ஆரோக்கியமான பளபளக்கும் சருமத்திற்கு இந்த 5 காலை பானங்கள் குடிங்க

 ஆரோக்கியமான அதே நேரம் பளபளக்கும் சருமம் என்பது எல்லோரும் வேண்டும் ஒரு விஷயம். நிறம் மேம்படுவதை விட தெளிவான அதே நேரம் ஆரோக்கியமான சருமம் இருப்பது தான் முக்கியம். அது தான் நம் உடல் ஆரோக்கியத்தையும் பிரதிபலிக்கும். அப்படி ஆரோக்கியமான சருமத்தை பெற சில காலை நேர ஜூஸ் ரெசிபிக்களை தான் இப்போது உங்களுக்கு சொல்ல இருக்கிறோம்.

எலுமிச்சை ஜூஸ்: காலையில் எழுந்தவுடன் முதலில் ஒரு கிளாஸ் வெதுவெதுப்பான நீரில் எலுமிச்சை பிழிந்து தேன் சேர்த்து எலுமிச்சை ஜூஸ் பருகுவது உங்கள் சருமத்திற்கு மேஜிக் செய்யும். எலுமிச்சை வைட்டமின் சி இன் சிறந்த மூலமாகும், இது நம் சருமத்தை உள்ளே இருந்து ஊட்டமளிக்கிறது மற்றும் நச்சுகளை வெளியேற்ற உதவுகிறது. மேலும் இது கொலாஜன் உற்பத்திக்கு உதவுகிறது. சருமத்தின் ஏற்படும் சுருக்கங்களைக் குறைக்கிறது.

கிரீன் டீ: க்ரீன் டீயில் ஆன்டி-ஆக்ஸிடன்ட்கள் அதிகம் இருப்பதால், சருமம் தொடர்பான பிரச்சனைகளால் அவதிப்படுபவர்களுக்கு இது ஒரு சிறந்த தேர்வாக அமைகிறது. இதில் வைட்டமின் ஈ உள்ளது அதனால் இது சருமத்தை இயற்கையாக ஈரப்பதமாக்க உதவுகிறது. மேலும் இது உள்ளிருந்து சருமத்தை புத்துணர்வு அடைய செய்கிறது.

மஞ்சள் பால்: சளி, இருமல், செரிமான பிரச்சனை என பல்வேறு நோய்த்தொற்றுகளுக்கு சிகிச்சையளிப்பதற்கான மருந்தாக பயன்படும் இது சரும ஆரோக்கியத்திற்கும் முக்கியமானது.  சிறந்த அழற்சி எதிர்ப்பு பண்புகளுக்கு பெயர் பெற்ற இது உங்கள் சருமத்தை உள்ளிருந்து குணப்படுத்த உதவுகிறது காலையில் ஒரு டம்ளர் வெதுவெதுப்பான மஞ்சள் பாலில் சிறிது இஞ்சியை கலந்து பருகவும்,

நெல்லி சாறு: ஆம்லா, இந்திய நெல்லிக்காய் என்றும் அழைக்கப்படும் இது அத்தியாவசிய ஊட்டச்சத்துக்களின் ஆற்றல் மையமாகும். வைட்டமின் சி நிறைந்திருப்பதால், உங்கள் தோலுக்கு  தீங்கு விளைவிக்கும் நச்சுகளை எதிர்த்துப் போராட உதவுகிறது.  ரத்தத்தை சுத்திகரிப்பதுடன், சருமத்தை பொலிவாகவும் இளமையாகவும் மாற்றுகிறது.

இளநீர்: உங்கள் சருமம் வறண்டு, ஈரப்பதம் இல்லாமல் இருந்தால், சருமத்தில் வெடிப்பு, வறட்சி காணப்படும். அதற்கு  ஒரு டம்ளர் தேங்காய் தண்ணீர் அல்லது இளநீரை குடிப்பது உங்கள் தோலை ஈரப்பதத்துடன் மீட்டெடுக்க உதவும். அதோடு இதில் மெக்னீசியம், பொட்டாசியம் மற்றும் சோடியம் போன்ற எலக்ட்ரோலைட்டுகளால் நிரம்பியுள்ளதாள் தோலில் இழந்த ஊட்டச்சத்துக்களை நிரப்ப உதவுகின்றன. அது மட்டும் இல்லாமல்  முகப்பரு தழும்புகளின் தோற்றத்தையும் குறைக்க உதவும்.

Click here for more Health Tip

 Click here to join whatsapp group for daily health tip

Read More

மற்றவர்களின் உணர்வுகளை புரிந்து கொள்பவர்கள் இதையெல்லாம் கட்டாயமாக செய்ய மாட்டார்கள்..!

 பொதுவாக மனிதர்களில் ஒற்றுமைகள் வேற்றுமைகள் காணப்பட்டாலும், அடிப்படை பண்புகள், விருப்பு வெறுப்பு ஆகியவற்றில் அதிக வேறுபாடுகள் காணப்படும். அதேபோல ஒரு குறிப்பிட்ட நபர் ஒரு குறிப்பிட்ட விஷயத்தை எவ்வாறு எதிர் கொள்வார் என்பது மிகப்பெரிய அளவில் வேறுபடும். உதாரணமாக, ஒரு சிலர் எல்லாவற்றுக்கும் உணர்ச்சிவசப்படுபவராக இருப்பார்; ஒரு சிலர் உணர்வுகளையும் உணர்ச்சிகளையும் வெளிக்காட்டாத நபராக இருப்பார். சிலர் மற்றவர்களின் உணர்வுகளை புரிந்து கொள்ளும் நபராக இருப்பார்.

இதில் குறிப்பாக மற்றவர்களின் உணர்ச்சிகளையும் புரிந்து கொண்டு நடப்பவர்கள், மற்றவர்களின் பிரச்சனைகளை காது கொடுத்து கேட்பவர்கள், ஆறுதல் சொல்பவர்கள், ஆதரவாக இருப்பவர்கள் emotionally available people என்று கூறப்படுகிறார்கள். இவ்வாறு மற்றவர்களின் உணர்வுகளை புரிந்து கொள்ளும் நபர்கள், பின்வரும் இந்த ஆறு விஷயங்களை கண்டிப்பாக செய்ய மாட்டார்கள். இது இவர்களை தற்காத்துக்கொள்ளும் முறையாகவும் கூறப்படுகிறது.

தங்கள் உணர்வுகளையும் உணர்ச்சிகளையும் எவ்வாறு கையாள வேண்டுமென்பதில் இவர்கள் மிகத் தெளிவாக இருப்பார்கள். ஒரு உறவில் அல்லது தன்னுடைய பாட்னாரிடமும் என்ன தேவை என்பதை என்பதை பற்றி எந்த குழப்பமும் இருக்காது. ஏதேனும் ஒரு குறிப்பிட்ட நிகழ்வால் அல்லது கடினமான சூழலால் பாதிக்கப்பட்டால் கூட அதிலிருந்து ஓட மாட்டார்கள். எந்த சூழலாக இருந்தாலும் அதை துணிச்சலாக எதிர்கொள்வார்கள். மேலும், உறவை பொறுத்தவரை அதை வெற்றிகரமாக கொண்டு செல்வதற்கு எதை தவிர்க்க வேண்டும் என்பது இவர்களுக்கு கட்டாயமாக தெரியும்.

பார்ட்னரிடம் Vulnerable ஆக இருப்பதை தவிர்ப்பது : ஒரு உறவு வலுப்படவும், அழகாக வளரவும், நீடிக்கவும், ஒருவருக்கொருவர் vulnerable ஆக இருப்பதில் தவறே இல்லை. அதாவது, எமோஷனல் நபர்கள் அழகான உறவை வளர்க்க, தன் இணையால் பாதிக்கப்படலாம் என்பதை புரிந்து கொள்கிறார்கள். உணர்ச்சிபூர்வமான ஆபத்துகளை இவர்கள் எதிர்கொள்ள தயாராக இருக்கிறார்கள். சில நேரங்களில் காயப்படுவோம் அல்லது பெரிய வருத்தம் ஏற்படும் என்பதை எல்லாம் பொருட்படுத்தாமல், இவர்கள் ரிஸ்க் எடுத்து மனதில் இருப்பதை, எண்ணங்களையும் உணர்வுகளையும் வெளிப்படுத்த தயங்குவதே இல்லை.

உறவுகளில் மாற்றி மாற்றி கேம் ஆடுவது : எந்த உறவாக இருந்தாலுமே நேர்மையாக இருப்பதும் வெளிப்படையான உரையாடலும் மிக மிக முக்கியம். எமோஷனல் நபர்கள் தங்கள் பார்ட்னரிடம் எந்த விதமான கேமையும் விளையாட மாட்டார்கள். மாற்றி மாற்றி பேசுவது ஒருவரை அவருக்கு தெரியாமலேயே மேனிபுலேட் செய்வது, விசுவாசம் இல்லாமல், நேர்மை இல்லாமல் நடந்து கொள்வது உள்ளிட்ட எந்தவிதமான நடவடிக்கைகளிலும் இவர்கள் ஈடுபட மாட்டார்கள். அது மட்டுமல்லாமல் இது போல யார் செய்தாலுமே அவர்களிடமிருந்து முழுக்க முழுக்க விலகியே இருப்பார்கள்.

அவமரியாதையாக பேசுவது : எந்த உறவாக இருந்தாலும், ஒருவருக்கொருவர் எந்த அளவுக்கு தொடர்பு கொள்கிறார்கள் எவ்வளவு வெளிப்படையாக பேசுகிறார்கள் என்பது உறவை வலுப்படுத்தும். குறிப்பாக கணவன் மனைவி உறவுக்குள் கம்யூனிக்கேஷன் மிக மிக முக்கியம். அதிலும் ஒருவருக்கு ஒருவர் பரஸ்பர மரியாதையுடன் பேச வேண்டும் என்பதை பின்பற்றுவார்கள். மரியாதை இல்லாமல் பேசுவது என்பது உறவை தீவிரமாக பாதிக்கும். தேவையற்ற, அநாகரிகமான சொற்கள், மட்டம் தட்டிப் பேசுவது இவர்களுக்கு பிடிக்கவே பிடிக்காது.

கடினமான உரையாடல்களில் இருந்து விலகுவது : இமோஷனல் நபர்கள் ஒரு சூழல் எவ்வளவு கடினமாக இருந்தாலும், அதிலிருக்கும் உரையாடல் கடுமையாக இருந்தாலும் அதிலிருந்து விலகி செல்லமாட்டார்கள். அதை தைரியமாக எதிர்கொண்டு இருக்கும் பிரச்சனைகளை புரிந்துகொண்டு சுமூகமாக தீர்க்கத்தான் முயற்சி செய்வார்கள். அப்புறம் பார்த்துக்கொள்ளலாம் அல்லது அதிலிருந்து எப்படியாவது எஸ்கேப் ஆகிவிட வேண்டும் என்ற எண்ணம் இவர்களுக்கு இருக்கவே இருக்காது.

எமோஷனல் நெருக்கத்தை தவிர்ப்பது : கணவன் மனைவிக்குள் நெருக்கம் என்பது உடல் ரீதியாக மட்டுமல்லாமல் உணர்வுப்பூர்வமாகவும் இருக்க வேண்டும். இதைத்தான் எமோஷனல் இன்டிமசி என்று கூறுவார்கள். எமோஷனல் நபர்கள் தங்கள் மனம் விரும்புவதை நன்றாக புரிந்து கொண்டிருப்பார்கள். எனவே பாட்னருடன் இமோஷனல் இன்டிமசியை வளர்த்துக்கொள்வார்கள். உறவுகளை பிணைக்க எமோஷனல் நெருக்கம் மிக மிக இன்றையமையாதது. இத்தகைய நபர்கள் பெரும்பாலும், மன முதிர்ச்சியுடன் இருப்பார்கள். உணர்ச்சிபூர்வமாக உறவில் தங்களை இணைத்து கொள்ள விரும்பாதவர்கள் நபர்களிடம் இருந்து இவர்கள் விலகியே இருப்பார்கள். என்னென்றால் உணர்வுகளைப் பற்றி பெரிதாக கவலை படாத நபர்களிடம் ஏற்படும் உறவு நீண்ட காலம் நிலைக்காது, உறவை வளர்க்க முடியாது.

Click here for more Health Tip

 Click here to join whatsapp group for daily health tip

Read More

முடி உதிர்வு பிரச்சனையை சமாளிக்க முடியலையா..? உங்களுக்கான சில டயட் டிப்ஸ் இங்கே..!

 பலருக்கும் முடி உதிர்வு பெரும் பிரச்சனையாக மாறி இருக்கிறது. கூந்தல் ஆரோக்கியத்தை பராமரிக்க பலரும் பலவித ஆயில்களை பயன்படுத்தி பார்க்கின்றனர். ஆனாலும் முடி உதிர்வு நின்றபாடில்லை என்று புலம்புவதை கேட்க முடிகிறது. நீங்களும் இவர்களில் ஒருவரா.! உங்கள் தலைமுடி ஏன் உதிர்கிறது என எப்போதாவது யோசித்ததுண்டா.. முடி உதிர்வுக்கான காரணங்களில் மன அழுத்தம், வளர்சிதை மாற்றத்தில் ஏற்படும் கோளாறுகள், மாசுபாடு என பட்டியல் நீண்டு கொண்டே செல்கிறது. இதில் மோசமான உணவுமுறையும் அடங்கும்.

முடி உதிர்தல் சிக்கலுக்கு உங்களின் உணவுமுறை முக்கிய காரணமாக இல்லாவிட்டாலும், நல்ல உணவு முறை மூலம் முடி உதிர்வை கட்டுப்படுத்தலாம்.நேஷ்னல் லைப்ரரி ஆஃப் மெடிசின் இதழிலில் வெளியிடப்பட்ட ஆய்வு ஒன்றின்படி, முடி அமைப்பு மற்றும் முடி வளர்ச்சி இரண்டையும் ஊட்டச்சத்து குறைபாடு பாதிக்கலாம். முடி வளர்ச்சியானது கலோரி மற்றும் புரத சத்து குறைபாடு மற்றும் நுண்ணூட்டச் சத்து குறைபாடு உள்ளிட்ட காரணிகளால் பாதிக்கப்படலாம். தவிர திடீர் எடை இழப்பு அல்லது புரதம் மற்றும் பிற ஊட்டச்சத்து எடுத்து கொள்வதில் குறைபாடு போன்றவை பெரும்பாலும் முடி உதிர்வுக்கு வழிவகுக்கிறது.முடி உதிர்வை எப்படி நிறுத்துவது..?

முடி உதிர்வு சிக்கலை சரி செய்வதில் ஆரோக்கியமான முடி பராமரிப்பு முறையை தொடர்ந்து பின்பற்றுவதைத் தவிர, நல்ல ஆரோக்கியமான உணவுகளை டயட்டில் எப்போதும் சேர்ப்பதும் உதவுகிறது. ஏனென்றால் உங்கள் மயிர்க்கால்கள் வலுவாக இருக்க நிறைய ஊட்டச்சத்துகளும் தேவை. இவற்றை உணவில் இருந்து நாம் பெற முடியும்.

கூந்தல் ஆரோக்கியத்திற்கு உகந்த உணவுகள் எவை..? நல்ல அளவு ஊட்டச்சத்துக்கள் இருக்கும் எந்த உணவும் நம் ஆரோக்கியத்திற்கு நல்லது என்று குறிப்பிடும் பிரபல டயட்டீஷியன் ஷீனம் கே மல்ஹோத்ரா, நம் தலைமுடிக்கு தேவையான முக்கிய ஊட்டச்சத்துக்கள் மற்றும் அவற்றை வழங்கும் உணவுகள் பற்றி தனது இன்ஸ்டாவில் ஷேர் செய்து இருக்கிறார். இவர் தனது லேட்டஸ்ட் இன்ஸ்டா போஸ்ட்டில் முடி உதிர்வை தடுக்க நம் டயட்டில் கட்டாயம் இருக்க வேண்டிய உணவுகளை பகிர்ந்துள்ளார். முடி உதிர்வை சமாளிப்பதற்கான நிபுணர் ஷீனமின் சில டயட் ஹேக்ஸ் இங்கே....

ப்ரோட்டீன்: கூந்தல் ஆரோக்கியத்திற்கு ப்ரோட்டீன் மிக முக்கியமான ஊட்டச்சத்து. மேலும் நமது முடியானது என்பதை ப்ரோட்டீனால் ஆனது. எனவே உங்கள் கூந்தலை வலுவாக மற்றும் ஆரோக்கியமாக மாற்ற உங்கள் டயட்டில் போதுமான அளவு ப்ரோட்டீன் நிறைந்த உணவுகளை சேர்ப்பது முக்கியமானது. குறைந்த அளவு ப்ரோட்டீன் நுகர்வும் கூட முடி உதிர்தலுக்கு காரணமாக இருக்கும் என்பதால் கோழி, மீன், பால் பொருட்கள் மற்றும் முட்டை போன்ற புரதச்சத்து நிறைந்த உணவுகள், பருப்பு வகைகள் மற்றும் நட்ஸ்கள் உள்ளிட்டவற்றை நிறைய சாப்பிட பரிந்துரைக்கிறார்.

இரும்புச்சத்து : கூந்தல் ஆரோக்கியத்திற்கு தேவையான மினரல்ஸ் என்று வரும் போது நம்முடைய மயிர்க்கால்களுக்கு இரும்பு சத்து அதிகம் தேவைப்படுகிறது. இரும்புச்சத்து குறைபாடு முடி வளர்ச்சி சுழற்சியை (Hair growth cycle) பாதிக்கிறது மற்றும் முடி உதிர்தலுக்கு வழிவகுப்பதாக நிபுணர் ஷீனம் குறிப்பிட்டுள்ளார். அசைவம் சாப்பிடுவோர் என்றால் தங்கள் டயட்டில் சிவப்பு இறைச்சி, கோழி மற்றும் மீன் போன்ற விலங்கு பொருட்கள், சைவ உணவுகளை மட்டும் சாப்பிடுவோர் என்றால் பருப்பு, கீரை மற்றும் ப்ரோக்கோலி, காலே மற்றும் சாலட் க்ரீன்ஸ் போன்ற பச்சை இலை காய்கறிகளை தங்கள் டயட்டில் சேர்த்து இரும்புச்சத்து நிக்கரை அதிகரிக்கலாம்.

வைட்டமின் சி: இரும்பு சத்தை சிறப்பாக உறிஞ்ச வைட்டமின் சி உதவுகிறது, எனவே வைட்டமின் சி அதிகம் உள்ள உணவுகளை இரும்புச்சத்து நிறைந்த உணவுகளுடன் சேர்த்து சாப்பிடுவது கூந்தல் ஆரோக்கியத்திற்கு நல்லது. வைட்டமின் சி ஒரு ஆன்டிஆக்ஸிடன்ட் ஆகும், எனவே இது உடலால் உடனடியாக பயன்படுத்தப்படுகிறது. மேலும் கொலாஜன் உற்பத்தியை வைட்டமின் சி தூண்டுகிறது. ப்ளூபெர்ரி, ப்ரோக்கோலி, கொய்யா, கிவி பழங்கள், ஆரஞ்சு, பப்பாளி, ஸ்ட்ராபெர்ரி மற்றும் ஸ்வீட் பொட்டேட்டோ உள்ளிட்டவை உங்கள் டயட்டில் சேர்க்க கூடிய வைட்டமின் சி நிறைந்த சில உணவுகள் ஆகும்

ஒமேகா 3 : நம்முடைய தலைமுடிக்கு ஒமேகா-3 கொழுப்பு அமிலங்கள் போன்ற ஆரோக்கிய கொழுப்புகள் தேவை, ஆனால் இவற்றை நம் உடலால் சொந்தமாக உற்பத்தி செய்ய முடியாது. எனவே ஒமேகா 3-யானது உணவின் மூலம் பெறப்பட வேண்டும். நம் உச்சந்தலை மற்றும் முடியை ஹைட்ரேட்டாக வைத்திருக்கும் எண்ணெய்களை Omega-3 வழங்குகின்றன. ஆய்லி மீன், காட் லிவர் ஆயில் மற்றும் அவகேடோ, சீட்ஸ் மற்றும் நட்ஸ் போன்றவரை டயட்டில் சேர்க்கவும்.

ஜிங்க் மற்றும் செலினியம் : இரும்புச்சத்து தவிர ஜிங்க் மற்றும் செலினியம் உள்ளிட்டவை முடி உதிர்வைக் கட்டுப்படுத்த உதவும் முக்கிய மினரல்ஸ் ஆகும். செறிவூட்டப்பட்ட தானியங்கள், முழு தானியங்கள், பருப்பு வகைகள் மற்றும் முட்டைகளை டயட்டில் சேர்ப்பதன் மூலம் இந்த மினரல்ஸ்களை நீங்கள் பெறலாம்.

Click here for more Health Tip

 Click here to join whatsapp group for daily health tip

Read More

திண்டுக்கல்லில் குதூகலமாக குளியல் போட குதிரை குளிப்பாட்டி நீர்வீழ்ச்சி ஓடை..! எங்க இருக்குன்னு தெரியுமா?

 திண்டுக்கல்லில் வெள்ளிமலை நீர்வீழ்ச்சி போன்ற எத்தனையோ நீர்வீழ்ச்சிகள் இருந்தாலும் எளிமையான முறையில் இயற்கை சுற்றுச்சூழலில் பாதுகாப்பான முறையில் சிறிய அளவிலான நீர்வீழ்ச்சியில் குத்தாட்டம் போட்டு குளிக்கும் குதூகலம் கிடைப்பது எளிதில்லை.

இப்படிப்பட்ட சிறிய அளவிலான நீர்வீழ்ச்சி ஓடை எங்க இருக்குன்னு பார்த்தோம்னா திண்டுக்கல் மாவட்டம் ஆத்தூர் காமராஜர் அணையில் தான் அமைந்திருக்கிறது. இந்த காமராஜர் அணையின் கரையோரமாக மலையை நோக்கி 2 கிலோ மீட்டர் கடந்து வந்த பிறகு மலையிலிருந்து வரும் குதிரை குளிப்பாட்டி ஓடை நீர்வீழ்ச்சிதான் இந்த குதூகலம் மிக்க இடம்.

திண்டுக்கல் மாவட்டத்தில் உள்ள பெரும்பாலான மக்களுக்கு இந்த இடம் இருப்பது தெரியாது. ஏனென்றால் ஆத்தூர் காமராஜர் அணையின் கரையோரமாக வந்து ஓடையை கடந்து , சிறிய புதர் போல காட்சியளிக்கும் தட்டைகளின் நடுவே சிறிய வழித்தடம் ஒன்று இருக்கும் அதனை கடந்து வந்தால் சுமார் 100 ஆண்டுகள் பழமை வாய்ந்த கன்னிமார் கோவில் அமைந்திருக்கும்.

திண்டுக்கல்லில் வெள்ளிமலை நீர்வீழ்ச்சி போன்ற எத்தனையோ நீர்வீழ்ச்சிகள் இருந்தாலும் எளிமையான முறையில் இயற்கை சுற்றுச்சூழலில் பாதுகாப்பான முறையில் சிறிய அளவிலான நீர்வீழ்ச்சியில் குத்தாட்டம் போட்டு குளிக்கும் குதூகலம் கிடைப்பது எளிதில்லை.

இப்படிப்பட்ட சிறிய அளவிலான நீர்வீழ்ச்சி ஓடை எங்க இருக்குன்னு பார்த்தோம்னா திண்டுக்கல் மாவட்டம் ஆத்தூர் காமராஜர் அணையில் தான் அமைந்திருக்கிறது. இந்த காமராஜர் அணையின் கரையோரமாக மலையை நோக்கி 2 கிலோ மீட்டர் கடந்து வந்த பிறகு மலையிலிருந்து வரும் குதிரை குளிப்பாட்டி ஓடை நீர்வீழ்ச்சிதான் இந்த குதூகலம் மிக்க இடம்.

திண்டுக்கல் மாவட்டத்தில் உள்ள பெரும்பாலான மக்களுக்கு இந்த இடம் இருப்பது தெரியாது. ஏனென்றால் ஆத்தூர் காமராஜர் அணையின் கரையோரமாக வந்து ஓடையை கடந்து , சிறிய புதர் போல காட்சியளிக்கும் தட்டைகளின் நடுவே சிறிய வழித்தடம் ஒன்று இருக்கும் அதனை கடந்து வந்தால் சுமார் 100 ஆண்டுகள் பழமை வாய்ந்த கன்னிமார் கோவில் அமைந்திருக்கும்.

இந்தக் கன்னிமார் கோவிலில் சுற்றுவட்டாரத்தில் விவசாயம் செய்யும் பொதுமக்கள் விசேஷ நாட்களில் பொங்கல் வைத்து பூஜை செய்து வழிபாடு நடத்துவது வழக்கமான ஒன்று. இவ்வாறு கோவிலுக்கு தரிசனம் செய்ய வருபவர்களும் இந்த குதிரை குளிப்பாட்டி நீர்வீழ்ச்சி என்று அழைக்கப்படும் இந்த ஓடையில் குளித்துவிட்டு தான் கோவிலில் வந்து பூஜை செய்து வழிபடுவதாக கூறுகின்றனர்.

மேலும் இந்த குதிரை குளிப்பாட்டி நீர்வீழ்ச்சி ஓடை மலைகளின் நடுவே அமைந்திருப்பதால் வாரத்திற்கு நான்கு ஐந்து முறையாவது தினமும் சிறிதளவாவது மழை பெய்து கொண்டே நான் இருக்கும் என்றும் கூறுகின்றனர்.

இதுகுறித்து திண்டுக்கல் அண்ணா வணிக வளாகத்தில் வேலை பார்க்கும் மேட்டுப்பட்டி சேர்ந்த சரவணன் கூறுகையில், “இந்தக் இந்தக் குதிரை குளிப்பாட்டி நீர்வீழ்ச்சி என்பது ஆபத்து விளைவிக்கும் இடத்தில் இருப்பதால் இந்த குதிரை குளிப்பாட்டி நீர்வீழ்ச்சியில் இருந்து வரும் ஓடையை குதிரை குளிப்பாட்டி இடம் என்று அழைப்போம்.

இந்த நீர்வீழ்ச்சி இங்கு இருப்பது திண்டுக்கல் மாவட்டத்தில் ஆத்தூர் தாலுகாவில் உள்ள காமராஜர் அணையின் கரையோரத்தில் இருப்பது பெரும்பாலும் யாருக்கும் தெரிந்திருக்க வாய்ப்பில்லை, இது ஒரு அருமையான பொழுதுபோக்கு இடமாக திகழ்கிறது, உள்ளூரிலே இருக்கும் பல்வேறு பொழுதுபோக்கு இடங்களில் இதுவும் ஒன்று.

எங்களுக்கு இன்று விடுமுறை நாட்கள் என்பதால் நாங்கள் ஒரு 15 நபர்கள் ஒன்றாக கூடி இங்கு வந்து குளித்து குதூகலமாக பொழுது கழித்துக் கொண்டிருக்கிறோம், இது போன்ற சின்ன சின்ன சந்தோஷங்கள் தரும் இடங்களை அனைவரும் பார்த்து மகிழ வேண்டும்” என்று தெரிவித்தார்.

Read More

விலை ஏறும் நேரத்தில் இஞ்சியை நீண்ட காலத்திற்கு வைத்து பயன்படுத்த 5 வழிகள்..!

 

இந்தியா முழுவதும் சமீபகாலமாக காய்கறி விலை உயர்ந்து வருவது அனைவரையும் கவலையில் ஆழ்த்தியுள்ளது. தக்காளி விலை உயர்வைத் தொடர்ந்து, தற்போது இஞ்சியின் விலை உயர்ந்து வருகிறது. செரிமான பிரச்சனை, உடல் வலி, உடல் நச்சுத்தன்மை போன்றவற்றை போக்குவதில் இஞ்சியின் பங்கு அதிகம் உள்ளது. இந்நிலையில் இஞ்சியை நீண்ட நாள் எப்படி பாதுகாத்து பயன்படுத்துவது என்ற சந்தேகம் எழும். அதற்கான டிப்ஸ் சொல்கிறோம்.

காகிதம்/ டிஷ்யூ : இஞ்சியை சேமிப்பதற்கான மிகவும் பிரபலமான முறைகளில் இதுவும் ஒன்றாகும் . முதலில் இஞ்சியை நன்றாகக் கழுவி உலர வைத்து, பேப்பர் டவலில் போர்த்தி காற்றுப் புகாத பெட்டியில் வைத்து பிரிட்ஜில் வைத்து பயன்படுத்தலாம். ஈரப்பதம் அல்லது காற்றைத் தவிர்க்க பிரீஸிரில் வைத்து பயன்படுத்தலாம்.

வினிகர்: ஒரு டப்பாவில் வினிகர் ஊற்றி அதில்பிரெஷான இஞ்சியை தோலுரித்து, துண்டுகளாக வெட்டி போட்டு வைத்தால் நீண்ட நாட்களுக்கு வரும். வினிகர் இல்லாதவர்கள் எலுமிச்சை சாறு வைத்தும் பயன்படுத்தலாம். இந்த செயல்முறை பாக்டீரியா, கிருமிகள் மற்றும் பிற தீங்கு விளைவிக்கும் நுண்ணுயிரிகளை அழிக்க உதவுகிறது, இஞ்சியை நீண்ட நாட்களுக்கு பாதுகாக்கிறது.

இஞ்சி பேஸ்ட்:வீட்டிலேயே இஞ்சி பேஸ்ட்டை தயார் செய்து, அதை ஃப்ரீசரில் வைத்து நீண்ட நாட்களுக்கு சேமிக்கவும். இஞ்சியை சுத்தம் செய்து தோலுரித்து, சிறிது உப்பு சேர்த்து பேஸ்ட் செய்து பயன்படுத்தலாம். சுவையை அப்படியே வைத்திருக்க, பேஸ்ட்டை காற்று புகாத  டப்பாவில் வைத்து சேமிக்கவும்.

இஞ்சி பொடி: இஞ்சியை சேமிப்பதற்கான மற்றொரு வழி நீரிழப்பு. இஞ்சியை தோலுரித்து, அதிகப்படியான தண்ணீரை ஒரு காகித துண்டுடை வைத்து துடைத்து உலர்த்தவும்.  பின்னர், உலர்ந்த இஞ்சி பொடியை தயார் செய்யவும். இதைஉங்களுக்கு தேவைப்படும் போதெல்லாம் பயன்படுத்தலாம்.

இஞ்சி தோல்: நம் கையில் இருக்கும் குறைந்த அளவு இஞ்சியை முடிந்தவரை அதிகம் பயன்படுத்த, அதன் தோலையும் பயன்படுத்தலாம். தேநீர், சோடா மற்றும் பிற பானங்களில் சேர்க்க தோல்களை சுத்தம் செய்து, உலர்த்தி, உலர்த்தி பயன்படுத்தலாம். இஞ்சியை போலவே இஞ்சி தோலையும்  பேஸ்ட் செய்து பயன்படுத்தலாம்.

Click here for more Health Tip

 Click here to join whatsapp group for daily health tip

Read More

தைராய்டு ஆரோக்கியத்தை மேம்படுத்தும் 7 அயோடின் நிறைந்த உணவுகள்..!

 கழுத்தின் அடிப்பகுதியில் அமைந்துள்ள தைராய்டு சுரப்பி, வளர்சிதை மாற்றம் , தூக்க முறைகள், எடை மேலாண்மை மற்றும் உணர்ச்சி நல்வாழ்வு போன்ற அத்தியாவசிய உடல் செயல்பாடுகளை நிர்வகிப்பதில் முக்கிய பங்கு வகிக்கிறது.   இந்த உறுப்பில் ஏற்படும் கோளாறு தைராய்டு நோய்க்கு வித்திடுகிறது.

சிகிச்சையளிக்கப்படாவிட்டால், இந்த நிலை இதயம், மூளை, கல்லீரல், சிறுநீரகங்கள் மற்றும் தோல் உள்ளிட்ட பல்வேறு உறுப்புகளில் தீங்கு விளைவிக்கும்.  ட்ரையோடோதைரோனைன் (T3) மற்றும் தைராக்ஸின் (T4), ஹாரோன்கள் உடல் செயல்பாடுகளை ஒழுங்குபடுத்துகிறது. ஹார்மோன் உற்பத்தியில் ஏற்றத்தாழ்வுகள் தைராய்டு கோளாறுகளின் அறிகுறிகளுக்கு வழிவகுக்கும்.

தைராய்டு சுரப்பி நமது உணவில் இருந்து ஐயோடினை உறிஞ்சி ஹார்மோன்களை உற்பத்தி செய்ய பயன்படுத்துகிறது.  மனிதரின் உடலில் தைராய்டு ஹார்மோன் உற்பத்தியை சரியாக வைத்திருக்க  தினமும் சுமார் 150 மைக்ரோகிராம் ஐயோடின் தேவைப்படுகிறது. ஐயோடின் என்றதும் உப்பில்  மட்டும் தான் உள்ளது என்று நினைத்துவிட வேண்டாம். ஐயோடின் நிறைந்துள்ள உணவு பொருட்களை இப்போது உங்களுக்கு சொல்கிறோம்.

கடற்பாசி :  கெல்ப், நோரி மற்றும் கொம்பு போன்ற கடல் காய்கறிகள் ஐயோடினின்பெரிய ஆதாரங்களாகும். கெல்ப் பாந்தோதெனிக் அமிலம் மற்றும் ரிபோஃப்ளேவின் ஆகியவற்றைக் கொண்டுள்ளது. இது தைராய்டு சமநிலையின்மையுடன் தொடர்புடைய கவலை மற்றும் மனச்சோர்வை நிர்வகிப்பதற்கு நன்மை பயக்கும்.

சீஸ்:  சீஸ்-பாலாடைக்கட்டி உள்ளிட்ட பால் பொருட்கள் , கால்சியம் மற்றும் ஆரோக்கியமான கொழுப்புகளை வழங்குவதோடு மட்டுமல்லாமல் ஐயோடினையும் கொண்டிருக்கின்றன. செடார் மற்றும் மொஸரெல்லா சீஸ் இதில் அதிகப்படியான ஐயோடின் உள்ளது

பால்:  ஒவ்வொரு 250 மில்லி பாலிலும் தோராயமாக 150 மைக்ரோகிராம் ஐயோடின் இருப்பதாக ஆய்வுகள் தெரிவிக்கின்றன. பசுக்கள், ஐயோடின் நிறைந்த தீவனம் மற்றும் புல் ஆகியவற்றைக் கொடுக்கும்போது, ஐயோடினை அவற்றின் பாலுக்கு மாற்றும்.

டுனா:  ஒரு 6-அவுன்ஸ் டுனா மீன் சுமார் 34 மைக்ரோகிராம் ஐயோடினை வழங்குகிறது என்று அமெரிக்க உணவு ஆய்வுகள் கூறுகின்றன. உங்கள் உணவில் ஐயோடின் சேர்த்துக்கொள்ள இது மற்றொரு சிறந்த கடல் உணவுத் தேர்வாகும்.

மத்தி:  குறைந்த கலோரிகள் மற்றும் ஐயோடின் நிறைந்த மத்தி, நன்மை பயக்கும் பாலிஅன்சாச்சுரேட்டட் மற்றும் மோனோசாச்சுரேட்டட் கொழுப்புகளையும் வழங்குகிறது. அவற்றை வேகவைத்தோ அல்லது காய்கறிகளுடன் சேர்த்து வறுத்தோ சாப்பிடலாம்.

முட்டை:  முட்டைகள் ஐயோடினின் சிறந்த மூலமாகும், ஒரு பெரிய முட்டை சுமார் 24 மைக்ரோகிராம் ஐயோடின் கொண்டுள்ளது. அதாவது தினசரி தேவை மதிப்பில் 16% வழங்குகிறது. தினசரி உங்கள் உணவு வழக்கத்தில் 1 முட்டை சேர்த்து கொள்வது நல்ல பலனைத்தரும்.

இறால்:  இறால் உள்ளிட்ட கடல் உணவுகள், கடல் நீரிலிருந்து ஐயோடினை உறிஞ்சி,  ஒரு சாதகமான ஐயோடின் நிறைந்த  மாறிவிடும். அதோடு இறால் நன்மை பயக்கும் பாலிஅன்சாச்சுரேட்டட் கொழுப்புகளையும் வழங்குகிறது.

Click here for more Health Tip

 Click here to join whatsapp group for daily health tip

Read More

பழங்களை சாப்பிடுவதற்கான விதிமுறைகள் தெரியுமா..? ஆயுர்வேதம் சொல்லும் டிப்ஸ்..!

 நம் உடல் ஆரோக்கியத்திற்கு பழங்கள் எந்த அளவுக்கு முக்கியம் என்பது எல்லோருக்கும் தெரியும். அதிலும் பச்சை காய்கறிகள் மற்றும் வண்ணமயமான பழங்களை சாப்பிட வேண்டியதன் அவசியம் குறித்து சமூக வலைதளங்கள் மூலமாக ஏற்பட்டுள்ள விழிப்புணர்வு காரணமாக மக்களின் நுகர்வு அதிகரித்துள்ளது.

பழங்களை சாப்பிட்டால் ரத்த அழுத்தம் குறையும் மற்றும் இதய நோய்க்கான ஆபத்துகள் குறைகின்றன. இது மட்டுமல்லாமல், புற்றுநோயை உருவாக்குகின்ற செல்களை மட்டுப்படுத்தும். பழங்களின் தேவை குறித்து அறிந்து வைத்திருக்கும் அளவுக்கு, அதை எவ்வளவு சாப்பிட வேண்டும், எதனுடன் சேர்த்து சாப்பிடக் கூடாது என்ற விவரங்கள் பலருக்கும் தெரிவதில்லை.

இந்த நிலையில், பழங்களை எப்படி சாப்பிட வேண்டும், எப்படியெல்லாம் சாப்பிடக் கூடாது என்பது குறித்து ஆயுர்வேத மருத்துவர் டிம்பிள் ஜங்க்டா விளக்கம் அளித்துள்ளார். அதை இப்போது பார்க்கலாம்.

துவர்ப்பு சுவையுள்ள பழங்கள் : ஆப்பிள், பேரிக்காய், முழுமையாக பழுக்காத வாழைப்பழம், கிரேன்பெர்ரி, மாதுளை, பெர்ரி, செர்ரி, ஸ்ட்ராபெர்ரி போன்றவையெல்லாம் துவர்ப்பு தன்மை கொண்ட பழங்களாகும். இவை வறண்டு காணப்படும். ஆனால் குளிர்ச்சி தரக் கூடியவை. இதுபோன்ற சுவையுள்ள பழங்கள் நம் திசுக்களை வலுப்படுத்தும், வியர்வையை குறைக்கும் மற்றும் உஷ்ணத்தை மட்டுப்படுத்தும்.

புளிப்பு சுவையுள்ள பழங்கள் : எலுமிச்சை, செர்ரி தக்காளி, ஆரஞ்சு, திராட்சை, பிளம்ஸ், கிவி போன்றவை புளிப்பு சுவை கொண்ட பழங்கள் ஆகும். இவை வாயில் ஈரப்பதத்தை அதிகப்படுத்தி, எச்சில் சுரப்பை மேம்படுத்தும். நம் உடலில் பைல் திரவ உற்பத்தியை மேம்படுத்தும் மற்றும் திசுக்களை சுத்தம் செய்ய உதவும்.

இனிப்பான பழங்கள் : மாம்பழம், வாழைப்பழம், பப்பாளி, மஸ்க் மெலான், அவகோடோ, அன்னாசி போன்றவை இனிப்பு சுவை கொண்ட பழங்கள் ஆகும். இவை நம் உடலுக்கு புத்துணர்ச்சி அளிக்கும். எலும்புகள், தசைகள், பல், நகங்கள் மற்றும் முடி ஆகியவற்றை பலப்படுத்த இனிப்பு சுவை உறுதுணையாக அமையும் என்று ஆயுர்வேதம் தெரிவிக்கிறது.

பழங்களுக்கான கட்டுப்பாடுகள் : 

பழங்களை தனியாக சாப்பிட வேண்டும். பழங்களுடன் பருப்புகள், காய்கறிகள், பால், தயிர், இறைச்சி போன்றவற்றை கலக்க கூடாது. ஏனென்றால் அவை செரிமானம் ஆகாமல் கழிவுகளாக மாறிவிடும். பழங்கள் வெகுவிரைவாக செரிமானம் ஆகிவிடும். வயிற்றில் ஒரு மணி நேரம், சிறுகுடலில் ஒரு மணி நேரம், பெருங்குடலில் ஒரு மணி நேரம் என்பதுதான் பழங்களின் செரிமான நேரம் ஆகும்.

சூரிய அஸ்த்தமனத்திற்குப் பிறகு பழங்களை சாப்பிடக் கூடாது. தூங்குவதற்கு முன்பாக பழங்களை சாப்பிடும் பழக்கம் இருக்கிறது. இது உங்கள் ரத்தத்தில் சர்க்கரை அளவை அதிகரிக்கும். உங்களை சுறுசுறுப்பாக்கி தூக்கமின்மையை ஏற்படுத்தும்.

வெவ்வேறு இன வகையுடன் பழங்களை சேர்க்க கூடாது. உதாரணத்திற்கு ஆப்பிளையும், மாம்பழத்தையும் ஒன்றாக சாப்பிடக் கூடாது. இது செரிமானக் கோளாறை உருவாக்கும்.

Click here for more Health Tip

 Click here to join whatsapp group for daily health tip

Read More

தினசரி நாம் எவ்வளவு தண்ணீர் குடிக்க வேண்டும்..? இதனால் கிடைக்கும் நன்மைகள் என்னென்ன..?

 நாம் உயிர் வாழ நீர் மிக அவசியமானது என்று எல்லோரும் அறிந்து வைத்திருப்போம். ஆனால், தினசரி எவ்வளவு தண்ணீர் அருந்த வேண்டும், நம் உடலுக்கு எவ்வளவு தான் தண்ணீர் தேவை என்பது நமக்கு தெரிந்திருக்காது. நம் உடலில் 50 முதல் 60 சதவீதம் நீர்ச்சத்து நிரம்பியுள்ளது.

தினசரி தண்ணீர் தேவையை நேரடியாக குடிநீரில் இருந்து மட்டுமே பெற வேண்டும் என்பதில்லை. பழங்கள், பழச்சாறுகள், இளநீர், பானங்கள் போன்றவற்றில் இருக்கக் கூடிய நீர்ச்சத்தும் இதில் அடக்கமாகும். பொதுவாக பெண்கள் 11.5 கப் அளவும், ஆண்கள் 15.5 கப் அளவும் தினசரி தண்ணீர் எடுத்துக் கொள்ள வேண்டும் என்று ஊட்டச்சத்து நிபுணர்கள் அறிவுறுத்துகின்றனர்.

நாம் உண்ணும் உணவுகளின் மூலமாக நமக்கான 20 சதவீத நீர்ச்சத்து தேவை கிடைத்து விடுமாம். எஞ்சியுள்ள 80 சதவீத நீர் தேவையை நாம் குடிநீர், பானங்கள் மூலமாக ஈடுகட்டிக் கொள்ள வேண்டும். மேற்குறிப்பிட்ட அளவுகள் ஒரு சராசரி கணக்கு மட்டுமே. தினசரி எவ்வளவு தண்ணீர் துல்லியமாக தேவை என்பது ஒவ்வொரு நபருக்கும், ஒவ்வொரு நாளுக்குமே கூட வேறுபடும்.

வியர்வை, சிறுநீர் போன்றவற்றின் மூலமாக எவ்வளவு நீர்ச்சத்து வெளியேறுகிறது, நமது மூச்சுக்காற்றின் ஈரப்பதம் உள்பட பல காரணங்களின் அடிப்படையில் நீர்ச்சத்து தேவை மாறுபடுகிறது.நாம் எவ்வளவு சுறுசுறுப்பாக இயங்குகிறோம், சுற்றியுள்ள சிதோஷ்ண நிலை என்ன மற்றும் நம் உடல்நிலை என்ன என்பதைப் பொருத்தும் நீர்ச்சத்து தேவை மாறுபடுகிறது. 6 மாதங்களுக்கு உட்பட்ட பச்சிளம் குழந்தைகளுக்கு நாம் தண்ணீர் கொடுக்கவே தேவையில்லை என்பதை நினைவில் வைத்துக் கொள்ள வேண்டும்.

தாய்ப்பால் மற்றும் பரிந்துரை செய்யப்பட்ட அளவிலான புட்டிப்பால் ஆகியவற்றின் மூலமாகவே குழந்தைகளின் நீர்ச்சத்து தேவை பூர்த்தி ஆகிவிடும். குழந்தைகளுக்கு உணவூட்ட தொடங்கும்போது, அவர்களது உணவில் கொஞ்சம், கொஞ்சமாக நீர் சேர்த்துக் கொள்ளலாம். குழந்தைகளுக்கு 4 முதல் 8 அவுன்ஸ் வரையில் தண்ணீர் தேவைப்படும்.

குழந்தைக்கு ஒரு வயது நிரம்பிய நிலையில், அவர்களுக்கு கொடுக்கப்படும் தண்ணீரின் அளவை நாம் அதிகரித்துக் கொள்ளலாம். கோடை காலங்களில் மிகுதியாகவும், மழை மற்றும் குளிர் காலங்களில் குறைவாகவும் தண்ணீர் தேவை இருக்கும்.

தண்ணீர் அருந்துவதால் கிடைக்கும் பலன்கள் : 

• நம் உடலின் ஒட்டுமொத்த இயக்கமும் நீர்ச்சத்தை நம்பி உள்ளது. போதுமான அளவில் தண்ணீர் குடித்தால் மட்டுமே உடலில் உஷ்ணம் அதிகரிக்காமல் வெப்பநிலை சீரான அளவில் இருக்கும். திசுக்கள் பாதுகாக்கப்படும் மற்றும் மூட்டுகளில் ஈரப்பதம் கிடைக்கும்.
• உடலில் உள்ள கழிவுகள் மற்றும் நச்சுக்களை சிறுநீர், வியர்வை மற்றும் மலம் ஆகியவை மூலமாக வெளியேற்றுவதற்கும் நீர்ச்சத்து அவசியமான தேவையாகும்.

• வேறென்ன பலன்கள் கிடைக்கும்..!

  • பொதுவாக நீர்ச்சத்தை தக்க வைத்துக் கொண்டால் வயோதிக பிரச்சினைகள் அதிகரிக்காது. இளமையான தோற்றம் நீடிக்கும்.
  • டைப் 2 வகை நீரிழிவு கட்டுப்படுத்தப்படும்.
  • உடல் பருமன் தவிர்க்கப்படும் மற்றும் உடல் எடை சீரான அளவில் இருக்கும்.
  • மலச்சிக்கல் பிரச்சினை இருக்காது. மலம் இலகுவாக வெளியேறும்.
  • நம் சருமங்களில் சுருக்கம் ஏற்படாமல் புத்துணர்ச்சியாக இருக்க நீர்ச்சத்து அவசியமாகும்.
  • 
    

Click here for more Health Tip

 Click here to join whatsapp group for daily health tip

Read More

மழைக்காலத்தில் வரும் சளி , காய்ச்சலுக்கு உதவும் நோய் எதிர்ப்பு சக்தி நிறைந்த உணவுகள்..!

 மழைக்காலம் தொடங்கிவிட்டது. வெப்பம் தணிந்து ஊரே குளுமை அடைந்து வருகிறது. நீர் தீண்டும் அளவு இன்னும் மழையை ஆரம்பிக்கவில்லை என்றாலும் மாநிலத்தின் பெரும்பகுதிகளில் மழை பெய்ய ஆரம்பித்து விட்டன. மழைக்காலத்தில் கிருமிகள் வளரவும், பரவவும் அதிக வாய்ப்புகள் உள்ளன.

நமது உடலின் எதிர்ப்பு சக்தியும் குறையும். அதற்கு சில உணவு பொருட்களை நமது தினசரி வாழ்க்கையில் சேர்த்துக்கொள்வது நல்லது. அது இந்த மழை காலத்தில் நமது உடல் நோய்வாய்ப்படாமல் இருக்க பேருதவியாக இருக்கும். அப்படியா சிலவற்றை இப்போது உங்களுக்கு சொல்கிறோம்.

இஞ்சி மற்றும் பூண்டு உணவில் சேர்ப்பது சுவைத்தாண்டி பல மருத்துவ நன்மைகளை கொடுக்கும். இருமல் மற்றும் சளிக்கு மருந்தாக பயன்படுத்தலாம். இஞ்சியில் ஜிஞ்சரோல்ஸ், பாரடோல்ஸ், செஸ்கிடர்பீன்ஸ், ஷோகோல்ஸ் மற்றும் ஜிங்கரோன் ஆகியவை நிறைந்துள்ளன, இவை உங்கள் நோய் எதிர்ப்பு சக்தியை அதிகரிக்க உதவும். அது மட்டும் அல்லாமல் அழற்சி உணவுக்கு எதிரான  ஆக்ஸிஜனேற்றியாக செயல்படும். பூண்டில் உள்ள அல்லிசின் சளியை குறைக்கும்.

பால் பொருட்கள் : பால், தயிர், வெண்ணை, நெய் உள்ளிட்ட பால் பொருட்கள் நோய் எதிர்ப்பு சக்தியை அதிகரிக்கும் உணவுகளாகும். இதிலுள்ள புரோபயாடிக்குகள் செரிமானத்திற்கு உதவும். புரதங்கள், கொழுப்புகள் மற்றும் வைட்டமின்கள் நிறைந்துள்ள குறைந்த கொழுப்புள்ள தயிர், பால் பொருட்கள் நோய் எதிர்ப்பு சக்தியை அதிகரித்து உங்களை ஆரோக்கியமாக வைத்திருக்கும்.

சிட்ரஸ் பழங்கள்: ஆரஞ்சு, எலுமிச்சை மற்றும் திராட்சைப்பழம் போன்ற சிட்ரஸ் பழங்களில் வைட்டமின் சி நிறைந்துள்ளது, இது நமது நோயெதிர்ப்பு மண்டலத்தை வலுப்படுத்த அவசியம். வைட்டமின் சி வெள்ளை இரத்த அணுக்களின் உற்பத்தியை அதிகரிக்க உதவுகிறது, இது தொற்றுநோய்களை எதிர்த்துப் போராட உதவும்.

உலர் பழங்கள் மற்றும் கொட்டைகள்: சக்திவாய்ந்த ஆன்டிஆக்ஸிடன்ட் ஆரோக்கியமான நோயெதிர்ப்பு அமைப்புக்கு முக்கியமாகும். பாதாம், அக்ரூட் பருப்புகள் மற்றும் முந்திரி போன்ற கொட்டைகள் கொண்ட வைட்டமின் ஈ உங்களை ஆரோக்கியமாக வைத்திருக்க சிறந்த ஆக்ஸிஜனேற்றிகளாக செயல்படும். மேலும், அவற்றில் புரதங்கள் மற்றும் கொழுப்புகள் அதிகமாக உள்ளன, இது அதிக நேரம் ஆற்றல் அளவை வைத்திருக்கும்.

க்ரீன் டீயில் கேட்டசின்கள் எனப்படும் ஆன்டிஆக்ஸிடன்ட்கள் நிரம்பியுள்ளன, இது நமது நோய் எதிர்ப்பு சக்தியை அதிகரிக்க உதவுகிறது. இதில் L-theanine என்ற அமினோ அமிலமும் உள்ளது. இது பாக்டீரியா எதிர்ப்பு மற்றும் வைரஸ் எதிர்ப்பு பண்புகளைக் கொண்டுள்ளது. காலையில் ஒரு கப் கிரீன் டீ குடிப்பது  உங்கள் நோயெதிர்ப்பு அமைப்புக்கு ஆரோக்கியமான தேர்வாக இருக்கும்.

சக்கரைவள்ளிக்கிழங்கில் பீட்டா கரோட்டின் அதிகமாக இருப்பதால் இது மிகவும் நன்மை பயக்கும், இது வெள்ளை இரத்த அணுக்களை அதிகரித்து  உங்கள் உடலின் நோய் எதிர்ப்பு சக்தியை அதிகரிக்கிறது.

பெர்ரி : நெல்லி, ஸ்ட்ராபெர்ரி, அவுரிநெல்லிகள் மற்றும் ராஸ்பெர்ரி போன்ற பெர்ரிகளில் ஆக்ஸிஜனேற்றிகள், வைட்டமின்கள் மற்றும் தாதுக்கள் அதிகம் உள்ளன. இந்த ஆன்டிஆக்ஸிடன்ட்கள் ஃப்ரீ ரேடிக்கல்களுக்கு எதிராக போராட உதவுவதோடு நமது நோயெதிர்ப்பு மண்டலத்தின் ஒட்டுமொத்த செயல்பாட்டை மேம்படுத்தும்.

பச்சை இலை காய்கறிகள் : கீரை, கோஸ் மற்றும் ப்ரோக்கோலி போன்ற பச்சை இலைக் காய்கறிகள் அத்தியாவசிய வைட்டமின்கள், தாதுக்கள் மற்றும் ஆக்ஸிஜனேற்றங்களால் நிரம்பியுள்ளன. அவை நமது நோய் எதிர்ப்பு சக்தியை வலுப்படுத்த உதவுகின்றன. இந்த காய்கறிகளில் நார்ச்சத்து அதிகம் உள்ளது, இது சிறந்த செரிமானத்திற்கு உதவுகிறது. ஆனால் மழை காலத்தில் இதை சமைக்கும் முன்னர் நன்கு கழுவி பூசிக்க புழுக்கள் இல்லை என்பதை உறுதி செய்து கொள்ளவும். இல்லையேல் நோய் வரும் காரணமாக இது மாறிவிடும்.

மஞ்சள் ஒரு இயற்கையான அழற்சி எதிர்ப்பு மசாலா ஆகும். இது பல நூற்றாண்டுகளாக பாரம்பரிய மருத்துவத்தில் பயன்படுத்தப்படுகிறது. இதில் குர்குமின் என்ற கலவை உள்ளது. இது நமது நோய் எதிர்ப்பு சக்தியை அதிகரிக்க உதவுகிறது. பால் மற்றும் உணவுகளில் தினமும் பால் சேர்ப்பது நன்மை பயக்கும்.

Click here for more Health Tip

 Click here to join whatsapp group for daily health tip

Read More

1066 சுகாதார ஆய்வாளர் காலிப் பணியிடங்கள் - எவ்வித எழுத்துத் தேர்வும் இல்லை : உடனே அப்ளை பண்ணுங்க

 தமிழ்நாடு மருத்துவ பணிகளில் அடங்கிய சுகாதார ஆய்வாளர் பணியிடங்களை நிரப்புவதற்கான ஆள்சேர்க்கை அறிவிப்பை மருத்துவப் பணியாளர் தேர்வு வாரியம் ( Medical Service Recruitment Board - MRB) வெளியிட்டுள்ளது. இந்த பதவிக்கு ஆண்கள் மட்டுமே விண்ணப்பிக்க முடியும் என்றும் தெரிவிக்கப்பட்டுள்ளது.

தமிழ்நாடு மருத்துவ சார்நிலைப் பணிகளில் அடங்கிய பணியிடங்கள் தற்காலிக அடிப்படையில் நிரப்பட உள்ளன.

பதவியின் பெயர்: சுகாதார ஆய்வாளர் (Health Inspector Grade-II)

காலியிடங்கள் எண்ணிக்கை:  1,066

கல்வித் தகுதி : உயிரியல் அல்லது தாவரவியல் மற்றும் விலங்கியல் பாடத்தைக் கொண்டு 12ம் வகுப்புத் தேர்ச்சி பெற்றிருக்க வேண்டும்.

10ம் வகுப்பில் தமிழை பாடமாகக் கொண்டு தேர்ச்சிப் பெற்றிருக்க வேண்டும்.

விண்ணப்பதாரர், தமிழ்நாடு பொது சுகாதாரம் மற்றும் நோய் தடுப்பு மற்றும் நோய் தடுப்பு மருந்து துறையால் வழங்கப்பட்ட இரண்டு வருட  Health Worker (Male) course / Health Inspector/ Sanitary Inspector சான்றிதழ் படிப்பில் தேர்ச்சி பெற்றிருக்க வேண்டும்.

ஊதிய விவரம்: இந்த பதவிக்கு ரூ. 19,500 முதல் ரூ.62,000 வரை மாத ஊதியமாக வழங்கப்படும். (Pay Matrix Level-11)

வயது வரம்பு: இந்த பதவிக்கு விண்ணப்பிக்க விரும்புவோர் 01.07.2023 அன்று 18-32க்குள் இருக்க வேண்டும். தமிழ்நாடு அரசு இடஒதுக்கீடு விதிமுறைகளின் படி,  அதிகபட்ச வயதுவரம்பில் தளர்வுகள் அளிக்கப்படும் என்று தெரிவிக்கப்பட்டுள்ளது.

தேர்வு செய்யப்படும் முறை :  இந்த பதவிக்கு எவ்வித எழுத்துத் தேர்வும் கிடையாது. 10ம் வகுப்பு, 12ம் வகுப்பு,    சான்றிதழ் படிப்புகளில் பெற்ற மதிப்பெண்களின் அடிப்படையில் இறுதி தகுதி பட்டியல் தயாரிக்கப்படும்.  பத்தாம் வகுப்பு மதிப்பெண்கள் 20%- க்கும், 12 -ஆம் வகுப்பு மதிப்பெண்கள் 30%- க்கும், சான்றிதழ் படிப்பு மதிப்பெண்கள் 50%- க்கும் கணக்கிடப்படும்.

விண்ணப்பக் கட்டணம்: இதற்கான, விண்ணப்பக் கட்டணம் ரூ.600 ஆகும். பட்டியல் சாதிகள், பழங்குடியினர், அருந்ததியர், நிர்ணயிக்கப்பட்ட மாற்றுத் திறனாளிகள், ரூ.300 ஐ விண்ணப்ப கட்டணமாக செலுத்த வேண்டும். பொதுப் பிரிவு மற்றும் இதர பிற்படுத்தப்பட்ட வகுப்பினர் ரூ.500 விண்ணப்பக் கட்டணமாக செலுத்த வேண்டும்.

விண்ணப்பிக்கும் முறை :

 இதற்கு விண்ணப்பிக்க https://mrbonline.in/ - என்ற அங்கீகரிக்கப்பட்ட வலைதள முகவரியில் மூலம் மட்டுமே விண்ணப்பிக்க முடியும். இந்த தேர்வு குறித்த மேற்படி விவரங்களை தெரிந்து கொள்ள இந்தஇணைப்பைக் கிளிக் செய்யலாம்.

 Click here for latest employment news

 Click here to join WhatsApp group for Daily employment news

Read More