மண்புழு உரம் : கேள்வி பதில் | நான் புழுவைப் பாதியாக வெட்டினால் இரண்டு புழுக்கள் கிடைக்குமா?

 மண்புழு உரம் 

மண்புழு உரம் என்றால் என்ன?

மண்புழு உரம் என்பது, மண்புழுக்கள் உற்பத்தி செய்யும் அங்கக உரத்தைக் குறிக்கிறது. அது புழு வார்ப்புகள் (கழிவு பொருட்கள்), மட்கிய அங்கக பொருட்கள், உயிருள்ள மண்புழுக்கள், பட்டுக்கூடு மற்றும் பிற உயிரினங்கள் உள்ளடக்கிய ஒரு கலவையாகும். மண் புழு உரம் தயாரிப்பு, நச்சு அல்லாத திட மற்றும் திரவ அங்கக  கழிவுகளை மட்க செய்வதற்கான  ஒரு சரியான பயனுள்ள, செலவு குறைந்த மற்றும் திறமையான மறுசுழற்சி தொழில்  நுட்பமாகும்.

மண்புழு வளர்ப்பு என்றால் என்ன?            

மண்புழு வளர்ப்பு என்பது மண்புழுக்களை வளர்த்தல் என்று வரையறுக்கப்படுகிறது. மண்புழுக்கள், இரண்டு குழுக்களாக பிரிக்கப்படுகிறது. மட்கிய எரு உருவாக்குபவை மற்றும் மட்கிய பொருட்களை உண்ணுபவை என வரையறுக்கப்படுகிறது. முதல் குழு மேற்பரப்பில் குடியிருந்து கிட்டத்தட்ட 90% அங்கக பொருட்களை உண்ணுகின்றன. அவைகளின் நிறம் பொதுவாக கறுப்பாக இருக்கும். மேலும் எபிஜீயிக் அல்லது கழிவுப் பொருட்களை உண்ணும் மண்புழுக்கள் என அழைக்கப்படுகின்றன.  பொதுவாக இந்த மண்புழுக்கள் மண்புழு உரம் தயாரிக்க உதவுகின்றன. இரண்டாவது குழு, மட்கிய பொருட்களில் துளையிடும் புழுக்கள், உரம் தயாரிப்பிலும் மற்றும் மண்ணை இளக வைத்தலிலும் பயன்படுகின்றன. பொதுவாக, துளையிடும் புழுக்கள் மண்ணில் மட்கிய உரத்தைக் கலந்து விநியோகிப்பதில் உதவும்.

மண்புழுக்கள் விரைவாகவும் திறமையாகவும் அங்கக கழிவுகளை சிதைக்கும் என்று நிரூபிக்கப்பட்டது. எனினும், மண்புழு உரமாக்கல் திறனை அதிகரிக்க, கவனம் எடுத்துக்கொள்ள வேண்டும். புழுக்கள் உயிர்ப்புடன் நன்கு செழித்து வளர ஈரப்பதம் மற்றும் தட்பவெப்ப நிலைக்கு ஏற்ப, இனப்பெருக்கம் செய்ய நடவடிக்கை எடுக்கப்பட வேண்டும். மண்புழு உரமாக்கலில் மிகவும் நன்மை உடைய அம்சம் என்னவென்றால், அங்ககக் கழிவுகள் அழுகும் போது, ஏற்படும் துர்நாற்றத்தை நீக்குகிறது, இது ஒரு முழு காற்று உட்புகும் அமைப்பு ஆகும். மண்புழு பற்றிய கருத்து, இந்த நூற்றாண்டின் 50 களில் நன்றாக அறியப்பட்டது. மேற்கு ஐரோப்பிய நாடுகளில் நல்ல வசதிகள் செய்யப்பட்டு மண்புழுக்கள் அதிகமாக இனப்பெருக்கம் செய்யப்பட்டது. அதனைத் தொடர்ந்து, அமெரிக்கா, இங்கிலாந்து மற்றும் பிரான்ஸ் போன்ற நாடுகள் அங்கக கழிவுகளை திறமையாக அகற்ற, மண்புழு தொழில்நுட்பம் தொடர்பான பல பரிசோதனைகளை மேற்கொண்டது.

மண்புழுக்கள் எப்படி வேலை செய்கிறது?

மண்புழுக்கள் தங்கள் உணவை, தங்கள் உடல் எடையைப் போல இரண்டு முதல் ஐந்து மடங்கு எடுத்துக்கொள்ளும்.

அவைகள் தங்கள் வளர்ச்சிக்கு, ஒரு சிறிய அளவு கழிவு பொருட்களை உட்கொள்ளும். பின்னர் வெர்மிகாஸ்ட்ஸ் என்ற சளி பூசிய ஜீரணமாகாத பகுதியை வெளியேற்றும். மண்புழு எடுத்துக் கொள்ளும் உணவானது, பல்வேறு இயற்பியல் மற்றும் வேதியியல் மாற்றங்களுக்குட்பட்டு, அதனுடைய உணவுக்குழாயில் அரைக்கப்பட்டு, அங்ககப் பொருட்களை மண்புழு உரமாக மாற்றுகிறது. மண்புழு உரத்தில் இருக்கும் ஊட்டச்சத்துக்கள் தாவரங்களினால் எடுத்துக் கொள்ளப்படும் மற்றும் நீரில் எளிதில் கரையும் பொருளாக உள்ளது. மண்புழு உரதில், நுண்ணூட்ட மற்றும் பேரூட்ட சத்துகள், வைட்டமின்கள், என்சைம்கள், உயிர் எதிர்ப்பு பொருள், வளர்ச்சி ஹார்மோன்கள் மற்றும் நுண்ணுயிர்கள் அடங்கி உள்ளன.

மண்புழுக்கள் இல்லாமல் மண்புழு உரம் தயார் செய்ய முடியுமா?

ஆம்! மண்புழு உரத்தின் தரத்தைக் கருத்தில் கொள்ளும் போது, மற்ற உர வகைகளைக் காட்டிலும் மேன்மையானது. மேலும் மண்புழுக்கள் குப்பை, சாணம் மற்றும் பிற அங்கக பொருட்களை நன்றாக துகள்களாக அரைத்து, அதன் மூலம் மேற்பரப்புப் பகுதியை அதிகரித்து, வேகமான சிதைவை ஊக்குவிக்கிறது. இப்பொருட்கள் மண்புழு உடல் வழியாக சென்று வேர்மிகாஸ்ட்களை உருவாக்குகிறது.  மண்புழு இல்லாமல் இருக்கும் மண்ணைவிட, மண்ணுடன் இருக்கும் மண் புழு உரம் 100 மடங்கு பாக்டீரியாவைக் கொண்டிருக்கிறது. மேலும் தாவர வளர்ச்சி ஊக்கிகள் மண்புழு உரத்தில் இருப்பதாக கண்டறியப்பட்டது.

என் மண்புழு உரம் உற்பத்திப் பிரிவு நிறைய சிவப்பு எறும்புகளால் பாதிக்கப்பட்டுள்ளன. நான் இரசாயனம் பயன்படுத்தாமல் இப்பிரச்சினைகளை சமாளிக்க என்ன உயிரியல் நடவடிக்கைகள் உள்ளன?

நீங்கள் உங்கள் உற்பத்திப் பிரிவில் எறும்புகள் நுழையாமல் தடுக்க உங்கள் பிரிவின் அனைத்து பக்கங்களிலும் மிளகாய்ப்பொடி தூவி விடவும்.

நான்  மண்புழு உரம் மற்றும் மண்புழு உரம் கழுவிய தண்ணீர் பற்றிய தகவல்களை எங்கே பெற முடியும்?

நீங்கள் தொடர்பு கொள்ள வேண்டிய முகவரி :

பேராசிரியர் மற்றும் தலைவர்
சுற்றுச்சூழல் அறிவியல் துறை
தமிழ்நாடு வேளாண்மைப் பல்கலைக்கழகம்
கோயம்புத்தூர் - 641 003.

எங்கே நான் மண்புழுவை உர உற்பத்திக்காக பெற முடியும் மற்றும் நான் என் மண்புழு  உரத்தை  விற்க வழி இருக்கிறதா?

மண்புழுக்களை பெற மற்றும் உங்கள் மண்புழு உரத்தை விற்பனை செய்ய கீழ் உள்ள முகவரிக்குத் தொடர்பு கொள்ளலாம்.
திரு. ஆர். ரங்கநாதன், தலைவர்,
எண்: 16, அங்கக விவசாயிகள் சங்கம்,
வணிகர் தெரு,
திருப்போரூர், தமிழ்நாடு- 603 110.
 மின்னஞ்சல்: tedetrust@rediffmail.com
தொலைபேசி: 044-27446369
அலைபேசி: 94433-46369.

என் மண்புழு உரப் பிரிவில்  மண்புழுக்கள் அடிக்கடி இறக்கின்றன. புழுக்கள் இறப்புக்குக் காரணம் என்ன?

அதிக ஈரப்பதம் மற்றும் முறையான காற்றோட்டம் இல்லாத புழுக்கள் இறந்து விடும். அதிகப்படியான நீரை வடிக்க, சரியான வடிகால் வேண்டும். இதனால் மண்புழு கழுவிய அல்லது வடிகட்டிய நீரை தாவரங்களுக்குப் பயன்படுத்தலாம்.

என் மண்புழு உர உற்பத்தி பிரிவு பல பூச்சிகளால் தாக்கப்படுகிறது. எப்படி அவைகளைக் கட்டுப்படுத்த முடியும்?

நீங்கள் மண்புழு உற்பத்திப் பிரிவைச் சுற்றி வேலி அமைக்க வேண்டும். மேலும் மண்புழு உரத்தை தாக்கும் பூச்சிகளைத் தடுக்க அடிப்பகுதியை சுற்றிலும்  பூச்சி விரட்டி தெளிக்க வேண்டும்.

மண்புழு பண்ணை தொடங்கிய சில வாரங்களுக்கு பின்பு, மண்புழுக்கள் கழிவு  பொருட்களை சாப்பிடவில்லை, ஏன்?

முதலில் ஒரு புதிய மண்புழு பண்ணை தொடங்கும் போது, புழுக்கள் தங்கள் புதிய சூழலை பயன்படுத்தி கொள்ள கொஞ்ச காலம் எடுத்து கொள்ளும். மேலும் முதலில் படுக்கையின்  அடியில் உள்ள பொருளை சாப்பிட தொடங்கும். ஆனால் பின்னர் புழுக்கள்  விரைவாக  புதிய உணவு பொருளை நோக்கி செல்லும். இவ்வாறு புழுக்கள் நகரும் போது,  நீங்கள் புதிய கழிவு  பொருட்களை தேவையான  அளவில் சேர்க்க வேண்டும். பின்னர் தொடர்ந்து  கழிவுகளை சேர்க்கலாம்.

நான் எதாவது  தவறாக செய்யும் போது, என் புழுக்கள் தப்பிக்க முயற்சி செய்யும். புழுக்கள் வாழ தகுந்த  சூழ்நிலை அமைய வில்லை என்றால் அவை திரளாக உரக்குவியலை  விட்டு வெளியேற  முயற்சி செய்யும். மண் புழுக்களின் தீவனம், படுக்கையின் ஈரப்பதம்,  படுக்கை பொருளின் அமில கார தன்மை போன்ற காரணத்தினால் மண்புழுக்கள் வெளியேற தொடங்கும். இதே நிலை தொடர்ந்து  நடக்கிறது என்றால், அதற்கு காரணமான பொருட்களை, நீங்கள் திரும்பிச் சென்று சரிபார்க்க வேண்டும். இந்தப் பிரச்சினைகள் விரைவாகவும், எளிதாகவும் பல புழுக்கள் அழியாமல் நடந்து விடும்.

நான் விடுமுறை நாட்களில் இருக்கும் போது, புழுக்கள் பட்டினியால் இறந்து விடுமா?

இல்லை. ஆனால் எந்தப் புதிய உணவுப் பொருளையும் சேர்த்தலைத் தவிர்த்தல் வேண்டும். ஈரமான செய்தித்தாள் அல்லது ஹெஸ்ஸியன் (சாக்கு) கொண்டு படுக்கை மேற்பரப்பு, உலர்ந்து விடாமல் மூடி வைக்க வேண்டும். மட்பாணையில் தண்ணீர்   எடுத்து மூடியை வைத்து மூடி, பாதி தோண்டிய குழி அல்லது தொட்டிகளில் புதைத்து வைக்க வேண்டும். சுற்றியுள்ள பொருட்கள் காய்ந்தாலும் கூட, மண்புழுக்கள் இந்த ஈரமான தொட்டிகளின் கீழே சென்று இருக்கக் கூடும். நீங்கள் நீண்ட நேரம் வெளியூர் போகத் திட்டமிட்டால் (மாதம் அல்லது அதற்கு மேற்பட்ட) நீங்கள் விலகி இருக்கும் நேரம், உங்கள் புழுக்களை பார்த்துக்கொள்ள நண்பர் அல்லது பக்கத்து வீட்டுக்காரரிடம் சொல்லி விட்டு செல்லலாம்.

நான் புழுவைப் பாதியாக வெட்டினால் இரண்டு புழுக்கள் கிடைக்குமா?

இல்லை. எனவே உங்கள் படுக்கையைத் திருப்பும் போது, புழுக்கள் துண்டாகாமல்,  மிகவும் கவனமாக கையாள வேண்டும்.

எவ்வாறு உள்நாட்டு மண்புழுக்களை சேகரிப்பது?

மண் மேற்பரப்பில் தெரியும் மண்புழு மூலம் மண்புழு வசிக்கும் இடம் எது என்று அடையாளம் கண்டு கொள்ளலாம். 20-லிட்டர் தண்ணீரில், 500 கிராம் வெல்லம் (நாட்டு சர்க்கரை) மற்றும் 500 கிராம் புதிய கால்நடை சாணத்தைக் கரைக்க வேண்டும்.1 மீ x 1 மீ. பரப்பில் தெளிக்க வேண்டும். வைக்கோல் கொண்டு மூடி, மாட்டு சாணக் கட்டிகளை விட்டு, ஒரு பழைய சாக்கு பை கொண்டு  மூடி விட வேண்டும். 20-முதல் 30 நாட்கள் வரை தண்ணீர் விடவும். எபிஜீயிக் மற்றும் அநிசிக் நாட்டுப் புழுக்கள் ஒரு கூட்டாக சேகரிக்கப்பட்டு பயன்படுத்த முடியும்.

எவ்வாறான சுற்றுச் சூழ்நிலை புழுக்களுக்கு பிடிக்கும் ?

மண் புழுக்களின் உர சூழ்நிலையானது, அமில-கார தன்மை நடுநிலை, காற்று வெப்பநிலை- 25ºC, காற்று ஈரப்பதம்-70% மற்றும் 70% - 90% மண் ஈரம் கொண்டிருக்க வேண்டும். மண்ணில் பெரிய துகள்கள் இருந்தால், மண் காற்றோட்டமாக இருப்பதை  உறுதி செய்கிறது. அதே போல், மண்ணில் உரமாக்க படாத, நன்கு தூளக்கபட்ட அங்கக உணவு பொருட்கள் இருப்பதையும் இது குறிக்கிறது.

புழுக்கள் எப்படி இனப்பெருக்கம் செய்கின்றன?

மட்க கூடிய செயலை செய்யும் புழுக்கள் இருபாலினம் கொண்டவை. ஒரு முதிர்ந்த புழு, ஆண் மற்றும் பெண் பாலியல் உறுப்புகளைக் கொண்டு இருக்கும். 55-நாட்களுக்குப்பிறகு, ஒவ்வொரு முதிர்ந்த புழுவும் பாலியல் முதிர்ச்சி அடையும். இனச்சேர்க்கைக்கு பிறகு, ஒவ்வொரு கூட்டு புழு கூட்டிலும் சுற்றுச் சூழ்நிலை மற்றும் உணவை பொறுத்து, மூன்று முதல் இருபது புழுக்கள் இருக்கும்.

மண் புழுக்கள் என்ன பொருட்களை உணவாக எடுத்து  கொள்கின்றன ?

புழுக்கள், ஈரமான ஊட்டச்சத்துக்கள் நிறைந்த மற்றும் கார்பன் குறைவாக உள்ள  பொருட்களை  உணவாக எடுத்து கொள்ளும். அழுகும் பழங்கள் அல்லது காய்கறிகள், சமையலறை கழிவுகள், சில விலங்குகளின்  எரு, தோட்ட கழிவு மற்றும் உரம், செதுக்கப்பட்ட அட்டைகள் ஆகியவை சிறந்த உணவுகளாகும் . அதிக அமோனியா அல்லது நைட்ரஜன் உள்ள பொருட்கள், கொழுப்பு மற்றும் எண்ணெய் அதிக அளவில் உள்ள பொருட்கள், வெங்காயம், பூண்டு போன்ற பொருட்களை புழுக்கள் விரும்பாது.

ஒரு மண் புழு எவ்வளவு சாப்பிட முடியும்?

புழுக்கள், நாள் ஒன்றுக்கு அதன் உடல் எடை அளவு சாப்பிட முடியும் மற்றும் அந்தப்புழுக்களின் வகையைப் பொறுத்தும், புழுக்கள் எடுத்து கொள்ளும் உணவின் தரத்தை பொருத்தும் மற்றும் அது இருக்கும் சூழ்நிலையைப் பொறுத்து உணவின் அளவு வேறுபடும். மண் புழுக்கள் நுண்ணிய மற்றும் அங்கக பொருட்களை சிதைப்பதற்கு முன்னர் பல பில்லியன் நுண்ணுயிர்களான பாக்டீரியா, பாசிகள், பூஞ்சை மற்றும் நூற்புழுக்கள் ஆகியவற்றின் உதவியுடன் அங்கக பொருட்களை மென்மையாக்கி அவற்றை துகள்கள் ஆக்குகின்றன.  புழுக்கள் மூலம் அங்கக பொருளைப் பதப்படுத்த 90 நாட்கள் எடுத்துக்கொண்டு, அறுவடைக்குத் தயாராக இருக்கும்.

மண்புழுக்களின்  முக்கியத்துவம் என்ன?

மண்புழுக்கள், சுற்றுச்சூழலுக்கு நண்பனாக விளங்கி நீண்ட காலத்திற்கு மண் பாங்குபடுத்தும் பொருட்களாக செயல்படுகின்றன. இவை தாவரங்களுக்கு உடனடியாக கிடைக்கும் சத்துக்களைகொண்டுள்ளன. இதனால் மண் செயல்திறனை பெருமளவு அதிகரித்து, பயிர் விளைச்சலை மேம்படுத்துகின்றன. அறிவியல் ஆராய்ச்சி நடத்திய விளைவுகளின் படி, வேர்மிகாஸ்ட் 30-50% நைட்ரஜன் எடுத்துக்கொள்ளும் அளவை அதிகரிக்கும், 100% பொட்டாசியம் மற்றும் பாஸ்பேட் எடுத்துக்கொள்ளும் அளவை அதிகரிக்கும். மேலும் வேர் நீளம், வேர் எண்ணிக்கை மற்றும் தண்டு நீளம் அதிகரிப்பு, வெள்ளரிக்காய் மற்றும் தக்காளியில் 40-60% விளைச்சலை அதிகரிக்கும் என்பது கண்டுபிடிக்கப் பட்டுள்ளது. மேலும் இவை மண் புழு உரத்தின் நறுமணத்தையும்  (flavour) வாழ்நாளையும் அதிகரிக்கிறது.

Read More

இயற்கை உரத் தயாரிப்பில் சாதிக்கும் பெண்கள்!

 மதுரை மாவட்டம், மேலவளவில் இயங்கிவரும் ‘மேலவளவு உயிரியல் காரணிகள் உற்பத்தி மையம்’ என்ற மகளிர் குழு, தரமான இயற்கை உரத்தைக் குறைந்த விலைக்கு விற்பனை செய்து வருவதால், சுற்றியிருக்கும் மாவட்டங்களி லிருந்துகூட விவசாயிகள் வந்து வாங்கிச் செல்கிறார்கள்.

அக்குழுவைச் சந்திக்க மதுரை மாவட்டம், மேலூர் அருகேயுள்ள மேலவளவு கிராமத் துக்குச் சென்றோம். பவானி, நதியா, ரேவதி, கவிதா, ஜோதி, சின்னம்மாள், சசிகலா, ஜெயா, வீரம்மாள், பாண்டிச்செல்வி, போதும்பொண்ணு, முத்துலட்சுமி, லட்சுமி, சித்ரா ஆகியோர் கொண்ட இக்குழுவில், தனியார் நிறுவனத்தில் பணியாற்றும் கோபால் என்ற மென்பொருள் பொறியாளரும் இருக்கிறார்.

குழுவினரிடம் பேசிய போது, “நாங்களும் வீடு, வயல்னு வேலை செஞ்சுகிட்டும் பொழுது போக்கிட்டும்தான் வாழ்ந்துகிட்டிருந்தோம். என்னதான் மாய்ஞ்சு மாய்ஞ்சு விவசாயம் செஞ்சாலும் பெரிய லாபம் இல்லை. ரசாயன உரங்களால்தான் பாதிப்புனு தெரிஞ்சுகிட்டு அதை மாத்தணும்னு பேசுவோம். வெவசாயத்தில பொம்பளைப் புள்ளைங் களுக்கான வேலைனு பார்த்தா, நாத்து நடுறது, களை யெடுக்கிறதுதான். அதைத் தாண்டி நாமளும் விவசாயத்தை நல்லபடியா கொண்டு வர ஏதாவது பண்ணணும்னு நெனைச்சோம்.

அப்பதான் மதுரையில இருக்கிற வேளாண் கல்லூரி அறிவியல் மையம் மூலமா ‘டிரைக்கோடெர்மா விரிடி’ங்கிற இயற்கை பூஞ்சணக்கொல்லியைத் தயாரிக்கக் கத்துக் கொடுக்கிறத பத்தி கேள்விப்பட்டோம். அங்க கத்துக்கிட்டு, விநாயகபுரம், குடுமியான்மலை மையங்கள்லயும் பயிற்சி எடுத்துக்கிட்டோம். கொட்டாம்பட்டி வேளாண்மை உதவி இயக்குநர், உரம் தயாரிக்கும் தொழிலைத் தொடங்க ஒரு லட்சம் ரூபாய் மானிய உதவி பண்ணினாங்க. நாங்க உரம் தயாரிக்க ஊராட்சி மன்றம் சார்பில் இந்தக் கட்டடத் தையும் கொடுத்தாங்க.

உரம் தயாரிப்புக்கான மூலப்பொருள்களை வேளாண் மையத்துல வாங்கிட்டு வந்து உரம் தயாரிக்க ஆரம்பிச்சோம். ஒரு வாரத்துல உரம் தயாரிச்சு பக்குவமா ஒரு கிலோ, அரைக் கிலோனு பாக்கெட்டுகள்ல போட்டு விற்பனை செய்ய ஆரம்பிச்சோம். டிரைக்கோ டெர்மா விரிடி பத்தி விவசாயிகள்ட்ட சொன்னப்போ, கொஞ்சம் யோசிச்சாங்க. அதை எங்க தோட்டத்தில் பயன்படுத்திக் காட்டினதும், பலனைப் பார்த்து எல்லோரும் வாங்க ஆரம்பிச்சாங்க. ஒரு கிலோ 100 ரூபாய்னு விற்பனை செஞ்சுகிட்டுருக்கோம். வாங்கிட்டுப்போனவங்க எல்லோருமே ரொம்ப நல்லா இருக்குனு சொல்றாங்க. எங்களுக்கு ரொம்ப சந்தோசம். இப்போ டன் கணக்கில் தயாரிச்சுட்டுருக்கோம்.

மண்புழு உரத்துல அசோஸ்பைரில்லம், சூடோமோனஸ், விரிடி எல்லாம் கலந்து ஊட்டமேற்றிய மண்புழு உரமா விற்பனை செய்யுறோம். அதை கிலோ 30 ரூபாய்னு கொடுக்குறோம். இன்னும் சில உயிர் உரங்களையும் தயாரிக்க ஆரம்பிச்சுட்டோம். இப்ப மாசம் ஒரு லட்சம் ரூபாய்க்கு விற்பனை செய்றோம். ஆரம்பநிலையில இருக்குறதால அதிக லாபம் வைக்காம, விற்பனை செய்றோம். இதுல கிடைக்குற வருமானத்தை மறுபடியும் உற்பத்திக்காக முதலீடு செஞ்சிடுறோம்.

அரசாங்கம் எங்களுக்கு இன்னும் உதவி பண்ணினால் எங்கள் ஊரை வளப்படுத் திடுவோம். நாங்க உழைச்சு உற்பத்தி செஞ்சாலும் இப்போதைக்கு எங்களுக்குனு எந்தப் பங்கும் எடுத்துக்கல. வர்ற காலத்துல உற்பத்தியை அதிகப்படுத்தி, தமிழகமெங்கும் விற்பனை செய்யணுங்கிற ஐடியா இருக்கு. அது மூலமா நாங்க எல்லோரும் பொருளாதார ரீதியா முன்னேறணும்னு நினைக்கிறோம். அரசு கடனுதவி செஞ்சா, இதைத் தொழிற் சாலை மாதிரி லாபமா நடத்துவோம்” என்றனர்.

மேலவளவில் விவசாயிகளை இணைத்து உழவர் உற்பத்தியாளர் குழுவைத் தொடங்கி யிருக்கும் கோபாலிடம் பேசினோம். “சிறு, குறு விவசாயிகளை இணைத்து உருவாக்கி யுள்ள உழவர் உற்பத்தியாளர் குழுவில் கூட்டுப் பண்ணை விவசாயத் திட்டத்தைச் செயல்படுத்தி வருகிறோம். தற்போது 250 ஏக்கரில் விவசாயம் செய்து வருகிறோம். அது மட்டுமல்லாமல் விவசாயத்துக்குத் தேவையான பொருள்கள், பண்ணைக் கருவிகள் அனைவருக்கும் கிடைக்கச் செய்கிறோம். வாட்ஸ்அப் குழுக்கள் மூலம் விவசாயிகளை ஒருங்கிணைத்து எந்த நேரத்திலும் அவர்களுக்கு வேளாண்மை அதிகாரிகள்மூலம் தேவையான ஆலோசனை களை வழங்குகிறோம். விரைவில் உற்பத்தி செய்த பொருள்களை இடைத்தரகர் இல்லாமல் விற்பனை செய்வதற்கும் ஏற்பாடு செய்து வருகிறோம்.

மகளிர் உற்பத்திக் குழு தயாரிக்கும் இயற்கை உரம், இந்தப் பகுதி வாழை விவசாயி களுக்கு உபயோகமாக உள்ளது. இப்போது வெளி மாவட்டங்களிலிருந்தும் வாங்க வருகிறார்கள். முதலில் எங்கள் வட்டாரத்தை நஞ்சில்லாத பகுதியாக்க வேண்டும் என்பதில் ஆர்வமாக இருக்கிறோம். இந்த மகளிர் குழு பெண்களுக்கு தேசிய ஊரக வேலைவாய்ப்புத் திட்டம் மூலமாகச் சம்பளம் கிடைத்தால் உற்பத்தி இன்னும் அதிகமாகும்” என்று கோரிக்கை வைத்தார்.

Read More

ஆண்டுக்கு 1 லட்சம் ரூபாய்! - தீவனப்புல் சாகுபடி!

 பலரும் இயற்கை விவசாயத்தில் அசத்தி வரும் வேளையில், சற்று மாற்றி யோசித்து இயற்கை முறையிலான கால்நடைத் தீவனம், விதைக் கரணைகளை விற்பனை செய்து நல்ல லாபம் ஈட்டி வருகிறார் கடலூர் மாவட்டம், மங்கலம்பேட்டை அருகேயுள்ள எடைச்சித்தூர் கிராமத்தைச் சேர்ந்த கலியன்.

அவரைச் சந்திப்பதற்காக ஒரு மாலை நேரம் பயணமானோம். வழியெல்லாம் இயற்கைச் சூழல் காட்சியளிக்க, வளைந்து நெளிந்து சென்ற சாலையில் ஓரமாக இருந்தது கலியனின் விளைநிலம். பசுமாட்டைக் கட்டிக்கொண்டிருந்த அவர், இன்முகத்தோடு வரவேற்று நம்மிடம் பேசத் தொடங்கினார்.

13 ஆண்டுகளாக இயற்கை விவசாயம்

“நான், 12-ம் வகுப்பு வரை படிச்சேன். அப்புறமா... தொலைதூரக் கல்வி மூலம் பட்டப்படிப்பு முடிச்சேன். சில நாள்கள் ஜே.சி.பி ஆபரேட்டரா வெளியூர்ல வேலை செஞ்சேன். 2007-ம் வருஷம் விக்கிரவாண்டி பகுதியில நடந்த நம்மாழ்வார் கூட்டத்தில் கலந்துகிட்டேன். இருமடிபாத்தி பத்தில காய்கறிச் சாகுபடி செய்றத பத்தி பேசுனாங்க. அதுமூலமா வீட்டுக்குத் தேவையான காய்கறிகளை நாமளே உற்பத்தி செய்து கொள்ளலாம்னு சொன்னாங்க. அப்பதான் இயற்கை விவசாயத்து மேல ஒரு ஈர்ப்பு வந்துச்சு. ‘இனிமே ரசாயனத்தைப் பயன் படுத்தக் கூடாது’னு முடிவெடுத்தேன். தொடர்ந்து பசுமை விகடன் படிச்சுகிட்டு வர்றேன். இதோடு தூண்டுதலால 13 வருஷமா இயற்கை விவசாயம் பண்ணிக்கிட்டு இருக்கேன்’’ முன்னுரை கொடுத்தவர், தனது விவசாயம் பற்றிய தகவல்களைப் பகிர்ந்துகொண்டார்.

காய்கறிச் சாகுபடியில் கலியன்

‘‘என்கிட்ட இருக்கிறது மொத்தம் 4 ஏக்கர் நிலம். அதுல 3 ஏக்கர் இறவைப் பாசனம். ஒரு ஏக்கர்ல மானாவாரிச் சாகுபடி செஞ்சுகிட்டு வர்றேன். முதல் தடவையா காய்கறிகளைத்தான் சாகுபடி செய்ய ஆரம்பிச்சேன். அப்புறமா நெல் நடவு செஞ்சேன். கிச்சிலிச் சம்பா, கருங்குறுவை, பூங்கார், மாப்பிள்ளைச் சம்பானு பாரம்பர்ய நெல் ரகங்களைத்தான் சாகுபடி செஞ்சேன்.

இயற்கை விவசாயத்துக்கு மாறியதும் நம்மாழ்வார் சொன்னபடி நிலத்துல பலதானிய விதைப்பு செஞ்சேன். இடுபொருளா பஞ்சகவ்யா, அமுதக்கரைசல், ஜீவாமிர்தம், மீன் அமிலம் கொடுக்க ஆரம்பிச்சேன். ஆரம்பத்துல சுமார் 3 வருஷம் வரைக்கும் கொஞ்சம் மந்தமாதான் இருந்துச்சு. அதுக்கு அப்புறமாதான் பலன் கிடைக்க ஆரம்பிச்சது.

இடுபொருள் தயாரிப்பதற்காக மாட்டுச் சிறுநீரைப் பிடிக்கும்போதெல்லாம், என்னையைப் பார்த்து ‘பைத்தியக்காரன்’னு ஊர்ல சொன்னாங்க. இருந்தாலும் என் முடிவை நான் மாத்திக்கல. என் வேலையைத் தொடர்ந்து செய்ய ஆரம்பிச்சேன். நம்மாழ்வாரின் வார்த்தைகளுக்கு அடுத்த படியாக, பசுமை விகடன்தான் என்னுடைய இயற்கை விவசாயத்துக்கு வழிகாட்டி. அந்தப் புத்தகத்துல பல விவசாயிகள் சொல்வதைப் படிச்சு, நான் செயல்படுத்திப் பார்த்திருக்கேன். ‘புத்தகம் எப்ப வரும்’னு காத்துக்கிட்டு இருந்து, பஸ் ஏறிப்போய் வாங்கிட்டு வருவேன்.

‘‘தீவன கரணைகளை ஒருமுறை வெச்சுட்டாப் போதும் 5 வருஷம் வரைக்கும் தொடர்ந்து பலன் கிடைச்சுகிட்டே இருக்கும்.’’

உழவர் மன்றத் தலைவர்

2013-ம் வருஷம் பசுமை விகடன்ல உழவர் மன்றம் தொடர்பா ஒரு தகவல் வந்துச்சு. புத்தகத்தில இருந்த போன் நம்பருக்கு போன் பண்ணிப் பேசினேன். இன்னைக்கு நான், எங்க கிராமத்துல உழவர் மன்றத் தலைவராக இருக்கேன். என்னையும் இப்போ மக்கள் மதிக்கிறாங்க. அதற்குக் காரணம் பசுமை விகடன்தான். நபார்டு மூலம் ஆண்டுதோறும் சிறிய ஊக்கத்தொகையும் கிடைக்குது. எனக்கு இந்தப் பொறுப்பு கிடைச்சதால, எங்க ஊர்ல ஒற்றை நெல் சாகுபடி பண்ணச் சிலருக்கு அரசு மானியத்தை வாங்கிக் கொடுக்க முடிஞ்சது. ஊர்ல பல இடங்கள்ல மரங்களையும் நட்டுக்கிட்டு வர்றேன்’’ என்றவர் காய்கறி வயலைச் சுற்றிக்காட்டினார்.

66 சென்ட்... 16 மூட்டை

‘‘இயற்கை விவசாயம் செய்றது, ஆடு, மாடு வளர்ப்பது மட்டுமே போதாது. அதை லாபகரமாகக் கொண்டு போறதுதான் முக்கியம். அதையும் பசுமை விகடன் மூலமாகத்தான் தெரிஞ்சுகிட்டேன். அதைத் தொடர்ந்துதான் இப்போ ஆடு, மாடுகளை வளர்த்துகிட்டு வர்றேன். போன கார்த்திகை மாசம் நேரடி நெல் விதைப்பு முறையில் 66 சென்ட் நிலத்துல கிச்சிலிச் சம்பா விதைச்சேன். தை மாசம் அறுவடையில 16 மூட்டை (75 கிலோ) கிடைச்சது. ஒரு மூட்டை 2,110 ரூபாய்னு விதைக் காகக் கேட்டவங்களுக்கு கொடுத்துட்டேன். செலவு எல்லாம் போக 24,000 ரூபாய் வரைக்கும் லாபம் கிடைச்சது.

தீவன சாகுபடி வயலில் கலியன்

இப்போ 40 சென்ட்ல வெண்டை, முருங்கை, புடலங்காய், சுரைக்காய், கத்திரி போட்டிருக்கேன். ஊர்ல இயற்கை விவசாயத்தைப் புரிஞ்சுகிட்ட சிலர், தொடர்ச்சியா காய்கறிகளை வாங்கிக்கிறாங்க. உளுந்தூர்பேட்டையில இருக்கிற ஒரு சில கடைகளுக்குத் தொடர்ந்து கொடுத்துகிட்டு வர்றேன். சென்னையிலிருந்து இப்போதான் காய்கறிகளைக் கேட்டிருக்காங்க. அனுப்பலாம்னு இருக்கேன்.

வெண்டை கிலோ 25 ரூபாய், முருங்கை 60 ரூபாய், புடலங்காய் 30 ரூபாய், சுரைக்காய் ஒண்ணு 10 ரூபாய், கத்திரிக்காய் 40 ரூபாய் விலையில கொடுக்குறேன். இரண்டு நாள்களுக்கு ஒருமுறை காய்கறி பறிக்கிறேன். காய்கறி பறிக்கிற அன்னைக்கு 700 ரூபாயிலிருந்து 1,000 ரூபாய் வரை வருமானம் கிடைக்குது. என்னோட நிலத்துல விளையுற பயிர்களுக்குச் சுமார் 6 வருஷமா சொட்டுநீர்ப் பாசனமும் பயன்படுத்துறேன். இடுபொருளை அதுல கலந்துவிட்டால் போதும். நேரடியா பயிர்களோட வேர்கிட்டே போயிடும். காய்கறித் தோட்டத்துக்கும், தீவனப் பயிர்களுக்கும் சொட்டுநீர்ப் பாசனம் பயன்படுத்துறேன்’’ என்றவர் கால்நடைத் தீவனச் சாகுபடி பற்றிப் பேசத் தொடங்கினார்.

‘‘கால்நடை தீவனத்தை உற்பத்தி செஞ்சு விதைப் புல்லாக விற்பனை செய்துகிட்டு வர்றேன். சூப்பர் நேப்பியர், குட்டை நேப்பியர், சிவப்பு நேப்பியர், ஜிஞ்சிவா (Jinjwa Grass) புல், மல்பெரினு வளர்க்கிறேன். இந்த 5 வகைக் கால்நடைத் தீவனங்களையும் இப்போ சரியா 2 ஏக்கர்ல போட்டிருக்கிறேன். விதைக்காக விற்பனை செய்றதோடு இல்லாம, நான் வளக்குற ஆடு, மாடுகளுக்கும் இதைத் தீவனமா பயன்படுத்துறேன். கால்நடை தீவன விதைக்கரணையை விற்பனை செய்றேன். சூப்பர் நேப்பியர் ஒரு கரணை 70 காசு, குட்டை நேப்பியர் கரணை 1.50 ரூபாய், சிவப்பு நேப்பியர் 1.50 ரூபாய், மல்பெரி 1 ரூபாய், ஜிஞ்சிவா புல் 70 காசுனு கொடுக்கிறேன்.

விதைக்கரணைகள்

இந்தத் தீவன கரணைகளை ஒருமுறை வெச்சுட்டாப் போதும் 5 வருஷம்வரைக்கும் தொடர்ந்து பலன் கிடைச்சுகிட்டே இருக்கும். ஜிஞ்சிவா புல் மட்டும் 30 வருஷம்வரைக்கும் பலன் கொடுக்கும்னு சொல்லுறாங்க. இந்தக் கால்நடை தீவனங்களை முதல் தடவை 60 முதல் 70 நாள்கள்ல அறுவடை பண்ணலாம். அடுத்த முறையிலிருந்து 45 நாள்களிலேயே அறுவடை பண்ணிக்கலாம். இடுபொருளைச் சொட்டுநீர்ப் பாசனம் மூலமாகக் கொடுக் கிறேன். தேவைப்படும்போது மாட்டுச்சாண எரு கொடுக்கிறேன். வேற எதுவும் கொடுக்கல’’ என்றவர் நிறைவாக,

விற்பனைக்கு கைகொடுத்த விகடன்

‘‘என்னுடைய இந்த விற்பனைக்குப் பெரிதும் கைகொடுத்தது பசுமை விகடன்தான். ‘பசுமை சந்தை பகுதி’யில் கால்நடை தீவன விதைக்கரணை கிடைக்கும்னு தகவல் அனுப்பியிருந்தேன். அதைப் பார்த்துட்டு நிறைய பேர் கரணை கேட்க ஆரம்பிச்சுட்டாங்க. அதிகப்படியா வேலூரைச் சேர்ந்த ஒருத்தர், 36,000 ரூபாய்க்கு ஒரே தவணையில விதைக் கரணை வாங்கினார்.

இப்போ சூப்பர் நேப்பியர் 60 சென்ட், குட்டை நேப்பியர், ரெட் நேப்பியர் தலா 20 சென்ட், வேலிமசால், கோ.எஃப்.இ 31, 29 ரகங்கள் 20 சென்ட், ஜிஞ்சிவா புல் மற்றும் மல்பெரி தலா 40 சென்ட்ல இருக்குது. ஒரு தீவன விதைக்கரணையை விதைச்சு 4 மாசம் வளர்த்தால், அதிலிருந்து சராசரியா 10 கரணைகள் கிடைக்கும். இந்த மாதிரி 2 ஏக்கர்ல விதைச்சு அதை அறுவடை செஞ்சு விற்பனை செய்திட்டு வர்றேன். 4 - 5 மாசத்துக்கு ஓர் அறுவடை நடக்கும். போன முறை 2 ஏக்கர்ல தீவனப் புல் விதைக்கரணைக் கென்று விதைச்சேன். அந்த விதைக்கரணையை 70 காசிலிருந்து 1.50 ரூபாய் விற்பனையாச்சு. 2 ஏக்கர் நிலத்துல சாகுபடி செய்த விதைக் கரணைகள் மூலமா 5 லட்சம் ரூபாய் வருமானம் கிடைச்சது. இதுல அறுவடைக்கூலி, போக்கு வரத்து, பராமரிப்புனு 2 லட்சம் ரூபாய் வரை செலவாச்சு. செலவுகள் போக, 3 லட்சம் ரூபாய் வரை லாபம் கிடைச்சது. விதைக்கரணை உற்பத்தியோடு காய்கறி உற்பத்தியும் செஞ்சிட்டு இருக்கேன். இந்தக் காய்கறிகளைச் சென்னை முதல் வெளி நாடுகள்வரை விற்பனைக்கு அனுப்பணும். அதுதான் என்னோட ஆசை” என்று உற்சாகமாக சொல்லி முடித்தார்.

Read More

ஆடு வளர்ப்பில் அசத்தி வரும் பொறியியல் பட்டதாரி.!

 தகுந்த வேலை கிடைக்காததால் ஆடு வளர்ப்பில் ஈடுபட்டு அதிக வருமானம் ஈட்டி அசத்தி வரும் பொறியியல் பட்டதாரி.

சரியாக படிக்கவில்லை என்றால் ‘ஆடு மாடு’ தான் மேய்க்க வேண்டும்  என்று பெற்றோர்கள் பல முறை கூற கேட்டிருப்போம். ஆனால் இங்கு படித்து  பட்டம் வாங்கியும் ஆடு மேய்க்கும் நிலை.

படித்த படிப்பிற்கு தகுந்த வேலை கிடைக்காமல் திண்டாடும் இளைஞர்களின் எண்ணிக்கை நாளுக்கு நாள் அதிகரித்த வண்ணம் உள்ளது. அதிலும் பொறியியல் (Engineering) பட்டதாரிகளின் நிலை மிகவும் கவலை கிடமாக மாறி வருகிறது.

இந்நிலையில் படித்த படிப்பிற்கு ஏற்ற வேலை கிடைக்காததால் ஆடு வளர்ப்பில் ஈடுபட்டு வரும் வேல்வேந்தன் சற்றும் மனம் தளராது தான் செய்யும் வேலையை ரசித்து செய்து வருகிறார்.

புதுக்கோட்டை அருகே சிலட்டூரைச் சேர்ந்த வேல்வேந்தன் பொறியியல் முடித்த பட்டதாரி. ஆரம்பத்தில் மற்ற பட்டதாரிகளை போல படிப்பை முடித்ததும் அதற்கு ஏற்ற வேலையில் சேர வேண்டும் என்ற எண்ணத்தில் படித்த படிப்பிற்கான வேலை தேடிச் சென்றார். ஆனால் சென்ற இடமெல்லாம் ஏமாற்றமே கிடைத்தது. ஆனால் சற்றும் மனம் தளராமல் தனது சொந்த ஊரிலேயே ஆடு வளர்ப்பது, நாற்று நடுவது, தென்னங்கீற்று பின்னுவது, கேட்டரிங் என கிடைத்த வேலையை ரசித்த மனதோடு செய்து மற்ற வேலை இல்லா பட்டதாரிகளுக்கு முன்னுதாரமாக விளங்கி வருகிறார்.

இதை பற்றி வேல்வேந்தன் கூறியதாவது

புதுக்கோட்டையில் உள்ள தனியார் இன்ஜினீயரிங் கல்லூரியில் சிவில் இன்ஜினீயரிங் முடித்து விட்டு மற்ற பட்டதாரிகளை போல சென்னைக்கு வேலை தேடி சென்றேன் ஆனால் ஒவ்வொரு இடத்திலும் ஏமாற்றமே கிடைத்தது. இன்னும் சிறிது நாள் தங்கி வேலை தேடுவதற்கு போதுமான பணம் இல்லை. ஒரு புறம் குடும்ப சூழ்நிலை, மேலும் பெற்றோர்களுக்கு கஷ்டம் கொடுக்க வேண்டாம் என்ற எண்ணத்தில் மீண்டும் சொந்த ஊருக்கு திரும்பி செல்ல வேண்டிய நிலைமை. இன்ஜினீயரிங் முடித்த என்னை உதவியாளராக கூட எந்த நிறுவனமும் வேலைக்கு எடுத்துக்கொள்ள வில்லை.

வெளியூரை சேர்ந்த சிலர் வீட்டு பக்கத்தில் ஆடு கிடை போட்டிருப்பதை பார்த்து நாமும் ஆடு வளர்க்கலாம் என்ற எண்ணம் வந்தது. சிறிது சிறிதாக சேமித்த வைத்த பணத்தை கொண்டு முதலில் 2 ஆட்டு குட்டிகள் வாங்கி வளர்த்தேன். இப்போது மொத்தம் 18 ஆடுகளாக பெருகி இருக்கிறது. ஆடு வளர்ப்பில் கிடைக்கும் இடைவேளைகளில் கேட்டரிங் வேலையை பார்த்து வருகிறேன். கேட்ரிங் வேலை இல்லாத நேரங்களில் தென்னங்கீற்று பின்னும் வேலையை செய்து வருகிறேன். சில சமயங்களில் அப்பாவுடன் கூலி வேலைக்கும் செல்வேன்.

இப்படி படித்த படிப்பிற்கான வேலை கிடைக்காமல் 'ஆடு மேக்கிறான்' என்று அக்கம் பக்கத்தில் இருப்பவர்கள் கிண்டலும் கேலியும் செய்தார்கள். ஆனால் அதற்கெல்லாம் கவலைப் படாமல் நான் பார்க்கும் வேலையை ரசித்து மனதார செய்து வருகிறேன். வாழ்க்கையில் இதுவும் ஒரு அனுபவம் தான், ஆனால் நிச்சயம் ஒரு நாள் நான் படித்த படிப்பிற்கான வேலை கிடைக்கும் என்றும் அதில் நான் சாதித்து காட்டுவேன் என்றும் மனம் தளராது வேலை இல்லா பட்டதாரிகளுக்கு வேல்வேந்தன், ஆடு வளர்ப்பது தலை குனிவான தொழில் இல்லை என்பதை கூறி ஓர் முன்னுதாரணமாக விளங்கினார் வருகிறார்.

Read More

14 வயதில் கோழி பண்ணை முதலாளியாக மாறிய பள்ளி மாணவன்.!

 

நாம் எல்லோரும் பள்ளிக்கு செல்லும் காலத்தில் எப்படா மணி அடிப்பாங்க வீட்டிற்கு செல்லலாம் என்று தான் இருந்திருப்போம். ஆனால் இங்கு இந்த 9 ஆம் வகுப்பு படிக்கும் இந்த சிறுவன் தனது 14 வயதிலேயே காலையில் பள்ளிப்படிப்பு, மாலையில் கோழிப்பண்ணை என்று இந்த வயதிலேயே பண்ணை முதலாளியாக மாறியுள்ளார் பொன் வெங்கடாஜலபதி.  

விவசாயியான தன் தாத்தா வீட்டிற்கு விடுமுறைக்கு செல்லும் போதெல்லாம் பண்ணையில் உள்ள கோழிகளுக்கு தண்ணீர் வைப்பதும், தீவனம் அளிப்பதும் என்று பொன் வெங்கடாஜலபதிக்கு கோழிகள் மீது தனி பிரியம் ஏற்பட்டு விட்டது.

இதே போல் தன் வீட்டிலும் ஒரு கோழிப்பண்ணை அமைக்க பெற்றோரிடம் கேட்டு இறுதியில் ஒரு கோழிப்பண்ணையும் அமைத்து விட்டார். இதற்கு ரூ. 10,000 செலவில் தொடக்கமாக 10 கோழிக்குஞ்சுகளை வாங்கி மேய்ச்சல் முறையில் துவங்கினார். அடிக்கடி வரும் சந்தேகங்களுக்கு அப்பாவையும், தாத்தாவையும் அணுகினாலும், யூடியுப்பை (You Tube) தன் ஆசானாக ஆக்கிக்கொண்டான். சிறிது சிறிதாக கற்றுக்கொண்டாலும் நோய் மேலாண்மை குறித்து இன்று வரை சற்று சிரமமாக தான் இருக்கிறது.

ஆரம்பத்தில் வாங்கிய 10 கோழி குஞ்சுகளுக்கு பிறகு மீண்டும் 20 கோழி குஞ்சுகள் வாங்கினோம். ஆனால் 20 கோழி குஞ்சுகளும் வெள்ளை கழிசல் நோயால் இறந்து விட்டது. ஒரு சமயம் டாக்டரிடம் தடுப்பூசி போடுவேன், பின்னர் வெள்ளை கழிசல் நோய் என்றால் மஞ்சள் கலந்த சின்ன வெங்காயம் நறுக்கி வைத்து விடுவேன். அம்மை நோயாக இருந்தால் வேப்ப இலையும், மஞ்சளும் அரைத்து தடவுவேன்.

தினமும் காலையில் 6 மணிக்கு எழுந்து ஒரு மணி நேரம் கோழிகளுக்கு தீவனம் வைத்து, இடத்தை சுத்தம் செய்வேன். பின்னர் பள்ளிக்கு சென்று மாலை 5 மணி வீடு திரும்பி மீண்டும் ஒரு மணி நேரம் பண்ணை வேலை செய்வேன். சில சமயம் அப்பா உதவுவார்கள் ஏன் என்றால் மேய்ச்சலுக்கு கொண்டு செல்லும் போது சில சமயம் காக்க தூக்கி கொண்டு போய்விடும்.

மேலும் இதில் அதிசயம் என்னவென்றால் பண்ணை வேலை மட்டுமன்றி, தாய் கோழியை பெருக்குதல் தொடங்கி விற்பனை வரை அனைத்து வேலைகளையும் பார்த்து வருகிறார் பொன் வெங்கடாஜலபதி.

கோழிகளுக்கு தேவையான தீவனங்களை மாதம் ஒரு முறை நானே சென்று வாங்கி வருவேன். பண்ணை தொடங்கிய ஆறு மாதத்திலேயே விற்பனையை ஆரம்பித்து விட்டேன். எனது பண்ணைக்கு "P V சிக்கன் பார்ஃம்" என்று பெயர் வைத்துள்ளேன்.

கோழிக்குஞ்சுகளை மட்டும் விற்க மாட்டேன். வெயில் காலங்களில் முட்டைகளை விற்று விடுவேன். தாய் கோழி மட்டும் கிலோ ரூ.400 க்கு விற்பனை ஆகிறது. ஒரு கோழிக்குஞ்சு தாய்கோழியாக மாற 4 மாத காலமாகும், இந்த 4 மாதத்தில் அதற்கான தீவனம், மருந்து என்று ஒரு தாய்கோழியை உருவாக்க ரூ.200 வரை ஆகும்.

கடந்த ஓர் ஆண்டில் தாய் கோழி விற்பனையில் மட்டும் ரூ.1 லட்சம் வரை வருமானம் ஈட்டியுள்ளேன். மேலும் தற்போது 2 ஆடும் மற்றும் 2 வாத்தும் வாங்கி வளர்த்து வருகிறேன். எதிர்காலத்தில் வேளாண் கல்வி பயின்று ஒருங்கிணைந்த பண்ணை வைக்க வேண்டும் என்பதே எனது ஆசை கனவு  என்று பெருமிதத்துடன் கூறினார் பொன் வெங்கடாஜலபதி.  

Read More

திருந்திய நெல் சாகுபடி

 

திருந்திய நெல் சாகுபடி

இளநாற்று (14 வயது நாற்றுகள்)	குத்துக்கு ஒரு நாற்று	சதுர நடவு (25 X 25 செ.மீ.)
களைக்கருவி உபயோகித்தல்	காய்ச்சல் பாய்ச்சல் முறை நீர்ப்பாசனம்	இலைவண்ணஅட்டை மூலம் தழைச்சத்து மேலாண்மை

திருந்திய நெல் சாகுபடி
பருவம் மழையற்ற வறட்சிப்பருவம் மிகவும் ஏற்றது. அதிகமழை பெய்யக்கூடிய காலத்தில் பயிர் எண்ணிக்கையை நிலைக்கச்செய்வது சற்று கடினம், பொதுவாக தமிழகத்தில் வடகிழக்கு பருவமழை அதிகம் பெய்யும் கடற்கரை பகுதிகளில் நடவு செய்த முதல் இரண்டு வாரங்கள் சிரமத்தைச் சந்திக்கவேண்டியிருக்கும்.
இரகங்கள்
ஒட்டு இரகங்கள் மற்றும் அதிக தூர்கள் பிடிக்கும் இரகங்கள்
நாற்றங்கால்
விதையளவு 7 - 8  கிலோ (குத்துக்கு ஒரு நாற்று) 12-15 கிலோ/ ஹெக்டர் (குத்துக்கு இரண்டு நாற்று)
புதிய பாய்நாற்றங்கால் தயாரிக்கும் முறை
நாற்றங்கால் தேர்வு செய்யப்படவேண்டும். நீர் நிலைக்கும் நடவு வயலுக்கும் அருகில் இருப்பது நல்லது. ஒரு எக்டர் நடவு செய்ய 20x7.5மீ பரப்பளவுள்ள (150 ச.மீ.) நிலம் போதுமானது. நிலத்தில் வாய்க்காலைத் தவிர்த்து 100 ச.மீ. நிலமே நாற்றங்கால் ஆகும். உழுது சமன் படுத்தப்பட்ட நிலம், 120 செ.மீ. (5 அடி) அகலமுள்ள பாத்திகளாக 50 செ.மீ. இடைவெளியில் இரண்டு அங்குலம் ஆழத்திற்கு மண்ணை எடுத்து இருபுறமும் உள்ள பாத்திகளில் பரவலாக விசிறி சமன் செய்யப்பட்டு அமைக்கவேண்டும். பாத்திகளின் நீளம் 20 மீட்டராக (சுமார் 60 அடி) அமைதல் சிறந்த முறையில் நீர் பாசனம் செய்வதற்கு ஏற்றது.
மண் கலவை கலைத்தல்
அவ்வாறு உயர்த்தப்பட்ட பாத்திகளில் பாலிதீன் தாள் பரப்பி அதன்மீது நாற்றங்காலுக்கு மண் பரப்ப படவேண்டும் பரப்புவதற்கான மண் வயல் மண்ணே போதுமானது. களிமண் விகிதம் அதிகம், இருப்பின் மணல் கலக்கவும், அதிகம் மணலாக இருப்பின் சற்று களிமண் கலக்கவும் அல்லது மண் 70 சதம் + 20 சதம் நன்கு மக்கிய தொழுஉரம் + 10 சதம் உமி அல்லது தவிடு இவற்றுடன் 15 கிலோ பொடியாக்கப்பட்ட டை அம்மோனியம் பாஸ்பேட் அல்லது 2 கிலோ 17 :17: 17 காமளெக்ஸ் உரம் இட வேண்டும். நாற்றுப் பாத்திகள் அமைக்க மரச் சட்டத்தினால் தயாரிக்கப்பட்ட ‘கட்டளை’ தேவை. அக்கட்டளை 2 அங்குல உயரம் 1x1 மீ நீளம் அகலமோ அல்லது  1x0.5 மீ நீளம் அகலமோ உள்ளதாய் அமைத்துக்கொள்ளலாம். அகலத்தில் குறுக்கே (50 செ.மீ. ஒர குறுக்குச் சட்டமும்) நீளவாக்கில் ஒவ்வொரு 20 செ.மீக்கு ஒரு சட்டம் வீதம் நான்கு சட்டங்கள் அமைத்து 20x50 ச.செ.மீ. என்ற பாத்திகள் மொத்தம் 5x2x10 அமைக்கப்படலாம். கட்டளையை 1.2 மீ அகலமுள்ள பாத்தியின் மையத்தில் இருபுறமும் 10 செ.மீ. இடைவெளியில் வைத்து. தயாராக வைத்துள்ள மண் கொண்டு நிரம்பி, அழுத்தி, பின்னர் கட்டனையை உருவுதல் வேண்டும். அப்படிச்செய்யும்போது 10 நாற்று பாத்திகள் தயாராவதைக் காணலாம்.
மரச்சட்டத்தில்மண்கலவையைநிரப்புதல்
மண்ணில் உயர் உரங்கள் பயன்பாடு : 100 m2 நாற்றங்கால் பகுதிக்கு ஆசோஸ்பைரில்லம் 2 கிலோ மற்றும் மைக்கோரைசஸ் பூஞ்சை 5 கிலோ அளிக்கவும்.
இவ்வாறு தேவையான நாற்றுப்பாத்திகள் அமைத்துக்கொள்ளவேண்டும்.முளை கட்டிய விதையை ஒரு சதுர மீட்டருக்கு 90 முதல் 100 கிராம் வரை சீராகத் தூவி மேலாக அழுத்தி விடவேண்டும் (100 கிராம் வரை விதை ஊறவைத்து பின்னர் 130 கிராம் எடை அடையலாம்).
விதை மீது சீராக மணல் தூவி அழுத்திய பின்னர் நீர் தெளிக்கவேண்டும். பூவாளிகொண்டு நீர் தெளிப்பது நன்று. நீர் தெளிப்பது தேவைக்கேற்றவாறு அமையவேண்டும்.
ஒரு எக்டர் நடவு செய்ய 100 ச.மீ. நாற்றங்கால் அதாவது சுமார் 1000 நாற்றுப் பாத்திகள் தேவைப்படும். ஒரு வாரத்திற்குப் பின்னர் நாற்று வளர்ந்து விட்ட நிலையில் வாய்க்காலில் நீர் நிரப்பும்போது, நீர் நாற்றின் அடிப்பகுதியில் நனைத்து தேவையான வளர் ச்சியைத் தரவல்லதாக அமையும்.
நாற்றின் வளர்ச்சியைப் பொறுத்து முதல் வாரம் முடிந்த நிலையில் 0.5 சதம் யூரியா ரூ 0.5 ஜிங்சல்பேட் கரைசல் தெளிக்கப்படலாம். இவ்வகை நாற்று 14-15 நாட்களில் நடவு செய்வதற்கு தயார் பாத்திகள் ஒவ்வொன்றும் அடியோடு எடுத்துச் செல்லாம்.
நாற்றுகளை மேடை மண்ணோடு பெயர்த்து எடுத்தல்
மாற்றியமைக்கப்பட்ட பாய் நாற்றங்காலில் உயரடுக்கு நாற்று உற்பத்தி : விதை வலுவூட்ட இயற்கை மணலுடன் 1.0% KCI கலவை மற்றும் பவுடர் DAP 2.0 கி மற்றும் சூடோமேனஸ் 240கி / சென்ட் என்ற அளவில் பயன்படுத்த வேண்டும். இதை தொடர்ந்து 0.5% யூரியா கரைசலைக் கொண்டு மருந்தூட்டல் வேண்டும்.
நடவு வயல் தயாரித்தல்
நன்கு சேற்றுழவு செய்யப்பட்டு, மிகவும் சீரான முறையில் நடவு வயல் சமன் செய்யப்பட வேண்டும். நீர் நிர்வாகமே இம்முறை நடவின் சிறப்ப அம்சம், அச்சிறப்பை அடைவதற்கு சமன் செய்யப்பட்ட நிலம் மிகவும் அவசியம்.
நடவு செய்தல்
14-15 வயதான நாற்றுகள் 1- 2 நாற்றுகள் நடவு செய்ய வேண்டும் 25 x  25 செ.மீ (10 x10 அங்குலம்) சதுர நடவு அவ்வாறு நடவு அமைய கயிற்றில் முடிச்சு ஒவ்வொரு 10 அங்குத்திற்கும் அடையாளம் வைத்து நடவு செய்யலாம் அல்லது சமன் செய்யப்பட்ட வயல் 10 அங்குலத்திற்கு கோடுகள் குறுக்காகவும் நெடுக்காகவும் ஏற்படுத்தி அதன்பின்னர் அக்கோடுகள் சந்திக்கும் இடங்களில் நடவு செய்து சரியான வரிசையை ஏற்படுத்தலாம். இவ்வகைக் கட்டங்கள் அமைக்க சிறிய எளிய கருவிகளும் பயன்படுத்தலாம் நாற்றுக்கள் பாத்திகளிலிருந்து பிரித்த 30 நிமிடங்களுக்குள் நடவு செய்யப்பட வேண்டும். நடவு செய்தவுடன் தொடர்ந்து மழை பெய்யக்கூடிய பகுதிகளில் பயிரை நிலை நிறுத்த சிரமங்கள் அதிகம் ஏற்பட வாய்ப்புகள் உள்ளன என்பதைக் கவனத்தில் கொள்ள வேண்டும்.
குத்துக்கு ஒரு நாற்று (சதுர நடவு)
நீர் நிர்வாகம்
மண் மறைய நீர் கட்டுதல் முதல் 10 நாட்களில் மிக முக்கியம் அதன் பின்னர் 1 அங்குல உயரத்திற்கு ‘நீர் கட்டி மறைந்து’ மண்ணில் சிறு கீறல்கள் ஏற்படும் தருணம் அடுத்த முறை நீர்ப்பாய்ச்சுதல் வேண்டும். இம்முறை, இளங்கதிர் உருவாகும் பயிர்ப்பருவம் வரை பின்பற்றப்படவேண்டும். இளங்கதிர் உருவானதிற்குப்பின் 2 அங்குலம் அளவிற்கு நீர் பாய்ச்சி எட்டிய நீர் மறைந்த உடன் மீண்டும் நீர் கட்டிடவேண்டும்.
நீர் கட்டி மறைந்து பின் நீர்ப்பாய்ச்சுதல்
களை மேலாண்மை
நடவு வரிசையில் அமைக்கப்பட்டதால் களைகளை உருளைக் களை எடுப்பான் கொண்டு மண்ணினுள் அழுத்தி விடுதல் வேண்டும். உருளைக் களை எடுப்பானை முன்னும் பின்னுமாய் அசைத்து களை எடுப்பானை உருட்டி களையைக்களைவதுடன் மண்ணினுள் காற்று புகுமாறு உருட்டுவது பயிரின் வேரிற்கு நல்லது. இவ்வாறு களை எடுப்பது நட்ட 10 நாட்களிலேயே ஆரம்பிக்பப்படலாம். 10 நாட்கள் இடைவெளியில் மீண்டும் மீண்டும் உருளைக் களை எடுப்பானைப் பயன்படுத்தி பலன் பெறலாம். பயிர்களுக்கு இடையே வேரிற்கு அருகில் உள்ள களைகளைக் களைய கைக்களை எடுப்பதும் அவசியமாகின்றது.
நட்டதிலிருந்து 10 நாட்களுக்கு ஒரு முறை களைக்கருவியை குறுக்கும் நெடுக்குமாக உபயோகித்தல்
உர மேலாண்மை
நடவு முறை நெல் சாகுபடியைப் பார்க்கவும் (பகுதி 1,2,3) தழைச்சத்து மேலாண்மைக்கு இலை வண்ண அட்டை (LCC) மூலம் முடிவு செய்தல், உரம் மற்றும் பணச்சிக்கனமும், மேன்மையான பயிர்வளர்ச்சியும் மகசூலும் தரவல்லது. பசுந்தாள் மற்றும் தொழுவுரம் பயன்படுத்தி நெல் வளர்ச்சி மற்றும் விளைச்சலை அதிகரிக்கலாம். களர் நிலத்தில், சுழல் களை எடுக்கும்பொழுது ஆசோபோஸ்மெட் 2.2கி / ஹெக்டர் அளிக்கவும் மற்றும் PPFM 500 மிலி/ ஹெக்டர் இலைவழித் தெளிக்கவும்.
இலைவண்ணஅட்டை மூலம் தழைச்சத்து மேலாண்மை
மற்ற பயிர் நுட்பங்கள் நடவு முறைக்கு சொல்லப்பட்டது போன்றதேயாகும்

Read More

மண் பரிசோதணை | மண்மாதிரிகள் சேகரிக்கும் முறை |மண் பரிசோதனை ஆய்வகங்கள் | மண்வள அட்டை என்றால் என்ன?

 மண் பரிசோதனை செய்ய வேண்டிய அவசியம்

• இரசாயன உரங்கள், தேவைக்கேற்ப அதிகமாக உபயோகிப்பதை தடுக்கவும், சுற்றுசூழலை பாதுகாப்பதற்கும் மண் பரிசோதனை அவசியமாகும்
  
• பயிர் அறுவடைக்கு பின் மண்ணில் உள்ள ஊட்டச்சத்துக்கள் குறைந்து விடும். எனவே மண் பரிசோதனை செய்து மண் வளம் அறிய வேண்டியது அவசியமாகும்.
  
• மண் அரிப்பு, நீர் கரையோட்டம் மற்றும் சத்துக்கள் ஆவியாதல் போன்ற காரணத்தினால் மண்வளம் குன்றிவிடும். எனவே மண் பரிசோதனை மூலம் மண் வளத்தை அறிந்துக்கொள்வது அவசியமாகும்.
  
• மண் வளத்தை நிலைநிறுத்துவதன் மூலம் பயிரின் உற்பத்தி, மற்றும் லாபத்தை மேம்படுத்தலாம்
  
• மண்ணின் வளத்தை பேணிக்காப்பதற்கு தேவையான அளவு அங்கக உரங்கள் மற்றும் கனிசமான இரசாயன உரங்கள் இடவேண்டும்
  
• பயிரின் தேவை, மண்ணின் தன்மை, உர உபயோகத் திறன் முதலியவற்றை கருத்தில் கொண்டு உர நிர்வாகம் அமைந்திட வேண்டும்
  
• தேவையான நேரத்தில் மண் பரிசோதனை செய்வதன் மூலம் சரிவிகித சம அளவு சத்துக்களை பயன்படுத்தி பயிரின் உற்பத்தியை அதிகரிக்கலாம்

மண்மாதிரிகள் சேகரிக்கும் முறை

மண் மாதிரிகள் எடுப்பதற்கு முன்பு கவனிக்க வேண்டிய குறிப்புகள்

• மண் மாதிரி எடுக்கும் பகுதி முழுவதையும் குறுக்கும் நெடுக்குமாக நடந்து, அப்பகுதியில் காணப்படும் நிலச்சரிவு, நிறம், நயம் மேலாண்மை முறை, பயிர் சுழற்சி இவற்றிற்கு ஏற்றாற்போல பல பகுதிகளாகப் பிரித்து, தனித் தனியாக மண் மாதிரிகள் சேகரிக்க வேண்டும். வரப்பு, வாய்க்கால்கள், மரத்தடி நிழல் பகுதிகள் மற்றும் கிணற்றுக்கு அருகிலும் மக்கு, குப்பை உரங்கள், பூஞ்சான மற்றும் பூச்சி மருந்து இடப்பட்ட பகுதிகளில் மண் மாதிரி எடுக்கக் கூடாது.
• அதிக பட்சமாக 5 எக்டேருககு ஒரு மாதிரியும், குறைந்த பட்சம் கால் எக்டேருக்கு ஒரு மாதிரியும் சேகரிக்க வேண்டும்

மண்மாதிரிகள் சேகரிக்க வேண்டிய காலம்

• நிலம் தரிசாக இருக்கும் காலத்தில் மண் மாதிரிகள் எடுக்க வேண்டும்
• உரமிட்டடவுடன் சேகரிக்கக்கூடாது. குறைந்தது 3 மாத இடைவெளி தேவை
• பயிர்கள் உள்ள நிலங்களில் மண் மாதிரிகள் எடுக்கக் கூடாது

மண்மாதிரிகள் சேகரிக்கும் முறை

• மண் மாதிரிகள் எடுக்க வேண்டிய இடத்திலுள்ள இலை, சருகு, புல், செடி ஆகியவற்றை கையினால் மேல் மண்ணை நீக்காமல் அப்புறப்படுத்த வேண்டும்.
• மாதிரி எடுக்கும் பொழுது ஆங்கில் எழுத்து “V” போல் மண்வெட்டியால் இருபுறமும் வெட்டி அந்த மண்ணை நீக்கி விட வேண்டும். பிறகு நிலத்தின் மேல்மட்ட பகுதியிலிருந்து கொழு ஆழம் வரை (0-15 செ.மீ. அல்லது 0-23 செ.மீ.) ஒரு இஞ்சு (அ) 2.5 செ.மீ. பருமனில் மாதிரி சேகரிக்க வேண்டும்.
• இவ்வாறாக குறைநத பட்சம் ஒரு எக்டரில் 10 முதல் 20 இடங்களில் மாதிரிகள் சேகரிக்க வேண்டும். மண் மாதிரிகள் ஈரமாக இருந்தால் முதலில் அதனை நிழலில் உலர்த்த வேண்டும்.
• நுண் ஊட்டங்கள் அறிய வேண்டுமானால் எவர்சில்வர் அல்லது பிளாஸ்டிக் குறுப்பி மூலம் தான் மண் மாதிரிகள் எடுத்து, பிளாஸ்டிக் பக்கெட்டில் மாதிரிகள் சேகரிக்க வேண்டும். மண்வெட்டி, இரும்பு சட்டிகளை பயன்படுத்தக் கூடாது.
• பின்பு சேகரித்த மாதிரிகளை ஒரு பிளாஸ்டிக் வாளியில் போட்டு நன்றாக கலக்கி அதிலிருந்து ஆய்வுக்கு 12 கிலோ மண் மாதிரியை கால் குறைப்பு முறையில் எடுக்க வேண்டும்.
• வாளியில் சேகரித்த மண் மாதிரியை சுத்தமான சாக்கு அல்லது பாலித்தீன் தாள் மீது பரப்பி, அதனை நான்காகப் பிரித்து, எதிர் முனைகளில் காணப்படும். இரண்டு பகுதிகளை கழித்து விட வேண்டும். தேவைப்படும் 12 கிலோ அளவு வரை இம்முறையினை திரும்பத் திரும்ப கையாள வேண்டும்.
• சேகரித்த மண் மாதிரியை சுத்தமான ஒரு துணிப்பை பாலித்தீன் பையில் போட்டு அதன் மீது மாதிரியைப் பற்றிய விவரங்களைக் குறிப்பிட வேண்டும். உரம் மற்றும் பூச்சி  மருந்துகள் வைக்கப்பட்டிருந்த சாக்குகளை அல்லது பைகளை மண் மாதிரிகள் அனுப்ப உபயோகிக்கக் கூடாது.

பயிர் வகை	மண் மாதிரி எடுக்கும் ஆழம்
	(அங்குலத்தில)	(செ.மீ.)
புல் மற்றும் புல் வெளி	2 6 9 12,24,36 அங்குல ஆழங்களில் மூன்று மண் மாதிரிகள் எடுக்க வேண்டும்	5
நெல், கேழ்வரகு, நிலக்கடலை, கம்பு மற்றும் சிறு தானிய பயிர்கள் (சல்லி வேர் பயிர்கள்)		15
பருத்தி, கரும்பு, வாழை, மரவள்ளி மற்றும் காய்கறிகள் (ஆணி வேர் பயிர்கள்)		22
நிரந்தர பயிர்கள், மலைப் பயிர்கள், பழத்தோட்டப்பயிர்கள்		30, 60, 90 செ.மீ. ஆழங்களில் மூன்று மண் மாதிரிகள் எடுக்க வேண்டும்

மண் பரிசோதனை ஆய்வகங்கள்

இடம்	முகவரி
கடலூர்	முதுநிலை வேளாண் அலுவலர் மண் பரிசோதனை ஆய்வகம் கரும்பு அராய்ச்சி நிலைய வளாகம் சேமமண்டலம், கடலூர் – 607 001
காஞ்சிபுரம்	முதுநிலை வேளாண் அலுவலர் மண் பரிசோதனை ஆய்வகம் பஞ்சுபேட்டை காஞ்சிபுரம் -631 502
வேலூர்	முதுநிலை வேளாண் அலுவலர் மண் பரிசோதனை ஆய்வகம் குடியாத்தம் TK மேலலத்து 638 806 வேலூர் மாவட்டம்
தர்மபுரி	முதுநிலை வேளாண் அலுவலர் மண் பரிசோதனை ஆய்வகம் வட்டாச்சியர் அலுவலக வளாகம் தர்மபுரி – 638 702
சேலம்	முதுநிலை வேளாண் அலுவலர் மண் பரிசோதனை ஆய்வகம் 35/37, B 11 ராஜாராம் நகர் க்ராஸ் வனியகலா கல்யாண மண்டபம் அருகில் சேலம் – 636 007
கோயமுத்தூர்	முதுநிலை வேளாண் அலுவலர் மண் பரிசோதனை ஆய்வகம் லாலி ரோடு, அரசு தொழில்நுட்பக் கல்லூரி அஞ்சல் கோயமுத்தூர் – 642 013
புதுக்கோட்டை	முதுநிலை வேளாண் அலுவலர் மண் பரிசோதனை ஆய்வகம் குடுமியான்மலை – 622104 புதுக்கோட்டை மாவட்டம்
ஈரோடு	முதுநிலை வேளாண் அலுவலர் மண் பரிசோதனை ஆய்வகம் 41/74 பூங்குன்றனார் வீதி கருங்கல்பாளையம் ஈரோடு – 638 003
திருச்சி	முதுநிலை வேளாண் அலுவலர் மண் பரிசோதனை ஆய்வகம் காஜாமலை திருச்சி – 620 020
மதுரை	முதுநிலை வேளாண் அலுவலர் மண் பரிசோதனை ஆய்வகம் 52/வடக்கு சித்திரை வீதி மதுரை -625 001
ஆடுதுறை	முதுநிலை வேளாண் அலுவலர் மண் பரிசோதனை ஆய்வகம் ஆடுதுறை – 612101 தஞ்சாவூர் மாவட்டம்
தேனி	முதுநிலை வேளாண் அலுவலர் மண் பரிசோதனை ஆய்வகம் 136/2, 2வது வீதி, சடயல் நகர் பங்களா மேடு (தெற்கு) தேனி – 625 531 தேனி மாவட்டம்
திண்டுக்கல்	முதுநிலை வேளாண் அலுவலர் மண் பரிசோதனை ஆய்வகம் 3,  கூட்டுறவு காலனி திண்டுக்கல் – 624 001
சிவகங்கை	முதுநிலை வேளாண் அலுவலர் மண் பரிசோதனை ஆய்வகம் வேளாண் துணை அலுவலர் அலுவலகம் (TNSTC கிளை – அருகில்) தோடி ரோடு சிவகங்கை – 630 561
பரமகுடி	முதுநிலை வேளாண் அலுவலர் மண் பரிசோதனை ஆய்வகம் பரமகுடி – 623 707 இராமநாதபுரம் மாவட்டம்
திருநெல்வேலி	முதுநிலை வேளாண் அலுவலர் மண் பரிசோதனை ஆய்வகம் எண்.37, சங்கர் காலனி பாளையங்கோட்டை, திருநெல்வேலி -2
தூத்துக்குடி	முதுநிலை வேளாண் அலுவலர் மண் பரிசோதனை ஆய்வகம் சாத்தூர் ரோடு கோவில்பட்டி– 628 501 தூத்துக்குடி மாவட்டம்
நாகர்கோவில்	முதுநிலை வேளாண் அலுவலர் மண் பரிசோதனை ஆய்வகம் 20c, சுந்தரராஜன் காம்பவுண்ட் இசக்கியம்மன் கோவில் வீதி நாகர்கோவில் – 629 001
ஊட்டி	முதுநிலை வேளாண் அலுவலர் மண் பரிசோதனை ஆய்வகம் ஊட்டி – 643 001
நாமக்கல்	முதுநிலை வேளாண் அலுவலர் மண் பரிசோதனை ஆய்வகம் 142 –H, கிஷோர் வளாகம் (HDFC வங்கி எதிரில்) சேலம் மெயின் ரோடு நாமக்கல் – 637 001
திருவாரூர்	ஒழுங்கமைக்கப்பட்ட சந்தை வளாகம் வேளாண் துணை அலுவலர் அலுவலகம் மேல்மாடியில் திருவாரூர் – 610 001
திருவள்ளூர்	முதுநிலை வேளாண் அலுவலர் மண் பரிசோதனை ஆய்வகம் காக்களூர் திருவள்ளூர் to ஆவடி ரோடு திருவள்ளூர் – 602 003
பெரம்பலூர்	முதுநிலை வேளாண் அலுவலர் மண் பரிசோதனை ஆய்வகம் 93F/21A வெங்கடாசலபதி நகர் புது பேருந்து நிலையம் அருகில் பெரம்பலூர் – 621 210
கிருஷ்ணகிரி	முதுநிலை வேளாண் அலுவலர் மண் பரிசோதனை ஆய்வகம் வேளாண் துணை அலுவலர் அலுவலகம் ரகுபதி மருத்துவமனை அருகில் கிருஷ்ணகிரி – 635 001
விருதுநகர்	முதுநிலை வேளாண் அலுவலர் மண் பரிசோதனை ஆய்வகம் வேளாண் இணை இயக்குநர் அலுவலகம் மாவட்ட ஆட்சியர் காம்ப்ளக்ஸ் விருதுநகர் – 626 001
கரூர்	முதுநிலை வேளாண் அலுவலர் மண் பரிசோதனை ஆய்வகம் தில்லை நகர், ராஜ்னூர் தான்தோனி கரூர் – 639 003
அரியலூர்	முதுநிலை வேளாண் அலுவலர் மண் பரிசோதனை ஆய்வகம் வளஜனகரம் அரியலூர் – 621 704
நாகப்பட்டிணம்	முதுநிலை வேளாண் அலுவலர் மண் பரிசோதனை ஆய்வகம் பஞ்சாயத்து யூனியன் வளாகம் நாகப்பட்டிணம் – 611 001
விழுப்புரம்	முதுநிலை வேளாண் அலுவலர் மண் பரிசோதனை ஆய்வகம் வேளாண் இணை இயக்குநர் அலுவலகம் ஆட்சியர் அலுவலகம் முக்கிய திட்ட வளாகம் விழுப்புரம் – 605 602
திருவண்ணாமலை	முதுநிலை வேளாண் அலுவலர் மண் பரிசோதனை ஆய்வகம் கோட்டம்பாளையம் ரோடு வெங்கிகால் திருவண்ணாமலை – 606 604

நடமாடும் மண் பரிசோதனை ஆய்வகம்

இடம்	முகவரி
திருவள்ளூர்	முதுநிலை வேளாண் அலுவலர் நடமாடும்  மண் பரிசோதனை ஆய்வகம் காக்களூர் திருவள்ளூர் To ஆவடி ரோடு திருவள்ளூர்
திருவண்ணாமலை	முதுநிலை வேளாண் அலுவலர் மண் பரிசோதனை ஆய்வகம் காமண்பாளையம், வெங்கிகல் திருவண்ணாமலை -  606 604
விழுப்புரம்	முதுநிலை வேளாண் அலுவலர் மண் பரிசோதனை ஆய்வகம் வேளாண் இணை அலுவலர் அலுவலகம் ஆட்சியர் அலுவலுக வளாகம் விழுப்புரம்
கிருஷ்ணகிரி	முதுநிலை வேளாண் அலுவலர் மண் பரிசோதனை ஆய்வகம் வேளாண் உதவி இயக்குநர் அலுவலகம் ரகுபதி மருத்துவமனை அருகில், கிருஷ்ணகிரி – 635 001
திருப்பூர்	முதுநிலை வேளாண் அலுவலர் மண் பரிசோதனை ஆய்வகம் வேளாண் விரிவாக்க மையம் பல்லடம் திருப்பூர்
ஈரோடு	முதுநிலை வேளாண் அலுவலர் மண் பரிசோதனை ஆய்வகம் 41/74 பூங்குன்றனார் வீதி கருங்கல்பாளையம் ஈரோடு – 638 003
மதுரை	முதுநிலை வேளாண் அலுவலர் மண் பரிசோதனை ஆய்வகம் 52/வடக்கு சித்திரை வீதி மதுரை -  625 001
பெரம்பலூர்	முதுநிலை வேளாண் அலுவலர் மண் பரிசோதனை ஆய்வகம் 937/21A, வெங்கடாசலபதி நகர் புதிய பேருந்து நிலையம் அருகில் பெரம்பலூர் – 621 210
கரூர்	முதுநிலை வேளாண் அலுவலர் மண் பரிசோதனை ஆய்வகம் 1/163/1, சேலம் மெயின் ரோடு வெண்ணமலை கரூர் மாவட்டம்
நாமக்கல்	முதுநிலை வேளாண் அலுவலர் மண் பரிசோதனை ஆய்வகம் நாராயணம்பாளையம் மோரூர் அஞ்சல், திருச்செங்கோடு நாமக்கல் மாவட்டம் – 637 304
திருவாரூர்	முதுநிலை வேளாண் அலுவலர் மண் பரிசோதனை ஆய்வகம் 19B, பெரிய மில் வீதி திருவாரூர் – 610 001
பரமகுடி	முதுநிலை வேளாண் அலுவலர் மண் பரிசோதனை ஆய்வகம் பரமகுடி 623 707 இராமநாதபுரம் மாவட்டம்
தூத்துக்குடி	முதுநிலை வேளாண் அலுவலர் மண் பரிசோதனை ஆய்வகம் வேளாண் ஆராய்ச்சி நிலையம் சாத்தூர் ரோடு கோவில்பட்டி – 627 701 தூத்துக்குடி மாவட்டம்
நாகர்கோவில்	முதுநிலை வேளாண் அலுவலர் மண் பரிசோதனை ஆய்வகம் 20c, செளந்தரராஜன் காம்பவுண்ட் இசக்கியம்மன் கோவில் வீதி நாகர்கோவில் – 629 001
நாகப்பட்டிணம்	முதுநிலை வேளாண் அலுவலர் மண் பரிசோதனை ஆய்வகம் பஞ்சாயத்து யூனியன் காம்பவுண்ட் வெள்ளிபாளையம் நாகப்பட்டிணம் – 611 001
விருதுநகர்	முதுநிலை வேளாண் அலுவலர் மண் பரிசோதனை ஆய்வகம் No.  185 – ஸ்டேட் பாங்க் 2வது மாடி மதுரை ரோடு அருபுக்கோட்டை – 629 101 விருதுநகர் மாவட்டம்

மண் மதிப்பீடு அட்டவணை

மண் பரிசோதனை குறிப்புகளின் வரையளவு அட்டவணை

ஊட்டப் பொருள்	குறைந்த	நடுத்தரம்	அதிகம்
அங்கக கரிமம்	< 0.5%	0.5-7.5%	> 0.75%
இருக்கக்கூடிய தழைச்சத்து (N)	< 240 கி.கி/ஹெக்	240-480 கி.கி/ஹெக்	> 480 கி.கி/ஹெக்
இருக்கக்கூடிய மணிச்சத்து(P)	< 11.0 கி.கி/ஹெக்	11-22 கி.கி/ஹெக்	> 22 கி.கி/ஹெக்
இருக்கக்கூடிய சாம்பல்சத்து (K)	< 110 கி.கி/ஹெக்	110-280 கி.கி/ஹெக்	>280 கி.கி/ஹெக்

மண் வகைகள்	காரநிலை
அமிலங்கள்	<6.0
சாதாரண  நிலையிலிருந்து உப்புத்தண்ணீர்	6.0-8.5
காரத்தன்மையாக மாற்ற வேண்டும்	8.9-9.0
காரத்தன்மை	>9.0

மொத்த தின்மக் கரைபொருள் (கடத்தும் ஆற்றல் மில்லி எம்ஹெச்ஒஸ் /செ.மீ2)

<1	சாதாரணமாக
1-2	முளைப்பிற்கு திறனாய்வு
2-4	பயிர்களின் வளர்ச்சிக்கு திறனாய்வு செய்தல்
>4	நிறைய பயிர்களுக்கு சேதாரம்

மண்வள அட்டை

மண்வள அட்டை என்றால் என்ன?

மண்ணின் தன்மை, பாசன நீர், பயிர் மற்றும் பிற உயிரியல் பண்புகளின் அடிப்படையில் மண்ணின் வளத்தையும் தரத்தையும் இந்த மண்வள அட்டை நிர்ணயிக்கிறது. விவசாயிகள் சொந்த அனுபவத்தையும், அறிவுத்திறனையும் கொண்டு மண்வளத்தைக் கண்காணிக்கவும், மேம்படுத்தவும் இந்த அட்டை ஒரு கருவியாகப் பயன்படுகிறது. காலப்போக்கில் மண்வளத்தில் ஏற்படும் மாற்றங்களையும் அதற்கான மேம்பாட்டு முறைகளையும் இந்த அட்டையில் பதிவு செய்து கொள்ளலாம். ஒரே நபர் இந்த அட்டையை தொடர்ந்து பூர்த்தி செய்து வந்தால் மிகவும் பயனுள்ளதாக இருக்கும். இந்த அட்டையின் மூலம் நிர்ணயிக்கும் மண்வளத்தின் தரம் பெரும்பாலும் விவசாயிகளின் அனுபவத்தைப் பொருத்ததேயன்றி எந்த ஆய்வகப் பரிசோதனையையும் அடிப்படையாகக் கொண்டதல்ல. ஒரு இடத்திலுள்ள மண்ணின் தரத்தினை மற்றொரு இடத்திலுள்ள மண்ணின் தரத்துடன் ஒப்பிட்டுப் பார்ப்பது இந்த அட்டையின் நோக்கமல்ல. ஆனால், ஒரு மண் எந்த அளவுக்கு பயிர் உற்பத்தித் திறன் கொண்டது என்பதை இந்த அட்டையைக் கொண்டு அறிய முடியும்

மண்வள அட்டையை உபயோகிப்பது எப்படி?

• மண்வகைகள், வயலின் சரிவு, பயிர் சுழற்சி, உர மேம்பாடு ஆகியவற்றை பொறுத்து ஒரு பண்ணையில் உள்ள நிலங்களை தனித்தனியே பிரித்து ஒவ்வொரு பிரிவிற்கும் ஒரு அட்டையைப் பயன்படுத்தவும்
  
• ஒவ்வொரு பிரிவிலும் இரண்டு அல்லது மூன்று பொருத்தமான இடங்களை தேர்வு செய்து மண்ணின் பண்புகளை ஆய்வு செய்யவும்
  
• பின் அட்டையில் கொடுக்கப்பட்டுள்ள விளக்கங்களின் அடிப்படையில் மண்ணின் தரத்தினை வளமானது, சுமாரான வளம், வளம் குன்றியது என்று தரம் பிரித்து அதற்கான கட்டத்தில் குறியிட்டு நிரப்பவும்
  
• மண்ணில் வேறு ஏதாவது குறைபாடுகள் இருப்பின் அவைகளை குறிப்புப் பகுதியில் விபரமாக எழுதவும்
  

Read More