எண்ணும் எழுத்தும் - பருவம் 2 - 1-3 மற்றும் 4 & 5 வகுப்புகளுக்கு - பயிற்சிக் காணொளிகள் தொகுப்பு - அனைத்துப் பாடங்கள்
Ennum Ezhuthum -Term 2 For classes 1-3 and 4 & 5 - Training Materials Collection - All Subjects
🔻🔻🔻
Click here to join WhatsApp group for Daily employment news
திருச்செந்தூர் கந்த சஷ்டி திருவிழாவினை முன்னிட்டு நவ. 7 ஆம் தேதி விடுமுறை உள்ளூர் விடுமுறை அறிவிக்கப்பட்டுள்ளது.
திருச்செந்தூா் அருள்மிகு சுப்பிரமணியசுவாமி திருக்கோயிலில் கந்த சஷ்டி திருவிழா வருகிற நவ. 2-ஆம் தேதி தொடங்குகிறது. விழாவின் முக்கிய நிகழ்ச்சியான சூரசம்ஹாரம் நவ. 7-ஆம் தேதியும், திருக்கல்யாணம் நவ. 8-ஆம் தேதி பெற உள்ளது. விழாவில் கலந்து கொள்ளும் பக்தா்களுக்காக திருக்கோயில் சாா்பில் பல்வேறு வசதிகள் செய்யப்பட்டு வருகிறது.
இந்த நிலையில், சூரசம்ஹாரம் நடைபெறும் வரும் நவ. 7-ஆம் தேதி தூத்துக்குடி மாவட்டத்தில் உள்ள அனைத்து அரசு அலுவலகங்கள், பள்ளி, கல்லூரிகளுக்கு மேற்குறிப்பிட்டுள்ள நாளில் உள்ளூா் விடுமுறை அறிவிக்கப்படுவதாக மாவட்ட ஆட்சியர் தெரிவித்துள்ளார்.
🔻🔻🔻
Click here to join WhatsApp group for Daily employment news
இளம்சாதனையாளர்களுக்கான பிரதமர் கல்வி உதவித்தொகை திட்டத்தில் உதவி பெற இணையதளத்தில் விண்ணப்பிக்கலாம் என கலெக்டர் சங்கீதா தெரிவித்துள்ளார்.
அவர் கூறியிருப்பதாவது:
பிற்படுத்தப்பட்டோர், பொருளாதாரத்தில் பின்தங்கியவர்கள், சீர்மரபினர் பிரிவைச் சேர்ந்தவர்களுக்கு கல்வி உதவித்தொகை வழங்க மத்தியஅரசு திட்டமிட்டுள்ளது. 2024 - 25ம் ஆண்டிற்கு தேசிய கல்வி உதவித்தொகை இணையதளத்தில் வெளியிட்டுள்ள பள்ளிகளில் பயிலும் தமிழக மாணவர்களுக்கு இவ்வுதவித் தொகை வழங்கப்படும்.
மாணவரின் பெற்றோர் ஆண்டு வருமானம் ரூ.2.50 லட்சத்திற்குள் இருக்க வேண்டும். விண்ணப்பிக்க கடைசி அக்.31. கல்வி நிறுவனங்கள் விண்ணப்பத்தை சரிபார்க்க கடைசி நவ.15. மாணவர்கள் நேஷனல் ஸ்காலர்ஷிப் போர்டலில் ரினிவல் அப்ளிகேஷன் என்ற இணைப்பில் சென்று, ஓ.டி.பி., பதிவு செய்து விண்ணப்பத்தை புதுப்பிக்கலாம்.
புதிதாக விண்ணப்பிக்க விரும்புவோர், 9, 11ம் வகுப்புகளில் பெற்ற மதிப்பெண் அடிப்படையில் பயனாளியாக தேர்வு செய்யப்பட்டு உதவித்தொகை வழங்கப்படும். 60 சதவீத மதிப்பெண் பெற்றவர்கள், பட்டியலிடப்பட்ட பள்ளிகளில் பயிலும் மாணவர்கள், தேசிய கல்வி உதவித்தொகை தளத்தில் அலைபேசி எண், ஆதார் விவரங்களை உள்ளீடு செய்தால் ஓ.டி.ஆர்., நம்பர், பாஸ்வேர்ட் பதிவு செய்த அலைபேசிக்கு வரும். அதைப் பயன்படுத்தி உரிய ஆவணங்களை பதிவேற்றம் செய்ய வேண்டும்.
இத்திட்டம் குறித்து அறிய நேஷனல் ஸ்காலர்ஷிப் போர்டலில் (scholarships.gov.in, http://socialjustice.gov.in) அணுகலாம் என தெரிவித்துஉள்ளார்.
🔻🔻🔻
Click here to join WhatsApp group for Daily employment news
🔻🔻🔻
Click here to join WhatsApp group for Daily employment news
இளைஞர்களுக்கு திறன் மேம்பாடு மற்றும் நிதி உதவி வாய்ப்புகளை வழங்குவதை நோக்கமாகக் கொண்டு, 'பிரதம மந்திரி இன்டர்ன்ஷிப்' எனும் புதிய திட்டத்தை மத்திய அரசு துவக்கியுள்ளது.
முக்கியத்துவம்
நாட்டின் 36 மாநிலங்கள் மற்றும் யூனியன் பிரதேசங்களில் உள்ள 742 மாவட்டங்களில் ரூ. 800 கோடி மதிப்பீட்டில் இத்திட்டம் செயல்படுத்தப்பட்டுள்ளது. மொத்தம் 25 துறைகளை சேர்ந்த, நாட்டின் சிறந்த 500 தொழில் நிறுவனங்களில் 80 ஆயிரத்திற்கும் மேற்பட்ட 'இன்டர்ன்ஷிப்' வாய்ப்புகள் வழங்கப்படுகிறது.
பயிற்சி துறைகள்
தகவல் தொழில்நுட்பம், மென்பொருள் மேம்பாடு, வங்கி மற்றும் நிதி சேவைகள், எண்ணெய், எரிவாயு மற்றும் ஆற்றல், உலோகங்கள் மற்றும் சுரங்கம், எப்.எம்.சி.ஜி., தொலைத்தொடர்பு, உள்கட்டமைப்பு மற்றும் கட்டுமானம், சில்லறை விற்பனை மற்றும் நுகர்வோர் பொருட்கள், சிமெண்ட் மற்றும் கட்டிட பொருட்கள், வாகனம், மருந்து, விமானம் மற்றும் பாதுகாப்பு, சுகாதாரம், உற்பத்தி மற்றும் தொழில்துறை, ரசாயனம், ஊடகம், பொழுதுபோக்கு மற்றும் கல்வி, விவசாயம், ஆலோசனை சேவைகள், ஜவுளி உற்பத்தி, கற்கள் மற்றும் நகைகள், சுற்றுலா மற்றும் விருந்தோம்பல் உட்பட பல்வேறு துறைகளில் இன்டர்ன்ஷிப் பயிற்சி வழங்கப்படுகிறது.
பயிற்சி காலம்:
ஓர் ஆண்டு
நிதி உதவி:
பயிற்சியாளருக்கு நிதி உதவியாக மாதம் ரூ.5,000 வீதம் 12 மாதங்களுக்கு வழங்கப்படுவதோடு, ஒருமுறை மானியமாக ரூ.6,000 வழங்கப்படுகிறது. காப்பீடு வசதியும் உண்டு.
தகுதிகள்:
* இந்திய குடிமகனாக இருத்தல் வேண்டும்.
* 21-24 வயதுக்குள் இருக்க வேண்டும்.
* தற்போது முழுநேர பணி அல்லது முழுநேர கல்வி பெறுபவராக இருத்தல் கூடாது.
* ஆன்லைன் அல்லது தொலைநிலைக் கல்வி திட்டங்களில் பதிவுசெய்யப்பட்ட மாணவர்கள் தகுதியுடையவர்கள்.
* குறைந்தது மேல்நிலை கல்வி, நிறைவு செய்திருக்க வேண்டும் அல்லது அதற்கு சமமான ஐ.டி.ஐ., படிப்பை முடித்திருக்க வேண்டும். டிப்ளமோ அல்லது பி.ஏ., பி.எஸ்சி., பி.காம்., பி.சி.ஏ., பி.பி.ஏ., பி.பார்மா போன்ற பட்டப்படிப்பை நிறைவு செய்தவர்களும் விண்ணப்பிக்கலாம்.
விபரங்களுக்கு:
https://pminternship.mca.gov.in/
🔻🔻🔻
Click here to join WhatsApp group for Daily employment news
அரசு பள்ளி மாணவர்களுக்கு, விளையாட்டு குறித்து பயிற்சி அளிக்க, கல்வித்துறை நடவடிக்கை எடுத்துள்ளது. அரசு பள்ளிகளின் உடற்பயிற்சி ஆசிரியர்களுக்கு, பல்வேறு விளையாட்டுகள் குறித்து, இங்கிலீஷ் பிரிமியர் லீக் ஸ்போர்ட்ஸ் மூலம் பயிற்சி அளிக்க, ஏற்பாடுகள் நடக்கின்றன.
அரசு பள்ளி மாணவர்களின் விளையாட்டு திறனை அதிகரிக்கவும், வருங்காலத்தில் அவர்களை சிறந்த விளையாட்டு வீரர்களாக உருவாக்கவும், கர்நாடக அரசு முடிவு செய்துள்ளது. இதற்கான ஒப்பந்தத்தில், கல்வித்துறை கமிஷனர் திரிலோக சந்திரா, பிரிட்டிஷ் கவுன்சிலின், தென்னிந்திய இயக்குனர் ஜனக புஷ்பநாதன் கையெழுத்திட்டுள்ளனர்.
பள்ளிக்கல்வி அமைச்சர் மது பங்காரப்பா, நேற்று அளித்த பேட்டி:
அரசு பள்ளி மாணவர்களிடம் மறைந்துள்ள விளையாட்டு திறனை அடையாளம் கண்டு, அந்த திறனை அதிகரிக்க வேண்டும். இதனால் அவர்கள் வருங்காலத்தில் நல்ல விளையாட்டு வீரர்களாக உருவாகலாம்.
இதை மனதில் கொண்டு, அரசு பள்ளி மாணவர்களுக்கு, விளையாட்டு குறித்து பயிற்சியளிக்க, கல்வித்துறை நடவடிக்கை எடுத்துள்ளது. அரசு பள்ளிகளின் உடற்பயிற்சி ஆசிரியர்களுக்கு, பல்வேறு விளையாட்டுகள் குறித்து, இங்கிலீஷ் பிரீமியர் லீக் ஸ்போர்ட்ஸ் மூலம் பயிற்சி அளிக்கப்படும்.
முதற்கட்டமாக தொடக்க பள்ளிகளின் உடற்பயிற்சி ஆசிரியர்களுக்கு விளையாட்டு மற்றும் திறன் பயிற்சி அளிக்கப்படும். அதன்பின் மற்ற பள்ளிகளில் பயிற்சி துவங்கும்.
மாணவர்களின் விளையாட்டு திறனை அதிகரிக்கும் திட்டத்தை செயல்படுத்துவது தொடர்பாக, கமிஷனர் திரிலோக சந்திரா, பிரிட்டிஷ் கவுன்சிலின், தென்னிந்திய இயக்குனர் ஜனக புஷ்பநாதன் நேற்று (முன் தினம்) கையெழுத்திட்டனர்.
கபடி, கோகோ உட்பட மற்ற பாரம்பரிய விளையாட்டுகளை, கால்பந்து விளையாட்டு போன்று வளர்க்க வேண்டும். 6 வயதில் இருந்தே, பள்ளி சிறார்களுக்கு விளையாட்டு பயிற்சி அளிக்கப்படுகிறது. இப்போது ஆசிரியர்களுக்கும் பயிற்சி அளிக்க திட்டமிட்டு உள்ளோம்.
இவ்வாறு அவர் கூறினார்.
🔻🔻🔻
Click here to join WhatsApp group for Daily employment news
இந்தியா மிகப்பெரிய அறிவுச் சந்தைகளில் ஒன்றாக இருக்கும், என ரிலையன்ஸ் இண்டஸ்ட்ரீஸ் நிறுவன சேர்மன் முகேஷ் அம்பானி தெரிவித்தார்.
மும்பையில், என்விடியா ஏ.ஐ., மாநாடு-2024 இன்று நடைபெற்றது. இந்த கூட்டத்தில் ரிலையன்ஸ் நிறுவனத்தின் உரிமையாளர் முகேஷ் அம்பானி மற்றும்என்விடியா தலைமை நிர்வாக அதிகாரி ஜென்சன் ஹுவாங் உள்ளிட்டோர் பங்கேற்றனர்.
விழாவில் பங்கேற்ற ரிலையன்ஸ் இண்டஸ்ட்ரீஸின் நிர்வாக இயக்குனர் முகேஷ் அம்பானி கூறுகையில், ஏ.ஐ., தொழில்நுட்பத்தில், இந்தியா மிகப்பெரிய அறிவுச் சந்தைகளில் ஒன்றாக இருக்கும். நமது பிரதமர் கூறியது போல் இது புதிய லட்சிய இந்தியாவில், 140 கோடி இந்தியர்கள் இருக்கிறார்கள். சராசரி வயது 35க்குக் கீழே உள்ளவர்கள் இங்கு அதிகமாக இருக்கிறார்கள்.
இந்தியாவை முதன்மையான டிஜிட்டல் சமூகமாக மாற்றியதில் பிரதமர் தலைமை முக்கியமானது.
இந்தியாவின் வலுவான டிஜிட்டல் உள்கட்டமைப்பு, நம்மிடம் இருப்பது நமக்கு பெரிய அதிர்ஷ்டம் . அமெரிக்கா மற்றும் சீனாவைத் தவிர, இந்தியா சிறந்த டிஜிட்டல் இணைப்பு உள்கட்டமைப்பைக் கொண்டுள்ளது.
இவ்வாறு அம்பானி கூறினார்.
என்விடியா தலைமை நிர்வாக அதிகாரி ஜென்சன் ஹுவாங் கூறியதாவது:
இந்தியாவின் செயற்கை நுண்ணறிவு (ஏஐ) திறன்களை வலுப்படுத்தவும் நாட்டில் அதிநவீன ஏ.ஐ., உள்கட்டமைப்பை அமைக்கவும் ரிலையன்ஸ் மற்றும் என்விடியா இடையே ஒப்பந்தம் செய்துள்ளோம்.
இவ்வாறு அவர் கூறினார்.
🔻🔻🔻
Click here to join WhatsApp group for Daily employment news
கரூர் மாவட்டம், தான்தோன்றிமலை ஊராட்சி, வெள்ளியணை அரசு தொடக்கப் பள்ளியில், சர்.சி.வி. ராமன் அறிவியல் கழகம் சார்பில், ஸ்கோப் பயிற்சி முகாம் நடந்தது.
தலைமை ஆசிரியர் தர்மலிங்கம் தலைமை வகித்தார். மக்களிடையே அடிப்படை அறிவியல் விளக்கங்களை புரிய வைக்கும் வகையில், தமிழகத்தில், 200 இடங்களில் ஸ்கோப் திருவிழா என்ற அறிவியல் திருவிழாவை தமிழ்நாடு அஸ்ட்ரானமி மற்றும் சயின்ஸ் சொசைட்டி, ராமன் ரிசேர்ச் பவுண்டேசன் ஆகிய அமைப்புகள் இணைந்து நடத்துகின்றன.
அதன் ஒரு பகுதியாக, வே டூ சக்சஸ் ஆதவுடன் பள்ளி மாணவர்களுக்கு ஸ்கோப் கார்டுகள் வழங்கப்பட்டு பயிற்சியளிக்கப்பட்டு வருகிறது. ஸ்கோப் தயாரிப்பது மற்றும் அதன் பயன்பாடு குறித்த விளக்கம் அளிக்கப்பட்டது. ஆசிரியர்கள் மனோகர், வாசுகி, வெங்கடேசன் ஆகியோர் பயிற்சியளித்தனர். பெரிஸ்கோப், கலைடாஸ்கோப், மடிப்பு நுண்ணோக்கி ஆகியவற்றை செய்து காண்பித்து பயிற்சியளித்தனர்.
மைக்ரோஸ்கோப் மற்றும் ஸ்டெதஸ்கோப்பை பயன்படுத்தி காண்பித்தனர். டெலஸ்கோப், ஸ்டீரியோஸ் கோப், கைரோஸ்கோப் ஆகியவற்றை ஸ்மார்ட் போர்டு மூலம் இணைய வழியில் காண்பித்தனர். ஸ்டெதஸ்கோப், மைக்ரோஸ்கோப், பெரிஸ்கோப், கலைடாஸ்கோப், மடிப்பு நுண்ணோக்கி போன்றவற்றை மாணவர்கள் பயன்படுத்தி மகிழ்ந்தனர்.
🔻🔻🔻
Click here to join WhatsApp group for Daily employment news
🔻🔻🔻
Click here to join WhatsApp group for Daily employment news
🔻🔻🔻
Click here to join WhatsApp group for Daily employment news