மழைக்காலத்திலும் உங்க எலும்புகளை வலுவாக வைத்துக்கொள்ள 10 கால்சியம் நிறைந்த உணவுகள்..!

 நம்மில் பலருக்கு மிகவும் பிடித்தமான பருவம் க்காலம். தேநீர் அருந்தியவரே மழையை பார்த்து ரசிப்பதில் இருக்கும் சுகம் தனி தான். மழைக்காலம் நமக்கு ஆனந்தத்தை அள்ளி தந்தாலும், அதில் ஒரு சில ஆபத்துகளும் நிறைந்துள்ளது. மழைக்காலத்தில் நாம் நோய்வாய்ப்படுவதற்கான வாய்ப்புகள் அதிகம் உள்ளது. ஆகவே சரியான உணவுகளுடன், போதுமான முன்னெச்சரிக்கை நடவடிக்கைகளை எடுத்து நமது ஆரோக்கியத்தை கவனித்துக் கொள்ள வேண்டும். அந்த வகையில் வலுவான எலும்புகளுக்கு கால்சியம் நிறைந்த உணவை சாப்பிடுவது மிகவும் அவசியம். எலும்புகளின் ஆரோக்கியத்தில் கால்சியம் என்ற அத்தியாவசியமான தாது முக்கிய பங்கு வகிக்கிறது.

2/ 12

பச்சை இலை காய்கறிகள் : கீரை, கேல், ப்ரோக்கோலி போன்ற பச்சை இலை காய்கறிகளில் ஏராளமான கால்சியம் நிறைந்துள்ளது. அதுமட்டுமல்லாமல் இவற்றில் எலும்பு உருவாக்கம் மற்றும் குணப்படுத்துவதற்கு அவசியமான வைட்டமின் K சத்தும் காணப்படுகிறது.

எலும்புகளின் வளர்ச்சி, சேதமடைந்த எலும்புகளை குணப்படுத்துதல், எலும்புகளுக்கு வலு சேர்த்தல் மற்றும் எளிதில் எலும்பு முறியாமல் கவனித்துக் கொள்ளுதல் போன்ற பல பணிகளை கால்சியம் செய்கிறது. இத்தகைய முக்கியத்துவம் வாய்ந்த கால்சியம் எந்தெந்த உணவுகளை இருக்கிறது என்பதை தெரிந்து கொண்டு அதனை உங்கள் மழைக்கால டயட்டில் சேர்த்துக் கொள்ள முயற்சி செய்யுங்கள்.

பால் மற்றும் பால் சார்ந்த பொருட்கள் : பாலில் அதிக அளவு கால்சியம் இருக்கிறது என்பதை நாம் அறிவோம். கால்சியம் தவிர பாலில் வைட்டமின் D மற்றும் புரோட்டீன் போன்ற கால்சியம் உறுஞ்சுவதற்கு உதவி புரியக்கூடிய அத்தியாவசிய ஊட்டச்சத்துக்களும் நிறைந்துள்ளது. பால், தயிர், சீஸ் மற்றும் பிற பால் சார்ந்த பொருட்களை உங்கள் அன்றாட உணவில் சேர்க்க முயற்சி செய்யுங்கள்.

பச்சை இலை காய்கறிகள் : கீரை, கேல், ப்ரோக்கோலி போன்ற பச்சை இலை காய்கறிகளில் ஏராளமான கால்சியம் நிறைந்துள்ளது. அதுமட்டுமல்லாமல் இவற்றில் எலும்பு உருவாக்கம் மற்றும் குணப்படுத்துவதற்கு அவசியமான வைட்டமின் K சத்தும் காணப்படுகிறது.

சால்மன் மீன் : கொழுப்பு நிறைந்த சால்மன் மீனில் ஒமேகா 3 கொழுப்பு அமிலங்கள் மட்டுமல்லாமல் நல்ல அளவு கால்சியமும் காணப்படுகிறது. வாரத்தில் இரண்டு அல்லது மூன்று முறை சால்மன் மீனை நம் உணவில் சேர்த்து சாப்பிடுவது வலுவான எலும்புகளை பெற உதவும்.

பாதாம் பருப்பு : பாதாம் பருப்பில் கால்சியம் மற்றும் பிற ஊட்டச்சத்துக்களான மெக்னீசியம், மாங்கனீசு, வைட்டமின் E போன்ற எலும்பு ஆரோக்கியத்திற்கு பங்களிக்கக்கூடிய பல சத்துக்கள் உள்ளது. மாலை நேரத்தில் ஏதாவது ஸ்நாக்ஸ் சாப்பிட்டால் நன்றாக இருக்கும் என்று தோன்றும் சமயத்தில் ஒரு கைப்பிடியளவு பாதம் சாப்பிடுங்கள். இது உங்களுக்கு ஊட்டச்சத்தை அளிப்பதோடு நொறுக்கு தீனி சாப்பிடுவதையும் தவிர்க்க உதவும்.

டோஃபு : சோயா பாலில் இருந்து தயாரிக்கப்படும் டோஃபு கால்சியத்தின் சிறந்த ஆதாரம். வெஜிடேரியன் அல்லது சைவ உணவு பிரியவர்களுக்கு டோஃபு அற்புதமான கால்சியம் சத்தின் மூலமாக செயல்படுகிறது.

எள் விதைகள் : எள் விதைகளில் கால்சியம் மட்டுமல்லாமல் மெக்னீசியம் மற்றும் பாஸ்பரஸ் போன்ற எலும்பு ஆரோக்கியத்தை ஊக்குவிக்க கூடிய பிற தாதுக்களும் காணப்படுகிறது. ஆகவே அன்றாட உணவில் சிறிதளவு எள் சேர்த்து சாப்பிடுவது எலும்புகளின் ஆரோக்கியத்தை பராமரிக்க உதவும்.

ஆரஞ்சு பழம் : ஆரஞ்சு பழம் வைட்டமின் C -இன் ஆதாரம் என்பதை நாம் அறிவோம். ஆனால் இப்பழத்தில் கால்சியம் சத்தும் ஏராளமாக உள்ளது. அதுமட்டுமல்லாமல் எழும்பு ஆரோக்கியத்திற்கு அத்தியாவசியமாக கருதப்படும் பொட்டாசியம் சத்தும் ஆரஞ்சு பழத்தில் காணப்படுகிறது.

மத்தி மீன் : இந்த சிறிய எண்ணெய் மீனில் கால்சியம் வைட்டமின் D மற்றும் ஒமேகா 3 கொழுப்பு அமிலங்கள் உள்ளதால் இது எலும்பு ஆரோக்கியத்திற்கு பெரிய அளவில் உதவுகிறது.

கால்சியம் நிறைந்த உணவுகளை சாப்பிடுவதைத் தவிர, ஆரோக்கியமான வாழ்க்கை முறையை பின்பற்றுவதும் அவசியமாக கருதப்படுகிறது. தினமும் உடற்பயிற்சி செய்வது, குறிப்பாக மிதமான நடைப்பயிற்சி அல்லது ஜாகிங் போன்றவை செய்வது எலும்பு அடர்த்தியை மேம்படுத்தி, அதனை வலுப்பெறச் செய்யும்.

மேலும் சூரிய வெளிச்சத்தில் அவ்வப்போது தினமும் நமது உடலை வெளிப்படுத்துவது உடலில் வைட்டமின் D ஊட்டச்சத்தை பெற உதவும். கால்சியம் சத்தை உறிஞ்சுவதற்கு வைட்டமின் D உதவுகிறது. போதுமான சூரிய வெளிச்சம் இல்லாத சமயத்தில் வைட்டமின் D சப்ளிமெண்ட்ஸ் எடுப்பதையும் ஒருவர் கருத்தில் கொள்ளலாம். ஆனால் எந்த ஒரு உணவு அல்லது மருந்தை சாப்பிடும் முன்பு மருத்துவரை ஆலோசிப்பது அவசியம்.

Read More

மழைக்காலத்தில் பாதுகாப்பான பயணத்திற்கு இந்த 7 டிப்ஸை ஃபாலோ பண்ணுங்க..!

 மழைக்காலத்தில் பயணம் செய்வது ஒரு வித்தியாசமான அனுபவமாக இருக்கும். சொந்த வாகனம் , பேருந்து, ரயில் என்று எதில் பயணித்தாலும், ஜன்னல் ஓரம் அமர்ந்து வெளியில் இருந்து காற்றுடன் மிதந்து வரும் சாரல் காற்றோடு , மழை பொழிந்து பசுமையுடனும் புத்துணர்ச்சியுடனும் மிளிரும் சூழலை ரசிப்பதே தனி சுகம். அதை ரசிப்பதற்காகவே பலர் மழை காலங்களில் சுற்றுலா செல்வர்.

சொந்த வாகனத்தில்  தூறல் மழை, குளிர்ந்த காற்றோடு  நீண்ட தூர சாலைகளில் நீண்ட நேரம் ஓட்டும் மகிழ்ச்சிக்கு ஈடு இணையே கிடையாது. நீங்களும் மழைக்கால பயணத்தை மிகவும் ரசிக்கிறீர்கள் என்றால், சில முக்கியமான விஷயங்களை மனதில் வைத்துக்கொண்டு உங்கள் பயணத்தைத் திட்டமிடுங்கள். அவை  பயணத்தின் போது உங்களைப் பாதுகாப்பாக வைத்திருக்கவும், சில சிக்கல்களைத் தவிர்க்கவும் உதவியாக இருக்கும்.

வானிலை முன்னறிவிப்பு : எங்கு செல்வதற்கு முன்னும், அங்குள்ள வானிலை நிலையை அறிந்து கொள்ளுங்கள். ஒரு இடத்திற்கு செல்லும் 1 வாரத்திற்கு முன்னரே அந்த இடத்தின் வானிலை மற்றும் எதாவது பேரிடர் எச்சரிக்கைகள் விடப்பட்டிருக்கிறதா என்று தெரிந்துகொண்டு செல்லுங்கள்.

வாகனத்தைச் சரிபார்க்கவும்: நீங்கள் சாலைப் பயணம் செய்யப் போகிறீர்கள் என்றால், பயணத்திற்கு பாதுகாப்பான வாகனத்தை சரியாக தேர்வு செய்யவும். சொந்த வாகனம் என்றால் வாகனத்தின் டயர்கள், பிரேக்குகள் மற்றும் விளக்குகள் போன்றவற்றை சர்வீஸ் சென்டரில் முழுமையாகச் சரிபார்த்தால் நல்லது. மழை பெய்யும்போது இடையில் எந்த பிரச்சனை வந்தாலும் சமாளிப்பது சிரமமாகிவிடும்.

வானிலைக்கு ஏற்ப பேக்கிங் செய்யுங்கள்: மழைநீரால் சேதமடையக்கூடிய பொருட்களை ஒன்றாக எடுத்துச் செல்லாதீர்கள். அதனுடன் ஒரு நீர்ப்புகா பையை எடுத்துச் செல்லவும். மொபைல், கேமரா, டார்ச் போன்றவற்றை வாட்டர் ப்ரூப் பைகளில் மட்டும் வைத்திருங்கள். ஈரமான ஆடைகள் அல்லது பொருட்களை வைக்க தனியாக ஒன்று அல்லது இரண்டு கூடுதல் பிளாஸ்டிக் பைகளை வைத்திருங்கள். அவற்றை ஒன்றாக போட்டால் நல்ல ஆடைகளும் வீணாகும். வாசம் வீசும்.

ஆடைகளின் தேர்வு: உங்கள் ஆடைகள் ஈரமான பிறகு எளிதில் உலரும் வகையில் இருப்பது முக்கியம். ரெயின்கோட், குடை, ஜாம்பூட் போன்றவற்றையும் சேர்த்து வைத்துக் கொள்ளலாம். நீர் புகாத பாதணிகளை எடுத்துச் செல்லுங்கள். அதே போல அடர்த்தியான எளிதில் காயாத ஆடைகளை தவிர்ப்பது நல்லது.

விதிகளைப் பின்பற்றவும்: மழைக்காலத்தில் சாலை மற்றும் போக்குவரத்து மாற்றங்களின் வழிகாட்டுதல்களை தெரிந்துகொண்டர் அதை சரியாக பின்பற்றவும். அதே போல வழிமாற்றங்கள் ஏதும் உள்ளதா என்பதையும் அறிந்து கொண்டு கிளம்புங்கள். அதே போல மாற்று பாதைகளையும் தெரிந்து வைத்துக்கொள்ளுங்கள். ஆப்லைன் மேப் வைத்திருப்பது முக்கியம்.

உணவு தண்ணீர் : பயணத்தின் போது போதுமான அளவு தண்ணீர் மற்றும் உணவுப் பொருட்களை உங்களுடன் வைத்துக் கொள்ளுங்கள். மழைக்காலத்தில் வெளியில் சாப்பிடும்  தண்ணீர் மற்றும்  உணவால் பிரச்னைகள் ஏற்பட வாய்ப்பு உள்ளது. ஆரோக்கியமான நீண்ட நாள் கெடாத உணவு பண்டங்களை கையில் வைத்துக்கொள்ளுங்கள். அதே போல அவச கால மருந்துகளையும் உடன் வைத்திருங்கள்.

ஃபோன் மூலம் தொடர்ந்து இணைந்திருங்கள்: உங்கள் வழித் தகவலை அல்லது திட்டத்தை உங்களுக்கு நெருக்கமாக  உள்ளவர்களுடன் பகிர்ந்து கொள்ளுங்கள். இதனால் ஏதேனும் தகவல் தொடர்பு செயலிழந்தால் அவர்கள் உங்களுக்கு உதவ முடியும். ஏதேனும் ஆபத்து என்றால் உடனடியாக உங்களை கண்டறியவும் இது உதவி செய்யும்.

Read More

உலகத்திலேயே மழையே பெய்யாத ஒரே கிராமம் எது தெரியுமா..? ஏன் அங்கு மழை பெய்வதில்லை..? விரிவான தகவல்கள்..!

 தென் மேற்கு பருவக்காற்று வீசி  பெய்யும்போது தான் இத்தனை மாதங்களாக கொளுத்தி எடுத்த வெயிலில் இருந்து தப்பித்தோம் என்ற ஆறுதலும் குளுமையான உணர்வும் ஏற்படுகிறது. இத்தனை நாட்கள் வறண்டு கிடந்த இடங்கள் எல்லாம் மழை பெய்தபிறகு தான் புத்துயிர் பெற்றது போல இருக்கிறது.

நிலத்தில் இருந்து நீர் ஆவியாகி பூமியின் வளிமண்டலத்தில் குளிர்ந்து மேகங்களை உருவாக்குகிறது. இந்த மேகங்கள் போதுமான அளவு கனமாக இருக்கும்போது, ​​​​குளிர்காற்று படும்போது அவை மழை வடிவத்தில் பூமியில் விழுகின்றன. உலகின் அனைத்து பகுதிகளும் அதிகமாகவோ அல்லது குறைவாகவோ மழையைப் பெறுகின்றன. ஆனால் உலகில் மழையே பெய்யாத இடம் இருக்கிறது என்று சொன்னால் நம்புவீர்களா?

அது எப்படி இருக்க முடியும். எல்லா இடங்களிலும் லேசான மழையாவது பொழியுமே என்று நீங்கள் யோசிக்கலாம். ஆனால் உண்மைதான். உலகில் மழையே பெய்யாத ஒரு கிராமம் உள்ளது.   பல ஆண்டுகளாக மழையின்றி அந்த கிராம மக்கள் தவித்து வருகின்றனர். அந்த கிராமத்தை பற்றி தான் இப்போது உங்களுக்கு சொல்ல இருக்கிறோம்.

ஏமன் நாட்டின் தலைநகர் சனாவில் தான் அல்-ஹுதீப் என்ற இந்த கிராமம் உள்ளது.  இந்த கிராமம்  தரை மட்டத்திலிருந்து சுமார் 3200 மீட்டர் உயரத்தில் ஒரு சிவப்பு மணற்கல் மலையின் உச்சியில் உள்ளது. மற்ற இடங்களை விட்டு உயரமாக இருந்தாலும் இந்த இடம் வறட்சியுடன் தான் காணப்படுகிறது.

உலகம் முழுவதும் வருடத்தின் வெவ்வேறு நேரங்களில் மழை பெய்கிறது.  ஆனால் அல் ஹுதைபே கிராமம் எப்போதும்  வறண்டு கிடக்கிறது.  இந்த கிராமத்தில் எப்போதும் மழை பெய்யாததால், வானிலை மிகவும் வறண்டு காணப்படும். பகலில் அதிகப்படியான வெப்பமும்  இரவில், கிராமத்தில் உறைபனி குளிரும் இறங்குகிறது.  மீண்டும் காலை சூரியன் உதிக்கும்போது வானிலை வெப்பமடைகிறது.

ஆனால் இந்த கிராமத்தில் ஏன் மழை பெய்வதில்லை என்ற கேள்வி எழும். அதற்கு  காரணம், எமனின் இந்த பகுதியில் நீர் ஆதாரங்கள் போதுமானதாக இல்லாதது மற்றும்  மேகங்கள் குவியாத உயரத்தில் கிராமம் அமைந்துள்ளது தான் காரணம்.  அதன் கீழ் அடுக்குகளில் மேகங்கள் குவிகின்றன.

அல் ஹுதைப் கிராமத்தின் இடம் சமவெளியில் இருந்து சுமார் 3200 மீட்டர் உயரத்தில் உள்ளது.  சாதாரண மழை மேகங்கள் சமவெளியில் இருந்து 2000 மீட்டருக்குள் குவியும்.  எனவே அல்-ஹுதைபின் மீது மேகங்கள் குவிவதில்லை.  மேலும் மேகங்கள் இல்லாவிட்டால் மழை பெய்ய வாய்ப்பில்லை. அதனால் தான் இங்கு மழைக்கான பேச்சே இல்லை.

Read More

இனிப்பு சாப்பிடும் ஆசையை கட்டுப்படுத்தனுமா..? உங்களுக்கான டிப்ஸ் தான் இது.!

 இனிப்புகள் என்றால் யாருக்குத்தான் பிடிக்காது! குழந்தைகள் முதல் பெரியவர்கள் வரையில் எல்லோருக்கும் இனிப்புகள் என்றால் அலாதி பிரியம்தான். இனிப்புகளை சாப்பிட வேண்டும் என்ற ஆசை மனதில் எழும்போது ஓரிருவாய் சுவைத்து விட்டு நிறுத்திக் கொள்வதில் தவறில்லை தான்.

ஆனால் நம் மனமும், வாயும் அத்தோடு கட்டுப்பட்டு நிற்குமா என்ன! அடுத்தடுத்து இன்னும் கொஞ்சம், இன்னும் கொஞ்சம் என்ற வகையில் இனிப்புகளை நாம் சுவைத்துக் கொண்டே இருப்போம். ஏனென்றால் நம் நாக்கும், மனமும் இனிப்புகளுக்கு அடிமை என்பதில் மாற்று கருத்து இல்லை.

அதேசமயம் அளவுக்கு அதிகமான இனிப்புகள் என்பது நம் ஆரோக்கியத்திற்கு கேடு விளைவிக்கும் என்பதிலும் மாற்று கருத்து இல்லை. ஆகவே எதனால் இனிப்பு சாப்பிட வேண்டும் என்ற எண்ணம் மேலோங்குகிறது என்பதனை கண்டறிந்து அதை கட்டுப்படுத்த வேண்டிய தேவை நமக்கு இருக்கிறது.

ஆனால், நம் மனதில் இனிப்பு காண வேட்கையை தூண்டுவது எது என்ற காரணத்தை துல்லியமாக கணிப்பது மிக சவாலான காரியம். இந்த நிலையில் இனிப்புகளை குறைத்துக் கொள்வது எப்படி என்பது குறித்து பிரபல ஊட்டச்சத்து நிபுணர் லோவ்நீத் பாத்தரா விளக்கம் அளித்தார்.

இது குறித்து அவர் கூறுகையில், “இனிப்புகளுக்கான வேட்கை என்பது மிகவும் இயல்பான விஷயம்தான். ஏதோ ஒன்று சிறப்பாக வேண்டும் என்ற நம் சிந்தனையின் விளைவாகவே இனிப்புகளை சாப்பிட தோன்றுகிறது. ஆனால் உண்மையில் உடலுக்கு இனிப்புகள் தேவைப்படாது. அதேசமயம் இனிப்புகளை சாப்பிட வேண்டும் என்ற ஆவல் கட்டுப்பாடு இல்லாமல் போனது என்றால் உங்கள் உணவுப் பழக்கம் குறித்து நீங்கள் அக்கறை செலுத்த வேண்டி இருக்கும்” என்று தெரிவித்தார்.

இனிப்பு சாப்பிடும் ஆசையை கட்டுப்படுத்துவது எப்படி ?

நம் உடலில் இன்சுலின் அளவை சீராக வைத்திருக்க உதவும் சில தாதுக்கள் குறையும் பட்சத்தில் இனிப்பு சாப்பிட வேண்டிய வேட்கை அதிகரிக்கும்.

ஆரோக்கியமான கொழுப்பு உள்ள உணவுகளை சாப்பிடுவதன் மூலமாக இனிப்புகளுக்கான ஆசையை கட்டுப்படுத்த இயலும். ஏனென்றால் உடலுக்கு தேவையான ஆற்றல் கொழுப்புகளிலிருந்து கிடைத்துவிடும்.

புரதம், நார்ச்சத்து, மெக்னீசியம் மற்றும் ஜிங்க் போன்ற சத்துக்கள் நிறைந்த தாவர உணவுகளை மிக அதிகமாக எடுத்துக் கொள்ள வேண்டும். ஜிங்க் மற்றும் மெக்னீசியம் போன்ற தாதுக்களின் அளவு உடலில் குறைந்தால் அதுவும் கூட சர்க்கரை தேடலுக்கு காரணமாக அமைந்து விடும்.

நம் உடலுக்கு போதுமான தூக்கம் அவசியமானது. தூக்கம் இல்லை என்றால் உடனடி ஆற்றல் பெறும் நோக்கில் நாம் இனிப்புகளை சாப்பிட தூண்டப்படுவோம். நாளொன்றுக்கு குறைந்தபட்சம் 7 மணி நேரம் முதல் 9 மணி நேரம் வரையிலான தூக்கம் மிகவும் அவசியமாகும்.

Click here for more Health Tip

 Click here to join whatsapp group for daily health tip

Read More

அடிக்கடி கொட்டாவி வந்தா அலட்சியமா நினைக்காதீங்க... இது கூட பிரச்சனையா இருக்கலாம்..!

 நமது உடல் சோர்வாக இருக்கும் பொழுது அல்லது அலுப்பாகும் பொழுது அல்லது ஓய்வு தேவைப்படும் பொழுது இயற்கையான எதிரொலியாக கொட்டாவி உண்டாகிறது. ஆனால் எந்தவொரு தெளிவான காரணமும் இல்லாமல் அடிக்கடி உங்களுக்கு கொட்டாவி வருகிறது என்றால் அது ஏதேனும் ஒரு நோயின் அறிகுறியாக . அடிக்கடி கொட்டாவி வருவதற்கான ஒரு சில காரணங்கள் என்ன என்பதை இப்பொழுது புரிந்து கொள்வோம்.

1. போதுமான தூக்கம் இல்லாமை மற்றும் சோர்வு: நீண்ட நாட்களாக உங்கள் உடல் சோர்வாக காணப்பட்டாலோ அல்லது உங்களுக்கு போதுமான தூக்கம் கிடைக்கவில்லை என்றாலோ உங்களுக்கு அடிக்கடி கொட்டாவி வருவதற்கான வாய்ப்பு உள்ளது. உடலுக்கு தேவையான ஓய்வு கிடைக்காத பொழுது கொட்டாவியை ஏற்படுத்துவதன் மூலமாக ஆக்சிஜன் உள்ளெடுப்பு அதிகரிக்கப்பட்டு, தற்காலிகமாக எச்சரிக்கை உணர்வை அதிகரிக்கிறது. நீங்கள் போதுமான அளவு தூங்கிய பிறகும் அளவுக்கு அதிகமாக உங்களுக்கு கொட்டாவி வருகிறது என்றால், உங்கள் உடலானது சோர்வுடன் போராடி வருகிறது என்று அர்த்தம்.

2. தூக்க கோளாறுகள்: ஒரு சில தூக்க கோளாறுகள் காரணமாக அதிகப்படியான கொட்டாவி ஏற்படலாம். தூக்கத்தில் மூச்சு விடுவதில் சிரமத்தை ஏற்படுத்தும் ஸ்லீப் ஆப்னியா இருக்கும் நபர்கள் பகல் நேரத்தில் தூக்க கலக்கத்துடன் காணப்படுவார்கள். மேலும் அடிக்கடி கொட்டாவி விடுவார்கள். கூடுதலாக கட்டுப்படுத்த இயலாத தூக்கத்தை ஏற்படுத்தும் நார்கோலெப்சி என்ற பிரச்சினையினால் அவதிப்பட்டு வரும் நபர்களின் உடல் தன்னை விழிப்பாக வைத்துக் கொள்ள அதிகப்படியான கொட்டாவியை உருவாக்கும்.

3. மருந்துகளின் விளைவுகள்: ஒரு சில மருந்துகளின் பக்க விளைவாக அதிகப்படியான கொட்டாவி ஏற்படலாம். மத்திய நரம்பு மண்டலத்தை பாதிக்கக்கூடிய ஆன்டி டிப்ரசன்ட்கள், ஆன்டி சைக்கோடிக்ஸ் மற்றும் சடேடிவ்ஸ் போன்ற மருந்துகளின் விளைவாக அடிக்கடி கொட்டாவி தூண்டப்படும். ஏதேனும் புதிய மருந்து சாப்பிட தொடங்கி இருக்கும் சமயத்தில் உங்களுக்கு அடிக்கடி கொட்டாவி வருகிறது என்றால் இது குறித்து உங்கள் மருத்துவரிடம் பேசுவது அவசியம்.

4. பதட்டம் மற்றும் மன அழுத்தம்: பதட்டம் மற்றும் மன அழுத்தத்தால் பாதிக்கப்பட்டுள்ளதன் விளைவாக கொட்டாவி உருவாகலாம். அதிகப்படியான டென்ஷன் ஏற்படும் சமயத்தில், நமது உடல் அதனை சமாளிக்க ஆழமான மூச்சுகள் மற்றும் ஆக்சிஜன் உள்ளெடுப்பை அதிகரிக்க முயற்சி செய்கிறது. மூச்சு சுழற்சியை கட்டுப்படுத்தவும், மன அழுத்தத்தை குறைக்கவும் கொட்டாவி உதவி புரிகிறது. மன அழுத்தம் நிறைந்த சமயத்தில் உங்களுக்கு அடிக்கடி கொட்டாவி வருகிறது என்றால், உங்களின் மன அழுத்தத்தை கட்டுப்படுத்த வேண்டிய முயற்சிகளில் நீங்கள் ஈடுபட வேண்டும் என்று புரிந்து கொள்ளுங்கள்.

5. உடல்நலக் கோளாறுகள்: ஒரு சில நோய்களின் காரணமாகவும் அடிக்கடி கொட்டாவி ஏற்படலாம். மல்டிபிள் ஸ்கிலீரோசிஸ், மைக்ரெய்ன் அல்லது எபிலெப்சி போன்ற நரம்பு கோளாறுகள் இதில் அடங்கும். மேலும் அதிகப்படியான கொட்டாவி இதயம் சார்ந்த நோய்களுக்கான அறிகுறியாகவும் இருக்கலாம். உங்களுக்கு எந்த ஒரு காரணமும் இல்லாமல் அடிக்கடி கொட்டாவி வருகிறது என்றால் அதனை அலட்சியப்படுத்தாமல் உடனடியாக மருத்துவரை ஆலோசித்து அதன் காரணத்தையும், அதற்கான சிகிச்சையும் பெறுவது அவசியம்.

Click here for more Health Tip

 Click here to join whatsapp group for daily health tip

Read More

ஆண்களை பாதிக்கும் பொதுவான நோய்கள் என்ன..? அபாயங்களை குறைப்பது எப்படி.?

 ஆரோக்கியத்தை பொறுத்தவரை பெண்களை விட ஆண்கள் சில நேரங்களில் தனித்துவ சிக்கல்களை எதிர்கொள்கின்றனர். தவிர சில குறிப்பிட்ட நோய்களுக்கு எளிதில் பாதிக்கப்படுகின்றனர். இந்த அபாயங்களை கருத்தில் கொண்டு நோய்களால் எளிதில் பாதிக்கப்படாமல் உரிய தடுப்பு நடவடிக்கைகளை மேற்கொள்வது ஆண்களின் ஆரோக்கியத்தை கணிசமாக மேம்படுத்தும். இங்கே ஆண்களுக்கு ஏற்படும் பொதுவான நோய்கள் பற்றியும், நோய் அபாயங்களை குறைப்பதற்கான வழிகளை பற்றியும் பார்ப்போம்.

READ MORE

கார்டியோவாஸ்குலர் நோய்:

இதய நோய் மற்றும் ஸ்ட்ரோக் உள்ளிட்ட கார்டியோவாஸ்குலர் நோய்கள் ஆண்களிடையே ஏற்படும் மரணத்திற்கு முக்கிய காரணங்களாக உள்ளன. உயர் ரத்த அழுத்தம், ஹை கொலஸ்ட்ரால், புகைபழக்கம், உடல் பருமன் மற்றும் உடல் செயல்பாடுகளற்ற உட்கார்ந்தே இருக்கும் வாழ்க்கை முறை போன்ற காரணிகள் இந்த ஆபத்தான நிலைமைகளின் வளர்ச்சிக்கு பங்களிக்கின்றன. கார்டியோவாஸ்குலர் நோய் ஆபத்தை குறைக்க, ஆண்கள் கண்டிப்பாக செய்ய வேண்டிய விஷயங்கள் இங்கே பட்டியலிடப்படுள்ளன.

• ஆரோக்கியமான உணவுமுறை - ஆண்கள் தங்கள் டயட்டில் ஊட்டச்சத்துக்கள் மிக்க பழங்கள், காய்கறிகள், முழு தானியங்கள், லீன் ப்ரோட்டீன்களை சேர்த்து கொள்ள வேண்டும்.சேச்சுரேட்டட் ஃபேட்ஸ் , கொலஸ்ட்ரால் மற்றும் சோடியம் உட்கொள்ளலை கட்டுப்படுத்த வேண்டும்.
• வழக்கமான உடல் செயல்பாடுகள் - ஸ்ட்ரென்த் ட்ரெயினிங் பயிற்சிகளுடன் இணைந்து வாரத்திற்கு குறைந்தபட்சம் 150 நிமிடங்கள் மிதமான தீவிரம் கொண்ட ஏரோபிக் உடற்பயிற்சியை மேற்கொள்ள வேண்டும்.
• புகை மற்றும் மது - ஆரோக்கியத்திற்கு தீங்கு விளைவிக்கும் மது மற்றும் புகைப்பழக்கத்தை முற்றிலும் தவிர்க்க வேண்டும் அல்லது கணிசமாக கட்டுப்படுத்த வேண்டும்.
• ரத்த அழுத்தம் மற்றும் கொலஸ்ட்ரால் - சீரான இடைவெளியில் ஆண்கள் தங்களது ரத்த அழுத்தம் மற்றும் கொலஸ்ட்ரால் லெவலை கண்காணித்து கொண்டே இருக்க வேண்டும். இதற்காக வழக்கமான பரிசோதனைகள் மற்றும் நிபுணர்கள் பரிந்துரைக்கும் மருந்துகளை பின்பற்றுவது அவசியம்.

ப்ராஸ்டேட் கேன்சர்:

ஆண்களை பாதிக்கும் மிக பொதுவான புற்றுநோய்களில் ஒன்றாக இருக்கிறது ப்ராஸ்டேட் கேன்சர். இதனை துவக்கத்திலே கண்டறிவது பாதிப்புகளை குறைத்து வெற்றிகரமான சிகிச்சைக்கு உதவும். குறிப்பாக 50 வயதிற்கு மேற்பட்ட ஆண்கள் அல்லது குடும்பத்தில் ஏற்கனவே இந்த வகை கேன்சரால் பாதிக்கப்பட்டவர்கள் இருந்தால் ஆண்கள் வழக்கமான பரிசோதனையை கருத்தில் கொள்ள வேண்டும். கூடுதலாக, பின்வரும் நடவடிக்கைகள் இந்த கேன்சர் ஆபத்தை குறைக்க உதவும்:

• ஆரோக்கியமான எடை - உடல் பருமன் ப்ரோஸ்டேட் புற்றுநோய் அபாயத்துடன் இணைக்கப்பட்டுள்ளது. எனவே சீரான உணவு மற்றும் வழக்கமான உடற்பயிற்சி மூலம் ஆரோக்கியமான எடையை பராமரிக்க முக்கியத்துவம் கொடுங்கள்.
• சத்தான உணவுகள் - பழங்கள் மற்றும் காய்கறிகள் நிறைந்த டயட்டை பின்பற்றுங்கள். இதன் மூலம் அத்தியாவசிய வைட்டமின்கள், தாதுக்கள் மற்றும் ஆன்டிஆக்ஸிடன்ட்ஸ் கிடைக்கும். கேன்சர் அபாயம் குறையும்.
• பதப்படுத்தப்பட்ட உணவுகளை கட்டுப்படுத்துங்கள்- சிவப்பு இறைச்சி மற்றும் பதப்படுத்தப்பட்ட இறைச்சிகளை சாப்பிடுவதை குறைத்து கொள்ள வேண்டும். ஏனெனில் இவை ப்ரோஸ்டேட் புற்றுநோய் அபாயத்துடன் தொடர்புடையவை.
• ஸ்கிரீனிங் ஆப்ஷன்ஸ் - prostate-specific antigen டெஸ்ட்டிங் போன்ற ப்ரோஸ்டேட் கேன்சர் ஸ்கிரீனிங் சோதனைகளின் நன்மைகள் மற்றும் சாத்திய அபாயங்களை புரிந்து கொள்ள நிபுணர்களை கலந்தாலோசிக்கலாம்.

• நுரையீரல் புற்றுநோய்:

  ஆண்களிடையே காணப்படும் புகைப்பழக்கம் காரணமாக அவர்களுக்கு நுரையீரல் புற்றுநோய் அபாயம் அதிகமாக உள்ளது. எனவே கேன்சர் அபாயத்தை குறைக்க புகைப்பழக்கத்தை கைவிட வேண்டும். கூடுதல் தடுப்பு நடவடிக்கைகள் என்னென்ன என்பதை பார்க்கலாம்

  • செகண்ட் ஹேண்ட் ஸ்மோக்கிங்கிற்கு வெளிப்படுவதை தவிர்க்க வேண்டும்.
  • தொடர் இருமல், மூச்சுத் திணறல், மார்பு வலி அல்லது விவரிக்க முடியாத எடை இழப்பு உள்ளிட்ட அறிகுறிகளை பற்றி எச்சரிக்கையாக இருக்க வேண்டும். மேலும் இந்த அறிகுறிகளில் ஏதேனும் ஒன்றை அனுபவிக்க நேர்ந்தால் உடனடியாக சுகாதார நிபுணரை சந்திக்க வேண்டும்.

  நீரிழிவு நோய்:

  பெண்களை விட ஆண்களுக்கு டைப் 2 நீரிழிவு நோய் ஏற்படுவதற்கான வாய்ப்புகள் அதிகம். இந்த நிலையை சரியாக நிர்வகிக்கப்படாவிட்டால் கடும் சிக்கல்களுக்கு வழிவகுக்கும். எனவே நீரிழிவு அபாயத்தைக் குறைக்க ஆரோக்கியமான எடையை பராமரிப்பது, சர்க்கரை பானங்கள் மற்றும் பதப்படுத்தப்பட்ட உணவுகள் சாப்பிடுவதை கட்டுப்படுத்துவது, ரத்த சர்க்கரை அளவை சீரான இடைவெளியில் பரிசோதித்து கொள்வது உள்ளிட்டவற்றை பின்பற்றுவது அவசியம்.

• ஆண்கள் தங்கள் ஆரோக்கியத்தை பற்றி எச்சரிக்கையாக இருப்பது தீவிர பாதிப்பு ஏற்படுத்தும் நோய்களின் அபாயங்களை தவிர்த்து கொள்வதில் முக்கிய பங்கு வகிக்கும். தவிர வழக்கமான சோதனைகள் மற்றும் எச்சரிக்கை அறிகுறிகளைப் புரிந்து கொள்வது தங்கள் நல்வாழ்வை ஆண்கள் உறுதிப்படுத்தி கொள்ள சிறந்த வழி.

Click here for more Health Tip

 Click here to join whatsapp group for daily health tip

Read More

காலையில் எலுமிச்சை சாறு , தேன் கலந்த தண்ணீர் பருகுவது ஆபத்தா..? வெறும் வயிற்றில் சாப்பிடக்கூடாத உணவுகளின் பட்டியல்..!

 இரவு நேர உணவுக்கு பின் நீண்ட இடைவெளிக்குப் பிறகு காலை உணவு சாப்பிடுவதாலும், அன்றைய தினத்திற்கான புத்துணர்ச்சியை வழங்குவதாலும் காலை உணவு மிக அவசியமாகிறது. சிலர் காலையில் வயிறு நிரம்ப சாப்பிடுகின்றனர். இன்னும் சிலர் அளவோடு சாப்பிடுகின்றனர்.

எவ்வளவு சாப்பிடுகிறோம் என்பது ஒரு பக்கம் இருந்தாலும், காலையில் வெறும் வயிற்றுடன் இருக்கும்போது என்ன சாப்பிடலாம், என்ன சாப்பிடக் கூடாது என்பது முக்கியத்துவம் வாய்ந்த விஷயமாக உள்ளது. நம் சந்தேகங்கள் அனைத்திற்கும் தீர்வு அளிக்கும் வகையில் ஊட்டச்சத்து நிபுணர் நேஹா சஹாயா இன்ஸ்டாகிராமில் பல்வேறு ஆலோசனைகளை பகிர்ந்துள்ளார். குறிப்பாக 4 விதமான உணவுகளை சாப்பிட கூடாது என்று அவர் சுட்டிக்காட்டியுள்ளார்.

தேன் மற்றும் எலுமிச்சை சாறு : கொழுப்பை குறைக்க வேண்டும் என்ற எண்ணத்தில் பலர் காலையில் தேன் மற்றும் எலுமிச்சை சாறு கலந்து அருந்துகின்றனர். ஆனால், சர்க்கரையை காட்டிலும் தேனில் கலோரிகள் மிக அதிகம் என்பதாலும், தற்போது மார்க்கெட்டில் தேன் என்ற பெயரில் ரைஸ் சிரப் வருவதாலும் இதை எடுத்துக் கொள்வது சரியல்ல என்று நேஹா தெரிவிக்கிறார். இது ரத்த சர்க்கரை அளவை அதிகரிக்கும் என்று அவர் எச்சரிக்கிறார்.

டீ மற்றும் காஃபி : அதிகாலை பொழுதில் நம் எல்லோருக்குமே புத்துணர்ச்சி தரக் கூடிய பாகங்களாக இவை இருப்பினும், பலருக்கு அமில சுரப்பை அதிகப்படுத்தி செரிமான பிரச்சினைகளை உண்டாக்குமாம். தூங்கி எழுந்து குறைந்தபட்சம் ஒரு மணி நேரம் அல்லது இரண்டு மணி நேரத்திற்கு இதுபோன்ற பானங்களை தவிர்க்க வேண்டும் அல்லது உணவுடன் சேர்த்து அருந்த வேண்டும் என்று நேஹா அறிவுறுத்துகிறார்.

இனிப்பான உணவுகள் : காலையிலேயே ரத்த சர்க்கரை அளவுகள் விறுவிறுவன ஏறுவதை தடுக்க வேண்டும் என்றால், இனிப்பான உணவுகளை நாம் கட்டாயம் தவிர்க்க வேண்டும். இது மாவுச்சத்து வேட்கையை தூண்டும் மற்றும் ஆற்றலை மட்டுப்படுத்தும்.

பழங்கள் : பழங்கள் ஆரோக்கியமானவை மற்றும் சத்தானவை என்றாலும், அவை எளிதில் செரிமானம் ஆகக் கூடியவை ஆகும். இதனால் உடனடியாக பசி எடுக்கும். மேலும் சிட்ரஸ் பழங்களை காலையில் சாப்பிட்டால் அல்சர் உண்டாகும்.

அதே சமயம் காலை வேளையில் புரதச்சத்து உணவுகள், நட்ஸ், ஆரோக்கியமான கொழுப்பு உணவுகள் போன்றவற்றை எடுத்துக் கொள்ளலாம் என்று நேஹா தெரிவித்தார்.

கவனத்தில் கொள்ள வேண்டிய விஷயங்கள்: ஒவ்வொரு தனிநபரின் உடல்நிலையும் வெவ்வேறான தன்மையை கொண்டிருக்கும். சில உணவுகள் சிலருக்கு ஒவ்வாமையை கொடுக்கலாம். ஆகவே உங்கள் உடல்நிலைக்கு தகுந்த உணவுகளை எடுத்துக் கொள்வது குறித்து ஊட்டச்சத்து நிபுணர்களை கலந்து ஆலோசிக்கவும்.

Click here for more Health Tip

 Click here to join whatsapp group for daily health tip

Read More

இதயத்தை வலுவாக வைத்திருக்க உதவும் ஆரோக்கிய பழக்கங்கள் - விளக்கும் நிபுணர்.!

 கார்டியோவாஸ்குலர் நோய்கள் அதிலும் குறிப்பாக கடந்த பல ஆண்டுகளாக ஹார்ட் அட்டாக், உலகளவில் அதிக உயிர்களை பலி வாங்கும் நோய்களில் முதலிடத்தில் உள்ளது. வயது வித்தியாசம் இன்றி இளைஞர்கள் முதல் பெரியவர்கள் அரை பலரும் ஹார்ட் அட்டாக்-கால் பாதிக்கப்பட்டு உயிரிழந்து வருகின்றனர்.

மேற்கத்திய நாடுகளில் வாழும் மக்களை விட இந்தியர்களுக்கு சுமார் 10 - 15 வருடங்கள் முன்னதாகவே ஹார்ட் அட்டாக் வருவதற்கான வாய்ப்புகள் அதிகம் இருப்பதாக நிபுணர்கள் குறிப்பிடுகின்றனர். சமீபத்திய புள்ளிவிவரங்கள் ஹார்ட் அட்டாக்கால் பாதிக்கப்பட்டிருக்கும் 40 வயதுக்கு குறைவானவர்களின் சதவீதம் சுமார் 40% ஆக இருப்பதை வெளிப்படுத்தி இருக்கிறது. பெங்களூர் எலக்ட்ரானிக் சிட்டியில் இருக்கும் காவேரி மருத்துவமனை மருத்துவரான ஞானதேவ் இதய நோய் பற்றியும், இதயத்தை வலுவாக வைத்திருக்க உதவும் ஆரோக்கியமான பழக்கங்கள் பற்றியும் கூறியுள்ளார்.

ஹார்ட் அட்டாக் என்பது ஒரு லைஃப் ஸ்டைல் டிசீஸ் ஆகும், இந்த பாதிப்பு ஏற்படுவதற்கான முக்கிய காரணமாக ஆரோக்கியமற்ற வாழ்க்கைமுறை இருக்கலாம். இதய தசைகளுக்கு (heart muscle) ரத்தம் வழங்கும் ரத்த நாளங்களில் கொழுப்பு படிவதால் ஹார்ட் அட்டாக் ஏற்படுகிறது. பொதுவாக ஹார்ட் அட்டாக் ஏற்படுவதற்கு காரணமாக இருக்கும் இந்த ஃபேட் டெபாசிட் , ஒருவரின் 11 வயதிற்கு மேலில் இருந்து துவங்குவதாக நிபுணர்கள் குறிப்பிடுகிறார்கள். எனவே எதிர்காலத்தில் ஹார்ட் அட்டாக் ஏற்படுவதை தடுப்பதற்கான நடவடிக்கைகள் சிறு வயதிலேயே தொடங்க வேண்டும். இதற்கு குறிப்பிடத்தக்க நடத்தை மாற்றங்கள் மற்றும் விழிப்புணர்வு தேவை.

காரணிகள்: பொதுவாக இதய நோய்களுக்கான ஆபத்து காரணிகள் மாற்றியமைக்கக்கூடியது மற்றும் மாற்றியமைக்க முடியாதது என வகைப்படுத்தப்பட்டுள்ளன. மாற்ற முடியாத ஆபத்து காரணிகளில் வயது, பாலினம், ஜெனிடிக் மேக்கப் அல்லது குடும்ப வரலாறு ஆகியவை ஆகும். மாற்ற கூடிய ஆபத்து காரணிகளில் உயர் ரத்த அழுத்தம், நீரிழிவு நோய், சிகரெட் பழக்கம், ஹை கொலஸ்ட்ரால், உடல் பருமன், உட்கார்ந்தி இருக்கும் வாழ்க்கை முறை மற்றும் ஆரோக்கியமற்ற உணவுப் பழக்கங்கள் உள்ளிட்டவை அடங்கும். இதய நலனுக்காக ஆரோக்கியமான மற்றும் சமச்சீரான உணவுகளை டயட்டில் சேர்த்து கொள்வது மிக முக்கியம். இதயத்திற்கான ஆரோக்கியமான உணவுகள் என்று பார்க்கும் போது டயட்டில் காய்கறிகள் மற்றும் பழங்கள், பீன்ஸ், மீன், குறைந்த கொழுப்புள்ள பால் உணவுகள், முழு தானியங்கள், ஆலிவ் ஆயில் போன்ற ஆரோக்கிய கொழுப்புகள், அதிக நார்ச்சத்து மற்றும் குறைந்த கொழுப்பு கொண்ட உணவுகளை அதிகம் சேர்க்க வேண்டும்.

தவிர்க்க வேண்டிய அல்லது கட்டுப்படுத்த வேண்டிய உணவுகளில் உப்பு, சர்க்கரை, ஆல்கஹால், ரெட் மீட், முழு கொழுப்பு பால் பொருட்கள் மற்றும் நன்கு வறுத்த உணவுகள் உள்ளிட்ட பல அடங்கும். இளம் வயதினருக்கு ஹார்ட் அட்டாக் ஏற்படுவதற்கான முக்கிய காரணங்களில் ஒன்றாக சிகரெட் பழக்கம் இருக்கிறது. புகைப்பழக்கம் ரத்த அழுத்தம் மற்றும் inflammation-ஐ அதிகரிக்கிறது, இதனால் இதயத்திற்கு ரத்தத்தை எடுத்து செல்லும் ரத்த நாளங்களில் கொழுப்பு படிவது அதிகரிக்கிறது.

புகைபிடிப்பவர்கள் இந்த பழக்கத்தை நிறுத்திய உடனேயே இதய நோய்க்கான அபாயம் குறையத் தொடங்குகிறது, புகைப்பதை நிறுத்திய 1 வருடத்திற்குப் பின் இதய நோய்களுக்கான ஆபத்து 50% குறைகிறது. தவிர போதுமான உடல்செயல்பாடுகள் இல்லாதது இதய நோய்கள் ஏற்படுவதற்கான மற்றொரு ஆபத்து காரணி. வழக்கமான அடிப்படையில் உடல்செயல்பாடுகளில் ஈடுபடுவது எடையை கட்டுப்படுத்துகிறது, ரத்த அழுத்தம் மற்றும் கொழுப்பை கட்டுக்குள் வைக்கிறது மற்றும் நீரிழிவு அபாயத்தை குறைக்கிறது. எனவே வாரத்திற்கு குறைந்தது 150 நிமிடங்கள் விறுவிறுப்பான நடைப்பயிற்சி போன்ற மிதமான தீவிரம் கொண்ட உடற்பயிற்சிகள் அல்லது 75 நிமிட தீவிர ஏரோபிக் ஆக்டிவிட்டி உள்ளிட்டவற்றில் ஈடுபட டாக்டர் ஞானதேவ் வலியுறுத்துகிறார்..

குறிப்பாக 40 வயதிற்கு மேற்பட்டவர்கள் very high intensity பயிற்சிகளில் கவனம் செலுத்தாஹ் வேண்டியதில்லை. ஒருவேளை அப்படி செய்ய வேண்டும் என்றால் ஒருவர் தனது இதய ஆரோக்கியத்தை நிபுணரிடம் சென்று மதிப்பீடு செய்து கொள்ள வேண்டும். இதயத்தை ஆரோக்கியமாக வைத்திருக்க சிறு வயது முதலே ஆரோக்கியமான எடை மற்றும் சரியான BMI லெவலை பராமரிப்பதும் முக்கியம். இந்தியர்களுக்கு உகந்த BMI லெவல் 23-க்கும் குறைவாக இருக்க பரிந்துரைக்கப்படுகிறது. பெண்கள் குறிப்பாக 102 செ.மீ மற்றும் 89 செ.மீ.க்கும் குறைவான இடுப்பு சுற்றளவை பராமரிக்க பரிந்துரைக்கப்படுகிறது.

நாளொன்றுக்கு 7 - 8 மணிநேரம் நிம்தியான தூக்கத்தை ஒருவர் தவிர்க்க கூடாது. மனஅழுத்தத்தை நிர்வகிப்பதும் முக்கியம். ஏனென்றால் மன அழுத்தம் கார்டிசோல் மற்றும் இதயத்திற்கு தீங்கு விளைவிக்கும் பிற ஹார்மோன் லெவலை அதிகரிக்க செய்யும். ஒருமுறை இதய நோய்கள் வந்துவிட்டால் பெரும்பாலும் அதிலிருந்து முற்றிலும் மீள முடியாது என்றாலும் கட்டுப்படுத்த முடியும். எனவே இதய நோய் வராமல் தடுக்க உரிய முன்னெச்சரிக்கை நடவடிக்கைகளை சிறு வயதிலேயே தொடங்க வேண்டும் என நிபுணர் அறிவுறுத்துதுகிறார்.

Click here for more Health Tip

 Click here to join whatsapp group for daily health tip

Read More

உங்கள் குழந்தைகள் அடிக்கடி கண்களை கசக்கிக்கொண்டே இருக்கிறார்களா..? அதற்கு காரணம் இதுதான்..!

 இன்றைய வாழ்க்கைச் சூழலில் குழந்தைகள் மற்றும் வளர் இளம் பருவத்தினர் எதிர்கொள்ளும் முக்கிய பிரச்சினைகளில் ஒன்றாக கண் வறட்சி பிரச்சினை மாறி வருகிறது. இது கண்களுக்கு மிகுந்த அசௌகரியத்தை ஏற்படுத்தும். காலைப் பொழுதில் எழுந்த உடனே கண்களில் மணல், மணலாய் அழுக்கு வெளியேறும் மற்றும் எரிச்சல் உணர்வு ஏற்படும்.

அன்றைய நாள் முழுவதும் இந்த பிரச்சினை தீவிரமடையும். இதன் காரணமாக குழந்தைகளுக்கு பார்வை மங்கலாக மாறலாம். ஆனால், கண் வறட்சி என்பது நீண்டகால பார்வை பிரச்சினைகளை ஏற்படுத்தாது. கண் வறட்சிக்கு பல காரணங்கள் இருக்கின்றன. பெரும்பாலும் வானிலை வறட்சியின் காரணமாக கண்களிலும் எரிச்சல் ஏற்படுகிறது.

இத்துடன் புகைமூட்டம் அல்லது மாசுபாடு போன்ற காரணங்களாலும் வறட்சி ஏற்படலாம். சிலருக்கு அலர்ஜி காரணமாகவும் கண்களில் எரிச்சல் ஏற்படும். உங்கள் குழந்தைகளின் கண் நலன் காப்பதற்கு கண் மருத்துவரை அணுகி நீங்கள் சிகிச்சை அளிக்கலாம். அதே சமயம், வீட்டிலேயே சில எளிய தீர்வுகளை முயற்சி செய்யலாம்.

குழந்தைகளுக்கு கண் வறட்சி ஏற்பட காரணம் என்ன? குழந்தைகளின் அன்றாட பணிகள் அல்லது நடவடிக்கைகளில் கண்களில் வறட்சி ஏற்பட காரணமாக அமைகின்றன. நீண்ட நேரம் வாசிப்பது, கம்ப்யூட்டர் பார்ப்பது, வீடியோ சாதனங்களில் விளையாடுவது மற்றும் தூசு நிறைந்த இடத்தில் விளையாடுவது போன்ற காரணங்களால் கண்களில் அரிப்பு மற்றும் எரிச்சல் உணர்வு ஏற்படலாம்.

கடுமையான அலர்ஜிகள்,  ஊட்டச்சத்து குறைபாடு போன்ற காரணங்களாலும் குழந்தைகளுக்கு கண் எரிச்சல் ஏற்பட வாய்ப்பு உண்டு. பெரும்பாலும் கண் சார்ந்த பிரச்சினைகளை குழந்தைகளுக்கு விவரிக்க தெரியாது. இத்தகைய சூழலில் குழந்தைகள் என்ன விதமான பிரச்சினைகளை எதிர்கொள்கின்றனர் என்பது குறித்து பெற்றோர் தான் விழிப்புணர்வோடு இருக்க வேண்டும்.

என்னென்ன அறிகுறிகள் தென்படும் ? குழந்தைகள் அடிக்கடி கண் சிமிட்டுவது, கண்கள் சிவந்து காணப்படுவது, தொடர்ச்சியாக கண்களை தேய்ப்பது, வெளிச்சத்தை கண்டால் கண் கூசுவது, மங்கலான பார்வை, வாசிப்பதிலும், டிஜிட்டல் சாதனங்களை பயன்படுத்துவதிலும் சிரமத்தை எதிர்கொள்ளுதல் போன்றவை குழந்தைகளின் கண்களில் வறட்சி ஏற்பட்டுள்ளதற்கான அறிகுறிகள் ஆகும்.

வீட்டில் தீர்வு காண்பது எப்படி ? கண்களில் எரிச்சலை ஏற்படுத்தக் கூடிய புகைமூட்டம், மாசுபாடு போன்ற விஷயங்களை தவிர்க்க வேண்டும். குழந்தைகள் வெளியிடங்களுக்குச் செல்லும்போது சூரிய வெப்பம், காற்று, தூசு போன்றவற்றில் இருந்து தற்காத்துக் கொள்ளும் வகையில் சன்கிளாஸ் அணிந்து கொள்ளலாம். வீட்டு முறை முயற்சிகளில் பலன் தராமல் கண்களில் நீடித்த எரிச்சல் இருந்தால் உடனடியாக கண் மருத்துவரை அணுகி சிகிச்சை பெறவும்.

Read More