சாதாரண பல் சொத்தை பிரச்சனை ஆபத்தாக மாறுமா?

 காரைக்குடி மணீஸ் பல் மருத்துவமனை டாக்டர் மணிகண்டன் விளக்கம் பொதுவாக இருதய நோய் உள்ளவர்களுக்கு ரத்த குழாயில் அடைப்பு ஏற்பட்டு பெரும் பாதிப்பை தரும். மேலும் பற்களை சுத்தமாக வைத்துக் கொள்ளாதவர்களுக்கு பாக்டீரியா என்ற நுண் கிருமிகள் ஈறு நோயை உண்டாக்கும். அதன் மூலம் கிருமிகள் நமது ரத்தக்குழாயில் கலந்து இருதயத்தில் அடைப்பு உண்டாகும். 

Atherosclerosis இந்த பிரச்சினை உள்ள நிறைய பேருக்கு உயர் ரத்த அழுத்தம் ஏற்படவும் வாய்ப்புள்ளது. மேலும் இருதய நோய் உள்ளவர்கள் பல் மருத்துவரை அணுகும் போது இருதய நோய் உள்ளவர்கள் தாங்கள் எடுக்கும் மாத்திரைகள் குறித்த விவரங்களை மருத்துவர்களிடம் தெளிவாக எடுத்து கூற வேண்டும்.

 ஈறுகளில் உள்ள கிருமிகளை உண்டாக்கும் இன்பக்‌ஷன் மூலமாக நமது மூளையில் இருக்கும் செல்கள் பாதித்து நமக்கு ஞாபக மறதி மற்றும் அல்சீமர் போன்ற நோய்களை உண்டாக்கும். இப்படியும் ஆகுமா என பலருக்கும் தெரிவதில்லை. அதனாலேயே பலரும் பல் பிரச்சினையை அலட்சியமாக எடுத்துக்கொள்கின்றனர். 

நீரழிவு நோய் உள்ள ஒரு சிலருக்கு எவ்வளவு மாத்திரை எடுத்துக்கொண்டாலும், சாப்பாடு திட்டமாக எடுத்துக்கொண்டாலும் ரத்தத்தில் உள்ள சர்க்கரையின் அளவு குறையவே குறையாது. ஏன் என்றால் அவர்களின் ஈறுகளில் உள்ள கிருமிகள் சர்க்கரை அளவை கட்டுப்படுத்த விடாது. எனவே நமது பற்களை பாதுகாத்து பாதுகாப்பான வாழ கற்றுக்கொள்வோம். இவ்வாறு அவர் கூறினார்.

 Click here to join whatsapp group for daily health tip

Read More

உணவு மூலமே தைராய்டு பிரச்சனையை சரி செய்ய முடியுமா..? எந்தெந்த உணவுகளை சாப்பிடலாம்..?

 ஹைப்போதைராய்டிசம் என்பது உடலில் தைராய்டு சுரப்பிகள் தேவைக்கு குறைவாக சுரப்பதனால் உண்டாகும் ஒரு உடல்நல கோளாறு ஆகும். உடலின் வளர்ச்சிதை மாற்றங்கள் செல்களை சரி செய்வது செல்களின் வளர்ச்சி மற்றும் சில முக்கிய உடல் உறுப்புக்களின் செயல் இருக்கும் தைராய்டு சுரப்பிகள் முக்கிய பங்காற்றுகின்றனர். ஹைப்போதைராடிசம் குறைபாடு உள்ளவர்கள், தலை முடி உதிர்தல், மயக்கம், உடல் எடை கூடுதல், மனதளவில் ஏற்படும் மாற்றங்கள், மலச்சிக்கல் போன்ற அறிகுறிகள் தென்படும்.

இதன் காரணமாக எப்போதும் ஆரோக்கியமான உணவு வகைகளை உட்கொள்ள வேண்டும். முக்கியமாக பதப்படுத்தப்பட்ட உணவுகளை உண்பது சுத்திகரிக்கப்பட்ட சர்க்கரை, சுத்திகரிக்கப்பட்ட எண்ணெய் போன்ற உடலுக்கு கெடுதல் தரும் உணவு பொருட்களை உட்கொள்வதை தவிர்ப்பதன் மூலமே தைராய்டு பிரச்சனை ஏற்படாமலும், அப்படியே தைராய்டு பிரச்சினை இருந்தாலும் அதனை கட்டுப்பாட்டில் வைத்திருக்கவும் முடியும்.

வைட்டமின் பி :

வைட்டமின் பி ஊட்டச்சத்தானது தைராய்டு சுரப்புகளின் உற்பத்திக்கும் அவர்களின் செயல்பாட்டிற்கும் முக்கிய பங்காற்றுகிறது மேலும் கல்லீரல் பிரச்சனை உள்ளவர்களுக்கும், ஹைப்போதைராய்டிஸத்தால் பாதிக்கப்பட்டவர்களுக்கும் இந்த ஊட்டச்சத்து இன்றியமையாதது ஆகும்.

சுத்திகரிக்கப்பட்ட சர்க்கரையை தவிர்க்க வேண்டும் :

சுத்திகரிக்கப்பட்ட சர்க்கரையை உணவில் சேர்த்துக் கொள்வதன் மூலம் இவை உடலில் உள்ள குளுக்கோஸ் மற்றும் இன்சுலின் அளவை அதிகரித்து விடுகின்றன. இதனால் தைராய்டு ஹார்மோன்களில் சமநிலையற்ற தன்மை உண்டாகிறது. இதன் காரணமாகவே தைராய்டு சம்பந்தப்பட்ட கோளாறுகள் உண்டாகின்றன. அதிக அளவு சுத்திகரிக்கப்பட்ட சர்க்கரைகளையும் கார்போஹைட்ரேடுகளையும் உட்கொள்ளும் போது வளர்ச்சிதை மாற்றத்தை தடை செய்யும் உடல் நலக் கோளாறுகள் உண்டாகி தைராய்டு சம்பந்தப்பட்ட பிரச்சனைகள் உண்டாகும்.

இறைச்சி உணவுகள்:

தினசரி உணவில் உடலுக்கு தேவையான புரத சத்துக்கள் நிறைந்துள்ளவாறு உணவை உட்கொள்ள வேண்டும். இறைச்சிகளில் அதிக அளவு புரதச்சத்தும், அமினோ அமிலங்கள் நிறைந்துள்ளதால் இவை உடலுக்கு தேவையான ஊட்டச்சத்தை போதுமான அளவு வழங்குகின்றன. முக்கியமாக கல்லீரலானது தைராய்டு சுரப்பிகளை சரிப்படுத்தும் முக்கிய உணவாக கருதப்படுகிறது. வைட்டமின் எ, ஹார்மோன் சுரப்பிகளை கட்டுப்படுத்தியும், தைராய்டு சுரப்பிகள் சுரப்பதை சரியான அளவில் இருக்குமாறு பார்த்துக் கொள்வதன் மூலம் உடலின் வளர்ச்சிதை மாற்றம் சரியாக நிகழ்வதை உறுதி செய்கிறது.

கோய்ட்ரோஜன்ஸ்

கோட்ரோஜன்கள் தாவர உணவு வகைகளின் அதிகமாக காணப்படுகின்றன. முக்கியமாக புரோக்கோலி, காலிபிளவர், முட்டைகோஸ், கீரை, வேர்க்கடலைகள் ஆகியவற்றில் இவை அதிகமாக காணப்படுகின்றன..

உணவில் அயோடினை அதிகம் சேர்த்துக் கொள்ள வேண்டும் :

உலகில் மூன்றில் ஒரு பகுதி மக்களுக்கு அயோடின் குறைபாடு உள்ளதாக ஆய்வுகள் தெரிவிக்கின்றன. உடலின் தைராய்டு சுரப்பதை ஊக்கப்படுத்தும் முக்கிய காரணியாக அயோடின் உள்ளது. இதன் காரணமாக உங்களுக்கு ஹைபோதைராய்டிசம் ஏற்பட்டால் உங்கள் உணவில் அயோடின் அளவை சரியாக இருக்குமாறு பார்த்துக் கொள்வது நல்லது.

செலினியம் நிறைந்த உணவுகளை உட்கொள்ள வேண்டும் :

தைராய்டு சுரப்பிகளை ஆரோக்கியமாக வைத்துக் கொள்ள உதவும் மற்றொரு தாது செலினியமாகும். கிடைத்த தரவுகளின் படி செலினியமானது உடலின் நோய் எதிர்ப்பு சக்தியை அதிகரிக்கிறது. மேலும் தைராய்டு சுரப்பிகள் சரியாக வேலை செய்வதற்கும் உதவி புரிகிறது. நட்ஸ், முட்டைகள் போன்ற உணவு வகைகளில் இவை அதிக அளவில் காணப்படுகின்றன.

ஆன்ட்டி நியூட்ரியன்ட்ஸ் தவிர்க்க வேண்டும் :

தாவர உணவு வகைகளில் அதிக அளவில் ஆண்டி நியூட்ரியன்ட்ஸ் காணப்படுகின்றன. இதனால் ஹைப்போதைராடிஸ்ம் உள்ளவர்களுக்கு இது மிகுந்த பாதிப்பை உண்டாக்கும். ஆன்ட்டி நியூட்ரியன்ட்ஸ் அதிகம் நிறைந்த தாவர உணவுகளை உட்கொள்வதை குறைத்துக்கொள்ள வேண்டும். தாவர உணவை ஊறவைத்தும், சமைத்தும் உண்பதின் மூலம், அதில் உள்ள ஆண்டி நியூட்ரியன்ட்ஸ் நம்மால் குறைக்க முடியும்.

தைராய்டு பிரச்சினையை சரி செய்வதற்கு அதன் மூல காரணத்தை அறிந்து அதற்கான சிகிச்சை எடுத்துக் கொண்டால் மிக எளிதாக சரி செய்து விடலாம். மேலும் உணவுப் பழக்கத்தை சரிப்படுத்துவதன் மூலமே மிக எளிதாக தைராய்டு பிரச்சனையிலிருந்து விடுபட முடியும்.

 Click here to join whatsapp group for daily health tip

Read More

குளிர்காலத்தில் இதயத்தை ஆரோக்கியமாக வைத்திருக்க அதிகம் எடுத்துக்கொள்ள வேண்டிய உணவுகள்..!

 

தொற்றுகள் எளிதாக பரவும் என்பதால் குளிர்காலம் ஒரு கடினமான பருவம். பொதுவாக சீசன் மாறும் போது உணவில் சிறப்பு கவனம் செலுத்துவது நல்லது. குறிப்பாக குளிர் சீசனில் நிறைய உடல்நலப் பிரச்சினைகளை எதிர்கொள்ள நேரிடும் என்பதால் ஆரோக்கியமான உணவுகளை அதிகம் எடுத்து கொள்ள வேண்டும்.

குளிர் காலத்தில் சில உணவுகள் எடுத்து கொள்வது நம் உடலுக்கு மிகவும் ஆரோக்கியமானது. ஏற்கனவே இதயம் சார்ந்த பிரச்சனை உள்ளவர்களுக்கு குளிர்காலம் மிகவும் கவனமாக இருக்க வேண்டிய சீசன் ஆகும். குளிர் சீசனில் ரத்த ஓட்டத்தை பராமரிக்க இதயம் 2 மடங்கு கடினமாக வேலை செய்யும் சூழல் ஏற்படும். எனவே குளிர்காலத்தில் ஆரோக்கியமான இதயத்திற்கான உணவுகள் பற்றி நீங்கள் தெரிந்து கொள்வது அவசியம்.

குளிர் காலத்தில் குறைந்த வெப்பநிலை காரணமாக ரத்த தமனிகள் சுருங்கக்கூடும். இதனால் இதய தசைகளுக்கு குறைந்த ஆக்ஸிஜன் மற்றும் குறைந்த ஊட்டச்சத்துக்களே கிடைக்கும். இது ஒட்டுமொத்த இதய ஆரோக்கியத்தில் பாதிப்புகளை ஏற்படுத்த கூடும். குளிர்காலத்தில் இதய ஆரோக்கியத்திற்காக எடுத்து கொள்ள வேண்டிய உணவுகள் மற்றும் தவிர்க்க வேண்டியவை பற்றி பகிர்ந்து கொள்கிறார் ஊட்டச்சத்து நிபுணர் ரோஹித் ஷெலட்கர்.

ஆரோக்கிய உணவுகள்:

ஓட்மீல்:

உடலுக்குத் தேவையான பல வைட்டமின்கள் இதில் உள்ளன. ஓட்மீல்-ல் நிறைந்திருக்கும் ஜிங்க் மற்றும் ஃபைபர் சத்துக்கள் நோய் எதிர்ப்பு சக்தியை அதிகரிக்க மற்றும் இதய ஆரோக்கியத்தை மேம்படுத்த உதவுகிறது. எனவே குளிர்காலத்தில் வழக்கமான காலை உணவாக ஓட்ஸை சேர்த்துக் கொள்ளலாம்.

சிட்ரஸ் பழங்கள்:

இதை ஆரோக்கியத்திற்கு நல்லது என்பதால் குளிர் சீசனில் எலுமிச்சை, ஆரஞ்சு, சாத்துக்குடி, தக்காளி மற்றும் நெல்லி போன்ற சிட்ரஸ் பழங்களை அதிகமாக சாப்பிட வேண்டும். சிட்ரஸ் பழங்களில் அடங்கியிருக்கும் ஃபிளாவனாய்ட்ஸ் மற்றும் வைட்டமின் சி உள்ளிட்ட இரண்டும் அதிக அடர்த்தி கொண்ட லிப்போபுரோட்டீன் கொலஸ்ட்ராலை அதிகரிக்கின்றன. இதனால் இதய நோய் மற்றும் பக்கவாதம் ஏற்படும் அபாயம் குறைகிறது.

முழு தானியங்கள்:

முழு தானியங்கள் நார்ச்சத்து நிறைந்தவை. இவை இதயம் மற்றும் ரத்த நாளங்களின் ஆரோக்கியத்தை பராமரிக்க உதவும் முக்கிய பல ஊட்டச்சத்துக்களை கொண்டிருக்கின்றன. நூடுல்ஸ் மற்றும் ஸ்பாகெட்டி போன்ற இன்ஸ்டன்ட் ஃபுட் பாகெட்ஸ்களில் பொதுவாக காணப்படும் மைதாவிற்கு பதில் பஜ்ரா, மக்கி, பார்லி, கினோவா, ஓட்ஸ், பக்வீட் மாவு மற்றும் ராகி போன்றவற்றை டயட்டில் சேர்க்கலாம்.

வேர் காய்கறிகள்:

வேர் காய்கறிகளில் வைட்டமின் ஏ, பீட்டா கரோட்டின், வைட்டமின் சி உள்ளிட்ட பல மற்றும் மினரல்ஸ் அதிகம். இவை ஆன்டிஆக்ஸிடன்ட்ஸ் மற்றும் அழற்சி எதிர்ப்பு பண்புகளை கொண்டு இதயம், ரத்த நாளங்களின் ஆரோக்கியத்தை பாதுகாக்கும். எனவே கேரட், டர்னிப்ஸ், ஸ்வீட் பொட்டேட்டோ, உருளைக்கிழங்கு மற்றும் பீட் போன்ற வேர் காய்கறிகளை அதிகம் எடுத்து கொள்ளலாம்.

தவிர்க்க வேண்டியவை:

- ஆரோக்கியமற்ற கொழுப்பு உணவுகளை முற்றிலும் தவிர்க்க வேண்டும். வறுத்த உணவுகளான பூரி, பரந்தா, பகோரி, கச்சோரி மற்றும் நம்கீன்ஸ்களை தவிர்த்து வெண்ணெய் & எண்ணெயை நுகர்வை கட்டுப்படுத்த வேண்டும். 10%-க்கும் குறைவான கொழுப்புள்ள இறைச்சிகளை தேர்ந்தெடுத்து சாப்பிடவும்.

- அதிக சர்க்கரை நுகர்வு குளிர் சீசனில் நோய் எதிர்ப்பு சக்தியை பலவீனமாக்கலாம். இனிப்புகள் நிறைந்த உணவுகளை குளிர் சீசனில் அதிகம் சாப்பிடுவது வீக்கத்தை அதிகரிக்கிறது மற்றும் இதனுடன் தொடர்புடைய வலி நோய் எதிர்ப்பு சக்தியைவெகுவாக குறைக்கிறது. மேலும் சுவாச கோளாறுகளும் ஏற்படும். மொத்தத்தில் வறுத்த உணவுகள், கொழுப்பு மற்றும் சர்க்கரை அல்லது கொலஸ்ட்ரால் அதிகமுள்ள உணவுகளைத் தவிர்க்கவும்.

குளிர்காலத்தில் ஆரோக்கிய வாழ்க்கை முறையை பேணுவது முக்கியம். வெளியே சென்று ஒர்கவுட்ஸ்களில் ஈடுபட முடியாவிட்டாலும் வீட்டிற்குள்ளேயே நடனம், யோகா, மிதமான ஏரோபிக்ஸ் மற்றும் எளிய உடற்பயிற்சிகள் செய்யலாம். வழக்கமான உடற்பயிற்சி இதய ஆரோக்கியத்தை பராமரிக்கவும், உடலை சூடாக வைக்க உதவுகிறது.

 Click here to join whatsapp group for daily health tip

Read More

8-ம் வகுப்பு முதல் டிகிரி வரை : இந்த மாத இறுதிக்குள் விண்ணப்பிக்க வேண்டிய முக்கிய அரசு வேலைகள்

 2022 ஆம் வருடம் நிறைவடையவுள்ள நிலையில் பல்வேறு பிரிவுகளில் உள்ள தமிழக, மத்திய மற்றும் தனியார் வேலைவாய்ப்புகளை இந்த தொகுப்பில் இடம்பெற்றுள்ளது. பணிக்கான சம்பளம், கல்வி, வயது வரம்பு போன்ற விவரங்களைக் கீழ் வருமாறு காண்போம்.

தமிழக அரசு வேலைகள் :

1. தமிழ்நாடு விளையாட்டு ஆணையகம்

பணியிடம் : 97

சம்பளம் : நிலை 12 (ரூ. 35,600 – 1,12,800)

விண்ணப்பிக்கக் கடைசி நாள் : 30.12.2022

முழு விவரங்களுக்கு : தமிழ்நாடு விளையாட்டு ஆணையத்தில் பயிற்றுநர் பணியிடங்கள்; ஒரு லட்சம் வரை சம்பளம்

2. மதுரை மாவட்ட ஊரக வளர்ச்சி மற்றும் ஊராட்சித்துறை

பணியிடம் : 9

சம்பளம் : -

விண்ணப்பிக்கக் கடைசி நாள் : 30.12.2022

முழு விவரங்களுக்கு : டிகிரி முடித்தவர்களுக்கு அசத்தல் வாய்ப்பு : மதுரையில் அரசு வேலைவாய்ப்பு

3. தமிழ்நாடு கண்ணாடி இழை வலையமைப்பு நிறுவனம்

பணியிடம் : 7

சம்பளம் : ரூ 1 லட்சம் - 2 லட்சம் வரை

விண்ணப்பிக்கக் கடைசி நாள் : 30.12.2022

முழு விவரங்களுக்கு :ரூ.2 லட்சம் வரை மாத சம்பளத்தில் தமிழக அரசு நிறுவனத்தில் வேலை... யாரெல்லாம் விண்ணப்பிக்கலாம்!

4. ஈரோடு அரசினர் தொழிற்பயிற்சி நிலையம்

பணியிடம் : 2

சம்பளம் : ரூ.15,700-58,100/-

விண்ணப்பிக்கக் கடைசி நாள் : 30.12.2022

முழு விவரங்களுக்கு : 8 ஆம் வகுப்பு தேர்ச்சி பெற்றவருக்கு ரூ.58000 வரை சம்பளத்தில் வேலை... முழு விவரம் இதோ

மத்திய அரசு வேலைகள்:

5. IREL நிறுவன தொழிற்பயிற்சி

பணியிடம் : 7

சம்பளம் : ரூ.12,000/-

விண்ணப்பிக்கக் கடைசி நாள் : 30.12.2022

முழு விவரங்களுக்கு : எம்.பி.ஏ பட்டதாரிகளுக்கு மத்திய அரசு நிறுவனத்தில் உதவித்தொகையுடன் கூடிய தொழிற்பயிற்சி.

6. மத்திய அரசின் ஊரக வளர்ச்சி அமைச்சகம்

பணியிடம் : 1

சம்பளம் : ரூ.37,400-67,000/- + GP ரூ.10,000/-

விண்ணப்பிக்கக் கடைசி நாள் : 31.12.2022

முழு விவரங்களுக்கு : மத்திய அரசின் ஊரக வளர்ச்சி அமைச்சகத்தில் வேலைவாய்ப்பு... நேரடி நியமனத்தில் நிரப்ப அறிவிப்பு வெளியீடு

7. மர அறிவியல் மற்றும் தொழில்நுட்ப நிறுவனம்

பணியிடம் : 4

சம்பளம் : ரூ.19,900 - 1,12,400/-

விண்ணப்பிக்கக் கடைசி நாள் : 30.12.2022

முழு விவரங்களுக்கு : மத்திய அரசு நிறுவனத்தில் 10,12-ம் வகுப்பு, டிகிரி படித்தவர்களுக்கு வேலைவாய்ப்பு..என்னென்ன பணிகள்?

 Click here to join WhatsApp group for Daily employment news 

Read More

மத்திய அரசு நிறுவனத்தில் 10,12-ம் வகுப்பு, டிகிரி படித்தவர்களுக்கு வேலைவாய்ப்பு..என்னென்ன பணிகள்?

 வனவியல் ஆராய்ச்சி மற்றும் கல்வியின் இந்தியா கவுன்சில் கீழ் செயல்படும் மர அறிவியல் மற்றும் தொழில்நுட்ப நிறுவனம் சுற்றுச்சூழல்,காடு மற்றும் பருவ நிலை மாற்றம் அமைச்சகத்தின் தன்னாட்சி ஆராய்ச்சி மற்றும் கல்வி நிறுவனமாகும். இதில் தற்போது காலியாக உள்ள பல்வேறு பணியிடங்களுக்கான அறிவிப்பு வெளியாகியுள்ளது.

பணியின் விவரங்கள்:

பதவியின் பெயர்	பணியிடம்	வயது	சம்பளம்
Library Information Assistant	1	அதிகபட்சம் 27 வயது	ரூ.35,400-1,12,400/-
Lower Division Clerk(LDC)	1	அதிகபட்சம் 32 வயது	ரூ.19,900-63,200/-
Driver(Ordinary Grade)	2	அதிகபட்சம் 27 வயது	ரூ.19,900-63,200/-

கல்வித்தகுதி:

பதவி	தகுதி
Library Information Assistant	Library Science படிப்பில் பட்டம் பெற்றிருக்க வேண்டும்.
Lower Division Clerk(LDC)	12 ஆம் வகுப்பு தேர்ச்சி மற்றும் தட்டச்சு திறன்
Driver(Ordinary Grade)	10 ஆம் வகுப்பு தேர்ச்சி,ஓட்டுநர் உரிமம் மற்றும் 3 ஆண்டுகள் அனுபவம்.

தேர்வு செய்யப்படும் முறை:

விண்ணப்பதார்களில் தகுதியானவர்களுக்கு எழுத்துத் தேர்வுக்கான அழைப்பு விடுக்கப்படும் என்று தெரிவிக்கப்பட்டுள்ளது. எழுத்துத் தேர்வின் அடிப்படையில் பணி நியமனம் செய்யப்படும்.

விண்ணப்பிக்கும் முறை:

இப்பணிகளுக்கு https://iwst.icfre.gov.in/என்ற இணையத்தளத்தில் உள்ள விண்ணப்பப்படிவத்தைப் பதிவிறக்கம் செய்து அதனைப் பூர்த்தி செய்து தபால் மூலம் அனுப்ப வேண்டும். விண்ணப்பக் கட்டணமாக ரூ.700/- demand draft மூலம் செலுத்த வேண்டும். SC/ST/OBC/EWS பிரிவினர் ரூ.200/- கட்டணமாகச் செலுத்த வேண்டும்.

விண்ணப்பத்தைப் பதிவிறக்கம் செய்ய : https://iwst.icfre.gov.in/jobs

தபால் மூலம் அனுப்ப வேண்டிய முகவரி:

The Director,Institute of Wood Science & Technology,18th cross,Malleswaram,Bengaluru - 560003.

விண்ணப்பத்தை அனுப்பக் கடைசி நாள் : 30.12.2022.

Click here to join WhatsApp group for Daily employment news

Read More

மத்திய அரசின் ஊரக வளர்ச்சி அமைச்சகத்தில் வேலைவாய்ப்பு... நேரடி நியமனத்தில் நிரப்ப அறிவிப்பு வெளியீடு

 மத்திய அரசின் ஊரக வளர்ச்சி அமைச்சகத்தின் நிர்வாக கட்டுப்பாட்டின் கீழ் தன்னாட்சி அமைப்பான ஊரக வளர்ச்சி மற்றும் பஞ்சாயத்து ராஜ் தேசிய இன்ஸ்ட்டியூட் (NIRD & PR), ஐதராபாத் ஆகும். ஊரக வளர்ச்சி மற்றும் பஞ்சாயத்து ராஜ் தேசிய இன்ஸ்ட்டியூட் ஆனது ஊரக வளர்ச்சியில் பயிற்சி,ஆராய்ச்சி, நடவடிக்கை ஆராய்ச்சி மற்றும் கன்சல்டன்சி செயல்பாடுகளை மேற்கொள்கிறது.

ஊரக வளர்ச்சி மற்றும் பஞ்சாயத்து ராஜ் தேசிய இன்ஸ்ட்டியூட்டில் தற்போது உள்ள டைரக்டர் ஜெனரல் பதவிக்கான காலியிடத்தை நிரப்புவதற்காக அறிவிப்பு வெளியாகியுள்ளது.இந்த பணி டெபுடேசன் மற்றும் நேரடி ஆள்சேர்ப்பு வகையில் நிரப்பப்படவுள்ளது.

பணியின் விவரங்கள்:

பதவியின் பெயர்	டைரக்டர் ஜெனரல்
சம்பளம்	ரூ.37,400-67,000/- + GP ரூ.10,000/-
வயது வரம்பு	நேரடி நியமனத்திற்கு 50 வயதிற்குக் கீழ் இருக்க வேண்டும். டெபுடேசன் பிரிவில் 56 வயது அதிகபட்சமாக இருக்கலாம்.

கல்வித்தகுதி:

டெபுடேசன் பிரிவில் தேர்வு செய்ய குருப் அ பிரிவில் அரசின் பணி புரிந்திருக்க வேண்டும். நேரடி நியமனத்திற்கு சமூக அறிவியல் பிரிவில் Ph.D., பெற்றிருக்க வேண்டும். மேலும் 15 வருட அனுபவம் தேவை.

தேர்வு செய்யப்படும் முறை:

இப்பணிக்குத் தகுதியானவர்கள் விண்ணப்பதார்களில் இருந்து தேர்வு செய்யப்பட்டு அழைப்பு விடுக்கப்படும். விண்ணப்பதார்கள் அதிகரிக்கும் நிலையில் நேர்காணல் நடத்தப்படலாம் என்று எதிர்பார்க்கப்படுகிறது.

விண்ணப்பிக்கும் முறை:

ஆர்வமுள்ளவர்கள் அறிவிப்பில் கொடுக்கப்பட்டுள்ள விண்ணப்பப்படிவத்தைப் பூர்த்தி செய்து தபால் மூலம் குறிப்பிட்ட முகவரிக்கு அனுப்ப வேண்டும். விண்ணப்பத்துடன் தகுந்த ஆவணங்களை இணைத்து அனுப்ப வேண்டும்.

விண்ணப்பத்தைப் பதிவிறக்கச் செய்ய : http://nirdpr.org.in/

விண்ணப்பத்தை அனுப்ப வேண்டிய முகவரி:

செயலர் (பயிற்சி),

ஊரக வளர்ச்சி அமைச்சகம், ஊரக வளர்ச்சித் துறை, கோர் - 4B(UG), இந்தியா வசிப்பிட மையம், லோதி ரோடு, புதுடெல்லி - 110003.

தபால் மூலம் விண்ணப்பத்தை அனுப்ப வேண்டிய கடைசி நாள் :30.12.2022

Click here to join WhatsApp group for Daily employment news

Read More

எம்.பி.ஏ பட்டதாரிகளுக்கு மத்திய அரசு நிறுவனத்தில் உதவித்தொகையுடன் கூடிய தொழிற்பயிற்சி.

 மத்திய அரசின் அரிதான தாதுகளை மற்றும் மினரல்களை உற்பத்தி செய்யும் நிறுவனமான IREL நிறுவனத்தில் எம்.பி.ஏ பட்டதாரிகளுக்கான தொழிற்பயிற்சி அறிவிப்பு வெளியாகியுள்ளது. IREL நிறுவனம் மினி ரத்தினம் பிரிவு ஒன்றில் இடம்பெற்றுள்ளது. அணு சக்தி அமைச்சகத்தில் கீழ் செயல்படுகிறது. அணு மினரல்களை சுரங்கம் அமைத்து உற்பத்தி செய்து வருகின்றனர். இல்மனைட், ரூட்டில், சிர்கான், சில்லிமனைட், கார்னெட் போன்ற தாதுகளை உற்பத்தி செய்கின்றனர்.

தொழிற்பயிற்சி விவரங்கள்:

பிரிவுகள்	எண்ணிக்கை	உதவித்தொகை
Executive(HR)	03	ரூ.12,000/-
Executive(Marketing)	02	ரூ.12,000/-
Executive(Finance &Accounts)	02	ரூ.12,000/-

வயது வரம்பு:

தொழிற்பயிற்சிக்கு விண்ணப்பிக்க அதிகபட்சம் 25 வயது வரை இருக்க வேண்டும்.

கல்வித்தகுதி:

தொழிற்பயிற்சிக்கு MBA (HRM)/ MA (IR & PM, MBA (Marketing),CA/ICWA/ MFC/ MBA(Finance & Accounts) அல்லது முதுகலை டிப்ளமோ முடித்திருக்க வேண்டும். முழு நேரப் பிரிவில் எம்.பி.ஏ பெற்றிருக்க வேண்டும்.

தொழிற்பயிற்சி காலம் :

IREL நிறுவனத்தில் எம்.பி.ஏ பட்டத்தாரிகளுக்கு ஒரு வருடம் தொழிற்பயிற்சி அறிவிக்கப்பட்டுள்ளது.

தேர்வு செய்யப்படும் முறை:

விண்ணப்பதார்களில் இருந்து தகுதியானவர்கள் கல்வித்தகுதி மற்றும் மதிப்பெண்கள் அடிப்படையில் தேர்வு செய்யப்படுவர். அங்கீகரிக்கப்பட்ட எண்ணிக்கைக்கு அதிகமாகத் தேர்வு செய்யப்பட்ட பட்டியலில் இடம்பெற்றிருந்தால் பிறந்த தேதி அடிப்படையில் முன்னுரிமை வழங்கப்படும். இறுதியாகத் தேர்வு செய்யப்பட்டவர்களுக்குச் சான்றிதழ் பரிசோதனைக்காக அழைப்பு விடுக்கப்படும்.

விண்ணப்பிக்கும் முறை:

தொழிற்பயிற்சியாவார்கள் கண்டிப்பாக http://www.apprenticeshipindia.gov.in என்ற இணையத்தளத்தில் பதிவு செய்ய வேண்டும்.

https://www.irel.co.in/careers என்ற இணையத்தளத்தில் கொடுக்கப்பட்டுள்ள விண்ணப்பத்தைப் பூர்த்தி செய்து தேவையான சான்றிதழ்கள் இணைத்து தபால் மூலம் அனுப்ப வேண்டும்.

விண்ணப்பத்தை பதிவிறக்க செய்ய : https://www.irel.co.in/careers

தபால் மூலம் அனுப்ப வேண்டும் முகவரி:

The Dy. General Manager (HRD),

IREL(India) Limited

Plot No 1207,Veer Savarkar Marg, Opp Siddhi Vinayak Mandir

Mumbai, Maharashtra-400028

விண்ணப்பிக்கக் கடைசி நாள் : 30.12.2022.

மேலும் விவரங்களுக்கு இங்கே கிளிக் செய்யவும்.

Click here to join WhatsApp group for Daily employment news

Read More

8 ஆம் வகுப்பு தேர்ச்சி பெற்றவருக்கு ரூ.58000 வரை சம்பளத்தில் வேலை... முழு விவரம் இதோ

 

ஈரோடு மாவட்டத்தில் அமைந்துள்ள அரசினர் தொழிற்பயிற்சி நிலையத்தில் உள்ள அலுவலக உதவியாளர் பணியிடங்களை நிரப்புவதற்கான அறிவிப்பு வெளியாகியுள்ளது. இப்பணிகளுக்கு இந்த மாத இறுதிக்குள் விண்ணப்பிக்க வேண்டும்.

பணியின் விவரங்கள்:

பதவியின் பெயர்	பணியிடம்	சம்பளம்
அலுவலக உதவியாளர்	2	ரூ.15,700-58,100/-

வயது வரம்பு:

இப்பணிகளுக்கு விண்ணப்பிக்க 18 வயதைப் பூர்த்தி செய்திருக்க வேண்டும். பொதுப் பிரிவினருக்கு அதிகபட்ச வயது 32 ஆகவும், பிற்படுத்தப்பட்டோர் பிரிவினருக்கு அதிகபட்ச வயது 34 ஆகவும் மற்றும் ஆதிதிராவிடர் & பழங்குடியினர் பிரிவினருக்கு அதிகபட்ச வயது 37 ஆகவும் நிர்ணயிக்கப்பட்டுள்ளது.

மேலும் 10 ஆம் வகுப்பு தேர்ச்சி பெற்ற பிற்படுத்தப்பட்டோர், ஆதிதிராவிடர் மற்றும் பழங்குடியினருக்கு உச்ச வயது வரம்பு இல்லை. ஆதிதிராவிடர் & பழங்குடியினர் பிரிவு முன்னாள் இராணுவத்தினருக்கு அதிகபட்ச வயது 53 ஆகவும், பிற்படுத்தப்பட்டோர் பிரிவு முன்னாள் இராணுவத்தினருக்கு அதிகபட்ச வயது 48 ஆகவும் உள்ளது.

மாற்றுத்திறனாளிகளுக்கு உச்ச வரம்புடன் கூடுதலாக 10 ஆண்டுகள் என்று தெரிவிக்கப்பட்டுள்ளது.

கல்வித்தகுதி:

8 ஆம் வகுப்பு தேர்ச்சி பெற்றிருக்க வேண்டும்.

தேர்வு செய்யப்படும் முறை:

இப்பணிகளுக்கு நேர்காணல் மூலம் தகுதியானவர்கள் தேர்வு செய்யப்படுவார்கள் என்று எதிர்பார்க்கப்படுகிறது.

விண்ணப்பிக்கும் முறை:

இந்த பணிகளுக்கு விண்ணப்பிக்க https://skilltraining.tn.gov.in/ என்ற இணையத்தளத்தில் விண்ணப்பத்தைப் பதிவிறக்கம் செய்துகொள்ள வேண்டும். அதனுடன் புகைப்படங்கள், சான்றிதழ்கள் நகல்கள் இணைத்து பூர்த்தி செய்து தபால் மூலம் அனுப்ப வேண்டும்.

விண்ணப்பத்தைப் பதிவிறக்கம் செய்ய: https://skilltraining.tn.gov.in/

தபால் மூலம் அனுப்ப வேண்டிய முகவரி:

முதல்வர்,

அரசினர் தொழிற்பயிற்சி நிலையம்,

காசிபாளையம், ஈரோடு - 638009.

தபால் மூலம் விண்ணப்பங்களை அனுப்பக் கடைசி நாள் : 30.12.2022 மாலை 5.45.

Click here to join WhatsApp group for Daily employment news

Read More

ரூ.2 லட்சம் வரை மாத சம்பளத்தில் தமிழக அரசு நிறுவனத்தில் வேலை... யாரெல்லாம் விண்ணப்பிக்கலாம்!

 தமிழக அரசின் இணையச் சேவை வழங்கும் தமிழ்நாடு கண்ணாடி இழை வலையமைப்பு நிறுவனத்தில் (TAMIL NADU FIBRENET CORPORATION LIMITED) உள்ள காலிப்பணியிடங்களை நிரப்புவதற்கான அறிவிப்பு வெளியாகியுள்ளது. தமிழ்நாடு கண்ணாடி இழை வலையமைப்பு நிறுவனம் தமிழ்நாட்டில் பாரத்நெட் பாகம் 2 இல் திட்டத்தைத் தொடங்கியுள்ளனர். இதற்கான பணிபுரியத் தகுதியான நபர்களைத் தற்காலிக அடிப்படையில் தேர்வு செய்ய இந்த வேலைவாய்ப்பு அறிவிப்பு வெளியாகியுள்ளது.

இப்பணிக்கான விவரங்கள் கீழ் வருமாறு:-

பணியின் விவரங்கள்:

பதவியின் பெயர்	பணியிடம்	வயது
Manager(Finance & Accounts)	1	25-40
Manager(HR)	1	26-40
General Manager	1	32-40
Associate Consultant - NOC & Server	1
Associate Consultant - Network Security	1
Associate Consultant - BSS and Helpdesk	1
Associate Consultant - Operation Support System	1

சம்பளம்:

Manager பதவிகளுக்கு ரூ.1,00,000/- வரை சம்பளமும் General Manager பதவிக்கு ரூ.2,00,000/- வரை சம்பளமும் வழங்கப்படும். Associate Consultant பதவிகளுக்குச் சம்பள விவரம் இடம்பெறவில்லை.

தேர்வு செய்யப்படும் முறை:

விண்ணப்பதார்களில் இருந்து தகுதியானவர்களைத் தேர்வு செய்து அவர்களுக்கு நேர்காணலுக்கான அறிவிப்பு விடுக்கப்படும்.

விண்ணப்பிக்கும் முறை:

ஆர்வமும் தகுதியும் உடையவர்கள் https://tanfinet.tn.gov.in/ என்ற இணையத்தளத்தில் உள்ள விண்ணப்பத்தைப் பூர்த்தி செய்து தபால் மூலம் அனுப்ப வேண்டும். Associate Consultant பதவிகளுக்கு மட்டும் தபால் மற்றும் இமெயில் மூலம் விண்ணப்பத்தை அனுப்ப வேண்டும்.

விண்ணப்பத்தைப் பதிவிறக்கம் செய்ய : Manager/ Associate Consultant

தபால் மூலம் விண்ணப்பத்தை அனுப்ப வேண்டிய முகவரி:

The Managing Director,

Tamil Nadu FibreNet Corporation Limited,

Door.No.807, 5th Floor,P.T.Lee Chengalvaraya Naicker Trust, Anna Salai, Chennai - 600002.

இமெயில் முகவரி : tanfinet@tn.gov.in

விண்ணப்பிக்கக் கடைசி நாள் : 30.12.2022 மாலை 5.45 மணி வரை. 

Click here to join WhatsApp group for Daily employment news

Read More

டிகிரி முடித்தவர்களுக்கு அசத்தல் வாய்ப்பு : மதுரையில் அரசு வேலைவாய்ப்பு

மதுரை மாவட்ட ஊரக வளர்ச்சி மற்றும் ஊராட்சித்துறை, மாவட்ட இயக்க மேலாண்மை அலகின் கீழ் செயல்படும் வட்டார இயக்க மேலாண்மை அலகில் உள்ள பணியிடங்களை ஒப்பந்த அடிப்படையில் நிரப்புவதற்கான அறிவிப்பு வெளியாகியுள்ளது. உள்ளூர் வாசிகள் இதனைப் பயன்படுத்திக்கொண்டு இப்பணிகளுக்கு விண்ணப்பிக்குமாறு கேட்டுக்கொள்ளப்படுகிறது.

பணியின் விவரங்கள்:

பதவியின் பெயர்	பணியிடம்
வட்டார ஒருங்கிணைப்பாளர்	9

பணி வட்டாரங்கள்:

அலங்காநல்லூர், செல்லம்பட்டி, கள்ளிக்குடி, டி.கல்லுப்பட்டி ஆகிய வட்டாரங்களில் இடம்பெற்றுள்ளன.

வயது வரம்பு:

இப்பணிகளுக்கு அதிகபட்சமாக 35 வயது இருக்க வேண்டும்.

கல்வித்தகுதி:

ஏதேனும் ஒரு பாடத்தில் இளங்கலை பட்டம் தேர்ச்சி பெற்றிருக்க வேண்டும் மற்றும் கணினி இயக்கத்தில் 3 மாதம் MS Office சான்று பெற்றிருக்க வேண்டும் அல்லது பட்டப்படிப்பு கணினி அறிவியல் இருத்தல் வேண்டும்.

விண்ணப்பிக்கும் முறை:

ஆர்வமும் தகுதியும் உடையவர்கள் அறிவிப்பில் கொடுக்கப்பட்டுள்ள விண்ணப்பப்படிவத்தைப் பூர்த்தி செய்து அதனைத் தபால் மூலமாகவோ அல்லது நேரிலோ சென்று கொடுக்கலாம்.

விண்ணப்பத்தைப் பதிவிறக்கம் செய்ய : https://madurai.nic.in/

தபால் மூலம் அனுப்ப வேண்டிய முகவரி:

இணை இயக்குநர் / திட்ட இயக்குநர்,

மாவட்ட இயக்க மேலாண்மை அலகு,

புது நத்தம் ரோடு, ரிசர்வ் லைன் பஸ் ஸ்டாப் அருகில், மதுரை.

விண்ணப்பிக்கக் கடைசி நாள் : 30.12.2022.

 Click here to join WhatsApp group for Daily employment news 

Read More