதற்கு தேங்காய் எண்ணெய் நல்லெண்ணெய் மற்றும் நெய் ஆகிய மூன்றையும் பயன்படுத்தலாம்.

ஆயில் புல்லிங் பற்றிய மற்ற விவரங்கள்

எண்ணையைப் பயன்படுத்தி ஆயில் புல்லிங் செய்யும் பொழுது உங்களுக்கு செல் டேமேஜ் நீங்கும். அதுமட்டுமல்லாமல் பற்களில் மற்றும் வாயில் இருக்கும் பாதிப்பை ஏற்படுத்தக்கூடிய நுண் கிருமிகள் அழிக்கப்படும். 

ஓரல் சம்பந்தப்பட்ட பிரச்சனைகளை உண்டாக்கும் பாக்டீரியாக்கள் முழுவதுமாக நீங்கும். அது மட்டுமல்லாமல் இந்த எண்ணெய் பற்கள் மற்றும் ஈறுகளில் கோட்டிங் செய்வதால் பிளேக் உருவாக்கம் தவிர்க்கப்படும். வாய் துர்நாற்றத்திற்கு மிகச் சிறந்த தீர்வாக அமையும். மேலும் இதழ்கள் உலர்ந்து போவது, தொண்டை வலி, வறட்சி ஆகியவற்றுக்கும் நிவாரணமாக அமையும்.

தொடக்கத்தில் ஆயில் புல்லிங் செய்யும் பொழுது குமட்டுவது போல உணர்வு தோன்றும். ஆனால் நான்கைந்து நாட்கள் மட்டும் தான் இவ்வாறு இருக்கும். அதன் பிறகு பழகி விடும். ஆயில் புல்லிங் ஓரல் ஹெல்த்க்கு உதவுவதோடு மட்டுமல்லாமல் உடலில் இருக்கும் நச்சுக்களை நீக்கவும் உதவுகிறது. 

முகத்திற்கு ரத்த ஓட்டத்தை மேம்படுத்துகிறது, சருமத்தை இறுக்கமாக்கி இளமையான தோற்றத்தைத் தருகிறது. ஆயில் புல்லிங் ஓரல் ஹெல்த் சம்பந்தமான பிரச்சினைகளை தடுப்பதற்கு உதவுகிறதே தவிர இது நோய்க்கு சிகிச்சை கிடையாது.

Click here to join whatsapp group for daily health tip

Read More

Assistant Manager in Grade ‘A’ -National Bank for Agriculture and Rural Development- Apply Now

Assistant Manager in Grade ‘A’ -National Bank for Agriculture and Rural Development- Apply Now 

Important Dates / Timelines

Online Application Registration and Payment of Online Fees/Intimation Charges :18 July 2022 to 07 August 2022

Phase I (Preliminary) – Online Examination: 07 September 2022

(Tentatively)@

@ NABARD reserves the right to make change in the dates of the examinations

Qualification Details:

Agricultural Engineering: 

Bachelor’s Degree in Agriculture Engineering with 60% marks (ST/PWBD applicants – 55%) in aggregate OR Post graduate degree in Agriculture Engineering with a minimum of 55% marks (ST/PWBD applicants – 50%) in aggregate from a recognised University / Institution.

Agriculture Marketing/Agri.Business Management: 

Bachelor’s Degree in Agriculture Marketing/ Agriculture Business Management with 60% marks (SC/PWBD applicants – 55%) in aggregate or Two years full time Post Graduate Degree/ Post Graduate Diploma/MBA in Agriculture Marketing/ Agriculture Business Management with a minimum of 55% marks (SC/PWBD applicants – 50%) in aggregate from a recognised University / Institution

Environmental Engineering/Sciences

Bachelor’s degree with Environmental Science / Environmental Engineering with 60% marks (SC/PWBD applicants - 55%) in aggregate or Post graduate degree in Environmental Engineering or Environmental Science with 55% marks (SC/PWBD applicants - 50%) in aggregate from a recognized University/Institution

Fisheries

Bachelor’s degree in Fisheries Science from a recognized University/Institution with 60% marks (ST/PWBD applicants 55%) in aggregate OR Post graduate degree in Fisheries with 55% marks (ST/PWBD applicants 50%) in aggregate.

Forestry

Bachelor’s degree in Forestry from a recognized University/Institution with 60% marks (PWBD applicants - 55%) in aggregate OR Post graduate degree in Forestry with 55% marks(PWBD applicants - 50%) in aggregate.

Land Development-Soil Science:

Bachelor’s Degree in Agriculture / Agriculture (Soil Science/Agronomy) with 60% marks (SC/PWBD applicants - 55%) in aggregate OR Post Graduate degree in Agriculture / Agriculture (Soil Science/Agronomy) with a minimum of 55% marks (SC/PWBD applicants - 50%) in aggregate from a recognised University / Institution.

Plantation/Horticulture

Bachelor’s Degree in Horticulture from any recognized University with a minimum of 60% marks (SC/PWBD applicants - 55%) in aggregate OR Post Graduate degree in Horticulture with a minimum of 55% marks (SC/PWBD applicants - 50%) in aggregate.

• Candidates can apply only ON-LINE on NABARD website www.nabard.org between 18 July 2022 and 07 August 2022.

Official Notification 

Read More

MANAGE-Samunnati Agri Startup Awards 2022 last date to apply 31st July

 

Competition Eligibility

1. Participating entities must be 2- to 7-year-old Agri-Tech/Ag-Aligned start-ups.
2. Participating entities permit MANAGE and Samunnati to use its name, URL, photos and videos for promotional purposes
3. Submission of false information subjects the concerned entity to elimination
4. Participating entities will not be offered any travel allowance
5. Jury’s decision is final and binding

• Important Dates:

1. Application open : 1st June 2022
2. Application Close: 31st July 2022
3. Award Event : 26th August 2022

Click here to Register 

More details check Official Website

Read More

காலையில் பச்ச தண்ணியில் குளித்தால் இவ்வளவு நன்மைகளா?

 இரவு தூங்கி காலை எழுந்ததும் ஒவ்வொருவருக்கும் ஒவ்வொரு பழக்கம் இருக்கும், சிலருக்கு காலையில் சூடாக காபி குடிப்பது, சிலருக்கு உடற்பயிற்சி செய்வது, சிலருக்கு ஏதேனும் ஆரோக்கிய பானம் அருந்துவது என்று எதையாவது ஒன்றை முதல் வேலையாக வைத்திருப்பார்கள்.  

ஆனால் இவை அனைத்தையும் விட உங்களது உடலை மிகவும் சுறுசுறுப்பாகவும், உடலுக்கு நல்லதையும் தருவது என்னவென்றால் காலி நேரத்தில் குளிர்ந்த நீரில் குளிப்பது தான்.  காலையிலேயே குளிர்ந்த நீரில் குளிப்பது என்பது பெரும்பாலான நபர்களுக்கு பிடிக்காத ஒன்று, குளிர்ந்த நீரில் குளிப்பது நமக்கு உடல் சுறுசுறுப்பு ஏற்படுகிறது, நமது மெட்டபாலிசத்தை தூண்டுகிறது மற்றும் மன அமைதியையும் தருகிறது.

காலை வேளையில் சூடாக காபி அருந்துவது எப்படி உங்களை சுறுசுறுப்பாக செயல்பட வைக்கிறது என்று நினைக்கிறீர்களோ அதேபோல தான் காலை நேர குளியலும், குளிர்ந்த நீரில் நீராடுவது உங்களது மூளையை விழிப்பாக இருக்க செய்கிறது.  

குறிப்பாக குளிர் காலங்களில் காலை நேரத்தில் கொஞ்சம் வெதுவெதுப்பான நீரில் குளிப்பதை தான் பலரும் விரும்புவார்கள், அந்த சமயத்தில் யாரும் குளிர்ந்த நீரில் குளிப்பதை விரும்பமாட்டார்கள். 

 ஆனால் இது உங்கள் உடம்பில் நோயெதிர்ப்பு சக்தையை உண்டு பண்ணுகிறது, ரத்த ஓட்டத்தை சீராக்குகிறது என நிபுணர்கள் பரிந்துரைக்கின்றனர்.

மேலும் குளிர்ந்த நீரில் குளிப்பதால் காலையில் நீங்கள் முழு ஆற்றலுடன் சுறுசுறுப்பாக செயல்படலாம், உடற்பயிற்சிகளிலிருந்து விரைவாக மீட்கவும், இரத்த ஓட்டத்தை மேம்படுத்தவும் மற்றும் வீக்கத்தைக் குறைக்கவும், வளர்சிதை மாற்றத்தை அதிகரிக்கவும், உடலை சுத்திகரிக்கவும் உதவுகிறது.  இதுதவிர, மனநிலை மற்றும் மன உறுதியை மேம்படுத்த, நாள்பட்ட வலியைக் குறைக்கவும், மன அழுத்தத்தின் அளவைக் குறைக்கவும் உதவுகிறது.

Read More

அறிகுறிகளின்றி தாக்கும் ‘சைலன்ட் மாரடைப்பு’ - ஒரு அலர்ட் பார்வை

 சமீப காலமாக எவ்வித அறிகுறிகளும் இன்றித் திடீரென மாரடைப்பு ஏற்பட்டுப் பலரும் சட்டென்று மரணித்துவிடுகிறார்கள். இப்படித் தாக்குவது அமைதியான மாரடைப்பு (Silent heart attack) எனப்படுகிறது.

மாரடைப்புடன் தொடர்புடைய அறிகுறிகளோ லேசான அறிகுறிகளோகூட இதில் இருக்காது. எனவே, மிகுந்த எச்சரிக்கையுடன் இருப்பதன் மூலமாகவே அமைதியான மாரடைப்பைத் தடுக்க முடியும்.

முக்கிய ஆபத்துக் காரணிகள்

சர்க்கரை, உப்பு, கொழுப்பு சேர்ந்த உணவை அதிகமாகச் சாப்பிடுவது இதயத்தைப் பாதிக்கும் நோய்களைப் பெருமளவில் ஏற்படுத்துகிறது.

நோய்த் தடுப்புக்கான ஆலோசனை பெறுவதில் சுணக்கம்

நீரிழிவு, உயர் ரத்த அழுத்தம், அதிகக் கொழுப்பு ஆகியவை இதயத்திற்கு ஆபத்தானவை. இருப்பினும், பெரும்பாலான நோயாளிகள் இந்த நிலைமை முற்றும்வரை சிகிச்சை எடுக்காமல் விட்டுவிடுகிறார்கள்.

உடல் உழைப்பு அற்ற வாழ்க்கை முறை

ஸ்டான்போர்ட் பல்கலைக்கழக ஆய்வின்படி, இந்தியர்கள் ஒரு நாளைக்கு 4,297 காலடிகள் மட்டுமே நடக்கிறார்கள். இதய ஆரோக்கியத்தைப் பொறுத்தவரை, மிதமான நடைப்பயிற்சியைவிட இரண்டு மடங்கு அதிகமான நடைப்பயிற்சியை மருத்துவர்கள் பரிந்துரைக்கின்றனர்.

மன அழுத்தம்

அழற்சி ஹார்மோன்களை வெளியிடுவதன் மூலம் மன அழுத்தம் இதயத்தை நேரடியாகப் பாதிக்கலாம். மேலும், மன அழுத்தம் மோசமான உணவு, வாழ்க்கை முறை ஆகிய தேர்வுகளுக்கு வழிவகுத்து, இதயத்தை மறைமுகமாகவும் பாதிக்கலாம்.

கோல்டன் ஹவர்

கோல்டன் ஹவர் என்றும் அழைக்கப்படும் மாரடைப்புக்குப் பிறகான முதல் 60 நிமிடங்கள் முக்கியமானவை. அந்த 60 நிமிடத்துக்குள் ரத்த விநியோகத்தை விரைவில் மீட்டெடுக்க வேண்டும். அது இதயத் தசையைக் காப்பாற்றவும் மரணத்தைத் தடுக்கவும் உதவும்.

புகை பிடித்தல்

அமெரிக்காவில் உள்ள ஜான் ஹாப்கின்ஸ் பல்கலைக்கழக அறிக்கையின்படி, புகைப்பிடித்தல் தொடர்பான 5 இறப்புகளில் ஒன்று இதய நோயால் ஏற்படுகிறது. 16 முதல் 64 வயதுக்கு உட்பட்ட 25 கோடி புகைப்பிடிப்பவர்களுடன் உலகளவில் இரண்டாவது இடத்தில் இந்தியா இருப்பதாகச் சமீபத்திய அறிக்கை ஒன்று தெரிவிக்கிறது.

மாரடைப்பு வந்தால் என்னசெய்ய வேண்டும்?

# தீவிர சோர்வு, நெஞ்சு வலி போன்ற எச்சரிக்கை அறிகுறிகளைப் புறக்கணிக்கக் கூடாது. மூச்சுத் திணறல், தலைச்சுற்றல் அல்லது கைகளில் வலி ஏற்பட்டாலும் அவற்றை லேசாக எடுத்துக்கொள்ளக் கூடாது

# இதயத்திற்கு ரத்த ஓட்டத்தை மீட்டெடுக்கவும் தசை சேதத்தைக் குறைக்கவும் கூடிய விரைவில் மருத்துவமனைக்குச் செல்வது முக்கியம். வாகனத்தை ஓட்ட வேண்டாம். ஆம்புலன்ஸை அழைப்பது நல்லது அல்லது வாகனத்தை ஓட்டுவதற்கு அருகிலுள்ள ஒருவரை அழைக்க வேண்டும்.

# ரத்த உறைவைத் தடுக்க, ஆஸ்பிரின் மாத்திரையை (Ecosprin, Sprin, Aspro, Eprin, Delisprin என்ற பிராண்ட் பெயர்களிலும் கிடைக்கும்) எடுத்துக்கொள்ள வேண்டும். நெஞ்சு வலி இருந்தால், வலி நிவாரணிகளைக் கொடுக்கலாம். மருத்துவரை நேரடியாகத் தொடர்புகொள்ள முடிந்தால், நிலைமையை நேரடியாக விளக்கித் தகுந்த ஆலோசனையை அவரிடம் பெறலாம்.

# சில நிமிடங்களுக்கு மேல் வலி நீடித்தால், மருத்துவரிடம் விரைந்து செல்லுங்கள். தொடர்ச்சியான வலி, ஆரோக்கியமான அறிகுறி அல்ல. ஒருவேளை அது இதய நோய் இல்லை என்றால், வேறு ஏதோ ஓர் ஆபத்தை உணர்த்தும் அறிகுறி என்பதையும் கவனத்தில் கொள்ளுங்கள்.

அமைதியான மாரடைப்பைப் பொறுத்தவரை முன்னெச்சரிக்கையும் அது பற்றிய விழிப்புணர்வும் முக்கியமானது. அந்த வகையில் கவனமாக இருந்தால் அமைதியான மாரடைப்பைத் தடுக்கலாம்.

Read More