Agri Info

 கடலைப்பருப்பு, பொரிகடலை, சுண்டல், பயறு வகைகள் சாப்பிட்டால் உடலுக்கு ஆரோக்கியம் மற்றும் நோய் எதிர்ப்பு சக்தி கிடைக்கும் என்ற நம்பிக்கையில் நம்மில் பலர் இதை நம்முடைய உணவுமுறைகளில் சாப்பிட்டு வந்தோம். இந்த வரிசையில் பலர் அக்ரூட் பழங்கள் மற்றும் பாதாம் போன்ற நட்ஸ் வகைகளை சாப்பிடத் தொடங்கிவிட்டனர்.

ஆனாலும் பாதாமைத் தோலுடன் சாப்பிட வேண்டுமா? அல்லது ஊற வைத்து தோலை அகற்றி சாப்பிட வேண்டுமா? என்ற குழப்பம் அனைவருக்கும் ஏற்படும். இதோடு பாதாமில் அதிக கொழுப்புகள் இருப்பதால் உடலுக்குப் பாதிப்பு ஏற்படும் என கூறப்படுகிறது. இது உண்மையா? அல்லது கட்டுக்கதையா? என்னென்ன நன்மைகள் உள்ளது? என்பது குறித்து இங்கே தெரிந்துக் கொள்வோம்..

பாதாமில் ஆரோக்கிய நன்மைகள்:

நட்ஸ் வகைகளில் ஒன்றான பாதாமில் வைட்டமின்கள், தாதுக்கள், புரதம், நார்ச்சத்து, வைட்டமின்கள் போன்ற பல்வேறு சத்துக்கள் அடங்கியுள்ளன. மேலும் இதில் குறைந்த அளவு நிறைவுற்ற கொழுப்புகள் உள்ளதால், இதய ஆரோக்கியத்தை மேம்படுத்துகிறது.

பாதாமில் மோனோசாச்சுரேட்டட் கொழுப்புகள் நிறைந்துள்ளதால் உடலில் உள்ள தேவையற்ற கொலஸ்ட்ரால் மற்றும் இரத்த அழுத்த அளவைக்குறைப்பதோடு இதய ஆரோக்கியத்தை மேம்படுத்த உதவுகிறது.

கலோரிகள்: பாதாம் பருப்பு சாப்பிட்டால் உடல் எடை அதிகரிக்கும் என்பார்கள். அளவுக்கு அதிமாக சாப்பிட்டால் தான் அதிக கலோரிகள் உடலில் சேரும் என்பதை நினைவில் வைத்துக்கொள்ளவும்.

உடல் எடையைக்குறைக்க விரும்பும் நபர்கள் பாதாமை அன்றாட உணவில் சேர்த்துக் கொள்ளலாம். குறைந்தது தினமும் பாதாம் பருப்பு 25 அல்லது 30 கிராம் அளவிற்கு நீங்கள் சாப்பிடும் போது, இரத்தத்திற்கு நன்மை செய்யும் எச்.டி.எல் கொலஸ்ட்ராலை அதிகரிக்கவும், கேடு விளைவிக்கும் கொலஸ்ட்ராலைக்குறைக்கவும் உதவியாக உள்ளது. மேலும் இதில் உள்ள அதிக அளவு ஆன்டிஆக்ஸிடன்ட்கள் மற்றும் அழற்சி எதிர்ப்பு பண்புகள் அதிகளவில் உள்ளதால் சில நோய்களின் அபாயத்தைத் தடுக்க உதவியாக உள்ளது.

இதோடு பாதாம் சாப்பிட்டால் செரிமான பிரச்சனைக்குத் தீர்வாக அமைகிறது. சுவாசக்கோளாறுகள், இருமல், ஆண்மைக்குறைவு, பித்தப்பை கல் போன்ற பிரச்சனைகளைத் தடுக்கவும் உறுதுணையாக உள்ளது.

ஊற வைத்த பாதாம் சாப்பிட்டால் ஏற்படும் நன்மைகள்:

பாதாமை அப்படியே சாப்பிடுவதை விட ஊறவைத்து சாப்பிடும் போது ஆன்டிஆக்ஸிடன்ட்டின்கள் அதிகளவில் உள்ளது. மேலும் இதில் உள்ள வைட்டமின் பி மற்றும் போலிக் அமிலம் புற்றுநோயை எதிர்த்துப் போராட உதவுகிறது.

எனவே உங்களுடை அன்றாட உணவு முறையில் பாதாமை நீங்கள் எவ்வித பிரச்சனையும் இன்றி எடுத்துக்கொள்ளலாம். ஆனால் அளவுக்கு அதிகமாக சாப்பிடுவதைத் தவிர்க்க வேண்டும் என்கின்றனர் ஊட்டச்சத்து நிபுணர்கள்.

Click here for more Health Tip

 Click here to join whatsapp group for daily health tip

 இரைப்பை புற்றுநோய் என்பது வயிற்றில் உள்ள செல்களின் கட்டுப்பாடற்ற வளர்ச்சியால் உருவாகும் ஒரு நிலை. வயிற்றில் ஏற்படும் அசாதாரணங்கள் முழு செரிமான அமைப்பிலும் சிக்கல்களை ஏற்படுத்துகின்றன. ஸ்டொமக் கேன்சர் என்பது இரைப்பை உணவுக்குழாய் சந்திப்பில் இருந்து தொடங்குவதற்கான வாய்ப்புகள் அதிகம்.

ஸ்டொமக் கேன்சர் ( Stomach Cancer ) அதாவது இரைப்பை புற்றுநோயில் கேன்சர் செல்கள் மேலும் வளர்ச்சியடைவதில் டயட் முக்கிய பங்கு வகிக்கிறது. வயிற்று புற்றுநோய் சிகிச்சைக்குப் பிறகு சிறந்த வாழ்க்கை தரத்தை உறுதி செய்ய சில மாற்றங்கள் தேவைப்படுவதாக கூறுகிறார்கள் நிபுணர்கள். வயிற்றுப் புற்றுநோயின் அபாயத்தை டயட் எவ்வாறு பாதிக்கிறது மற்றும் பசி கிச்சைக்கு பின் டயட்டை எவ்வாறு மாற்ற வேண்டும் என்பதற்கான நிபுணரின் அறிவுறுத்தலை இங்கே பார்க்கலாம்.

ஸ்டொமக் கேன்சர் அபாயத்தை டயட் எப்படி அதிகரிக்கிறது?

- அதிக உப்பு உட்கொள்ளல், பல பாரம்பரிய சால்ட்-ப்ரிசர்வ்ட் உணவுகளான க்யூர்ட் மீட், உப்பு சேர்க்கப்பட்ட மீன் மற்றும் காய்கறிகள் போன்றவற்றை அதிகம் சாப்பிடும் ஒரு நபர் இரைப்பை புற்றுநோயை சந்திப்பதற்கான அதிக ஆபத்தில் இருக்கிறார்.

- மனிதர்கள் தங்கள் டயட் பழக்கத்திலிருந்து N-nitroso காம்பவுண்ட்ஸ்களுக்கு ஆளாகிறார்கள். காய்கறிகள் மற்றும் உருளைக்கிழங்கு போன்ற உணவுகளின் இயற்கையான கூறுகளான நைட்ரேட்ஸ்களை உட்கொண்ட பிறகு இந்த N-nitroso கலவைகள் நம் உடலில் உருவாக்கப்படுகின்றன. அதே போல N-nitroso காம்பவுண்ட்ஸ்கள் சில வகையான சீஸ் மற்றும் cured meat-களில் உணவு சேர்க்கையாகப் பயன்படுத்தப்படுகின்றன.

- ஒரு ஹை-pH சூழல் மற்றும் அதிக அளவு கேஸ்ட்ரிக் நைட்ரைட் ஆகியவை புற்றுநோய்க்கு முந்தைய இரைப்பை புண்களுடன் தொடர்புடையவை. வறுத்த உணவுகள், பதப்படுத்தப்பட்ட இறைச்சி மற்றும் கடல் உணவுகள் மற்றும் மதுபானம் உள்ளிட்டவற்றுடன் வயிற்று புற்றுநோய் ஆபத்து இணைக்கப்பட்டுள்ளது.

- பதப்படுத்தப்பட்ட இறைச்சிகளான sausages, bacon, ham மற்றும் சால்ட்டட், ஃபெர்மென்ட்டட் அல்லது க்யூர்ட் மீட்ஸ்கள் போன்றவை புற்றுநோயை ஏற்படுத்தும் என்பதற்கான உறுதியான சான்றுகளை கொண்ட Group 1 carcinogens-களாக வகைப்படுத்தப்பட்டுள்ளன. இதில் புகையிலை மற்றும் ஆல்கஹாலும் அடக்கம்.

- அதிக உடல் எடையும் இரைப்பை புற்றுநோய் அபாயத்துடன் தொடர்புடையது

ஸ்டொமக் கேன்சர் சிகிச்சைக்கு பிறகு பின்பற்ற வேண்டிய 3 முக்கிய டயட் மாற்றங்கள்:

- அதிக புரதம் மற்றும் கொழுப்பை உள்ளடக்கிய உணவுகளை கொஞ்சமாக அதே சமயம் குறிப்பிட்ட சீரான இடைவெளியில் சாப்பிட (ஒரு நாளைக்கு 6 முறை) சாப்பிட பரிந்துரைக்கப்படுகிறது. திரவ மற்றும் திட உணவுகளை தனித்தனியாக சாப்பிடுவது அவசியமாக இருக்கலாம். சிம்பிள் கார்போஹைட்ரேட்ஸ் அதிகம் உள்ள உணவுகள் தவிர்க்கப்பட வேண்டும். ஏனெனில் அவற்றால் டம்பிங் சிண்ட்ரோம் ஏற்படலாம்.

- டம்பிங் சிண்ட்ரோம் (Dumping syndrome) பொதுவாக குமட்டல், பலவீனம், அதிக வியர்வை, மயக்கம் மற்றும் சாப்பிட்ட உடனேயே வயிற்றுப்போக்கு உள்ளிட்டவற்றை அறுவைசிகிச்சைக்கு பிறகான முதல் சில ஆண்டுகளில் ஏற்படுத்துகிறது. இரும்புச்சத்து, வைட்டமின்கள் பி12, ஏ, டி, ஈ மற்றும் கே, புரதம், கால்சியம் மற்றும் கொழுப்பு ஆகியவற்றின் தவறான உறிஞ்சுதலின் (malabsorption) விளைவாக துர்நாற்றம் கொண்ட மலம் மற்றும் வயிற்றுப்போக்கு ஏற்படலாம்.

-அதே போல வயிற்று புற்றுநோய் அறுவை சிகிச்சைக்குப் பிறகு ஏற்படும் மிகவும் பொதுவான பிரச்சனைகளில் ஒன்று இரும்புச்சத்து குறைபாடு. இது ரத்த சோகையை ஏற்படுத்துகிறது. இரும்புச்சத்து குறைபாட்டிற்கான சிகிச்சையானது, நிலைமை எவ்வளவு கடுமையானது என்ற தீவிரத்தை சார்ந்தது. சூழ்நிலையை பொறுத்து, Elemental iron-ஐ வாய்வழியாகவோ அல்லது ஊசி மூலமோ கொடுப்பதை உள்ளடக்கியது.

Click here for more Health Tip

 Click here to join whatsapp group for daily health tip

 TN Private Josb: தமிழ்நாட்டில் பல்வேறு தொழிற்பிரிவுகளின் கீழ்  1 லட்சத்துக்கும் மேற்பட்ட காலியிடங்கள் உள்ளன. வேலைவாய்ப்பற்ற இளைஞர்கள் யாருடைய உதவியும் இல்லாமல், இதற்கு விண்ணப்பித்து பயன் பெறலாம்.

வேலைவாப்பற்ற இளைஞர்கள் தனியார் நிறுவனங்களில் வேலைவாய்ப்பு பெறவும், ஆட்கள் தேவைப்படும் நிறுவனங்கள் பணியாளர்களை தேர்வு செய்யவும் தமிழக அரசின் வேலைவாய்ப்பு மற்றும் பயிற்சித் துறையானது, ’தமிழ்நாடு அரசின் தனியார்துறை வேலை இணையதளம்’ (Tamil Nadu Private Job Portal) என்ற இணையதளத்தை தொடங்கியது

வேலைவாய்ப்பற்ற இளைஞர்கள் இந்த இணையதளம் மூலம் தனியார் நிறுவனங்களில் உள்ள வேலைவாய்ப்புகளைத் தேடலாம். அதேபோன்று, வேலை அளிக்கும் நிறுவனங்கள், இந்த இணைய தளத்தில் பதிவு செய்து உங்கள் நிறுவனத்துக்கு ஏற்ற தகுதியான மனித வளத்தைத் தேர்வு செய்து கொள்ளலாம். சமீபத்திய விவரங்களின் படி, கிட்டத்தட்ட 42 தொழிற் பிரிவுகளின் கீழ் 116,025 பணிக் காலியிடங்கள் அறிவிப்பு செய்யப்பட்டுள்ளன

www.tnprivatejobs.tn.gov.in என்ற இணையப் பக்கத்திற்கு செல்லவும். முகப்புப் பக்கத்தில், வேலைதேடுபவர் என்பதை தேர்வு செய்து உள்நுழை என்பதைக் கிளிக் செய்யவும். அதில், புதிய கணக்கை உருவாக்குக என்பதன் கீழ், பெயர், தந்தையின் பெயர், மின்னஞ்சல், கைபேசி எண், ஆதார் எண், கடவுச்சொல் ஆகிய விவரங்களை உள்ளிட வேண்டும்

உங்கள் கைபேசி எண்ணுக்கு வரும் ஓடிபி எண்ணை உள்ளிட வேண்டு.

அடுத்து சுயவிவரப் பதிவு பக்கத்தில், உங்களைப் பற்றிய தனிப்பட்ட விபரங்கள், வீட்டு முகவரி, முன்அனுபவம், கல்வித் தகுதி, மொழி அறிவு, சான்றிதழ், தொழிற்பிரிவுகள், உங்கள் தேவைக்கு ஏற்ற வேலைவாய்ப்பு தொடர்பான விவரங்களை உள்ளிட வேண்டும்.

இறயாக, மின்னஞ்சல்/கைபேசி எண் மற்றும் கடவுச் சொல் பயன்படுத்தி உங்கள் தனிப்பட்ட பக்கத்திற்கு செல்ல வேண்டும்.

அதில், பல்வேறு வேலையளிப்பவர்கள் பதிவிட்டுள்ள பணிக்காலியிட அறிவிப்புகளை (Job Search) ஆராய்ந்து உங்கள் திறனுக்கும் தேவைக்கும் ஏற்ற வேலைவாய்ப்புகளை பெறுக உங்களுக்கு ஏற்ற பணியிடங்களை அறிந்துகொண்ட பின், சுயவிவரக்குறிப்பினை உகந்த வேலையளிப்போருக்கு அனுப்பி, நேர்காணலுக்கு ஆயத்தமாக வேண்டும்.

 கிராமப்புற பகுதிகளில் வாழும் மக்கள் நிலையான வருமானத்தைப் பெற தமிழ்நாடு அரசு, " வாழ்ந்து காட்டுவோம்" என்ற திட்டத்தை செயல்படுத்தி வருகிறது. கிராமப்புற வணிகச் சூழல் வளர்ச்சி, தொழில் திட்டங்களுக்கான நிதி விநியோகம், திறன் மேம்பாடு மற்றும் வேலைவாய்ப்புகள் மற்றும் திட்ட மேலாண்மை போன்ற நான்கு கூறுகளை இத்திட்டம் கொண்டுள்ளது.  தற்போது, இந்த திட்டத்தின் கீழ் பணியாற்ற, பல்வேறு காலிப் பணியிடங்களுக்கு அறிவிப்பு வெளியாகியுள்ளது.

பணியிடங்கள்: 

• இளம் தொழில் வல்லுநர்கள் - 30 இடங்கள் உள்ளன
•  திட்ட நிர்வாகி (திறன் மற்றும் வேலைகள்) - 25 இடங்கள் உள்ளன


• திட்ட நிர்வாகி (தொழில் மேம்பாடு) - 13 இடங்கள் உள்ளன
• திட்ட நிர்வாக (கணக்கு) - 18 இடங்கள் உள்ளன
• மாவட்ட நிர்வாக அதிகாரி - 2 இடங்கள் உள்ளன
• திட்ட நிர்வாக (அக்கவுண்ட்ஸ் மற்றும் அட்மின்) - 1
• திட்ட நிர்வாகி ( தொழில் நிறுவனங்களுக்கான நிதி விநியோகம்) - 1
• செயல் அதிகாரி - 1
• வட்டார குழு தலைவர் - 8

இதர விவரங்கள்: பதவி வாரியான காலியிடங்கள், வயது வரம்பு, கல்வித் தகுதி, கட்டணம், தேர்வு முறை, விண்ணப்பிக்கும் முறை சம்பள விதிகள் ஆகியவை வாழ்ந்து காட்டுவோம் திட்டம் ஊரக வளர்ச்சி மற்றும் ஊராட்சித் துறை (Vaazhndhu Kaattuvom Project - Department of Rural Development and Panchayat Raj) அறிவிப்பில் தெளிவாகக் கொடுக்கப்பட்டுள்ளன.



விண்ணப்பம் செய்வது எப்படி: இதற்கான விண்ணப்பங்களை https://tnjobs.tnmhr.com/Landing.aspx இணையதளம் மூலம் ஆன்லைனில் மட்டும் சமர்ப்பிக்க வேண்டும். ஆன்லைனில் விண்ணப்பிக்க கடைசி தேதி 02.03.2023 ஆகும்.

தேர்வு முறை: எழுத்துத் தேர்வு மூலம் தேர்வு முறை இருக்கும். அனைத்து பதவிகளுக்கான எழுத்துத் தேர்வு ஒரே நாளில் நடைபெறும். ஒன்றுக்கும் மேற்பட்ட பதவிகளுக்கு விண்ணப்பித்தாலும், 

ஏதேனும் ஒரு பதவிக்கு மட்டும் எழுத்துத் தேர்வில் கலந்து கொள்ள வேண்டும்.

Click here for latest employment news

 Click here to join WhatsApp group for Daily employment news

 நமது உடல் கடிகாரத்தை பாதிக்கும் வகையில் இரவில் நாம் சரியாக உறங்காதிருப்பது, மன அழுத்தம் மற்றும் பை போலார் டிஸார்டர் எனும் மனநிலை சீர்கேடு போன்றவற்றுக்கு வழிவகுக்கும் என்பதற்கான நிறைய ஆதாரங்களை நிபுணர்கள் கண்டுபிடித்துள்ளார்கள்.

 செங்கல்பட்டு மாவட்ட ஊரக வளர்ச்சி மற்றும் ஊராட்சி அலகில் காலியாக உள்ள 4 ஜீப்பு ஓட்டுனர்கள் (Jeep Drivers Recruitment) காலிப்பணியிடங்களை நேரடி நியமனம் மூலம் நிரப்பப்பட உள்ளது. ஆர்வமும், தகுதியும் உள்ளவர்கள் இதற்கு விண்ணப்பிக்கலாம்.

ஜீப்பு ஓட்டுனர்கள் காலிப்பணியிடங்கள்  தொடர்பான முக்கிய விவரங்கள் இங்கே:

வயது வரம்பு: இந்த பதவிக்கு விண்ணப்பிக்க விரும்பும்  பொது பிரிவு விண்ணப்பதாரர்கள் 18- 32க்குள் இருக்க வேண்டும். ஆதிதிராவிடர் மற்றும் பழங்குடியினர் 42 வயதுக்குள்ளும், இதர பிரிவினர் 34 வயதுக்குள்ளும் இருக்க வேண்டும்,

விண்ணப்பதாரர்கள் கல்வித் தகுதி, இருப்பிடம், சாதிச்சான்று முன்னுரிமை சான்று ஆகியவைகளுக்கு ஆதாரம் கண்டிப்பாக இணைக்கப்பட வேண்டும். தகுதியுள்ள விண்ணப்பதாரர்களுக்கு நேர்முகத் தேர்வு நடைபெறும் இடம் மற்றும் தேதி குறித்து நேர்காணல் கடிதம்(Call Letter)அனுப்பி வைக்கப்படும்.  

செங்கல்பட்டு மாவட்ட ஆட்சியரின் நேர்முக உதவியாளர்(வளர்ச்சி) அலுவலகத்திலும், செங்கல்பட்டு மாவட்ட www.chengalpattu.nic.in  இணையதளத்திலும் விண்ணப்ப படிவத்தை பதிவிறக்கம் செய்து கொள்ளலாம்.  விண்ணப்பப் படிவத்துடன் , சுயமுகவரியுடன் கூடிய ரூ.30/- அஞ்சல் வில்லை ஒட்டப்பட்ட அஞ்சல் உறை இணைத்து அனுப்பப்பட வேண்டும்.

பூர்த்தி செய்யப்பட்ட விண்ணப்பங்கள் அனுப்ப வேண்டிய முகவரி: மாவட்ட ஆட்சியரின் நேர்முக உதவியாளர் (வளர்ச்சி), நூலக கட்டிடம் 2வது தளம், மருத்துவக் கல்லூரி வளாகம், செங்கல்பட்டு- 603 001 ஆகும்.

 குளிர்காலம் நம்மிடம் இருந்து கொஞ்சம் கொஞ்சமாக விடைபெற்று வரும் நிலையில் பெருந்தொற்று கட்டுப்பாடுகள் பெரிய அளவில் இல்லாததால் இன்ஃப்ளூயன்ஸா நோய் தொற்று பாதிப்பு அதிகரிக்கும் என நிபுணர்கள் எச்சரித்துள்ளனர்.

இதனை உறுதிப்படுத்தும் விதமாக டெல்லியில் காய்ச்சல் பாதிப்பு 5 மடங்கு அதிகரித்துள்ளது. ஜலதோஷம் மற்றும் காய்ச்சல் பாதிப்புகள் ஏற்படாமல் தற்காத்து கொள்ள அல்லது நிலைமை மோசமாகாமல் தவிர்க்க , பாதுகாப்பு ஏன் முக்கியம் என்பதையும், என்னென்ன செய்ய வேண்டும் மற்றும் செய்ய கூடாது என்பதையும் ஒருவர் தெரிந்து வைத்து கொள்ள வேண்டும்.

தடுப்பூசிகள் மற்றும் பிற தடுப்பு நடவடிக்கைகள் ஃப்ளூவிலிருந்து அதிக மக்களை பாதுகாக்க உதவும். காய்ச்சல், சளி, ஜலதோஷம், இருமல், மூக்கு ஒழுகுதல்/மூக்கடைப்பு, உடல்வலி போன்ற ஃப்ளூ அறிகுறிகள் உங்களுக்கு இருந்தால் பாதிப்பை சிறப்பாக நிர்வகிக்க நீங்கள் தவிர்க்க வேண்டிய விஷயங்கள் இங்கே:

அதிகமாக உழைக்கவோ வெளியே செல்லவோ கூடாது: ஃப்ளூ (சளிக்காய்ச்சல்) பாதிப்பு ஏற்பட்ட முதல் சில நாட்களுக்கு நீங்கள் உங்கள் உடலை பெரிதாக வருத்தி கொள்ளாமல் நன்கு ஓய்வெடுக்க வேண்டும். சளி மற்றும் ஜலதோஷம் பாதிப்பு சற்று அதிகமாக இருக்கும் என்பதால் பாதிப்பு ஏற்பட்டுள்ள நாட்களை ஓய்வெடுக்க நீங்கள் பயன்படுத்தி கொள்ளலாம். போர்வையை போர்த்தி கொண்டு நன்றாக தூங்கலாம், இல்லையெனில் விரும்பிய புத்தகங்களை படிக்கலாம், டிவி பார்க்கலாம். ஆனால் வீட்டை விட்டு வெளியே செல்லாதீர்கள். கொஞ்சம் குணமடைந்தது போல இருக்கிறது என நீங்கள் ரெஸ்ட் எடுக்காமல் வெளியே சென்று வந்தால் நிலைமை மோசமாக கூடும். எனவே வேலை, பள்ளி அல்லது நண்பர்கள் மற்றும் குடும்பத்தினரை சந்திக்க வெளியே செல்வதை தவிர்க்க வேண்டும்.

குறைந்த அளவு திரவங்களை எடுத்து கொள்ள கூடாது: சளிக்காய்ச்சலின் அறிகுறிகளை கட்டுப்படுத்த ஏராளமான திரவங்களை குடிப்பது அவசியம். சிக்கன் நூடுல் சூப் போன்ற வின்டர் சூப்ஸ், இஞ்சி மற்றும் கெமோமில் போன்ற காஃபின் இல்லாத சூடான ஹெர்பல் டீ-க்கள் போன்றவை காய்ச்சலை எதிர்த்து போராட முக்கியமானவை. காய்ச்சல் அறிகுறிகளை குறைக்க சுடுநீரில் லெமன் பிழிந்து குடிப்பது, ஃப்ரெஷ்ஷான பழங்களில் ஜூஸ் போட்டு குடிப்பது உள்ளிட்டவை நன்மைகளை அளிக்கும்.

மோசமான உணவுப் பழக்கத்தை தவிர்க்க வேண்டும்: உடல்நிலை சரியில்லாத போது உங்களால் அதிகம் சாப்பிட முடியாவிட்டாலும் அல்லது விரும்பாவிட்டாலும் நல்ல ஊட்டச்சத்து மிக்க ஆகாரம் முக்கியம். எனவே ஆரஞ்சு, மாதுளை, ஸ்ட்ராபெர்ரி மற்றும் பல சீசன் பழங்களையும், கீரை மற்றும் இனிப்பு உருளைக்கிழங்கு (சக்கரவள்ளி கிழங்கு) போன்ற குளிர்கால காய்கறிகளையும் டயட்டில் சேர்த்து கொள்ள வேண்டும்.

ஆரோக்கியத்தில் குறைந்த கவனம் செலுத்த கூடாது: காய்ச்சல் அறிகுறிகளை போக்க நீங்களும் நடவடிக்கை எடுக்க வேண்டும். உதாரணமாக மூக்கடைப்பு இருந்தால் சுவாசத்தை சீராக்க ஸ்டீம் ப்ரீத் (ஆவி பிடித்தல்) எடுக்கலாம் அல்லது ஹாட் ஷவர் செய்யலாம். ஒருவேளை அறிகுறிகள் மோசமடைந்தால் மருத்துவரை அணுக வேண்டும். இதனால் உங்களுக்கு சரியான சிகிச்சை கிடைக்கும் மற்றும் எதிர்பார்க்கும் நிவாரணமும் கிடைக்கும்.

நோய் எதிர்ப்பு சக்தியை அதிகரிக்க தடுப்பூசி: இன்ஃப்ளூயன்ஸா பாதிப்பு தடுப்பூசி போட்டு கொள்வதன் மூலம் தடுக்க கூடிய நோயாகும். இது தொடர்பான சிக்கல்களில் பாதுகாக்க மக்கள் பின்பற்ற கூடிய பல நடவடிக்கைகள் உள்ளன. சளி, காய்ச்சலிலிருந்து தற்காத்து கொள்ள நீங்களும், உங்கள் குடும்பத்தினரும் தடுப்பூசி போட்டு கொள்ளலாம். குழந்தைகளுக்கான தடுப்பூசி அட்டவணையை பின்பற்றும் நேரம் பெரியவர்கள் வருடாந்திர ஃப்ளூ தடுப்பூசியை போட்டு கொள்ள வேண்டும். சமீபத்திய வேரியன்ட்டிற்கு ஏற்ப காய்ச்சல் தடுப்பூசிகள் உருவாக்கப்படுவதால், ஒவ்வொரு ஆண்டும் தடுப்பூசி பெறுவது முக்கியமானது.

பின்பற்ற வேண்டியவை: சோப்பு அல்லது ஆல்கஹால் சார்ந்த சானிடைசரை பயன்படுத்தி கைகளை அடிக்கடி கழுவுதல், கண்கள், மூக்கு அல்லது வாயை தொடுவதை தவிர்ப்பது மற்றும் அடிக்கடி தொடும் பொருட்களை கிருமி நீக்கம் செய்வது உள்ளிட்ட தடுப்பு நடவடிக்கைகளை தொடர வேண்டும். பாதிக்கப்பட்டவர்களிடம் இருந்து விலகி இருக்க வேண்டும். நெரிசலான இடங்களில் மாஸ்க் அணிய வேண்டும்.

 ஏழைகளின் பாதாம் நிலக்கடலையில், உடலுக்கு தேவையான கொழுப்பு, புரதம், நார்ச்சத்து, பாஸ்பரஸ், மெக்னீசியம், வைட்டமின் B போன்ற சத்துக்கள் உள்ளன. இருப்பினும், நிலக்கடலையை நாம் அளவுக்கு அதிகமாக எடுத்துக்கொள்வது ஆரோக்கியத்திற்கு சில பக்க விளைவுகளை ஏற்படுத்தும் என உங்களுக்கு தெரியுமா? அதிகமாக வேர்க்கடலை சாப்பிட்டால் என்ன ஆகும் என்பதை இங்கே காணலாம்.

அதீத ரத்தப்போக்கு : நிலக்கடலை இரத்த உறைதலை தடுப்பதால், மாதவிடாய் காலத்தின் போது அதிகளவு இரத்தப்போக்கு ஏற்படும். வேர்க்கடலையில் உள்ள கூறுகள் சில்லுமூக்கு (மூக்கிலிருந்து இரத்தம் வடிதல்) பிரச்சனைக்கும் வழிவகுக்கிறது.

உடல் எடை அதிகரிப்பு : நிலக்கடலையில் அதிக கலோரி உள்ளதால், இது உடல் எடையை அதிகரிக்கும். எனவே, உடல் எடையை குறைக்க நினைப்பவர்கள் அல்லது டயட்டில் இருப்பவர்கள் வேர்க்கடலையை அளவாக எடுத்துக்கொள்வது நல்லது.

ஆற்றல் உற்பத்தி குறைவு : ஒமேகா 6 மற்றும் ஒமேகா 3 உடலின் ஆற்றல் உற்பத்திக்கு பயன்படும் கொழுப்பு அமிலங்கள். நிலக்கடலையில் ஒமேகா 6 அமிலம் மட்டுமே இருப்பதால், உடலில் ஆற்றல் உற்பத்தி குறைவாக இருக்கும்.

அலர்ஜி பிரச்சனை : ஒவ்வாமை என்று கூறப்படும் சில அலர்ஜி பிரச்சனைக்கு வேர்க்கடலை வழிவகுக்கும். வேர்க்கடலை அளவுக்கு அதிகமாக எடுத்துக்கொண்டால், அரிப்பு, வீக்கம், தோல் சிவத்தல் அல்லது தொண்டை மற்றும் வாய் பகுதியில் கூச்ச உணர்வு, மூக்கில் நீர் வடிதல் மற்றும் செரிமான பிரச்சனைகளை ஏற்படுத்தும்.

மாரடைப்பு அபாயம் : அதிக அளவு நிலக்கடலை உட்கொள்வதால், உடலில் அதிக அளவு கொழுப்பு உற்பத்தி செய்யப்படும். இதனால், பக்கவாதம், மாரடைப்பு, செரிமான பிரச்சனைகள், உயர் இரத்த அழுத்தம் போன்ற பல பிரச்சனைகளுக்கு வழிவகுக்கும்.

ஊட்டச்சத்து அதிகரிப்பு : நிலக்கடலை ஊட்டச்சத்து நிறைந்த உணவு பொருட்களில் ஒன்று. ஆனால், இதில் உள்ள சத்துக்கள் சமநிலையில் இல்லை. இந்த சமநிலையற்ற தன்மையால் நம் உடலுக்கு தேவையான சத்துக்கள் பெறுவதில் சமநிலையற்ற தன்மை நிலவுகிறது.

இரத்த அழுத்த பிரச்சனை : வேர்க்கடலை அதிகமாக உட்கொள்ளுவதால் உடலில் உப்பு அதிகரிக்கும். இதனால், இரத்த அழுத்த பிரச்சனைகள் உண்டாகிறது. சில வகை வேர்க்கடலையில் உள்ள அதிகப்படியான சோடியம், இரத்த அழுத்தம் மற்றும் இதய ஆரோக்கியம் தொடர்பான பிரச்சனைகளை உண்டாக்கும்..

இரத்த உறைதலை தடுக்கும் : நிலக்கடலையில் உள்ள ரெஸ்வெராட்ரோல் இரத்த உறைதல் செயல்பாட்டை தடுக்கிறது. உடலில் காயம் உண்டாகும் போது ஏற்படும் அதிகளவு இரத்தப்போக்கினை கட்டுப்படுத்த இரத்தம் உறைதல் அவசியம். வேர்க்கடலையில் உள்ள சேர்மங்கள் இந்த செயல்பாட்டை தடுக்கிறது. எந்த உணவுப்பொருளாக இருந்தாலும் நாம் அளவாக எடுத்துக்கொண்டால் அது ஆரோக்கியத்திற்கு நன்மை தரும்.

Click here for more Health Tip

 Click here to join whatsapp group for daily health tip

 வெயில் காலங்களை விட குளிர், காலங்களில் நம் உடலில் பலவித நோய் தொற்றுகள் உண்டாகும். அந்த வகையில், ஆரோக்கிய உணவுகளை குளிர் காலத்தில் எடுத்து கொண்டால் நோய் கிருமிகள் நம்மை அண்டாமல் தடுக்கலாம். குறிப்பாக வைட்டமின்கள், தாதுக்கள், நார்சத்து, கால்சியம், பொட்டாசியம், பாஸ்பரஸ், மெக்னீசியம் போன்ற நம் உடலுக்கு அத்தியாவசியமாக தேவைப்படும் ஊட்டசத்துக்கள் நிறைந்தவற்றை சாப்பிட வேண்டும். இவை அனைத்துமே பேரீச்சம் பழத்தில் அதிகம் உள்ளன என மருத்துவர்கள் கூறுகின்றனர். இதை குளிர் காலங்களில் சாப்பிட்டு வருவதால் எப்படிப்பட்ட நன்மைகள் நம் உடலுக்கு கிடைக்கும் என்பதை பற்றி இனி அறியலாம்.

எலும்புகள் வலு பெற : குளிர் காலத்தில் சூரிய ஒளி நம்மீது குறைவாக படுவதால், உடலில் வைட்டமின் டி உற்பத்தி குறைவாக இருக்கும். எலும்புகளுக்கு வலு சேர்க்க வைட்டமின் டி பெரிதும் உதவுகிறது. எனவே பேரீச்சம் பழத்தை எடுத்துக்கொள்வதால் எலும்புகள் உறுதியாகும். மேலும் இப்பழத்தில் பொட்டாசியம், பாஸ்பரஸ், காப்பர் மற்றும் மெக்னீஷியம் நிறைந்துள்ளதால் எலும்பு சம்பந்தமான பிரச்சனைகளில் இருந்து பாதுகாக்கும். இதில் கால்சியம் சத்தும் அதிகம் உள்ளதால் பற்கள் வலுவாக இருக்க உதவும்.

மூட்டு வலி : குளிர் காலங்களில் மூட்டு வலி உள்ளோருக்கு இதன் பாதிப்பு மேலும் அதிகமாகும். பேரீச்சம் பழத்தில் மெக்னீஷியம் மற்றும் தசை வீக்கத்தை குறைக்கும் தன்மை உள்ளதால் மூட்டு வலி, வீக்கம் போன்றவற்றில் இருந்து நிவாரணம் தரும்.

மாரடைப்பு பாதிப்பை குறைக்கும் :  உடலில் வெப்பநிலை குளிர் காலங்களில் குறைவதால் மாரடைப்பு ஏற்படும் வாய்ப்பு அதிகமுள்ளது. பேரீச்சம் பழம் சாப்பிடுவதால் கெட்ட கொலெஸ்ட்ராலை குறைத்து மாரடைப்பு மற்றும் அதிக இரத்த அழுத்தம் ஏற்படாமல் தடுக்கும். மேலும் இதை காலை மற்றும் மாலையில் ஸ்நாக்ஸ் போன்று சாப்பிட்டு வந்தால் குளிர் காலத்தில் ஏற்படும் மந்த தன்மை நீங்கும்.

வெதுவெதுப்பாக இருக்க செய்யும் : உடலுக்கு தேவையான வெப்பத்தை குளிர் காலங்களில் பேரீச்சம் பழம் தர உதவும். எனவே இதை சாப்பிடுவதால் உங்களை எப்போதும் வெதுவெதுப்பாக வைத்து கொள்ளலாம்.

ஆற்றல் தருபவை : பொதுவாக குளிர் காலங்களில் எந்நேரமும் மந்தமாகவும், சோர்வாகவும் இருப்போம். உங்களுக்கு உடனடி எனர்ஜியை தர சில பேரீச்சம் பழத்தை எடுத்து வாயில் போட்டாலே போதும். மேலும் உடற்பயிற்சி செய்வதற்கு முன் இதை ஸ்நாக்ஸ் போன்று சாப்பிட்டால் உங்களுக்கு அதிக ஆற்றல் கிடைக்கும்.

இரும்புச்சத்து : இன்று பல பெண்கள் இரத்த சோகையினால் பாதிக்கப்பட்டுள்ளார்கள். இதனால் அவர்களின் ஆரோக்கியம் பெரிதளவில் மாற்றம் அடைந்துள்ளது. எப்போதும் சோர்வாக இருப்பது, முடி கொட்டும் பிரச்சனை, குறைந்த எதிர்ப்பு சக்தி, மங்கிய தோல், கர்ப்ப காலத்தில் கருக்கலைப்பு உண்டாகும் அபாயம் போன்ற பாதிப்புகள் இரத்த சோகையினால் ஏற்படுகிறது. இரத்தத்தில் உள்ள ஹீமோகுளோபின் அளவை அதிகரிக்க பேரீச்சம் பழம் பெரிதும் உதவும். எனவே இதை சாப்பிட்டு வருவதால் இரத்தத்தின் அளவு அதிகரிக்கும் மற்றும் கர்ப்பிணி பெண்களின் கரு வளர்ச்சிக்கும் இது உதவும்.

செரிமான பிரச்சனை : குளிர் காலத்தில் உடலின் செயல்பாடுகள் மெதுவாக நடப்பதால் நார்சத்து கொண்ட உணவுகளை எடுத்துக்கொள்ள வேண்டும். அப்போது தான் செரிமான பிரச்சனை உண்டாகாது. பேரீச்சம் பழம் சாப்பிடுவதால் செரிமானத்தை சீராக்குவதோடு, குடல் புற்றுநோய் பாதிப்பையும் குறைக்கிறது.

சருமத்திற்கு ஊட்டம் தரும் : பெரும்பாலும் குளிர் காலத்தில் தோலில் சுரக்க கூடிய இயற்கை எண்ணெய்யின் அளவு குறைந்து விடுவதால் சருமம் மிகவும் வறண்டு போகும். பேரிச்சம் பழத்தில் ஆன்ட்டி ஆக்சிடென்ட் தன்மை உள்ளதால், உங்கள் சருமத்தை இளமையாக வைக்க இது உதவும் மற்றும் செல்களின் பாதிப்பையும் குணமாக்கும். இவ்வளவு அற்புத பயன்களை தனக்குள் ஒளிந்திருக்கும் இந்த பேரீச்சம் பழத்தை, குளிர் காலங்களில் சாப்பிட்டு ஆரோக்கியமாக இருங்கள்.

இனிப்பு பலகாரங்கள் செய்யலாம் : பண்டிகை காலங்களில் நீங்கள் சர்க்கரைக்கு பதில் பேரீச்சம் பழம் சேர்த்து இனிப்பு பலகாரங்களை தயார் செய்யலாம். இதனால் உடலுக்கும் ஆரோக்கியம் கிடைக்கும். உங்கள் பண்டிகையும் இனிப்புடன் நிறைவைடையும்.

Click here for more Health Tip

 Click here to join whatsapp group for daily health tip

 டாய்லெட்டில் செல்போன் பயன்படுத்தினால் மூலம் அல்லது அந்த இடத்தில் கட்டிகள் உருவாகும் ஆபத்து இருப்பதாக ஆய்வில் கண்டுபிடிக்கப்பட்டுள்ளது.

வெஸ்டர்ன் டாய்லெட்டுகளைப் பயன்படுத்தும் பலரும் சென்ற வேலையை முடிக்காமல் நீண்ட நேரம் செல்ஃபோனை பயன்படுத்துவதில் மும்முரமாக இருப்பார்கள். இப்படித்தான் சீனாவில் மணிக்கணக்கில் செல்ஃபோன் பயன்படுத்தியதில் அவரின் குடலே வெளியே வந்துவிட்டதாக செய்திகள் வைரலாகப் பரவின.

இந்நிலையில் இந்த ஆய்வு நிச்சயம் பலரையும் விழிப்படையச் செய்யும். நீண்ட நேரம் அமர்ந்து கொண்டு செல்போன் பயன்படுத்துவதால் கீழ் மலக்குடலில் ஆசனவாய் நரம்புகளில் அழுத்தம் அதிகரிக்கிறது என்று விவரிக்கிறார் ஆய்வின் மருத்துவர் ஜார்விஸ்.

பொதுவாக மலச்சிக்கல், மலம் கழிப்பதில் சிரமம், கர்ப்ப காலத்தில் மலச்சிக்கல் உபாதைகள் போன்ற காரணங்களால் மூலம் நோய் வரும்.

மூலம் என்பது ஒரு நாளில் நீண்ட நேரம் அமர்வதால் வராது. தினம் தினம் அப்படி அமர்ந்திருப்பது நிச்சயம் மூலத்தை உண்டாக்கும் என்கிறது ஆய்வு. இந்த டாய்லெட்டில் நீண்ட நேரம் அமரும் பழக்கம் இன்று செல்ஃபோன்களால் மட்டுமல்ல. இதற்கு முன் பிடித்த புத்தகத்தை டாய்லெட்டில் அமர்ந்து கொண்டு படிக்கும் பழக்கம் இருந்தது.

மூலம் வருவதற்கு முன் அறிகுறிகளாக எரிச்சல், அரிப்பு, ரத்தக் கசிவு, கட்டிகள், மலம் கழித்த பின்னரும் கழிக்காத உணர்வு போன்றவை பட்டியலிட்டுள்ளனர்.

இந்த அறிகுறிகள் தென்பட்டால் மூலம் வராமல் தவிர்க்க நார்ச்சத்து , தினமும் உடற்பயிற்சி, டாய்லெட்டிற்கு செல்ஃபோன் எடுத்துச் செல்வதை தவிர்த்தல் போன்ற விஷயங்களை மேற்கொள்ளுங்கள் என்று பரிந்துரைக்கப்படுகிறது.

Click here for more Health Tip

 Click here to join whatsapp group for daily health tip

 பிரதம மந்திரி மீன்வள மேம்பாட்டு திட்டத்தின் (PMMSY) கீழ் சென்னை மாவட்டத்தில் உள்ள கடலோர மீனவ கிராமங்களான பாலவாக்கம், சின்ன நீலாங்கரை. சின்னாண்டி குப்பம், ஈஞ்சம்பாக்கம், நைனார் குப்பம் ஆகிய இந்த 5 கிராமங்களில் காலியாக உள்ள 5 பல்நோக்கு சேவை பணியாளர்கள் (Sagar Mitre) பணியிடங்களை ஒரு வருட காலத்திற்கு ஒப்பந்த அடிப்படையில் தற்காலிகமாக நிரப்பப்பட உள்ளது.

விண்ணப்பதாரர்கள் சென்னை மாவட்டத்தை சார்ந்தவர்களாக இருக்க வேண்டும். மேற்படி, மீனவ கிராமங்கள் மற்றும் அதன் சுற்றுப்புற வருவாய் கிராமங்களில் வசிப்பவராக இருக்க வேண்டும். 01.07.2022 அன்றைய தேதிபடி வயது 35-க்குள் இருக்க வேண்டும். மாதாந்திர ஊக்க ஊதியம் ரூ.15,000/- வழங்கப்படும்.

கல்வித் தகுதி: மீன்வள அறிவியல் (Fisheries Science), கடல் உயிரியல் (Marine Biology) மற்றும் விலங்கியல் (Zoology), ஆகிய பிரிவுகளில் முதுகலை / இளங்கலை பட்டம் பெற்றவர்களுக்கு முன்னுரிமை அளிக்கப்படும்.

மேற்கண்ட பிரிவுகளில் பட்டம் பெற்றவர்கள் இல்லாத பட்சத்தில் இயற்பியல் (Physics), வேதியியல் (Chemistry) நுண்ணுயிரியல் (Microbiology), தாவரவியல் (Botany) மற்றும் உயிர் வேதியியல் (Biochemistry) ஆகிய பிரிவுகளில் ஏதேனும் ஒன்றில் முதுகலை இளங்கலை பட்டம் பெற்றவர்களுக்கு வாய்ப்பு அளிக்கப்படும். மேற்கண்ட ஏதேனும் ஒரு பட்டப்படிப்புடன், தகவல் தொழில்நுட்பம் (IT) தெரிந்தவர்களுக்கு முன்னுரிமை அளிக்கப்படும்.

விருப்பமுள்ள நபர்கள் 28.02.2023 மாலை 5.00 மணிக்குள் விண்ணப்பத்தினை பூர்த்தி செய்து கீழ்க்காணும் முகவரிக்கு அனுப்பி வைத்திடுமாறு கேட்டுக் கொள்ளப்படுகிறார்கள்.

Click here for latest employment news

 Click here to join WhatsApp group for Daily employment news