சுகர் இருக்கவங்க பால் குடிக்கலாமா..? நிபுணர்களின் பதில்..!

 இந்தியாவில் 7 கோடிக்கும் மேற்பட்டோர் நீரிழிவு நோயால் பாதிக்கப்பட்டுள்ளனர். இதன் காரணமாக நீரிழிவு நோயின் தலைநகரம் என இந்தியா உலகளவில் அறியப்படுகிறது. ரத்தத்தில் உள்ள குளுக்கோஸ் அளவு அதிகரித்து கார்போஹைடரேட்ஸ், புரதம் மற்றும் கொழுப்பின் மெட்டபாலிஸம் மாறுகிறது. இதன் காரணமாக இன்சுலின் சுரப்பதில் அல்லது இன்சுலின் செயல்பாட்டில் ஒழுங்கற்ற முறை காணப்படுகிறது. அதிகரிக்கும் நகரமயமாதல், அதிக கலோரி மற்றும் சுத்திகரிகப்பட்ட குறை நார்ச்சத்து உணவுகள், எந்த உடல் இயக்கமும் இன்றி உட்கார்ந்தே இருப்பது, அதிகமான உடல் எடை போன்ற காரணங்களால் இந்தியாவில் அதிகளவில் நீரிழிவு நோயாளிகள் இருக்கிறார்கள்.

ஆரோக்கியமான உணவு, நல்ல உடலியல் செயல்பாடு, புகையிலை மற்றும் மதுபானத்தை தவிர்த்தல் போன்றவைகளால் சர்க்கரை வியாதி வராமல் 80% தடுக்கலாம் என உலக சுகாதார நிறுவனம் கூறியுள்ளது.

நீரிழிவு நோயாளிகளுக்கு உணவில் மாற்றம் செய்யும் போது நாம் கவனத்தில் கொள்ள வேண்டியவை:

சீரான மற்றும் ஒரேப்போன்ற உணவு: நீரிழிவு நோய்க்காக இன்சுலின் அல்லது மாத்திரைகள் சாப்பிடுபவராக இருந்தால் சில விஷயங்களை கண்டிப்பாக செய்ய வேண்டும். முக்கியமாக, வழக்கத்தை விட குறைவாக உண்பது, நேரம் தவறி உணவை சாப்பிடுவது அல்லது சாப்பிடாமல் தவிர்ப்பதால் சர்க்கரை அளவு குறைந்து ஹைபோக்ளைசீமியா ஏற்படும். ஆகவே எப்போதும் போல் சாப்பிடுங்கள். சாப்பிடும் நேரத்தை மாற்றிக் கொள்ளாதீர்கள்.

உணவில் கார்போஹைடரேட்ஸ் அளவு : உணவில் கார்போஹைடரேட்ஸை எவ்வுளவு எடுத்துக் கொள்கிறோம் என்பதை வைத்துதான் சர்க்கரை அளவு மாறுபடும். ஆகவே தனிநபரின் தேவைகளைப் பொறுத்து கார்போஹைடரேட்ஸை உணவில் சேர்ப்பது முக்கியம். முழு தானியம், திணை போன்றவற்றோடு நார்ச்சத்து மிகுந்த காய்கறிகளை உணவில் சேர்த்தால் சர்க்கரை அளவு உயராமல் பார்த்துக் கொள்ளலாம்.

 

நீரிழிவு நோயாளிகள் பால் குடிக்கலாமா?

பால் மற்றும் பால் சார்ந்த பொருட்களில் உள்ள நன்மைகள்:

• நம் உடல் வளர்ச்சிக்கு முக்கிய பங்காற்றுகிறது. இதில் முக்கியமான விட்டமிங்களும் கால்சியம், பாஸ்பரஸ் ரிபோஃபிளாவின் மற்றும் விட்டமின் பி12 போன்றவை அதிகளவில் உள்ளன.
• எலும்பின் ஆரோக்கியத்திற்கும் உறுதிக்கும் பால் முக்கிய பங்காற்றுகிறது. நீரிழிவு நோயாளிகளுக்கு எலும்பின் உறுதித்தன்மை திடீரென்று குறையும். தொடர்ந்து பால் அருந்தி வரும் நபருக்கு இப்பிரச்சனை ஏற்படும் வாய்ப்பு குறைவு.
• பால் அருந்துவதால் ரத்த அழுத்தம் குறையும், இதய நோய்கள் மற்றும் குடல் புற்றுநோய் வராமல் பாதுகாக்கும்.

பால் சாப்பிடுவதை வழக்கமாக்கி கொண்டால் டைப் 2 நீரிழிவு நோய் வரும் ஆபத்து குறையும் என பல ஆய்வுகள் தெரிவிக்கின்றன. இதற்கு காரணம் பாலில் உள்ள புரதங்கள். இவை உடலில் உள்ள இன்சுலினை அதிகரித்து ரத்தத்தில் உள்ள குளுக்கோஸை குறைக்கிறது. ஆகவே ஆரோக்கியமான நபர்களும் நீரிழிவு நோயாளிகளும் பால் அருந்துவதில் எந்தப் பிரச்சனையுமில்லை.

எனினும் பாலில் லாக்டோஸ் உள்ளது. ஆகவே நாம் தினசரி உட்கொள்ளும் கார்போஹைடரேட்ஸ் அளவோடு இதையும் சேர்த்துக் கொள்ள வேண்டும். 100 மில்லி பசும் பாலில் 5 கிராம் கார்போஹைடரேட்ஸ் உள்ளது. அதுவே 100 மில்லி எருமை மாட்டு பாலில் 8 கிராம் கார்போஹைடரேட்ஸ் உள்ளது. ஆகவே நீரிழிவு நோயாளிகளின் தினசரி உணவில் பால் சேர்க்கும் போது இதை கவனத்தில் கொள்ள வேண்டும்.

மற்ற கார்போஹைடரேட்ஸ் பொருட்களில் இருப்பதை விட பால் மற்றும் தயிரின் க்ளைகோமிக் இண்டக்ஸ் (GI) மிகவும் குறைவே. பாலின் வகையை பொறுத்து இது 31-37 என்ற அளவுக்குள் இருக்கும். இவ்வுளவு குறைவான GI இருப்பதால், இதை உண்வைல் சேர்ப்பதால் அந்தளவிற்கு சர்ரக்கரை அளவு ஏறாது. ஆனால் சுவையேற்றப்பட்ட பால் சாப்பிடுவதை தவிருங்கள். ஏனென்றால் இதில் அதிகளவு சர்க்கரை இருப்பதால் நம் உடலின் குளுக்கோஸ் அளவு உயரக்கூடும்.

ஆரோக்கியமான வாழ்வுக்கு, பெரியவர்கள் என்றால் தினசரி 300மில்லி பால் அருந்த வேண்டும். நீரிழிவு நோயாளியாக இருந்தால், அவரின் தேவைகளை முதலில் கருத்தில் கொள்ள வேண்டும். அவருக்கு அதிக கொழுப்பு மற்றும் கலோரி தேவையா அல்லது எடை குறைப்பதற்காக பாலில் உள்ள புரதம் மட்டும் வேண்டுமா என்பதை பொறுத்தே அவர் எந்த வகையான பாலை (பசும் பால், எருமை பால், ஆடை நீக்கிய பால்) குடிக்கலாம் என்பதை முடிவு செய்ய முடியும்.

• புரதம், விட்டமின், மினரல்கள் போன்றவை பாலில் அதிகமாக உள்ளன
• பாலில் நம் உடலுக்கு தேவையான நிறைய நன்மைகள் உள்ளன. ஆகவே இதை நீரிழிவு நோயாளிகளும் தங்கள் தினசரி உணவில் சேர்த்துக் கொள்ளலாம்
• பாலில் குறைவான GI இருப்பதாலும், இதிலுள்ள புரதங்கள் சர்க்கரை அளவை குறைவாகவே உயர்த்தும் என்பதாலும் பாலின் மூலம் கிடைக்கும் கார்போஹைடரேட்ஸ் அளவையும் நாம் தினசரி உண்ணும் உணவின் கார்போஹைடரேட்ஸ் அளவோடு சேர்த்து கணக்கிட வேண்டும். அப்போதுதான் நிறைய கார்போ எடுத்துக்கொள்வதை தவிர்க்க முடியும்.
• 
  

Click here for more Health Tip

 Click here to join whatsapp group for daily health tip

Read More

உயர் இரத்த அழுத்தம் உள்ளவங்க வாழைப்பழம் சாப்பிட்டால் நல்லது... எப்படி தெரியுமா..?

 காலகட்டத்தில் அனைத்து வயதினரும் ரத்த அழுத்த பிரச்சனையால் போராடி வருகின்றனர். பெரும்பாலான மக்களுக்கு உயர் இரத்த அழுத்தம் பிரச்சனை உள்ளது. இரத்த அழுத்தம் அதிகமாகி, அதை தொடர்ந்து அலட்சியப்படுத்தினால், இதய நோய்கள் ஏற்படும் அபாயம் அதிகரிக்கிறது. பரிந்துரைக்கப்பட்ட மருந்துகளைத் தவிர, இரத்த அழுத்தத்தைக் கட்டுக்குள் வைத்திருக்க சில வீட்டு வைத்தியங்களையும் முயற்சி செய்ய வேண்டும். அந்த வகையில் தினமும் வாழைப்பழம் சாப்பிட்டால் ரத்த அழுத்தத்தை கட்டுக்குள் வைக்க முடியும் என்பது உங்களுக்கு தெரியுமா..?

வாழைப்பழத்தைத் தவிர, கீரை, செலரி, ஓட்ஸ், வெண்ணெய், தர்பூசணி, ஆரஞ்சு, பீட், சூரியகாந்தி விதைகள் மற்றும் கேரட் போன்றவை உயர் இரத்த அழுத்தத்தைக் குறைப்பதில் உதவியாக இருக்கும். இரத்த அழுத்தத்தை கட்டுப்படுத்துவதில் வாழைப்பழம் எவ்வாறு பயனுள்ளதாக இருக்கும் என்பதை பார்க்கலாம்.

வாழைப்பழம் சாப்பிடுவது பலன் தருமா? TOI இன் அறிக்கையின்படி, தினமும் வாழைப்பழம் சாப்பிடுவது இரத்த அழுத்தத்தைக் கட்டுப்படுத்துவதன் மூலம் இதய நோய் அபாயத்தைக் குறைக்கும். இதுவரை, வாழைப்பழத்தின் நன்மைகள் குறித்தும் பல ஆய்வுகள் வெளிவந்துள்ளன. ஆய்வுகளின்படி, பொட்டாசியம் நிறைந்த உணவுகளை உட்கொள்வது உயர் இரத்த அழுத்தத்தைக் குறைக்க உதவுகிறது. வாழைப்பழத்தில் பொட்டாசியம் அதிகமாகவும், சோடியம் குறைவாகவும் உள்ளது.

இது உயர் இரத்த அழுத்தம், இதய நோய் மற்றும் பக்கவாதம் ஏற்படும் அபாயத்தைக் குறைக்கும். உடலில் உள்ள அதிகப்படியான சோடியம் (உப்பு) இரத்த நாளங்களில் அழுத்தத்தை ஏற்படுத்துகிறது மற்றும் நீர் சமநிலையை சீர்குலைக்கிறது. அப்படிப்பட்ட நிலையில் பொட்டாசியம் நிறைந்த உணவுகளை உட்கொள்வதன் மூலம் சிறுநீரகத்தின் அழுத்தம் குறைந்து, உடலில் உள்ள அதிகப்படியான உப்பு, சிறுநீர் வழியாக வெளியேறுகிறது. பொட்டாசியம் உடலில் திரவம் மற்றும் எலக்ட்ரோலைட் சமநிலையை பராமரிக்க உதவுகிறது. இது இரத்த அழுத்தத்தைக் கட்டுப்படுத்த உதவுகிறது.

முன்னெச்சரிக்கை நடவடிக்கைகள் : எந்த உணவையும் குறிப்பிட்ட அளவில் உட்கொள்ள வேண்டும் என்பது நாம் அனைவரும் அறிந்ததே. அதிகப்படியான நுகர்வு நன்மைக்கு பதிலாக தீங்கு விளைவிக்கும். ஆய்வின்படி, இரத்த அழுத்தத்தைக் கட்டுக்குள் வைத்திருக்க, தினமும் இரண்டு வாழைப்பழங்கள் மட்டுமே சாப்பிட வேண்டும். இதனால் ரத்த அழுத்தத்தை 10 சதவீதம் வரை குறைக்கலாம்.

நீங்கள் நீரிழிவு அல்லது பிற தீவிர நோயால் பாதிக்கப்பட்டிருந்தால், வாழைப்பழத்தை சாப்பிடுவதற்கு முன் உங்கள் மருத்துவரை அணுகவும். மீடியம் சைஸ் வாழைப்பழத்தில் 109 கலோரிகள், 18 கிராம் இயற்கை சர்க்கரை, 20 கிராம் கார்போஹைட்ரேட் மற்றும் 1 கிராம் புரதம், நார்ச்சத்து ஆகியவை உள்ளன.

இதில் வைட்டமின் சி, ஃபோலேட் மற்றும் வைட்டமின் ஏ ஆகியவையும் உள்ளன. வாழைப்பழம் பொட்டாசியத்தின் சிறந்த மூலமாகும். ஒரு சிறிய வாழைப்பழத்தில் 362 மில்லிகிராம், நடுத்தர அளவிலான வாழைப்பழத்தில் 422 மில்லிகிராம் மற்றும் பெரிய வாழைப்பழத்தில் 487 மில்லிகிராம் பொட்டாசியம் உள்ளது. பொட்டாசியம் நம் உடலுக்கு இன்றியமையாத சத்து.

Click here for more Health Tip

 Click here to join whatsapp group for daily health tip

Read More

நார்மலாக இரத்த அழுத்தம் எவ்வளவு இருக்க வேண்டும்..? எப்போது ஆபத்தாக மாறும்..?

 Normal BP range in men and women : காலையில் எழுந்தவுடன் உங்களுக்கு தலைசுற்றல் அல்லது சில சமயங்களில் மூக்கில் இரத்தம் வருமா..? இது தவிர, தொடர்ந்து தலைவலி அல்லது உணர்வின்மை போன்ற அறிகுறிகளை நீண்ட நாட்களாக அனுபவிக்கிறீர்கள் எனில், நிச்சயமாக உங்கள் இரத்த அழுத்தம் அசாதாரணமாக உள்ளது என்று அர்த்தம். உடனடியாக மருத்துவரிடம் சென்று பரிசோதனை செய்து கொள்ளவது அவசியம்.

உண்மையில், இன்று பெரும்பாலான மக்கள் இரத்த அழுத்த பிரச்சனையால் பாதிக்கப்படுகின்றனர். WHO இன் கூற்றுப்படி, உலகளவில் சுமார் 1.28 பில்லியன் மக்கள் உயர் இரத்த அழுத்தத்தால் பாதிக்கப்பட்டுள்ளனர். ஆனால் அவர்களில் 46 சதவிகிதத்தினருக்கு தங்களுக்கு இரத்த அழுத்த நோய் இருப்பதைக் கூட அறியாமல் இருக்கிறார்கள். வேறு சில பிரச்சனைகளுக்கு சிகிச்சை பெற சென்றபோது, ​​அவர்களுக்கு பிபி அதிகரித்திருப்பது தெரிய வந்துள்ளது.

இதில் ஆச்சரியமான விஷயம் என்னவென்றால், சுமார் 70 கோடி பேர் பி.பி.க்கு சிகிச்சை கூட எடுக்காமல் இருக்கிறார்கள். இரத்த அழுத்தம் காரணமாக, இதயம், மூளை, சிறுநீரகம் மற்றும் பிற நோய்களின் ஆபத்து அதிகரிக்கிறது. அத்தகைய சூழ்நிலையில், ஒவ்வொரு நபரும் தனது நார்மல் இரத்த அழுத்த அளவு என்னவாக இருக்க வேண்டும் என்பதை அறிந்து கொள்வது அவசியம்.

பெண்களுக்கு இரத்த அழுத்தம் என்னவாக இருக்க வேண்டும் :

புகழ்பெற்ற சுகாதார வலைத்தளமான இமோஹாவின் கூற்றுப்படி, பெண்களுக்கு இரத்த அழுத்தம்  வந்தால் ஆரம்ப அறிகுறிகளை காட்டாது. அமைதியான அறிகுறியாகவே இருக்கும். அப்படி பெண்களுக்கு இரத்த அழுத்தம் இருக்கும்போது, ​​சில அறிகுறிகள் அரிதாகவே தெரியும். அதனால்தான் இது அமைதியான சமிக்ஞை என்று அழைக்கப்படுகிறது. அதுவே பெண்களுக்கு இரத்த அழுத்தம் அதிகரிக்கும்போது, சில அறிகுறிகள் தெரியும். அப்படி , இரத்த அழுத்தம் அதிகரிக்கும்போது, கண்களுக்கு அருகில் சிவப்பு புள்ளிகள், தலைச்சுற்றல் மற்றும் தோலில் தடிப்புகள் ஆகிய அறிகுறிகள் தென்படும்.

ஒரு ஆரோக்கியமான பெண்ணுக்கு 21 முதல் 25 வயதுக்குள் 115.5 முதல் 70.5 வரை இரத்த அழுத்தம் இருக்க வேண்டும், அதே சமயம் 31 முதல் 35 வயதிற்குள் இரத்த அழுத்தம் குறையத் தொடங்குகிறது. அதாவது இந்த வயதில், பெண்களின் இரத்த அழுத்தம் 110.5 மற்றும் 72.5 க்கு குறைவாக இருக்க வேண்டும்.

பெண்கள் மற்றும் ஆண்களின் வயதுக்கு ஏற்ப சரியான பிபி அளவு :

வயது	ஆண்	பெண்
18-39	119/70	110/68
40-59	124/77	122/74
60 வயதுக்கு மேல்	133/69	139/68

ஆண்களுக்கு எவ்வளவு பிபி இருக்க வேண்டும் :

பெண்களை விட ஆண்களில் இரத்த அழுத்தம் சற்று அதிகமாக உள்ளது. 31 முதல் 35 வயது வரையிலான ஆண்களுக்கு 114.5 முதல் 75.5 வரை இருக்க வேண்டும். ஆனால் 40 வயதிற்கு பிறகு, இரத்த அழுத்தம் அளவீடு சிறிது அதிகரிக்கிறது. 61 முதல் 65 வயது வரை உள்ள ஆண்களின் இரத்த அழுத்தம் 143 முதல் 76.5 வரை இருக்கலாம்.

இரத்த அழுத்தத்தை எவ்வாறு குறைப்பது..?

இரத்த அழுத்தம் அதிகரித்தால், இதயம் தொடர்பான பல ஆபத்து இங்கிருந்தே தொடங்குகிறது. எனவே, இரத்த அழுத்தம் அதிகரித்தால், உடனடியாக உங்கள் வாழ்க்கை முறையை கவனிக்கவும். அதாவது தினசரி உடற்பயிற்சி மற்றும் ஆரோக்கியமான உணவை உங்கள் தினசரி வழக்கத்தில் சேர்த்துக் கொள்ளுங்கள்.

சிகரெட், மது, பதப்படுத்தப்பட்ட உணவு, அதிக சர்க்கரை, அதிக உப்பு சாப்பிடுவதை தவிர்க்கவும். மன அழுத்தம் உங்களை துரத்தாமல் பார்த்துக்கொள்ளுங்கள். தொடர்ந்து உங்கள் மருத்துவரை சந்தித்து ஆலோசனைகளை பெற்றுக் கொள்ளுங்கள். அவர் தரும் மாத்திரைகளை தவறாமல் உட்கொள்ளுங்கள்.

Click here for more Health Tip

 Click here to join whatsapp group for daily health tip

Read More

காலை நேர உடற்பயிற்சி ஆரோக்கியத்திற்கு எந்த அளவுக்கு முக்கியமானது தெரியுமா..?

 உடல் பருமன் மற்றும் உடல் இயக்கமற்ற சோம்பலான வாழ்க்கை முறை ஆகியவை தான் பல நோய்களுக்கு அடிப்படை காரணமாக அமைகிறது என்ற விழிப்புணர்வு பலரிடமும் அதிகரித்துள்ளது. இதன் காரணமாக உடற்பயிற்சி செய்தல் என்னும் தாரக மந்திரத்தை பலரும் ஏற்றுக் கொண்டுள்ளனர்.

அதிகப்படியான கொழுப்புகள் மற்றும் கலோரிகளை கரைக்க இது மிக, மிக அவசியமாகிறது. பொதுவாக காலை, மாலை வேளைகளில் உடற்பயிற்சி செய்யும் பழக்கம் தான் பரவலாக உள்ளது. அதே சமயம், முந்தைய நாளில் அதிகப்படியான வேலை செய்வதால் ஏற்படும் களைப்பு காரணமாகவும், நீண்ட நேரம் தூங்கி காலையில் தாமதமாக எழுவதாலும், அதன் பின் குளித்து தயாராகி உடனடியாக அலுவலகம் விரைவதை பலரும் வாடிக்கையாகக் கொண்டுள்ளனர்.

மாலை அல்லது இரவு வேளைகளில் இவர்கள் உடற்பயிற்சிகளை செய்கின்றனர். காலை அல்லது மாலை என எந்த வேளைகளில் உடற்பயிற்சி செய்தாலும் அது உடல்நலனுக்கு நல்லதுதான் என்றாலும், காலையில் பயிற்சி செய்வது இன்னும் சிறப்பான பலன் கிடைக்க உதவியாக அமையும். குறிப்பாக காலையில் யோகா பயிற்சிகள் செய்வது மற்றும் உடலை வளைத்து, நெளித்து தயார்படுத்துவது போன்ற நடவடிக்கைகளை மேற்கொள்ளலாம்.

காலையில் உடற்பயிற்சிகளை செய்வதால் கிடைக்கும் பலன்கள்

• காலையில் பயிற்சிகளை செய்வது சோம்பலை நீக்கி உங்களை சுறுசுறுப்பானவராக மாற்றுகிறது. அன்றைய நாள் முழுவதுக்கும் தேவையான ஆற்றல் கிடைக்கிறது.
• உடற்பயிற்சி செய்வதன் மூலமாக மனதுக்கும், உடலுக்கும் புத்துணர்ச்சி கிடைக்கின்ற நிலையில், நாள் முழுவதும் உங்கள் முகம் களைப்பின்றி பொலிவுடன் காட்சியளிக்கும்.
• உங்கள் ரத்த சர்க்கரை அளவு கட்டுப்படுத்தப்படுகிறது என்பதால், காலையில் பயிற்சி செய்வதன் காரணமாக நீரிழிவு நோய்க்கான அபாயம் குறைகிறது. அதேபோல உயர் ரத்த அழுத்தப் பிரச்சினை கொண்டவர்கள் காலையில் பயிற்சி செய்யும்போது ரத்த அழுத்தம் கட்டுக்குள் வருகின்றது.
• உங்கள் கவனத்திறனை மேம்படுத்துகிறது மற்றும் தெளிவான சிந்தனையை தருகிறது.
• நாள் முழுவதும் மகிழ்ச்சியான சிந்தனையை மேம்படுத்துகிறது.
• தூக்கமின்மை பிரச்சினையால் அவதி அடையும் நபர்களுக்கு இது நல்ல தீர்வை தருகிறது.
• பசியை தூண்டுகின்ற ஹார்மோன்களை இது கட்டுப்படுத்துவதால் உங்கள் பசி உணர்வு குறைகிறது. இதன் எதிரொலியாக உடல் எடையை குறைப்பது எளிமையாகிறது.
• 
  
• என்னதான் இருந்தாலும் காலையில் உடற்பயிற்சி செய்ய எனக்கு நேரமே இல்லை அல்லது அதிகாலை நேர பணிக்குச் செல்பவர் என்ற நிலையில் நீங்கள் இருப்பின், பிற்பகல் அல்லது மாலை வேளைகளிலாவது உடற்பயிற்சி செய்வது நல்லது. உடற்பயிற்சி செய்த பின் நம் தசைகளுக்கு ஏற்படும் வலு இழப்பை சரி செய்ய புரதம் மிகுந்த உணவுகளை சிறிதளவு எடுத்துக் கொள்ள வேண்டும்.
• 
  

Click here for more Health Tip

 Click here to join whatsapp group for daily health tip

Read More

திண்டுக்கல்லில் தனியார்துறை வேலை வாய்ப்பு முகாம்.. இளைஞர்களே தவற விடாதீங்க!

 திண்டுக்கல் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் வரும் வெள்ளியன்று (16.06.2023) தனியார்துறை வேலைவாய்ப்பு முகாம் நடைபெறவுள்ளது.

வேலைவாய்ப்புத் துறையால், படித்த வேலைவாய்ப்பற்ற பதிவுதாரர்களை தனியார் துறையில் பணியமர்த்தம் செய்யும் பொருட்டு தனியார்துறை வேலைவாய்ப்பு முகாம் திண்டுக்கல் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் ஒவ்வொரு மாதத்தின் மூன்றாம் வெள்ளிக்கிழமையும் நடைபெற்று வருகிறது.

அதன்படி ஜுன்-2023-ஆம் மாதத்திற்குரிய தனியார்துறை வேலைவாய்ப்பு முகாம் 16.06.2023 (வெள்ளிக்கிழமை) அன்று காலை 10.30-மணிக்கு நடத்தப்படவுள்ளது. இம்முகாமில் பல முன்னணி தனியார்துறை நிறுவனங்கள் கலந்து கொண்டு தங்களுக்குத் தேவையான நபர்களைத் தேர்வு செய்யவுள்ளனர். இதில் படித்த வேலைவாய்ப்பற்ற இளைஞர்கள் மற்றும் இளம் பெண்கள் தங்களின் சுயவிபரக் குறிப்புகளுடன் கூடிய விண்ணப்பம், அனைத்து கல்விச்சான்றுகள் மற்றும் ஒளிநகல் (ஜெராக்ஸ்)-களுடன் நேரில் கலந்து கொண்டு பயன்பெறலாம்.

மேலும் இம்முகாமில் மத்திய மற்றும் மாநில அரசின் திறன் மேம்பாட்டுக்கழகத்தின் மூலம் செயல்படுத்தப்பட்டு வரும் பல்வேறு இலவச திறன் எய்தும் பயிற்சிக்கும் பதிவு செய்து கொள்ளலாம்.

இத்தனியார்துறை வேலைவாய்ப்பு முகாமில் கலந்து கொள்ள விரும்பும் தனியார்துறை வேலையளிப்பவர்கள் தங்களுக்குத் தேவைப்படும் பணியாளர்களின் விபரத்தினையும், தொழிற்பழகுநர் பயிற்சிக்குத் தேவைப்படும் பணியாளர்களின் விபரத்தினையும் திண்டுக்கல் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை நேரில் தொடர்பு கொண்டு தெரிவிக்குமாறு கேட்டுக் கொள்ளப்படுகிறது.

 Click here for latest employment news

 Click here to join WhatsApp group for Daily employment news

Read More

வேலை இல்லா இளைஞர்களுக்கு குட்நியூஸ்.. மதுரையில் தொழில்நுட்ப பயிற்சிக்கு அப்ளை பண்ணலாம்!

 மதுரை கோ.புதூர் பகுதியில் உணவு, ரசாயன தொழில்நுட்ப பயிற்சிக்கு விண்ணப்பிக்கலாம் என்று கோ புதூர் தொழில்நுட்ப மேம்பாட்டு விரிவாக்கம் மையம் சார்பில் தெரிவிக்கப்பட்டுள்ளது.

மதுரை புதுார் தொழிற்பேட்டை எம்.எஸ்.எம்.இ., தொழில்நுட்ப மேம்பாட்டு விரிவாக்க மையம் சார்பில் கட்டணத்துடன் கூடிய உணவு தொழில்நுட்ப பயிற்சி மற்றும் ரசாயன பொருட்கள் தயாரிப்பு அளிக்கப்படுகிறது.

சிறுதானியம், பழங்கள், காய்கறி, தக்காளி, நெல்லிக்காயில் இருந்து மதிப்பு கூட்டப்பட்ட பொருட்கள், அடை மிக்ஸ், உடனடி மசாலா மிக்ஸ் , பொடி வகைகள், ஊறுகாய், ஜூஸ் தயாரிப்பு மற்றும் லேபிள் தயாரிப்பு, சந்தை விற்பனை குறித்து ஜூன் 19 முதல் 23 வரை காலை 10:00 மணி முதல் மதியம் ஒரு மணி வரை பயிற்சி அளிக்கப்படும்.

கம்ப்யூட்டர் சாம்பிரணி, பாத்திரம் விளக்கும் பவுடர், வாஷிங் பவுடர், கிளினிங் பவுடர், சுத்தம் செய்யும் திரவம், ரோஸ் வாட்டர், ஓமவாட்டர், வினிகர், வலிநிவாரண மருந்து தயாரிப்பு குறித்து ஜூன் 26 முதல் 30 வரை, காலை 10:00 மணி முதல் மதியம் ஒரு மணி வரை பயிற்சி அளிக்கப்படும். திருமங்கலம் குன்னனம்பட்டி கோகிலா சித்த மருத்துவமனை ஆராய்ச்சி மையத்தில் பயிற்சி அளிக்கப்படுகிறது.

குறைந்தது பத்தாம் வகுப்பு முடித்த 18 வயது பூர்த்தி அடைந்த ஆண், பெண் பயிற்சியில் இலவசமாக பங்கேற்கலாம். கல்விச்சான்றிதழ் நகல், போட்டோ, ஆதார் அட்டை அகல், எஸ்.சி.,எஸ்.டி., பிரிவினராக இருந்தால் ஜாதி சான்றிதழ் நகலுடன் பதிவு செய்ய வேண்டும்.எம்.எஸ்.எம்.இ., தொழில்நுட்ப வளர்ச்சி அலுவலக விரிவாக்க மையம், தொழிற்பேட்டை 3வது நுழைவு வாயில், மாட்டுத்தாவணி, மதுரை. என்ற முகவரிக்கு கொரியர் மூலம் விண்ணப்பிக்கலாம். மேலும் ஏதேனும் சந்தேகம் இருந்தால் இந்த எண்ணிற்கு 82200 06872, 86670 65048 தொடர்புக்கு கொண்டு அணுகலாம் என்று அறிவிக்கப்பட்டுள்ளது.

 Click here for latest employment news

 Click here to join WhatsApp group for Daily employment news

Read More

தொங்கும் தொப்பையை குறைக்கணுமா? அப்போ இந்த டிப்ஸ் கட்டாயம் பயன் தரும்

 தொப்பை கொழுப்பை அகற்றுவது எப்படி: தற்போது பெரும்பாலானோர் தொங்கும் தொப்பையால் அவதிப்படுகின்றனர். வயிற்றில் படிந்துள்ள கொழுப்பை வெளியேற்ற அனைவரும் விரும்புகின்றனர். அப்படிப்பட்ட சூழ்நிலையில், சிலர் ஜிம், உடற்பயிற்சி செய்து தொப்பையை குறைக்க முயற்ச்சிக்கின்றனர், இருப்பினும் நினைத்த பலனை பெறுவதில்லை. எனவே வாருங்கள், தொப்பையை குறைக்க அனைவரும் பின்பற்ற வேண்டிய சில டிப்ஸ்களை இன்று கொண்டுவந்துள்ளோம், இதன் மூலம் நீங்கள் விருபியா பலனை பெற முடியும்.

தொப்பை கொழுப்பை போக்க இந்த குறிப்புகளை பின்பற்றவும்

இடைவெளி எடுத்து உணவை உண்ணுங்கள்
பெரும்பாலான மக்கள் ஒரு நாளைக்கு 3 முறை உணவு சாப்பிடுகிறார்கள். இதில் காலை உணவு, மதிய உணவு மற்றும் இரவு உணவு ஆகும். ஆனால் நீங்கள் உங்கள் தொப்பையை குறைக்க விரும்பினால், ஒரு நாளைக்கு 3 முறைக்கு மேல் சாப்பிடுவதற்கு பதிலாக, சிறிய சிறிய இடைவெளியில் உணவை பிரித்துக்கொண்டு, அதாவது 6 முறை சாப்பிட வேண்டும். இவ்வாறு செய்வதன் மூலம் தொப்பை கொழுப்பை குறைக்க முடியும்.

குறைந்தது 30 நிமிட உடற்பயிற்சி
தொப்பையை குறைக்க, தினமும் உடற்பயிற்சி செய்ய வேண்டும். இதற்கு, நீங்கள் ஒரு நாளைக்கு 30 நிமிடங்கள் உடற்பயிற்சி செய்ய வேண்டும். இவ்வாறு செய்வதன் மூலம் தொப்பையை போக்கலாம்.

உணவு உண்ணும் முன் தண்ணீர் குடிக்கவும்
பலருக்கு உணவு உண்ணும் போது தண்ணீர் குடிக்கும் பழக்கம் உள்ளது, ஆனால் அப்படி செய்வது தவறு, ஏனெனில் அவ்வாறு செய்வது செரிமான செயல்முறையை கெடுக்கும். அதனால் தான் உணவு உண்பதற்கு 30 நிமிடங்களுக்கு முன் தண்ணீர் குடிக்க வேண்டும். இதை செய்வதன் மூலம் தொப்பை கொழுப்பை போக்கலாம்.

போதுமான அளவு தூங்குங்கள்

தூக்கமின்மை பெரும்பாலும் தொப்பை கொழுப்பை இழக்கச்செய்யும் உங்கள் செயல்முறையை தடுக்கிறது. மக்களில் மோசமான தரமான தூக்கம் அதிக எடை அதிகரிப்புக்கு வழிவகுக்கும். இதனால் தொப்பை கொழுப்பைக் குறைப்பது கடினமாக இருக்கலாம் என்று ஆராய்ச்சியில் கண்டறியப்பட்டுள்ளது. மிகக் குறைந்த தூக்கம் மன அழுத்தத்திற்கு வழிவகுக்கும் மற்றும் உங்கள் கார்டிசோல் அதிகரிக்கும். அதிக கலோரி உணவுகளுக்கான உங்கள் பசியையும் அதிகரிக்கும். எனவே, நீங்கள் தினமும் குறைந்தது 7-8 மணிநேரம் தூங்குவதை உறுதிசெய்து உங்கள் மன அழுத்தத்தை திறம்பட நிர்வகிக்க வேண்டும்.

புரதம் நிறைந்த உணவு
புரதச்சத்து நிறைந்த உணவை உட்கொள்வது பசியின் உணர்வைக் குறைக்க உதவுகிறது மற்றும் அதிகப்படியான உணவைஎடுத்துக்கொள்ள தவிர்க்கிறது. அதனால்தான் புரதம் நிறைந்த உணவை நமது உணவில் சேர்த்துக் கொள்ள வேண்டும்.

உணவை மெதுவாக மென்று சாப்பிட வேண்டும்
உங்கள் தொப்பையை கட்டுக்குள் வைத்திருக்க விரும்பினால், அதிக அளவு உணவை வேகமாக சாப்பிட வேண்டாம். நீங்கள் சாப்பிடும் போதெல்லாம், மெதுவாக சாப்பிடவும். உங்கள் உணவை சரியாக மென்று சாப்பிட வேண்டும் என்பதை நினைவில் கொள்ளுங்கள். இது வயிற்றில் உங்கள் உணவை நொதிக்க உதவுகிறது. இதனால் உணவு வயிற்றில் எளிதில் ஜீரணமாகும். கூடுதலாக, சிறந்த செரிமானம் நீண்ட காலத்திற்கு சிறந்த திருப்தியை உறுதி செய்கிறது.

Click here for more Health Tip

 Click here to join whatsapp group for daily health tip

Read More

உடல் எடை குறைய வேண்டுமா? அடிக்கடி சாப்பிடுங்கள், ஆரோக்கியமாக சாப்பிடுங்கள்!

 உடல் எடை அதிகமாக இருந்தால் நீரிழிவு நோய் ஏற்படுவதற்கான ஆபத்து அதிகரிக்கிறது. உடல் பருமனால், பக்கவாதம் மற்றும் சில வகையான புற்றுநோய்களும் ஏற்படுகின்றன. ஒருவரது உடல் எடையை அதிகரிப்பதற்கு அடிப்படை நாம் உண்ணும் உணவில் இருக்கும் கலோரிகள் தான்.

கலோரிகள் என்பது நமது உடலுக்கு கிடைக்கும் சக்தியை அளவிடும் ஒரு முறை ஆகும். உணவுகளில் எவ்வளவு சக்தி உள்ளது என்பதை அளக்க நாம் கலோரி என்ற அலகை பயன்படுத்துகிறோம். நாள் ஒன்றுக்கு ஒருவருக்கு எவ்வளவு சக்தி தேவை என்பதை அளக்கவும் கலோரி பயன்படுகிறது.  

கலோரி வகைப்பாடு

உதாரணமாக, 1 கிராம் கார்போஹைட்ரேட்டில் 4 கலோரிகள் உள்ளது. 1 கிராம் கொழுப்பில் 9 கலோரிகள் உண்டு. 1 கிராம் புரதச் சத்தில் 4 கலோரிகள் உண்டு. இவ்வாறு, நாம் சத்துக்களில் இருந்து கலோரிகளை அளக்கலாம்.

குறைந்த கலோரி உணவுகள்

குறைந்த கலோரி உணவுகள், நமது உடல் எடையை பராமரிக்க உதவும். அதுமட்டுமல்ல, அவற்றை உண்டால், உங்களை நாள் முழுவதும் முழுதாக உணர வைக்கும்

ஒட்டுமொத்தமாக, ஆரோக்கியமான உணவைப் பராமரிக்க முயற்சிக்கிறீர்கள் என்றால், உங்கள் கலோரி உட்கொள்ளலைக் கவனித்து, கூடுதல் கிலோவைக் குறைக்கவும். எனவே, அடுத்த முறை நீங்கள் மளிகைக் கடைக்குச் செல்லும் போது, இந்த 5 சிறந்த குறைந்த கலோரி உணவுகளை கண்டிப்பாக வாங்கவும்.  நீண்ட நேரம் நிறைவாக வைத்திருக்கும் இந்த உணவுகள் நமக்கு நன்மை செய்யும்..

அடிக்கடி சாப்பிடுங்கள், ஆரோக்கியமாக சாப்பிடுங்கள்
ஆரோக்கியப் பயணத்தில் இருப்பதால், நீங்கள் இந்த உணவுகளை உண்ண வேண்டும், உடல் பருமனை கட்டுக்குள் வைப்பதற்காக பசியுடன் இருக்க வேண்டிய அவசியமில்லை. பல உணவுகளில், குறைந்த கலோரி, சுவையான, ஊட்டச்சத்து மற்றும் திருப்திகரமான சுவை என அனைத்துமே இருக்கும். அவற்றில் சில.

முட்டை 
முட்டை புரதம் மற்றும் கொழுப்பு இரண்டின் களஞ்சியமாகும். கூடுதலாக, முட்டைகள் உங்களை மிகவும் நிறைவாகவும் ஆரோக்கியமாகவும் உணரவைக்கும். இந்த குறைந்த கலோரி உணவு காலை உணவிற்கு ஏற்றது. முட்டை எளிதான மற்றும் மிகவும் சத்தான காலை உணவு விருப்பங்களில் ஒன்றாகும்.

பெர்ரி
ராஸ்பெர்ரி, அவுரிநெல்லிகள், ப்ளாக்பெர்ரிகள் மற்றும் ஸ்ட்ராபெர்ரிகள் போன்ற பெர்ரிகள் சிறந்த குறைந்த கலோரி, பழ விருப்பங்களை நிரப்புகின்றன. அதிக நார்ச்சத்து மற்றும் நீர் உள்ளடக்கம் இருப்பதால், பல பழங்களை விட பெர்ரி இயற்கை சர்க்கரையில் குறைவாக உள்ளது. அவற்றில் வைட்டமின்கள் மற்றும் ஊட்டச்சத்துக்கள் அதிகம், அத்துடன் ஆன்டி-ஆக்ஸிடன்ட்கள் மற்றும் அழற்சி எதிர்ப்பு பண்புகள் உள்ளன.

குயினோவா
இரும்பு, மெக்னீசியம், பாஸ்பரஸ், பொட்டாசியம் மற்றும் துத்தநாகம் ஆகியவற்றுடன் கூடிய முழுமையான புரதம் நிறைந்த ஒரே முழு தானியம் குயினோவா ஆகும், இது தாவர அடிப்படையிலான உணவுகளுக்கு சிறந்த தேர்வாக அமைகிறது. அரை கப் சமைத்த குயினோவாவில் 100 கலோரிகள் மட்டுமே உள்ளது. தானியங்கள் மற்றும் சாலட்களில் இதை பயன்படுத்தினால், தரமான புரதம் உடலுக்கு கிடைக்கும்.  

அவகோடோ
அதிக கார்போஹைட்ரேட்டுகள் மற்றும் குறைந்த கொழுப்புகள் இந்த குறைந்த கலோரி பழத்தின் சரியான கலவையாகும். உங்கள் காலை சாலட்கள் அல்லது சிற்றுண்டி இடைவேளைகளில் சேர்ப்பதன் மூலம் பலன்களைப் பெறுங்கள். அவகோடா பழத்தில் நார்ச்சத்து மற்றும் பொட்டாசியம் சத்தும் உள்ளது.

Click here for more Health Tip

 Click here to join whatsapp group for daily health tip

Read More

Flipkart நிறுவனத்தில் Senior Manager வேலைவாய்ப்பு 2023 – ஆன்லைன் விண்ணப்பங்கள் வரவேற்பு!

 

Flipkart நிறுவனத்தில் Senior Manager வேலைவாய்ப்பு 2023 – ஆன்லைன் விண்ணப்பங்கள் வரவேற்பு!

Flipkart நிறுவனத்தில் இருந்து வேலைவாய்ப்பு குறித்த புதிய அறிவிப்பு ஒன்று வெளியாகியுள்ளது. இதில் காலியாக உள்ள Senior Manager I பணியிடங்கள் நிரப்ப உள்ளதாக தெரிவிக்கப்பட்டுள்ளது. ஆர்வமுள்ள மற்றும் தகுதியானவர்களின் விண்ணப்பங்கள் வரவேற்கப்படுகிறது. இந்த பணி குறித்த முழு விவரங்களையும் கீழே தொகுத்து வழங்கியுள்ளோம். ஆர்வம் உள்ளவர்கள் இறுதி நாள் முடிவதற்குள் விண்ணப்பித்து பயனடையலாம்.

Flipkart பணியிடங்கள்:

தற்போது வெளியாகியுள்ள அறிவிப்பின் படி Senior Manager I பணிக்கென ஒரே ஒரு பணியிடம் மட்டுமே ஒதுக்கப்பட்டுள்ளதாக தெரிவிக்கப்பட்டுள்ளது.

Senior Manager I கல்வித்தகுதி:

இப்பணிக்கு விண்ணப்பிக்க விரும்பும் விண்ணப்பதாரர்கள் அரசு அல்லது அரசு அங்கீகாரம் பெற்ற பல்கலைக்கழகத்தில் அல்லது கல்வி நிலையங்களில் MBA / PGDM / PGDBA தேர்ச்சி பெற்றிருக்க வேண்டும்.

Flipkart வயது வரம்பு:

இப்பணிக்கு விண்ணப்பிக்க விரும்பும் விண்ணப்பதாரர்களின் வயது வரம்பு குறித்த விவரங்களுக்கு அதிகாரபூர்வ அறிவிப்பை பார்வையிடவும்.

முன் அனுபவம்:

விண்ணப்பதாரர்கள் சம்பந்தப்பட்ட துறையில் 8 முதல் 11 ஆண்டு கால முன் அனுபவம் கொண்டிருக்க வேண்டும்.

Senior Manager I ஊதிய விவரம்:

இப்பணிக்கென தேர்வு செய்யப்படும் விண்ணப்பதாரர்களுக்கு தகுதி மற்றும் திறன் அடிப்படையில் மாத ஊதியம் வழங்கப்படும் என தெரிவிக்கப்பட்டுள்ளது.

Flipkart தேர்வு செய்யப்படும் முறை:

விண்ணப்பதாரர்கள் நேர்காணல் அல்லது skill test மூலம் தேர்வு செய்யப்படுவார்கள் என எதிர்பார்க்கப்படுகிறது. கூடுதல் விவரங்களுக்கு அதிகாரபூர்வ அறிவிப்பை பார்வையிடவும்.

விண்ணப்பிக்கும் முறை:

ஆர்வமுள்ளவர்கள் அதிகாரபூர்வ தளத்திற்குள் சென்று விண்ணப்ப படிவம் பெற்று பூர்த்தி செய்து ஆன்லைன் மூலம் விண்ணப்பிக்குமாறு அறிவுறுத்தப்படுகிறார்கள். இறுதி நாள் முடிந்த பின் பெறப்படும் விண்ணப்பங்கள் ஏற்றுக்கொள்ளப்படாது என தெரிவிக்கப்பட்டுள்ளது.

Download Notification PDF

 Click here for latest employment news

 Click here to join WhatsApp group for Daily employment news

Read More

Amazon நிறுவனத்தில் புதிய வேலைவாய்ப்பு 2023- Onlineல் Apply பண்ணுங்க!

 

Amazon நிறுவனத்தில் புதிய வேலைவாய்ப்பு 2023- Onlineல் Apply பண்ணுங்க!

முன்னணி தனியார் நிறுவனமான Amazon நிறுவனத்தில் வேலைவாய்ப்பு குறித்த புதிய அறிவிப்பு ஒன்று வெளியிடப்பட்டுள்ளது. இதில் Digital Content Associate பணிக்கான காலிப்பணியிடங்கள் நிரப்ப உள்ளதாக தெரிவிக்கப்பட்டுள்ளது. இப்பணிக்கு தகுதியும் விருப்பமும் உள்ளவர்களிடமிருந்து விண்ணப்பங்கள் பெறப்படுகிறது. விண்ணப்பிக்க ஆர்வமுள்ள நபர்கள் விரைவாக விண்ணப்பிக்குமாறு கேட்டுக்கொள்ளப்படுகிறார்கள்.

Amazon காலிப்பணியிடங்கள்:

Amazon நிறுவனத்தில் தற்போது வெளியாகியுள்ள அறிவிப்பின் படி Digital Content Associate பணிக்கு என பல்வேறு காலிப்பணியிடங்கள் ஒதுக்கப்பட்டுள்ளதாக தெரிவிக்கப்பட்டுள்ளது.

Digital Content Associate கல்வி தகுதி:

Digital Content Associate பணிக்கு விண்ணப்பிக்கும் விண்ணப்பதாரர்கள் அரசால் அங்கீகரிக்கப்பட்ட பல்கலைக்கழகத்தில் பணி சார்ந்த ஏதேனும் ஒரு பாடப்பிரிவில் பட்டம் பெற்றிருக்க வேண்டும் என எதிர்பார்க்கப்படுகிறது.

Amazon ஊதிய விவரம்:

தேர்வு செய்யப்படும் விண்ணப்பதாரர்களுக்கு தகுதி மற்றும் திறமைக்கேற்ப மாதம் ஊதியம் வழங்கப்படும்.

Amazon தேர்வு செய்யப்படும் முறை :

விண்ணப்பிக்க விரும்பும் விண்ணப்பதாரர்கள் Interview மூலம் தேர்வு செய்யப்படுவார்கள் என எதிர்பார்க்கப்படுகிறது. மேற்கண்ட விவரங்களுக்கு அதிகாரபூர்வ அறிவிப்பை பார்வையிடவும்.

Amazon விண்ணப்பிக்கும் முறை:

Amazon நிறுவன பணிக்கு விண்ணப்பிக்க ஆர்வமுள்ள விண்ணப்பதாரர்கள் அதிகாரபூர்வ தளத்தில் விண்ணப்ப படிவம் பெற்று பூர்த்தி செய்து, ஆன்லைனில் விண்ணப்பிக்குமாறு கேட்டுக்கொள்ளப்படுகிறார்கள். இறுதி நாளுக்கு பின் பெறப்படும் விண்ணப்பங்கள் ஏற்றுக்கொள்ளப்படாது என அறிவித்துள்ளது.

Download Notification & Apply Online Linkem

 Click here for latest employment news

 Click here to join WhatsApp group for Daily employment news

Read More