குளிர்காலத்தில் இரத்த அழுத்தம் அதிகரிக்கக்கூடாதா? அப்ப இந்த உணவுகளை அடிக்கடி சாப்பிடுங்க...

 குளிர்காலம் தொடங்கிவிட்ட நிலையில், பல்வேறு நோய்களின் தாக்குதல்களும் அதிகரித்துவிட்டன. அதில் ஒன்று தான் உயர் இரத்த அழுத்தம்/ஹைப்பர் டென்சன்.

பொதுவாக குளிர்காலத்தில் இரத்த அழுத்தம் அதிகரிக்கும். ஏனெனில் குறைவான வெப்பநிலையானது தற்காலிகமாக இரத்த நாளங்களை குறுகச் செய்யும். இதன் விளைவாக இரத்த அழுத்தம் அதிகரிக்கும். ஏனெனில் குறுகிய நரம்புகள் மற்றும் தமனிகளின் வழியாக இரத்த செலுத்த அதிக அழுத்தம் தேவைப்படுகிறது. இதன் காரணமாகவே குளிர்காலத்தில் உயர் இரத்த அழுத்த பிரச்சனை அதிகரிக்கிறது.

எனவே குளிர்காலத்தில் உயர் இரத்த அழுத்த பிரச்சனையைக் குறைக்க, உடலின் வெப்பநிலையை சீராக பராமரித்து, உடலில் இரத்த ஓட்டத்தை சீராக வைத்துக் கொள்ள உதவும் சில உணவுகளை தேர்ந்தெடுத்து உண்ண வேண்டும். அந்த வகையில் சில உணவுகள் குளிர்காலத்தில் உடலுக்கு வேண்டிய சத்துக்களைக் கொண்டிருப்பதோடு, இரத்த அழுத்தத்தைக் குறைத்து பராமரிக்கவும் உதவுகின்றன. இப்போது குளிர்காலத்தில் உயர் இரத்த அழுத்தத்தைக் குறைக்க சாப்பிட வேண்டிய உணவுகளைப் பற்றி காண்போம்.

வெந்தயம்

வெந்தயத்தில் கரையக்கூடிய நார்ச்சத்துக்கள் கணிசமான அளவில் உள்ளது. இது உடலில் கெட்ட கொலஸ்ட்ராலைக் குறைக்கிறது. நார்ச்சத்து அதிகம் உள்ள உணவுகள் இரத்த அழுத்தத்தை நிலையாக பராமரிக்க உதவும். வெந்தய விதைகள் மற்றும் வெந்தய கீரைகளில் உப்பின் அளவு மிகவும் குறைவு. எனவே உயர் இரத்த அழுத்த நோயாளிகள் குளிர்காலத்தில் வெந்தய கீரைகளை அடிக்கடி உணவில் சேர்ப்பதன் மூலம், இரத்த அழுத்தத்தைக் குறைக்கலாம். இருப்பினும் தினமும் வெந்தயத்தை உபயோகிக்க வேண்டாம். ஏனெனில் இது இரத்த சர்க்கரை அளவைக் குறைக்கும். வெந்தய கீரை கிடைக்காவிட்டால், வெந்தயத்தை பொடி செய்து சேமித்து, உணவில் சேர்த்து வரலாம்.

பச்சை இலைக் காய்கறிகள்

பொதுவாக பச்சை இலைக காய்கறிகளை அதிகம் உணவில் சேர்த்து வந்தால், உடலில் உள்ள அதிகப்படியான சோடியம் வெளியேற்றப்படுபதோடு, உடலுக்கு வேண்டிய சத்துக்கள் கிடைத்து, உடல் ஆரோக்கியம் மேம்படும். எனவே குளிர்காலத்தில் இரத்த அழுத்தம் அதிகரிக்காமல் இருக்க பசலைக் கீரை, முட்டைக்கோஸ், கேல், லெட்யூஸ் போன்றவற்றை உணவில் அடிக்கடி சேர்த்து வாருங்கள்.

பீட்ரூட்

பீட்ரூட்டில் உள்ள ஆன்டி-ஆக்ஸிடன்ட் இரத்த அழுத்தத்தைக் குறைக்கிறது மற்றும் கொலஸ்ட்ராலைக் குறைக்கிறது. இது தவிர இதில் உள்ள பி வைட்டமின்கள் நரம்புகளின் செயல்பாட்டை மேம்படுத்துகின்றன. ஆய்வுகளின் படி, பீட்ரூட்டில் உள்ள அதிகப்படியான நைட்ரேட்டுகள், நைட்ரிக் ஆக்ஸைடு வாயுவின் உற்பத்தியை அதிகரித்து, இரத்த நாளங்களை ரிலாக்ஸ் அடைய வைத்து, உடலில் இரத்த ஓட்டத்தை மேம்படுத்தி, உயர் இரத்த அழுத்த பிரச்சனை ஏற்படாமல் தடுக்கிறது. எனவே உயர் இரத்த அழுத்த நோயாளிகள் குளிர்காலத்தில் பீட்ரூட் சாப்பிடுவது நல்லது.

பூண்டு

அன்றாட உணவில் சேர்த்து வரும் பூண்டு உயர் இரத்த அழுத்தத்தைக் குறைக்க மட்டுமின்றி, பராமரிக்கவும் உதவுகிறது. ஆகவே உயர் இரத்த அழுத்தம் உள்ளவர்கள், குளிர்காலத்தில் அன்றாட உணவில் பூண்டு சேர்ப்பது நல்லது. வேண்டுமானால், அதிகாலையில் ஒரு பல் பூண்டு சாப்பிட்டு, ஒரு டம்ளர் சுடுநீர் குடிக்கலாம். இருப்பினும் எந்த ஒரு விஷயத்தையும் முயற்சிக்கும் முன் உங்களை மருத்துவரிடம் கேட்ட பின்னரே முயற்சிக்க வேண்டும் என்பதை மட்டும் எப்போதும் நினைவில் கொள்ளுங்கள்.

ஆரஞ்சு

குளிர்காலத்தில் பலவிதமான நோய்த்தொற்றுகள் ஏற்பட வாய்ப்புள்ளது. இந்த தொற்றுக்களின் தாக்கத்தை தடுக்க சிட்ரஸ் பழமான ஆரஞ்சு பழங்கள் பெரிதும் உதவி புரியும். ஏனெனில் ஆரஞ்சு பழத்தில் நோயெதிர்ப்பு மண்டலத்தை வலுவாக்கும் வைட்டமின் சி அதிகம் உள்ளது. மேலும் இதில் இரத்த அழுத்த அளவைக் குறைக்க உதவும் மக்னீசியம் மற்றும் வைட்டமின் பி6 அதிகம் உள்ளது. எனவே குளிர்காலத்தில் இரத்த அழுத்தத்தை கட்டுப்பாட்டில் வைத்துக் கொள்ள நினைத்தால், ஆரஞ்சு பழத்தை சாப்பிடுங்கள்.

முள்ளங்கி

முள்ளங்கியில் பொட்டாசியம் அதிகம் உள்ளது. இது உடலில் இரத்த ஓட்டத்தை சீராக வைத்துக் கொள்ளவும், உயர் இரத்த அழுத்த பிரச்சனை இருந்தால் அதைக் குறைக்கவும் உதவுகிறது. ஆயுர்வேதத்தின் படி, முள்ளங்கி இரத்தத்தை அமைதிப்படுத்துவதாக கூறப்படுகிறது. எனவே குளிர்காலத்தில் உயர் இரத்த அழுத்த பிரச்சனை வராமல் இருக்க வேண்டுமானால், அவ்வப்போது முள்ளங்கியை வாங்கி சமைத்து சாப்பிடுங்கள்.

 Click here to join whatsapp group for daily health tip

Read More

உங்க ஆயுளை அதிகரிக்க... இந்த கீரைகளில் ஒன்றை தினமும் உங்க உணவில் சேத்துக்கணுமாம் தெரியுமா?

 ஆரோக்கியமான உணவில் பல்வேறு காய்கறிகள் மற்றும் பழங்களும் அடங்கும். தினமும் பலவிதமான பழங்கள் மற்றும் காய்கறிகளை குறைந்தது ஐந்து பகுதிகளாகப் பெறுவது குறிப்பிடத்தக்க ஆரோக்கிய நன்மைகளைக் கொண்டுள்ளது என்று ஆராய்ச்சி கூறுகிறது.

காய்கறிகள் மற்றும் பழங்கள் நிறைந்த உணவு இரத்த அழுத்தத்தைக் குறைக்கும், இதய நோய் மற்றும் பக்கவாதம் ஏற்படும் அபாயத்தைக் குறைக்கும், சில வகையான புற்றுநோய்களைத் தடுக்கும், கண் மற்றும் செரிமான பிரச்சனைகளின் அபாயத்தைக் குறைக்கும், மற்றும் இரத்த சர்க்கரை அளவை மேம்படுத்துகிறது, இது எடை இழப்புக்கு பங்களிக்கும். உங்கள் உணவில் மாவுச்சத்து இல்லாத காய்கறிகள் மற்றும் ஆப்பிள்கள், பேரிக்காய் மற்றும் பச்சை இலைக் காய்கறிகள் போன்ற பழங்களைச் சேர்த்துக்கொள்வது கூட உங்கள் எடையைக் குறைக்க உதவும்.

இலைக் காய்கறிகள் அங்குள்ள காய்கறிகளின் ஆரோக்கியமான குழுக்களில் ஒன்றாகும். இந்த இலைகளில் பல ஏற்கனவே இந்திய உணவின் ஒரு பகுதியாக உள்ளது. இக்கட்டுரையில் உங்கள் உணவில் கட்டாயம் சேர்க்க வேண்டிய ஐந்து இலைக் காய்கறிகளைப் பற்றி தெரிந்துகொள்ளலாம். குறிப்பாக நீங்கள் 30 வயதுக்கு மேல் இருந்தால், இந்த கீரைகளை கண்டிப்பாக உங்கள் உணவில் சேர்க்க வேண்டும்.

காலே

காலே ஒரு அடர் நிற இலை, அதை பச்சையாக சாப்பிட்டால், சிறிது கசப்பு சுவை இருக்கும். இதன் ஆரோக்கிய நன்மைகளை மக்கள் அடையாளம் கண்டுகொள்வதால் இது தொடர்ந்து பிரபலமடைந்து வருகிறது. இந்த கீரை நம்பமுடியாத அளவிற்கு ஊட்டச்சத்துக்கள் மற்றும் குறைந்த கலோரிகளைக் கொண்டுள்ளது. வைட்டமின்கள் ஏ, சி, கே உடன் மெக்னீசியம், கால்சியம் மற்றும் பலவற்றின் நல்ல மூலமாக உள்ளது. நம் உடல் சீராக செயல்பட தேவையான பல ஊட்டச்சத்துக்கள் இதில் உள்ளன.

வாட்டர்கெஸ் கீரை

நோயெதிர்ப்பு சக்தியை அதிகரிக்கவும், புற்றுநோயைத் தடுக்கவும் உதவும் ஊட்டச்சத்துக்களால் நிரம்பிய வாட்டர்கெஸ் பல நன்மைகளைக் கொண்ட ஒரு சூப்பர்ஃபுட் ஆகும். எளிமையாகச் சொன்னால், கீரையைக் காட்டிலும் அதிக இரும்புச்சத்து, ஆரஞ்சுப் பழத்தை விட வைட்டமின் சி மற்றும் ஒரு கிளாஸ் பாலை விட அதிக கால்சியம் இதில் உள்ளது. பொதுவாக ஏப்ரல் முதல் செப்டம்பர் வரை வெப்பமான மாதங்களில் புதிய வாட்டர்கெஸ் அடிக்கடி கிடைக்கும். இது ஒரு மொறுமொறுப்பான, லேசான இலையாகும். சாலடுகள், பழச்சாறுகள், சூப்கள் மற்றும் பலவற்றில் இந்த கீரையை பயன்படுத்தலாம்.

தைம்

தைம் செரிமானத்திற்கு மிகவும் பயனுள்ள மூலிகையாகும். சிவப்பு இறைச்சியை ஜீரணிக்க இது மிகவும் பயனுள்ளதாக இருக்கும். இது குடல் இயக்கத்தை மேம்படுத்த உதவுகிறது மற்றும் வாய்வு ஏற்படுவதைத் தவிர்க்கிறது. கூடுதலாக, தைம் கீரையில் வைட்டமின் சி மற்றும் ஏ நிறைந்துள்ளது. அதன் பாக்டீரியா எதிர்ப்பு மற்றும் பூஞ்சை பண்புகளுக்கு கூடுதலாக, தைமில் பாக்டீரியா மற்றும் பூஞ்சை தொற்றுகளுக்கு சிகிச்சையளிப்பதற்கு நன்மை பயக்கும் இரசாயனங்கள் உள்ளன. இது இருமல் நிவாரணம் மற்றும் இயற்கையில் ஒரு ஆக்ஸிஜனேற்றியாக இருக்கலாம்.

கடுகு கீரை

கடுகு கீரைகள் இந்தியாவில் பிரபலமான பச்சை இலை காய்கறியாகும். இந்த கடுகு இலைகள் ஒரு காரமான சுவை கொண்டவை. தோல் மற்றும் கண்களின் ஆரோக்கியத்தை மேம்படுத்த உதவும் வைட்டமின் ஏ நிறைய உள்ளது. மேலும் ஆன்டிஆக்ஸிடன்ட்களும் நிறைந்துள்ளன. கடுகு கீரையின் ஊட்டச்சத்து உள்ளடக்கம் அவை தயாரிக்கப்படும் முறையால் பாதிக்கப்படுகிறது. தயாரிக்கப்பட்ட கடுகு கீரையில் அதிக அளவு வைட்டமின் கே, வைட்டமின் ஏ மற்றும் தாமிரம் உள்ளது, ஆனால் குறைந்த அளவு வைட்டமின் சி மற்றும் ஈ உள்ளது.

துளசி இலைகள்

துளசி உலகின் மிகவும் புனிதமான, ஆரோக்கியமான மற்றும் மிகவும் பயனுள்ள மருத்துவ ஆயுர்வேத மூலிகையாகும். மூலிகைகளின் ராணி என்று அழைக்கப்படும் துளசி, மருத்துவ மதிப்புகள் மற்றும் ஊட்டச்சத்துக்களால் நிரம்பியுள்ளது. சுமார் 35 வகையான துளசி வகைகள் உள்ளன, அவற்றில் மிகவும் பொதுவானது புனித துளசி மூலிகையாகும். இது 300க்கும் மேற்பட்ட பல்வேறு நோய்களை குணப்படுத்தும். புனித துளசியை பல்வேறு வழிகளில் பயன்படுத்தலாம். நீங்கள் அதை சமைக்கலாம், அதை ஒரு துணைப் பொருளாக எடுத்துக் கொள்ளலாம் அல்லது தேநீராகத் தயாரித்து அருந்தலாம்.

ப்ரோகாலி அப்பல்லோ

உங்களில் பெரும்பாலானோருக்கு இது புதியதாக இருக்கலாம். ப்ரோகாலி அப்பல்லோ என்பது ப்ரோக்கோலி மற்றும் சீன காலே ஆகியவற்றுக்கு இடையேயான குறுக்குவெட்டுகளிலிருந்து பெறப்பட்ட ஒரு கலப்பின வகையாகும். இது ப்ரோக்கோலி முளைப்பதைப் போன்ற மென்மையான மற்றும் சுவையான தண்டுகளை உருவாக்குகிறது. கேல் மற்றும் ப்ரோக்கோலி இரண்டும் பிராசிகா குடும்பத்தைச் சேர்ந்தவை, எனவே அவற்றின் கலவை அர்த்தமுள்ளதாக இருக்கிறது. அவை ஒவ்வொன்றும் அழற்சி எதிர்ப்பு குளுக்கோசினோலேட்டுகள், வைட்டமின் கே மற்றும் வைட்டமின் சி ஆகியவற்றைக் கொண்டிருக்கின்றன.

குறிப்பு: இந்த கீரைகளை அதிகமாக சமைப்பதைத் தவிர்க்க நினைவில் கொள்ளுங்கள். ஏனெனில் அது தண்ணீரின் அளவையும் அதன் ஒட்டுமொத்த ஆரோக்கியத்தையும் குறைக்கும்.

 Click here to join whatsapp group for daily health tip

Read More

வெந்தயத்தில் ஒளிந்திருக்கும் அழகு ரகசியம்... இது தெரியாம போச்சே..!

 முக அழகை பராமரிக்க இப்போது ஃபேஷியல், பிளீச் என பல்வேறு அழகு பராமரிப்புகள் வந்தப்போதிலும் இயற்கை முறையில் கிடைக்கும் தினமும் நாம் பயன்படுத்தும் பொருட்களின் நன்மை என்பது மிகவும் பயனளிக்கும்.சமையலறையில் தவிர்க்க முடியாத பொருள் வெந்தயம். அது உணவுக்கு சுவைக் கூட்டுவது மட்டுமன்றி சரும அழகைப் பாதுகாப்பதிலும் பெரும் பங்கு வகிக்கிறது. அவை என்னென்ன என்று பார்க்கலாம்.

சரும அழுக்குகளை நீக்கும் : இரவு வெந்தயத்தை ஊற வைத்து மறுநாள் அரைத்து முகத்தில் பூசினால் எண்ணெய் வடிதல் நீங்கி சருமக் குழிகளில் தேங்கியிருக்கும் அழுக்குகளும் நீங்கும்.

சரும நிறத்தை தெளிவாக்கும் : இரவு முழுவதும் வெந்தயத்தை தண்ணீரில் ஊற வைத்து மறுநாள் அந்த நீரை சேமித்து வைத்து அதை காட்டன் துணியில் நனைத்து முகத்தில் தடவினால் நொடியில் முகம் பளபளக்கும். ஸ்பிரே பாட்டிலில் நிரப்பி தினமும் முகத்தில் ஸ்பிரே அடிக்கலாம்.

பொடுகுத் தொல்லையைப் போக்கும் : வெந்தயம் நச்சு நீக்கி மட்டுமல்ல பூஞ்சைகளை அழிக்கும் வல்லமையும் கொண்டது. ஊறவைத்த வெந்தயத்தை அறைத்து அதோடு தயிர் சேர்த்து தலையில் தேய்த்துக் குளித்தால் பொடுகுத் தொல்லை நீங்கும்.

வெள்ளை முடி வளர்ச்சியைத் தடுக்கும் : 20 வயதிலேயே முளைக்கும் வெள்ளை முடி வளர்ச்சியைத் தடுக்க வெந்தயத்திலுள்ள பொட்டாசியம் தடுக்க உதவும். ஊறவைத்த வெந்தயத்தை அரைத்து அதோடு பெரிய நெல்லிக்காய் சாறை சேர்த்து தலைமுடி வேர்களில் தடவி தலைக்குக் குளியுங்கள். வெள்ளை முடியைத் தவிர்க்கலாம்.

பளிச் முகம் : வெந்தயத்தில் வைட்டமின் c இருப்பதால் அது முகத்தை பளிச்சென மாற்றும். ஊற வைத்து அரைத்த வெந்தயத்தில் பால் கலந்து முகத்தில் தடவி 15 நிமிடங்கள் கழித்து கழுவ முகம் பளபளக்கும்.

முகச் சுருக்கங்களை நீக்கும் : வெந்தயத்தை பேஸ்டாக அரைத்து முகத்தில் தேய்ப்பதால் முகச் சருமம் இறுகி சுருக்கங்கள் நீங்கும். இழந்த இளமையை மீட்க உதவும்.

முகப்பருக்கள் நீங்கும் : இது நச்சுக் கிருமிகளை நீக்க உதவும். வெந்தயத்தை 20 நிமிடங்கள் தண்ணீரில் கொதிக்க வைத்து அது ஆறியதும் வெந்தயத்தை நீக்கிவிட்டு தண்ணீரை தினமும் பருக்கள் உள்ள இடங்களில் தடவி வர நல்ல பலன் கிடைக்கும்.

 Click here to join whatsapp group for daily health tip

Read More

குளிர்காலத்தில் அதிகரிக்கும் மூட்டு வலிக்கு விட்டமின் டி குறைபாடுதான் காரணம்... தவிர்க்கும் வழிகள்..!

 வைட்டமின் டி ஆரோக்கியத்தின் ஒரு முக்கிய அங்கமாகும், இது இல்லாமல் உடல் சரியாக செயல்பட முடியாது. மனிதர்களின் எலும்புகள், பற்கள் மற்றும் தசைகள் திடமாகவும், ஆரோக்கியமாகவும் இருக்க வைட்டமின் டி உதவும், ஆனால், நமது நோய் எதிர்ப்பு சக்தியை அதிகரிக்கச் செய்வதில் அதற்கு ஒரு முக்கிய பங்கு உள்ளது.

வைட்டமின் டி-யின் முக்கிய ஆதாரம் சூரிய ஒளியாக உள்ளது. ஆனால்  குளிர்காலத்தில் வெயிலின் தாக்கம் குறைவாக இருக்கும் என்பதால் சூரியனிலிருந்து கிடைக்கும் விட்டமின் டி தடைபடுகிறது. எனவே விட்டமின் டி குறைபாட்டால் வயதானவர்கள் அதிகமாக பாதிக்கப்படுகின்றனர்.

வைட்டமின் டி ஒரு ஸ்டீராய்டு ஹார்மோன் ஆகும், இது சூரியனில் இருந்து பெறப்பட்ட புற ஊதா கதிர்வீச்சு மற்றும் உணவுப் பொருட்களிலிருந்து கிடைக்கிறது. எலும்பு ஆரோக்கியத்தை மேம்படுத்துவதற்கும், கால்சியம் சத்தை உறிஞ்சுவதற்கு நம் உடலில் வைட்டமின் டி இருக்க வேண்டும்.

வைட்டமின் டி பற்றாக்குறையால் இந்தியா முழுவதும் ஒரு பில்லியனுக்கும் அதிகமான மக்கள் பாதிக்கப்பட்டுள்ளனர். வைட்டமின் டி குறைபாட்டால் மார்பக புற்றுநோய், பெருங்குடல் புற்றுநோய், இதய நோய், மனச்சோர்வு, எடை அதிகரிப்பு உள்ளிட்ட பிரச்சனைகளை ஏற்படுத்தும்.

இன்றைய வேலைச் சூழலால் சூரிய ஒளி உடலில் நேரடியாக படுவதற்கான சூழ்நிலைகள் குறைவதால் மக்கள் பாதிக்கப் படுகின்றனர். இதனால் எலும்பு பிரச்சினைகள், மனச்சோர்வு மற்றும் நரம்பியல் பிரச்சினைகள் உருவாகிறது, இவை அனைத்தும் வைட்டமின் டி குறைபாட்டுடன் இணைக்கப்பட்டுள்ளன என மருத்துவர்கள் கூறுகின்றனர்.

வைட்டமின் டி குறைபாட்டின் அறிகுறிகள்

சோர்வு, மூட்டு வலிகள் மற்றும் உடல்நிலை சரியில்லாமல் இருப்பது, கடுமையான எலும்பு அல்லது தசை வலி, பலவீனம் படிக்கட்டுகளில் ஏற அல்லது தரையில் இருந்து எழுந்திருக்க சிரமம் ஏற்படலாம், மன அழுத்தம், குறிப்பாக உங்கள் கால்கள், இடுப்பு வலி ஏற்பட்டால் மருத்துவரை ஆலோசிப்பது நல்லது.

வைட்டமின் டி-ன் உணவு ஆதாரங்கள்:

* மீன்

* மீன் எண்ணெய்

* முட்டை

* இறால்

* பால்

* தானியங்கள்

* தயிர்

* ஆரஞ்சு சாறு

* காளான்

வைட்டமின் டி உள்ள உணவு வகைகள் எல்லாமே உங்களுக்கு வேண்டிய வைட்டமின் சத்தை கொடுக்க கூடியதுதான். ஆனால் எவ்வித செலவும், வேலையும் இல்லாமல் வைட்டமின் டி சத்து தருவது சூரிய ஒளி மட்டுமே. எனவே தினமும் காலையில் வெயிலில் சிறிது நேரம் இருப்பதை உறுதி செய்து கொள்ளுங்கள். ஒட்டுமொத்த உடல்நலம் மற்றும் நல்வாழ்வுக்கு வைட்டமின் டி முக்கியமானது என்பதால் கவனமாக இருங்கள்.

 Click here to join whatsapp group for daily health tip

Read More

வீட்டிலிருந்தே ஈஸியா பெண்கள் சம்பாதிக்க முடியும்..! டியூசன் முதல் குழந்தைகள் பராமரிப்பு வரை.. இதோ முழு விபரம்!

 இன்றைக்கு உள்ள பொருளாதார தேவைகளை நிறைவேற்றிக்கொள்ள வேண்டும் என்றால் ஆண்கள் மற்றும் பெண்கள் என இருவரும் நிச்சயம் ஏதாவது ஒரு பணிக்குச் செல்ல வேண்டும் என்ற நிலை ஏற்பட்டுள்ளது. அதிலும் ஆண்களை விட பெண்கள் சிறு வயது முதல் தனக்கானப் படிப்புகளை தேர்வதோடு எப்படியாவது வெற்றி பெற்ற வேண்டும் என லட்சியத்தோடு வாழ்வார்கள். சில பெண்கள் அதை நிறைவேற்றியும் காட்டுவார்கள். ஆனால் பெண்களின் இந்த கனவு தொடருமா? என்பது தான் பெரிய கேள்வியாக உள்ளது.பெண்கள் வீட்டில் இருந்தப்படியே சம்பாதிப்பதற்கான சில வழிமுறைகள் குறித்து இங்கே விரிவாகத் தெரிந்துக் கொள்வோம்.

டியூசன் (வீட்டிலேயே பாடம் கற்பித்தல்) : இன்றைக்கு உள்ள பெரும்பாலான பெற்றோர்களால் அருகில் அமர்ந்து குழந்தைகளுக்கு சொல்லிக்கொடுக்க முடியவில்லை என்பதோடு பலருக்கு நேரமும் கிடைப்பதில்லை. எனவே நீங்கள் வீட்டிலேயே டியூசன் சென்டர் ஆரம்பிக்கலாம். மாணவர்களுக்குத் தேவைப்படக்கூடிய விஷயங்களைக் கற்றுக்கொடுக்கும் போது சிறந்த ஆசிரியராக நீங்கள் மாறுகிறீர்கள். இது உங்களுக்கு நல்ல வருமானத்தைக் கொடுக்கும். ஒருவேளை உங்களால் பாடம் எதுவும் கற்றுக்கொடுக்க முடியவில்லை என்றாலும் பரவாயில்லை , கைவினைக் கலைகள், யோகா போன்ற உங்களின் திறமைகளை நீங்கள் வரும் தலைமுறையினருக்கு கற்றுக்கொடுக்கலாம்.

கட்டுரை எழுதுதல் (content writing) : பெண்கள் பலருக்கு எழுத்துத் திறன் அதிகளவில் இருக்கும். தற்போது இதுபோன்றுள்ள பெண்களுக்காகவே சோசியல் மீடியாக்கள், டிஜிட்டல் மீடியாக்கள் போன்றவற்றில் பல வேலைவாய்ப்புகள் உள்ளது. உங்களுக்கு கிடைக்கும் ப்ரீ டைம்களில், அலுவலகத்தில் கேட்கப்படும் தலைப்புகளுக்கு ஏற்ப கட்டுரை எழுதுதல், வாய்ஸ் ஓவர் கொடுத்தல் போன்ற பணிகளை மேற்கொள்ளலாம். இதன் மூலம் உங்களின் திறமைகள் வளர்வதோடு தனித்துவமான எழுத்துக்களால் நீங்கள் பிரபலமாவீர்கள் .

இதில் சிறப்பம்சம் என்னவென்றலால் நீங்கள் ஆன்லைன் மற்றும் ஆஃப்லைனிலும் பணியாற்றலாம். ஃப்ரீலான்சிங் அதாவது பகுதி நேர ஊழியராகவும் பணியாற்றக்கூடிய வாய்ப்பை பெண்களுக்கு வழங்குகிறது.

குழந்தைப் பராமரிப்பு சேவைகள் (daycare service) : பொதுவாக குழந்தைகள் என்றாலே பெண்களுக்கு அதிக ஈடுபாடு உண்டு. ஒரு வேளை நீங்களும் குழந்தைகளை அதிகளவு நேசிப்பவர்களாக இருந்தால் குழந்தை பராமரிப்பு மையங்கள் தொடங்குவது சரியான தேர்வாக இருக்கும். ஆம் இன்றைக்கு கணவன் மற்றும் மனைவி இருவரும் பணிக்கு செல்கிறார்கள். இந்நேரத்தில் குழந்தைகளைப் பராமரிப்பதற்கு வீட்டில் யாருமே இல்லை என்பதால் பாதுகாப்பான குழந்தைகள் பராமரிப்பு மையங்களை நாடுகின்றனர். அதிலும் பெண்கள் ஆரம்பத்தில், நல்ல வரவேற்பு கிடைக்கும். எனவே இந்தப்பணியை நீங்கள் தேர்வு செய்யலாம். இதுபோன்று உங்களால் வருமானம் ஈட்டக்கூடிய வேலைகளைத் தேர்வு செய்து, உங்களின் குடும்ப தேவைகளுக்கு பெண்களாகிய நீங்கள் உதவி செய்ய முடியும்.

 Click here to join whatsapp group for daily health tip

Read More

அண்ணா பல்கலைக்கழகத்தில் பல்வேறு காலிப்பணியிடங்கள்: தகுதிக்கேற்ற வேலைவாய்ப்பு

 

ண்ணா பல்கலைக்கழகத்தில் இ-கவர்ன்ஸ் பிரிவில் உள்ள காலிப்பணியிடங்களைத் தற்காலிக அடிப்படையில் நிரப்புவதற்கான அறிவிப்பு வெளியாகியுள்ளது. இப்பணிகளுக்கு விண்ணப்பிக்கத் தேவையான தகுதிகளைப் பற்றித் தெரிந்துகொள்ளுங்கள்.

பணியின் விவரங்கள்:

பதவியில் பெயர்	பணிக்காலம்	சம்பளம்
System Architect	6 மாதம்	ரூ.45,000/-
System Analyst	6 மாதம்	ரூ.35,000/-
System Administrator	6 மாதம்	ரூ.35,000/-
Programmer Analyst	6 மாதம்	ரூ.25,000/-
Software Developer	6 மாதம்	ரூ.20,000/-
Peon cum Driver	6 மாதம்	தினசரி சம்பளம்

கல்வித்தகுதி:

B.E/B.Tech/ MCA or M.Sc தேர்ச்சி பெற்றிருக்க வேண்டும். குறைந்தது 3 ஆண்டுகள் அனுபவம் தேவை.

Peon cum Driver பணிக்கு 8 ஆம் வகுப்பு தேர்ச்சி மற்றும் LMV ஓட்டுநர் உரிமம் தேவை.

இதர தகுதிகள்:

Oracle, MySQL, Java, Codeigniter and Web Application Development, Server Maintenance, Linux Operating System, Network Management and Data Base

Administration, Web Application Development using Java/Codeigniter with Oracle/MySQL.

தேர்வு செய்யப்படும் முறை:

விண்ணப்பதார்களில் தகுதியானவர்கள் தேர்ந்தெடுக்கப்பட்டு நேர்காணலுக்கு அழைப்பு விடுக்கப்படும்.

விண்ணப்பிக்கும் முறை:

அண்ணா பல்கலைக்கழகத்தில் இணையத்தளத்தில் கொடுக்கப்பட்டுள்ள விண்ணப்பத்தைப் பதிவிறக்கம் செய்ய வேண்டும். பூர்த்தி செய்யப்பட்ட விண்ணப்பங்களை அறிவிப்பில் குறிப்பிட்ட முகவரிக்குத் தபால் மூலம் அனுப்ப வேண்டும்.

குறிப்பு:

ஒரே விண்ணப்பதார் வெவ்வேறு பதவிகளுக்கு விண்ணப்பிக்கலாம். அப்படி விண்ணப்பிக்கையில் ஒவ்வொரு பதவிக்குத் தனி விண்ணப்பங்களை அனுப்ப வேண்டும்.

தபால் மூலம் அனுப்ப வேண்டிய முகவரி:

The Director, Centre for e-Governance, Centre for Excellence Building, Anna University, Chennai – 600 025.

விண்ணப்பிக்கக் கடைசி நாள் : 05.12.2022 மாலை 5.00 மணி வரை.

மேலும் தகவலுக்கு இங்கே கிளிக் செய்யவும்.

 Click here to join WhatsApp group for Daily employment news  

Read More

வேலை கிடைக்காதவர்களுக்கும் வேலை உறுதி... அரசின் அசத்தல் திட்டத்தில் பயன்பெறுவது எப்படி?

 Short Term Skill Training (STT):  இளைஞர்களின் வேலைவாய்ப்புத் திறன்களை அதிகரிக்கும் விதமாக தமிழ்நாடு திறன் மேம்பாட்டுக் கழகம் (Tamil Nadu Skill Development Corporation) பல்வேறு பயிற்சித் திட்டத்தை செயல்படுத்தி வருகிறது. எந்தவித வேலைவாய்ப்பும் இல்லாமல் புதியதாக வேலைத்தேடும் இளைஞர்கள் இத்திட்டத்தின் கீழ் இலவசமாக பயிற்சி பெறலாம்.

தமிழ்நாடு திறன் மேம்பாட்டுக் கழகம் என்றால் என்ன? 

தமிழ்நாட்டில் இயங்கி வரும் தொழிற்சாலைகளின் திறன் தேவைகளைப் பூர்த்தி செய்யும் நோக்கில் இந்த நிறுவனம் கடந்த 2013ம் ஆண்டு உருவாக்கப்பட்டது.

அரசு பொதுத்துறை நிறுவனங்கள், தனியார் நிறுவனங்கள், கல்வி மற்றும் தொழிற் பயிற்சி நிறுவனங்கள் ஆகியவற்றால் வழங்கப்படும் திறன் பயிற்சிகளை (Skill Training) வடிவமைக்கும், தரப்படுத்தும், மதிப்பீடு செய்யும் அமைப்பாக விளங்கி வருகிறது.

குறுகிய கால திறன் பயிற்சி:  இந்தியத் தொழிலாளர்களில் 62% பேர் 19-24 வயதுக்குட்பட்வர்கள் என்று கணக்கிடப்படுகிறது. ஆனால்,  இதில் 5%க்கும் குறைவானோர் மட்டுமே முறையான செய்தொழிற் பெற்றிருப்பதாக தெரிவிக்கப்படுகிறது. எனவே, இளைஞர்களுக்கு தொழிற்நிறுவனங்களுக்கு தேவையான திறன்களை அளிப்பதற்காக  குறுகிய கால திறன் பயிற்சி திட்டம் செயல்பட்டு வருகிறது.

இத்திட்டத்தின் கீழ் , கட்டுமானம், தோல், சில்லறை விற்பனை, கைவினைப் பொருட்கள், சுற்றுலா விருந்தோம்பல் போன்ற தொழிற் துறைகளின் கீழ் 150 முதல் 300 மணி நேரங்கள் (3 மாதம் முதல் 6 மாதங்க வரையிலாலான) கால அளவு கொண்ட பயிற்சிகள் வழங்கப்படுகிறது.  

புதிதாக வேலைதேடும் இளைஞர்கள் தங்கள் விருப்பம் மற்றும் தகுதிக்கேற்ப தொழிற்  துறைகளில் பயிற்சியை மேற்கொள்ளலாம். இந்த பயிற்சி முற்றிலும் கட்டணமில்லாமல் வழங்கப்படுகிறது.  மேலும், பயிற்சியில் 80%  வருகைப்பதிவு வைத்திருக்கும் மாணவர்களுக்கு பயணப்படி, போக்குவரத்து செலவுகள்  வழங்கப்படும். பயிற்சியை நிறைவு செய்யும் விண்ணப்பதாரர்களுக்கு சான்றிதழ் வழங்கப்படும். 90 நாட்களுக்குள் சான்றிதழ் பெற்ற தேர்வருக்கு ஏதாவதொரு நிறுவனத்தில் பணியமர்த்தம் செய்வதற்கான அனைத்து முயற்சிகளும் மேற்கொள்ளப்படும். 

எப்படி விண்ணப்பிப்பது?  

திறன் பயிற்சிகளுக்கு பதிவு செய்ய https://candidate.tnskill.tn.gov.in/Candidate/Account/CandidateLogin என்ற இணையதளத்தில் மூலம் மட்டுமே விண்ணப்பிக்க முடியும்.

முகப்பு பக்கத்தில், 'Click Here to Register'  என்பதை கிளிக் செய்யவும்

தொலைபேசி எண் ( முதன்மையானது மற்றும்  இரண்டாவது ), ஆதார் எண், நிரந்தர முகவரி, வீட்டு முகவரி ஆகியவற்றை சமர்ப்பித்து பதிவு செய்து கொள்ளுங்கள். நீங்கள் எப்போதும் பயன்படுத்தும் தொலைபேசி எண்ணை முதன்மையானதாக  சமரிப்பியுங்கள். ஆதார் எண் சரிபார்க்கப்படும். ஒரு முறை கடவுச் சொல்லை  சமர்ப்பிக்க வேண்டும். 

 உங்களைப் பற்றிய தனிப்பட்ட விவரங்கள், கல்வி விவரங்கள், தொடர்பு கொள்வதற்கான விவரங்கள், வங்கி கணக்கு விவரங்கள் (பயணப்படி, போக்குவரத்து செலவுகள் நேரடியாக வங்கிக் கணக்கிற்கு அனுப்பி வைக்கப்படும்)

இறுதி கட்டமாக, உங்கள் விண்ணப்ப படிவத்தை நீங்கள் பதிவிறக்கம் செய்து கொள்ளலாம்.

பயிற்சி வகுப்பைத் தேர்வு செய்வது எப்படி? 

பதிவு செய்த பிறகு, விண்ணப்பதாரர் தனது Dashboard-ன் மூலம், மாவட்டத்தில் தற்போது  செயல்பட்டு வரும் பயிற்சி வகுப்புகள் குறித்தும், வரவிருக்கும் பயிற்சி வகுப்புகள் குறித்தும் அறிந்து கொள்ளலாம். ஒவ்வொரு மாவட்டத்திலும், மாநில, மத்திய அரசு பொதுத் துறை நிறுவனங்கள் , தொழிற்நிறுவனங்கள், பயிற்சி நிறுவனங்கள் என 50க்கும் மேற்பட்ட பயிற்சி நிலையங்கள் செயல்பட்டு வருகின்றன.

விண்ணப்பதாரர், தனக்கு விருப்பமான துறையில் பயிற்சிக்கு விண்ணப்பிக்கலாம். உங்கள் விண்ணப்பம்  ஏற்றுக் கொள்ளப்பட்டவுடன் பயிற்சியைத் தொடரலாம். சில பயிற்சி நிலையங்கள், தங்கும் இடம், உணவு வசதியுடன் கூடிய பயிற்சியை வழங்கி வருகிறது. நீங்கள் எந்தவித கட்டணமும் செலுத்த தேவையில்லை. இதற்கான செலவை, அரசு ஏற்றுக் கொள்ளும். 

பயிற்சிக்குப் பிறகு, Assessment Agency -மூலம் விண்ணப்பதாரர்கள் சோதனைக்கு உட்படுத்தப்படுவார்கள். இதில்,  தேர்ச்சி பெறும் விண்ணப்பதாரர்களுக்கு சான்றிதழ் வழங்கப்படும். மேலும், 90 நாட்களுக்குள் தனியார் நிறுவனங்களில் பணியமர்த்துவதற்கான அனைத்து முயற்சிகளும் மேற்கொள்ளப்படும் என தெரிவிக்கப்பட்டுள்ளது.

ஆண்டுக்கு குறைந்தது 80,000 பேர் இத்திட்டத்தின் கீழ் பயிற்சி பெற்று வருகின்றனர்

வேளாண்மை, கட்டுமானம், மேலாண்மை,சுற்றுலா என 30 தொழிற்துறையின் கீழ் பயிற்சி அளிக்கப்பட்டு வருகிறது

பயிற்சி பெற்றவர்களில் குறைந்தது 50% பேர் தனியார் துறையில் பணி நியமனம் பெற்றுள்ளனர்

இடத்தித்தின் கீழ், பயிற்சி நிறுவனங்கள் ஒரு மணி நேரத்திற்கு ரூ. 42.40 -ஐ பயிற்சி கட்டணமாக அரசிடம் இருந்து பெற்று வருகின்ற்ன

70% பயிற்சியாளர்களுக்கு வேலைவாய்ப்பினை பெற்றுத் தரும் பயிற்சி நிறுவனங்கள் மட்டுமே 100% நிதியுதவியைப் பெற முடியும்

 Click here to join WhatsApp group for Daily employment news  

Read More

10th, 8th, Diploma வகுப்பு முடித்தவர்கள் ஆன்லைனில் விண்ணப்பிக்கவும்! தமிழில் எழுத படிக்க தெரிந்திருந்தால் போதும்! அரசு சம்பளம் வாங்கலாம்!

 Thoothukudi DHS Recruitment 2022: மாவட்ட சுகாதார சங்கம், தூத்துக்குடியில் (District Health Society, Thoothkudi) காலியாக உள்ள DEO, Driver, Sweeper, Technical, Dental Assistant பணிக்கான அறிவிப்பை வெளியிட்டுள்ளது. இந்த Thoothukudi DHS Job Vacancies-க்கு விண்ணப்பிக்க தேவையான கல்வித்தகுதியானது 10th, 8th, Diploma, Read Write in Tamil, BDS. 

ஆர்வமும் தகுதியும் உள்ள விண்ணப்பதாரர்கள் 12/11/2022 முதல் 28/11/2022 வரை Thoothukudi DHS Jobs 2022 அறிவிப்புக்கு விண்ணப்பிக்கலாம்.

தேர்ந்தெடுக்கப்படும் விண்ணப்பதாரர்கள் Thoothukudi-யில் பணியமர்த்தப்படுவார்கள். இந்த Thoothukudi DHS Job Notification-க்கு, ஆஃப்லைன் (தபால்) முறையில் விண்ணப்பதாரர்களை Thoothukudi DHS ஆட்சேர்ப்பு செய்கிறது. இந்த Thoothukudi DHS நிறுவனத்தை பற்றி நீங்கள் அறிந்து கொள்ள விரும்பினால் அதன் அதிகாரப்பூர்வ வலைதளத்தில் (https://thoothukudi.nic.in/) அறிந்து கொள்ளலாம். Thoothukudi DHS Vacancy 2022 பற்றிய முழு விவரங்கள் கீழே தொகுத்து வழங்கப்பட்டுள்ளது.

THOOTHUKUDI DHS ORGANIZATION DETAILS:

நிறுவனத்தின் பெயர்	District Health Society, Thoothkudi மாவட்ட சுகாதார சங்கம், தூத்துக்குடி
அதிகாரப்பூர்வ இணையதளம்	https://thoothukudi.nic.in/
வேலைவாய்ப்பு வகை	Tamil Nadu Govt Jobs 2022
வேலை பிரிவு	Health Jobs, TN District Jobs
Recruitment	Thoothukudi DHS Recruitment 2022
Thoothukudi DHS Address	166, North Beach Road, Fisheries Campus, Thoothukudi – 628 001

THOOTHUKUDI DHS CAREERS 2022 FULL DETAILS:

தமிழ்நாடு அரசு வேலையில் (Tamilnadu Government Jobs) பணிபுரிய விரும்பும் ஆர்வமுள்ளவர்கள், புதிய மற்றும் அனுபவம் வாய்ந்த பணியாளர்கள் Thoothukudi DHS Recruitment 2022-க்கு விண்ணப்பிக்கலாம். 

Thoothukudi DHS Job Vacancy, Thoothukudi DHS Job Qualification, Thoothukudi DHS Job Age Limit, Thoothukudi DHS Job Location, Thoothukudi DHS Job Salary, Thoothukudi DHS Job Selection Process, Thoothukudi DHS Job APPly Mode பற்றிய முழு விவரங்களையும் சரி பார்த்து, தகுதியானவர்கள் விண்ணப்பிக்கலாம்.

பதவி	DEO, Driver, Sweeper, Technical, Dental Assistant
காலியிடங்கள்	11 பணியிடங்கள் வெளியிட்டுள்ளது
கல்வித்தகுதி	10th, 8th, Diploma, Read Write in Tamil, BDS
சம்பளம்	மாதம் ரூ.8,500 முதல் ரூ.34,000 வரை ஊதியம் வழங்கப்படும்
வயது வரம்பு	34 – 37 வயது உள்ளவர்கள் விண்ணப்பயுங்கள்
பணியிடம்	Jobs in Thoothukudi
தேர்வு செய்யப்படும் முறை	நேர்காணல், குறுகிய பட்டியல்
விண்ணப்பக் கட்டணம்	இல்லை
விண்ணப்பிக்கும் முறை	ஆஃப்லைன் (தபால்)
முகவரி	அதிகாரப்பூர்வ அறிவிப்பை தயவுசெய்து சரிபார்க்கவும்

THOOTHUKUDI DHS RECRUITMENT 2022 IMPORTANT DATES & NOTIFICATION DETAILS:

எந்த வேலையாக இருந்தாலும், விண்ணப்பிக்க கால அவகாசம் கொடுக்கப்படும். Thoothukudi DHS -யின் அதிகாரப்பூர்வ அறிவிப்பு தேதி, விண்ணப்பிக்க கடைசி தேதி, காலியிடங்களின் முழு விவரங்கள் என அனைத்தையும் கவனமாக படித்து அறிந்துகொள்ளுங்கள். கீழே கொடுக்கப்பட்டுள்ள Thoothukudi DHS Recruitment 2022 Notification-னில் உள்ளபடி, குறிப்பிட்டுள்ள தேதிக்குள் Offline முறையில் விண்ணப்பிக்க வேண்டும்.

அறிவிப்பு தேதி: 12 நவம்பர் 2022

கடைசி தேதி: 28 நவம்பர் 2022

Thoothukudi DHS Recruitment 2022 Notification pdf

THOOTHUKUDI DHS CAREERS 2022 விண்ணப்பிக்கும் முறை என்ன?

மாவட்ட சுகாதார சங்கம், தூத்துக்குடி வேலைவாய்ப்பு 2022-க்கு விண்ணப்பிக்க விரும்பும் விண்ணப்பதாரர்கள் கீழே உள்ள படிகளைப் பின்பற்றுங்கள். 

• அதிகாரப்பூர்வ வலைத்தளமான https://thoothukudi.nic.in/-க்கு செல்லவும். Thoothukudi DHS Jobs 2022 பற்றிய முழு விவரங்களையும் கவனமாக படிக்க வேண்டும்.
• மேற்கூறிய இணைப்பிலிருந்தோ (Thoothukudi DHS Recruitment 2022 Notification pdf) அல்லது அதிகாரப்பூர்வ அறிவிப்பிலிருந்தோ Thoothukudi DHS Recruitment 2022 விண்ணப்பத்தைப் பதிவிறக்கம் செய்து, படிவத்தை நிரப்பவும்.
• Thoothukudi DHS Vacancy 2022 பற்றிய அனைத்து விவரங்களையும் எந்த தவறும் இல்லாமல் விண்ணப்பத்தை நிரப்பவும். தேவையான அனைத்து ஆவணங்களையும் (ID proof, Educational Qualification, Recent Photograph, Resume, if any Experience etc,.) பதிவேற்றவும்.
• மாவட்ட சுகாதார சங்கம், தூத்துக்குடி அதிகாரிகள் உங்களை தொடர்புகொள்ள சரியான மின்னஞ்சல் ஐடி மற்றும் மொபைல் எண்ணை (Email ID and Mobile Number) விண்ணப்பத்தில் குறிப்பிடவும்.
• தேவைப்பட்டால் Thoothukudi DHS Recruitment 2022 விண்ணப்பக் கட்டணத்தை செலுத்துங்கள்.
• Thoothukudi DHS Vacancy 2022 அனைத்து தகவல்களையும் முடித்த பிறகு, விவரங்கள் சரியானதா என்று ஒரு முறை சரிபார்க்கவும். உங்கள் விண்ணப்பத்தை பிரிண்ட் அவுட் எடுக்கவும்.
• Thoothukudi DHS Careers 2022 அதிகாரப்பூர்வ அறிவிப்பில் கொடுக்கப்பட்டுள்ளபடி விண்ணப்பதாரர்கள் ஆஃப்லைன் / ஆன்லைன் மூலம் விண்ணப்பிக்கலாம்.

THOOTHUKUDI DHS RECRUITMENT 2022 FAQS

Q1. What is the Thoothukudi DHS Full Form?

District Health Society, Thoothkudi – மாவட்ட சுகாதார சங்கம், தூத்துக்குடி

Q2.Thoothukudi DHS Jobs 2022 விண்ணப்பிக்கும் முறை என்ன?

The apply mode is Offline (By Postal)

Q3. How many vacancies are Thoothukudi DHS Vacancies 2022?

தற்போது, 11 காலியிடங்கள் உள்ளன.

Q4. What is the qualification for this Thoothukudi DHS Recruitment 2022?

The qualification is 10th, 8th, Diploma, Read Write in Tamil, BDS.

Q5. What are the Thoothukudi DHS Careers 2022 Post names?

The Post name is DEO, Driver, Sweeper, Technical, Dental Assistant.

 Click here to join WhatsApp group for Daily employment news  

Read More

ராணிப்பேட்டையில் நவ.20-ல் தனியார் துறை சார்பில் வேலை வாய்ப்பு முகாம்

 ராணிப்பேட்டை மாவட்ட வேலை வாய்ப்பு மற்றும் தொழில்நெறி வழிகாட்டும் மையம், தமிழ்நாடு ஊரக வாழ்வாதார இயக்கம் மற்றும் டாடா எலெக்ட்ரானிக்ஸ் நிறுவனம் சார்பில் சிறப்பு தனியார் துறை வேலை வாய்ப்பு முகாம், ராணிப்பேட்டை அரசு மேல் நிலைப்பள்ளியில் வரும் 20-ம் தேதி நடைபெறுகிறது.

இந்த முகாமில் காலியி டங்கள் முழுவதும் பெண் மனுதாரர்களுக்கு மட்டுமே பரிந்துரை செய்யப்பட்டுள்ளது. கல்வி தகுதியாக 2020, 2021, 2022-ம் ஆண்டில் பிளஸ் 2 தேர்ச்சி பெற்றவர்களும், 18 முதல் 20 வயதுக்குட் பட்டவர்களாகவும் இருக்க வேண்டும். தேர்வு செய்யப்படுபவர்களுக்கு 12 நாட்கள் பயிற்சி அளிக்கப்படும். மாதச் சம்பளம் 16 ஆயிரத்து 557 ரூபாயும், உணவு, தங்கும் இடம் மற்றும் போக்குவரத்து வசதிகள் செய்து தரப்படும்.

இதில், எஸ்சி/எஸ்டி மனு தாரர்களுக்கு முன்னுரிமை அளிக்கப்படும். தகுதி உள்ள வர்கள் தங்களுடைய பத்தாம் வகுப்பு, பிளஸ்-1 மற்றும் பிளஸ் 2 மதிப்பெண் சான்று, மாற்றுச்சான்று, ஆதார் அட்டை ஆகியவற்றின் அசல் மற்றும் நகல்களுடன் காலை 9 மணிக்கு முகாமில் பங்கேற்று பயன்பெறலாம் என மாவட்ட ஆட்சியர் பாஸ்கர பாண்டியன் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.

 Click here to join WhatsApp group for Daily employment news  

Read More

காஞ்சிபுரம் | டாடா எலக்ட்ரானிக்ஸ் நிறுவனம் மூலம் பயிற்சி, பட்டப்படிப்பு, ஊதியத்துடன் பெண்களுக்கு வேலைவாய்ப்பு

 காஞ்சிபுரம்: காஞ்சிபுரம் மாவட்டத்தில் பிளஸ் 2 முடித்த பெண்களுக்கு ரூ.15 ஆயிரம் ஊதியத்துடன் பயிற்சி, பட்டப்படிப்புடன் வேலைவாய்ப்பு டாடா எலக்ட்ரானிக்ஸ் நிறுவனம் மூலம் வழங்கப்பட உள்ளது.

இது குறித்து காஞ்சிபுரம் மாவட்ட ஆட்சியர் மா.ஆர்த்தி வெளியிட்ட அறிக்கை: மகளிர் அதிக அளவில் வேலைவாய்ப்பை பெறும் பொருட்டு ஓசூரில் உள்ள ஒரு தனியார் நிறுவனத்தில் (டாடா எலக்ட்ரானிக்ஸ்) நிரந்தர பணியில் பணிபுரிய பிளஸ் 2 வரை படித்த பெண்கள் விண்ணப்பிக்கலாம். தேர்வு செய்யப்படும் நபர்கள் ஓராண்டு பயிற்சி முடித்த உடன் நிரந்தர பணியில் ஈடுபடுத்தப்படுவர். ஓராண்டு பணிபுரிந்த பின் அவர்களுக்கு டாடா நிறுவனத்தின் மூலம் பி.எஸ்.சி பட்டப்படிப்பு சான்றிதழ் வழங்கப்படும்.

வேலைக்கு சேர்ந்த முதல் மாதத்தில் இருந்தே அவர்களுக்கு ரூ.15 ஆயிரம் தொடக்க ஊதியமாக வழங்கப்படுவதுடன் உணவு, உடை, தங்குமிடம் ஆகியவை சலுகை அடிப்படையில் வழங்கப்படும். விருப்பமுள்ள நபர்கள் நவ. 18-ம் தேதி மாவட்ட வேலைவாய்ப்பு அலுவலகத்தில் நடைபெறும் நேர்முகத் தேர்வில் ஆதார் அட்டை நகல், 2 பாஸ்போர்ட் அளவு புகைப்படம், 10, 12-ம் வகுப்பு மதிப்பெண் சான்றிதழ், சுய விவரக் குறிப்பு ஆகிய அனைத்து அசல் சான்றுகளுடன் பங்கேற்கலாம். மேலும் விவரங்களுக்கு 044-27237124 என்ற தொலைபேசி எண்ணில் தொடர்பு கொள்ளலாம். இந்த நேர்முகத் தேர்வில் காஞ்சிபுரம் மாவட்ட வேலை தேடும் பெண்கள் பங்கேற்று பயன்பெறலாம்.இவ்வாறு அதில் கூறப்பட்டுள்ளது.

 Click here to join WhatsApp group for Daily employment news  

Read More