Agri Info

 பள்ளி காலை வழிபாட்டு செயல்பாடுகள் - 04.11.2024

திருக்குறள் 

பால் : பொருட்பால்

அதிகாரம் : அவை அஞ்சாமை

குறள் எண்: 724

கற்றார்முன் கற்ற செலச்சொல்லித் தாம்கற்ற மிக்காருள் மிக்க கொளல்.

பொருள்: கற்றவர் முன், தாம் கற்றவற்றை அவர் மனதில் பதியும்படிச் சொல்லி,தம்மை விட அதிகமாகக் கற்றவரிடம் தாம் கற்கவேண்டிய மிகுதியைக் கற்றுக் கொள்ள வேண்டும்."

பழமொழி :

  அச்சம் இல்லாதவன் அம்பலம் ஏறுவான்.    

 The fearless goes into the assembly.

இரண்டொழுக்க பண்புகள் :  

 ‌ *பிறரைக் குறித்து அநாகரீகமான வார்த்தைகளை உபயோகிக்க மாட்டேன்.

* தினமும் என்னாலான சிறு சிறு உதவிகளை செய்வேன்.

பொன்மொழி :

புத்தக கடையில் புரட்டி புரட்டி பார்த்து வாங்குவது நல்ல புத்தகம் அல்ல, எந்த புத்தகம் உன்னை முன்னேற்றம் நோக்கி புரட்டி போட வைக்கிறதோ அதுவே சிறந்த புத்தகம்.....

பொது அறிவு :

 1.நிறமாலையில் குறைவான ஒளி அலை நீளமுடைய நிறம் 

விடை: ஊதா.    

 2. பித்தநீர் எப்பகுதியில் சுரக்கிறது? 

விடை: கல்லீரல்

English words & meanings :

 Pliers-இடுக்கி,

Sewing Machine-தையல் இயந்திரம்

வேளாண்மையும் வாழ்வும் : 

சில சமயங்களில் அரசாங்கம் இயற்கை விவசாயததிற்கு அளித்த மானியத்தால் கவரப்பட்டு பல விவசாயிகள் இயற்கை விவசாய முறைமைக்கு மாறினர்.

நீதிக்கதை

 ஒரு பெரிய ஆலமரத்தின் கீழே ஒரு துறவி அமர்ந்திருந்தார்.

 அவருக்கு கண் பார்வை கிடையாது. அப்போது அந்த வழியாக வந்த ஒருவன் அந்த துறவியை பார்த்து, "ஏய் கிழவா, ஏற்கனவே இந்த வழியாக  யாராவது சென்றார்களா?" என்று சற்று அதிகாரத்துடன் 

மரியாதையின்றி கேட்டான்.

 அதற்குத் துறவி, "அப்படி யாரும் சென்றதாக தெரியவில்லை" என்று கூறினார். சிறிது நேரம் கழித்து வேறொருவர்  வந்து, "ஐயா இந்த வழியாக யாராவது சென்றார்களா?" என்று கேட்டார். அதற்குத் துறவி, "ஆம்.சற்று முன்பாக இதே கேள்வியை கேட்டுக் கொண்டு ஒருவர் சென்றார்" என்று பதில் கூறினார்.

மீண்டும் சிறிது நேரம் கழித்து,  இன்னொருவர் வந்து  "வணங்குகிறேன் துறவியாரே! இந்த வழியாக யாரேனும் செல்லும் சப்தம் தங்களுக்கு கேட்டதா?" என்று பணிவுடன் கேட்டார். அதற்குத் துறவி, "மன்னரே! வணக்கம் முதலில் ஒரு வீரனும் அதற்குப் பின் ஒரு அமைச்சரும் தாங்கள் கேட்ட கேள்வியையே கேட்டுக்கொண்டு சென்றார்கள்" என்று கூறினார்.

அப்போது மன்னர் மிகவும் ஆச்சரியத்துடன், "ஐயா, தங்களுக்கு கண் பார்வை கிடையாது ஆனால் வந்தவர் வீரன் என்றும் அமைச்சர என்றும் எவ்வாறு கண்டு கொண்டீர்கள்" என்று கேட்டார்.

அதற்குத் துறவி "இதை கண்டுகொள்ள பார்வை தேவையில்லை அவரவர் பேசும் முறையைக் கொண்டு அவர்களுக்கு என்ன தகுதி இருக்கிறது என்பதை கண்டு கொள்ளலாம்" என்றார். மேலும் "முதலில் வந்தவர் பேச்சில் கொஞ்சம் மரியாதையின்மையும் அடுத்து வந்தவர் பேச்சில் அதிகாரமும் தங்களின் பேச்சில் பணிவும் இருக்கிறது"என்று துறவி கூறினார்.

நீதி :  நமது பேச்சே நமது நடத்தையை தீர்மானிக்கிறது.

இன்றைய செய்திகள் - 04.11.2024

* வடகிழக்கு பருவமழை முடியும் வரை மருத்துவ முகாம்கள் தொடர்ந்து செயல்படும் என்று சுகாதாரத் துறை அமைச்சர் மா.சுப்பிரமணியன் தெரிவித்துள்ளார்.

* செம்பரம்பாக்கம் ஏரி ரூ.22 கோடியில் சீரமைப்பு: டெண்டர் கோரியது நீர்வளத் துறை.

* நோய்களை தடுத்து ஆரோக்கியமான மக்களை உருவாக்க பனிமலை, பாலைவனம், தீவாக இருந்தாலும் தடுப்பூசி சேவை வழங்கப்படுவதாக மத்திய அரசு தகவல்.

* சீனர்கள் மீதான தீவிரவாத தாக்குதலை பாகிஸ்தான் கட்டுப்படுத்த வேண்டும்: சீன அரசு வலியுறுத்தல்.

* 31 அணிகள் பங்கேற்கும் தேசிய ஹாக்கி போட்டி; சென்னையில் இன்று தொடக்கம்.

* ஹைலோ ஓபன் பேட்மிண்டன் போட்டி; இந்திய வீராங்கனை மாளவிகா பன்சோத் இறுதிப்போட்டிக்கு முன்னேற்றம்.

Today's Headlines

* Health Minister M. Subramanian has said that the medical camps will continue to function until the northeast monsoon ends.

*  Renovation of Chembarambakkam lake at Rs 22 crore: Water resources department calls for tender.

 * The central government informed that vaccination services are provided even in mountains, deserts and islands to prevent diseases and create healthy people.

*  Pakistan must curb terror attacks on Chinese: Chinese govt insists

*   National Hockey Tournament in which 31 team participate will Start today in Chennai.

 * Hilo Open Badminton Tournament;  Indian player Malavika Bansod advances to final.

 Prepared by

Covai women ICT_போதிமரம்

ஒரு சில நாட்களில் தூங்கி எழும்பொழுது மிகவும் ரிலாக்ஸாக உணர்வோம். ஆனால் இதுவே சில சமயங்களில் தாங்க முடியாத உடல் வலி ஏற்பட்டது போல இருக்கும். இதற்கு காரணம் என்னவாக இருக்கும் என்று நினைக்கிறீர்கள்? நாம் தூங்கும் நிலையானது நம்முடைய தூக்கத்தின் தரத்தில் முக்கிய பங்கு கொண்டுள்ளது. உடலின் தசைகள் சரியாக சீரமைக்கப்படாமல் ஓய்வளிக்க கூடிய வகையில் இல்லாவிட்டால் தூங்கும் பொழுது அசௌகரியம் அல்லது தரமான தூக்கம் கிடைக்காமல் போகலாம்.

நமது உடல் இந்த மாதிரியான மோசமான தூங்கும் நிலையில் மாட்டிக் கொண்டிருப்பதை அறிவுறுத்தும் சில பொதுவான தூங்கும் நிலைகளை பற்றி இப்பொழுது பார்க்கலாம்.

• கருவறையில் இருப்பது போன்ற நிலை : கால்களை வளைத்து முட்டியானது நெஞ்சை நோக்கி வைக்கப்பட்டிருக்கும் நிலை. இது சுவாசிப்பதில் சிரமத்தை ஏற்படுத்தும். மேலும் கழுத்து மற்றும் முதுகில் அதிக அழுத்தத்தை கொடுக்கும்.

• குப்புற படுத்து உறங்குவது : முகத்தை தரையில் வைத்து படுப்பது மற்றும் கீழ் முதுகில் அதிக அழுத்தத்தை ஏற்படுத்தும். ஏனெனில் இந்த நிலையில் உங்களுடைய தலை சுவாசிப்பதற்காக ஒருபுறமாக திரும்ப வேண்டியிருக்கும்.

• ஸ்டார்ஃபிஷ் நிலை : தரையில் நேராகப்படுத்து கைகள் இரண்டையும் தலைக்கு மேல் வைத்து படுத்திருப்பது தோள்பட்டைகளில் அசௌகரியத்தை ஏற்படுத்தலாம். அது மட்டுமல்லாமல் இந்த நிலை ஒரு சில நபர்களில் குறட்டை அல்லது ஸ்லீப் ஆப்னியா போன்றவற்றை ஏற்படுத்தலாம்.

• யெர்னர் நிலை (Yearner position) : இந்த நிலையில் ஒருக்களித்து படித்துக்கொண்டு இரண்டு கைகளையும் முன்னோக்கி நீட்டி வைத்திருப்பது தோள்பட்டைகள் மற்றும் கழுத்தில் அழுத்தத்தை கொடுக்கும். அதிலும் குறிப்பாக இந்த நிலையை ஆதரவு தரும் வகையில் உங்களுடைய படுக்கை இல்லாவிட்டால் இது மோசமான உடல் வலியை ஏற்படுத்தலாம்.

இதற்கு பின்னணியில் உள்ள காரணங்கள் என்ன?

நீண்ட நாட்களாக மன அழுத்தத்தில் இருப்பது அல்லது போதுமான அளவு உடல் செயல்பாடு இல்லாமல் இருப்பது தசைகளில் அழுத்தத்தை ஏற்படுத்தும். இதனால் தூங்கும் பொழுது நம்முடைய உடலுக்கு ஓய்வு பெறுவதில் சிரமம் ஏற்படுகிறது. படுத்து உறங்கும் மெத்தை அதிக இறுக்கமாக இருந்தாலோ அல்லது அளவுக்கு அதிகமாக மென்மையாக இருந்தாலோ, போதுமான தலையணை இல்லாமல் இருத்தல் அல்லது சௌகரியம் இல்லாத ஒரு அறை வெப்பநிலை போன்றவை மோசமான தூக்க நிலைக்கு காரணமாகலாம்.

அதுமட்டுமல்லாமல் ஆர்தரைட்டிஸ், ஃபைப்ரோ மையால்ஜியா அல்லது நாள்பட்ட வலி போன்றவை தூங்கும் நிலைகளில் அசௌகரியத்தை ஏற்படுத்தி உடலுக்கு ஓய்வு கிடைப்பதை தடுக்கும். பதட்டம், மன அழுத்தம் அல்லது மனசோர்வு போன்றவையும் தசை பதற்றத்தை ஏற்படுத்தி தூங்குவதற்கு சௌகரியமான ஒரு நிலையை கண்டுபிடிப்பதில் சிரமத்தை உண்டாக்கும். ஆனால் இயற்கையான தூங்கும் நிலைகளை பற்றிய விழிப்புணர்வு பலருக்கு இருப்பதில்லை. எப்படி வேண்டுமானாலும் தூங்கலாம் என்ற மனப்போக்கை கொண்டுள்ளனர்.

நல்ல தூக்கத்திற்கு உங்களுடைய உடலை எப்படி ஓய்வு நிலைக்கு கொண்டு செல்வது?தூங்குவதற்கு முன்பு ஆழ்ந்த மூச்சு பயிற்சிகளை செய்வது மனதை அமைதிப்படுத்தி உடலுக்கு ஓய்வளிக்கும். மேலும் இது தசை பதற்றத்தை குறைத்து உங்களை தூங்குவதற்கு தயார் செய்யும். மென்மையான நீட்சி பயிற்சிகள் அல்லது யோகாசனங்கள் அதிலும் குறிப்பாக உங்களுடைய முதுகு கழுத்து மற்றும் தோள்பட்டைகளில் கவனம் செலுத்தும் தோரணைகளை செய்வது தசை பதற்றத்தை விடுவித்து நெகிழ்வுத் தன்மையை மேம்படுத்தும்நீங்கள் படுத்து உறங்கும் படுக்கை மற்றும் தலையணை உங்களுக்கு சௌகரியமாக இருக்கிறதா என்பதை உறுதிப்படுத்திக் கொள்ளுங்கள். மேலும் அறை வெப்பநிலை ஓய்வளிக்க கூடிய வகையில் அமைக்கப்பட்டிருக்க வேண்டும். காபின், நிக்கோட்டின் மற்றும் மதுபானங்கள் ஆகியவற்றை படுக்கைக்கு செல்லும் சமயத்தில் பயன்படுத்த வேண்டாம். இது உங்களுடைய தூக்கத்தை சீர்குலைத்து, உடலுக்கு ஓய்வு கிடைப்பதை தடுக்கும்.

Click here for more Health Tip

 Click here to join whatsapp group for daily health tip 

தற்போது உடல் பருமன் என்பது பெரும்பாலானவர்கள் சந்திக்கும் பிரச்னைகளில் ஒன்றாக உள்ளது. பெரியவர்கள் மட்டுமின்றி குழந்தைகளும் ‘ஒபிசிட்டி’யால் பாதிக்கப்பட்டுள்ளனர். திரும்பிய பக்கமெல்லாம் ஆங்காங்கே உடற்பயிற்சி கூடங்கள் உள்ளன. செல்போனில் உடல் எடையை குறைக்க உதவும் வழிமுறையை தேடுவதில் பலரும் கணிசமான நேரத்தையும் செலவிடுகின்றனர். இருப்பினும் பலருக்கு என்னவோ பலன் கிடைப்பதில்லை.

குறைந்த அளவு கலோரிகளைக் கொண்ட உணவுகள் எடை கட்டுப்பாட்டிற்கு உதவுகின்றன. அதோடு உங்களின் மன நிலை மற்றும் உடல் ஆரோக்கியத்தையும் அதிகரிக்கின்றன. மேலும், இரத்த சர்க்கரை அளவையும் இது மேம்படுத்த உதவுகிறது. நீங்கள் குறைந்த கலோரி கொண்ட உணவுகளை சாப்பிடுகிறீர்கள் என்றால், நீங்கள் ஊட்டச்சத்துக்கள் குறைவாக உள்ள உணவுகளை சாப்பிடுகிறீர்கள் என்று அர்த்தமல்ல என்பதை நினைவில் வைத்திருக்க வேண்டும்.

சரி இப்போது குறைந்த அளவு கலோரிகள் கொண்ட உணவுகளை பற்றி விரிவாக பார்ப்போம். மிகக் குறைந்த கலோரிகளைக் கொண்ட இந்த 16 உணவுகளை உங்கள் உணவில் தினசரி சேர்த்துக் கொள்வதன் மூலம் அதிக பலன் பெறுவீர்கள். ஏனெனில் இதில் பல ஊட்டச்சத்துக்கள் நிரம்பியுள்ளன.

வெள்ளரிக்காய்:

• கலோரிகள்: 100 கிராம் வெள்ளரிக்காயில் வெறும் 16 கிராம் கலோரிகள் மட்டுமே உள்ளது.

• நன்மைகள்: வெள்ளரிக்காய்களில் நீர்ச்சத்து அதிகமாகவும், கலோரிகள் மிகக் குறைவாகவும் இருப்பதால், அவை நீரேற்றம் மற்றும் எடை குறைப்புக்கு சிறந்தவையாகும். மெடிக்கல் நியூஸ் டுடே.காம் கருத்துப்படி, வெள்ளரிக்காயில் பல முக்கியமான வைட்டமின்கள் மற்றும் மினரெல்களை கொண்டிருக்கிறது. இது ஒரு புத்துணர்ச்சி ஊட்டும் பழமாகும். இதில், அதிக அளவு நீர்ச்சத்து மற்றும் சில அத்தியாவசிய ஊட்டச்சத்துக்கள் நிறைந்துள்ளதால், செரிமானத்திற்கு உதவுகிறது மற்றும் உடலில் ஏற்படும் நீரிழப்பைத் தடுக்க உதவுகிறது

செலரி:

• கலோரிகள்: 100 கிராம் செலரியில் வெறும் 14 கிராம் கலோரிகள் மட்டுமே உள்ளது.

• நன்மைகள்: கீரை வகையைச் சேர்ந்த செலரியில் அதிக அளவிலான தாது உப்புக்கள், வைட்டமின்கள் மற்றும் அமினோ ஆசிட்கள் நிறைந்துள்ளன. செலரி உங்கள் உடலை தண்ணீரைக் காட்டிலும் இரண்டு மடங்கு ஹைட்ரேட் செய்ய உதவுகிறது. இது இரத்த ஓட்டத்தை அதிகரிப்பது மட்டுமின்றி இரத்த அழுத்தத்தை குறைக்கவும் உதவுகிறது.

இலை கீரைகள்:

• கலோரிகள்: 100 கிராம் இலை கீரைகளில் வெறும் 23 முதல் 30 கிராம் கலோரிகள் உள்ளது.

• நன்மைகள்: கீரை மற்றும் லெட்டூஸ் போன்ற இலை கீரைகளில் வைட்டமின்கள் ஏ, சி மற்றும் கே ஆகியவற்றால் நிரம்பியுள்ளன. இதில் கலோரிகள் மிகக் குறைவாக உள்ள அதேவேளையில், அதிக அளவிலான ஊட்டச்சத்துகள் நிறைந்துள்ளன. ஹார்வர்ட் ஹெல்த் பரிந்துரையின் படி இலை கீரைகளை சாலட்டுகள் மற்றும் ஸ்மூத்திகளில் கலந்து சாப்பிடலாம்.

சீமை சுரைக்காய்:

• கலோரிகள்: 100 கிராம் சீமை சுரைக்காயில் வெறும் 17 கிராம் கலோரிகள் மட்டுமே உள்ளது.

• நன்மைகள்: சீமை சுரைக்காய் ஆனது ஒரு பல்துறை காய்கறி ஆகும், இது ஸ்டிர்-ஃப்ரைஸ், சாலடுகள் அல்லது பாஸ்தாவுக்கு மாற்றாக கூட பயன்படுத்தப்படலாம். இதில் பொட்டாசியம், நார்ச்சத்து மற்றும் வைட்டமின் சி நிறைந்துள்ளது என மெடிக்கல் நியூஸ் டுடே.காம் தெரிவித்துள்ளது. சீமை சுரைக்காயில் நீர் மற்றும் நார்ச்சத்து அதிகம் உள்ளதால், உங்களை நீண்ட நேரம் முழுமையாக உணர வைக்கிறது.

காளான்கள்:

• கலோரிகள்: 100 கிராம் காளான்களில் வெறும் 22 கிராம் கலோரிகள் மட்டுமே உள்ளது.

• நன்மைகள்: காளான்களில் கலோரிகளில் குறைவாக இருப்பது மட்டுமல்லாமல், அதிக ஊட்டச்சத்துக்களும் நிறைந்துள்ளன. இவை ப்ரோடீன் நிறைந்த உணவாக இருப்பது மட்டுமல்லாமல் சிறந்த ஆன்டிஆக்ஸிடன்ட்கள் கொண்டிருக்கின்றன.இவை சூப்கள், சாலடுகள் மற்றும் ஸ்டிர்-ஃப்ரைஸ் போன்ற பல்வேறு உணவுகளில் கலந்து சாப்பிடலாம். பிபிசி குட் ஃபுட் படி, காளான்களில் ப்ரோடீன், நார்ச்சத்து மற்றும் பொட்டாசியம் நிறைந்துள்ளது.

தக்காளி:

• கலோரிகள்: 100 கிராம் தக்காளியில் வெறும் 18 கிராம் கலோரிகள் மட்டுமே உள்ளது.

• நன்மைகள்: தக்காளியில் வைட்டமின்கள் சி மற்றும் கே அதிகம் உள்ளது. அத்துடன் உடலில் இருந்து நச்சுகளை அகற்றவும் தக்காளி உதவுகிறது. தக்காளியில் மாரடைப்பு மற்றும் பக்கவாதத்தை எதிர்க்கும் சக்தி வாய்ந்த ஆன்டிஆக்ஸிடன்ட்களான லைகோபீனை அதிகமாக கொண்டிருக்கின்றன. மேலும், இது எடை குறைப்புக்கு உதவுவதோடு மட்டுமல்லாமல், கொழுப்பு மற்றும் உயர் இரத்த அழுத்தத்தையும் தடுக்க உதவுகிறது.

ப்ரோக்கோலி:

• கலோரிகள்: 100 கிராம் ப்ரோக்கோலியில் வெறும் 34 கிராம் கலோரிகள் மட்டுமே உள்ளது.

• நன்மைகள்: ப்ரோக்கோலியில் நார்ச்சத்து, வைட்டமின் சி மற்றும் கே மற்றும் ஆன்டிஆக்ஸிடன்ட்கள் நிறைந்துள்ளன. மேலும் இதில் ஃபோலேட், கால்சியம் மற்றும் மெக்னீசியம் நிறைந்துள்ளது என்று மெடிக்கல் நியூஸ் டுடே.காம் தெரிவித்துள்ளது. குறைந்த அளவு கலோரி கொண்ட ப்ரோக்கோலியை பச்சையாகவோ, வேகவைத்தோ அல்லது வறுத்தோ சாப்பிடலாம்.
  

  காலிபிளவர்:

  • கலோரிகள்: 100 கிராம் காலிபிளவரில் வெறும் 25 கிராம் கலோரிகள் மட்டுமே உள்ளது.

  • நன்மைகள்: குறைந்த அளவு கலோரி கொண்ட காலிபிளவரில் நார்ச்சத்து மற்றும் வைட்டமின் சி நிறைந்துள்ளதால் ஆரோக்கியமான எடை குறைப்புக்கு உதவுகிறது. மேலும், இது இதய ஆரோக்கியத்தையும், செரிமான அமைப்பையும் மேம்படுத்தும் ஆன்டிஇன்ஃபிளமேட்டரி பண்புகள் கொண்டுள்ளன. இது பெரும்பாலும் பீட்சா மேற்பரப்பில் பயன்படுத்தப்படுகிறது.

  அஸ்பாரகஸ்:

  • கலோரிகள்: 100 கிராம் அஸ்பாரகஸில் வெறும் 20 கிராம் கலோரிகள் மட்டுமே உள்ளது.

  • நன்மைகள்: அஸ்பாரகஸ் ஆனது ஊட்டச்சத்து நிறைந்த காய்கறியாகும். இதில் நார்ச்சத்து அதிகமாகவும் மற்றும் கலோரிகள் குறைவாகவும் உள்ளது. அஸ்பாரகஸில் வைட்டமின்கள் கே, ஏ மற்றும் ஈ ஆகியவற்றின் சிறந்த மூலமாகும், அத்துடன் இரும்புச் சத்தும் நிறைந்துள்ளது என்று மெடிக்கல் நியூஸ் டுடே.காம் தெரிவித்துள்ளது. அவை வறுத்தோ அல்லது வேகவைத்தோ சாப்பிடலாம்.

  முள்ளங்கி:

  • கலோரிகள்: 100 கிராம் முள்ளங்கியில் வெறும் 16 கிராம் கலோரிகள் மட்டுமே உள்ளது.

  • நன்மைகள்: முள்ளங்கியில் அதிக அளவில் ஊட்டச்சத்துகள் மற்றும் அதிக அளவிலான மருத்துவ குணங்கள் நிறைந்துள்ளது. காய்கறிகளில் நம்ப முடியாத அளவுக்கு குறைந்த அளவிலான கலோரி நிறைந்துள்ள காயாகும். முள்ளங்கி சிறுநீரகத்தில் சேர்த்துள்ள நச்சுக்களை சுத்தப்படுத்த உதவுகிறது. முள்ளங்கியில் பொட்டாசியம், ஃபோலேட் மற்றும் வைட்டமின் சி ஆகியவை நிறைந்துள்ளது.

  குடைமிளகாய்:

  • கலோரிகள்: 100 கிராம் முள்ளங்கியில் வெறும் 31 கிராம் கலோரிகள் மட்டுமே உள்ளது.

  • நன்மைகள்: குடைமிளகாய் ஆனது வைட்டமின் சி நிரம்பியுள்ளது, மேலும் இது எந்த உணவிற்கும் சுவையையும், வண்ணத்தையும் சேர்க்கிறது. அவை குறைந்த கலோரிகள் மற்றும் வைட்டமின் சி மற்றும் ஆன்டிஆக்ஸிடன்ட்கள் நிறைந்துள்ளன. எனவே அவற்றை சாலட்களில் கலந்தோ அல்லது வறுத்தோ சாப்பிடலாம்.

  முட்டைக்கோஸ்:

  • கலோரிகள்: 100 கிராம் முட்டைக்கோஸில் வெறும் 25 கிராம் கலோரிகள் மட்டுமே உள்ளது.

  • நன்மைகள்: முட்டைக்கோஸ் ஆனது நார்ச்சத்து நிறைந்த காய்கறி ஆகும், குறைந்த கலோரிகள் கொண்ட இந்த காய்கறி ஆனது செரிமான அமைப்பை மேம்படுத்துகிறது. சிவப்பு முட்டைக்கோஸில் வைட்டமின்கள் A, C மற்றும் K உள்ளிட்ட வைட்டமின்களின் சிறந்த மூலமாகும். இதை சாலடுகள், ஸ்டிர்-ஃப்ரைஸ் அல்லது சூப்களில் கலந்து சாப்பிடலாம்.

  கேரட்:

  • கலோரிகள்: 100 கிராம் கேரட்டில் வெறும் 41 கிராம் கலோரிகள் மட்டுமே உள்ளது.

  • நன்மைகள்: கேரட்டில் மிக குறைந்த அளவு கலோரிகளை மட்டுமே கொண்டுள்ளது. கேரட் ஆனது உங்கள் மூளை மற்றும் கண் ஆரோக்கியத்தை மேம்படுத்த உதவுமிறது. அது மட்டுமல்லாமல், விரைவான உடல் எடை இழப்புக்கும் கேரட் உதவுகிறது. கேரட்டில் உள்ள பீட்டா கரோட்டின், வைட்டமின் ஏ மற்றும் நார்ச்சத்து ஆனது உங்கள் வளர்சிதை மாற்ற விகிதத்தை அதிகரிக்கிறது. அத்துடன் உடலில் உள்ள கெட்ட கொழுப்பு செல்களை வெளியேற்றவும் கேரட் உதவுகிறது.

  தர்பூசணி:

  • கலோரிகள்: 100 கிராம் தர்பூசணியில் வெறும் 30 கிராம் கலோரிகள் மட்டுமே உள்ளது.

  • நன்மைகள்: குறைந்த அளவு கலோரிகளை கொண்ட தர்பூசணியில் ஆன்டிஆக்ஸிடன்ட்கள் மற்றும் ஊட்டச்சத்துக்கள் நிறைந்துள்ளது. இது நீரேற்றத்தை ஆதரிப்பதோடு மட்டுமல்லாமல், இதய ஆரோக்கியம் உட்பட ஒட்டுமொத்த ஆரோக்கியத்தையும் அதிகரிக்கிறது. இது கலோரிகளில் குறைவு, ஆனால் இயற்கையாகவே இனிப்பு.
    

    ஸ்ட்ராபெர்ரிகள்:

    • கலோரிகள்: 100 கிராம் ஸ்ட்ராபெர்ரிகளில் வெறும் 32 கிராம் கலோரிகள் மட்டுமே உள்ளது.

    • நன்மைகள்: குறைந்த கலோரிகள் கொண்ட ஸ்ட்ராபெர்ரியில் ஆன்டிஆக்ஸிடன்ட்கள், வைட்டமின் சி மற்றும் நார்ச்சத்து நிறைந்துள்ளது. மேலும் அவை மேன்கனீஸ் மற்றும் நார்ச்சத்துக்கான சிறந்த மூலமாகும். ஒரு ஸ்ட்ராபெரியில் வெறும் 6 கலோரிகள் மட்டுமே உள்ளது. அவை ஸ்னாக் அல்லது ஸ்மூத்திகளில் கலந்து சாப்பிடலாம்.

    கிரீன் பீன்ஸ்:

  • கலோரிகள்: 100 கிராம் கிரீன் பீன்ஸில் வெறும் 31 கிராம் கலோரிகள் மட்டுமே உள்ளது.

  • நன்மைகள்: கிரீன் பீன்ஸ் ஆனது குறைந்த கலோரி மற்றும் நார்ச்சத்து நிறைந்த காய்கறி ஆகும், இது வேகவைத்தோ அல்லது வறுத்தோ சாப்படலாம். கிரீன் பீன்ஸில் வைட்டமின் பி, வைட்டமின் கே மற்றும் வைட்டமின் சி உள்ளிட்ட பல ஊட்டச்சத்துக்களைக் கொண்டிருக்கின்றன.

Click here for more Health Tip

 Click here to join whatsapp group for daily health tip

 நீண்ட நேரம் உடல் உழைப்பை போட்டு வேலை செய்வதால் ஏற்படும் ஆபத்துகள் பற்றி மக்கள் பெரும்பாலும் அறிந்திருக்க மாட்டார்கள். இது உங்கள் முதுகு தண்டுவடத்தில் எத்தகைய பாதிப்புகளை ஏற்படுத்தும் என்பது பற்றி டாக்டர் எஸ்.கே.ராஜன் விரிவாக விளக்குகிறார்.

இன்றைய பரபரப்பான வேலை கலாச்சாரத்தில், நீண்ட நேரம் உட்கார்ந்திருப்பது அல்லது அதீத வேலை நேரத்தை எதிர்கொள்வதை பலரும் வழக்கமாகக் கொண்டுள்ளனர்.

ஒருபுறம் பலர் இருந்த இடத்தை விட்டு நகராமல் வேலை செய்கிறார்கள். மறுபுறம் பல கிலோமீட்டர் தூரம் வண்டி ஓட்டியே தேய்ந்து கொண்டிருக்கிறார்கள். இன்னொருபுறம் மணிக்கணக்கில் நின்று வேலை செய்ய வேண்டிய சூழல் இருக்கிறது. இதுபோன்ற நவீன சூழல் வேலைகளில் சிக்கித் தவிப்பவர்கள் தங்களது உடல்நலன் குறித்து சிந்திக்கிறார்களா என்றால், இல்லை என்பது தான் பெரும்பாலானோரின் பதிலாக இருக்கிறது. இவ்வாறு உடல் ஆரோக்கியத்தை கருத்தில் கொள்ளாமல் நீண்ட நேரம் உழைப்பதால் உடலில் பல்வேறு பிரச்சனைகளை சந்திக்க நேரிடும்.

குறிப்பாக மேற்குறிப்பிட்ட உட்கார்ந்து கொண்டேயிருப்பது, வண்டி ஓட்டிக் கொண்டே இருப்பது மற்றும் தொடர்ந்து நிற்பது உங்களது முதுகுத்தண்டில் கடுமையான பாதிப்புகளை ஏற்படுத்தும். இவ்வாறு நீண்ட நேரம் வேலை செய்வதால் ஏற்படும் ஆபத்துகள் பற்றி மக்கள் பெரும்பாலும் அறிந்திருக்க மாட்டார்கள். பொதுவாக, கடுமையான முதுகெலும்பு பிரச்சினைகள் ஏற்படும் போது தான் அதன் தீவரத்தையும், அதனால் ஏற்படும் வலியையும் எதிர்கொள்ளும் நிலை உருவாகும்.

ஆர்ட்டெமிஸ் மருத்துவமனையின் தலைமை நியூரோ ஸ்பைன் சர்ஜரி மற்றும் நரம்பியல் அறுவை சிகிச்சையின் கூடுதல் இயக்குனரும், நரம்பியல் அறுவை சிகிச்சை மற்றும் முதுகெலும்பு அறுவை சிகிச்சைக்கு பிரபலமான மருத்துவருமான எஸ்.கே. ராஜன் இதுகுறித்து பேசுகிறார்.

உட்கார்ந்த வாழ்க்கை முறை : 

முதுகு பிரச்சனைகளின் முக்கிய காரணங்களில் ஒன்று, பெரும்பாலான வேலைகள் உட்கார்ந்த நிலையில் இருப்பதுதான். நீண்ட நேரம் உட்கார்ந்திருப்பது, குறிப்பாக மோசமான தோரணையில் உட்கார்ந்திருப்பது, முதுகெலும்பில் பெரும் அழுத்தத்தை ஏற்படுத்துகிறது. இது இறுதியில் முதுகெலும்பின் தவறான அமைப்பு, தசை விறைப்பு மற்றும் நாள்பட்ட வலி ஆகியவற்றுக்கு காரணமாகிறது. இதனால் முதுகெலும்பின் இயற்கையான வளைவு அழிக்கப்படுவதுடன், முதுகுக்கு ஆதரவாக இருக்கும் முக்கிய தசைகள் பலவீனமாகவும், அதிகமாகவும் நீட்டிக்கப்பட்டு, கீழ் முதுகுவலி, வட்டுகள் நழுவுதல் மற்றும் சியாட்டிகா போன்ற நோய்களுக்கு வழிவகுக்கும்.

மோசமான தோரணையில் அமர்தல் மற்றும் அதன் நீண்ட கால தாக்கம் : 

மோசமான தோரணையில் அமர்வது முதுகெலும்பு ஆரோக்கியத்தை பாதிக்கும் மற்றொரு முக்கிய காரணியாகும். உட்கார்ந்திருக்கும் போது மேசையில் முன்னால் சாய்வது, தலையை முன்னோக்கி சாய்த்து மானிட்டரைப் பார்ப்பது அல்லது உங்கள் உடலில் சமனில்லாமல் நிற்பது போன்றவை உங்கள் முதுகு மற்றும் கழுத்து தசைகளில் தேவையற்ற அழுத்தத்தை ஏற்படுத்தும். இந்த பழக்கம் கைபோசிஸ், முதுகுத்தண்டு அதிகப்படியாக முன்னோக்கி வளைதல் மற்றும் நீண்ட கால தவறான சீரமைப்பு ஆகியவற்றை ஏற்படுத்தும், இதன் விளைவாக அடிப்படை இயக்கங்கள் கூட சங்கடமானதாக மாறுகிறது. மோசமான தோரணை, காலப்போக்கில், நெகிழ்வுத்தன்மை மற்றும் இயக்கத்தை குறைப்பதன் மூலம் வலியை தீவிரப்படுத்துவதில் முக்கிய பங்காற்றுகிறது.
ஆரோக்கியமான முதுகெலும்புக்கான நடவடிக்கைகள் :

• சிறிய மற்றும் குறிப்பிடத்தக்க மாற்றங்களைச் செய்வதன் மூலம் ஆரோக்கியமான முதுகெலும்பை பராமரிக்க முடியும் மற்றும் முதுகெலும்பு பிரச்சினைகளையும் குறைக்க முடியும். வேலை செய்யும் போது சரியான தோரணையை பராமரிப்பது முக்கியம். உங்கள் கால்களை தரையில் தட்டையாகவும், உங்கள் முதுகை நேராகவும், உங்கள் கணினித் திரையை கண்ணிற்கு நேரமாக இருக்கும்படியும் வைக்கவும்.

• முதுகுத்தண்டில் உள்ள அழுத்தத்தை குறைக்க அடிக்கடி இடைவெளி எடுப்பதும் முக்கியம். ஒவ்வொரு 30 முதல் 45 நிமிடங்களுக்கும் ஒரு சிறிய நடை, கை, கால்களை நீட்டுதல் அல்லது எழுந்திருப்பது, உங்கள் தசைகளுக்கு செயல்பாட்டையும், விறைப்பைத் தவிர்க்கவும் உதவும். இந்த பயிற்சிகள் முக்கிய தசைகளை வலுப்படுத்த உதவும் மற்றும் இது உங்கள் தோரணையையும் மேம்படுத்துகிறது.

• சுருக்கமாக சொல்ல வேண்டுமென்றால், நீண்ட நேரம் வேலை செய்வது பலருக்கும் தவிர்க்க முடியாத விஷயமாக இருந்தாலும், உங்கள் முதுகெலும்புக்கு ஆபத்தை விளைவிக்காமல் இருப்பது சிறந்தது. நல்ல தோரணை நடைமுறைகளைக் கடைப்பிடிப்பது, சுறுசுறுப்பாக இருப்பது மற்றும் அடிக்கடி இடைவெளிகளை எடுப்பது முதுகெலும்புக்கு சிரமத்தைத் தருவதை தடுக்க உதவும்.

• இன்று முதுகுத்தண்டின் ஆரோக்கியத்தைப் பாதுகாப்பது, எதிர்காலத்தில் நாள்பட்ட முதுகு வலி மற்றும் கடுமையான நோய்களைத் தவிர்க்க உதவும். உங்கள் முதுகெலும்பு உங்கள் ஆரோக்கியத்தின் அடித்தளம், எனவே வரும் காலங்களில் உங்கள் இயக்கம் மற்றும் வசதியை உறுதிப்படுத்த உங்கள் உடலை இப்போதே கவனித்துக் கொள்வது சிறந்தது.

Click here for more Health Tip

 Click here to join whatsapp group for daily health tip

எடை குறைக்கும் முயற்ச்சியில் உங்கள் உடலில் இருக்கும் கொழுப்பை குறைக்க போராடுகிறீர்களா? அப்படி என்றால் குறிப்பாக காலை உணவுக்கு உங்கள் டயட்டில் என்ன சேர்த்து கொள்கிறீர்கள் மற்றும் சாப்பிடுகிறீர்கள் என்பதை சற்று கவனித்து பாருங்கள்.

கொழுப்பை குறைக்க போராடுகிறீர்கள் என்றால் காலை நேரத்தில் 30 கிராமுக்கு குறைவான புரதம் போதுமானதாக இருக்காது என்கிறார்கள் உடற்பயிற்சி நிபுணர்கள். பிரபல உடற்பயிற்சி பயிற்சியாளர் சேஸ் சேம்பர்ஸ் “2 முட்டைகள் அதிக ப்ரோட்டீன் கொண்ட காலை உணவு அல்ல” என்று குறிப்பிட்டுள்ளார்.

2 முட்டைகள் + 1 கப் முட்டை வெள்ளைக்கரு (அல்லது) *2 முட்டைகள் + 2 சிக்கன் சாசேஜஸ் (அல்லது) *2 முட்டை + 2 கிரீக் யோகர்ட் இந்த மூன்றில் ஒன்று அதிக புரதம் கொண்ட காலை உணவாகும் என்கிறார். சுருக்கமாக சொன்னால் “30 கிராமுக்கு குறைவான புரதம் இருந்தால், அது அதிக புரதம் கொண்ட காலை உணவு அல்ல” என்று சேம்பர்ஸ் கூறுகிறார். மேலும் புரிந்து கொள்ள, மும்பையில் உள்ள ஜினோவா ஷால்பி மருத்துவமனையின் உணவியல் நிபுணரான ஜினல் படேல் கூறி உள்ள கருத்துக்களை பார்க்கலாம்.

ப்ரோட்டீன் நிறைந்த காலை உணவோடு ஒரு நாளை துவக்குவது அன்றைய நாள் முழுவதும் உற்சாகமாக இருக்க மற்றும் அறிவாற்றல் செயல்பாட்டை மேம்படுத்த உதவுகிறது. காலை நேரத்தில் போதுமான அளவு ப்ரோட்டீன் சேர்த்து கொள்வது ரத்த சர்க்கரை அளவை உறுதிப்படுத்த மற்றும் கவனத்தை மேம்படுத்தவும் உதவுகிறது. அதுபோல அதிகாலையில் போதுமான அளவு ப்ரோட்டீனை உண்பவர்கள், அன்றைய நாளின் அடுத்தடுத்த உணவு தேர்வுகளில் ஆரோக்கியமானவற்றை சேர்ப்பதற்கான வாய்ப்புகள் அதிகம் மற்றும் அதிக சர்க்கரை கொண்ட தின்பண்டங்களுக்கான பசியை நிர்வகிக்க முடியும் என்கிறார் ஜினல் படேல்.

சேஸ் சேம்பர்ஸின் கருத்தை சரி என்று ஒப்பு கொண்ட படேல், கிரீக் யோகர்ட், முட்டை அல்லது பருப்புகள் சாப்பிடுவது வயிறு நிறைந்த முழுமை உணர்வை ஊக்குவிப்பதன் மூலம் பசியை நிர்வகிக்க உதவுகிறது என்று கூறினார். அதிக ப்ரோட்டீன் கொண்டிருக்கும் காலை உணவைப் பொறுத்தவரை, 30 கிராமுக்கு மேல் இருக்க வேண்டும் என்றாலும், சிறிதளவு ப்ரோட்டீன் கன்டென்ட் கொண்ட எந்த உணவும் போதுமானது என்றும் ஒருபக்கம் நம்பப்படுகிறது என்றும் படேல் கூறுகிறார்.

ஆனால் வளர்சிதை மாற்ற செயல்பாட்டில் ப்ரோட்டீன் முக்கிய பங்கு வகிக்கிறது, தவிர காலை உணவில் 30 கிராமுக்கு குறைவாக ப்ரோட்டீன் இருந்தால், உடற்பயிற்சியில் ஈடுபட்டபின்னர் அல்லது தூக்கத்திற்கு பிறகு உடலின் உகந்த செயல்திறனை பெற மற்றும் ரெக்கவரிக்கு போதுமான ஆற்றலை வழங்காது என்றும் படேல் குறிப்பிட்டார். எனவே காலை உணவில் குறைந்தது 40 - 50 கிராம் அளவில் ப்ரோட்டீன் சேர்த்துக் கொள்வது நல்லது.

தனிநபர்கள் தங்களின் காலை உணவுக்கு ஏற்ற புரத அளவு குறித்து நிபுணரிடம் ஆலோசனை பெறுவதும் அவசியம் என்றார். எக்காரணம் கொண்டும் யாரும் காலை உணவை தவிர்க்க வேண்டாம். காலை நேரத்தில் சேர்த்து கொள்ள ஏற்ற புரதச்சத்து அதிகம் உள்ள சரியான உணவுகளை பற்றி நிபுணரிடம் ஆலோசித்து உங்கள் டயட்டை திட்டமிடுவது பயனுள்ளதாக இருக்கும் என்று அறிவுறுத்தினார்.

Click here for more Health Tip

 Click here to join whatsapp group for daily health tip 

 ஒவ்வொருவரும் தங்களது உடலை கோயிலைப் போல பேணிக் காக்க வேண்டும். நீங்கள் உங்கள் உடலை மோசமாக நடத்தினால், அது உங்கள் ஒட்டுமொத்த ஆரோக்கியத்தையும் குறிப்பாக உங்கள் உடற்தகுதியை பாதிக்கும். உங்கள் உடல், உடற்பயிற்சி, நீங்கள் உண்ணும் உணவு வகை அல்லது நீங்கள் செய்யும் செயல்பாடுகள் மற்றும் நீங்கள் பின்பற்றும் வாழ்க்கை முறை ஆகியவற்றுடன் நேரடியாக தொடர்புடையது.

எனவே வாழ்க்கை முறை தவறுகள் உங்கள் உடல் ஆரோக்கியத்தை மட்டுமல்ல, உங்கள் மன ஆரோக்கியத்தையும் பாதிக்கும் என்று கூறுகிறார்கள். எனவே, உங்கள் உடல் ஆரோக்கியத்தையும், உடற்தகுதியையும் கெடுக்கும் தீய பழக்கங்களை அறிந்து, அதனை பாதுகாப்பாக வைத்திருப்பது சிறந்தது.

தவிர்க்க வேண்டிய 10 கெட்ட பழக்கங்கள்..

உங்கள் உடலை ஆரோக்கியமாக வைத்திருக்க விரும்பும் பட்சத்தில், கீழே கொடுக்கப்பட்டுள்ள 10 தவறுகளை தவிர்ப்பது நல்லது..

2. மோசமான தோரணை: நீங்கள் மோசமான தோரணையில் உட்கார்வது, இரண்டு முக்கியமான விஷயங்களைக் குறிக்கிறது. முதலாவது, உங்கள் தசைகள் பலவீனமாக இருப்பதைக் குறிக்கிறது. இரண்டாவது, உங்களுக்கு முதுகுவலி மற்றும் பிற சிக்கல்கள் ஏற்படுவதைக் காட்டுகிறது. உங்கள் ஒட்டுமொத்த ஆரோக்கியத்திற்கும், உடற்தகுதிக்கும் சரியான தோரணையில் உட்கார்வது மிகவும் முக்கியம். தொடர்ந்து உடற்பயிற்சி செய்வதால் உங்கள் தசைகள் வலிமை பெறும் மற்றும் நல்ல தோரணையை எளிதாக பராமரிக்க உதவும்.

3. காலை உணவைத் தவிர்ப்பது: காலை உணவை ஒருபோதும் தவிர்க்காதீர்கள், இது அன்றைய நாளுக்கான மிக முக்கியமான உணவாகும், எனவே காலை உணவு எடுத்துக் கொள்ளாமல் இருந்தால், நாள் முழுவதும் உங்களுக்கு ஆற்றல் குறைவாக இருக்கலாம். நீங்கள் சோர்வாகவும் உணரலாம்.

4. அதிகமாக போன்களைப் பயன்படுத்துதல்: அதிக திரை நேரம் உங்கள் கண்களுக்கும், உங்கள் தூக்க ஆரோக்கியத்திற்கும் மற்றும் உங்கள் சருமத்திற்கும் மிகவும் மோசமான விளைவுகளை ஏற்படுத்தும். இது மன அழுத்தத்திற்கும் காரணமாகிறது.

5. அதிகப்படியான காஃபி: அதிகப்படியாக காஃபி குடித்தல் நீரிழப்பு, நடுக்கம் மற்றும் பதட்டத்திற்கு வழிவகுக்கும்.

6. மோசமான தூக்க பழக்கம்: தவறான நேரத்தில் தூங்குவதும், விழிப்பதும் உங்கள் உடலுக்கு மிகவும் மோசமான விளைவுகளை தரும். ஏனெனில் இது உங்கள் தூக்க சுழற்சி, உங்கள் சர்க்காடியன் ரிதம், உங்கள் ஹார்மோன்கள் மற்றும் தூக்கம் தொடர்பான மற்ற பிரச்சனைகளுக்கும் வழிவகுக்கும்.

7. லேட் நைட் ஸ்நாக்கிங்: ஆரோக்கியமற்ற உணவுகளை தாமதமாக சாப்பிடுவது எடை அதிகரிப்பு, உடல் பருமன் மற்றும் இறுதியில் இதய பிரச்சனைகள் அல்லது நீரிழிவு நோய்க்கு காரணமாகும்.

8. உடற்பயிற்சியை தவிர்த்தல்: உங்கள் நோய் எதிர்ப்பு சக்தி, தசைகள் மற்றும் எலும்புகள் ஆரோக்கியமாக இருக்கவும், நோய்களைத் தவிர்க்கவும், உங்கள் ஆயுளை அதிகரிக்கவும் உடற்பயிற்சி மிகவும் முக்கியமான ஒன்று.

9. மோசமான நீரேற்றம்: போதுமான தண்ணீர் குடிக்காமல் இருந்தால், நீங்கள் சோர்வாகவும், ஆற்றல் குறைவாகவும் இருப்பதை உணரலாம்.

10. மன அழுத்தம்: மன அழுத்தம் உங்கள் ஆற்றலை பாதிப்பதோடு, உங்கள் உந்து சக்தியையும் பாதிக்கிறது. மேலும் இது இதய நோய்கள், உயர் இரத்த அழுத்தம் போன்ற பிற உடல் பிரச்சனைகளுக்கும் வழிவகுக்கும்.

11. ஜங்க் ஃபுட் சாப்பிடுவது: ஜங்க் ஃபுட் உடல் பருமன், மோசமான இதய ஆரோக்கியம், உயர் இரத்த அழுத்தம், நீரிழிவு மற்றும் நீங்கள் விரும்பாத பிற நாள்பட்ட நோய்களுடன் நேரடியாக தொடர்புடையது.

Click here for more Health Tip

 Click here to join whatsapp group for daily health tip

 பக்கவாதம் என்பது ஒருவரை வீட்டுக்குள்ளேயே முடக்கி போட்டு வாழ்க்கையே புரட்டிப் போடக்கூடிய ஒரு மோசமான உடல்நல பிரச்சனை. ஒருமுறை பக்கவாதம் வந்துவிட்டால் அது இரண்டாவது முறையோ அல்லது மீண்டும் மீண்டும் ஏற்படுவதற்கு அதிக வாய்ப்பு உள்ளது. இரண்டாவது முறை பக்கவாதம் வராமல் தடுப்பதற்கு வாழ்க்கை முறை மாற்றங்கள் மற்றும் பக்கவாதத்தை ஏற்படுத்தும் காரணிகளை தீவிரமாக தடுப்பது மிகவும் அவசியம்.

பக்கவாதம் மற்றும் அதன் அபாயங்களை புரிந்து கொள்ளுதல் : 

ரத்தக்கட்டு காரணமாகவோ அல்லது சேதமடைந்த ரத்த நாளங்கள் காரணமாகவோ மூளைக்கு செல்லும் ரத்த ஓட்டம் தடைபடும் பொழுது பக்கவாதம் ஏற்படுகிறது. போதுமான அளவு ஆக்ஸிஜன் இல்லாத காரணத்தால் மூளை பாதிப்படைய தொடங்குகிறது. இதனால் பேசுவது, நடமாட்டம் மற்றும் அறிவுத்திறன் செயல்பாட்டில் பாதிப்புகள் ஏற்படும். 2020ல் பக்கவாதம் காரணமாக இறந்தோர்களின் எண்ணிக்கை 6.6 மில்லியனாக உள்ளது. இந்த எண்ணிக்கை 2050 ஆம் ஆண்டில் 9.7 ஆக அதிகரிக்கும் என்று எதிர்பார்க்கப்படுகிறது.

முக்கியமான பரிந்துரைகள் : 

முதல் முறை பக்கவாதம் வந்தவர்கள் ஒரு சில முக்கியமான விதிகளை பின்பற்றுவது அவசியம். இதற்கு முன்பு பக்கவாதம் ஏற்பட்டதற்கான காரணத்தை கண்டறிந்து அதற்கான தடுப்பு முறைகளில் ஈடுபடுவது அவசியம். பொதுவாக பக்கவாதம் என்பது உயர் ரத்த அழுத்தம், அதிக கொலஸ்ட்ரால், உடற்பருமன் மற்றும் அதிக ரத்த சர்க்கரை அளவுகளால் ஏற்படலாம். ஆனால் இதனை வாழ்க்கை முறை மாற்றங்கள் மற்றும் ஒரு சில மருந்துகள் மூலமாகவே நம்மால் சமாளிக்க முடியும்.

வழக்கமான பரிசோதனைகளை செய்து கொள்ளுதல் மற்றும் பக்கவாதம் ஏற்படுவதற்கான காரணத்தை கண்டறிந்து அதனை தடுப்பதற்கான போதுமான முயற்சிகளை எடுப்பது மூளையின் ஆரோக்கியத்தில் முக்கிய பங்கு கொண்டுள்ளதாக நிபுணர்கள் கருதுகின்றனர்.

ஆரோக்கியமான வாழ்க்கை முறையின் பங்கு

பக்கவாதத்தை தடுப்பதற்கு உதவும் ஆரோக்கியமான வாழ்க்கைமுறை பழக்க வழக்கங்கள் சில:-

• ஊட்டச்சத்து நிறைந்த உணவை சாப்பிடுவது

• எப்பொழுதும் உடலை ஆக்டிவாக வைத்துக் கொள்வது

• புகையிலையை தவிர்ப்பது

• ஆரோக்கியமான உடல் எடையை பராமரிப்பது

• கொலஸ்ட்ராலை கட்டுப்படுத்துவது

• ரத்த அழுத்தத்தை சீராக வைப்பது

• போதுமான அளவு தூக்கம் பெறுவது

• ரத்த சர்க்கரை அளவை கட்டுப்படுத்துதல்

• ஆலிவ் எண்ணெய், நட்ஸ் அடங்கிய மெடிட்டரேனியன் உணவை பின்பற்றுவதற்கு பெரியோர்கள் பின்பற்ற வேண்டும்.

• வழக்கமான உடற்பயிற்சியில் ஈடுபடுவது அவசியம். அதாவது ஒரு வாரத்திற்கு குறைந்தபட்சம் 150 நிமிடங்களாவது மிதமான உடற்பயிற்சிகளை செய்ய வேண்டும்.
  பெண்களுக்கான பரிந்துரைகள் : 

  கர்ப்ப காலம் அல்லது வாய்வழி கருத்தடை மாத்திரைகளை பயன்படுத்தும் போது பெண்கள் உயர் ரத்த அழுத்தத்தை அனுபவிக்கின்றனர் இதன் காரணமாக அவர்களுக்கு பக்கவாதம் ஏற்படுவதற்கான வாய்ப்பு அதிகமாகிறது. இதற்கு சிறப்பு கவனம் செலுத்துவது அவசியம். எனவே பக்கவாதம் அபாயம் ஏற்படுவதற்கான வாய்ப்புகளை பெண்கள் அவ்வப்போது சோதனைகள் மூலமாக தெரிந்து கொள்ள வேண்டும்.
  

  மேலே கூறப்பட்டுள்ள யுக்திகள் அனைத்தையும் பின்பற்றுவதன் மூலமாக நாம் அனைவரும் பக்கவாதம் ஏற்படுவதற்கான வாய்ப்புகளை முடிந்த அளவு குறைக்கலாம்.
  

  Click here for more Health Tip

   Click here to join whatsapp group for daily health tip

CMC  வேலூர் கல்லூரியில் Project Technical Support வேலை – டிப்ளமோ தேர்ச்சி பெற்றவர்கள் விண்ணப்பிக்கலாம்!

வேலூர் கிறிஸ்டியன் மருத்துவக் கல்லூரி ஆனது வேலைவாய்ப்பு குறித்த புதிய அறிவிப்பு ஒன்றை தற்போது வெளியிட்டுள்ளது. இதில் Staff III Anesthesia Technician, Project Technical Support Gr.III பணிக்கான 2 காலிப்பணியிடங்கள் நிரப்ப உள்ளதாக தெரிவிக்கப்பட்டுள்ளது. தகுதியான விண்ணப்பதாரர்களின் விண்ணப்பங்கள் வரவேற்கப்படுகிறது. இந்த பணி குறித்த முழு விவரங்களையும் கீழே தொகுத்து வழங்கியுள்ளோம். விருப்பமுள்ளவர்கள் இறுதி நாள் முடிவதற்குள் விண்ணப்பித்து பயனடையுமாறு அறிவுறுத்தப்படுகிறார்கள்.

காலிப்பணியிடங்கள்:

Staff III Anesthesia Technician, Project Technical Support Gr.III பணிக்கென காலியாக உள்ள 2 பணியிடங்கள் நிரப்ப உள்ளதாக தெரிவிக்கப்பட்டுள்ளது.

 கல்வி தகுதி:

விண்ணப்பதாரர்கள் அங்கீகாரம் பெற்ற பல்கலைக்கழகத்தில் அல்லது கல்வி நிலையத்தில் B.Sc / Diploma தேர்ச்சி பெற்றிருக்க வேண்டும் என தெரிவிக்கப்பட்டுள்ளது.

வயது வரம்பு:

விண்ணப்பதாரர்களின் அதிகபட்ச வயதானது 35 என நிர்ணயிக்கப்பட்டுள்ளது.

ஊதிய விவரம்:

தேர்வு செய்யப்படும் விண்ணப்பதாரர்களுக்கு பணியின் அடிப்படையில் ரூ.33,040/- மாத ஊதியமாக வழங்கப்படும் என தெரிவிக்கப்பட்டுள்ளது.’

தேர்வு செய்யப்படும் முறை:

விண்ணப்பதாரர்கள் எழுத்து தேர்வு / நேர்காணல் மூலம் தேர்வு செய்யப்படுவார்கள்.

விண்ணப்பிக்கும் முறை:

தகுதியான விண்ணப்பதாரர்கள் அதிகாரப்பூர்வ இணையதளத்தில் விண்ணப்ப படிவம் பெற்று பூர்த்தி செய்து ஆன்லைன் மூலம் விண்ணப்பிக்குமாறு அறிவுறுத்தப்படுகிறார்கள். 04.11.2024ம் தேதிக்கு பின் பெறப்படும் விண்ணப்பங்கள் ஏற்றுக்கொள்ளப்படாது என தெரிவிக்கப்பட்டுள்ளது.

Download Notification PDF

🔻🔻🔻
Click here to join WhatsApp group for Daily employment news

Click here to join TNkalvinews whatsapp group

Click here to join TNPSC STUDY whatsapp group