Agri Info

 மகளிர் நலனை பொருத்தவரையில், அலட்சியப் போக்குடன் கைவிடப்படுகின்ற விஷயங்களில் ஒன்றாக ஊட்டச்சத்து உள்ளது. நீங்கள் என்ன உணவு சாப்பிடுகிறீர்கள், எவ்வளவு சாப்பிடுகிறீர்கள், அதன் மூலமாக எவ்வளவு சத்து கிடைக்கிறது என்பதை கண்காணிக்கிறீர்களா? நிச்சயமாக இருக்காது. ஆனால், என்ன சாப்பிடுகிறோம், எவ்வளவு சாப்பிடுகிறோம் என்பது குறித்து நாம் கவனமாக இருக்க வேண்டும்.

ஏனெனில், யுனிசெஃப் அமைப்பு, இந்த ஆண்டு மார்ச் 7ஆம் தேதி வெளியிட்ட புள்ளி விவரங்களின்படி, உலகில் ஒரு பில்லியனுக்கும் அதிகமான வளர் இளம் சிறுமிகள் மற்றும் பெண்கள் ஊட்டச்சத்து குறைபாடு உடையவர்களாக இருக்கின்றனர் என்று தெரியவந்துள்ளது. குறிப்பாக, கர்ப்பிணி பெண்கள் மற்றும் பாலூட்டும் தாய்மார்களுக்கு ஊட்டச்சத்து குறைபாடு என்பது பிரதான பிரச்சனையாக இருக்கிறது.

பெண்களுக்கு முக்கியத்துவம் ஏன்?

ஊட்டச்சத்து என்று வருகின்றபோது பெண்களின் நலன் குறித்துதான் அதிகம் கவலைப்பட வேண்டியிருக்கிறது. ஊட்டச்சத்து குறைபாடு காரணமாக வளர் இளம் சிறுமிகள் பலவீனம் அடைகின்றனர் மற்றும் பெண்களின் நோய் எதிர்ப்பு சக்தி குறைகிறது. இதனால், கர்ப்பம் மற்றும் பிரசவம் போன்ற சமயங்களில் மிகுந்த பிரச்சனைகளை எதிர்கொள்கின்றனர்.

Click here for more Health Tip

 Click here to join whatsapp group for daily health tip

 ஆண்கள், பெண்கள் என யாராக இருந்தாலும் உடலில் ஹார்மோன்கள் சீராக இயங்கினால் தான் மட்டுமே உடல் மற்றும் மன நலத்துடன் வாழ முடியும். நாம் சிரிப்பதற்குக் கூட ஹார்மோன்கள் சுரக்க வேண்டும் என்கின்றனர் மருத்துவர்கள். சில நேரங்களில் ஹார்மோன்களில் ஏற்படும் ஏற்றத்தாழ்வினால் பல உடல் நல பிரச்சனைகளை சந்திக்கின்றனர் மக்கள். அதிலும் ஆண்களை விட பெண்களுக்குத் தான் ஹார்மோன்களின் சமநிலையில் பிரச்சனைகள் ஏற்படுகிறது. இதனால் ஒழுங்கற்ற மாதவிடாய் சுழற்சிகள், அதிக மாதவிடாய் இரத்தப்போக்கு, குறைவான மாதவிடாய் இரத்தப்போக்கு, நடு சுழற்சி புள்ளிகள், கருப்பை நீர்க்கட்டிகள், பிசிஓடி போன்ற பல பிரச்சனைகளை பெண்கள் தற்போது அதிகளவில் சந்திக்க நேரிடுகிறது. முதலில் ஏன் ஏற்படுகிறது? ஹார்மோன் சமநிலையின்மை என்றால் என்ன? என்பது குறித்து இங்கே அறிந்துக் கொள்வோம்..

ஹார்மோன் சமநிலையின்மை மற்றும் பெண் பாலின ஹார்மோன்கள் என்றால் என்ன? நம்முடைய உடலில் பல்வேறு செயல்பாடுகளை ஹார்மோன்கள் முக்கிய பங்கு வகிக்கின்றன. ஈஸ்ட்ரோஜன் மற்றும் புரோஜெஸ்ட்டிரன் எனப்படும் பெண் பாலின ஹார்மோன்கள் முக்கியமாக கருப்பைகள் மூலம் உற்பத்தி செய்யப்படுகின்றன. இது தான் பெண்ணின் இனப்பெருக்க ஆரோக்கியத்தைக் கட்டுப்படுத்துகிறது. இந்த ஹார்மோன்களின் செயல்பாட்டில் சில மாற்றங்கள் ஏற்படும் போது தான் பெண்களின் உடல் ஆரோக்கியம் பாதிக்கப்படுகிறது. குறிப்பாக கருவுறுதலில் பிரச்சனை, பிசிஓடி, பிசிஓஎஸ், அதிக மாதவிடாய் இரத்தப்போக்கு போன்ற பல பிரச்சனைகள் ஏற்படுகிறது.

ஹார்மோன் சமநிலையின்மைக்கு சிகிச்சையளிப்பது எப்படி? இன்றைக்கு உள்ள பெரும்பாலான மருத்துவமனையில் பிசிஓடி பிரச்சனைக்குத் தான் பெண்கள் சிகிச்சை எடுத்து வருகின்றனர். இந்த ஹார்மோன் ஏற்றத்தாழ்வை சரிசெய்ய வேண்டும் என்றால், ஹார்மோன் ஏற்றத்தாழ்வு மூலம் மட்டுமே குணப்படுத்த முடியும் என்ற பொதுவான கருத்து உள்ளது. ஆனால் இது நிச்சயம் உடல் ஆரோக்கியத்தைப் பாதிக்கும் என்கின்றனர் மருத்துவ நிபுணர்கள். அதிகப்படியான ஸ்டீராய்டுகளை நாம் பயன்படுத்தும் போது உடலில் பல்வேறு பிரச்சனைகள் ஏற்படுகிறது.

எனவே இதுப்போன்ற சூழலில் நாம் மருந்து மாத்திரைகளுக்குப் பதிலாக நம்முடைய உணவு பழக்கவழக்கம், அதிக நேரம் தூங்குவது, மன அழுத்தமின்றி வாழ்வது, உடல் இயக்கத்திற்குத் தேவையான செயல்பாடுகளை மேற்கொள்வது போன்ற விஷயங்களை பெண்கள் மேற்கொள்ள வேண்டும். இவ்வாறு மேற்கொள்ளும் போது உடலில் உள்ள ஹார்மோன்கள் சமநிலையில் இருக்கும்.

இவ்வாறு மேற்கொண்டாலும் சில அவசர காலங்களில் மருத்துவ உதவி என்பது நிச்சயம் தேவைப்படும். இதுப்போன்ற பெண்களுக்கு சிறந்த தீர்வு ஆயுர்வேதமாக இருக்கும் என்கின்றனர் மருத்துவர்கள். நோய்க்கான காரணத்தையும், போக்கையும் மாற்றுவதற்கு இந்த சிகிச்சைகள் உதவியாக உள்ளது. குறிப்பாக ஆயுர்வேதத்தில் வழங்கப்படும் மூலிகைகள், பஞ்சகர்மா சிகிச்சைகள், உணவு மற்றும் வாழ்க்கை முறை மாற்றங்கள் ஹார்மோன் சமநிலைப்பிரச்சனைக்கு தீர்வாக அமைவதோடு, அதிக ஸ்டீராய்டு மருத்துகளை உட்கொள்ளவும் தேவையில்லை. எனவே உங்களது வாழ்க்கைமுறையில் முதலில் மாற்றம் கொண்டு வாருங்கள். பின்னர் தேவைப்படும் பட்சத்தில் ஆயுர்வேதத்தின் உதவியை நாட வேண்டும் என்கின்றனர் மருத்துவர்கள்.

Click here for more Health Tip

 Click here to join whatsapp group for daily health tip

 பியூட்டி பார்லர் தொடங்க நீங்கள் திட்டமிட்டு இருந்தால், உங்களிடம் இருக்கும் நிதி, அழகு நிலையத்தின் மாதாந்திர வாடகை, தேவையான பொருட்கள், வாடிக்கையாளர்கள் மற்றும் அழகு நிலையத்தின் மாதாந்திர வருவாய் போன்ற சில முக்கியமான விவரங்களை கவனத்தில் கொள்ள வேண்டும்.

இந்தியாவில் கிட்டத்தட்ட 1.4 பில்லியனுக்கும் அதிகமான மக்கள் உள்ளனர். இதில் பலரும் பல விதமான வேலை அல்லது வணிகங்களில் ஈடுபட்டு வருகின்றனர். அந்த வகையில், பெண்கள் விரும்பி ஈடுபடும் ஒரு வகையான வணிகம் தான் பியூட்டி பார்லர். முன்பெல்லாம் பியூட்டி பார்லர் பணக்காரர்கள் அல்லது ஆடம்பரமாக வாழ்பவர்கள் பயன்படுத்தும் ஒன்றாக இருந்தது. ஆனால், இன்று இது பட்டித் தொட்டி எங்கும் பிரபலமடைந்து வருகிறது. நீங்கள் ஒரு பியூட்டி பார்லரைத் தொடங்குவதில் ஆர்வமாக இருந்தீர்கள் என்றால், இந்தப் பதிவு உங்களுக்கு உதவியாக இருக்கும்.

நீங்கள் பியூட்டி பார்லர் ஆரம்பிக்க விரும்பினால், முதலில் அதற்கு நீங்கள் ஒரு திடமான வணிகத் திட்டத்தை வகுக்க வேண்டும். இது உங்கள் நிறுவனத்தைப் பற்றிய விரிவான கண்ணோட்டத்தை உங்களுக்கு கொடுக்கும். இதற்கு நீங்கள் ஆராய்ச்சி செய் வேண்டும். அதோடு, மற்ற அல்லது பிரபலமான அழகு நிலையங்களின் செயல்பாட்டு சூழலை பகுப்பாய்வு செய்ய வேண்டும். கூடுதலாக, உங்களுக்கு போட்டியாக இருக்கக் கூடிய பியொட்டி பார்லர்கள் என்னென்ன சேவை வழங்குகிறார்கள், அதன் விலை என்ன என்பது போன்ற தகவல்களையும் சேகரித்து வைத்துக் கொள்ள வேண்டும். உங்களுடைய இந்தத் திட்டத்தில், உங்களிடம் இருக்கும் நிதி, மாதாந்திர வாடகை, தேவையான பொருட்கள், வாடிக்கையாளர்கள் மற்றும் அழகு நிலையத்தின் மூலம் பெறக்கூடிய மாதாந்திர வருவாய் போன்ற சில முக்கியமான விவரங்களையும் சேர்க்க வேண்டும். பொதுவாக பியூட்டி பார்லர் கொண்டு ஒருவர் மாதத்திற்கு ₹6000 முதல் ₹50,000 வரை ஈட்டலாம்.

சிறு அழகு நிலையங்கள் முதல் மிகப் பிரம்மாண்டமான அழகு நிலையங்கள் வரை அவரவர் இருப்புக்கு ஏற்றவாறு இடத்தை தேர்வு செய்து ஆரம்பிக்கலாம். ஆனால், இது தொடர்பாக, அதன் உரிமையாளர் கட்டமைப்பைப் புரிந்துகொள்வது முக்கியம். சுதந்திரமான அழகு நிலையங்கள் தான் தற்போது உரிமையமைப்பின் மிகவும் பொதுவான வகையாக உள்ளது. ஒரு சுயாதீன தொழிலதிபர் தாங்களாகவே ஒரு பியூட்டி பார்லரைத் தொடங்கலாம் அல்லது நடத்தலாம். இதற்கு மிகக் குறைந்த ஆரம்ப முதலீடு போதும். அதோடு இதில் அன்றாட செயல்பாட்டு செலவுகளையும் எளிதில் சமாளிக்கலாம்.

அடுத்து நீங்கள் அழகு நிலையத்திற்கு எந்த இடத்தை தேர்வு செய்கிறீர்கள் என்பது முக்கியம். நிறைய வாடிக்கையாளர்கள் உங்கள் நிலையத்தைத் தேடி வரும் வகையில் ஒரு இடத்தை தேர்வு செய்வது நல்லது. குறிப்பாக நிறைய பேர் வசிக்கும் ஒரு இடம் அல்லது மார்க்கெட் பகுதிகள் இதற்கு மிகவும் பொருத்தமாக இருக்கும். கூடுதலாக, மக்கள் உங்கள் இடத்திற்கு எளிதில் வரும் வகையில் பேருந்து நிலையம் அல்லது ரயில் நிலையம் போன்றவற்றிற்கு அருகாமையில், இலவச பார்க்கிங் வசதியுடன் ஒரு இடம் கிடைத்தால் இன்னும் அட்டகாசமாக இருக்கும்.

அதே சமயம் நீங்கள் மிகவும் குறைவாகவோ அல்லது மிகவும் அதிகமாகவோ கட்டணம் வசூலிக்கக் கூடாது. நீங்கள் அளிக்கும் சேவைக்கு ஏற்ற கட்டணம் வசூலிக்க வேண்டும், அதே சமயம் சேவையின் தரத்தை ஒரு போதும் குறைத்து விடக் கூடாது. நல்ல தரமான பொருட்களை மட்டுமே பயன்படுத்த வேண்டும். உங்கள் வருவாயை அதிகரிக்க நல்ல தரமான அழகு சாதனப் பொருட்களையும் நீங்கள் விற்பனை செய்யலாம்.

இவற்றை எல்லாம் கவனத்தில் கொண்டு செயல்பட்டாலே போதும், உங்கள் பியூட்டி பார்லர் சிறப்பாக செயல்படும் என்பதில் எந்த சந்தேகமும் இல்லை.

 காற்று மாசுபாடு இல்லாத நகரை பார்ப்பது மிகவும் அரிதான விஷயங்களாக மாறிவிட்டது. காற்று மாசுபாடு என்பது 2 ஆம் வகுப்பு மாணவர்கள் படிக்கும் கட்டுரை அல்ல, இந்தியாவில் காணப்படும் பல நோய்களுக்கு முக்கிய காரணம். நாம் அனைவருக்கும், இந்த இயந்திர வாழ்க்கையில் இருந்து ஏதாவது அமைதியான மற்றும் பசுமை நிறைந்த கிராமங்களுக்கு செல்ல ஆசை இருக்கும். அப்படி நினைக்கும் போது எல்லாம், நமது நியாபகத்திற்கு வருவது கேரளா மட்டும் தான். காற்றுத் தர குறியீடு (AQI) அளவை பொறுத்து ஒரு நகரத்தின் பசுமை நிலை அளவிடப்படுகிறது. அந்த வகையில் AQI அடிப்படையில் மிகவும் குறைவான காற்று மாசு கொண்ட இந்தியாவின் ஒரு சில நகரங்கள் பற்றி பார்க்கலாம்.

​ராஜமன்றி : ராஜமன்றி ஆனது ஆந்திரப்பிரதேச மாநிலத்தின் கிழக்கு கோதாவரி மாவட்டத்தில் அமைந்துள்ள ஒரு முக்கிய நகரமாகும். கோதாவரி ஆற்றின் கரையில் அமைந்துள்ள இந்த கரத்தின் AQI அளவு ஆனது 18-ஆக உள்ளது.

அய்சால் : மிசோரத்தின் தலைநகராக இருக்கும் அய்சால், இதன் தட்பவெட்ப நிலை மற்றும் பசுமை தோற்றத்திற்கு பெயர் பெற்றது. சுத்தமான சுற்றுச்சூழலுக்கு அடையாளமாக உள்ள இந்த நகரத்தின் AQI அளவு ஆனது 20-ஆக உள்ளது.

சில்லாங் : வடகிழக்கு இந்தியாவின் மேகாலயா மாநிலத்தில் அமைந்துள்ள சில்லாங், கடல் மட்டத்தில் இருந்து சுமார் 1525 மீ உயரத்தில் அமைந்துள்ள ஒரு நகரம் ஆகும். பிரம்மபுத்திரா ஆறு மற்றும் சுர்மா ஆறுகளிடையே அமைந்துள்ள இந்த நகரத்தின் AQI அளவு ஆனது 21-ஆக உள்ளது.

அமராவதி : தமிழகத்தின் அண்டை மாநிலமான ஆந்திராவின் தலைநகராக கருதப்படும் அமராவதி, கிருஷ்ணா நதிக்கரையின் தென்கரையோரம், விஜயவாடா, குண்டூர் நகரங்களுக்கிடையே அமைந்துள்ளது. இந்நகரின் AQI அளவு ஆனது 28-ஆக உள்ளது.

ஹவுரா : ஹவுரா, மேற்கு வங்க மாநிலத்தில் அமைந்துள்ள ஒரு தொழில்துறை நகரம் ஆகும். ஹவுரா ஊக்லி ஆற்றின் மேற்கு கரையில் அமைந்துள்ள இந்த நகரத்தின் AQI அளவு ஆனது 28-ஆக அளவிடப்பட்டுள்ளது.

திருவனந்தபுரம் : கேரளாவின் தலைநகராக உள்ள திருவனந்தபுரம் இந்தியாவின் மிகவும் பசுமையான நகரம் என அறியப்படுகிறது. பார்க்கும் இடம் எல்லாம் நீர் நிலைகள் நிறைந்து காணப்படும் இந்த நகரத்தின் AQI அளவு ஆனது 30-ஆக உள்ளது.

மடிகேரி : கர்நாடக மாநிலத்தின் குடுகு மாவட்டத்தில் அமைந்துள்ள மடிகேரி, கடல் மட்டத்தில் இருந்து சுமார் 1170 மீ உயரத்தில் அமைந்துள்ள ஒரு நகரம் ஆகும். இந்த நகரத்தின் AQI அளவு ஆனது 30-ஆக உள்ளது.

ஹாசன் : கர்நாடக மாநிலத்தின் மற்றொம் ஒரு பசுமையான நகரமாக ஹாசன் உள்ளது. இந்த நகரத்தின் AQI அளவு 30-ஆக இருக்கும் அதே நேரம், இந்த நகரம் பிரபலமான பேக்கரிகள் நிறைந்த ஒரு நகரமாகவும் உள்ளது.

பயணம் என்பது யாருக்கு தான் பிடிக்காது. ஆனால் அந்த பயணத்தின் போது இரவு தங்கி ஓய்வெடுக்க ஒரு இடத்தை தேர்ந்தெடுப்பது தான் கஷ்டமான விஷயம். நம் பட்ஜெட்டுக்குள் பார்த்தல் அது தூரமாக இருக்கும். வசதிகள் இருக்காது. வசதிகளை பார்த்தல் விலை எகிறும்.

அதனால் மதம் சார்ந்த குழுக்கள் இணைந்து மடங்களை உருவாக்குகின்றனர். இந்தியாவில் இதுபோன்ற பல ஆசிரமங்கள் உள்ளன. சில நிபந்தனைகள் மற்றும் கட்டுப்பாடுகளுடன் இலவச தங்கும் வசதி உள்ள ஆசிரமங்களை மக்கள் பயன்பாட்டிற்கு விடுகின்றனர். அப்படியான சில இடங்களை பற்றி பார்ப்போம்.

கீதா பவன், ரிஷிகேஷ்:: வாழ்க்கையில் ஒரு முறையாவது கங்கைக்கரைக்கு போய் செய்த பாவங்களை சரிசெய்ய வேண்டும் என்று நினைப்பர். அப்படி மக்கள் செல்லும் இடங்களில் ஒன்று ரிஷிகேஷ். ரிஷிகேஷில் கங்கை நதிக்கரையில் அமைந்துள்ள கீதா பவன், ஆசிரமத்தில் 1000க்கும் மேற்பட்ட அறைகள் கொண்டு, பொது மக்கள் தங்க வசதி செய்து தருகிறது. ஆசிரமத்தில் லக்ஷ்மி நாராயண கோவில், மற்றும் நூலகம் உள்ளது. சுத்தமான சைவ உணவுகளை இங்கு உண்டு மகிழலாம்.

பாரத் ஹெரிடேஜ் சர்வீஸ், ரிஷிகேஷ்: இந்த இடம் மற்ற ஆசிரமங்களிலிருந்து முற்றிலும் வேறுபட்டது. இந்த ஆசிரமத்தில் தாங்கும் வசதியோடு  உடலுக்கும் மனதுக்கும் சிகிச்சை அளிக்கப்படுகிறது. இங்கே நீங்கள் தன்னார்வ நடவடிக்கைகளில் பங்கேற்பதன் மூலம் இலவச தங்குமிடத்தைப் பயன்படுத்திக் கொள்ளலாம். இந்த ஆசிரமத்தில் பல வெளிநாட்டவர்களும் உள்ளனர்.

ஆனந்தாஷ்ரம், கேரளா:ஆனந்தாஷ்ரமத்தில் நீங்கள் எந்தச் செலவும் இல்லாமல் இயற்கையோடு இணைந்து வாழலாம். உங்கள் மனதை மிகவும் அமைதிப்படுத்த உதவும். பாபா ராமதாஸ் நிறுவிய இந்த ஆசிரமம் ஏல உயிரிடத்தும் அன்பு காட்ட வேண்டும் என்ற நோக்கத்துடன் செயல்பட்டு வருகிறது. இங்கு தங்குவதற்கு எந்த கட்டணமும் செலுத்த தேவை இல்லை.

ஈஷா அறக்கட்டளை, கோயம்புத்தூர் - இந்த ஆசிரமம் வெள்ளியங்கிரி மலைகளால் சூழப்பட்டுள்ளது. மலைகளுடன் கூடிய பிரம்மாண்டமான ஆதியோகி சிவன் சிலையை இங்கு காணலாம். ஈஷா அறக்கட்டளையின் தங்குமிடங்களில் தன்னார்வ நடவடிக்கைகளில் பங்குபெறும் மக்களுக்கு இலவச தங்கும் வசதிகளைத் தருகிறது.

ஸ்ரீ ரமணாஷ்ரம்,தமிழ்நாடு - திருவண்ணாமலை மலைப்பகுதியில் அமைந்துள்ள இந்த ஆசிரமத்தில் தங்குவதற்கு வாடகை செலுத்தத் தேவையில்லை. இங்கு சுத்தமான சைவ உணவை உண்டு மகிழலாம். அங்கிருந்து திருவண்ணாமலை கோவிலை தரிசிக்கலாம்.

Click here for more Health Tip

 Click here to join whatsapp group for daily health tip

 வாழ்க்கை எவ்வளவு ஆபத்தானது என்பதை கடந்த சில வருடங்கள் நமக்குக் காட்டுகின்றன. தொற்றுநோய்க்குப் பின் மக்கள் தங்கள் ஆரோக்கியத்தைப் பற்றி அதிகம் அறிந்திருக்கிறார்கள். குருகிராமில் உள்ள ஃபோர்டிஸ் நினைவு ஆராய்ச்சி நிறுவனத்தில் உள்ளக மருத்துவத்தின் கூடுதல் இயக்குநர் டாக்டர் பேலா ஷர்மா "சோதனைகளை செய்துவிட்டு, கூகுளின் மூலமாக சுய மருந்துகளைத் தொடங்குவது மட்டும் போதாது" என்று எச்சரிக்கிறார்.

சிகே பிர்லா மருத்துவமனையின் உள் மருத்துவத்தின் ஆலோசகர் டாக்டர் துஷார் தயல் வயதாகும்போது, ​​நமது நோயெதிர்ப்பு சக்தியும், குணமடையும் திறனும் குறைந்துவிடுகிறது.மருத்துவ ஆலோசனையைப் பெறுவதும், ஆரோக்கியமாக இருக்க சில மருத்துவப் பரிசோதனைகளை மேற்கொள்வதும் இன்றியமையாததாகிறது என்று குறிப்பிடுகிறார்.

இந்த உலக சுகாதார தினத்தில், நீண்ட காலத்திற்கு ஆரோக்கியமான வாழ்க்கையை உறுதி செய்வதற்காக வழக்கமான மருத்துவ பரிசோதனைகளை மேற்கொள்வதன் முக்கியத்துவத்தை மருத்துவ நிபுணர்கள் வலியுறுத்துகின்றனர்.

உஜாலா சிக்னஸ் குழும மருத்துவமனைகளின் நிறுவனர் இயக்குநர் டாக்டர் ஷுச்சின் பஜாஜ் "20, 30 மற்றும் 40 வயதிற்குட்பட்ட நபர்களுக்குத் தேவையான சோதனைகள் வயதிற்கு ஏற்ப மாறுபடலாம், எனவே தனிப்பட்ட பரிந்துரைகளுக்கு மருத்துவரை அணுகுவது அவசியம்" என்று குறிப்பிடுகிறார்.

20 வயதில் தடுப்பு சுகாதாரம் முக்கியமானது:

"வழக்கமான இரத்த பரிசோதனைகள், கொலஸ்ட்ரால் ஸ்கிரீனிங் மற்றும் இரத்த அழுத்த சோதனைகள் எதிர்கால உடல்நலப் பிரச்சினைகளைத் தடுக்க உதவும். கூடுதலாக, பாலியல் தொடர்பாக எதிர்காலத்தில் சிக்கல்களை ஏற்படுத்தக்கூடிய ஏதேனும் தொற்றுகளை அடையாளம் காண STD பரிசோதனைக்கு உட்படுத்தப்பட வேண்டும்,” என்று டாக்டர் பஜாஜ் விளக்குகிறார். பிரயாக் மருத்துவமனைகள் குழுமத்தின் ஆலோசகர் ICU ஸ்பெஷலிஸ்ட் டாக்டர் தருண் பாண்டே, முழுமையான இரத்த எண்ணிக்கை பரிசோதனை பற்றி விரிவாகப் பேசியுள்ளார்.

"பெண்களுக்கு, ஹீமோகுளோபின் அளவு பொதுவாக தன்னுடைய ஆரோக்கியத்தைப் பற்றி கவனிக்காமல் விடுவதால் ஏற்படுகிறது. அதிக மாதவிடாய் இரத்தப்போக்கு மற்றும் உணவு முறை மற்றும் பல காரணங்களால் இது குறைவாக இருக்கலாம். சிபிசி பரிசோதனை ஹீமோகுளோபின், வெள்ளை இரத்த அணுக்களின் எண்ணிக்கை (நோய் எதிர்ப்பு சக்தி அளவைப் பற்றி கூறுகிறது) மற்றும் பிளேட்லெட் எண்ணிக்கை ஆகியவற்றை சரிபார்க்க உதவுகிறது.

பெண்களுக்கான மற்றொரு முக்கியமான சோதனை இரும்புச் சத்து சோதனை. ஊட்டச்சத்து குறைபாடு காரணமாக, பெண்கள் பெரும்பாலும் இரும்புச்சத்து குறைபாட்டுடன் காணப்படுகிறார்கள். சீரம் ஃபெரிடின் என்பது உடலில் இரும்புச் சேமிப்பைக் கண்டறியும் மற்றொரு சோதனை என்கிறார் டாக்டர் பாண்டே

வைட்டமின் D மற்றும் B12 ஆகியவை எலும்பு ஆரோக்கியம், நரம்பு செயல்பாடு மற்றும் இரத்த சிவப்பணு உற்பத்தி என பல்வேறு உடல் செயல்பாடுகளுக்கு முக்கியமான ஊட்டச்சத்துக்கள் ஆகும்.

மேலும் டாக்டர் பாண்டே 20 வயது உடையவர்களுக்கு தைராய்டு ஹார்மோனின் அளவை கண்டறிவதற்கான ஹைப்போ தைராய்டிசம் அல்லது TSH சோதனைகளைப் பற்றி கூறுகிறார். ஆரோக்கியமான வாழ்க்கை முறையை கருத்தில் கொண்டால் எந்த பிரச்சனையும் தீர்க்கலாம் என்றும் விளக்குகிறார்.

30களில் எடுக்கப்பட வேண்டிய சோதனைகள்:

30 களின் முற்பகுதியில் மேற்கூறிய சோதனையுடன், சர்க்கரை பரிசோதனையும் (சாப்பிடும் முன் மற்றும் சாப்பிட்ட பின்பு இரண்டும்) இன்றியமையாதது.

பெண்கள் மார்பக அல்ட்ராசவுண்ட் பரிசோதனை செய்து கொள்ள வேண்டும். பெண்கள் 40 வயது வரை, ஒவ்வொரு மூன்று வருடங்களுக்கும் இந்தப் பரிசோதனையை மேற்கொள்ள வேண்டும். கண் மற்றும் பற்களை பரிசோதனை செய்ய வேண்டும்.

டாக்டர்.பஜாஜ் “பெண்கள் கர்ப்பப்பை வாய்ப் புற்றுநோயைக் கண்டறிய பாப் ஸ்மியர் பரிசோதனையையும் மேற்கொள்ள வேண்டும். புற்றுநோயின் குடும்ப வரலாற்றைக் கொண்ட நபர்களுக்கு, மரபணு சோதனை செய்து கொள்வதும் முக்கியமானதாகும் என்று விளக்குகிறார்.

40 வயதில் சுகாதார பரிசோதனைகளை புறக்கணிக்காதீர்கள்:

40 களின் முற்பகுதியில், KFT- சிறுநீரக செயல்பாடு சோதனை, LFT கல்லீரல் செயல்பாடு சோதனை, ECG மற்றும் மார்பக எக்ஸ்-ரே ஆகியவை இதய அபாயம் மற்றும் நுரையீரல் நிலையை ஆரம்ப நிலையிலேயே கண்டிப்பாக எடுக்கப்பட வேண்டும்" என்று மருத்துவர்கள் வலியுறுத்துகிறார்கள்.

புரோஸ்டேட்-குறிப்பிட்ட ஆன்டிஜென்: ஆண்கள், குறிப்பாக குடும்பத்தில் புரோஸ்டேட் புற்றுநோயைக் கொண்டவர்கள், புரோஸ்டேட் புற்றுநோயைக் கண்டறிய இந்த இரத்தப் பரிசோதனையை மேற்கொள்ள வேண்டும்.

மேமோகிராம்: மார்பகப் புற்றுநோயை முன்கூட்டியே கண்டறிவதற்கு பெண்கள் ஆண்டுதோறும் இந்தப் பரிசோதனையை மேற்கொள்ள வேண்டும்.

டாக்டர்.சஞ்சய் குப்தா, மூத்த ஆலோசகர்- உள் மருத்துவம், பாராஸ் ஹெல்த், குருகிராம் அவர்கள் 40 வயதிற்குட்பட்டவர்களுக்கு இன்னும் சில முக்கியமான சோதனைகளைக் குறிப்பிடுகிறார்:

கொலோனோஸ்கோபி : 

மார்பு மற்றும் வயிற்றுப் பகுதிக்கு CT ஸ்கேன் பரிந்துரைக்கப்படுகிறது. கருப்பை, கணையம், குடல், நுரையீரல் புற்றுநோய் போன்றவற்றைப் பரிசோதிக்க வேண்டும்.

இவை அனைத்துமே பொதுவான வழிகாட்டுதல்கள் ஆகும். அவரவர் சூழ்நிலைகளுக்கும் பிரச்சினைகளுக்கும் ஏற்ப இந்த பரிசோதனைகள் மாறுபடும் என்பதை அனைவரும் கருத்தில் கொள்ள வேண்டும்.

Click here for more Health Tip

 Click here to join whatsapp group for daily health tip

உடல் ஆரோக்கியத்திற்காவும், உடலை கட்டுக்கோப்பாக வைத்துக் கொள்ளவும் நாம் உடற்பயிற்சிகளை செய்கின்ற அதே சமயத்தில், ஊட்டச்சத்து உணவுகளை தவற விடக் கூடாது என்பதையும் நினைவில் கொள்ள வேண்டும்.

பயிற்சி செய்து களைத்துப் போயுள்ள உடலுக்கு புத்துணர்ச்சி ஊட்டுவதற்கு ஊட்டச்சத்து உணவு அவசியமாகும். நம் உடலியில் சேதமடையும் திசுக்களை சீரமைக்கவும், அழற்சியை தவிர்க்கவும் இது அவசியமாகிறது.

நாம் எடுத்துக் கொள்ளும் ஊட்டச்சத்து உணவில் மாவுச்சத்து, புரதம் மற்றும் ஆரோக்கியமான கொழுப்புகள் உள்பட அனைத்தும் இருக்க வேண்டும். அப்போது தான் நம் தசைகள் மீட்டுருவாக்கம் அடையும் மற்றும் போதுமான ஆற்றல் கிடைக்கும்.

முன் தயாரிப்பு மற்றும் ஓய்வு அவசியம் : கடுமையான பயிற்சிகளை செய்யும் முன்பாக நம் உடலை அதற்கு தயார்படுத்திக்கொள்ள வேண்டும். அதனை Warm Up என்று சொல்கின்றனர். இவ்வாறு உடலை முன்கூட்டியே தயார் செய்யாமல் பயிற்சியில் ஈடுபடும் பட்சத்தில் தசைப்பிடிப்பு, உடல் வலி போன்ற பிரச்சினைகளை எதிர்கொள்ள வேண்டியிருக்கும்.

அதேபோல உடற்பயிற்சியை செய்து முடித்தவுடன் சட்டென்று அடுத்த வேலைக்கு தாவி விடக் கூடாது. ஏனென்றால் கடும் சிரமத்தை எதிர்கொண்ட நம் உடலுக்கு ஓய்வு அவசியம் ஆகும். அதனை Cool Down என்று குறிப்பிடுகின்றனர். ஏதேனும் காயங்கள் ஏற்படுவதை தடுக்க இது அவசியமாகிறது. உடற்பயிற்சியின்போது அதி வேகத்தில் இருக்கின்ற ரத்த ஓட்டம் இயல்பு நிலைக்கு திரும்புவதற்கும் இது உதவுகிறது.

நம்முடைய உடற்பயிற்சி நடவடிக்கைகள் பாதுகாப்பாகவும், நம் உடலுக்கு ஆபத்தில்லாமலும் அமைய வேண்டும் என்றால் இதுபோல முன் தயாரிப்பு மற்றும் ஓய்வு நடவடிக்கைகள் அவசியமாகும்.

எவ்வளவு சத்து தேவைப்படும்? சாதாரணமாக உடற்பயிற்சி செய்து முடித்த பிறகு ஊட்டச்சத்து கொண்ட உணவுகளை எவ்வளவு எடுத்துக் கொள்ள வேண்டும் என்று குழப்பம் ஏற்பட்டு விடுகிறது. இது ஒவ்வொரு நபர் மற்றும் அவர் செய்கின்ற பயிற்சியை பொருத்து மாறுபடும். உதாரணத்திற்கு ஒரு ஓட்டப்பந்தய வீரருக்கு எவ்வளவு ஊட்டச்சத்து தேவைப்படும் என்பதை கணிக்க வேண்டும்.

அவர் எவ்வளவு தீவிரமாக பயிற்சி செய்கிறாரோ, அதை ஈடுகட்டும் வகையில் ஊட்டச்சத்து உணவை எடுத்துக் கொள்ள வேண்டும். தினசரி ஒரே வகையான உணவை எடுத்துக் கொள்ளாமல் சுழற்சி அடிப்படையில் சீரான சத்து கொண்ட உணவுகளை எடுத்துக் கொள்ள வேண்டும்.

முன் தயாரிப்பு ஏன் அவசியம்? குளிர்ந்த நிலையில் இருக்கின்ற நம் உடல் சட்டென்று உடற்பயிற்சிக்கு தயாராக இருக்காது. அப்படியொரு சமயத்தில் பயிற்சி செய்தால் தேவையற்ற காயங்கள் ஏற்படலாம். ஆகவே, நம் உடலை கொஞ்சம் வெப்பநிலைக்கு கொண்டு வர வேண்டும். அவ்வாறு செய்வதால் நம் இதய நலன் மேம்படும் மற்றும் நுரையீரல் செயல்பாடு பயிற்சிக்கு ஏற்றவாறு தயார் நிலையில் இருக்கும்.

ஓய்வு தேவை : பயிற்சியின்போது அதிகரிக்கின்ற இதயத் துடுப்பு, உயர் ரத்த அழுத்தம் போன்றவை குறைந்து நம் உடல் சுமூக நிலைக்கு வருவதற்கு இந்த ஓய்வு அவசியமாகிறது. உடல் மட்டுமல்ல, மிகுந்த சிந்தனை மற்றும் கவனம் ஆகியவற்றுடன் பயிற்சிக்கு ஒத்துழைக்கும் நம் மனதுக்கும் சற்று ஓய்வு கொடுப்பது அவசியமாகும்.

Click here for more Health Tip

 Click here to join whatsapp group for daily health tip

 NLC நிறுவனத்தில் புதிய வேலைவாய்ப்பு 2023 – விண்ணப்பிக்க கடைசி வாய்ப்பு!

என்எல்சி இந்தியா லிமிடெட் நிறுவனம் ஆனது Consultant (CVO Secretariat) பணிக்கென காலியாக உள்ள ஒரு பணியிடம் நிரப்ப உள்ளதாக தெரிவிக்கப்பட்டுள்ளது. இப்பணிக்கென தேர்வு செய்யப்படும் விண்ணப்பதாரர்களுக்கு தகுதி மற்றும் திறன் அடிப்படையில் ஊதியம் வழங்கப்படும் என தெரிவிக்கப்பட்டுள்ளது. விருப்பமுள்ளவர்கள் இறுதி நாள் முடிவதற்குள் விண்ணப்பித்து பயனடையலாம்.

வேலைவாய்ப்பு விவரங்கள்:

• Consultant பணிக்கென ஒரே ஒரு பணியிடம் நிரப்ப உள்ளது.
• அங்கீகாரம் பெற்ற பல்கலைக்கழகத்தில் அல்லது கல்வி நிலையத்தில் Post Graduate degree தேர்ச்சியுடன் Shorthand in English, Tamil, Typewriting Higher Grade in Tamil & English தேர்ச்சி பெற்றிருக்க வேண்டும்.
• 62 வயதுக்கு உட்பட விண்ணப்பதாரர்கள் இப்பணிக்கு விண்ணப்பிக்க தகுதியானவர்கள்.

 Union Bank-ல் தேர்வில்லாத வேலை – முழு விவரங்களுடன் || விண்ணப்பிக்கலாம் வாங்க!

Goalkeepers, Defenders, Midfielders, Forwards பணிக்கென காலியாக உள்ள காலிப்பணியிடங்களை நிரப்புவது குறித்த அறிவிப்பை Union Bank of India ஆனது சமீபத்தில் வெளியிட்டது. இப்பணிக்கென காலியாக உள்ள 11 பணியிடங்கள் நிரப்ப உள்ளதாக தெரிவிக்கப்பட்டுள்ளது. தேர்வாகும் தகுதியானவர்களுக்கு ரூ.10,000/- மாத ஊதியமாக (உதவித்தொகை) வழங்கப்படும். விருப்பமுள்ளவர்கள் இறுதி நாள் முடிவதற்குள் விண்ணப்பித்து பயனடையுமாறு அறிவுறுத்தப்படுகிறார்கள்.

வேலைவாய்ப்பு விவரங்கள்:

• தற்போது வெளியாகியுள்ள அறிவிப்பின்படி Goalkeepers, Defenders, Midfielders, Forwards பணிக்கென மொத்தம்  11 காலிப்பணியிடங்கள் ஒதுக்கப்பட்டுள்ளது.

• International/ National/ State level tournaments-ல் கலந்து கொண்ட விண்ணப்பதாரர்களின் விண்ணப்பங்கள் வரவேற்கப்படுகிறது.
• 16 வயது பூர்த்தியான 25 வயதுக்கு உட்பட்டவர்கள் இப்பணிக்கு விண்ணப்பிக்கலாம்.
• இப்பணிக்கென தேர்வு செய்யப்படும் விண்ணப்பதாரர்களுக்கு ரூ.10,000/- மாத ஊதியமாக (உதவித்தொகை) வழங்கப்படும்.

• விண்ணப்பதாரர்கள் Past Performance, Selection Trials மற்றும் Trials Match மூலம் தேர்வு செய்யப்படுவார்கள்.

விண்ணப்பிக்கும் முறை:

ஆர்வமுள்ள மற்றும் தகுதியான விண்ணப்பதாரர்கள் அதிகாரபூர்வ தளத்தில் விண்ணப்ப படிவம் பெற்று பூர்த்தி செய்து 15.04.2023ம் தேதிக்குள் ஆன்லைன் மூலம் விண்ணப்பிக்குமாறு அறிவுறுத்தப்பட்டிருந்தது. தற்போது அதற்கான கால அவகாசம் நாளையுடன் முடியவுள்ளது விண்ணப்பதாரர்கள் விரைந்து விண்ணப்பிக்குமாறு அறிவுறுத்தப்படுகிறார்கள்.

Download Notification PDF 

 Click here for latest employment news

 Click here to join WhatsApp group for Daily employment news

 மதுரை அரசு இராசாசி மருத்துவமனையில்‌ காலியாக உள்ள ஒப்பந்த செவிலியர் பணியிடங்களை நிரப்ப புதிய வேலைவாய்ப்பு அறிவிப்பு தற்போது வெளியாகி உள்ளது. இப்பணிக்கு விண்ணப்பிக்க விரும்பும் ஆர்வமுள்ளவர்கள் 25.04.2023 அன்று மாலை 05.45 மணிக்குள்‌ தங்களுடைய புகைப்படத்துடன்‌ கூடிய விண்ணப்பம்‌ மற்றும்‌ தகுதி சான்றுகளுடன்‌ விண்ணப்பிக்குமாறு கேட்டுக்‌ கொள்ளப்படுகிறது.

இராசாசி மருத்துவமனை காலிப்பணியிடங்கள்:

ஒப்பந்த செவிலியர் பதவிக்கு என 14 பணியிடங்கள் காலியாக உள்ளன.

செவிலியர் வயது வரம்பு:

விண்ணப்பிக்க விரும்பும் ஆர்வமுள்ளவர்கள் வயதானது அதிகபட்சம் 50 க்குள் இருக்க வேண்டும். மேலும் வயது தளர்வு பற்றிய விவரங்களுக்கு அதிகாரப்பூர்வ அறிவிப்பை அணுகவும்.

கல்வி தகுதி:

செவிலியர்‌ பட்டய படிப்பு (DGNM) அல்லது இளங்கலை செவிலியர்‌ பட்டம்‌ தேர்ச்சி பெற்றிருக்க வேண்டும்.
இளங்கலை செவிலியர்‌ பட்டம்‌ மற்றும்‌ தமிழ்நாடு செவிலியம்‌ மற்றும்‌ தாதியம்‌ குழுமத்தில்‌ பதிவு செய்யப்பட்ட ஒருங்கிணைந்த பாடத்திட்டம் முடித்திருக்க வேண்டும்.

விண்ணப்பிக்கும் முறை:

தகுதியும் திறமையும் உள்ள ஆர்வமுள்ளவர்கள் அதிகாரப்பூர்வ அறிவிப்பில் வழங்கப்பட்டுள்ள விண்ணப்ப படிவத்தை பூர்த்தி செய்து 25.04.2023 க்குள் விண்ணப்பிக்குமாறு கேட்டுக்கொள்ளப்படுகிறது.

Download Notification 2023 Pdf

 HDB Financial-ல் Degree தேர்ச்சி பெற்றவர்களுக்கான சூப்பர் வேலைவாய்ப்பு – நேர்காணல் மூலம் தேர்வு!

HDB Financial Service நிறுவனம் ஆனது வேலைவாய்ப்பு குறித்த புதிய அறிவிப்பு ஒன்றை தற்போது வெளியிட்டுள்ளது. இதில் காலியாக உள்ள Senior Sales Officer பணிக்கான காலிப்பணியிடங்கள் நிரப்ப உள்ளதாக குறிப்பிடப்பட்டுள்ளது. தகுதியான விண்ணப்பதாரர்கள் நேர்காணல் மூலம் தேர்வு செய்யப்படுவார்கள் என தெரிவிக்கப்பட்டுள்ளது. இந்த பணி குறித்த முழு விவரங்களையும் கீழே தொகுத்து வழங்கியுள்ளோம். விருப்பமுள்ளவர்கள் இறுதி நாள் முடிவதற்குள் விண்ணப்பித்து பயனடையலாம்.

HDBF காலிப்பணியிடங்கள்:

தற்போது வெளியாகியுள்ள அறிவிப்பின் படி Senior Sales Officer பணிக்கென காலியாக உள்ள 10 காலிப்பணியிடங்கள் நிரப்ப உள்ளதாக தெரிவிக்கப்பட்டுள்ளது.

Senior Sales Officer கல்வி தகுதி:

விண்ணப்பதாரர்கள் அங்கீகாரம் பெற்ற பல்கலைக்கழகத்தில் அல்லது கல்வி நிலையத்தில் ஏதேனும் ஒரு டிகிரி தேர்ச்சி பெற்றிருக்க வேண்டும்.

HDBF வயது வரம்பு:

வயது வரம்பு குறித்த விவரங்களுக்கு அதிகாரபூர்வ அறிவிப்பை பார்வையிடவும்.

Senior Sales Officer முன் அனுபவம்:

விண்ணப்பதாரர்கள் சம்பந்தப்பட்ட துறையில் 3 ஆண்டு கால முன் அனுபவம் கொண்டிருக்க வேண்டும்.

HDBF ஊதிய விவரம்:

தேர்வாகும் தகுதியானவர்களுக்கு HDB Financial Service- நிபந்தனைகளின்படி ஊதியம் வழங்கப்படும்.

Senior Sales Officer தேர்வு செய்யப்படும் முறை:

தகுதியான விண்ணப்பதாரர்கள் நேர்காணல் மூலம் தேர்வு செய்யப்படுவார்கள் என தெரிவிக்கப்பட்டுள்ளது.

விண்ணப்பிக்கும் முறை:

ஆர்வமுள்ள மற்றும் தகுதியான விண்ணப்பதாரர்கள் அதிகாரபூர்வ தளத்தில் விண்ணப்ப படிவம் பெற்று பூர்த்தி செய்து போதிய ஆவணங்களுடன் 17.04.2023 முதல் 30.04.2023ம் தேதிக்குள் நேர்காணலில் கலந்துகொண்டு பயனடையவும்.

Download Notification PDF

 Click here for latest employment news

 Click here to join WhatsApp group for Daily employment news

BEL நிறுவனத்தில் Degree முடித்தவர்களுக்கான வேலைவாய்ப்பு – விண்ணப்பிக்க இறுதி வாய்ப்பு!

BEL என்னும் Bharat Electronics Limited ஆனது வேலைவாய்ப்பு குறித்த அறிவிப்பு ஒன்றை சில நாட்களுக்கு முன் வெளியிட்டது. இந்த அறிவிப்பில் Trainee Officer – I, Project Officer – I, Security Officer ஆகிய பணிகளுக்கு என ஒதுக்கப்பட்டுள்ள காலிப்பணியிடங்கள் நிரப்பப்பட உள்ளதாக தெரிவிக்கப்பட்டுள்ளது. இப்பணிகளுக்கு விண்ணப்பிக்க வழங்கப்பட்ட கால அவகாசம் நாளையுடன் (15.04.2023) முடிய உள்ளதால் இப்பணிகளுக்கு விண்ணப்பிக்க ஆர்வமுள்ள நபர்கள் கொடுக்கப்பட்டுள்ள கால நேரத்திற்குள் விண்ணப்பித்து பயன் பெறுமாறு கேட்டு கொள்ளப்படுகிறார்கள்.

BEL நிறுவன வேலைவாய்ப்பு குறித்த விவரங்கள்:

தற்போது வெளியான அறிவிப்பின் மூலம் BEL, நிறுவனத்தில் Trainee Officer – I, Project Officer – I, Security Officer ஆகிய பணிகளுக்கு என மொத்தமாக 05 பணியிடங்கள் காலியாக இருப்பதாக அறிய முடிகிறது. இப்பணிகளுக்கு அரசு அல்லது அரசு அனுமதி பெற்ற கல்வி வாரியங்களில் Graduate Degree, MA, Post Graduate Degree முடித்த நபர்களின் விண்ணப்பங்கள் தற்போது வரவேற்கப்பட்டு வருகிறது. மேலும் Project Officer – I பணிக்கு விண்ணப்பிக்க ஆர்வமுள்ள நபர்கள் 02 ஆண்டுகள் அனுபவம் உள்ளவராகவும் இருக்கலாம் என கூறப்பட்டுள்ளது.

Trainee Officer கல்வி தகுதி:

அரசு அல்லது அரசு அனுமதி பெற்று இயங்கும் பல்கலைக்கழகத்தில் MA (Hindi) / PG with proficiency in Hindi தேர்ச்சி பெற்றவர்கள் இப்பணிக்கு தகுதியானவர்கள்.

BEL வயது வரம்பு:

விண்ணப்பதாரர்களின் அதிகபட்ச வயதானது 28 மற்றும் 32 என நிர்ணயிக்கப்பட்டுள்ளது.

Trainee Officer ஊதிய விவரம்:

Trainee Officer – I

• 1st Year – ரூ.30,000/-
• 2nd Year – ரூ.35,000/-

Project Officer- I

• 1st Year – ரூ.40,000/-
• 2nd Year – ரூ.45,000/-
• 3rd Year – ரூ.50,000/-

BEL தேர்வு செய்யப்படும் முறை:

தகுதியான விண்ணப்பதாரர்கள் எழுத்து தேர்வு மற்றும் நேர்காணல் மூலம் தேர்வு செய்யப்படுவார்கள் என தெரிவிக்கப்பட்டுள்ளது.

விண்ணப்பிக்கும் முறை:

ஆர்வமுள்ள மற்றும் தகுதியான விண்ணப்பதாரர்கள் அதிகாரபூர்வ தளத்தில் விண்ணப்ப படிவம் பெற்று பூர்த்தி செய்து அதிகாரபூர்வ முகவரிக்கு அனுப்பி விண்ணப்பிக்குமாறு அறிவுறுத்தப்படுகிறார்கள். 15.04.2023ம் தேதிக்கு பின் பெறப்படும் விண்ணப்பங்கள் ஏற்றுக்கொள்ளப்படாது.

Download Notification PDF 

  Click here for latest employment news

 Click here to join WhatsApp group for Daily employment news

Indigo Airlines-ல் Assistant Manager காலிப்பணியிடங்கள் – ஆன்லைன் விண்ணப்பங்கள் வரவேற்பு!

Assistant Manager, Officer/Executive பணிக்கான காலிப்பணியிடங்களை நிரப்புவது குறித்த புதிய அறிவிப்பு ஒன்றை Indigo Airlines தற்போது வெளியிட்டுள்ளது. இப்பணிக்கென பல்வேறு காலிப்பணியிடங்கள் ஒதுக்கப்பட்டுள்ளதாக தெரிவிக்கப்பட்டுள்ளது. தகுதியானவர்களின் விண்ணப்பங்கள் வரவேற்கப்படுகிறது. விருப்பமுள்ளவர்கள் இறுதி நாள் முடிவதற்குள் விண்ணப்பித்து பயனடையுமாறு அறிவுறுத்தப்படுகிறார்கள்.

Indigo Airlines காலிப்பணியிடங்கள்:

Assistant Manager, Officer/Executive பணிக்கென பல்வேறு காலியிடங்கள் ஒதுக்கப்பட்டுள்ளதாக தெரிவிக்கப்பட்டுள்ளது

Assistant Manager கல்வி தகுதி:

அங்கீகாரம் பெற்ற பல்கலைக்கழகத்தில் அல்லது கல்வி நிலையத்தில் Degree, B.Tech தேர்ச்சி பெற்ற விண்ணப்பதாரர்கள் இப்பணிக்கு விண்ணப்பிக்கலாம்.

Indigo Airlines வயது வரம்பு:

வயது வரம்பு குறித்த விவரங்களுக்கு அதிகாரபூர்வ அறிவிப்பை பார்வையிடவும்.

Assistant Manager முன் அனுபவம்:

சம்பந்தப்பட்ட துறையில் 8 ஆண்டு வரை முன் அனுபவம் கொண்டவர்கள் இப்பணிக்கு விண்ணப்பிக்கலாம்.

Indigo Airlines ஊதிய விவரம்:

தேர்வாகும் தகுதியானவர்களுக்கு Indigo Airlines-ன் நிபந்தனைகளின்படி மாத ஊதியம் வழங்கப்படும்.

Assistant Manager தேர்வு செய்யப்படும் முறை:

தகுதியான விண்ணப்பதாரர்கள் நேர்காணல் மூலம் தேர்வு செய்யப்படுவார்கள் என தெரிவிக்கப்பட்டுள்ளது.

விண்ணப்பிக்கும் முறை:

ஆர்வமுள்ள மற்றும் தகுதியான விண்ணப்பதாரர்கள் அதிகாரபூர்வ தளத்தில் விண்ணப்ப படிவம் பெற்று பூர்த்தி செய்து ஆன்லைன் மூலம் விண்ணப்பிக்குமாறு அறிவுறுத்தப்படுகிறார்கள்.

 Click here for latest employment news

 Click here to join WhatsApp group for Daily employment news