ஆதிதிராவிடர் நலப்பள்ளிகளில் தற்காலிக ஆசிரியர் பணி.. உடனே அப்ளை பண்ணுங்க!

 விழுப்புரம் மாவட்டத்தில் ஆதிதிராவிடர் நலத்துறையின் கீழ் செயல்படும் பள்ளிகளில் காலியாக உள்ள முதுகலை ஆசிரியர், பட்டதாரி ஆசிரியர், இடைநிலை ஆசிரியர் பணியிடங்களை மாணவர்களின் நலன் கருதி தற்காலிகமாக தொகுப்பு ஊதியத்தில் ஆசிரியர்களை நியமனம் செய்ய அரசாணை வெளியிடப்பட்டுள்ளது.

அதில் கூறியதாவது, "மாவட்டத்தில் முதுகலை ஆசிரியர் நிலையில் 2 காலிப் பணியிடங்களும் (கணிதம்-2), பட்டதாரி ஆசிரியர் நிலையில் 3 காலிப்பணியிடங்களும் (அறிவியல்-2, சமூக அறிவியல்-1), இடைநிலை ஆசிரியர் நிலையில் 37 காலிப்பணியிடங்களும் உள்ளன.

இதற்கு மாதாந்திர தொகுப்பூதியமாக முதுகலை பட்டதாரி ஆசிரியர் நிலையில் ரூ.18,000, பட்டதாரி ஆசிரியர் நிலையில் ரூ.15,000, இடைநிலை ஆசிரியர் நிலையில் ரூ.12,000 வழங்கப்படும். மேலும் வரையறுக்கப்பட்ட கல்வித்தகுதிகளுடன் ஆசிரியர் தகுதித்தேர்விலும் தேர்ச்சி பெற்று இல்லம் தேடி கல்வித்திட்டத்தில் தன்னார்வலர்களாக பணிபுரிந்து வருபவர்கள் (இல்லையெனில்), வரையறுக்கப்பட்ட கல்வி தகுதிகளுடன் ஆசிரியர் தகுதித்தேர்விலும் தேர்ச்சி பெற்றவர்கள், இடைநிலை ஆசிரியர்கள் நியமனத்தில் பட்டியல் இனத்தவருக்கு முன்னுரிமை வழங்கப்படும்.

பள்ளி அமைந்துள்ள பகுதி மற்றும் அதன் அருகில் உள்ளவர்களுக்கு முன்னுரிமை வழங்கப்படும். விண்ணப்பதாரர்களிடமிருந்து எழுத்து மூலமான விண்ணப்பங்கள் நேரடியாகவோ, தபால் மூலமாகவோ உரிய கல்வித்தகுதி சான்றுகளுடன் விழுப்புரம் மாவட்ட ஆதிதிராவிடர் மற்றும் பழங்குடியினர் நல அலுவலரிடம் வரும் செப்டம்பர் 8(8.9.2023) மாலை 5 மணிக்குள் சமர்ப்பிக்கப்பட வேண்டும். அதற்கு பின்பு வரப்பெறும் விண்ணப்பங்கள் பரிசீலனைக்கு எடுத்துக் கொள்ளப்படமாட்டாது" என விழுப்புரம் மாவட்ட ஆட்சியர் பழனி கூறியுள்ளார்.

 Click here for latest employment news

 Click here to join WhatsApp group for Daily employment news

Read More

நாகர்கோவிலில் தனியார் வேலைவாய்ப்பு முகாம்.. மிஸ் பண்ணிடாதீங்க!

நாகர்கோவில் மாவட்ட வேலைவாய்ப்பு, தொழில் நெறி வழிகாட்டும் மையம் மற்றும் தமிழ்நாடு மாநில ஊரக வாழ்வாதார இயக்கமும் இணைந்து முன்னாள் முதலமைச்சர் கருணாநிதியின் நூற்றாண்டுவிழாவை முன்னிட்டு சிறப்பு தனியார் துறை வேலைவாய்ப்பு முகாம் நடத்தப்பட உள்ளது.

இந்த முகாம் வருகிற செப்டம்பர் 9ஆம் தேதி காலை 8.30 மணி முதல் மதியம் 2 மணிவரை நாகர்கோவில் பயோனியர் குமாரசாமி கல்லூரியில் வைத்து நடைபெற உள்ளது. முகாமில் நூற்றுக்கும் மேற்பட்ட தனியார்துறை நிறுவனங்கள் கலந்துகொள்ள உள்ளன. இந்த வேலை வாய்ப்பு முகாமில் 8, 10 மற்றும் 12ம் வகுப்பு, ஐ.டி.ஐ., டிப்ளமோ, பட்டப்படிப்பு, செவிலியர் படித்த வேலை தேடுபவர்கள் அனைவரும் கலந்து கொள்ளலாம்.

இந்த வேலைவாய்ப்பு முகாமில் பங்கேற்க விருப்பமுள்ள வேலைதேடுபவர்கள் மற்றும் வேலையளிப்பவர்கள் "தமிழ்நாடு தனியார் துறை வேலை இணையம் Tamil Nadu Private Job (www. tnprivatejobs.tn.gov.in)" என்ற இணையதளத்தில் தங்களை பதிவு செய்து கொள்ளுமாறு கேட்டுக் கொள்ளப்படுகிறார்கள். இதன் மூலம் இந்த சிறப்பு தனியார்துறை வேலைவாய்ப்பு முகாமில் வேலைதேடுபவர்களும், வேலையளிப்போர்களும் பயன்படுத்திக்கொள்ளலாம்.

 Click here for latest employment news

 Click here to join WhatsApp group for Daily employment news

 

Read More

தேர்வு, நேர்காணல் இல்லை.. ரயில்வே வேலை காத்திருக்கு.. 2,409 காலியிடங்கள் அறிவிப்பு!

 எலக்ட்ரீஷியன், ஃபிட்டர், வெல்டர், வயர்மேன், பெயிண்டர் உள்ளிட்ட பல்வேறு வர்த்தக பிரிவுகளில் தொழில் பழகுநருக்கான அறிவிப்பை மத்திய ரயில்வே  வாரியம்  வெளியிட்டுள்ளது. பணிக்கு  எந்தவொரு மாநிலத்தையும் பிறப்பிடமாக கொண்டவர்களும், இந்தியர்களும்  விண்ணப்பிக்கலாம்  என்று தெரிவிக்கப்பட்டுள்ளது.

காலியிடங்கள் விவரம்: இந்த ஆள்சேர்க்கை அறிவிப்பின் மூலம் 2,409 காலியிடங்கள் நிரப்பப்பட உள்ளது.

தெரிவு முறை: 10ம் வகுப்பு மற்றும் ஐடிஐ கல்வியில் பெற்ற மதிப்பெண்கள் அடிப்படையில் உத்தேச இறுதிப் பட்டியல் தயாரிக்கப்படும். எழுத்து, வாய்மொழி போன்ற எந்தவித தேர்வும் நடத்தப்படாது.

கல்வித் தகுதி: 50% மதிப்பெண்களுடன் 10ம் வகுப்பில் தேர்ச்சி பெற்றிருக்க வேண்டும். மேலும், தொழிற்பயிற்சிக்கான தேசிய மற்றும் மாநில (என்.சி்.வி.டி/எஸ்.சி.டி.வி) கவுன்சில்களில் இருந்து தொடர்புடைய வர்த்தகத்தில்(Trade) சான்றிதழ் பெற்றிருக்க வேண்டும்.

இணைய வழியில் விண்ணப்பங்கள் சமர்ப்பிப்பதற்குரிய கடைசி தேதி 28/09/2023 ஆகும்.

விண்ணப்பக் கட்டணம்: இதற்கான விண்ணப்பக் கட்டணம் ரூ.100 ஆகும்.

வயது வரம்பு: விண்ணப்பிக்க விரும்புவோர் 29-08-2023 அன்று 15 வயது பூர்த்தியடைந்தவராகவும், 24 வயது பூர்த்தியடையாதவராகவும் இருக்க வேண்டும்.இடஒதுக்கீட்டு பிரிவினருக்கு அரசு விதிகளின்படி வழக்கமான தளர்வு அளிக்கப்படும். நிர்ணயிக்கப்பட்ட வயது வரம்பிற்கு மேல் பட்டியல் கண்ட சாதிகள்/ பட்டியல் கண்ட பழங்குடி வகுப்பினர் 5 ஆண்டு வரை வயது வரம்பு சலுகை பெற தகுதியுடைவர்கள். இதர பிறப்படுத்தப்பட்ட வகுப்பினர் மூன்றாண்டு வரை வயது வரம்பு சலுகை பெற தகுதியுடைவர்கள். நிர்ணயிக்கப்பட்ட மாற்றத் திறனாளிகள் 10 ஆண்டுகள் வரை சலுகை பெறலாம்.

https://rrccr.com என்ற இணைய பக்கத்தின் வாயிலாக மட்டுமே விண்ணப்பிக்க வேண்டும்.

 ஏன் அப்ரண்டிஸ் பணிகள் முக்கியத்துவம் பெறுகிறது:

இந்திய ரயில்வே குறிப்பிட்ட பிரிவுகளில் பழகுனர் சட்டத்துக்கு உட்பட்டு 1963 ஆகஸ்ட் முதல் விண்ணப்பதாரர்களுக்கு பயிற்சி அளித்து வருகிறது. விண்ணப்பதாரர்களின் கல்வித் தகுதியின் அடிப்படையில் எந்தவித போட்டி அல்லது தேர்வு இன்றி பழகுனர்களாக எடுத்துக் கொள்ளப்படுகின்றனர்.

இத்தகைய விண்ணப்பதாரர்களுக்கு ரயில்வே பயிற்சி மட்டுமே அளித்து வந்த போதிலும், ஆட்சேர்ப்பு நடைபெறும் முதல் நிலைக்காக அறிவிக்கப்பட்ட காலியிடங்களில் ( Level – 1 recruitment notification முந்தைய Gr. ‘D’ category posts (Grade Pay – Rs.1800/-)) 20 சதவீத இடங்களை அப்ரெண்டிஸ்களுக்காக இந்திய ரயில்வே ஒதுக்கீடு செய்துவருகிறது. எனவே, பயிற்சியை முடித்தவர்கள் நிரந்தர பணிகளில் சேர்க்கப்படுவதற்கான வாய்ப்புகள் அதிகமுள்ளன.

 Click here for latest employment news

 Click here to join WhatsApp group for Daily employment news

 Click here for latest employment news

 Click here to join WhatsApp group for Daily employment news

Read More

மத்திய அரசு வேலை.. ரூ.95,000 வரை சம்பளம்.. உடனே விண்ணப்பியுங்கள்

 

மத்திய அரசின் கீழ் செயல்படும் இந்தியா பாதுகாப்பு அச்சகம் மற்றும் நாணயம் உற்பத்தி கழகத்தில் ( Security Printing and Minding Corporation Of India) ஏராளமான காலிப்பணியிடங்கள் நிரப்பப்பட உள்ளன. இந்த பணிகளுக்கு குறைந்த பட்சம் ரூ.18,780 முதல் அதிகபட்சமாக ரூ.95,910 வரை ஊதியம் வழங்கப்படுகிறது.

தெலங்கானா மாநிலம் ஹைதராபாத்தில் செயல்பட்டு வரும் இந்த கழகத்தின் காலிப்பணியிடங்களை நிரப்புவதற்கான அறிவிப்பு வெளியிடப்பட்டுள்ளது. என்ன என்ன பதவிகள் காலியாக உள்ளன, யார் விண்ணப்பிக்கலாம் உள்ளிட்ட விவரங்கள் பின்வருமாறு.

ஜூனியர் டெக்னீசியன்: இந்த பணிக்கு மொத்தம் 53 பேர் தேர்வு செய்யப்பட உள்ளதாக அறிவிக்கப்பட்டுள்ளது. லேப் அசிஸ்டென்ட், கெமிக்கல் பிளான்ட் ஆப்பரேட்டர், பவுண்டரி மேன், புர்னாஸ் ஆபரேட்டர், மில்ரைட் மெயின்டெனன்ஸ், எலக்ட்ரானிக்ஸ் மெக்கானிக், இன்ஸ்ட்ருமெண்டேசன் மெக்கானிக் உள்ளிட்ட பாட பிரிவுகளின் கீழ் பட்டம் பெற்றவர்கள் இந்த பணிக்கு விண்ணப்பிக்கலாம். மேலும் இந்த பணிக்கு தேர்வாகும் நபர்களுக்கு  ரூ.18,780 முதல் ரூ.67,390 வரை மாத ஊதியம் வழங்கப்படும்.

சூப்பர்வைசர்: இந்த பணிக்கு மொத்தமாக 7 பேர் தேர்வு செய்யப்பட்ட உள்ளதாக அறிவிக்கப்பட்டுள்ளது. மாஸ்டர் டிகிரியில் தமிழ் அல்லது ஆங்கிலம் முடித்தவர்கள், டிப்ளமோ எலக்ட்ரானிக்ஸ், எலக்ட்ரானிக்ஸ் அன்ட் கம்யூனிகேசன், எலக்ட்ரானிக்ஸ் அன்ட் டெலிகம்யூனிகேசன், பிஇ, பிடெக உள்ளிட்ட பிரிவுகளில் பட்டம் பெற்றவர்கள் இந்த பணிக்கு விண்ணப்பிக்கலாம். இந்த பணிக்கு தேர்வாகும் நபர்களுக்கு ரூ.27,600 முதல் ரூ.95,910 வரை மாத ஊதியம் வழங்கப்படும்.

லெபாரட்டரி அசிஸ்டென்ட் குரூப் 2: இந்த பணிக்கு மொத்தம் 2 பேர் தேர்வு செய்யப்பட உள்ளதாக தெரிவிக்கப்பட்டுள்ளது. பிஎஸ்சி கெமிஸ்ட்ரி முடித்தவர்கள் இந்த பணிக்கு விண்ணப்பிக்க தகுதியுள்ளவர்கள். இந்த பணிக்கு தேர்வாகும் நபர்களுக்கு ரூ.21,540 முதல் ரூ.77,160 வரை மாத ஊதியம் வழங்கப்படும்.

எங்க்ராவர்: எங்கராவர் என்றால் மெட்டல் வொர்க்ஸ் என்று பொருள். இந்த பணிக்கு ஒருவர் மட்டுமே தேர்வு செய்யப்பட உள்ளதாக தெரிவிக்கப்பட்டுள்ளது. இளங்கலை படிப்பில் பைன் ஆர்ட்ஸ் (மெட்டல் வொர்க்ஸ்) முடித்தவர்கள் இந்த பணிக்கு விண்ணப்பிக்கலாம். இந்த பணிக்கு தேர்வாகும் நபருக்கு மாதம் ரூ.29.910 முதல் ரூ.85,570 வரை மாத ஊதியம் வழங்கப்படும்.

செக்ரடரியல் அசிஸ்டென்ட்: இந்த பணிக்கும் ஒருவர் தேர்வு செய்யப்பட உள்ளதாக அறிவிக்கப்பட்டுள்ளது. ஏதேனும் ஒரு பிரிவில் டிகிரி முடித்தவர்கள் இந்த பணிக்கு விண்ணப்பிக்க தகுதி உள்ள நபர்களாக கருதப்படுகின்றனர். இந்த பணிக்கு தேர்வு செய்யப்படும் நபருக்கு  ரூ.23, 910 முதல் ரூ.85,570 வரை மாத ஊதியம் வழங்கப்படும்.

வயது வரம்பு : இந்தியா பாதுகாப்பு அச்சகம் மற்றும் நாணயம் உற்பத்தி கழகத்தில் உள்ள காலிப்பணியிடங்களை நிரப்ப மொத்தம் 64 பேர் தேர்வு செய்யப்பட உள்ளனர். இதில் ஜூனியர் டெக்னீசியன் பணிக்கு விண்ணப்பிப்பவர்கள் 18 வயது முதல் 25 வயதுக்குள் இருக்க வேண்டும் எனவும் சூப்பர்வைசர் பணிக்கு விண்ணப்பிப்பவர்கள் 18 வயது முதல் 30 வயதுக்குள் இருக்க வேண்டும் எனவும் மற்ற பணிகளுக்கு விண்ணப்பிப்பவர்கள் 18 முதல் 28 வயதுக்குள் இருக்க வேண்டும் என நிர்ணயிக்கப்பட்டுள்ளது.

விண்ணப்பிப்பது எப்படி?: மேற்குறிப்பிட்ட பணிகளுக்கு தகுதியான நபர்கள் igmhyderabad.spmcil.com இணையதளம் மூலம் அக்டோபர் 1 ஆம் தேதிக்குள் விண்ணப்ப கட்டணம் ரூ.650 செலுத்தி விண்ணப்பிக்க வேண்டும். இதில் எஸ்சி, எஸ்டி, பிடபிள்யூடி மற்றும் முன்னாள் படை வீரர்களுக்கு ரூ.300 விண்ணப்ப கட்டணம் வசூலிக்கப்படுகிறது. தகுதியான விண்ணப்பதார்களுக்கு ஆன்லைன் தேர்வு மற்றும் நேர்காணல் முறையில் தேர்வு செய்யப்படுவர்.

 Click here for latest employment news

 Click here to join WhatsApp group for Daily employment news

Read More

ஆவின் பாலகம் தொடங்க வேண்டுமா..? ரூ.30000 டெபாசிட் செய்தால் போதும்..

 

தமிழ்நாடு முழுவதும் ஆவின் பால் நாளொன்றுக்கு சராசரியாக சுமார் 30 இலட்சம் லிட்டரும் மற்றும் பால் உபபொருட்கள் மாதம் ஒன்றுக்கு சராசரியாக 50 கோடி ரூபாய் அளவில் விற்பனை செய்யப்பட்டு வருகிறது.

இந்நிலையில், பொதுமக்கள் நலனை கருத்தில் கொண்டும் மற்றும் புதிய தொழில் முனைவோரை ஊக்கப்படுத்தும் வகையில் சென்னைக்கு உட்பட்ட பகுதிகளில் புதிய ஆவின் பாலகங்கள் அமைக்க விண்ணப்பங்கள் வரவேற்கப்படுவதாக ஆவின் மேலாண்மை இயக்குநர் தெரிவித்துள்ளார்.

ஆவின் சில்லறை விற்பனை நிலைய பாலகம் (Aavin Franchise Parlour) என்பது ஆவின் பால் மற்றும் பால் உபபொருட்கள் விற்பனை செய்வதோடு இதர மதிப்பு கூட்டப்பட்ட பொருட்களும் விற்பனை செய்யக்கூடிய ஆவின் விற்பனை நிலையமாகும். இவ்வகையான பாலகம் அமைக்க குறைந்தபட்சம் 64 சதுர அடி முதல் 225 சதுர அடி வரையிலான இடம் மட்டுமே போதுமானது.

புதிய சில்லறை விற்பனை நிலைய பாலகம் அமைப்பதற்கு அதன் பரப்பளவு மற்றும் வடிவமைப்புக்கு ஏற்றார்போல் சுமார் 1.50 லட்சம் முதல் 6 இலட்சம் வரை முதலீடு தேவைப்படும் என்று மதிப்பிடப்படுகிறது. மேலும், ஆவின் நிறுவனத்திற்கு ரூ.30,000/- மட்டுமே வைப்புத் தொகையாக செலுத்த வேண்டும் என்று அறிவிக்கப்பட்டுள்ளது.

மக்கள் நடமாட்டமும் மற்றும் பாலகம் அமைக்கும் இடத்தை பொறுத்து,  மாதந்தோறும் சுமார் 5 இலட்சம் முதல் 10 இலட்சம் வரை விற்பனையை எதிர்பார்க்கலாம் என்று கூறப்பட்டுள்ளது.

பாலகத்திற்கு தேவைப்படும் பொருட்கள் 48 மணி நேரத்திற்கு முன்பே ஆவின் செயலி மூலம் பதிவு செய்ய வேண்டும். மேலும் பதிவு செய்யப்பட்ட பொருட்கள் ஆவின் நிறுவன வாகனம் அல்லது மொத்த விற்பனையாளர் மூலம் விநியோகம் செய்யப்படும் என்றும் தெரிவிக்கப்பட்டுள்ளது. ஆவின் நிறுவன பால் உபபொருட்களுக்கு குறைந்தபட்சம் 8% முதல் 18% வரை கமிஷன் வழங்கப்படும். இப்பாலகத்தில் ஆவின் பால் உபபொருட்களை கொண்டு மில்க்ஷேக், லஸ்ஸி, சுடுபால் மற்றும் மதிப்பு கூட்டப்பட்ட பொருட்களை தயார் செய்து விற்பனை செய்யப்படலாம் என்றும் கூறப்பட்டுள்ளது.

ஆர்வமும், தகுதியும் உள்ளவர்கள், 'தமிழ்நாடு பால் உற்பத்தியாளர்கள் கூட்டுறவு இணையம், ஆவின் இல்லம், 3A,பசும்பொன் முத்துராமலிங்கனார் சாலை, நந்தனம், சென்னை - 600 035 , தமிழ்நாடு' என்று முகவரியை தொடர்பு கொள்ளலாம். மேலும், விவரங்களை தெரிந்து கொள்ள 9043099905, 9790773955, 9566860286 என்ற தொலைபேசி எண்ணிலும் தொடர்பு கொள்ளலாம்.

 Click here for latest employment news

 Click here to join WhatsApp group for Daily employment news

Read More

10ம் வகுப்புத் தேர்ச்சி போதும்.. நீலகிரி ராணுவ பயிற்சி கல்லூரியில் வேலை

 தமிழகத்தில் உள்ள வெலிங்டன், ராணுவ அதிகாரிகள் பயிற்சி கல்லூரியில் இளநிலை எழுத்தர் (Lower Division Clerk), பன்னோக்கு பணியாளர் (Multi tasking staff), வாகன ஓட்டுநர் (Civilain Motor Driver) , சமையலர் (Cook), தொழில்நுட்ப உதவியாளர் (Technical Attendant) உள்ளிட்ட பல்வேறு காலிப் பணியிடங்களுக்கான ஆட் சேர்க்கை அறிவிப்பு வெளியாகியுள்ளது. ஆர்வமும், தகுதியும் உள்ளவர்கள் இதற்கு விண்ணப்பிக்கலாம்.

காலியிடங்கள்: 

 

கல்வித் தகுதி:

இளநிலை எழுத்தர் பதவிக்கு விண்ணப்பிக்க விரும்புவோர் 12ம் வகுப்பு தேர்ச்சி பெற்றிருக்க வேண்டும். ஆங்கிலம் (அல்லது) இந்தியில் வினாடிக்கு 35 வார்த்தைகள் தட்டச்சு அடிக்கும் திறன் வேண்டும்.

வாகன ஓட்டுநர் பதவிக்கு (Civil Motor Driver) விண்ணப்பிக்க விரும்புவோர், 12ம் வகுப்புத் தேர்ச்சியுடன், கனரக வாகனங்கள் இயக்குவதில் 2 ஆண்டுகள் முன்னனுபவம் கொண்டிருக்க வேண்டும்.

பன்னோக்குப் பணியாளர் பதவிக்கு (Multi Tasking staff) விண்ணப்பிக்க விரும்புவோர் 10ம் வகுப்புத் தேர்ச்சி பெற்றிருக்க வேண்டும்.

தீயணைப்பாளர் (Firemen)  பதவிக்கு விண்ணப்பிக்க விரும்புவோர், 10ம் வகுப்புத் தேர்ச்சியுடன், கனரக வாகன உரிமை வைத்திருக்க வேண்டும், முதலுதவி பிரிவில் குறைந்தது 6 மாத காலம் முன்னனுபவம் கொண்டிருக்க வேண்டும்.

Sukhani பதவிக்கு விண்ணப்பிக்க விரும்பும் விண்ணப்பதாரர்கள்,  12ம் வகுப்புத் தேர்ச்சியுடன் நீச்சல் பயின்றதற்கான சான்றிதழ் பெற்றிருக்க வேண்டும்.

சமையலர் பதவிக்கு விண்ணப்பிக்க விரும்பும் விண்ணப்பதாரர்கள், 12ம் வகுப்புத் தேர்ச்சி பெற்றிருக்க வேண்டும். தொடர்புடைய துறையில் குறைந்தது 2 ஆண்டுகள்  முன்னனுபவம் கொண்டிருக்க வேண்டும்.

தட்டச்சுப் (Stenographer) பணிக்கு விண்ணப்பிக்க விரும்பும் விண்ணப்பதாரர்கள்  12ம் வகுப்புத் தேர்ச்சி பெற்றிருக்க வேண்டும், தட்டச்சு திறன் தேர்வில் தேர்ச்சி பெற்றிருக்க வேண்டும்.

தொழில்நுட்ப உதவியாளர் பதவிக்கு விண்ணப்பிக்க விரும்பும் விண்ணப்பதாரர்கள், பிரிண்டிங் மெஷின் துறையில் ஐடிஐ சான்றிதழ் பெற்றிருக்க வேண்டும்.

சம்பளம்: தட்டச்சுப் பணியாளர் பதவிக்கு ரூ. 25,500-81, 100 வரையிலான சம்பளமும் (நிலை -4) , பன்னோக்குப் பணியாளர், தொழில்நுட்ப உதவியாளர் பதவிக்கு 18,000 முதல் 56,900 வரையிலான சம்பளமும் (நிலை -2 ) இதர பதவிகளுக்கு 19,900 முதல் 63,200 வரையிலான  (நிலை - 2) சம்பளமும் இருக்கும் என்றும் தெரிவிக்கப்பட்டுள்ளது. 

வயது வரம்பு: இந்தப் பதவிகளுக்கு விண்ணப்பிக்க விரும்புவோர் வயது 28.10.2022 அன்று 18-க்கு மேலும், 27-க்கு கீழும் இருக்க வேண்டும். இடஒதுக்கீட்டு பிரிவினருக்கு அரசு விதிகளின்படி வழக்கமான தளர்வு அளிக்கப்படும்.  நிர்ணயிக்கப்பட்ட வயது வரம்பிற்கு மேல் பட்டியல் கண்ட சாதிகள்/ பட்டியல் கண்ட பழங்குடி வகுப்பினர் 5 ஆண்டு வரை வயது வரம்பு சலுகை பெற தகுதியுடைவர்கள். இதர பிற்படுத்தப்பட்ட வகுப்பினர் மூன்றாண்டு வரை வயது வரம்பு சலுகை பெற தகுதியுடைவர்கள்.

விண்ணப்பங்களை dssc.gov.in  என்ற வலைதளங்களிலிருந்து பதிவிறக்கம் செய்து அதில் மட்டுமே பூர்த்தி செய்து புகைப்படத்துடன் விண்ணப்பிக்க வேண்டும். பூர்த்தி செய்யப்பட்ட விண்ணப்பபங்கள் அனுப்பி வேண்டிய முகவரி The Admiral

Superintendent {for Manager Personnel}, Naval Dockyard, Visakhapatnam – 530014  என்ற முகவரிக்கு அனுப்பி வைக்க வேண்டும் என்று தெரிவிக்கப்பட்டுள்ளது. ஆள்சேர்க்கை அறிக்கையை பதிவிறக்கம் செய்ய இந்த இணைப்பைக் கிளிக் செய்யவும்.

23.09.2023 தேதிக்குள் வரும் விண்ணப்பங்களை பரிசீலித்து தகுதியான நபர்களுக்கு மட்டுமே எழுத்துத் தேர்வுக்கு அழைப்பு அனுப்பப்படும். இதில் தேர்ச்சி பெறுபவர்கள் மட்டுமே திறனறிவுத் தேர்வுக்கு அழைக்கப்படுவார்கள். எழுத்துத் தேர்வில் பெரும் மதிப்பெண்கள் அடிப்படையில் மட்டுமே இறுதி பட்டியல் தயாரிக்கப்படும்.

 Click here for latest employment news

 Click here to join WhatsApp group for Daily employment news

Read More

உங்கள் குழந்தைகள் அதிகம் உப்பு நிறைந்த உணவுகளை சாப்பிடுகிறார்களா..? இதனால் வரும் பாதிப்புகளை தெரிஞ்சுக்கோங்க..!

 நாம் சாப்பிடும்போது இலையில் உப்பை கொஞ்சமாக, ஓரமாகதான் வைப்பார்கள். ஏனென்றால் உப்பை அதிகமாக சாப்பிடுவதால் நம் உடலுக்கு பல பிரச்சனைகள் வரக்கூடும். ஆனால், இது தெரியாமல் சிறுவர்கள் உப்பு நிறைந்த நொறுக்கு தீணிகளையும், ஜங்க் ஃபூட்களையும் அதிகளவு சாப்பிடுகிறார்கள். உங்கள் குழந்தைகள் எவ்வுளவு உப்பை சாப்பிடுகிறார்கள் என்பது உங்களுக்கு தெரியுமா? அதனால் ஏற்படக்கூடிய பதிப்புகள் பற்றி உங்களுக்கு தெரியுமா? இதைப் படித்து தெரிந்து கொள்ளுங்கள்

உங்கள் குழந்தை அதிகளவு உப்பு சாப்பிடுகிறதா என்பதை எப்படி தெரிந்துகொள்வது?

உப்பில்லா பண்டம் குப்பையிலே என்று கூறுவதைப் போல, எந்தவொரு உணவையும் உப்பில்லாமல் நாம் சாப்பிட முடியாது. நம் உணவிற்கு சுவையை கூட்டுவது இந்த உப்புதான். ஆனால் இதே உப்பை நீங்கள் அதிகப்படியாக எடுத்துக்கொள்ளும் போது, அது உங்களின் ஒட்டுமொத்த ஆரோகியத்திற்கும் தீங்கை ஏற்படுத்துகிறது. பெரியவர்களான நமக்கு எவ்வுளவு உப்பு சாப்பிட வேண்டும் என்ற அளவு தெரியும். ஆனால் குழந்தைகள் எவ்வுளவு உப்பு சாப்பிடுகிறார்கள் என நாம் கவனிக்கிறோமா? உங்கள் குழந்தைகள் அதிகளவு உப்பை எடுத்துக்கொள்வதால் அவர்களுக்கு பல உடல்நல பிரச்சனைகள் ஏற்படுகிறது என்பது உங்களுக்கு தெரியுமா?

அடிக்கடி தாகம் எடுக்கும் : சோடியம் நீரை தக்கவைக்கக் கூடியது. நம் உடலில் சோடியத்தின் அளவும் நீரும் சமநிலையில் இருக்க வேண்டும். அப்போதுதான் நம்முடைய உடல் நன்றாக செயல்படும். நீங்கள் அதிகமாக உப்பை எடுத்துக் கொள்வதால், அதிகமாக தாகம் எடுக்கிறது. பெரும்பாலான சமயங்களில் இந்த அறிகுறிகள் குழந்தைகளிடம் தென்படாது. ஏனென்றால், அவர்களுக்கு தாக்கம் எடுக்க பல காரணங்கள் இருக்கும். அதனால்தன் கீழே நாங்கள் கூறும் சில அறிகுறிகள் இருக்கிறதா என்பதை கவனியுங்கள்.

அடர்த்தியான மஞ்சள் நிறத்தில் சிறுநீர் : உங்கள் குழந்தை அடிக்கடி தாகம் எடுக்கிறது எனக் கூறுகிறார்களா? அடிக்கடி சிறுநீர் கழிக்கிறார்களா? அப்படியென்றால் சிறுநீர் எந்த நிறத்தில் இருகிரது எனப் பாருங்கள். அதிகமாக உப்பு எடுத்துக் கொண்டால், சிறுநீர் அதிக நாற்றத்தோடு மஞ்சள் நிறத்தில் இருக்கும். உங்களுக்கு சரியாக தெரியவில்லை என்றால், உடனடியாக மருத்துவரிடம் ஆலோசனை பெறுங்கள்.

கைகள் மற்றும் பாதங்களில் வீக்கம்  : உங்கள் குழந்தை அதிகமாக உப்பு சாப்பிட்டிருந்தால், அவர்களது உடல் சோடியத்தை தக்கவைக்க போராடும். இதன் காரணமாக செல்களின் வெளிப்புறத்தில், உடலில் திரவத்தின் அளவு கூடும். இதனால் கைகள் மற்றும் கால் பாதங்களில் வீக்கம் ஏற்படுகிறது.

உயர் ரத்த அழுத்தம் ஏற்படும் வாய்ப்பு அதிகம் : உப்பு அதிகம் நிறைந்த உணவுகளை சாப்பிடுவதால் ரத்த அழுத்தம் அதிகரிக்கும் ஆபத்து அதிகம் உள்ளது. இதனால் பெரியவர்கள் மட்டுமல்ல, சிறுவர்களும் அதிகமாக பாதிக்கப்படுகிறார்கள். ரத்த அழுத்தம் வழக்கத்தை விட அதிகமாகும் போது உயர் ரத்த அழுத்தம் ஏற்படுகிறது. இதனால் மாரடைப்பு, பக்கவாதம் உள்பட பல இதய நோய் வரும் ஆபத்துள்ளது.

குழந்தைகள் எவ்வுளவு உப்பு சாப்பிட வேண்டும் : அவர்களின் வயதைப் பொருத்து குழந்தைகள் தினமும் எடுத்துக்கொள்ள வேண்டிய உப்பின் அளவு

• 1 – 3 வயது குழந்தைகள் தினசரி 2 கிராமுக்கு அதிகமான உப்பை சாப்பிடக்கூடாது.
• 4 – 6 வயது குழந்தைகள் தினசரி 3 கிராமுக்கு அதிகமான உப்பை சாப்பிடக்கூடாது.
• 7 – 10 வயது குழந்தைகள் தினசரி 5 கிராமுக்கு அதிகமான உப்பை சாப்பிடக்கூடாது.
• 11 வயதிற்கு மேற்பட்ட குழந்தைகள் தினசரி 6 கிராமுக்கு அதிகமான உப்பை சாப்பிடக்கூடாது.
• ஒரு வயதிற்கும் குறைவான குழந்தைகள் தினசரி ஒரு கிறாமுக்கும் குறைவான உப்பை சாபிட்டால் போதும்.

• உங்கள் குழந்தை அதிகமான உப்பு நிறைந்த உணவை சாப்பிட்டால் என்ன செய்ய வேண்டும்?

  முதலில், அவர்களது சோடியம் உட்கொள்ளும் அளவை குறைத்து, டயட்டை மாற்றுங்கள். ஆரோக்கியம் நிறைந்த உணவுகள் மற்றும் பழங்களை கொடுங்கள். இவற்றை சாப்பிடுவதால் உடலில் இயற்கையாக சோடியம் அளவு சமனிலைப்படும். அதிக உப்பு நிறைந்த உணவை சாப்பிட்டால், நிறைய தண்ணீர் அருந்தச் சொல்லுங்கள். பொட்டாசியம் நம் உடலில் சோடியம் அளவை சீராக வைக்க உதவும். பொட்டாசியம் சத்து அதிகமுள்ள வாழைப்பழம், கீரைகள், தயிர், ப்ரோகோலி, கிவி பழம் ஆகியவற்றை உங்கள் குழந்தைகளுக்கு கொடுங்கள். ஒரே இடத்தில் அமர்ந்தபடி சோம்பேறித்தனமாக இல்லாமல், உங்கள் குழந்தைகள் சுறுசுறுப்பாக இருக்குமாறு பார்த்துக் கொள்ளுங்கள்.

• Click here for more Health Tip

 Click here to join whatsapp group for daily health tip

Read More

உலக நாடுகளில் காலை உணவில் என்னென்ன இருக்கும் தெரியுமா..? அவங்க பிரேக் ஃபாஸ்ட் ஸ்டைலே இதுதான்..!

 நாம் அனைவரும் என்றாவது ஒரு நாள் உலகம் முழுவதும் பயணம் செய்து பல்வேறு பகுதிகளில் என்ன வகையான உணவு பரிமாறப்படுகிறது என்பதை அறிய ஆர்வமாக உள்ளோம். பிரெஞ்சு மக்கள் இரவு உணவிற்கு என்ன சாப்பிடுகிறார்கள்? இலங்கையர்களும் நம்மைப் போலவே சோறு சாப்பிடுகிறார்களா? இந்தியாவைத் தவிர மற்ற நாடுகளில் காலை உணவு எப்படி இருக்கிறது? இந்தக் கேள்விகள் உங்கள் மனதில் தோன்றினால், இந்தக் கட்டுரை உங்களுக்காக மட்டுமே!

ஜப்பான்: கிழக்கு ஆசியாவில் உள்ள இந்த தீவு நாட்டில் நாம் இதுவரை பார்த்திராத காலை உணவு உண்டு! ஒரு பொதுவான ஜப்பானிய காலை உணவில் ஸ்டிக்கி அரிசி, வறுக்கப்பட்ட மீன், மிசோ சூப், நாட்டோ மற்றும் தமகோயாகி ஆகியவை உள்ளன. Tamagoyaki என்பது ஒரு ஜப்பானிய உருட்டப்பட்ட முட்டை மற்றும் நாட்டோ கொண்ட உணவாகும்.

பிரான்ஸ்: இந்தப் பட்டியலில் உள்ள மற்றொரு இனிப்பு காலை உணவு கொண்டது , க்ரோசண்ட்ஸ் பிரான்ஸில் உள்ள முக்கிய காலை உணவு! பெரும்பாலும் ஸ்ட்ராங்  காபியுடன், பிரெஞ்சு மக்கள் எளிமையான மற்றும் விரைவான காலை உணவை உட்கொள்வதை விரும்புகிறார்கள். காபியுடன் ஒரு சாக்லேட் குரோசண்ட் உண்பதை அதிகம் விரும்புகின்றனர்.

பிரான்ஸ்: இந்தப் பட்டியலில் உள்ள மற்றொரு இனிப்பு காலை உணவு கொண்டது , க்ரோசண்ட்ஸ் பிரான்ஸில் உள்ள முக்கிய காலை உணவு! பெரும்பாலும் ஸ்ட்ராங்  காபியுடன், பிரெஞ்சு மக்கள் எளிமையான மற்றும் விரைவான காலை உணவை உட்கொள்வதை விரும்புகிறார்கள். காபியுடன் ஒரு சாக்லேட் குரோசண்ட் உண்பதை அதிகம் விரும்புகின்றனர்.

இத்தாலி: உண்மையான இத்தாலிய காலை உணவில் காபியின் பங்கு பெரிது . அதோடு கார்னெட்டி போன்ற இனிப்பு பேஸ்ட்ரி இரு உணவு டிவிஸ்டாக இருக்கிறது. கார்னெட்டி உண்மையில் ஒரு இத்தாலிய குரோசண்ட்!

துருக்கி: மத்திய தரைக்கடல், ஒட்டோமான், மத்திய கிழக்கு மற்றும் கிழக்கு ஐரோப்பிய உணவு வகைகளின் தாக்கத்துடன், துருக்கிய உணவு மிகவும் பிரமாண்டமான விஷயமாக மாறுகிறது. பாரம்பரிய துருக்கிய காலை உணவு கூட ஒரு விருந்தாக கருதப்படுகிறது! காலை உணவில் பல்வேறு வகையான சீஸ், மரைனேட் செய்யப்பட்ட ஆலிவ்கள், ஜாம்,, துருக்கிய ரொட்டிகள் (சிமிட்), முட்டை மற்றும் துருக்கிய சுக்குக், பாஸ்துர்மாஆகியவை அடங்கும். காலை உணவிள் இங்கு  தேநீர் முக்கிய இடம் பிடிக்கின்றன

கொரிய கலாச்சாரம் இந்த நாட்களில்  K-Pop  மற்றும் K-Dramas காரணமாக பிரபலம் அடைந்து வருகிறது. இது கொரிய உணவு வகைகளைப் பற்றிய ஆர்வத்தை நம்மிடம் ஏற்படுத்துகிறது! கொரிய உணவுகளை நாம் ஓரளவு அறிந்திருந்தாலும்,  கொரிய கலாச்சாரத்தில் வழக்கமான காலை உணவுகள் கிம்ச்சி , கொரிய முட்டை, கிம்ச்சி முட்டை, கொரிய முட்டை ரோல்ஸ் மற்றும் அபலோன் கஞ்சி போன்றவற்றை உள்ளடக்கி உள்ளது.

Click here for more Health Tip

 Click here to join whatsapp group for daily health tip

Read More

பாதாமை இப்படி சாப்பிட்டால் சர்க்கரை நோய் பற்றி கவலையே பட வேண்டாம் - ஆய்வில் மகிழ்ச்சியான செய்தி..!

 சிலருக்கு வெறும் வயிற்றில் இரத்தத்தில் சர்க்கரையின் அளவு அதிகரிக்கிறது, சிலருக்கு சாப்பிட்ட பிறகு இரத்த சர்க்கரையின் அளவு அதிகரிக்கிறது. இரண்டு சூழ்நிலைகளும் மோசமானவை. உண்மையில், நீரிழிவு என்பது இரத்தத்தில் உள்ள சர்க்கரையின் அளவு அதிகரிக்கும் ஒரு நோயாகும்.

கணையத்தில் இன்சுலின் குறைவாக உற்பத்தி செய்யப்படும்போது அல்லது இன்சுலின் வேலை செய்யாதபோது, ​​​​குளுக்கோஸ் உறிஞ்சப்படுவதில்லை, இந்த நிலையில் நீரிழிவு நோய் ஏற்படுகிறது. சர்க்கரை நோய் என்பது வாழ்க்கை முறை தொடர்பான நோய் என்பதால் நமது உணவு முறையும், உட்கார்ந்த வாழ்க்கை முறையும் இதற்கு முக்கியக் காரணம். எனவே இதனை மேம்படுத்தினால் சர்க்கரை நோயை ஒழிக்க முடியும்.

உணவுக்கு 30 நிமிடங்களுக்கு முன் பாதாம் பருப்பை உட்கொண்டால், இரத்தத்தில் உள்ள சர்க்கரையின் அளவைக் குறைப்பது மட்டுமல்லாமல், நீரிழிவு நோயையும் தடுக்கலாம் என்று நிபுணர்கள் கருத்து தெரிவித்துள்ளனர். காலை உணவு, மதிய உணவு மற்றும் இரவு உணவுக்கு 30 நிமிடங்களுக்கு முன்பு தினமும் 30 கிராம் பாதாம் பருப்பை சாப்பிட்டு வந்தால், ரத்தத்தில் உள்ள குளுக்கோஸ் அளவை முந்தைய நிலைக்கு கொண்டு வருவது மட்டுமல்லாமல், அது பலனளிக்கும் என்று நிபுணர்கள் தெரிவித்துள்ளனர்.

இந்தியன் எக்ஸ்பிரஸ் செய்திக்குறிப்பின் படி, இந்தியாவை மனதில் வைத்து ஒரு ஆய்வு நடத்தப்பட்டுள்ளது, அதில் இந்த விஷயம் வெளிச்சத்திற்கு வந்துள்ளது. உண்மையில், பாதாமில் மோனோ-அன்சாச்சுரேட்டட் கொழுப்பு அமிலங்கள் (MUFAs), நார்ச்சத்து மற்றும் புரதம் ஆகியவை இருப்பதால் உணவுக்கு முன் இதை சாப்பிடுவது சிறந்த பலன் தரும் என்று கண்டறியப்பட்டுள்ளது.

அதாவது, சாப்பிடுவதற்கு முன், பாதாம் இரத்த சர்க்கரையை நீக்கும் வடிவத்தில் முக்கிய சூப்பர்ஃபுட் என தேர்ந்தெடுக்கப்பட்டுள்ளது. ஊட்டச்சத்து ஆராய்ச்சி மையத்தின் டாக்டர் சீமா குலாட்டி, தேசிய நீரிழிவு, உடல் பருமன் மற்றும் கொலஸ்ட்ரால் அறக்கட்டளை மற்றும் ஃபோர்டிஸ் மருத்துவமனையின் நீரிழிவு மற்றும் அது சார்ந்த அறிவியல் தலைவர் டாக்டர் அனூப் மிஸ்ரா ஆகியோர் இந்த ஆய்வுக்கு தலைமை தாங்கினர்.

இன்டர்நேஷனல் ஜர்னலில் வெளியிடப்பட்ட ஆய்வில் : டாக்டர் குலாட்டி , நாங்கள் எங்கள் ஆய்வை இரண்டு வழிகளில் செய்துள்ளோம் என்று கூறினார். முதலாவதாக, இரத்த சர்க்கரையின் உடனடி குறைப்புக்கு என்ன காரணம்..? இரண்டாவதாக, நீரிழிவு நோயாளிகள் உணவுக்கு முன் பாதாம் உட்கொளவ்தால் உண்டாகும் மாற்றம் என்ன..? என இரண்டு கேள்விகளை முன் வைத்து நடத்தப்பட்டுள்ளது.

முதல் ஆய்வு ஐரோப்பிய ஜர்னல் ஆஃப் கிளினிக்கல் நியூட்ரிஷனில் வெளியிடப்பட்டுள்ளது, இரண்டாவது ஆய்வு ESPN இல் வெளியிடப்பட்டுள்ளது. இந்தியர்கள் பொதுவாக வெறும் வயிற்றில் இரத்த சர்க்கரையை பரிசோதிப்பதால் இந்த ஆய்வு முக்கியமானது என்றும் அவர் கூறினார், ”ஆனால் உணவுக்குப் பிந்தைய சர்க்கரை பரிசோதனையில் கவனம் செலுத்துவதில்லை.

அதேசமயம் பெரும்பாலான இந்தியர்களுக்கு உணவுக்கு பின்பே இரத்த சர்க்கரை அளவு அதிகரிக்கிறது. இதற்கு அவர்களின் உணவுமுறையும் காரணமாக இருக்கலாம்” என்கிறார். இதில் சர்க்கரை அதிகரிப்பதற்கான அனைத்து வாய்ப்புகளும் உள்ளன. அதனால்தான் உணவு சாப்பிட்ட பிறகு சர்க்கரை அளவு அதிகமாகிறது. சாப்பிட்ட பிறகு சர்க்கரையின் அளவு அதிகரிப்பது ஆரம்பத்திலேயே டைப் 2 நீரிழிவு நோயின் அறிகுறியாகும்.

உணவுக்கு முன் பாதாமை உட்கொள்வதால், டைப் 2 சர்க்கரை நோய் வராமல் தடுப்பது மட்டுமின்றி, சர்க்கரை நோய் உள்ளவர்களுக்கு சர்க்கரை நோயை நீக்கும் திறனும் இருப்பதாக ஆய்வில் நிரூபிக்கப்பட்டுள்ளதாக டாக்டர் குலாட்டி கூறுகிறார். எளிமையாகச் சொன்னால், பாதாம் சாப்பிடுவது நீரிழிவு நோயாளிகளின் அனைத்து வகையான சிக்கல்களையும் தடுக்கிறது.

Click here for more Health Tip

 Click here to join whatsapp group for daily health tip

Read More

NLC இந்தியா நிறுவனத்தில் 10ம் வகுப்பு முடித்தவர்களுக்கான வேலை – 92 காலிப்பணியிடங்கள்!

 NLC இந்தியா நிறுவனத்தில் 10ம் வகுப்பு முடித்தவர்களுக்கான வேலை – 92 காலிப்பணியிடங்கள்!

SME Operator பணிக்கென காலியாக உள்ள பணியிடங்களை நிரப்புவது குறித்த புதிய அறிவிப்பு ஒன்றை என்எல்சி இந்தியா லிமிடெட் ஆனது சமீபத்தில் வெளியிட்டது. இப்பணிக்கென மொத்தம் 92 பணியிடங்கள் நிரப்ப உள்ளதாக தெரிவிக்கப்பட்டுள்ளது. இப்பணிக்கு விண்ணப்பிக்க விரும்பும் விண்ணப்பதாரர்கள் அங்கீகாரம் பெற்ற கல்வி நிலையத்தில் 10ம் வகுப்பு, ITI தேர்ச்சி பெற்றிருக்க வேண்டும் என தெரிவிக்கப்பட்டுள்ளது. விருப்பமுள்ளவர்கள் இறுதி நாள் முடிவதற்குள் விண்ணப்பித்து பயனடையுமாறு அறிவுறுத்தப்படுகிறார்கள்.

வேலைவாய்ப்பு விவரங்கள்:

• தற்போது வெளியாகியுள்ள அறிவிப்பின்படி SME Operator பணிக்கென காலியாக உள்ள 92 பணியிடங்கள் நிரப்ப உள்ளது.
• அங்கீகாரம் பெற்ற கல்வி நிலையத்தில் 10ம் வகுப்பு, ITI தேர்ச்சி பெற்ற விண்ணப்பதாரர்கள் இப்பணிக்கு விண்ணப்பிக்க தகுதியானவர்கள்.
• 63 வயதுக்கு உட்பட்டவர்கள் இப்பணிக்கு விண்ணப்பிக்க தகுதியானவர்கள்.
• தேர்வு செய்யப்படும் தகுதியானவர்களுக்கு NLC-ன் நிபந்தனைகளின்படி மாத ஊதியம் வழங்கப்படும்.
• Short Listing செய்யப்படும் தகுதியான விண்ணப்பதாரர்கள் Practical Test மூலம் தேர்வு செய்யப்படுவர்கள்.

விண்ணப்பிக்கும் முறை:

தகுதியான விண்ணப்பதாரர்கள் அதிகாரபூர்வ தளத்தில் விண்ணப்ப படிவம் பெற்று பூர்த்தி செய்து அதிகாரபூர்வ முகவரிக்கு அனுப்பி விண்ணப்பிக்குமாறு அறிவுறுத்தப்படுகிறார்கள். 04.09.2023ம் தேதிக்கு பின் பெறப்படும் விண்ணப்பங்கள் ஏற்றுக்கொள்ளப்படாது.

NLC SME Operator தேர்வு செயல் முறை:

1. Short Listing
2. Practical Test

விண்ணப்ப கட்டணம்:

• UR / EWS / OBC (NCL) விண்ணப்பதாரர்கள் – ரூ.486/-
• SC /ST / Ex-servicemen விண்ணப்பதாரர்கள் – ரூ.236/-

NLC SME Operator விண்ணப்பிக்கும் முறை:

மேலே உள்ள அனைத்து தகுதி விவரங்களையும் பூர்த்தி செய்யும் விண்ணப்பத்தார்கள் 22.08.2023 @ 10.00 மணி முதல் தற்போதைய வேலை வாய்ப்புகள் பிரிவில் அதாவது https://www.nlcindia.in/ இன் கீழ் உள்ள NLC இணையதளத்தில் உள்ள இணைப்பின் மூலம் ஆன்லைனில் 04.09.2023 @ 05.00 PM வரை மட்டுமே விண்ணப்பிக்க வேண்டும். வேறு எந்த விதமான விண்ணப்பமும் ஏற்றுக்கொள்ளப்படாது என தெரிவிக்கப்பட்டுள்ளது.

Download Notification 2023 Pdf 

Apply Online

Read More