Agri Info

 குறு, சிறு மற்றும் நடுத்தர தொழில் நிறுவனங்களின் துறை கொள்கை 2008ன் கீழ் படித்த வேலை வாய்ப்பற்ற இளைஞர்களுக்கும், சமூகத்தில் பின்தங்கியுள்ள மக்களுக்கும் வேலை வாய்ப்பு உருவாக்கும் நோக்குடன் படித்த வேலை வாய்ப்பற்ற இளைஞர்களுக்கு வேலைவாய்ப்பு உருவாக்கும் திட்டம் மாவட்டத் தொழில் மையத்தின் மூலம் செயல்படுத்தப்பட்டு வருகிறது.

இத்திட்டத்தின் கீழ் பயன்பெற குறைந்தபட்சம் எட்டாம் வகுப்பு தேர்ச்சி பெற்றிருத்தல் வேண்டும். 18 - 45 வயதுக்கு மிகாமலும் இருத்தல் வேண்டும். மேலும் தாழ்த்தப்பட்டோர், பழங்குடியினர், மிகவும் பிற்படுத்தப்பட்டோர், பிற்படுத்தப்பட்டோர், சிறுபான்மையினர், முன்னாள் இராணவத்தினர், மாற்றுத் திறனாளிகள் மற்றும் திருநங்கைகள் ஆகியோருக்கு 55 வயதுக்கு மிகாமலும் இருக்கவேண்டும். விண்ணப்பதாரரின் ஆண்டு குடும்ப வருமானம் 5லட்சம் ரூபாய்க்கு மிகாமல் இருக்கவேண்டும்.

விண்ணப்பதாரர் திருவாரூர் மாவட்டத்தில் 3 ஆண்டுகளுக்கு குறையாமல் வசிப்பவராக இருத்தல் வேண்டும். இத்திட்டத்தின் கீழ் வியாபாரம் சார்ந்த தொழில்களுக்கு அதிகபட்சமாகரூ.15 இலட்சம் வரை வங்கிகள் மூலமாக வழங்கப்படும் கடன் உதவிக்கு 25 சதவீதம் அல்லது அதிகபட்சமானியம் ரூ.3.75 இலட்சம் மானியமாக பெற்று பயன் பெறலாம்.

படித்த வேலைவாய்ப்பற்ற இளைஞர்களுக்கான வேலைவாய்ப்பு உருவாக்கும் திட்டத்தின் கீழ் தொழில் துவங்க www.msmeonline.tn.gov.in/uyegp என்ற இணையதளத்தில் விண்ணப்பித்து பயன்பெறுமாறு கேட்டுக்கொள்ளப்படுகிறது. மேலும் விவரங்களுக்கு மாவட்ட பெருந்திட்ட வளாகம், விளமல், திருவாரூர் 610004 (தொலைபேசி எண்: 04366-224402) என்ற முகவரியில் உள்ள மாவட்ட தொழில் மைய அலுவலகத்தினை தொடர்பு கொள்ளுமாறு திருவாரூர் மாவட்ட ஆட்சியர் தி.சாருஶ்ரீ தெரிவித்துள்ளார்.

Click here for latest employment news

 Click here to join WhatsApp group for Daily employment news

 ஸ்டேட் பேங்க் ஆஃப் இந்தியா வேலை அனைத்து மையப்படுத்தப்பட்ட வங்கி வேலைகளிலும் சிறந்ததாகக் கருதப்படுகிறது. இந்த வங்கியில் ப்ரோபேஷனரி ஆபீசர் வேலை கிடைக்க வேண்டும் என்ற எண்ணம் இளைஞர்கள் மத்தியில் எப்போதும் இருந்து வருகிறது.

தற்போது, எஸ்பிஐ வங்கியானது 2,000 PO பதவிகளுக்கான ஆட்சேர்ப்புக்கான அறிவிப்பையும் வெளியிட்டுள்ளது. இந்தப் பணியிடங்களுக்கு விண்ணப்பிக்க இன்னும் 2 நாட்கள் மட்டுமே உள்ளன. இதுவரை விண்ணப்பிக்காத விண்ணப்பதாரர்கள் அதிகாரப்பூர்வ இணையதளம் மூலம் செப்டம்பர் 27 அல்லது அதற்கு முன் விண்ணப்பிக்கலாம்.

இந்தப் பதவிகளுக்கான இறுதித் தேர்வு, இரண்டாம் கட்டம் (முதன்மைத் தேர்வு) மற்றும் மூன்றாம் கட்டம் (நேர்காணல் மற்றும் குழுப் பயிற்சி) சுற்றுகளில் பெற்ற மதிப்பெண்களின் அடிப்படையில் இருக்கும். தேர்வில் தேர்ச்சி பெறுபவர்கள் 36000-1490/7-46430-1740/2-49910-1990/7-63840 என்ற அளவில் ரூ.41,960 சம்பளத்தில் புரொபேஷனரி அதிகாரி அல்லது மேனேஜ்மெண்ட் டிரெய்னி ஆக சேர்க்கப்படுவார்கள்.

விண்ணப்பிக்க வேண்டிய தகுதிகள் என்ன?

எஸ்பிஐ பிஓ பதவிக்கு விண்ணப்பிக்கும் விண்ணப்பதாரர்கள் ஏதேனும் ஒரு பிரிவில் பட்டதாரி பட்டம் பெற்றிருக்க வேண்டும் அல்லது அங்கீகரிக்கப்பட்ட பல்கலைக்கழகத்தில் அதற்கு சமமான தகுதி பெற்றிருக்க வேண்டும். பட்டப்படிப்பின் இறுதியாண்டு படிப்பவர்களும், டிசம்பர் 31, 2023க்குள் பட்டப்படிப்பை முடித்ததற்கான சான்றிதழை சமர்ப்பித்தால், தற்காலிகமாக விண்ணப்பிக்கலாம்.

வயது வரம்பு

எஸ்பிஐ-யில் பிஓ ஆக விண்ணப்பிப்பவர்கள் ஏப்ரல் 1, 2023 அன்று 21 முதல் 30 வயதுக்குள் இருக்க வேண்டும்.

விண்ணப்பிக்கும் விவரம்

SBI PO Recruitment 2023 Notification

SBI PO Recruitment 2023 link to apply

SBI PO க்கு செலுத்த வேண்டிய விண்ணப்பக் கட்டணம்:

பொது பிரிவு/EWS/OBC பிரிவைச் சேர்ந்த விண்ணப்பதாரர்கள் விண்ணப்பக் கட்டணமாக ரூ.750 செலுத்த வேண்டும். SC/ST/PWBD விண்ணப்பதாரர்களுக்கு எந்தவொரு விண்ணப்பக் கட்டணமும் செலுத்துவதில் இருந்து விலக்கு அளிக்கப்படுகிறது. ஒருமுறை செலுத்திய விண்ணப்பக் கட்டணம் எந்தக் கணக்கிற்கும் திருப்பித் தரப்படாது அல்லது வேறு எந்தத் தேர்வுக்கும் ஒதுக்க முடியாது என்பது குறிப்பிடத்தக்கது.

Click here for latest employment news

 Click here to join WhatsApp group for Daily employment news

கோயம்புத்தூா் மாவட்ட ஊரக வளா்ச்சி மற்றும் ஊராட்சி அலகு, மதுக்கரை ஊராட்சி ஒன்றிய பொது நிதியின் கீழ் ஊதியம் வழங்கப்படும் பணியிடங்களில் காலியாக உள்ள ஜீப்  ஓட்டுநா் பணியிடத்திற்கு விண்ணப்பங்கள் வரவேற்கப்படுகின்றன. ஆர்வமும், தகுதியும் உள்ளவர்கள் எதிர்வரும் 9.10.2023 அன்று பிற்பகல் 5.45 மணிக்குள் விண்ணப்பிக்குமாறு கேட்டுக் கொள்ளப்படுகின்றனர்.

நிபந்தனைகள்:

• தகுதியான விண்ணப்பதாரா்கள் தங்களது விண்ணப்பத்தினை https://coimbatore.nic.in இணையதளத்தில் உள்ள விண்ணப்பப் படிவத்தினை பதிவிறக்கும் செய்து பூா்த்தி செய்து அனுப்ப வேண்டும்.
• இனசுழற்சி அடிப்படையில் ஆதிதிராவிடா் (முன்னுரிமை அடிப்படையில் அருந்ததியினா் ) இந்த பதவிக்கு விண்ணப்பிக்க வேண்டும். பெண்கள் – ஆதரவற்ற விதவை இதற்கு விண்ணப்பிக்கலாம்.
• இணையதளத்தில் பதிவிறக்கம் செய்யப்பட்ட விண்ணப்பத்தினை ஆணையாளா், ஊராட்சி ஒன்றியம், மதுக்கரை என்ற முகவரிக்கு நேரிலோ அல்லது தபால் மூலமாகவோ 09.10.2023 அன்று பிற்பகல் 5.45 மணிக்குள் அலுவலகத்திற்கு வந்தடையும் வகையில் அனுப்ப வேண்டும்.
• இணையதளத்தில் பதிவிறக்கம் செய்யப்பட்ட விண்ணப்ப படிவத்தில் உள்ளவாறு விபரங்கள் முழுமையாக பூா்த்தி செய்து அனுப்ப வேண்டும்.
• முழுமையாக பூா்த்தி செய்யப்படாத விண்ணப்பங்கள் கண்டிப்பாக நிராகரிக்கப்படும்.
• தகுதியில்லாத விண்ணப்பங்கள் நிராகரிக்கப்படும்.
• காலதாமதமாக வரும் விண்ணப்பங்கள் எக்காரணம் கொண்டும் பரிசீலிக்கப்படமாட்டாது.
• எந்த ஒரு விண்ணப்பத்தையும் நிராகரிக்கும் அதிகாரம் நிர்வாகத்திற்கு உண்டு என்று தெரிவிக்கப்பட்டுள்ளது
• 
  

Click here for latest employment news

 Click here to join WhatsApp group for Daily employment news

 திருநெல்வேலி மாவட்ட ஊர்க்காவல் படைப்பிரிவில் சேர்ந்து சேவை செய்வதற்காக திருநெல்வேலி மாவட்டத்தில் இருந்து நபர்கள் தேர்வு செய்யப்பட உள்ளார்கள். ஊர்க்காவல் படைப்பிரிவில் சேர்ந்து சேவை செய்ய விரும்பும் நபர்கள் 18 வயது முடிந்தவராகவும் 45 வயதுக்கு உட்பட்டவராகவும் இருத்தல் வேண்டும். குறைந்தபட்ச கல்வி தகுதி 10ம் வகுப்பு படித்திருக்க வேண்டும். அரசு துறைகளில் பணிபுரிவர்களாகவோ அல்லது சுயதொழில் செய்பவர்களாகவோ இருக்கலாம்.

தேர்ந்தெடுக்கப்படும் ஊர்க் காவல்படை ஆளிநர்களுக்கு காவல்துறையினரால் 45 வேலை நாட்கள் அடிப்படை பயிற்சி வழங்கப்படும். அதன் பின்னர் சேவைபுரியும் காலத்தில் அழைப்பு பணி ஒன்றுக்கு ரூபாய் 280/- மட்டுமே சன்மானமாக வழங்கப்படும். அதிகபட்சமாக மாதத்திற்கு 10 அழைப்பு பணிகள் மட்டும் தான்.

இப்பிரிவில் வேலை செய்ய விருப்பமுள்ளவர்கள் (BIODATA) பயோடேட்டா கல்வி மற்றும் வயது சான்றின் நகல்கள், 2 பாஸ்போர்ட் அளவு புகைப்படம் மற்றும் சுயமுகவரி குறிப்பிட்ட அஞ்சல் அட்டையுடன் விருப்ப மனுவினையும் 27.09.2023 ஆம் தேதிக்குள் பாளையங்கோட்டையில் அமைந்துள்ள திருநெல்வேலி மாவட்ட ஆயுதப்படை காவல் துணை கண்காணிப்பாளர் அவர்களது அலுவலகத்தில் நேரடியாகவோ அல்லது தபால் மூலமாகவோ சமர்ப்பிக்குமாறு திருநெல்வேலி மாவட்ட காவல் கண்காணிப்பாளர் சிலம்பரசன் தெரிவித்துள்ளார்.

Click here for latest employment news

 Click here to join WhatsApp group for Daily employment news

 நாட்டின் மிகப்பெரிய பொதுத் துறை வங்கி நிறுவனமான பாரத ஸ்டேட் வங்கி தனது மும்பை அலுவலகத்தில் காலியாக  உள்ள  பல்வேறு காலிப்பணியிடங்களுக்கான ஆட்சேர்க்கை அறிவிப்பை வெளியிட்டுள்ளது. இந்த ஆட்சேர்ப்பின் மூலம்  439 காலிப்பணியிடங்கள் நிரப்பப்பட உள்ளன. இதில், பொதுப் பிரிவினருக்கு 240 இடங்களும் , ஓபிசி பிரிவினருக்கு 94 இடங்களும், பொருளாதாரத்தில் பின்தங்கிய பிரிவைச் சேர்ந்தவருக்கு 30 இடங்களும் , 53 இடங்கள் பட்டியல் இனத்தை சேர்ந்தவருக்கும், 22 இடங்கள் பட்டியல் பழங்குடியினருக்கும் ஒதுக்கப்பட்டுள்ளன.

கல்வித் தகுதி: கணினி அறிவியல்/  தகவல் தொழில்நுட்பம் / மின்னணுவியல்/ மின்னணுவியல் மற்றும் தகவல் தொடர்பு பொறியியல்/ மென்பொருட் பொறியியல் அல்லது அதற்கு சமமான துறைகளில் பி.இ. / பி.டெக் அல்லது எம்சிஏ. அல்லது எம்.டெக்/எம்.எஸ்சி பட்டம் பெற்றவர்கள் இதற்கு விண்ணப்பிக்கலாம்.

மொத்த 45 பதவி வகைமையின் கீழ் காலிப்பணியிடங்கள் நிரப்பப்பட உள்ளது. ஒவ்வொரு காலியிடங்களுக்கான வயது வரம்பு, கல்வித் தகுதி, பதவி முன்னனுபவம், தேர்வு முறை, விண்ணப்பிக்கும் முறை ஆகியவை பணியாளர் தேர்வு அறிவிப்பில் (ரெக்ரூட்மெண்ட் நோட்டிஸ்) தெளிவாக கொடுக்கப்பட்டுள்ளன.   எனவே, விண்ணப்பிக்க விரும்புவோர், ஆள்சேர்க்கை அறிவிக்கையை பதிவிறக்கம் செய்து கவனமாக வாசிக்குமாறு கேட்டுக் கொள்ளப்படுகின்றனர்.     

முக்கியமான தேதிகள் : ஆன்லைன் எழுத்துத் தேர்வானது  2023 டிசம்பர்/ 2024 ஜனவரி மாதத்திலும் நடைபெறும் என்று அறிவிக்கப்பட்டுள்ளது. இதில், தகுதி பெறும் விண்ணப்பதாரர்கள் நேர்காணல் தேர்வுக்கு அழைக்கப்படுவார்கள். எழுத்துத் தேர்வுக்கு 70 சதவிகித விழுக்காடு மதிப்பெண்களும், நேர்காணல் தேர்வுக்கு 30 சதவிகித விழுக்காடு மதிப்பெண்களும் எடுத்துக் கொண்டு இறுதி மதிப்பெண் பட்டியல் தயாரிக்கப்படும்.

விண்ணப்பக் கட்டணம் : இதற்கான விண்ணப்பக் கட்டணம் ரூ .750/- ஆகும். பட்டியலின, பழங்குடியின, மாற்றுத் திறனாளிகள் விண்ணப்பக் கட்டணம் செலுத்துவதில் இருந்து விலக்கு அளிக்கப்பட்டுள்ளது.

விண்ணப்பம் செய்வது எப்படி : இதற்கான விண்ணப்பங்களை பாரத ஸ்டேட் வங்கியின் https://bank.sbi/web/careers/current-openings OR https://www.sbi.co.in/web/careers/current-openings என்ற அதிகாரப்பூர்வ   இணையதளம் மூலம் ஆன்லைனில் மட்டும் சமர்ப்பிக்க வேண்டும்

அடுத்து நீங்கள் விண்ணப்பிக்க விரும்பும் பதவியை தேர்ந்தெடுத்து பதிவு செய்யவும். பிறகு விண்ணப்பப் படிவத்தில் தேவையான விவரங்களை நிரப்பவும். விண்ணப்பக் கட்டணத்தைச் செலுத்திய பிறகு, அந்த பக்கத்தை சமர்ப்பிக்கவும். எதிர்கால பயன்பாட்டிற்காக இந்த படிவத்தின் நகலை எடுத்து வைத்து கொள்ளவும்.

Click here for latest employment news

 Click here to join WhatsApp group for Daily employment news

 தமிழ்நாட்டில் உள்ள இந்து திருக்கோயில்களை அறநிலையத் துறை நிர்வகித்து வருகிறது. அற நிலையத் துறை கட்டுப்பாட்டின் கீழ் 46,020 இந்து சமய மற்றும் சமண சமய திருக்கோயில்கள் உள்ளன. இந்த திருக்கோயில்களில் ஏற்படும் காலிப்பணியிடங்களுக்கு அவ்வப்போது ஆட்சேர்க்கை அறிவிப்பு வெளியிடப்படுகிறது.

அந்த வகையில்,  திருச்சி நகரிலிருந்து 15 கி.மீ தொலைவில் அமைந்துள்ள  சமயபுரம் மாரியம்மன் திருக்கோயிலில் காலியாக உள்ள பல்வேறு பணியிடங்களுக்கான சேர்க்கை அறிவிப்பு வெளியிடப்பட்டுளளது. ஆர்வமும், தகுதியும் உள்ளவர்கள் இதற்கு விண்ணப்பிக்கலாம் என்று தெரிவிக்கப்பட்டுள்ளது. பூர்த்தி செய்யப்பட்ட விண்ணப்பங்கள் பதிவஞ்சல் மூலம் வந்து சேர வேண்டிய கடைசி நாள் 25.10.2023 மாலை 05.45 மணி வரை ஆகும்.

இந்த பதவிக்கு விண்ணப்பிக்க விரும்பும் விண்ணப்பதாரர்கள் கீழ்காணும் நிபந்தனைகளை பூர்த்தி செய்ய வேண்டும்:

விண்ணப்பதாரர்கள் இந்து மதத்தைச் சார்ந்தவராக இருக்க வேண்டும்;

விண்ணப்பதாரர் 01.07.2023-ம் தேதி அன்று, 18 வயது பூர்த்தி அடைந்தவராகவும், 45 வயது மேற்படாதவராகவும் இருத்தல் வேண்டும்;

ஒன்றுக்கும் மேற்பட்ட பதவிக்கு விண்ணப்பிக்க விரும்புவோர், அந்தந்த பதவிக்கு தனித்தனியாக விண்ணப்பிக்க வேண்டும்;

விண்ணப்பத்துடன் முகவரிச் சான்று, பிறந்தநாள் குறித்த சான்று, சாதிச் சான்று நகல், கல்வித் தகுதிக்கான சான்றிதல்களின் நகல், அரசு மருத்துவரிடமிருந்த பெறப்பட்ட உடற்தகுதி சான்றிதழ், குற்றவழக்கு ஏதும் இல்லை என்பதற்கான காவல்துறை சான்றிதழ், ஆதார், வாக்காளர் அடையாள அட்டை, குடும்ப அட்டை போன்ற பிற ஆவணங்களையும் சேர்த்து அனுப்பப்பட வேண்டும்;

திருக்கோயிலால் வெளியிடப்பட்டுள்ள மாதிரி விண்ணப்பப் படிவத்தில் மட்டுமே விண்ணப்பிக்க வேண்டும். இதர நிபந்தனைகளை திருக்கோயில் அலுவலகத்திலும் அல்லது www.tnhrce.gov.in மற்றும் samayapurammariamman.hrce.tn.gov.in என்ற இணையதளங்களிலும் அறிந்து கொள்ளலாம். மேலும் விண்ணப்பங்களை மேற்படி இணையதளங்களில் பதிவிறக்கம் செய்து கொள்ளலாம்.

பூர்த்தி செய்யப்பட்ட விண்ணப்பங்களை உரிய சான்றுகளுடன் அஞ்சல் உறையில், விண்ணப்பிக்கும் பதவியைத் தெளிவாக குறிப்பிட்டு உதவி ஆணையர்/செயல் அலுவலர், அருள்மிகு மாரியம்மன் திருக்கோயில், சமயபுரம், மண்ணச்சநல்லூர் வட்டம்,   திருச்சிராப்பள்ளி மாவட்டம், 621- 112. தொலைபேசி எண் : 04312670460 என்ற முகவரிக்கு நேரிலோ அஞ்சல் மூலமாகவோ அனுப்ப வேண்டும். மேலும் ரூ.25/- மதிப்புள்ள தபால் தலை ஒட்டி அனுப்ப வேண்டும். வேலைவாய்ப்பு அறிக்கையை பதிவிறக்கம் செய்ய இந்தஇணைப்பைக் கிளிக் செய்ய வேண்டும்.

Click here for latest employment news

 Click here to join WhatsApp group for Daily employment news

 விருதுநகர் மாவட்ட சுகாதார சங்கத்தில் காலியாக உள்ள பல் மருத்துவர்/பல்மருத்துவ உதவியாளர்/திட்ட மற்றும் நிர்வாக உதவியாளர் பணியிடங்களை நிரப்புவதற்கான அறிவிப்பு வெளியாகியுள்ளது. ஆர்வமும், தகுதியும் உள்ளவர்கள் எதிர்வரும் 29ம் தேதிக்குள் விண்ணப்பிக்குமாறு கேட்டுக் கொள்ளப்படுகின்றனர்.

காலியிடங்கள் விவரங்கள்:

நிபந்தனைகள்:

1. இந்த பதவி முற்றிலும் தற்காலிகமானது.

2. எந்த ஒரு காலத்திலும் பணி நிரந்தரம் செய்யப்படமாட்டாது.

3. பணியில் சேருவதற்கான சுய விருப்ப ஒப்புதல் கடிதம் (Under Taking) அளிக்க வேண்டும்.

விண்ணப்பம் அனுப்ப வேண்டிய முகவரி:

நிர்வாக செயலாளர்/துணை இயக்குநர் சுகாதாரப் பணிகள் மாவட்ட நலவாழ்வு சங்கம்,

துணை இயக்குநர் சுகாதாரப் பணிகள் அலுவலகம்,

மாவட்ட ஆட்சியர் வாளகம்,

விருதுநகர் மாவட்டம்-626001.

இதர விவரங்கள்:

1. விண்ணப்பங்கள் நேரிலோ/விரைவு தபால் (SpeedPost) மின்னஞ்சல் மூலமாகவோ வரவேற்கப்படுகின்றன

2. விண்ணப்ப படிவங்கள் http://virudhunagar.nic.in என்ற இணையதளத்தில் பதிவிறக்கம் செய்துகொள்ளலாம். மேலும், அருகிலுள்ள மாவட்ட துணை இயக்குநர் சுகாதாரப் பணிகள் அலுவலகம் மற்றும் வட்டார சுகாதார நிலைங்களிலும் பெற்றுக்கொள்ளலாம்.

2. இதற்கான, மின்னஞ்சல் முகவரி vnrnhm@gmail.com

4. மேற்குறிப்பிட்ட பதவிகளின் எண்ணிக்கை மாறுதலுக்குட்பட்டது.

5.திட்ட மற்றும் நிர்வாக உதவியாளர்(Program, cum Administrative Assistants) பதவிக்கு வயது வரம்பு 45 வயதிற்குள் இருக்க வேண்டும் என்று தெரிவிக்கப்பட்டுள்ளது.

Click here for latest employment news

 Click here to join WhatsApp group for Daily employment news

தமிழ்நாடு மருத்துவ சார்நிலைப் பணிகளில் அடங்கிய மருந்து சோதனை ஆய்வுக் கூடத்தில் இளநிலை பகுப்பாய்வாளர் பணியிடங்களை நிரப்புவதற்கான அறிவிப்பை தமிழ்நாடு அரசுப் பணியாளர் தேர்வாணையம் வெளியிட்டது. ஆர்வமும், தகுதியும் உள்ளவர்கள் எதிர்வரும் அக்டோபர் மாதம் 20ம் தேதிக்குள் விண்ணப்பிக்குமாறு கேட்டுக் கொள்ளப்படுகின்றனர்.

பதவியின் பெயர்:  இளநிலை பகுப்பாய்வாளர் (Junior Analyst)

காலியிடங்களின் எண்ணிக்கை: 7

முக்கியமான நாட்கள்:

அறிவிக்கை நாள்: 21.09.2023

இணையதளம் மூலம் விண்ணப்பங்கள் சமர்ப்பிப்பதற்குரிய இறுதி நாள் : 20.10.2023

கணினி வழித்தேர்வு நடைபெறும் நாட்கள் மற்றும் நேரம்:-

எழுத்துத் தேர்வு இரண்டு தாள்களை கொண்டது.

தாள் -1  : 05.12.2023  முற்பகல் 09.30 மணி முதல் பிற்பகல் 12.30 மணி வரை.(பட்டப்படிப்பு தரம்) தாள் I-ல் மருந்தாக்கம், மருந்தியல் அறிவியல் மற்றும் வேதியியல் என ஏதேனும் ஒரு பாடப்பிரிவினை தேர்வு செய்து எழுதலால். 3 மணி நேரத்தில் 200 வினாக்களுக்கு பதிலளிக்க வேண்டும்.

தாள் -2 : 05.12.2023 பிற்பகல் 02.30 மணி முதல் பிற்பகல் 05.30 வரை

தாள் 2 இரண்டு பகுதிகளைக் கொண்டது.

பகுதி -அ: கட்டாய தமிழ்மொழி தகுதித் தேர்வு(10ம் வகுப்புத் தரம்)

பகுதி -ஆ: பொது அறிவு (பட்டப்படிப்புத் தரம்)

தாள் II-ல் பகுதி 'அ' வில் குறைந்தபட்ச மதிப்பெண் பெறாத தேர்வர்களின் தாள்-I மற்றும் தாள்-II-பகுதி 'ஆ' வின் வினாத்தாட்கள் மதிப்பீடு செய்யப்படாது.

கல்வித் தகுதி: அங்கீகரிக்கப்பட்ட பல்கலைக்கழகத்தில் Graduate in Pharmacy or Chemistry or Pharmaceutical Chemistry முடித்திருக்க வேண்டும். மருந்து சோதனை துறையில் குறைந்தது 2 ஆண்டுகள் முன்னனுபவம் கொண்டிருக்க வேண்டும்.

சம்பளம் : ரூ. 36,400 – 1,15,700

வயதுத் தகுதி: மீன்துறை ஆய்வாளர் பதவிக்கு விண்ணப்பிக்க விரும்பும் ஆதிதிராவிடர், ஆதிதிராவிடர் அருந்ததியினர், பட்டியல் பழங்குடியினர், பிற்படுத்தப்பட்டோர், பிற்படுத்தப்பட்டோர் (முஸ்லிம்), மிகவும் பிற்படுத்தப்பட்டோர், ஆதரவற்ற விதவைகள் பிரிவினருக்கு வயது வரம்பு கிடையாது. ஏனையோர் 1.07.2023 அன்று, 32 வயதினை பூர்த்தி அடைந்திருக்க கூடாது.

தேர்வு முறை: தேர்வு முறை ஒற்றை நிலையினைக் கொண்டது. கணினி வழியிலான எழுத்துத் தேர்வில் பெறும் மதிப்பெண்கள் அடிப்படையில் இறுதி மதிப்பெண் பட்டியல் தயாரிக்கப்படும்.

விண்ணப்பக் கட்டணம் :  இதற்கான கட்டணம் ரூ.100/ ஆகும். பட்டியல்/பழங்குடியினர்/ மாற்றுத் திறனாளி வகுப்பினர் விண்ணப்பக் கட்டணம் செலுத்துவதில் இருந்து விலக்கு அளிக்கப்பட்டுள்ளது.

விண்ணப்பம் செய்வது எப்படி:  இணையவழி விண்ணப்பத்தை 20.10.2023 அன்று இரவு 11:59 மணி வரை விண்ணப்பிக்க இயலும், பின்னர் அச்சேவை நிறுத்தப்படும். விண்ணப்பதாரர்கள் www.tnpsc.gov.in/, www.tnpscexams.inஆகிய இணையதளத்தின் மூலம் மட்டுமே விண்ணப்பிக்க வேண்டும்.

Click here for latest employment news

 Click here to join WhatsApp group for Daily employment news 

 பெருங்குடல் புற்றுநோய் ஆண்கள் மற்றும் பெண்களில் பொதுவாக கண்டறியப்படும் புற்றுநோய்களில் மூன்றாவது இடத்தில் இருக்கிறது. இதற்கு முக்கிய காரணம் என்ன என்பது உங்களுக்குத் தெரியுமா ? நமது பெருங்குடலில் தங்கும் உணவுகள் கழிவுகள் தான் அது. வாயை தண்ணீர் ஊற்றி சுத்தம் செய்வோம். பெருங்குடலை எப்படி சுத்தம் செய்வது என்று யோசிக்கலாம். அதே போல அது ஆரோக்கியமானதா என்றும் சிந்திக்கலாம். அதற்கான பதில்களை சொல்கிறோம்.

நாம் வாய் வழியாக சாப்பிடும் உணவு தொண்டையைத் தாண்டியதுமே செரிமான வேலை என்பது தொடங்கிவிடும். அதன் முக்கியப் பணி  பெருங்குடலில் நடக்கும். நாம் உட்கொள்ளும் தண்ணீரை உறிஞ்சுவதற்கும் கழிவுகளை அகற்றுவதற்கும் இறுதி கட்ட பொறுப்பு  பெருங்குடலுடையது. உங்கள் பெருங்குடலை நன்கு கவனித்துக்கொள்வது முக்கியம்.

ஆனால் எப்படி?

பெருங்குடல் சிகிச்சை, ஹைட்ரோ பெருங்குடல் சிகிச்சை, பெருங்குடல் நீர்  அல்லது பெருங்குடல் நச்சுத்தன்மை நீக்குதல்  என்றும் அழைக்கப்படும் பெருங்குடல் சுத்திகரிப்பு பற்றி நீங்கள் யோசித்துக்கொண்டிருக்கலாம். இந்த வகையான சிகிச்சைகள் பெரும்பாலும் நல்ல பெருங்குடல் ஆரோக்கியத்திற்கான ஒரு செயலாக்கமான அணுகுமுறையாக விளம்பரப்படுத்தப்படுகின்றன, ஆனால் உண்மையில் இதில் மருத்துவப் பயன்கள் உள்ளதா?

பெருங்குடல் சுத்திகரிப்பு, ஆயிரக்கணக்கான ஆண்டுகளுக்கு முன்னாள் இருந்து பழக்கத்தில் இருப்பது தான். முதலில் உணவு பொருட்கள் வழியாக செய்யப்பட்டு வந்தது இப்போது கொஞ்சம் ரசாயனம் மற்றும் மருத்துவ உபகரணங்கள் கொண்டு செய்யப்படுகிறது. தவறான மறுத்து அல்லது விஷம் குடித்தவர்களுக்கு எனிமா கொடுத்து வெளியே எடுப்பது ஒரு வகை.

இன்னொரு முறை:  மலக்குடலுக்குள் ஒரு குழாயைச் செருகி அதிக அளவு நீர் குழாய் வழியாக தள்ளுவர். அது பெருங்குடலில் உள்ளதை அள்ளி வெளியே இறைத்துவிடும். இதுவும் பெருங்குடலை முழுமையாக சுத்தப்படுத்த உதவும். இதை மருத்துவத்தில் சிறந்தவர்கள் தான் செய்வர்.

இதனால் நன்மைகள் என்ன?

உடலில் இருந்து நச்சுகளை அகற்றுதல், நோயெதிர்ப்பு மண்டலத்தை மேம்படுத்துதல், எடை இழப்புக்கு உதவுதல், செரிமானத்தை மேம்படுத்துதல், மனநிலையை மேம்படுத்துதல் மற்றும் பெருங்குடல் புற்றுநோயின் அபாயத்தைக் குறைத்தல் உள்ளிட்ட பல்வேறு ஆரோக்கிய நன்மைகளை இது தரும் என்கின்றனர்.

ஆனால் இந்த கூற்றுகளில் ஏதேனும் உண்மை உள்ளதா?

இந்த சிகிச்சையின் ஆரோக்கிய நன்மைகள் தரும் என்பது அறிவியல் பூர்வமாக நிரூபிக்கப்படவில்லை என்று சில மருத்துவர்கள் கூறுகின்றனர். அதனால் சிலருக்கு நன்மைகள் நடந்துள்ளது. ஆனால் இது எல்லோருக்கும் பொருந்துவதில்லை. உண்மையில், மருத்துவம் அல்லாத அமைப்பில் இந்த சிகிச்சைகளைச் செய்யும்போது உண்மையில் ஆபத்து உள்ளது.

பெருங்குடல் சுத்திகரிப்பு அபாயங்கள் என்ன?

• நீங்கள் பெருங்குடல் சுத்தப்படுத்த முயற்சிக்கும் முன் பல அபாயங்கள் உள்ளன என்பதை அறிந்துகொள்ள வேண்டும்.
• நீரிழப்பு: பெருங்குடலில் இருக்கும் அனைத்தையும் வெளியே எடுக்கும்போது, பெருங்குடலில் எலக்ட்ரோலைட் சமநிலையின்மை ஏற்படும். அதனால் நீரிழப்பு ஏற்படும்.
• அதே போல அசுத்தமான கருவிகள் உள்ளே சென்றால் அதன் மூலம் நோய்த்  தொற்று ஏற்படுவதற்கான வாய்ப்புகளும் உள்ளன. இதனால் குடல் புண் அல்லது குடல் தொற்றுகள் ஏற்படலாம்.

• பெருங்குடல் ஆரோக்கியத்தை மேம்படுத்தும் சில நிரூபிக்கப்பட்ட வழிகள் :

  ஆல்கஹால் மற்றும் சிவப்பு இறைச்சி என்று சொல்லப்படும் மாட்டிறைச்சி, பன்றி இறைச்சி, ஆட்டு இறைச்சி உட்கொள்ளலைக் கட்டுப்படுத்துங்கள். புகையிலையைத் தவிர்க்கவும், வாரத்திற்கு குறைந்தது 3 முறை உடற்பயிற்சி செய்யவும், 45 வயதில் தொடங்கும் கொலோனோஸ்கோபிகளுக்கு உங்கள் மருத்துவரை தவறாமல் பார்க்கவும்.

• பெருங்குடல் புற்றுநோயின் அபாயத்தைக் குறைக்கவும், பெருங்குடல் ஆரோக்கியத்தை மேம்படுத்தவும், நீங்கள் அதிக நார்ச்சத்து உள்ள உணவுகளை சாப்பிடலாம். பல ஆய்வுகள் நார்ச்சத்து நிறைந்த உணவை பெருங்குடல் புற்றுநோயின் அபாயத்தைக் குறைக்கும்.என்று கூறியுள்ளது.

• 
  

 டீ , காபி என்பது சிலருக்கு எப்போதாவது குடிக்கும் பானங்கள் . ஆனால் ஒருசிலருக்கு அது ஒரு உயிர்நாடி. அது இல்லாமல் நாளே ஓடாது. பசித்தாலும் டீ, பசிக்கவில்லை என்றாலும் டீ, சந்தோசமாக இருந்தாலும் டீ , சோகமானாலும் டீ என்று இருப்பார்கள். அப்படி  மக்களுக்கு ஒரு சுவாரசிய செய்தி. உங்கள் மூட் பொறுத்து நீங்கள் வெவ்வேறு வகையான டீயை அருந்தும் ட்ரிக் தான் சொல்கிறோம்.

நன்றாக தூங்க வேண்டுமா? கெமோமில் தேநீர் பருகவும். இரவில் தூங்குவதற்கான போராட்டம் உண்மையில் கொடூரமானது. சில சமயங்களில், நீண்ட நேரம் கடுமையான வேலை செய்த பிறகும் கூட, பலருக்கு நல்ல தூக்கம் கிடைப்பது கடினம். நீங்கள் அடிக்கடி இந்த சிக்கலை எதிர்கொண்டால், ஒரு கப் சூடான கெமோமில் தேநீர் பருகுங்கள். அது தயாரிக்கப்படும் டெய்சி மலர்கள் தூக்கத்தைத் தூண்டுவதோடு மனதை அமைதிப்படுத்தவும் உதவுகின்றன.

ஒரு சுறுசுறுப்பு வேண்டுமா? பிளாக் டீயைத் தேர்ந்தெடுங்கள். நீங்கள் சமீப காலமாக ஆற்றல் குறைவாக உணர்கிறீர்கள். சோர்வாக இருக்கிறதா?  ஆம் எனில், கொஞ்சம் ப்ளாக் டீயை பருகலாம். மற்ற டீகளுடன் ஒப்பிடும் போது இதில் ஏராளமான காஃபின் உள்ளது. FDA இன் படி, ஒரு கப் பிளாக் டீயில் தோராயமாக 30-50 mg காஃபின் உள்ளது. இது விழிப்புணர்வை மேம்படுத்தி உடனடி ஆற்றல் ஊக்கியாக செயல்பட உதவும்.

மன அழுத்தமாக உணர்கிறீர்களா? பெப்பர்மின்ட் டீ உங்கள் நண்பராக மாறலாம். நீங்கள் மன அழுத்தத்தை உணரும்போது, ​​ஒரு கப் புதினா டீயை குடித்துப்பாருங்க. புதினா இலைகளில் உள்ள மெந்தோல் தசை தளர்த்தியாக செயல்படுகிறது மற்றும் தலைவலியையும் குறைக்க உதவுகிறது. இன்டர்நேஷனல் ஜர்னல் ஆஃப் நியூரோ சயின்ஸின் கூற்றுப்படி, புதினா மன அழுத்தத்திலிருந்து விடுபடுவதோடு நினைவாற்றல் மற்றும் விழிப்புணர்வையும் அதிகரிக்கும்.

உடல்நலமின்மை  இருக்கிறதா? இஞ்சி டீயை பருகவும். வானிலை மாறும் நாட்களில், அல்லது தொண்டை புண் அல்லது சளி இருக்கும் நாட்களில், ஒரு கப் இஞ்சி டீ உங்கள் உடல் நலத்தை மேம்படுத்த உதவும். இஞ்சியின் ஆன்டி-ஆக்ஸிடன்ட்கள் உடலில் ஏற்படும் அழற்சியை குறைக்க உதவுகிறது. அதோடு உடல்நலக்குறைவுகள் விரைவில் குணமடையவும் உதவும்.

சோகமாக உணர்கிறீர்களா? லெமன்கிராஸ் டீயை முயற்சிக்கவும். இன்டர்நேஷனல் ஜர்னல் ஆஃப் பேசிக் அண்ட் கிளினிக்கல் பார்மகாலஜியின் படி , எலுமிச்சைப் புல்லில் உள்ள எண்ணெய்கள் மன அழுத்தத்தை குறைக்கும் பண்புகளைக் கொண்டுள்ளன. நிச்சயமாக, மனச்சோர்வு போன்ற மனநல கோளாறுகளை நிர்வகிப்பது சாத்தியமில்லை, ஆனால் நீங்கள் பொதுவாக சோகத்தை அனுபவித்தால், அது நிச்சயமாக உதவியாக இருக்கும்.

• Click here for more Health Tip

   Click here to join whatsapp group for daily health tip

• 
  

 பெற்றோர் அனைவருக்கும் தங்களுடைய பிள்ளைகள் மிகவும் ஆரோக்கியமாக வளர வேண்டும் என்ற எண்ணம் இருப்பது மிகவும் இயல்பான நியாயமான ஆசை தான். ஆனால் சில நேரங்களில் மரபணு காரணங்களினாலும் வேறு சில குறைபாடுகள் இருந்தாலும் குழந்தைகளுக்கு பல்வேறு பிரச்சனைகள் ஏற்படுகின்றன.

குறிப்பாக தங்களது குழந்தை சரியான உயரத்துடன் வளர வேண்டும் என்பது பெற்றோர்களின் மிகவும் சாதாரண ஒரு ஆசையாகும். உண்மையில் ஒரு குழந்தையின் உயரமானது அதன் மரபணுவை சார்ந்து இருந்தாலும், மரபணுவை தவிர வேறு சில விஷயங்களும் அவர்களின் உயரத்தை தீர்மானிக்கும் காரணிகளாக இருக்கின்றன.

வெறும் உடற்பயிற்சி மற்றும் உணவு பழக்கம் என்று இல்லாமல் குழந்தையின் மன நலனும் இதில் முக்கிய பங்கு வகிக்கிறது என்று சமீபத்திய அறிக்கைகள் தெரிவிக்கின்றன. அந்த வகையில் உங்களது குழந்தை ஆரோக்கியமாகவும் சரியான உயரத்துடனும் வளர என்னென்ன விஷயங்களை கடைப்பிடிக்க வேண்டும் என்பதைப் பற்றி இப்போது பார்ப்போம்.

குழந்தைகளின் உயரத்தில் மன ஆரோக்கியத்தின் பங்கு: குழந்தைகளின் உயரமானது அவர்கள் மனதளவில் எந்த அளவிற்கு ஆரோக்கியமாகவும் மகிழ்ச்சியாகவும் இருக்கிறார்கள் என்பதை பொருத்து அமைவதாக உயிரியல் மானுடவியலாளரான பேராசிரியர் பேரி போகின் குறிப்பிட்டுள்ளார். இவர் கடந்த 50 ஆண்டுகளுக்கும் மேலாக மனிதர்களின் வளர்ச்சியை பற்றி ஆராய்ச்சியில் ஈடுபட்டுள்ளார் என்பது குறிப்பிடத்தக்கது.

மன ஆரோக்கியம் ஹார்மோன்கள் மற்றும் உயரம்: பேராசிரியரை பொறுத்தவரை பிள்ளைகள் எப்போதும் தனக்கு நெருக்கமானவர்களிடமிருந்தும், தனக்கு மிகவும் பிடித்தவர்களிடமிருந்தும் அன்பை அதிகம் எதிர்பார்க்கும். ஒருவேளை தான் எதிர்பார்த்த அன்பு கிடைக்கவில்லை எனில் இது மனதளவில் மிகப்பெரும் எதிர்மறை விளைவுகளை உண்டாக்கும். இவை நேரடியாக உடல் வளர்ச்சியிலும் பாதிப்பை உண்டாக்கும். குறிப்பாக உடல் வளர்ச்சி மற்றும் உயரத்திற்கு காரணமான ஹார்மோன்கள் சுரப்பதில் தடையை ஏற்படுத்துகிறது. இவற்றுடன் ஆரோக்கியமான உணவு பழக்க வழக்கம் போன்ற காரணிகளும் சேர்ந்து குழந்தை உயரமாக வளர்வதை பாதிக்கின்றது.

மரபணுவின் முக்கியத்துவத்தை மறுக்க முடியாது : பிள்ளைகளின் மன ஆரோக்கியம் அவர்களின் உயரத்தில் முக்கிய பங்கு வகித்தாலும், அவர்களின் மரபணு பற்றிய விஷயத்தை நாம் முழுவதுமாக ஒதுக்கி விட முடியாது. ஏனெனில் பிள்ளைகளின் உயரம் பெரும்பாலும் அவர்களது மரபணுவை பொறுத்தே தீர்மானிக்கப்படுகிறது. ஆனால் மொத்தமாக மரபணு மட்டும் காரணம் என்றோ அல்லது ஒட்டுமொத்தமாக மனநலம் மட்டுமே காரணம் என்று நாம் எடுத்துக் கொள்ளக்கூடாது.

பிள்ளைகளை அன்புடன் மகிழ்ச்சியாக பார்த்துக் கொள்ள வேண்டும் : பெற்றோர்கள் தங்களது பிள்ளைகளுடன் தேவையான நேரத்தை செலவிட வேண்டும். குறிப்பாக குடும்பமாக சேர்ந்து மகிழ்ச்சியாக நேரம் செலவழிப்பது பெற்றோருக்கும், பிள்ளைகளுக்கும் இடையே உள்ள உறவை பலப்படுத்த உதவும். மேலும் பிள்ளைகளின் முயற்சியையும் அவர்களின் சாதனைகளையும் பெற்றோர் பாராட்ட வேண்டும் இவை அவர்களின் மனதில் நேர்மறை எண்ணங்களை உண்டாக்கி தன்னம்பிக்கை அதிகரிப்பதோடு அவர்களை மகிழ்ச்சியாக வைத்திருக்கவும் உதவும்.

பிள்ளைகளுக்கு மகிழ்ச்சியான சூழலை உண்டாக்க வேண்டும் : பிள்ளைகள் உணர்வு ரீதியாக ஆரோக்கியமாக இருக்க வேண்டும் எனில் அவர்களுக்கு நிலையான மகிழ்ச்சியான ஒரு சூழலை பெற்றோர்கள் உண்டாக்க வேண்டும். குறிப்பாக அவர்களது அடிப்படை தேவையான உணவு, உடை, இருப்பிடம் அவர்களுக்கு தேவையான பாதுகாப்பு ஆகியவற்றை சரியாக அளிப்பதின் மூலம் பிள்ளைகள் அவற்றைப் பற்றி கவலை கொள்ள தேவையற்ற நிலை உண்டாகிறது. அவர்கள் பாதுகாப்பாக உணர்ந்தாலே அவர்களின் எண்ணங்களும், உணர்வுகளும் சீராக இருக்கும். இதனால் பிள்ளைகள் சுறுசுறுப்பாக இருப்பதுடன் விரைவாக விஷயங்களை கற்றுக் கொள்ளவும் மற்றவர்களுடன் எளிதாக தொடர்பு கொள்ளவும் முடியும்.

• Click here for more Health Tip

   Click here to join whatsapp group for daily health tip

• 
  

 ஒவ்வொரு மனிதருக்கும் இரத்தத்தில் உள்ள ஹீமோகுளோபின் ஆனது சரியான அளவில் இருக்க வேண்டியது மிகவும் அவசியமாகும். ஹீமோகுளோபின் அளவுக்கதிகமாகவோ அல்லது மிகவும் குறைவாகவோ இருக்கும் பட்சத்தில் பல்வேறு உடல் உபாதைகள் ஏற்படுவதற்கு அதுவே காரணமாக அமைந்து விடும். நாம் சுவாசிக்கும் காற்றில் உள்ள ஆக்சிஜனை உடல் முழுவதும் கடத்தி செல்லும் முக்கியமான பணியை ஹீமோகுளோபின் செய்கிறது. ஹீமோகுளோபின் குறைபாடு குறிப்பாக பெண்களுக்காக அதிகம் இருப்பதாக ஆய்வுகள் தெரிவிக்கின்றன. மாதவிடாய் காலங்களில் போது ஏற்படும் இரத்தப்போக்கு இதற்கு முக்கிய காரணமாக இருப்பதாக கூறப்படுகிறது.

இரும்புச்சத்து அதிகம் நிறைந்த உணவுப் பொருட்களான கல்லீரல், பச்சை காய்கறிகள், இறைச்சி ஆகியவற்றை தினசரி உணவில் சேர்த்து வந்தால் இவை உடலில் உள்ள ஹீமோகுளோபின் அளவை அதிகரிக்கும் உதவுகிறது.

குறிப்பாக வைட்டமின் சி நமது உடலில் சரியான அளவில் இருந்தால் தான் நாம் உண்ணும் உணவில் உள்ள இரும்புச்சத்தை முழுவதுமாக நம் உடல் கிரகித்துக் கொள்ளும். எனவே உடலின் இரும்புச்சத்தை அதிகரிப்பதற்கு முதலில் நாம் வைட்டமின் சி நமது ரத்தத்தில் சரியான அளவு இருக்குமாறு பார்த்துக் கொள்ள வேண்டும். நம் உண்ணும் உணவில் அதிக அளவு வைட்டமின் சி நிறைந்திருக்கும் உணவுகளை சேர்த்துக் கொள்ள வேண்டும்.

வெளிரிய தோள், மூச்சு விடுவதில் சிரமம் போன்றவை ஹீமோகுளோபின் குறைவாக உள்ளதற்கான அறிகுறிகள் ஆகும். ஒரு வேலை உங்களுக்கு இது போன்ற பிரச்சினைகள் இருந்தால் உடனடியாக மருத்துவரை அணுகி ஆலோசனை பெறுவது நல்லது.

ஃபாலிக் எனப்படும் வைட்டமின் பி9 ஆனது இரத்தத்தில் உள்ள சிவப்பணுக்களை உற்பத்தி செய்வதில் முக்கிய பங்கு வகிக்கிறது இந்த சிவப்பு அணுக்கள் சரியாக இருந்தால் தான் ஹீமோகுளோபின் அளவு சரியாக இருக்கும். இதற்கு பச்சை காய்கறிகளையும், பருப்பு வகைகளையும் நம்முடைய உணவில் சேர்த்துக் கொள்ள வேண்டும்.

உடலில் உள்ள இரத்த சிவப்பணுக்களின் உற்பத்தியை அதிகரிக்க உதவும் வைட்டமின் பி12 இறைச்சிகள் மற்றும் பால் பொருட்களில் அதிகம் காணப்படுகிறது எனவே இறைச்சியையும் பால் பொருட்களையும் நமது தினசரி உணவில் சேர்த்துக் கொள்ள வேண்டும்.

மேலும் சமையலின் போது கனமான அடி பகுதியை கொண்ட இரும்பு பாத்திரங்களை பயன்படுத்துவதும் உணவில் உள்ள இரும்பு சத்தின் அளவை அதிகரிக்க உதவும்.

மேலும் சில சமயங்களில் எந்த வகை உணவை உட்கொள்ள வேண்டும் என்பதை விட என்னென்ன விதமான உணவுகளை தவிர்க்க வேண்டும் என்பதும் மிகவும் முக்கியமானது. குறிப்பாக உடலின் இரும்புச்சத்து கிரகிப்பு தன்மையை குறைக்கும் தன்மை கொண்ட உணவுகளை நாம் அதிக அளவில் எடுத்துக் கொள்ளக் கூடாது உதாரணத்திற்கு டீ, காபி மற்றும் கால்சியம் அதிகமாக உள்ள உணவுப் பொருட்களை தேவைக்கு அதிகமாக எடுத்துக் கொள்வதை தவிர்க்க வேண்டும்.

• Click here for more Health Tip

   Click here to join whatsapp group for daily health tip

• 
  

உலகம் முழுவதும் இதய நோய்களால் பாதிக்கப்படுபவர்களின் எண்ணிக்கை ஆண்டுதோறும் அதிகரித்து கொண்டே வருகிறது. பரபரப்பான வாழ்க்கை முறை, மோசமான உணவு பழக்கங்கள் அல்லது அதிகப்படியான மன அழுத்தம் உள்ளிட்டவை கொலஸ்ட்ரால் லெவலை அதிகரிக்க செய்து இதய ஆரோக்கியத்தை நேரடியாக பாதிக்கலாம்.

நீங்கள் ஹை கொலஸ்ட்ரால் லெவலால் பாதிக்கப்பட்டுள்ளீர்களா? அப்படி என்றால் உங்களுக்கான எளிய இயற்கை வீட்டு வைத்தியம் ஒன்று உள்ளது. அது ஒரு வெஜிடபிள் ஜூஸ் தான். இந்த வெஜிடபிள் ஜூஸை தொடர்ந்து 3 - 4 மாதங்கள் குடித்து வருவதுடன், சமச்சீரான டயட்டை பின்பற்றி வந்தாலே போதும், கெட்ட கொலஸ்ட்ரால் லெவலை கணிசமாக குறைக்கலாம்.

அது என்ன ஜூஸ் என்று கேட்கிறீர்களா? bottle gourd என்று குறிப்பிடக்கூடிய சுரைக்காய் ஜூஸ் தான் அது. சுரைக்காய் ஜூஸ் தொடர்ந்து குடித்து வந்தால் எண்ணற்ற ஆரோக்கிய நன்மைகள் கிடைக்கும் என்பதுடன் கொலஸ்ட்ரால் லெவலை கட்டுப்படுத்தி இதய ஆரோக்கியத்தை பாதுகாக்கிறது.

டயட்ரி ஃபைபர்: டயட்ரி ஃபைபரின் சிறந்த மூலமாக சுரைக்காய் இருக்கிறது. இது கொலஸ்ட்ரால் லெவலை குறைக்க உதவுகிறது. சுரைக்காயில் இருக்கும் டயட்டரி ஃபைபர் செரிமான மண்டலத்தில் உள்ள கொழுப்பு மூலக்கூறுகளுடன் bind-ஆகிறது மற்றும் உடலில் இருந்து அவற்றை அகற்ற உதவுகிறது. இதன் காரணமாக ஒட்டுமொத்த கெட்ட கொலஸ்ட்ரால் absorption குறைகிறது.

சேச்சுரேட்டட் ஃபேட்ஸ் மற்றும் கொலஸ்ட்ரால் குறைவு: சுரைக்காயில் இயற்கையாகவே நிறைவுற்ற கொழுப்பு (saturated fat) மற்றும் கொலஸ்ட்ரால் குறைவாக இருக்கிறது. எனவே இதய ஆரோக்கியத்திற்கான சிறந்த ஒரு காயாக சுரைக்காய் இருக்கிறது. நீங்கள் உங்களது இதய ஆரோக்கியத்தை மேம்படுத்த மற்றும் இதய நோய்கள் ஏற்படுவதற்கான அபாயத்தை குறைக்க விரும்பினால் சுரைக்காயை டயட்டில் சேர்த்து கொள்வதோடு, இந்த காயின் ஜூஸை பருகலாம்.

ஆன்டி-ஆக்ஸிடன்ட்ஸ்: சுரைக்காயில் வைட்டமின் சி மற்றும் வைட்டமின் ஏ உள்ளிட்ட ஆன்டி-ஆக்ஸிடன்ட்ஸ்கள் உள்ளன. இவை உடலில் உள்ள ஆக்ஸிடேட்டிவ் ஸ்ட்ரஸ் மற்றும் அழற்சியை குறைக்க உதவுகிறது. நாள்பட்ட அழற்சி (Chronic inflammation) இதய நோய் ஏற்படுவதற்கான முக்கிய ஆபத்து காரணியாக இருக்கிறது. சுரைக்காயில் உள்ள ஆன்டி-ஆக்ஸிடன்ட்ஸ்கள் இதை எதிர்த்து போராட உதவுகின்றன.

ஹைட்ரேஷன்: சுரைக்காய் பெரும்பாலும் தண்ணீரால் நிரம்பி இருக்கிறது. நீர்சத்து நிறைந்த காயாக இது இருக்கிறது. இதை ஆரோக்கியத்திற்கு நம் உடல் எப்போதும் ஹைட்ரேட்டாக இருப்பது முக்கியம். ஏனென்றால் சரியான அளவில் உடலை ஹைட்ரேட்டாக வைத்திருப்பது ரத்த அளவை பராமரிக்க உதவுகிறது, தவிர இதயம் ரத்தத்தை பம்ப் செய்வதை எளிதாக்குகிறது. தவிர ஒட்டுமொத்த இதய செயல்பாட்டை சிறப்பாக வைக்கிறது.

பொட்டாசியம்: ரத்த அழுத்தத்தைக் கட்டுப்படுத்துவதில் முக்கிய பங்கு வகிக்கும் பொட்டாசியம் சுரைக்காயில் அதிகம் உள்ளது. உயர் ரத்த அழுத்தம் இதய நோய்கள் ஏற்படுவதற்கான முக்கிய ஆபத்து காரணியாக உள்ளது. பொதுவாக பொட்டாசியம் நிறைந்த உணவுகள் ரத்த அழுத்தத்தில் சோடியத்தின் விளைவுகளை எதிர்க்க உதவுகிறது. அந்த வகையில் பொட்டாசியம் நிறைந்த சுரைக்காய் உயர் ரத்த அழுத்தம் ஏற்படுவதற்கான அபாயத்தை குறைக்கிறது.

உங்களுக்கு ஹை கொலஸ்ட்ரால் மற்றும் பிற இதய பிரச்சினைகள் இருக்கிறது என்றால், உங்கள் டயட்டில் சுரைக்காய் அல்லது சுரைக்காய் ஜூஸ் சேர்ப்பதகு முன் உங்கள் மருத்துவரை ஒருமுறை கலந்தாலோசித்து கொள்ளுங்கள்.

• Click here for more Health Tip

   Click here to join whatsapp group for daily health tip

• 
  

 இந்தியாவில் அதிக ஊதியம், உற்சாகமான தொழில் வாய்ப்புகளை வழங்கும் பல வேலைகள் உள்ளன. எப்போதும் இந்த அதிக வேலைகள் விரும்பப்படும் தேர்வுகளாக தனித்து நிற்கின்றன. அந்த வகையில் இந்தியாவின் முதல் 10 அதிக சம்பளம் தரும் வேலைகள் எவை என விரிவாகப் பார்க்கலாம்.

டேட்டா விஞ்ஞானி: தொழில்நுட்பம் வளர்ந்து வரும் இந்த காலகட்டத்தில் தரவு விஞ்ஞானிகளுக்கு அதிக தேவை உள்ளது. மதிப்புமிக்க நுண்ணறிவுகளைப் பெற சிக்கலான தரவுத் தொகுப்புகளை அவர்கள் பகுப்பாய்வு செய்கிறார்கள். சராசரியாக ஆண்டுக்கு 10-15 லட்சம் ரூபாய் சம்பளம் பெறுகிறார்கள்.

செயற்கை நுண்ணறிவு (AI) பொறியாளர்கள்: AI தொடர்ந்து பல்வேறு தொழில்களில் புரட்சியை ஏற்படுத்தி வருவதால், AI பொறியாளர்கள் அறிவார்ந்த இணைய டூல்களை வடிவமைத்து செயல்படுத்துகின்றனர். அனைத்து தொழில்களில் செயற்கை நுண்ணறிவின் தேவை இருந்து வருவதால், வேலை வாய்ப்புகள் அதிகளவில் இதற்கு உள்ளன. ஆண்டுக்கு சராசரியாக 10-12 லட்சம் ரூபாய் வரை இவர்களுக்கு சம்பளம் கொடுக்கப்படுகிறது. இது வெறும் சராசரி அளவு தான். இதே துறையில் சிலர் 20 லட்சத்துக்கு மேல் ஊதியம் பெறுகின்றனர்.

பிளாக்செயின் டெவலப்பர்: பிளாக்செயின் தொழில்நுட்பம் முக்கியத்துவம் பெற்று வருகிறது. இந்த தொழில்நுட்பம் அதிக பாதுகாப்பு அம்சங்களை வழங்கும் என்ற நம்பிக்கை மக்களிடத்தில் எழுந்துள்ளதால், பல துறைகளில் இது வளர்ச்சி கண்டு வருகிறது. ஆண்டுக்கு சராசரியாக 8-12 லட்சம் ரூபாய் சம்பளம் பெறக்கூடிய திறமையான டெவலப்பர்களுக்கான தேவையை இந்த வேலை உருவாக்குகிறது.

மேலாண்மை ஆலோசகர்கள்: வணிகங்களின் செயல்திறன் மற்றும் உத்திகளை மேம்படுத்துவதில் நிபுணத்துவத்தை மேலாண்மை ஆலோசகர்கள் வழங்குகிறார்கள். அவர்களின் அனுபவம் மற்றும் நிபுணத்துவத்தைப் பொறுத்து சராசரியாக ரூ.10 முதல் 20 லட்சம் அல்லது அதற்கு மேற்பட்ட வருடச் சம்பளத்தைப் பெறுவார்கள்.

முதலீட்டு வங்கியாளர்கள்: சிக்கலான நிதி பரிவர்த்தனைகளைக் கையாளும் பொறுப்பு, முதலீட்டு வங்கியாளர்கள் கையில் தான் உள்ளது. இவர்களது சராசரி சம்பளம் ஆண்டுக்கு ரூ.8 முதல் ரூ.15 லட்சம் என உள்ளது.

ஐடி ஆர்க்கிடெக்ட்ஸ்: ஐடி ஆர்க்கிடெக்ட்ஸ் சிக்கலான தகவல் தொழில்நுட்ப அமைப்புகளுக்கு உயர் நிலை கட்டமைப்புகளை வடிவமைக்கின்றனர். மேலும் அவர்களின் நிபுணத்துவம் பொறுத்து ஆண்டுக்கு சராசரியாக 8 முதல் 12 லட்சம் ரூபாய் சம்பளம் வழங்கப்படுகிறது.

அறுவை சிகிச்சை நிபுணர்கள் / மருத்துவ நிபுணர்கள்: சுகாதாரத் துறையில், அறுவை சிகிச்சை நிபுணர்கள் / மருத்துவ நிபுணர்கள் மிகவும் மதிக்கப்படுகிறார்கள். மேலும் அவர்கள் குறிப்பிடத்தக்க நல்ல சம்பளத்தைப் பெறுகிறார்கள். சில நிபுணர்கள் ஆண்டுக்கு ரூ.20 லட்சம் வரை சம்பாதிக்கிறார்கள்.

தரவுப் பாதுகாப்பு ஆய்வாளர்கள்: நிறுவனங்களுக்கு இணையப் பாதுகாப்பு முக்கியமானதாக இருப்பதால், தரவுப் பாதுகாப்பு ஆய்வாளர்களிடம் முக்கியமான தகவல்களைப் பாதுகாக்கும் பொறுப்பு ஒப்படைக்கப்பட்டு, ஆண்டுக்கு சராசரியாக 7-10 லட்சம் ரூபாய் சம்பளம் கொடுக்கப்படுகிறது.

பெட்ரோலிய பொறியாளர்கள்: இந்தியாவின் வளர்ந்து வரும் எரிசக்தி தேவைகளுடன், பெட்ரோலிய பொறியாளர்கள் எண்ணெய் மற்றும் எரிவாயு துறையில் முக்கிய பங்கு வகிக்கின்றனர். இவர்கள் ஆண்டுக்கு சராசரியாக 8-15 லட்சம் ரூபாய் சம்பளம் பெறுகிறார்கள்.

பட்டயக் கணக்காளர்கள் (Chartered Accountant): இவர்கள் நிதி தொடர்பான காரியங்களில் நிபுணத்துவம் பெற்றவர்கள். பட்டயக் கணக்காளர்கள் ஆண்டுக்கு சராசரியாக 6-10 லட்சம் ரூபாய் வரை ஊதியம் பெறுகின்றனர்.

இந்தத் தொழில்கள் அதிக வருவாய் ஈட்டும் திறனை வழங்கினாலும், அவர்களுக்கு பெரும்பாலும் சிறப்புக் கல்வி, பயிற்சி மற்றும் நிபுணத்துவம் தேவை என்பது மறுக்க முடியாத உண்மை. இந்தியாவில் திறமையான நிபுணர்களுக்கான தேவை பல்வேறு துறைகளில் அதிகரித்து வருகிறது. இந்த முதல் 10 அதிக ஊதியம் பெறும் வேலைகள் நிறைவான மற்றும் வெற்றிகரமான எதிர்காலத்திற்கான கதவுகளைத் திறக்கிறது.

Click here for latest employment news

 Click here to join WhatsApp group for Daily employment news