பணியிடத்தில் உடல் ரீதியாகவும், மன ரீதியாகவும் பணியாளர்கள் எதிர்கொள்கின்ற பிரச்சினைகளுக்கும்.. தீர்வுகளும்..!

 ஒரு நிறுவனம் தொடர்ந்து வளர்ச்சியை தக்க வைத்துக் கொள்ள வேண்டும் என்றால், ஊழியர்கள் அர்ப்பணிப்போடு கடினமாக உழைக்க வேண்டும் என்பதில் மாற்று கருத்து இல்லை. ஆனால் அளவுக்கு அதிகமான பணிச்சுமை மற்றும் ஸ்ட்ரெஸ் ஆகியவை இன்றைய ஊழியர்கள் எதிர்கொள்ளும் முக்கிய பிரச்சினைகளாக இருக்கின்றன.

குறிப்பாக பணியாளர்கள் உடல் ரீதியாக களைப்படைவது மட்டுமல்லாமல், மனரீதியாகவும் மிகுந்த நெருக்கடிகளை எதிர்கொள்கின்றனர். இரவு நேர பணியால் ஊழியர்களுக்கு கவலை, ஸ்ட்ரெஸ், மன அழுத்தம் போன்றவை உண்டாகின்றன.

உலக அளவில் மூன்றில் ஒரு ஊழியர் உடல் ரீதியாக மிகுந்த களைப்பு அடைகின்றனர் என்று உலக சுகாதார ஆய்வு நிறுவனம் தெரிவிக்கிறது. அதிலும் அமெரிக்காவில் பணியாற்றும் 77 சதவீத ஊழியர்கள் இந்த பிரச்சினையை எதிர்கொள்கின்றனர். இதில் கவலைக்குரிய விஷயம் என்னவென்றால் ஊழியர்கள் தங்களுக்கான அறிகுறிகளை உணர்வதே கிடையாது.

இது குறித்து வசுதா அகர்வால் கூறுகையில், “பணிச்சுமை காரணமாக உடல் களைப்படையும்போது மிகுந்த சோர்வு, தலைவலி மற்றும் தூக்கமின்மை பிரச்சனைகள் போன்றவை ஏற்படும். கவலை, சோகம், எரிச்சல் உணர்வு போன்ற உளவியல் சார்ந்த பிரச்சினைகளையும் எதிர்கொள்ள நேரிடும். கவனம் செலுத்துதல் மற்றும் முடிவு எடுத்தல் ஆகிய திறன்களில் பிரச்சனை ஏற்படலாம். சிலர் நிலையற்ற தன்மையுடன் காணப்படுவார்கள்.

அதிகமான நேரம் பணி செய்வதை காட்டிலும், தரமான வகையில் பணி செய்ய முன்னுரிமை கொடுப்பது, ஆரோக்கியமான உணவுகளை சாப்பிடுவது, உடற்பயிற்சி போன்றவை மூலமாக ஊழியர்கள் புத்துணர்ச்சி அடைய முயற்சி செய்யலாம். தியானம், யோகாசனம் போன்ற பயிற்சிகளை செய்வது நல்ல பலனை தரும்.

வேலைப்பளு மற்றும் அலுவலக நெருக்கடி சார்ந்த விஷயங்களை நண்பர்களுடன் பகிர்ந்து கொள்ளுதல் மற்றும் குடும்பத்தினருடன் விவாதித்தல் போன்றவை அதிலிருந்து விடுபடுவதற்கு உதவியாக அமையும். இல்லையென்றால் தொழில்முறை மருத்துவ நிபுணர்களை அணுகி இது போன்ற பிரச்சினைகளுக்கு தீர்வு காணலாம்” என்று தெரிவித்தார்.

மன அழுத்த பிரச்சனைக்கு தீர்வு என்ன?

வேலைப்பளு காரணமாக ஏற்படுகின்ற மன அழுத்த பிரச்சனைக்கு பல வகைகளில் தீர்வு காண முயற்சி செய்யலாம். மனதிற்கு பிடித்தமான இசையை ரசிப்பது, புத்தகம் வாசிப்பது, இயற்கை எழில் கொஞ்சும் இடங்களை பார்வையிடுவது, தொலைதூரப் பகுதிகளுக்கு நண்பர்களுடன் சுற்றுலா செல்வது போன்ற நடவடிக்கைகள் மூலமாக மனதில் உள்ள பாரம் குறையும்.

வேலைப்பளு மற்றும் குறுகிய கால அளவிலான இலக்குகள், மிகுந்த நெருக்கடி போன்றவை நீடித்த பிரச்சினைகளாக இருக்கும் அலுவலகங்களில் இருந்து விலகி வேறொரு நல்ல நிறுவனத்தில் சேர்வதற்கு முயற்சி செய்யலாம்.

• Click here for more Health Tip

   Click here to join whatsapp group for daily health tip

Read More

TNPL நிறுவனத்தில் வேலைவாய்ப்பு 2023 – மாதம் ரூ.1,05,760/- ஊதியம் !

 

TNPL நிறுவனத்தில் வேலைவாய்ப்பு 2023 – மாதம் ரூ.1,05,760/- ஊதியம் !

TNPL ஆனது தற்போது வேலைவாய்ப்பு குறித்த அறிவிப்பு ஒன்றை வெளியிட்டுள்ளது. இதில் Officer, Assistant Manager (Accounts) பணிகளுக்கென 06 காலிப்பணியிடங்கள் ஒதுக்கப்பட்டுள்ளதாக தெரிவிக்கப்பட்டுள்ளது. இப்பணி குறித்த முழு விவரங்களையும் கீழே தொகுத்து வழங்கியுள்ளோம். விண்ணப்பிக்க விருப்பமுள்ளவர்கள் விரைவாக விண்ணப்பித்து பயனடையுமாறு அறிவுறுத்தப்படுகிறார்கள்.

TNPL காலிப்பணியிடங்கள்:

TNPL தற்போது வேலைவாய்ப்பு குறித்து வெளியிட்டுள்ள அறிவிப்பில் Officer,Assistant Manager (Accounts) பணிகளுக்கு என 06 காலிப்பணியிடங்கள் ஒதுக்கப்பட்டுள்ளதாக தெரிவிக்கப்பட்டுள்ளது.

TNPL வயது வரம்பு:

விண்ணப்பிக்கும் நபர்களின் வயதானது 29 முதல் 45 என நிர்ணயிக்கப்பட்டுள்ளது. மேலும் வயது வரம்பில் அளிக்கப்பட்டுள்ள தளர்வுகளுக்கு அதிகாரப்பூர்வ அறிவிப்பை பார்வையிடவும்.

TNPL கல்வித் தகுதி:

விண்ணப்பதாரர்கள் அரசால் அங்கீகரிக்கப்பட்ட பல்கலைக்கழகத்தில் CA (or) CMA, பட்டம் பெற்றிருக்க வேண்டும்.

TNPL ஊதிய விவரம் :

தேர்வு செய்யப்படும் நபர்களுக்கு மாதம் ரூ.1,05,760/- முதல் ரூ.1,27,651/- வரை ஊதியமாக பெறுவார்கள் என அறிவிக்கப்பட்டுள்ளது.

TNPL தேர்வு செய்யப்படும் முறை :

திறமையுள்ள விண்ணப்பதாரர்கள் Deputation மூலம் தேர்வு செய்யப்படுவார்கள் என எதிர்பார்க்கப்படுகிறது.

TNPL விண்ணப்பிக்கும் முறை :

விண்ணப்பிக்க தகுதி மற்றும் திறமை உள்ள விண்ணப்பதாரர்கள் அதிகாரப்பூர்வ தளத்தில் விண்ணப்ப படிவம் பெற்று பூர்த்தி செய்து, அறிவிப்பில் கொடுக்கப்பட்ட முகவரிக்கு அனுப்பி விண்ணப்பித்து பயன் பெறுமாறு கேட்டு கொள்ளப்படுகிறார்கள்.

Download Notification PDF

Application Form Link

Click here for latest employment news

 Click here to join WhatsApp group for Daily employment news

Read More

Indian Army வேலைவாய்ப்பு 2023 – மாதம் ரூ.56,100/- உதவித்தொகை !

 

Indian Army வேலைவாய்ப்பு 2023 – மாதம் ரூ.56,100/- உதவித்தொகை !

Indian Army ஆனது வேலைவாய்ப்பு குறித்த புதிய அறிவிப்பு ஒன்று தற்போது வெளியாகியுள்ளது. அவ்வங்கியில் Technical Graduate பணிக்கு என 30 காலிப்பணியிடங்கள் உள்ளதாக அறிவித்துள்ளது. இப்பணிக்கு திருமணமாகாத ஆண்களிடம் இருந்து தற்போது விண்ணப்பங்கள் வரவேற்கப்படுகிறது. விண்ணப்பிக்க விரும்பும் விண்ணப்பதாரர்கள் விரைவாக விண்ணப்பிக்குமாறு கேட்டுக்கொள்ளப்படுகிறார்கள்.

Indian Army காலிப்பணியிடங்கள்:

Indian Army ஆனது தற்போது வெளியிட்டுள்ள அறிவிப்பின் படி Technical Graduate பணிக்கு என 30 காலிப்பணியிடங்கள் ஒதுக்கப்பட்டுள்ளதாக தெரிவிக்கப்பட்டுள்ளது.

Indian Army வயது வரம்பு:

விண்ணப்பிக்கும் நபர்களின் வயதானது 20 முதல் 27 ஆக இருக்க வேண்டும், வயது வரம்பில் அளிக்கப்பட்டுள்ள தளர்வுகளுக்கு அதிகாரப்பூர்வ அறிவிப்பை பார்வையிடவும்.

Indian Army கல்வித் தகுதி:

பணிபுரிய விரும்பும் விண்ணப்பதாரர்கள் அரசால் அங்கீகாரம் பெற்ற பல்கலைக்கழகத்தில் BE/B.Tech பட்டம் பெற்றிருக்க வேண்டும்.

Indian Army ஊதிய விவரம் :

தேர்வாகும் விண்ணப்பதாரர்களுக்கு மாதம் ரூ.56,100/- உதவித்தொகையாக வழங்கப்படும் என அறிவிக்கப்பட்டுள்ளது .

Indian Army பணிக்கான தேர்வு செய்யப்படும் முறை :

விண்ணப்பிக்கும் விண்ணப்பதாரர்கள் Short listing, Medical Examination, Merit List மூலம் தேர்வு செய்யப்பட்டு பணி அமர்த்தப்படுவார்கள்.

Indian Army விண்ணப்பிக்கும் முறை:

இப்பணிக்கு விண்ணப்பதாரர்கள் அதிகாரப்பூர்வ தளத்தில் விண்ணப்ப படிவம் பெற்று பூர்த்தி செய்து, ஆன்லைனில் இறுதி நாளுக்குள் விண்ணப்பிக்குமாறு கேட்டுக்கொள்ளப்படுகிறார்கள்.

Download Notification PDF

Click here for latest employment news

 Click here to join WhatsApp group for Daily employment news

Read More

Avinashilingam பல்கலைக்கழகத்தில் புதிய வேலைவாய்ப்பு 2023 – மாதம் ரூ.10,000/- ஊதியம்!

 

Avinashilingam பல்கலைக்கழகத்தில் புதிய வேலைவாய்ப்பு 2023 – மாதம் ரூ.10,000/- ஊதியம்!

அவினாசிலிங்கம் பல்கலைக்கழகம் ஆனது வேலைவாய்ப்பு குறித்த புதிய அறிவிப்பு வெளியிட்டுள்ளது. இதில் Research Assistant பணிக்கென 01 காலிப்பணியிடம் ஒதுக்கப்பட்டுள்ளதாக தெரிவிக்கப்பட்டுள்ளது. ஆர்வமுள்ள மற்றும் தகுதியானவர்களின் விண்ணப்பங்கள் வரவேற்கப்படுகிறது. விருப்பமுள்ளவர்கள் இறுதி நாள் முடிவதற்குள் விண்ணப்பித்து பயனடையுமாறு அறிவுறுத்தப்படுகிறார்கள்.

Avinashilingam University காலிப்பணியிடங்கள்:

Avinashilingam University ஆனது தற்போது வெளியாகியுள்ள அறிவிப்பின் படி Research Assistant பணிக்கென 01 காலிப்பணியிடம் ஒதுக்கப்பட்டுள்ளதாக தெரிவிக்கப்பட்டுள்ளது.

Avinashilingam University கல்வி தகுதி:

விண்ணப்பதாரர்கள் அரசால் அங்கீகரிக்கப்பட்ட பல்கலைக்கழகத்தில் M.Sc, MA பட்டம் பெற்றிருக்க வேண்டும்.

Avinashilingam University ஊதிய விவரம்:

தேர்வாகும் நபர்களுக்கு மாதம் ரூ.10,000/- ஊதியம் வழங்கப்படும் என அறிவிக்கப்பட்டுள்ளது.

Avinashilingam University தேர்வு செய்யப்படும் முறை:

தகுதியான நபர்கள் Interview மூலம் தேர்வு செய்யப்படுவார்கள் என தெரிவிக்கப்பட்டுள்ளது.

Avinashilingam University விண்ணப்பிக்கும் முறை:

விண்ணப்பிக்க திறமையுள்ள நபர்கள் அதிகாரப்பூர்வ அறிவிப்பின் படி விண்ணப்ப படிவம் பெற்று ,பூர்த்தி செய்து தேவையான ஆவணங்களுடன் அறிவிப்பில் கொடுக்கப்பட்ட மின்னஞ்சல் மூலம் இறுதி நாளுக்குள் (02.10.2023) அனுப்பி விண்ணப்பிக்குமாறு கேட்டுக்கொள்ளப்படுகிறார்கள்.

Download Notification PDF

Click here for latest employment news

 Click here to join WhatsApp group for Daily employment news

Read More

ICICI வங்கியில் புதிய வேலைவாய்ப்பு அறிவிப்பு வெளியீடு – முழு விவரங்கள் || விண்ணப்பிக்கலாம் வாங்க!

 

ICICI வங்கியில் புதிய வேலைவாய்ப்பு அறிவிப்பு வெளியீடு – முழு விவரங்கள் || விண்ணப்பிக்கலாம் வாங்க!

Area Credit Manager பணிக்கென காலியாக உள்ள பணியிடங்களை நிரப்ப ICICI வங்கியானது திட்டமிட்டுள்ளது. இப்பணிக்கென பல்வேறு காலிப்பணியிடங்கள் ஒதுக்கப்பட்டுள்ளதாக தெரிவிக்கப்பட்டுள்ளது. இப்பணிக்கு விண்ணப்பிக்கும் விண்ணப்பதாரர்கள் அரசு அல்லது அரசு அங்கீகாரம் பெற்ற பல்கலைக்கழகத்தில் அல்லது கல்வி நிலையத்தில் CA / MBA தேர்ச்சி பெற்றிருக்க வேண்டும். விருப்பமுள்ளவர்கள் இறுதி நாள் முடிவதற்குள் விண்ணப்பித்து பயனடையுமாறு அறிவுறுத்தப்படுகிறார்கள்.

ICICI காலிப்பணியிடங்கள்:

ICICI வெளியிட்டுள்ள அறிவிப்பின்படி Area Credit Manager பணிக்கென காலியாக உள்ள பல்வேறு காலிப்பணியிடங்கள் நிரப்ப உள்ளது.

Area Credit Manager கல்வி தகுதி:

அரசு அல்லது அரசு அங்கீகாரம் பெற்ற பல்கலைக்கழகத்தில் அல்லது கல்வி நிலையத்தில் Chartered Accountant, MBA in Finance தேர்ச்சி பெற்ற விண்ணப்பதாரர்கள் இப்பணிக்கு விண்ணப்பிக்க தகுதியானவர்கள்.

ICICI வயது வரம்பு:

வயது வரம்பு குறித்த விவரங்களுக்கு அதிகாரபூர்வ அறிவிப்பை பார்வையிடவும்.

Area Credit Manager முன் அனுபவம்:

விண்ணப்பதாரர்கள் சம்பந்தப்பட்ட துறையில் 5 முதல் 8 ஆண்டு வரை முன் அனுபவம் கொண்டிருக்க வேண்டும்.

ICICI ஊதிய விவரம்:

தேர்வாகும் தகுதியானவர்களுக்கு ICICI-ன் நிபந்தனைகளின்படி மாத ஊதியம் வழங்கப்படும்.

Area Credit Manager தேர்வு செய்யப்படும் முறை:

விண்ணப்பதாரர்கள் நேர்காணல் மூலம் தேர்வு செய்யப்பட்டு பணியமர்த்தப்படுவார்கள் என தெரிவிக்கப்பட்டுள்ளது.

விண்ணப்பிக்கும் முறை:

ஆர்வமுள்ள மற்றும் தகுதியான விண்ணப்பதாரர்கள் அதிகாரபூர்வ தளத்தில் விண்ணப்ப படிவம் பெற்று பூர்த்தி செய்து இறுதி நாள் முடிவதற்குள் விண்ணப்பித்து பயனடையவும். இறுதி நாள் முடிந்த பின் பெறப்படும் விண்ணப்பங்கள் ஏற்றுக்கொள்ளப்படாது என தெரிவிக்கப்பட்டுள்ளது.

Download Notification PDF

Click here for latest employment news

 Click here to join WhatsApp group for Daily employment news

Read More

தினமும் இரவு 7 மணிக்கு மேல் இதை செய்தால் உங்க வாழ்க்கையே மாறிடும்..!

 தினசரி உங்கள் நாள் பரபரப்பாக அல்லாமல் நிலையாக இருக்க வேண்டுமெனில் திட்டமிடுதல் அவசியம். அவ்வாறு திட்டமிட்டு உங்கள் அன்றாட வேலைகளை செய்கிறீர்கள் எனில் தேவையற்ற டென்ஷன்களை தவிர்க்கலாம். இதனால் மன நிம்மதி இருக்கும். அன்றைய நாளும் சீராக இருக்கும். அப்படி உங்கள் வேலை முடிந்து வீட்டிற்கு சென்றதும் தினமும் 7 மணிக்கு மேல் இந்த விஷயங்களை செய்கிறீர்கள் எனில் மறுநாள் என்பது நிம்மதியான மகிழ்ச்சியான நாளாக இருக்கும். அதுமட்டுமன்றி உங்கள் வேலையில் முன்னேற்றமும் கிடைக்கும். அவை என்னென்ன என்பதை பார்க்கலாம்.

அன்றைய நாளை ரீவைண்ட் செய்யுங்கள் : தூங்குவதற்கு முன் உங்களுடைய அன்றைய நாளை ஒரு முறை ஓட்டிப் பாருங்கள். நடந்த நல்ல விஷயங்கள், கெட்ட விஷயங்கள், உங்களை சிரிக்க வைத்த விஷயங்கள் என அனைத்தையும் ஓட்டிப்பாருங்கள். இதனால் மறுநாள் நீங்கள் என்னென்ன விஷயங்களை தவிர்க்க வேண்டும். எப்படி அந்த தருணத்தை கையாண்டிருக்கலாம் என்பன போன்ற யோசனைகள் உதிர்க்கும். இதனால் மீண்டும் அதே தவறு நிகழாமல் பார்த்துக்கொள்ளலாம். தவறுகளிலிருந்து கற்றுக்கொள்வதுதானே வெற்றி...

வேலை மற்றும் திரைகளிலிருந்து விலகியிருங்கள் : வீட்டிற்கு சென்றதும் சமூகவலைதளங்களை பார்ப்பது, ஓடிடி தளங்களில் படம் பார்ப்பது, மிச்சம் இருக்கும் அலுவலக வேலைகளை வீட்டிற்கு வந்து செய்வது போன்ற விஷயங்களை தவிர்த்துவிட வேண்டும். அதற்கு பதிலாக புத்தகம் படிக்கலாம். வெதுவெதுப்பான நீரில் குளிக்கலாம். இதையெல்லாம் செய்தாலே உங்களுக்கு தூக்கம் தானாக வரும். உடலுக்கும் இது ஆரோக்கியம்.

நாளைக்கான திட்டமிடல் : தூங்கும் முன் நாளை செய்ய வேண்டிய வேலைகள் , மீட்டிங் இருப்பின் அதற்கு குறிப்புகளை தயார் செய்வது என உங்கள் மறுநாளையை திட்டமிடலோடு தொடங்க குறிப்பெழுதி வைத்துக்கொள்வது நல்லது.

மூச்சுப் பயிற்சி : தினமும் தூங்கும் முன் மூக்கு வழியாக மூச்சை உள்ளே இழுத்து வாய் வழியாக வெளியே விடும் மூச்சுப்பயிற்சியை செய்ய வேண்டும். இவ்வாறு செய்வதால் எந்த மன அழுத்தமும் நீங்கி ஒருவித நிம்மதி கிடைக்கும். தூக்கமும் வரும். உங்களுக்கு ஆழ்ந்த தூக்கம் கிடைக்கும்.

சுய பராமரிப்பு : ஒவ்வொருவருக்கும் சுய ஆரோக்கியம் , சுய பராமரிப்பு அவசியம். சருமத்தை பராமரித்தலும் ஆரோக்கியத்தின் ஒரு அங்கமாகும். எனவே சருமத்தை ஹீல் செய்வதற்கான தினசரி வேலைகளை செய்வது அவசியம்.

• Click here for more Health Tip

   Click here to join whatsapp group for daily health tip

Read More

குழந்தைகளிடம் நாம் கேட்க வேண்டிய 8 கேள்விகள்... பெற்றோர்களுக்கான சில ஆலோசனைகள்..!

 பெற்றெடுத்த நாள் முதல் நம் கூடவே இருக்கின்ற நம் குழந்தைகள் குறித்து நமக்கு மிக நன்றாகவே தெரியும். ஆனால், குழந்தைகள் தெரிந்து வைத்திருக்க வேண்டிய அடிப்படையான விஷயங்களை தெரிந்து வைத்திருக்கின்றனவா என்பதை நாம் சிந்தித்துப் பார்த்துள்ளோமா? குழந்தைகள் அதன் வயதுக்குரிய அறிவையும், பக்குவத்தையும் தெரிந்து வைத்துள்ளதா என்பதை நாம் தெரிந்து கொண்டாக வேண்டும்.

உங்களைப் பற்றி குழந்தைகளுக்கு தெரியுமா? பெற்றோரை பற்றி அடிப்படையான விஷயங்களை குழந்தைகள் தெரிந்து வைத்திருக்க வேண்டும். அப்படி தெரிந்திருந்தால் மட்டுமே இருவருக்கும் இடையிலான பந்தம் பலப்படும். குழந்தைகளுடன் வெளிப்படையாக பேசுவதுடன், உங்களைப் பற்றிய அடிப்படையான கேள்விகளை கேட்பது நல்ல பலனை தரும்.

நான் என்ன வேலை செய்கிறேன் தெரியுமா? தாய், தந்தை என்ன வேலை செய்கிறார்கள் என்ற அடிப்படையான கேள்விக்கு குழந்தைகளுக்கு பதில் தெரிந்திருக்க வேண்டும். இந்த கேள்விகளை குழந்தைகளிடம் கேட்கும்போது குழப்பம் மிகுந்த பதில் அவர்களிடம் இருந்து வெளிப்படுவதை பார்க்கலாம். இருப்பினும் அதை தெளிவுப்படுத்த வேண்டியது உங்கள் கடமை.

தாத்தா, பாட்டியின் பெயர் என்ன? குழந்தைகளை கொஞ்சி மகிழுவதில் தாத்தா, பாட்டிகளை மிஞ்சுவதற்கு யாராலும் முடியாது. பெற்றோராகிய நாம் கூட, குழந்தைகள் சொல் பேச்சை கேட்காத சமயங்களில் சட்டென்று கோபம் கொண்டு அவர்களை அடித்து விடுவோம். ஆனால், எந்த சமயத்திலும் குழந்தைகள் மீது கோபம் கொள்ளாதவர்கள் தாத்தா, பாட்டி மட்டுமே. அவர்களுடைய பெயர்கள் குழந்தைகளுக்கு தெரியும் என்பதை உறுதி செய்து கொள்ளுங்கள். அத்துடன் பெற்றோர், மாமா, அத்தை, பெரியப்பா, சித்தப்பா, சித்தி என அனைத்து உறவுகளின் பெயர்களையும் தெரிந்து வைத்திருக்க வேண்டும்.

மறக்க முடியாத நினைவு எது? உங்கள் குழந்தைகள் உங்களுடன் எந்த அளவுக்கு பின்னி பிணைந்துள்ளன என்பதை தெரிந்து கொள்ள இந்தக் கேள்வி உதவும். ஏனென்றால், உங்களுடன் இருந்த பசுமையான நினைவுகளை பகிர்ந்து கொள்ளும் அளவுக்கு குழந்தைகள் பக்குவம் அடைந்துள்ளன என்றால் அவர்களுடைய மனதில் நீங்கள் நீங்காத இடம் பிடித்துள்ளீர்கள் என்று அர்த்தம்.

நான் கவலையாக இருக்கும்போது….. பெற்றோர்களுக்கு கடினமான சூழல் வருகிறபோது, பெற்றோராகிய நாம் கவலைகளை எதிர்கொள்கிறபோது, குழந்தைகள் அதை எப்படி கடந்து செல்கின்றனர் என்பதை நாம் கவனிக்க வேண்டும். பெற்றோரின் கவலை குழந்தைகளை பாதிக்கக் கூடாது என்றாலும், அவர்களிடம் தன்னம்பிக்கை உணர்வு இருக்கிறதா என்பதை பரிசோதிக்க வேண்டும்.

நான் உன்னை கவனிக்கிறேன்…. குழந்தைகளை நீங்கள் எப்போதும் கவனித்துக் கொண்டே இருக்கிறீர்கள், குழந்தைகளின் எண்ணங்களை மிகச் சரியாக புரிந்து வைத்துள்ளீர்கள் என்பதை அவர்களுக்கு தெரியப்படுத்தும் விதமாக உங்கள் கேள்விகள் அமைய வேண்டும். பெற்றோர் மீது மிகுந்த நம்பிக்கை ஏற்பட இது உதவும்.

நான் ஏதேனும் வித்தியாசமாக செய்கிறேனா? பெற்றோர் குறித்த விமர்சனங்களை, தன்னுடைய கருத்துக்களை குழந்தைகள் முன்வைப்பதற்கு இடமளிக்க வேண்டும். ஏனென்றால் பெற்றோர் மீதான அதிருப்தியை குழந்தைகள் பூட்டி வைத்துக் கொண்டிருந்தால் நாளடைவில் மிகுந்த கோபமும், வன்மமும் உண்டாகும்.

என்னுடைய பலம் என்ன? தாய், தந்தைதான் ஒரு குழந்தையின் சிறந்த வழிகாட்டி ஆவார்கள். உங்களுடைய பலம் எதுவென்று தெரிந்து குழந்தைகள் அதை நோக்கி ஈர்க்கப்பட வேண்டும். அடிப்படையில் அதை குழந்தைகள் தெரிந்து வைத்துள்ளார்களா என்பதை கேள்விகள் மூலமாக உறுதி செய்து கொள்ள வேண்டும்.

உனக்கான கனவுகள் : குழந்தைகளுக்காக உங்கள் மனதில் என்னென்ன கனவுகள் இருக்கிறது என்பதை தெரியப்படுத்துங்கள். அதை நோக்கி உங்கள் கேள்விகள் அமையும்போது குழந்தைகளின் மனதில் அவை ஆழமாக பதியும். எதிர்காலத்தில் அந்த கனவை நிறைவேற்றுவதே குழந்தைகளின் விருப்பமாக அமையும்.

• Click here for more Health Tip

   Click here to join whatsapp group for daily health tip

Read More

ஒருவருக்கு மாரடைப்பு அறிகுறி தெரிந்தால் அருகில் இருப்பவர் உடனே என்ன செய்ய வேண்டும்..?

 ஒட்டுமொத்த உடல் இயக்கத்திற்கும் இதயம்தான் உயிர். அப்படி இருக்கையில் அதற்கு ஏதேனும் சிறு கோளாறு இருந்தாலும் ஒட்டுமொத்த உடலையும் பாதிக்கும். அது உயிருக்கே கூட ஆபத்தாக முடியலாம். அப்படி பலரும் சமீப நாட்களாக இதய நோய்களால் பாதித்து வருகின்றனர். நேற்று நன்றாக பேசிக்கொண்டிருந்தவர் திடீரென மறுநாள் மாரடைப்பால் இறந்துவிட்ட செய்தியை தினமும் கேட்க முடிகிறது. இதற்கு ஆரோக்கியமற்ற வாழ்க்கைமுறையும் காரணம் என்று கூறப்படுகிறது. அப்படி ஒருவேளை உங்கள் அருகில் இருக்கும் ஒருவருக்கு மாரடைப்பு ஏற்பட்டால் உடனே நீங்கள் விரைந்து செய்ய வேண்டிய விஷயங்களை தெரிந்துகொள்ளுங்கள். இதனால் அவரின் உயிரை காப்பாற்றுவதற்கான வாய்ப்புகள் அதிகம்.

அவருக்கு மாரடைப்புதான் என்பதை உறுதி செய்யக்கூடிய அறிகுறிகள் : 10 நிமிடங்களுக்கு மேல் கடுமையான அழுத்தம் அல்லது நெஞ்சு வலி இருக்கும். அசௌகரியமான உணர்வு, நெஞ்சை கசக்கி பிழிவது போன்ற உணர்வு, அளவுக்கு அதிகமான வியர்வை வெளியேறுதல், மூச்சு விடுவதில் சிரமம், உடலின் இயக்கம் நின்றது போன்ற உணர்வு போன்ற அறிகுறிகள் இருக்கும். அதுமட்டுமன்றி இரண்டு தோள்பட்டை மற்றும் கைகளில் வலி, கழுத்து, முதுகு, வயிறு, தாடை ஆகிய இடங்களிலும் கடுமையான வலி இருக்கும். இப்படியான அறிகுறிகளை ஒருவர் அனுபவிக்கிறார் எனில் அவருக்கு மாரடைப்பு வந்திருப்பது உறுதி என்கிறால் ஏசியன் மருத்துவமனையின் இதய நோய் நிபுணர் சுப்ரத் அகோரி.

நாடித்துடிப்பை கவனியுங்கள் : உங்கள் அருகில் இருக்கும் ஒருவர் மூச்சு விட சிரமப்படுகிறார் எனில் முதலில் அவருடைய நாடித்துடிப்பை பரிசோதனை செய்யுங்கள். இதற்கு அவருடைய கையின் மணிக்கட்டு பகுதி அல்லது கழுத்தின் இடையில் இரண்டு விரல்களை வையுங்கள். அதன் துடிப்பு நிலையாக மற்றும் சீரான இடைவெளியில் துடிக்கிறதா என கவனியுங்கள். இல்லையெனில் அவரின் நெஞ்சருகில் காதை வைத்து இதயத்துடிப்பை கவனியுங்கள். அவருக்கு துடிப்பு இல்லை எனில் உடனே சிபிஆர் சிகிச்சை கொடுக்க வேண்டும். அதாவது நெஞ்சில் இரு கைகளை வைத்து அழுத்த வேண்டும்.

அருகில் இருக்கும் மருத்துவமனையை தொடர்பு கொள்ளுங்கள் : அருகில் இருப்பவர் மாரடைப்பு அறிகுறிகளை அனுபவிக்கிறார் எனில் உடனே ஆம்புலன்ஸுக்கு தொடர்பு கொண்டு அருகில் உள்ள மருத்துவமனைக்கு செல்லுங்கள். நீங்கள் கழிக்கும் ஒவ்வொரு நொடியும் முக்கியமானது என்பதை தெரிந்துகொள்ளுங்கள். அதற்கு ஏற்ப விரைந்து செயல்பட வேண்டும். ஒருவேளை ஆம்புலன்ஸ் வர தாமதமாகும் என நினைத்தால் உடனே வேறு ஏதேனும் வாகனத்தை தயார் செய்து அருகில் உள்ள மருத்துமனைக்கு கொண்டு செல்ல முயற்சி செய்யுங்கள்.

Automated External Defibrillator கருவியை பயன்படுத்தலாம் : இது திடீர் கார்டியாக் அரெஸ்ட் பாதிப்பின்போது பயன்படுத்தினால் அவரின் உயிரையே காப்பாற்றும் கருவியாகும். Automated External Defibrillator என்று சொல்லப்படும் இந்த கருவியை இதயத்தில் வைத்து ஷாக் கொடுப்பதாகும். இதை பல படங்களிலும் பார்த்திருக்கக் கூடும். இதயத்திற்கு ஷாக் கொடுக்கும்போது உடனே நின்றுபோன இதயம் துடிக்க ஆரம்பிக்கும். பின் மற்ற சிகிச்சைகளை மருத்துவர்கள் மேற்கொள்வார்கள்.

தொடர்ச்சியான சிபிஆர் சிகிச்சை : அவரின் இதயத்துடிப்பு சரியாக துடிக்கவில்லை அல்லது துடிப்பது நின்றுவிட்டது எனில் ஆம்புலன்ஸ் அல்லது மருத்துவர் வரும் வரை அவருக்கு சிபிஆர் கொடுத்துக்கொண்டே இருக்க வேண்டும். தொடர்ச்சியாக உங்கள் முயற்சியை செய்துகொண்டே இருக்க வேண்டும். இதனால் அவரின் இதயம் மீண்டும் இயங்க தொடங்கலாம் அல்லது மருத்துவர் வந்து சிகிச்சை கொடுக்கும்போது இதய செயல்பாட்டில் நல்ல முன்னேற்றம் கிடைக்கலாம்.

மேலே கொடுக்கப்பட்ட இந்த 4 குறிப்புகள் ஒருவரின் உயிரை காப்பாற்றுமேயானால் துரிதமாக விரைந்து செயல்படுங்கள். இந்த சூழ்நிலையில் உடனே நீங்களும் பதட்டமடையாமல் இருப்பதும் அவசியம். அவர் இயல்புநிலைக்கு திரும்பும் வரை அவருக்கான மருத்துவ உதவிகளை செய்துகொண்டே இருங்கள்.

• Click here for more Health Tip

   Click here to join whatsapp group for daily health tip

Read More

எந்தெந்த உடல் உறுப்புகள் தானம் செய்யலாம் தெரியுமா?

 மூளைச்சாவு அடைந்து உயிரிழந்த வடிவேலின் உடல் உறுப்புகள் தானம் செய்யப்பட்டுள்ள நிலையில், வடிவேலின் உடலுக்கு அஞ்சலி செலுத்த வந்த மதுரை அப்பல்லோ மருத்துவமனை முதன்மை செயல் அலுவலர் உடல் உறுப்பு தானம் பற்றியும் , எந்தெந்த உடல் உறுப்புகள் தானம் செய்யலாம் என்பது பற்றியும் விளக்கமாக கூறியுள்ளார் .

உடல் உறுப்பு தானம் :

தேனி மாவட்ட ஆட்சியர் அலுவலகத்தில் வருவாய் ஆய்வாளராக பணியாற்றி வந்திருந்தவர் வடிவேலு. இவர் கடந்த 23ஆம் தேதி அன்று சாலை விபத்தில் சிக்கி படுகாயம் அடைந்த வடிவேலு மதுரை அப்போலோ மருத்துவமனையில் சிகிச்சை மேற்கொண்ட நிலையில் சிகிச்சை பலனின்றி உயிரிழந்தார். இந்நிலையில் வடிவேலின் உடல் உறுப்புகள் தானம் செய்யப்பட்டது.

தேனி மாவட்டம் சின்னமனூரில் உள்ள காந்தி காலனி பகுதியில் அவரது வீட்டில் வடிவேலின் உடல் அஞ்சலிக்காக வைக்கப்பட்டிருந்தது . வடிவேலின் உடலுக்கு மதுரை மண்டல அப்பல்லோ மருத்துவமனையில் முதன்மைச் செயலாளர் நீலகண்னன் அவருக்கு அஞ்சலி செலுத்தினார்.

வடிவேலின் உடலில் இருந்து கல்லீரல், இரண்டு கிட்னி , தோல் , ஆகிய உறுப்புகள் எடுக்கப்பட்டுள்ளதாகவும், எடுக்கப்பட்ட உறுப்புகள், வேறு ஒருவருக்கு உறுப்பு மாற்ற அறுவை சிகிச்சை செய்யப்பட உள்ளதாகவும் தெரிவித்தார் . மேலும் உறுப்பு மாற்று அறுவை சிகிச்சை குறித்தும் எந்தெந்த உறுப்புகள் தானம் செய்வதற்கு தகுதியான உறுப்புகள் என்பது பற்றி விளக்கமாக கூறியுள்ளார் .

இதுகுறித்து நீலகண்னன் கூறுகையில், " வடிவேலின் உயிரிழப்புக்கு மருத்துவமனை சார்பில் அஞ்சலி செலுத்துவதற்காக வருகை தந்திருந்தோம். உடல் உறுப்புகளை தானம் செய்ய முன்வந்த வடிவேலின் குடும்பத்தாருக்கு மருத்துவமனை சார்பாக நன்றிகளை தெரிவித்துக் கொள்கிறோம் . இதுபோன்ற அறிவிப்புகளால் உடல் உறுப்பு தானம் இன்னும் வரும் காலங்களில் அதிகரிக்க கூடும் என தெரிவித்தார்.

உடல் உறுப்புகள் தானம் செய்வதன் மூலம் பல மனிதர்களுக்கு வாழ்வு கிடைக்கும் எனவும் , கண்கள் நுரையீரல் கல்லீரல் கிட்னி தோல் போன்ற உறுப்புகள் உடலில் இருந்து எடுத்து மற்றொரு நபருக்கு பொருத்தலாம் எனவும் , ஒவ்வொரு உறுப்புக்கும் குறிப்பிட்ட கால இடைவெளி இருக்கிறது.அந்த இடைவெளிக்கு உள்ளாகவே உறுப்பு மாற்று அறுவை சிகிச்சை செய்ய வேண்டுமென கூறினார்.

Click here for more Health Tip

•  Click here to join whatsapp group for daily health tip

Read More

அதிகமாக சர்க்கரை மற்றும் உப்பு சேர்த்து கொள்வதால் நேரடியாக பாதிக்கப்படும் இதய ஆரோக்கியம்... எப்படி தெரியுமா..?

 

நாம் தினசரி உண்ணும் உணவுகளில் கட்டாயம் சேர்க்கப்படும் இரண்டு வெள்ளை நிற பொருட்கள் உப்பு மற்றும் சர்க்கரை. பார்ப்பதற்கு வெண்மையாக மற்றும் பாதிப்பில்லாததாக இருக்கும் உப்பு மாற்று சர்க்கரை இரண்டுமே சாப்பிடும் பொருட்களை சுவை மிகுந்ததாக மாற்றுகின்றன.

எனவே 3 வேளையும் செய்யும் சமையல் முதல் ஸ்னாக்ஸாக சாப்பிடும் பதார்த்தங்கள் வரை நம்முடைய தினசரி கிச்சன் பயன்பாட்டில் இவை இரண்டுமே முக்கிய பங்கு வகிக்கின்றன. நாம் சாப்பிடும் பெரும்பாலான பொருட்களுக்கு உப்பு மற்றும் சர்க்கரை இரண்டும் மிகவும் அடிப்படையானவையாக, அவசியமானவையாக இருக்கின்றன. ஆனால் உணவுகளின் வழியே இவற்றை அளவுக்கு அதிகமாக சேர்த்து கொள்வது அமைதியாக ஒரு சுகாதார நெருக்கடியை தூண்டுகிறது என்பது பலருக்கும் புரிவதில்லை. குறிப்பாக உப்பு, சர்க்கரை இரண்டின் அளவுக்கு அதிகமான நுகர்வு நேரடியாக இதய ஆரோக்கியத்தை பாதிக்கிறது. அதிகப்படியான சர்க்கரை மற்றும் உப்பு நுகர்வால் நமது இதயத்திற்கு ஏற்பட கூடிய ஆபத்துகளை பற்றி இங்கே தெரிந்து கொள்வோம், வாருங்கள்.

சர்க்கரை:

பல நூற்றாண்டுகளாக நம் நாட்டு கலாச்சாரம், மரபுகள் மற்றும் மத சடங்குகளில் சர்க்கரை முக்கியமான சுவையூட்டியாக இருக்கிறது. சமீபத்திய ஆண்டுகளில் நம் நாட்டின் சர்க்கரை நுகர்வு கணிசமாக உயர்ந்துள்ளது. ஆய்வு ஒன்றின்படி கடந்த 2019-2020 ஆம் ஆண்டில் 35 மில்லியன் மெட்ரிக் டன் சர்க்கரை உற்பத்தி செய்யப்பட்டதில் இருந்து நிலையான அதிகரிப்பு பதிவாகி வருகிறது. இந்த நிலையில் கடந்த 2022-2023-ஆம் ஆண்டில் ஒட்டுமொத்த உள்நாட்டு சர்க்கரை நுகர்வின் அளவு இந்தியாவில் 29 மில்லியன் மெட்ரிக் டன்களை எட்டி இருக்கிறது.

சில ஆண்டுகளுக்கு முன் இந்தியர்களிடம் காணப்பட்ட வாழ்க்கைமுறை முற்றிலும் மாறி வாழ்க்கைமுறை மாற்றங்கள் சார்ந்த நோய்களின் அதிகரிப்பிற்கு மத்தியில் இந்த அதிகரித்த சர்க்கரை நுகர்வு மிகவும் ஆபத்தானதாக பார்க்கப்படுகிறது. மேலும் ஒவ்வொருவரும் தங்களது சர்க்கரை நுகர்வு அளவை கண்காணிப்பது மேலும் அவசியமாகிறது. நாடு முழுவதும் அதிகரித்து வரும் டைப் 2 நீரிழிவு மற்றும் இதய நோய்களுக்கு அடித்தளமாக அதிகரித்த சர்க்கரை பயன்பாடு காரணமாக இருக்கிறது.

சர்க்கரைக்கும் இதய ஆரோக்கியத்திற்குமான தொடர்பு...

பிரபல இதயநோய் நிபுணர் ஆயுஷி அகர்வால் பேசுகையில், அதிக சர்க்கரை நுகர்வு நம் இதய ஆரோக்கியத்தை நேரடியாக பாதிக்கும். நாம் அதிக சர்க்கரையை எடுக்கும்போது அதை சரியாக ப்ராசஸ் செய்து முடிக்க நம் உடல் போராடும். இதுவே தொடர்கதையாக இருந்தால் காலப்போக்கில் இன்சுலின் ரெசிடென்ஸ் ஏற்பட வழிவகுக்கும். இன்சுலின் ரெசிடென்ஸ் என்பது ரத்த சர்க்கரையை ஒழுங்குபடுத்தும் ஹார்மோனான இன்சுலினுக்கு நமது செல்கள் குறைவாக ரெஸ்பான்ஸ் செய்யும் நிலையாகும்.

Insulin resistance காரணமாக உடல் பருமன் மற்றும் அடிவயிற்றை சுற்றி கொழுப்பு குவிவது (Abdominal fat) உள்ளிட்ட பிரச்சனைகளை எதிர்கொள்ள நேரிடும். அடிவயிற்றில் குவியும் கொழுப்பானது தொப்பையை ஏற்படுத்தி உங்கள் அழகை கெடுப்பது மட்டுமல்ல, இதய நோய்களின் வளர்ச்சிக்கும் முக்கிய காரணமாக அமைய கூடும்.

எப்படி என்றால் Abdominal fat-ஆனது நம் ரத்த ஓட்டத்தில் தீங்கு விளைவிக்கும் பொருட்களை வெளியிடுகிறது. தவிர ரத்த அழுத்தம், கொலஸ்ட்ரால் லெவல்ஸ் மற்றும் ரத்த உறைவு உள்ளிட்டவற்றை கட்டுப்படுத்தும் பல ஹார்மோன்களின் பேலன்ஸை பாதிக்கிறது. இவை அனைத்தும் சேர்ந்து இதய நோய் ஏற்படுவதற்கான அபாயத்தை அதிகரிக்கின்றன. இதய பாதிப்புகளை தவிர அதிகப்படியான சர்க்கரை நுகர்வு fatty liver சிக்கலையும் ஏற்படுத்த கூடும்.

உப்பு:

நம் நாட்டில் 1 நபர் தினசரி 11 கிராம் உப்பை சேர்த்து கொள்வதாக தரவுகள் தெரிவிக்கின்றன. ஆனால் நிபுணர்களின் பரிந்துரை என்பது நாளொன்றுக்கு 5 கிராம் உப்பு மட்டுமே சேர்த்து கொள்ள வேண்டும் என்பதாக இருக்கிறது. பரிந்துரைக்கப்பட்டதை விட தினசரி இரட்டிப்பாக சேர்த்து கொள்ளப்படும் இந்த அதிகப்படியான உப்பு நுகர்வு முக்கியமாக உயர் ரத்த அழுத்தத்திற்கு காரணமாகிறது.

உப்பு மற்றும் ஹைப்பர் டென்ஷனுக்கு இருக்கும் தொடர்பு...

ஹைப்பர் டென்ஷன் எனப்படும் உயர் ரத்த அழுத்தம் எளிதாக ஒருவருக்கு இதய பிரச்சினைகளை ஏற்படுத்தி விடும் என்பதால் சைலன்ட் கில்லர் என குறிப்பிடப்படுகிறது. ஒருவர் அதிகமாக உப்பு எடுத்து கொள்ளும் போது அவரது உடலில் இருக்கும் கூடுதல் திரவம் (fluid) வெளியேற்றப்படாமல் தக்க வைக்கப்படுகிறது. ரத்தத்தில் கூடுதல் நீர் இருப்பது ரத்த அளவை அதிகரிப்பதோடு மற்றும் arteries-களில் கூடுதல் அழுத்தத்தை ஏற்படுத்துகிறது. தொடர்ந்து arteries-களில் ஏற்படும் இந்த அழுத்தம் அவற்றை சேதப்படுத்துவதோடு, கொலஸ்ட்ரால் மற்றும் plaque வரின் சுவர்களில் எளிதாக டெபாசிட்டாகிறது. இறுதியில் இது atherosclerosis ஏற்படுவதற்கு வழிவகுக்கும். atherosclerosis என்பது தமனிகள் (arteries) குறுகி, கடினமாகி நம் இதயத்திற்கான ரத்த ஓட்டம் குறைந்து போக கூடிய ஒருநிலையாகும்.

இதய ஆரோக்கியத்தை பாதுகாக்க டிப்ஸ்:

சர்க்கரை சேர்க்கப்பட்ட தின்பண்டங்கள், பானங்கள் மற்றும் இனிப்புகளை குறைக்க முயற்சித்து பழங்கள் போன்ற ஆரோக்கியமானவற்றை டயட்டில் சேர்க்கவும்.

பெரும்பாலும் சர்க்கரை சுக்ரோஸ், பிரக்டோஸ் மற்றும் குளுக்கோஸ் போன்ற வெவ்வேறு பெயர்களால் உணவு லேபிள்களில் அச்சிடப்பட்டிருக்கும் என்பதால் பேக்கிங் உணவுகளை வாங்கும் முன் லேபிள்களை சரிபாருங்கள்.

பதப்படுத்தப்பட்ட உணவுகளை முற்றிலும் தவிர்ப்பது நல்லது. சமையலின் போதும், சாப்பிடும் போதும் உப்பைக் குறைவாக பயன்படுத்துங்கள்.

ஆரோக்கியமான எடையை பராமரிக்க தினசரி ஒர்கவுட்ஸ்களில் ஈடுபடுங்கள். இதன் மூலம் இன்சுலின் ரெசிஸ்டன்ஸ் மற்றும் அடிவயிற்றில் கொழுப்பு குவியும் அபாயத்தை குறைக்கலாம்.

சீரான இடைவெளியில் உங்களின் ரத்த அழுத்தம், கொலஸ்ட்ரால் லெவல் மற்றும் ஒட்டுமொத்த இதய ஆரோக்கியத்தை பரிசோதித்து கொள்ளுங்கள்.

• Click here for more Health Tip

   Click here to join whatsapp group for daily health tip

Read More