Agri Info

 இன்றைய காலத்தில் பலரும் சந்திக்கும் ஒரு பிரச்சனையாக இந்த முதுகு வலி உள்ளது. இது அன்றாட வாழ்க்கையை பாதிப்பதுடன், சின்ன சின்ன விஷயங்களையும் செய்ய முடியாமல் தடுத்து மன உளைச்சலையும் ஏற்படுத்தும். அவ்வாறு நீங்கள் நாள்பட்ட முதுகு வலியால் பாதிக்கப்பட்டிருந்தலோ அல்லது முதுகு வலி வருவதற்கான ஏதாவது அறிகுறிகள் ஆகியவை தென்பட்டாலோ அதை எவ்வாறு கண்டறிவது என்றும், அவ்வாறு கண்டறிந்த பின்பு அதற்கு எவ்வாறு சிகிச்சை மேற்கொள்வது என்பதை பற்றியும் இங்கு நாம் பார்க்கலாம்.

இதை பற்றிய விவரங்களை பகிர்ந்து கொள்கிறார் எலும்பியல் நிபுணரான டாக்டர். ஹிமான்ஷு பெண்ட்ரே.

முதுகு வலி ஏற்படுவதற்கான காரணங்கள்:

இது பொதுவாக வயதாகும்போது இயற்கையாகவே ஏற்படும் ஒன்று தான். நம்முடைய முதுகுத்தண்டின் கீழ் பக்கத்தில் உள்ள குருத்தெலும்பானது அதன் வலிமையை இழக்கும் போது அல்லது அதன் தடிமன் ஆனது ஊட்டச்சத்து குறைபாடினாலோ அல்லது வேறு ஏதேனும் காரணங்களினாலோ அதன் மீது அதிகபடியான அழுத்தம் ஏற்படும்போது அது முதுகுத்தண்டில் வலியை ஏற்படுத்துகிறது.

மேலும் முதுகு வட்டெலும்பு, தன்னுடைய இடத்திலிருந்து சற்று விலகி செல்வதினாலும், அந்த எலும்பு பகுதியில் ஏற்படும் வீக்கத்தினாலும் மையோபேசியல் பெயின் சிண்ட்ரோம்(Myofascial pain syndrome) எனப்படும் நோய் ஏற்பட்டு அது தசைகளில் வலியை உண்டாக்கும். இதனாலும் நமக்கு முதுகு வலி ஏற்படும்.

பெரும்பாலான மக்களுக்கு முதுகுப் பகுதியில் ஏற்படும் எதிர்பாராதவிதமான காயங்களினாலும் அல்லது சில நேரங்களில் கீழே விழுவதினாலும் எலும்பு முறிவுகள் மற்றும் தசை பிடிப்புகளினாலும் அவர்கள் முதுகு வலியை அனுபவிக்கலாம். அதிக கனமான பொருளைத் தூக்கும் போதும் முறையற்ற கோணத்தில் சாய்ந்து நீண்ட நேரத்திற்கு அமர்வது அல்லது வேறு ஏதேனும் வேலையை செய்யும்போது அவை நேரடியாக முதுகுத்தண்டில் தாக்கத்தை ஏற்படுத்தி தாங்க முடியாத வழியை உண்டாக்கலாம்.

அறிகுறிகள்:

ஆரம்பத்தில் முதுகு பகுதியில் லேசான வலி ஏற்படுவது உடல் எடை குறைதல் காய்ச்சல், முதுகு பகுதியில் வீக்கம் ஆகியவையும் ஏற்படலாம். இது நாளடைவில் தாங்க முடியாத முதுகு வலியையும், காலுக்கு கீழே வலியையும் ஏற்படுத்தும். மேலும் சிறுநீர் கழிக்கும் போது அசவுகரியத்தையும் உண்டாக்குவதோடு உடல் சோர்வையும் அதிகமாக ஏற்படுத்தும். இது போன்ற அறிகுறிகள் உங்களுக்கு தென்பட்டால் உடனே சிகிச்சை மேற்கொள்ள வேண்டியது அவசியம்.

சிகிச்சை முறை:

மருந்து மற்றும் அறுவை சிகிச்சையின் மூலம் நாம் இதை குணப்படுத்தலாம். பல நேரங்களில் மருந்துகளோடு சரியான முறையில் பிசியோதெரபி சிகிச்சை மேற்கொள்வதும் இதனை பெரும் அளவில் குணப்படுத்தும். கை கால்களை நீட்டி தசைகளுக்கு பயிற்சி அளிப்பதும் உடற்பயிற்சி செய்வதும் நம்முடைய உடலின் நரம்பு மண்டலங்களையும் தசைப்பகுதிகளையும் வலுவாக்கும் உடற்பயிற்சிகளை செய்வதும், எப்போதும் சரியான ஒரு உடல் தோரணையில் நடப்பதும், யோகாசனம் ஆகியவையும் முதுகு வலியை பெரும் அளவில் குணப்படுத்தும்.

Click here to join whatsapp group for daily health tip

 நம் முன்னோர்கள் ஆரோக்கியமான உணவுகளை சாப்பிட்டதன் பயன் தான் கண்பார்வை குறைபாடு பிரச்சனை என்பது அவர்களுக்கு வயதாகும் போது தான் ஏற்பட்டது. ஆனால் இன்றைக்கு மாறி வரும் உணவு முறையால் பள்ளியில் படிக்கும் சிறுவர்கள் முதல் பணிக்கு செல்லும் இளைஞர்கள் மற்றும் பெரியவர்கள் என பலருக்கும் கண்பார்வை குறைபாடு பிரச்சனை தற்போது அதிகரித்து வருகிறது. இதனால் சிறு வயதில் இருந்தே கண்ணாடி போட வேண்டிய சூழலுக்குத் தள்ளப்படுகிறார்கள்.

கண்கள் இல்லை என்றால் எதுவுமே நம்மால் செய்ய முடியாது என்பதை நினைவில் வைத்துக்கொண்டு கண்களின் ஆரோக்கியத்திற்கு நாம் முக்கியத்துவம் அளிக்க வேண்டிய கட்டாயத்தில் உள்ளோம். எத்தனை தான் கண்கள் சம்பந்தப்பட்ட பிரச்சனைகளுக்கு வைத்தியம் இருந்தாலும் அதெல்லாம் தற்காலிகத் தீர்வு தான். நிரந்த பலன்களைப் பெற வேண்டும் என்றால் ஆரம்பத்தில் இருந்தே கண்பார்வை அதிகரிப்பது மற்றும் ஆரோக்கியத்தை மேம்படுத்துவதற்கான வழிமுறைகளை நாம் கடைப்பிடிக்க வேண்டும். எனவே இந்நேரத்தில் கண்களின் பார்வை மற்றும் ஆரோக்கியத்தை மேம்படுத்தும் உணவுப்பொருள்களின் லிஸ்ட் என்னென்ன? என்பது குறித்து அறிந்துக்கொள்வோம்.

 கண்களின் ஆரோக்கியத்தை மேம்படுத்தும் உணவுப்பொருள்கள் :

கீரைகள்: கண் நல்லா தெரியனும்னா கீரையை சாப்பிட வேண்டும் என்ற வார்த்தையை சிறு வயதில் இருந்தே பெற்றோர்கள் கூற நாம் கேட்டிருப்போம். அந்தளவிற்கு கீரையில் கண்களுக்குத் தேவையான வைட்டமின் ஏ மற்றும் அமினோ அமிலங்கள் உள்ளது. இவற்றை நம்முடைய உணவு முறையில் சேர்க்கும் போது கண்கள் ஆரோக்கியமாக இருக்க உதவியாக இருக்கும்.

கீரைகள்: கண் நல்லா தெரியனும்னா கீரையை சாப்பிட வேண்டும் என்ற வார்த்தையை சிறு வயதில் இருந்தே பெற்றோர்கள் கூற நாம் கேட்டிருப்போம். அந்தளவிற்கு கீரையில் கண்களுக்குத் தேவையான வைட்டமின் ஏ மற்றும் அமினோ அமிலங்கள் உள்ளது. இவற்றை நம்முடைய உணவு முறையில் சேர்க்கும் போது கண்கள் ஆரோக்கியமாக இருக்க உதவியாக இருக்கும்.

சர்க்கரை வள்ளக்கிழங்கு : இதில் கண்களின் ஆரோக்கியத்தில் முக்கிய பங்கு வகிக்கும் பீட்டா கரோட்டின் சத்துக்கள் அதிகளவில் உள்ளது. எனவே ஒருவரின் கண்பார்வை குறைபாடுகளை சரி செய்ய மற்றும் மேம்படுத்துவதற்கு உணவில் சர்க்கரை வள்ளிக்கிழங்கை சேர்த்துக் கொள்ளலாம்.

தூக்கமின்மை என்பது பிரச்சனையாக இருந்தது போய் இப்போது நீண்டகால நோய் என்றே அழைக்கப்படுகிறது. குறிப்பாக கொரோனா பெருந்தொற்றுக்குப் பின் தூக்கமின்மை பிரச்சனை அதிகரித்துவிட்டதாக ஆய்வுகளும் கூறுகின்றன. இது இந்தியாவில் மட்டுமல்ல உலகளாவிய பிரச்சனையாகவும் மாறியுள்ளது. இதை சரி செய்வது மருந்து மாத்திரைகளால் மட்டும் சாத்தியமல்ல. நம் வாழ்க்கை முறை மாற்றங்களும் அவசியம் என்கின்றனர் மருத்துவர்கள். அதோடு தூக்கமின்மைக்கு நாம் எப்படி தூங்குகிறோம் என்பதும் அவசியம்.

ஆனால் இது பலருக்கும் தெரிவதில்லை என்கிறார் இந்தியன் எக்ஸ்பிரஸ் இணையத்திற்கு பேட்டியளித்த எலும்பியல் நோய் மருத்துவர் செந்தில் குமார். இதை மூத்த எலும்பியல் நோய் அலோசகர் யோகேஷ் குமாரும் உறுதி செய்துள்ளார்.

அவர் பேசியதில் “ நாம் தூங்கும் பொசிஷன் தவறாக இருந்தால் அது தசைகளுக்கு அழுத்தம் கொடுக்கும். இதனால் இரத்த ஓட்டம் சீராக இருக்காது. அதோடு போதுமான தூக்கமின்மை காரணமாக நோய் எதிர்ப்பு சக்தி பலவீனமாகி வளர்ச்சிதை மாற்றங்கள் பாதிக்கப்படும்” என்று கூறியுள்ளார்.

சரியான தூக்க நிலைதான் என்ன..?

சரியான தூக்க நிலை என்பது நம் தலையிலிருந்து இடுப்பு எலும்பு வரை சீரான தோற்றத்தில் இருக்க வேண்டும். அதாவது முதுகெலும்பு நடுநிலையான தோற்றத்தில் இருக்க வேண்டும்.

National Library of Medicine வெளியிட்டுள்ள ஆய்வின் படி குழந்தைகள் விட்டத்தை பார்த்தபடி நிமிர்ந்தவாறு தூங்குதல் மற்றும் பக்கவாட்டில் சாய்ந்து தூங்குதல், கவிழ்ந்து படுத்த என அனைத்து நிலைகளிலும் மாறி மாறி தூங்குவார்கள். பெரியவர்களாக இருக்கும் பட்சத்தில் பக்கவாட்டில் சாய்ந்தபடி தூங்குதல் அல்லது நிமிர்ந்தபடி முதுக்குப்புறம் தூங்குதலை விரும்புவார்கள்.

பக்கவாட்டில் தூங்கும் நிலை : பெரும்பாலும் பெரியவர்கள் பக்கவாட்டில் சாய்ந்தபடி தூங்குவதையே அதிகமாக விரும்புவார்கள். காரணம் இதுதான் இருப்பதிலேயே மிகவும் சௌகரியமான நிலை என்கிறார் மருத்துவர் செந்தில். ஏனெனில் இந்த நிலையில்தான் நம் முதுகெலும்பு நடுநிலையில் சீரான தோற்றத்தில் இருக்கும் என்கிறார். நம் மெத்தையும் சீரான நிலையில் இருக்க வேண்டும் இல்லையெனில் கழுத்து வலி, முதுகு வலி, தோள்பட்டை வலி வரும் என்கிறார்.

விட்டத்தை பார்த்தபடி நிமிர்ந்து தூங்கும் நிலை : பலரும் விட்டத்தை பார்த்தபடி நிமிர்ந்து படுப்பார்கள். இதுவும் பொதுவான தூங்கும் நிலைதான். இப்படி தூங்கும்போதும் உங்கள் முதுகுத் தண்டுவடம் நடுநிலையான தோற்றத்தில் இருக்கும். உங்களுக்கு மற்ற காரணங்களால் கழுத்து, தோள்பட்டை வலி இருந்தாலும் இந்த பொசிஷனில் தூங்கும்போது சரியாகும் என்கிறார். அதோடு தலையணையால் தலையை உயர்த்தி படுக்கும்போது ஆசிட் ரிஃப்ளக்ஸ் தொடர்பான பிரச்சனைகளைக் குறைப்பதற்கும் உதவியாக இருக்கும் என்கிறார்.

தவறான தூங்கும் நிலைகள் :

மருத்துவர் செந்தில் ”வயிறும் , மார்பும் தரையில் படும்படி குப்புற கவிழ்ந்து படுப்பது கடுமையான ஆபத்தை விளைவிக்கும் என்கிறார். ஏனெனில் கவிழுந்து படுக்கும்போது நுரையீரலுக்கு அதிகமான அழுத்தம் உண்டாகும். இதனால் மூச்சு விடுவதற்கு மிகவும் சிரமமாக இருக்கும். இதனால் தூக்கம் தடைபடும்” என்கிறார்.

அதேபோல் தலையணையால் தலை உயரும்போது முதுகுத்தண்டு வடம் சீரான நிலையில் இருக்காது. இதனால் முதுகுக்கு தேவையற்ற தொந்தரவாக இருக்கும். இதனால் முதுகுவலி, அடி முதுகு வலி , கழுத்து வலி உண்டாகும். இந்த நிலையில் இரத்த ஓட்டமும் குறையும் என்பதால் அடிக்கடி நீங்கள் எழுந்துகொள்ள நேரிடும். தூங்கினாலும் அது நிம்மதியான உறக்கமாக இருக்காது.

அடுத்ததாக இரண்டாது மோசமான நிலை கருவில் குழந்தை தூங்கும் நிலை போல் தூங்குதல். இது முதுகு தண்டு வடத்திற்கு ஆபத்தான நிலை என எச்சரிக்கிறார் மருத்துவர். இது பல வகையான முதுகு பிரச்சனைகளுக்கு வழிவகுக்கும் என்கிறார்.

கர்ப்பிணிகள் தூங்க சரியான நிலை எது..?

கர்ப்பிணிகள் பக்கவாட்டில் சாய்ந்தவாறு படுப்பதே சரியான நிலையாகும். விட்டத்தை பார்த்தபடி தூங்குதல் மிகவும் தவறான நிலை என்கிறார் மருத்துவர் செந்தில்.

காரணம் இது வயிற்றில் அசௌகரியத்தை உண்டாக்கும். அதேபோல் அவ்வாறு தூங்கும்போது மயக்க உணர்வு, தலை சுற்றுதல் போன்ற பிரச்சனைகளை உண்டாக்கும். அதோடு கருவில் உள்ள குழந்தைக்கு தேவையான ஊட்டச்சத்து கிடைப்பதில் சிரமம் ஏற்படும். அதோடு முதுகு வலி, மூச்சுவிடுவதில் சிரமம், செரிமானப் பிரச்சனை, குறை இரத்த அழுத்தம் மற்றும் குழந்தைக்கும் , உங்களுக்கும் மோசமான இரத்த ஓட்டம் என பல பிரச்சனைகளை சந்திக்க நேரிடும் என்கிறார்.

Click here to join whatsapp group for daily health tip

 உடலில் இருக்கும் செல்கள் கட்டுப்பாட்டை மீறி அதிக வேகத்தில் வளரும் போது புற்றுநோய் ஏற்பட துவங்குகிறது. உடலின் எந்த பகுதியிலும் உள்ள செல்கள் புற்றுநோயாக மாறி பின்னர் உடலின் மற்ற பாகங்களுக்கும் பரவ கூடும்.

இந்நிலையில் புற்றுநோய்களில் மிகவும் அசாதாரண வகைகளில் ஒன்று எலும்பு புற்றுநோய். கட்டுப்பாட்டை மீறி எலும்பில் அசாதாரண செல்கள் வளரும் போது, எலும்பு புற்றுநோய் ஏற்படுகிறது.

எலும்புகளில் துவங்கும் புற்றுநோய்கள் பிரைமரி எலும்பு புற்றுநோய்கள் எனப்படும். ஆனால், இவ்வகையான புற்றுநோய்கள் எளிதில் ஏற்படக்கூடியவை அல்ல. அதே போல, பெரும்பாலான நேரங்களில் எலும்பில் காணப்படும் புற்றுநோய் உடலில் வேறு எங்காவது தொடங்கி பின் எலும்புகளுக்கு பரவுகிறது. இவை செகன்டரி எலும்பு புற்றுநோய்கள் என்று அழைக்கப்படுகிறது.

எலும்பு புற்றுநோய்கள் தீங்கற்றவை அதாவது பரவாதவை மற்றும் வீரியம் மிக்கவை (வெவ்வேறு உடல் பாகங்களுக்கு பரவக்கூடியவை) என்றும் வகைப்படுத்தலாம். எனினும் எலும்பு புற்றுநோய் இருக்கிறது என்பதை உணர்த்தும் எச்சரிக்கை மற்றும் அறிகுறிகளை ஒருவர் அறிந்து கொள்வது அவசியம்.

வலி மற்றும் வீக்கம்:

புற்றுநோய் கட்டி இருக்கும் பகுதியில் வலி என்பது மிகவும் பொதுவான அறிகுறி. ஆனால் ஸ்டார்ட்டிங் ஸ்டேஜில் எல்லா நேரத்திலும் வலி இருக்காது. இரவு நேரங்களில் அல்லது பாதிக்கப்பட்ட எலும்பை பயன்படுத்தும் போது, வாக்கிங் போகும் போது வலி மோசமாகலாம். ஆனால் ஒருகட்டத்தில் வலி நிலையானதாக மாறும். சில எலும்பு கட்டிகள் அந்த குதியில் வீக்கத்தையும் ஏற்படுத்துகின்றன.

நடப்பதில் சிரமம்:

பிறந்ததில் இருந்து ஒரு சிக்கலும் இன்றி நன்றாக நடக்கும் ஒருவர், காரணமேயின்றி திடீரென்று நடப்பதில் சிரமத்தை சந்தித்தால் எலும்பு புற்றுநோய் பரிசோதனை செய்து கொள்வது முக்கியம். ஏனென்றால் எலும்பு புற்று நோயின் முக்கிய அறிகுறிகளில் ஒன்று இதுவாகும்.

அதீத சோர்வு:

ஒருவர் எப்போதும் சோர்வாக உணர்ந்தாலோ, இதுநாள் வரை செய்து வந்த அன்றாட வேலைகளை செய்ய கடினமாக உணர்ந்தாலோ அல்லது உடல்நிலை சரியில்லாதது போல அடிக்கடி உணர்ந்தாலோ முழுமையான சுகாதார பரிசோதனையை மேற்கொள்ள வேண்டும். ஏனென்றால் அதீத சோர்வு எலும்பு புற்றுநோய் இருப்பதை வெளிப்படுத்தும் அறிகுறியாக இருக்கலாம்.

எலும்பின் மீது கட்டி:

எலும்பு புற்றுநோயின் அறிகுறிகளில் கட்டியும் ஒன்றாகும். சில எலும்பு கட்டிகள் வீரியம் மிக்கவை மற்றும் புற்றுநோய் செல்களை உடல் முழுவதும் பரவ செய்யலாம்.

பலவீனமான எலும்புகள்:

எலும்பு புற்றுநோய் எலும்புகளை வலுவிழக்க செய்யலாம். எனவே எளிதில் உடைந்து போகும் வகையில் எலும்புகள் மிகவும் பலவீனமடைவது எலும்பு எலும்பு புற்றுநோய் இருப்பதை குறிக்கலாம்.

மூட்டு விறைப்பு:

மூட்டு விறைப்பு காரணமாக ஒருவர் தனது அன்றாட நடவடிக்கைகளை செய்வதற்கு கஷ்டப்பட்டால், அது எலும்பு புற்றுநோயின் அறிகுறியாக இருக்கலாம்.

முற்றிலும் நகர முடியாமல் போனால்..

ஒருவரால் சுத்தமாக நடக்கவோ அல்லது உட்காரவோ முடியாமல் போனால் உடனடியாக அவர் மருத்துவரிடம் அழைத்து செல்லப்பட்டு எலும்பு புற்றுநோய் பரிசோதனை செய்யப்பட வேண்டும்.

காய்ச்சல்:

எலும்பு புற்றுநோய் வெள்ளை ரத்த அணுக்களை அழித்து நோயெதிர்ப்பு மண்டலத்தை பலவீனப்படுத்த கூடும். எனவே காய்ச்சல் இதன் அறிகுறியாக இருக்கலாம். தொடர் காய்ச்சல் இருப்பின் மருத்துவர்களை கலந்தாலோசிப்பது நல்லது.

திடீர் எடை இழப்பு..

பல வகை புற்றுநோய்களை போலவே, எலும்பு புற்றுநோய் சில நேரங்களில் திடீர் எடை இழப்பு மற்றும் சோர்வை ஏற்படுத்தும். புற்றுநோய் செல்கள் ஆரோக்கியமான செல்களை விட அதிக ஆற்றலை கோரும் என்பதால், பாதிக்கப்படுபவர்களின் உடல் அதிக கலோரிகளை எரிக்கலாம். இது எடை இழப்பை ஏற்படுத்தும்.

அதிகம் வியர்ப்பது

உடல் புற்றுநோயை எதிர்த்து போராட முயற்சிப்பதாலோ, ஹார்மோன் மாற்றத்தாலோ அல்லது புற்றுநோய் காய்ச்சலை ஏற்படுத்தும் போது உடல் தன்னை தானே குளிர்விக்க முயற்சிக்கும் போதோ அதிக வியர்வை ஏற்படலாம் குறிப்பாக இரவில்.

Click here to join whatsapp group for daily health tip

 காலை 9 மணி முதல் மாலை 5 வரை அலுவலகத்தில் உட்கார்ந்த இடத்திலே பணிபுரிபவர்கள் ஊட்டச்சத்துள்ள உணவுகளை சரியான நேரத்தில், சரியான விகிதத்தில் எடுத்துக்கொள்ள வேண்டும். இல்லாவிடில் தேவையற்ற உடல் நல பிரச்சனைகளை நீங்கள் சந்திக்கக்கூடும் என எச்சரிக்கின்றனர் ஊட்டச்சத்து நிபுணர்கள்.

இன்றைக்கு உள்ள பொருளாதார தேவைகளை நிவர்த்தி செய்துக்கொள்வதற்கு கணவன்- மனைவி இருவரும் வேலைக்கு செல்ல வேண்டிய கட்டாயத்தில் உள்ளோம். காலையில் எழுந்து அவசர அவசரமாக காலை டிபன் மற்றும் மதிய உணவு இரண்டையும் தயார் செய்து, குழந்தைகளைப் பள்ளிக்கு அனுப்புவது என சுறுசுறுப்பாகப் பணிகள் செய்யும் நாம் நம்முடைய உணவுபழக்கவழங்கங்களை முறையாகப் பின்பற்றுவதில்லை. இதனால் தான் பல்வேறு உடல் நலப்பிரச்சனைகளை அடிக்கடி நாம் சந்திக்க நேரிடுகிறது.

குறிப்பாக எந்த வேலையை எடுத்துக்கொண்டாலும் பெரும்பாலும் பணி நேரம் காலை 9 மணி முதல் மாலை 5 மணி வரை தான். இந்த நேரங்களில் உட்கார்ந்த இடத்திலேயே பணிபுரியும் சூழலில் ( A 9-to-5 Job) உள்ள நபர்களுக்கு உடல் எடை அதிகரிக்கும் வாய்ப்புகள் அதிகமாக உள்ளதோடு பல உடல் உபாதைகளும் ஏற்படும். எனவே சரியான உணவுகளை எடுத்துக்கொள்வது அவசியம். இத்தகைய பரப்பான சூழலில் பணிக்கு கிளம்பினாலும் காலை, மதியம், சிற்றுண்டி என அனைத்தையும் சரியான விகிதத்திலும் ஊட்டச்சத்துள்ளதாகவும் எடுத்துக்கொள்ள வேண்டும்.

இந்நிலையில் தான் 9-5 மணி வரை பணியில் உள்ளவர்கள் எந்த மாதிரியான உணவை எடுத்துக்கொள்ள வேண்டும் என விளக்கம் அளிக்கிறார் ஊட்டச்சத்து நிபுணரான Nmami Agarwal.. இதோ அவை என்ன? என நாமும் அறிந்துக்கொள்வோம்..

இரவு தூங்கி எழும் நாம் காலை உணவை எடுத்துக்கொள்வதற்கு முன்னதாக ஒரு கையளவு ஊட்டச்சத்து நிறைய ஏதாவதொரு பருப்புகளை உட்கொள்ள வேண்டும். அதைத் தொடர்ந்து காலை உணவை உட்கொள்ள வேண்டும். இட்லி – சாம்பார், தோசை, ஆம்லெட், சப்பாத்தி போன்றவற்றுடன் கார்போஹைட்ரேட்டுகள், புரதங்கள், கொழுப்புகள், வைட்டமின்கள் மற்றும் தாதுக்கள் நிறைந்த உணவுப்பொருள்களை காலை உணவாக எடுத்துக்கொள்ளும் போது உடல் ஆரோக்கியத்திற்கு உதவியாக இருக்கும்.

இதுப்போன்று மதிய உணவிற்கு ரொட்டி, பருப்பு, சப்ஜி, சாப்பாடு சிறந்ததாகக் கூறும் ஊட்டச்சத்து நிபுணர் இதை அளவோடு எடுத்துக்கொள்ள வேண்டும் எனவும் பரிந்துரைக்கிறார். இதோடு ஒரு கிளாஸ் மோர், இளநீர் அல்லது ஏதாவது பழம் சாப்பிடும் போது பல்வேறு ஊட்டச்சத்துக்கள் உங்களுக்கு கிடைக்கக்கூடும். உட்கார்ந்த இடத்திலேயே பணிபுரிந்தாலும் உங்கள் உடல் ஆரோக்கியமாக இருக்கும். மேலும் மாலை 4 மணி முதல் மாலை 6 மணி வரை ஏதாவது ஸ்நாக்ஸ் எடுத்துக்கொள்ளலாம். குறிப்பாக வறுத்த சுண்டல், ஹம்முஸ் போன்றவற்றை சிறிதளவு உட்கொள்ளலாம். இதோடு பணி முடிந்து வீட்டிற்கு திரும்பும் போது ஏதாவது ஒரு பழங்களை உட்கொள்ளலாம்.

இவ்வாறு நம்முடைய உணவு முறையை சரியான நேரத்தில், சரியான அளவில் உட்கொள்ளும் போது உடல் நலத்திற்கு கேடு விளைவிக்கும் எந்தவிதமான நொறுக்கு தீனிகள் சாப்பிட வேண்டும் என்ற எண்ணம் இருக்காது. இதனால் காலை 9 மணி முதல் 5 வரை உட்கார்ந்த இடத்திலேயே பணிபுரிந்தாலும் உடல் எடை அதிகரிக்க வாய்ப்பில்லை. இதோடு மட்டுமின்றி உடற்பயிற்சி நீங்கள் மேற்கொள்ள வேண்டும். ஒரு வேளை உங்களுக்கு நேரம் கிடைக்கவில்லை என்றால் பணி முடிந்து வீட்டிற்கு வந்ததும் சிறிது தூரம் நடக்கலாம் அல்லது பேருந்து நிலையம், ரயில் நிலையம் போன்றவற்றில் இருந்து நடந்தே வர முயற்சிக்கலாம் என்கிறார் ஊட்டச்சத்து நிபுணர். இந்த நடைமுறை நிச்சயம் உங்களது உடல் ஆரோக்கியத்திற்கு உறுதுணையாக இருக்கும்.

Click here to join whatsapp group for daily health tip

உலகில் உள்ள பெரும்பாலான மக்களுக்கு பிடித்த ஒரு ரிஃப்ரெஷிங் பானம் என்றால் அது டீ தான். சிலருக்கு காபி என்றால் மிகவும் பிடிக்கும். இருப்பினும், டீ (தேநீர்) உண்மையில் உலகம் முழுவதும் பரவலாக நுகரப்படும் ஒரு மலிவு விலை பானமாகும். டீ குடிப்பதால் கிடைக்கும் நன்மைகளின் விரிவான பட்டியலை பல ஆய்வுகள் சுட்டிக்காட்டியுள்ளன.

நமது இயற்கையான ரிதத்தை பராமரிப்பது மிக முக்கியம். ஏனென்றால் இது பகலில் அதிக எச்சரிக்கையை உணரவும், இரவில் நன்றாக தூங்கவும், ஒட்டுமொத்த சிறந்த ஆரோக்கியத்தை பராமரிக்கவும் உதவுகிறது. பிற்பகல் அல்லது மாலை வேளைகளில் நாம் அதிகப்படியான கஃபின் கொண்ட தேநீரை அருந்தினால், அது நம் தூக்கத்தை சீர்குலைக்கும். இது நமது சர்க்காடியன் ரிதத்தையும் சீர்குலைக்கும். 

தேயிலையில் காணப்படும் டானின்கள் உடலில் இரும்பு உறிஞ்சுதலில் ஏற்படும் மாற்றங்களுக்கு காரணமாக இருக்கலாம் என்று நியூட்ரிசன் அறிக்கையில் தெரிவிக்கப்பட்டுள்ளது. டானின்கள் தேயிலை, ஒயின் மற்றும் சாக்லேட் ஆகியவற்றில் காணப்படும் ஒரு இயற்கை கலவை ஆகும். மேலும் அவை நிலையான நுகர்வுக்குப் பிறகு இரும்பின் உயிர் கிடைக்கும் தன்மையைக் குறைப்பதாக நிரூபிக்கப்பட்டுள்ளது. உங்களிடம் இரும்புச்சத்து குறைவாக இருக்கும்போது, நீங்கள் ​​சோர்வு, அமைதியின்மை, வறண்ட சருமம், தலைவலி போன்றவற்றை அனுபவிக்கலாம்.

அடிக்கடி சிறுநீர் கழிக்க நேரிடலாம் : பிளாக் மற்றும் கிரீன் டீ இரண்டும் டையூரிடிக்ஸ் என்று கருதப்படுகிறது. இவை அடிக்கடி சிறுநீர் கழிக்க வழிவகுக்கும். டையூரிடிக்ஸ் இயற்கையாகவே சிறுநீரகங்களில் சோடியத்தின் அளவை அதிகரிக்கிறது. இதனால் உடலில் சோடியம் இயற்கையாகவே தண்ணீருடன் வெளியேறும். டீ சில நேரங்களில் அதிகப்படியான தண்ணீரைத் தக்க வைத்துக் கொள்ளும் நபர்களுக்கு பரிந்துரைக்கப்படுகிறது என்றாலும், இது பெரும்பாலும் நீரைத் தக்கவைத்துக்கொள்வதில் சிரமப்படாத ஒருவரில் நீரிழப்பு பிரச்சனையை ஏற்படுத்தும்.

தி பார்மா இன்னோவேஷன் இதழில் வெளியான அறிக்கையின்படி, கிரீன் மற்றும் பிளாக் டீ-யில் உள்ள டையூரிடிக் தன்மை, உடலில் எலக்ட்ரோலைட்டுகளின் ஏற்றத்தாழ்வு மற்றும் நீரிழப்பு ஆகியவற்றிற்கு வழிவகுக்கும். இது சோம்பல், அதிகரித்த அல்லது ஒழுங்கற்ற இதய துடிப்பு மற்றும் கடுமையான தலைவலி போன்றவற்றை ஏற்படுத்தும்.

மலச்சிக்கலை ஏற்படுத்தலாம்: டீயில் காணப்படும் பல இயற்கை சேர்மங்களில், தியோபிலின் கவனிக்க வேண்டிய பொதுவான ஒன்றாகும். இந்த கலவை காபி மற்றும் டீ இரண்டிலும் காணப்படுகிறது. மேலும் சில நேரங்களில் ஆஸ்துமா நோயாளிகளுக்கு காற்றுப்பாதை தசைகளை மென்மையாக்க பயன்படுகிறது. இது அதன் சுவாச நன்மைகளைக் கொண்டிருந்தாலும், இது சில லேசான மற்றும் எரிச்சலூட்டும் பக்க விளைவுகளையும் ஏற்படுத்தும். புற்றுநோய் ஆராய்ச்சிக்கான இன்டெர்னல் ஏஜென்சி அமைப்பின் அறிக்கையின்படி, தியோபிலினை உட்கொள்வது இரைப்பை குடல் தொந்தரவுகளுக்கு வழிவகுக்கும். பிற ஆதாரங்களும் தியோபிலின் மலச்சிக்கல் மற்றும் குமட்டலை ஏற்படுத்தும் என்று அறியப்படுகிறது. ஆகவே, நீங்கள் ஏற்கனவே வயிற்றுப் பிரச்சினைகளை அனுபவிக்கும் ஒருவராக இருந்தால், உங்களுக்கு பிடித்த ஒரு கப் டீ உங்களுக்கு பாதிப்பை ஏற்படுத்தும்.

Click here to join whatsapp group for daily health tip

 உப்பு அதாவது சோடியம் குளோரைடு நமது உணவின் இன்றியமையாத அங்கமாகும். உப்பு நம் உடலில் திரவ அளவைக் கட்டுப்படுத்த உதவுகிறது. தசைகளை தளர்த்துகிறது மற்றும் நரம்பு தூண்டுதல்களை பராமரிக்கிறது. உடலின் சரியான செயல்பாட்டிற்கு ஒரு குறிப்பிட்ட அளவு உப்பு அவசியம் தேவை. அதேசமயம் அதிக உப்பு உட்கொள்வதால் சிறுநீரக கற்கள், உயர் இரத்த அழுத்தம் மற்றும் இதய நோய் போன்ற பிரச்சனைகள் ஏற்படலாம்.

ஒவ்வொரு ஆண்டும் இந்த நோய்களால் பலர் பாதிக்கப்படுகிறார்கள். இதை எப்படி தவிர்க்கலாம் என பல ஆய்வுகள் மேற்கொள்ளப்பட்டு வருகின்றன. அந்த வரிசையில் உப்பு மற்றும் இதய நோய் பற்றி புதிய ஆய்வு ஒன்று வெளிவந்துள்ளது. இதில் இதய நோய் மற்றும் பக்கவாதம் ஏற்படும் அபாயத்தை உப்பின் அளவு மூலம் எப்படி குறைக்கலாம் என்று கூறப்பட்டுள்ளது.

மெடிக்கல் நியூஸ் டுடேயின் அறிக்கையின்படி, உப்புக்கும் இதய நோய்க்கும் உள்ள தொடர்பு குறித்து சீனாவில் ஆய்வு மேற்கொள்ளப்பட்டது. தினமும் 1 கிராம் உப்பு உட்கொள்ளலைக் குறைப்பதன் மூலம் இதய நோய் அபாயத்தை 4% மற்றும் பக்கவாதம் ஏற்படும் அபாயத்தை 6% வரை குறைக்கலாம் என்று இந்த ஆய்வு காட்டுகிறது.

Click here to join whatsapp group for daily health tip

 இன்றைய அதிவேக உலகில் பலர் உயர் இரத்த அழுத்தத்தால் பாதிக்கப்படுகின்றனர். உயர் இரத்த அழுத்தம் என்பது உங்கள் இரத்த நாளங்களில் இரத்தத்தின் இயல்பான வேகமானது அசாதாரணமான அளவில் அதிகரிக்கும் ஒரு நிலை ஆகும். இதன் விளைவாக, உங்கள் இரத்த நாளங்களின் சுவர்கள் பலவீனமடைந்து, உங்கள் இதயம் வழக்கமான விகிதத்தை விட அதிகமாக ’பம்ப்’ செய்யத் தொடங்குகிறது. இந்த வேகமான ’பம்பிங்’ உங்கள் இதயத்தை அதிகமாக உழைக்க வைப்பதால் மாரடைப்பு மற்றும் பிற மாரடைப்பு பிரச்சனைகளுக்கு வழிவகுக்கிறது.

எலுமிச்சை, ஆரஞ்ச், திராட்சை போன்ற பழங்களின் உதவியுடன் உயர் இரத்த அழுத்தத்தை குறைக்கலாம் என்று மருத்துவர்கள் கூறுகின்றனர். பூசணி விதைகளும் இரத்த அழுத்தத்தை சீர் செய்ய உதவும் முக்கிய கூறாகும். சரி, நீங்கள் உயர் இரத்த அழுத்தத்தால் பாதிக்கப்படுகிறீர்கள் என்றால் நீங்கள் விலகி இருக்க வேண்டிய 8 வெவ்வேறு உணவுகள் குறித்து பார்க்கலாம்.

உப்பு: உயர் இரத்த அழுத்தம் தொடர்பான பிரச்சனைகளுக்கு வரும்போது, உப்பு மிக அபாயமான ஒரு பொருளாகும். ஒவ்வொரு முறையும் உங்கள் உணவில் சோடியம் உள்ளடக்கத்தை நீங்கள் அதிகரிக்கும்போது, உங்கள் உடலின் அயனி சமநிலையை நீங்கள் தொந்தரவு செய்கிறீர்கள் என்று அர்த்தம். இது பொதுவாக மிகவும் மோசமான நிலையில் உங்களை கொண்டு சேர்த்துவிடும். எனவே, உயர் இரத்த அழுத்தத்தால் பாதிக்கப்படுவதைத் தவிர்க்க, அவர்கள் சோடியம் உட்கொள்ளலை 1,500 மி.கிராமுக்கு குறைவாக எடுத்துக்கொள்ள வேண்டும்.

சுத்திகரிக்கப்பட்ட எண்ணெய் (Refined Oil): சுத்திகரிக்கப்பட்ட எண்ணெய் ஒரு வகை கொழுப்பைக் கொண்டுள்ளன. இந்த எண்ணெய் பார்ப்பதற்கு சுத்தமாகவும் தெளிவாகவும் தோற்றமளிக்கின்றன. உண்மை என்னவென்றால், இந்த சுத்திகரிக்கப்பட்ட எண்ணெய்களும் வெண்ணெய்யும் ஒமேகா -6 கொழுப்பு வகையால் நிரம்பியவை. எனவே, நீரிழிவு நோயாளிகளுக்கு இதய நோய்களை உருவாக்கும் அபாயத்தை அதிகரிக்கிறது.

ஊறுகாய்: பெரும்பாலான நிலைகளில், நீங்கள் எதையும் கெடாமல் பாதுகாக்க வேண்டியிருக்கும் போது, அதில் உப்புதான் சேர்க்க வேண்டியிருக்கும். அந்த வகையில் ஊறுகாய்களிலும் உப்புதான் அதிகம். ஊறுகாயில் சேர்க்கப்படும் காய்கறிகள் கெடாமல் புதியதாக இருக்க உப்பை அதிகம் சேர்க்கிறோம். ஆனால் மோசமான பகுதி என்னவென்றால், அவை பெரும்பாலும் ஏராளமான எண்ணெய் அல்லது வினிகரில் தோய்த்து வைக்கப்படுகின்றன. இதனால் அவை நொதித்து, சுவையை பராமரித்து கெடாமல் வைத்திருக்கும். ஆகவே, ஊறுகாய் இரத்த அழுத்தத்திற்கு தீங்கை விளைவிக்கும்.

பாலாடைக்கட்டி (Cheese): பாலாடைக்கட்டி உணவில் சேர்க்கையில் சுவையை மேம்படுத்தும். ஆனால், லேக்டோஸ் சகிப்புத்தன்மையற்றவர்களுக்கு பாலாடைக்கட்டி அபாயம் என்கிற உண்மையை ஏற்றுக்கொள்ளதான் வேண்டும். பொதுவாகவே பாலாடைக்கட்டி அதிகமாக உட்கொள்வது உங்கள் ஒட்டுமொத்த ஆரோக்கியத்திற்கும் நல்லதல்ல. பாலாடைக்கட்டியில் கால்சியம் மற்றும் புரதம் போன்ற சில ஆரோக்கிய நன்மைகள் உள்ளன. இருப்பினும் சூப்பர் மார்க்கெட்டுகளில் நீங்கள் காணும் பாலாடைக்கட்டி வகைகள் உப்பு நிரம்பியவை. இது உங்கள் இரத்த அழுத்தத்திற்கு நல்லதல்ல. நீங்கள் அதிக பாலாடைக்கட்டி சாப்பிடும்போது கொழுப்பின் அளவு அதிகரிக்கும். அதன் விளைவாக, இதய நோய் ஏற்படுவதற்கான வாய்ப்புகளும் அதிகரிக்கும்.

மது அருந்துவது கேடு: நீங்கள் மருப்பிரியராக இருந்தால், மது குடிப்பதால் ஒரு ஆரோக்கிய நன்மை கூட இல்லை என்பதை அறிந்து அதை தவிர்த்துவிடுங்கள். ஏனெனில், நீங்கள் அதிகமாக மது அருந்தும்போது இரத்த அழுத்தம் அதிகரிக்கும்.

காஃபி: காலையில் பருக காஃபி ஒரு சிறந்த பானமாகும். அதில் நன்மைகளும் உள்ளன. இருப்பினும், நீங்கள் அதிக அளவு காஃபியை குடிக்கும்போது, உங்கள் இரத்த அழுத்தத்தில் ஏற்றம் காணப்படும். எனவே, உயர் இரத்த அழுத்தம் உள்ளவர்கள் காஃபியை தவிர்ப்பது நல்லது.

 Internship Programme 2022 at MANAGE, Hyderabad

Junior Research Fellow at TNAU, CBE

Name of the Post :  Junior Research Fellow

Number of Post: 3 (three)

Qualification: B.Sc. (Horti. / Agri.) / B.Tech. (Horti.)

Name of the Employer : The Dean (Horticulture), Horticultural College and Research Institute, TNAU, Coimbatore

Place of Posting: -

Pay (Rs.):Rs.20,000/- P.M.

Name of the Scheme/Project: ICAR-All India Network Research Project on Onion and Garlic Department of Vegetable Science, HC & RI, TNAU, Coimbatore. & ICAR-Revolving Fund scheme – Seed Production in Vegetable Crops on contract basis and production of Vegetable seedlings and grafts Department of Vegetable Science, HC & RI, TNAU, Coimbatore

Place, Date and Time of Interview: The Dean (Horticulture)HC & RI, TNAU, Coimbatore.,06.09.2022, 09.00 a.m.

Click here to join Whatsapp group for Agri Updates

                                      Senior Research Fellow at TNAU, CBE

Name of the Post :  Senior Research Fellow

Number of Post: 1 (one)

Qualification: Minimum M.Sc. (Agri.) in Plant Breeding Bachelor degree from SAUs

Name of the Employer : The Dean Agricultural College and Research Institute, Killikulam

Place of Posting: 

Pay (Rs.):With NET :Rs. 31,000/- P.M. / Without NET -Rs. 25,000/- P.M.

Name of the Scheme/Project: Infusion of durable recessive resistance against late leaf spot in TMV (Gn) 13 groundnut through gamma irradiation

Place, Date and Time of Interview: The Dean,AC & RI, TNAU, Killikulam 30.08.2022,09.00 a.m.

Technical Assistant

Name of the Post :  Technical Assistant

Number of Post: 1 (one)

Qualification: Minimum M.Sc. (Agri.) in Plant Breeding Bachelor degree from SAUsMinimum Diploma in Agriculture

Name of the Employer : The Dean Agricultural College and Research Institute, Killikulam

Place of Posting: -

Pay (Rs.):With NET :Rs. 12,000/- P.M.

Name of the Scheme/Project: Infusion of durable recessive resistance against late leaf spot in TMV (Gn) 13 groundnut through gamma irradiation

Place, Date and Time of Interview: The Dean,AC & RI, TNAU, Killikulam 30.08.2022,09.00 a.m.

Click here to join Whatsapp group for Agri Updates

 மழை வரும்போதெல்லாம் அனைவருக்கும் முதலில் நினைவிற்கு வருவது தேநீர்தான். இந்த காம்பினேஷனை ஒருபோதும் அடித்துக்கொள்ள முடியாது.

மழை இல்லாவிட்டாலும் அனைவரின் வாழ்க்கையிலும் தேநீர் இன்றியமையாத ஒரு அங்கமாக மாறிவிட்டது. மழைக்காலம் வரும் போதெல்லாம் இருமல், சளி, காய்ச்சல் போன்ற பிரச்சினைகள் உடன் அழைத்து வருகிறது.

மழைக்கால நோய்த்தொற்றுகளிலிருந்து உங்களைப் பாதுகாத்துக் கொள்வதற்கான சிறந்த வழி, உங்கள் வழக்கமான தேநீரில் சில மாற்றங்களைச் செய்வதே ஆகும், இது தேநீரை சுவையாக மாற்றுவது மட்டுமல்லாமல் உங்கள் நோய் எதிர்ப்பு சக்தியையும் அதிகரிக்கும். இந்த பொருட்களை உங்கள் டீயில் சேர்ப்பதால், தொண்டையில் அரிப்பு ஏற்படுவதைத் தடுப்பதுடன் கடுமையான சளி அல்லது இருமலில் இருந்தும் உடனடி நிவாரணம் கிடைக்கும்.

ஏலக்காய்

பச்சை ஏலக்காய் தேநீரில் சேர்க்கப்படும் மிகவும் பொதுவான மசாலா ஆகும். இந்த மசாலா முதலில் ஒரு நசுக்கப்பட்டு பின்னர் தேநீரில் சேர்க்கப்படுகிறது. இது அது வழங்கும் நன்மைகளை பன்மடங்கு அதிகரிக்கிறது மற்றும் டீயை மேலும் நறுமணமாக்குகிறது. ஏலக்காய் நோய் எதிர்ப்பு சக்தியை அதிகரிக்க உதவுகிறது, வீக்கத்தை எதிர்த்துப் போராடுகிறது, மாரடைப்பு அபாயத்தைக் குறைக்கிறது மற்றும் எடை இழப்புக்கு கூட உதவுகிறது.

இஞ்சி

இஞ்சியையும், இந்தியர்களையும் ஒருபோதும் பிரிக்க முடியாது. அந்த அளவிற்கு இஞ்சி தினமும் நம் உணவுடன் கலந்துள்ளது. உங்களுக்கு பொதுவாக இஞ்சி டீ பிடிக்கவில்லை என்றாலும் மழைக்காலத்திலாவது குடிக்க முயற்சி செய்யுங்கள். இது உங்கள் நோய் எதிர்ப்பு சக்தியை அதிகரிக்கும், பொதுவான சளி-இருமல் மற்றும் இரத்த சர்க்கரை அளவையும் குறைக்கும். நீங்கள் இஞ்சியை சிறிய துண்டுகளாக நறுக்கி உங்கள் தேநீரில் சேர்க்கலாம். 5-6 நிமிடங்களுக்கு நன்கு கொதிக்கவைத்தப் பின், இஞ்சியானது அதன் அனைத்து சாறுகளையும் தண்ணீரில் வெளியிடும்.

இலவங்கப்பட்டை

இலவங்கப்பட்டை ஆக்ஸிஜனேற்ற பண்புகளுடன் நிரம்பியுள்ளது மற்றும் பெரும்பாலும் இந்தியாவிற்கு வெளியே தேநீர் தயாரிப்புகளில் பயன்படுத்தப்படுகிறது. இலவங்கப்பட்டை இயற்கையில் வெப்பமானது மற்றும் உடலை சூடாக வைத்திருக்கிறது, இது பருவமழை மற்றும் குளிர்கால மாதங்களுக்கு ஏற்றதாக அமைகிறது. இதனால்தான் இலவங்கப்பட்டைகிறிஸ்துமஸ் காலக்கட்டத்தில் அதிகம் பயன்படுத்தப்படுகிறது. தேநீரைக் கொதிக்க வைக்கும் போது ஒரு அங்குல இலவங்கப்பட்டையைச் சேர்த்து, டீயில் ஒரு காரமான சுவையையும், கவர்ச்சியான நறுமணத்தையும் சேர்க்கலாம்.

துளசி

துளசி இந்திய தேயிலை தயாரிப்புகளில் கிட்டத்தட்ட ஈடுசெய்ய முடியாத பகுதியாகும். தேநீருடன் துளசியின் சேர்க்கை அத்தகைய கலவையை உருவாக்குகிறது, அது உண்மையில் ஆன்மாவுக்கு திருப்தி அளிக்கிறது. துளசி நோய் எதிர்ப்பு சக்தியை அதிகரிக்கிறது, மன அழுத்தத்தை குறைக்கிறது, சிறுநீரக கற்களை கரைக்கிறது மற்றும் சளி மற்றும் இருமலில் இருந்து நிவாரணம் அளிக்கிறது. ஒரு கப் தேநீருக்கு 4-5 துளசி இலைகள் அதன் மேஜிக்கை செய்ய போதுமானது.

அன்னாசி பூ

உங்கள் தேநீர் காரமான சுவையுடன் இருக்க விரும்பினால், நீங்கள் நிச்சயமாக அன்னாசி பூவை முயற்சி செய்ய வேண்டும். இந்த தனித்துவமான இந்திய மசாலா அழகாக இருப்பது மட்டுமல்லாமல், சுவாச பிரச்சனைகளுக்கு சிகிச்சையளித்தல், செரிமானத்திற்கு உதவுதல் மற்றும் பூஞ்சை தொற்றுகளைத் தடுப்பது போன்ற பல ஆரோக்கிய நன்மைகளையும் வழங்குகிறது. இது தேநீரில் ஒரு தீவிர லைகோரைஸ் சுவையை சேர்க்கிறது மற்றும் இலவங்கப்பட்டை, பச்சை ஏலக்காய், துளசி மற்றும் இஞ்சி ஆகியவற்றுடன் நன்றாக ஜெல் செய்கிறது, அதாவது மசாலா டீ தயாரிக்க இந்த பொருட்கள் அனைத்தையும் சேர்க்கலாம்.

Click here to join whatsapp group for daily health tip

 இந்தியாவில், அதுவும் தென்னிந்தியாவில் தோன்றிய சிறப்பான நிதி சேமிப்பு திட்டம் தான் சிட்பண்ட்ஸ். இந்த அமைப்பு பண்டமாற்றுக் காலத்திலிருந்து இயங்கிக் கொண்டிருப்பது என்பது வியப்புக்குரியது. இத்தகைய சேமிப்பு திட்டத்தை பற்றி சிட் பண்ட் நிறுவனங்களின் கூட்டமைப்பின் செயலாளர் சிற்றரசு கூறியதாவது.

 பண்டமாற்று காலத்திலேயே சேமிப்புக்காகவும் சிலரின் அவசர தேவைக்கு உதவுவதற்காகவும் இந்த அமைப்பு வழக்கத்தில் இருந்ததை அறிய முடிகிறது. நாணயம் பணம் புழக்கத்திற்கு வந்த பின்பு சிட் பண்ட் கடந்த 150 ஆண்டுகளுக்கு முன்பே செயலுக்கு வந்திருப்பதை வரலாற்று ஆவணங்கள் மூலம் அறிய முடிகிறது.

 1894-ம் ஆண்டு ஆவணங்கள் மற்றும் 1934-ம் ஆண்டு திருவாங்கூர் சிட்ஃபண்ட்ஸ் சட்டம் மூலம் இத்தகைய நிதி அமைப்பு சட்டத்தால் முறைமை படுத்தப்பட்டு வந்துள்ளது. 

 சுதந்திரம் அடைந்து மாகாணங்கள் தனித்தனியாக உருப்பெற்ற உடன் 1961-ம் ஆண்டு சிட் பண்ட் சட்டம் தமிழ்நாட்டில் இயற்றப்பட்டது. மேலும் செம்மைப்படுத்தி சீர்படுத்த மத்திய அரசு 1982-ம் ஆண்டு சிட்ஃபண்ட் சட்டத்தை கொண்டு வந்தனர். இது இந்தியா முழுமைக்கான சட்டமாக இருந்தது. இதை அமல்படுத்தும் அதிகாரம் மாநிலங்களுக்கு இருந்தது. மாநில அரசின் பதிவு துறையே இதையும் கவனித்துக் கொள்கிறது, இவ்வேளையை செய்பவரை ரிஜிஸ்டார் ஆப் சீட்ஸ் என அழைக்கப்படுகிறார்.

 சிட் பண்ட் நிறுவனம் பெரும்பாலும் பிரைவேட் லிமிடெட் ஆக இருப்பது குறிப்பிடத்தக்கது. சிட்டு நிறுவனம் புதிதாக ஒரு சீட்டை ஆரம்பிக்க வேண்டும் என்றால் எவ்வளவு தொகைக்கு சீட் ஆரம்பிக்க உள்ளார்களோ அந்த குறிப்பிட்ட தொகையை வைப்புத் தொகையாக ஆர்பிஐ வங்கியில் செலுத்தி சீட்டு நடத்த அனுமதி பெற வேண்டும் அதற்கு பின்னர் எவ்வளவு நபர்கள் அந்த சீட்டிற்கு தேவையோ அத்தனை நபர்களை சேர்த்த பின்னால் அந்த சீட்டை ஆரம்பிப்பதற்கு அனுமதி பெற்றே சீட்டை ஆரம்பிப்பார்கள். இதனால் நிறுவனங்கள் நடத்துகின்ற சீட்டுகளில் சேர்பவர்களுக்கு பாதுகாப்பு இருக்கும் என்பதில் ஐயமில்லை. 

சீட்டு நிறுவனங்கள் சட்டப்படி வட்டிக்கு பணம் கொடுப்பதோ வைப்புத் தொகையாக பணத்தைப் பெற்றுக் கொண்டு வட்டிக் கொடுப்பதோ கூடாது என சட்டம் உள்ளது. இதை சரியாக புரிந்து கொள்ளாமல் வட்டிக்கு பணம் கொடுக்கின்ற நிறுவனங்கள் இழப்புக்கு உள்ளாகும் போது அதை சீட்டு நிறுவனங்கள் என்ற தவறான புரிதலில் இருந்து மக்கள் இப்பொழுது பெருமளவு விழிப்புணர்வு பெற்றுள்ளனர் என்பது வரவேற்கத்தக்கது. ஏழை எளிய மக்கள் முதல் பெரு முதலாளிகள் வரை அனைவருக்கும் உதவும் வகையில் இருப்பதே இதன் சிறப்பு.

 வங்கிகள் அரசு நிதி நிறுவனத்திலிருந்து பணத்தைப் பெற்று பொதுமக்களுக்கு கடன் கொடுத்து உதவுகிறது. ஒரு வகையில் பார்த்தால் சீட்டு கம்பெனிகள் அரசு நிதி நிறுவனத்தில் இருந்து பணம் கடனாக பெறாமல் தாங்கள் வைப்பு நிதியாக அரசு நிதி நிறுவனத்திற்கு செலுத்தி விட்டு மக்களுக்கும் குறிப்பாக ஏழை எளிய மக்கள் பயனடையும்படி நிதி உதவி கிடைக்க செய்வதை பாராட்டப்பட வேண்டும் என்பதே எங்கள் எதிர்பார்ப்பு எனும் சிற்றரசு அவர்கள், மத்திய அரசு இந்நிறுவனங்களை ஊக்குவிக்கும் வண்ணம் வரி சட்டங்களை மாற்றி அமைத்தால் நாட்டின் பொருளாதார வளர்ச்சிக்கு இத்தகைய நிதி ஆதார அமைப்பு பெரிதும் உதவும் என்று நம்பிக்கை தெரிவித்தார்.

Click here to join whatsapp group for daily health tip

 நம் தினசரி பிஸியான வாழ்க்கையில் இப்போதெல்லாம் சாப்பிடுவதே ஒரு பெரிய வேலையாக மாறிவிட்டது. நம் முன்னோர்கள் எவ்வளவு வேலை இருந்தாலும், தவறாமல் உணவருந்திய பிறகுதான், மற்ற வேலைகளை பார்ப்பார்கள். ஆனால், இன்று நாம், மற்ற வேலைகளை பார்த்துவிட்டு, நேரம் கிடைத்தால் தான் சாப்பிடுகிறோம்.

ஒருநாளில் உங்கள் ஆரோக்கியத்துக்காக அவசியம் சில நிமிடங்களை நீங்கள் ஒதுக்க வேண்டும். இங்கு ஒரு ஆய்வு, உங்கள் உணவுக்குப் பிறகு சிறிது நடக்க வேண்டும் என்று கூறுகிறது. அப்படி செய்வதால், டைப் 2 நீரிழிவு நோய் வராமல் நீங்கள் தடுக்கலாம்.

உணவு உண்ட உடனேயே சோம்பேறித்தனமாக இருப்பது வறுமையை வரவழைக்கும் என்று பெரியவர்கள் கூறுவதை நீங்கள் பார்த்திருக்கலாம். ஷடா-பாவலி (Shata- 100, Pavali- Steps) என்பது ஒரு பழங்காலக் கருத்தாகும், எந்த உணவுக்குப் பிறகும் குறைந்தபட்சம் 100 படிகள் மெதுவாக நடக்க வேண்டும்.

இரண்டு நிமிட நடைப்பயிற்சி  உங்கள் இரத்த சர்க்கரை அளவுகளில் நேர்மறையான தாக்கத்தை ஏற்படுத்தலாம் மற்றும் வகை 2 நீரிழிவு நோயைத் தடுக்கலாம் என்று இப்போது புதிய ஆராய்ச்சி கண்டறிந்துள்ளது.

ஏழு ஆய்வுகளின் மெட்டா பகுப்பாய்வு ஸ்போர்ட்ஸ் மெடிசின் இதழில் வெளியிடப்பட்டது.

மிதமான- தீவிர நடைபயிற்சி, போன்றவற்றுடன் ஒப்பிடும்போது நீண்ட நேரம் உட்கார்ந்திருப்பதன் விளைவுகளை ஆராய்ச்சியாளர்கள் ஆய்வு செய்தனர்.

ஏழு ஆய்வுகளில் இரண்டில் நீரிழிவு மற்றும் நீரிழிவு இல்லாத பங்கேற்பாளர்கள் அடங்குவர். மீதமுள்ள ஐந்து பேர் சர்க்கரை நோயின் வரலாறு இல்லாத பங்கேற்பாளர்களை உள்ளடக்கியிருந்தனர். அதில் உணவருந்திய பிறகு, சில நிமிடங்கள் மெதுவாக நடப்பது கூட இரத்தத்தில் சர்க்கரையின் அளவைக் குறைக்க போதுமானது என்று ஆராய்ச்சியாளர்கள் கண்டறிந்துள்ளனர்.

குறிப்பாக, சாப்பிட்ட பிறகு 60 முதல் 90 நிமிடங்களுக்குள் நடப்பது (இரத்தத்தில் சர்க்கரையின் அளவு உச்சத்தில் இருக்கும் போது) உட்கார்ந்து அல்லது நிற்பதை விட இரத்தத்தில் சர்க்கரை அளவுகளில் படிப்படியான மாற்றங்களுடன் தொடர்புடையது.

ஹூஸ்டன் மெதடிஸ்ட் மருத்துவமனையில் தடுப்பு இருதய மருத்துவராக கெர்ஷா பட்டேல், நீங்கள் செய்யும் ஒவ்வொரு சிறிய காரியமும் ஒரு சிறிய அடியாக இருந்தாலும் பலன் தரும் என்று கூறுகிறார். உணவுக்குப் பிறகு நடைபயிற்சி, மிதமான உடற்பயிற்சி  செய்வதால், சாப்பிட்ட பிறகு இரத்த சர்க்கரையின் அதிகரிப்பைக் குறைக்கலாம் என்று ஆய்வுகள் தெளிவாகக் காட்டுகின்றன.

நீரிழிவு நோயால் பாதிக்கப்பட்டவர்களில், இது சிறந்த குளுக்கோஸ் கட்டுப்பாட்டாக இருக்கும், இது நீண்ட காலத்திற்கு, நோயின் சிக்கல்களைக் குறைக்கும். எனினும், உடற்பயிற்சியின் நேரம் முக்கியமானது.

உணவுக்கு பிறகு, ஒன்றிலிருந்து ஒன்றரை மணிநேரத்தில் நடைபயிற்சி செய்வது பயனுள்ளதாக இருக்கும்.  ஏனெனில் அப்போதுதான், இரத்த ஓட்டத்தில் இரத்த சர்க்கரை அளவு உச்சத்தை அடையும்.

அதேநேரம் சாப்பிட்ட பிறகு உடனே தீவிரமாக உடற்பயிற்சி செய்வது சில அஜீரணம் மற்றும் வயிற்று வலியை ஏற்படுத்தும் என்று மருத்துவர்கள் எச்சரிக்கின்றனர்.

சில சமயங்களில் ஒவ்வொரு வாரமும் 150 நிமிட மிதமான தீவிர உடல் செயல்பாட்டை செய்வது கடினமாக இருக்கலாம். இதுபோன்ற சூழ்நிலைகளில், வீட்டை சுத்தமாக வைத்திருப்பது, சமைப்பது, அல்லது சமையலறையை சுத்தம் செய்வது போன்ற வேலைகளை செய்யலாம்.

எல்லாவற்றையும் விட உங்கள் ஆரோக்கியம் மதிப்புமிக்கது. எனவே உங்கள் உடல்நலத் தேவைகளிலும் கவனம் செலுத்த சில வழிகளைக் கண்டறியவும்.

Click here to join whatsapp group for daily health tip