காலையில் தவறாமல் செய்ய வேண்டிய சில பழக்கங்கள்!!!

 இன்றைய நவீன உலகில் நிறைய மாற்றங்கள் உள்ளன. அத்தகைய மாற்றங்களால், வாழ்க்கை முறையும், பழக்கவழக்கங்களும் மாறுகின்றன. இதனால் நிறைய பிரச்சனைகள் உடலில் ஏற்படுகின்றன. ஆகவே பலர் ஆரோக்கியமான பழக்கங்கள் என்று அதனை கண்ட நேரங்களில் செய்கின்றனர். ஆனால் அவ்வாறு கண்ட நேரத்தில் செய்தால், எந்த ஒரு பலனும் இல்லை. மேலும் ஆரோக்கியமான பழக்கம் என்பது எந்த ஒரு செயலையும் செய்ய வேண்டிய நேரத்தில் செய்வது தான். அதைவிட்டு, மற்ற நேரங்களில் செய்தால், அந்த ஆரோக்கியமான செயல்கள் கூட, ஆரோக்கியமற்றது தான்.

உதாரணமாக, தூங்கினால் விரைவில் எழுவது நல்ல பழக்கம் தான். ஆனால் அதிகாலையில் எழுவது தான், காலையில் செய்யும் பழக்கங்களில் ஆரோக்கியமானது. இது போன்று சாப்பிடுவது, குளிப்பது என்று ஒருசில உள்ளன. அத்தகைய செயல்களை சரியாக காலை வேளையில் செய்து வந்தால், வாழ்க்கையே மிகவும் ஆரோக்கியமாகவும், சூப்பராகவும் செல்லும். சரி, இப்போது காலையில் செய்ய வேண்டிய ஆரோக்கியமான செயல்கள் என்னவென்று பட்டியலிட்டுள்ளோம். அதைப் படித்து பின்பற்றுங்களேன்

அதிகாலையில் எழுவது தினமானது நன்கு ஆரோக்கியமானதாகவும், மகிழ்ச்சி தரக்கூடியதாகவும் இருக்க வேண்டுமெனில், அதற்கு முதலில் காலையில் சீக்கிரம் எழ வேண்டும். இதனால் உடல் நன்கு சுறுசுறுப்புடன் இருப்பதோடு, புத்துணர்ச்சியுடனும் இருக்கும்.

தண்ணீர் குடிப்பது 

 குழந்தைகளைத் தவிர, மற்ற அனைவருக்கும் 6 முதல் 8 மணிநேர தூக்கம் மட்டும் போதுமானது. ஆனால் அதை விட்டு, நீண்ட நேரம் தூங்கிக் கொண்டு, அதிக நேரம் தண்ணீர் குடிக்காமல் இருக்கக்கூடாது. ஏனெனில் ஆரோக்கியமான பழக்கங்களில் காலையில் எழுந்ததும் தண்ணீர் குடித்து, உடலில் உள்ள கழிவுகளை வெளியேற்றுவதும் ஒன்று.

யோகா 

உடலை ஆரோக்கியமாகவும், பிட்டாகவும் வைத்துக் கொள்ள தினமும் யோகா செய்ய வேண்டும். இதனால் உடல் எடை குறைவதோடு, மனமானது ரிலாஸ் அடைந்து, உடலையும், மனதையும் புத்துணர்ச்சியுடன் இருக்க வைக்கும்

எலுமிச்சை ஜூஸ் 

உடலில் உள்ள கழிவுகள் காலையிலேயே வெளியேறாவிட்டால், பின் அந்த நாளானது அசௌகரியமானதாக இருக்கும். எனவே உடலில் உள்ள கழிவுகளை நீக்குவதற்கு, வெதுவெதுப்பான நீரில் எலுமிச்சை சாற்றை பிழிந்து, தேன் சேர்த்து குடிக்க வேண்டும். இதுவும் காலையில் செய்யும் ஆரோக்கிய பழக்கங்களில் ஒன்று.

உடற்பயிற்சி 

காலையில் எழுந்ததும் உடற்பயிற்சி செய்யும் பழக்கத்தை பின்பற்ற வேண்டும். அதிலும் நடைப்பயிற்சி அல்லது ஜாக்கிங் போன்றவற்றை செய்ய வேண்டும். இல்லையெனில் ட்ரெட்மில் எனப்படும் ஜாக்கிங் செய்யும் இயந்திரத்தில் சிறிது நேரம் பயிற்சி செய்ய வேண்டும்.

குளிப்பது 

எப்போதும் காலையில் எழுந்ததும் குளித்துவிட வேண்டும். இதனால் உடலில் உள்ள சோர்வு நீங்கி, புத்துணர்வு கிடைக்கும். அதைவிட்டு, தாமதமாக குளித்தால், உடலில் உள்ள அழுக்குகள் நீங்குமே தவிர, புத்துணர்ச்சி கிடைக்காது.

ஜூஸ் 

காலையில் எழுந்ததும் காபி அல்லது டீ போன்றவற்றை குடிப்பதற்கு பதிலாக, பழத்தை வைத்து ஜூஸ் போட்டு குளித்தால், உடலுக்கு நல்லது. அதைவிட்டு காலையில் எழுந்ததும் காபி அல்லது டீ குடித்தால், அதில் உள்ள காப்ஃபைன் பொருளானது மூளையை தூண்டி, உடலுக்கு பாதிப்பை ஏற்படுத்தும்.

காலை உணவு 

ஒரு நாளைக்கு காலை உணவு தான் மிகவும் முக்கியம். ஏனெனில் நீண்ட நேரம் கழித்து சாப்பிடுவதால், காலையில் நன்கு வயிறு நிறைய சாப்பிட்டாலும் எந்த ஒரு தவறும் இல்லை. மேலும் எந்த ஒரு பிரச்சனையும் ஏற்படாது. ஆகவே காலையில் ஓட்ஸ், சாண்ட்விச், பழங்கள் போன்ற ஆரோக்கியமான உணவுகளை வயிறு நிறைய சாப்பிடலாம். இதுவும் ஒரு காலையில் செய்யக்கூடிய ஆரோக்கியமான பழக்கம் தான்.

Read More

தினம் ஏலக்காய் சாப்பிட்டால் போதும்; இத்தனை நன்மைகள் கிடைக்குமா

 இந்திய இல்லங்களில் பயன்படுத்தக்கூடிய மசாலா வகைகளில் ஏலக்காய் முக்கிய பங்கு வகிக்கிறது. தேநீர் முதல் பல காய்கறிகளில் ஏலக்காய் பயன்படுத்தப்படுகிறது, ஆனால் ஒரு சிறிய ஏலக்காய் உங்களை பல நோய்களிலிருந்து காப்பாற்ற உதவுகிறது என்பது உங்களுக்கு தெரியுமா? ஆம், இரத்த அழுத்தத்தை சீராக வைத்து மாரடைப்பு அபாயத்தைக் குறைப்பதிலும் ஏலக்காய் மிகவும் பயனுள்ளதாக இருக்கிறது. எனவே ஏலக்காயின் மற்ற நன்மைகள் என்னவென்று பார்ப்போம்.

இந்த கூறுகள் ஏலக்காயில் உள்ளன

ஏலக்காயில் கார்போஹைட்ரேட், உணவு நார்ச்சத்து, கால்சியம், பொட்டாசியம், மெக்னீசியம், இரும்பு மற்றும் பாஸ்பரஸ் போன்ற தாதுக்கள் உள்ளன. அத்தகைய சூழ்நிலையில், உயர் இரத்த அழுத்தம் உள்ளவர்கள் அதை தங்கள் உணவில் சேர்த்துக்கொண்டால் நன்மை பயக்கும். உண்மையில், கால்சியம், பாஸ்பரஸ் மற்றும் பொட்டாசியம் போன்ற தாதுக்கள் இரத்த அழுத்தத்தைக் கட்டுப்படுத்துவதில் பெரும் பங்கு வகிக்கின்றன.

ஏலக்காய் சாப்பிடுவதால் இந்த பலன்கள் கிடைக்கும்

* ஏலக்காயை உட்கொள்வது வளர்சிதை மாற்றத்தை விரைவுபடுத்துவதற்கு மிகவும் நன்மை பயக்கும்.

* நோய் எதிர்ப்பு சக்தியை வலுப்படுத்த, உங்கள் உணவில் ஏலக்காயை சேர்த்துக்கொள்ளலாம்.

* ஏலக்காய் சாப்பிடுவதால் மாரடைப்பு ஏற்படும் அபாயம் குறைகிறது. அதாவது, இதை சாப்பிடுவதன் மூலம், உங்கள் உடலில் கொலஸ்ட்ரால் கட்டுப்படும்.

* சரியான நேரத்தில் தூக்கம் வராதவர்கள் அல்லது தூக்கமின்மை பிரச்சனை உள்ளவர்கள் கண்டிப்பாக ஏலக்காயை உட்கொள்ள வேண்டும்.

ஏலக்காயை எந்த முறையில் உட்கொள்ள வேண்டும்

* ஏலக்காய் வாய் புத்துணர்ச்சியாக செயல்படுகிறது. ஏலக்காய் விதைகளை நேரடியாக மென்று சாப்பிடலாம்.

* இது தவிர டீயில் ஏலக்காயை போட்டு குடிக்கலாம்.

* எந்த உணவிலும் ஏலக்காயை செர்த்துக்கொள்ளலாம். இதனால் உணவின் சுவையும் அதிகரிக்கும்.

ஏலக்காய் சாப்பிட்டால் என்ன நன்மைகல் கிடைக்கும்

• ஏலக்காய் நீரிழிவு நோயாளிகள், ஆஸ்துமா, இதய பாதிப்பு கொண்டவர்கள் என தீராத நோயால் பாதிக்கப்பட்டவர்களுக்கு பலன் அளிக்கிறது.
• மனநலம் பாதிக்கப்பட்டவர்களுக்கு அவர்களின் மனநிலையை மாற்றும் சக்தி ஏலக்காய்க்கு உண்டு.
• பருவநிலை மாற்றத்தின்போது உண்டாகும் சளி, இருமல், காய்ச்சலுக்கு வீட்டு வைத்தியமாக இருக்கிறது.
• மனப்பதட்டம், குமட்டல் போன்றவற்றிற்கும் உதவுகிறது. அதோடு நோய் எதிர்ப்பு அழற்ச்சி, பாக்டீரியாக்களை எதிர்த்துப் போராடும் பண்பு, நோய் எதிர்ப்பு சக்தி என உடலின் எந்த ஆரோக்கிய பாதிப்புகள் நேர்ந்தாலும் அதை எதிர்த்துப் போராடும் ஆற்றல் ஏலக்காய்க்கு உண்டு.

Read More

சர்க்கரை நோயாளிகள் வெல்லம் போட்டு டீ குடிக்கலாமா

 மாறிவரும் வாழ்க்கை முறை மற்றும் உணவுப் பழக்க வழக்கங்களில் உங்களைக் கவனித்துக்கொள்வது மிகவும் அவசியம். பெரும்பாலான மக்கள் தவறான உணவுப் பழக்கத்தால் நீரிழிவு நோயால் பாதிக்கப்படுகின்றனர். அத்தகைய நோயாளிகள் தங்களைத் தாங்களே கவனித்துக் கொள்ள வேண்டியது அவசியம். எதை உட்கொள்ள வேண்டும், என்பது பெரிய கேள்வியாக இருக்கக்கூடாது. அதன்படி சர்க்கரை நோய் உள்ளவர்களுக்கு வெல்லம் போட்டு டீ குடிக்கலாமா வேண்டாமா என்றும் கேள்வி பலருக்கு உள்ளது. எனவே அதன் நன்மைகள் மற்றும் தீமைகள் பற்றி தெரிந்து கொள்வோம்.

சர்க்கரையை விட வெல்லம் அதிக நன்மை பயக்கும்

நீரிழிவு நோயால் பாதிக்கப்பட்டவர்களுக்கு வெல்லம் போட்ட தேநீர் பயனுள்ளதாக இருக்கும், ஆனால் அதை உட்கொள்ளும் முன், நீங்கள் பல விஷயங்களை கவனித்துக் கொள்ள வேண்டியது அவசியமாகும். 

பொதுவாக சர்க்கரையை விட வெல்லம் அதிக நன்மை பயக்கும். வெல்லத்தில் பாஸ்பரஸ், இரும்பு, மெக்னீசியம் மற்றும் பொட்டாசியம் உள்ளது. இது தவிர, பல வைட்டமின்கள் மற்றும் தாதுக்களும் இதில் காணப்படுகின்றன. குளிர்காலத்தில் வெல்லத்தை உட்கொள்வது உடலில் வெப்பத்தை உருவாக்குகிறது, இது உடலுக்கு கதகதப்பாக வைத்திருக்க உதவும். 

வெல்லம் தேநீர் இரத்த சர்க்கரையை அதிகரிக்குமா?

சர்க்கரை நோயால் பாதிக்கப்பட்டவர்கள் வெல்லம் கலந்த தேநீர் அருந்தலாம். இருப்பினும், இது அதிக தீங்கு விளைவிப்பதில்லை. வெல்லம் உடலுக்கு சூடு என்பதால், நீங்கள் அதை குறைந்த அளவிலேயே பயன்படுத்த வேண்டும் என்பதை நினைவில் கொள்ள வேண்டும். அப்படிப்பட்ட நிலையில் வெல்லம் சாப்பிடுவதால் உடல் உஷ்ணம் அடைந்தாலும் ரத்தத்தில் இருக்கும் சர்க்கரை அளவை அதிகரிக்கும் அபாயம் உள்ளது. எனவே, இரத்த சர்க்கரையை கட்டுக்குள் வைத்திருக்க, குறைந்த அளவு வெல்லம் தேநீர் குடிக்க முயற்சி செய்யுங்கள்.

முக்கிய குறிப்பு

* நீரிழிவு நோயாளிகள் தங்கள் உணவில் மிகுந்த கவனம் செலுத்த வேண்டும். மருத்துவரின் அறிவுரையின்றி எதையும் உட்கொள்ளக் கூடாது.

* இது தவிர பச்சைக் காய்கறிகளை உணவில் அதிகம் சேர்த்துக் கொள்ள வேண்டும், பழங்களையும் சேர்த்துக்கொள்ள வேண்டும்.

* இன்சுலின் அளவு உடலில் நிலைத்திருக்கும் வகையில், குறுகிய இடைவெளியில் எதையாவது சாப்பிட முயற்சி செய்யுங்கள்.

Read More

இந்த அறிகுறிகள் இருந்தால் உங்க உடலில் இரத்த சுழற்சி குறைவாக இருக்குனு அர்த்தம்... இது உயிருக்கே ஆபத்தாகலாம்!

 உங்கள் முழு உடலுக்கும் இரத்தம், ஆக்ஸிஜன் மற்றும் ஊட்டச்சத்துக்களை வழங்கும் உங்கள் சிக்கலான, தொலைநோக்கு சுற்றோட்ட அமைப்பில் ஏதாவது குறுக்கிடும்போது மோசமான சுழற்சி ஏற்படுகிறது. உங்கள் இதயம், நரம்புகள், தமனிகள், நுண்குழாய்கள் மற்றும் பிற இரத்த நாளங்கள் ஆரோக்கியமாக இருக்கும்போது, அவை உங்கள் செல்களுக்குத் தேவையான அனைத்தையும் திறமையான முறையில் கொடுக்க முடியும். இது உங்கள் உயிரணுக்களுக்கு ஆக்ஸிஜன் மற்றும் பிற தேவைகளைக் கொண்டு வந்து உங்கள் செல்களில் இருந்து கழிவுகளை எடுத்துச் செல்லும் தொடர்ச்சியான சுழற்சியாகும்.

இரத்தத்தின் சுழற்சியில் தடங்கல்கள் ஏற்படும்போது அது நம் உடலில் பல பிரச்சினைகளை ஏற்படுத்தும். உங்கள் இரத்த நாளங்களில் உள்ள தடைகள் இரத்தம் செல்வதை கடினமாக்குகிறது, குறிப்பாக உங்கள் இதயத்திலிருந்து மிக நீண்ட தூரத்தில் உள்ள உங்கள் உடலின் பாகங்களை அடைய முயற்சிக்கும்போது. உங்கள் விரல்கள் மற்றும் கால்விரல்கள். மோசமான சுழற்சியின் மிகப்பெரிய பிரச்சனை என்னவென்றால், உங்கள் செல்கள் தேவையான அளவு ஆக்ஸிஜனைப் பெறுவதில்லை. இரத்தத்தின் சுழற்சி சீராக இல்லாதபோது உடலில் என்னென்ன பிரச்சினைகள் ஏற்படும் என்று இந்த பதிவில் பார்க்கலாம்.

மூட்டுகளில் உணர்வின்மை மற்றும் கூச்ச உணர்வு

மோசமான சுழற்சியின் பொதுவான அறிகுறிகளில் ஒன்று கைகள் மற்றும் கால்களில் உணர்வின்மை மற்றும் கூச்ச உணர்வு. ஏதாவது இரத்த ஓட்டத்தை கட்டுப்படுத்தும் போது, மற்றும் இரத்தம் போதுமான அளவு முனைகளை அடைய முடியாது, ஒரு நபருக்கு ஊசியால் குத்துவது போன்ற உணர்வும் இருக்கலாம்.

கை கால்களில் குளிர் உணர்வு

 இரத்த ஓட்டம் குறைவதால் கைகள் மற்றும் கால்கள் உடலின் மற்ற பகுதிகளை விட குளிர்ச்சியாக உணரும். ஆரோக்கியமான விகிதத்தில் இரத்த ஓட்டம் இல்லாதபோது, இது தோல் மற்றும் கைகள் மற்றும் கால்களின் நரம்பு முனைகளில் வெப்பநிலை ஏற்ற இறக்கங்களுக்கு வழிவகுக்கும்.

உடலின் கீழ் பகுதிகளில் வீக்கம்

 மோசமான சுழற்சி உடலின் சில பகுதிகளில் திரவத்தை குவிக்கும். இது எடிமா என்று அழைக்கப்படுகிறது, மேலும் இது பெரும்பாலும் கால்கள், கணுக்கால் மற்றும் கால்களில் ஏற்படுகிறது. எடிமா இதய செயலிழப்புக்கான அறிகுறியாகவும் இருக்கலாம். இதயம் உடல் முழுவதும் போதுமான இரத்தத்தை விநியோகிக்க முடியாதபோது இது ஏற்படலாம்.

அறிவாற்றல் செயலிழப்பு

 மோசமான இரத்த ஓட்டம் மூளையின் செயல்பாட்டை நம்பகமான மூலத்தைப் பாதிக்கலாம், இது நினைவாற்றல் இழப்பு மற்றும் கவனம் செலுத்துவதில் சிரமத்திற்கு வழிவகுக்கும். மேலும் மூளைக்கு இரத்த ஓட்டம் குறைதல், உடல் முழுவதும் செலுத்தப்படும் இரத்தத்தின் அளவு குறைதல், இரத்த அழுத்தத்தில் சில மாற்றங்கள் போன்ற பிரச்சினைகளும் ஏற்படலாம்.

செரிமானப் பிரச்சினைகள்

 செரிமானம் இரத்த ஓட்டத்தை சார்ந்துள்ளது, மேலும் மோசமான இரத்த சுழற்சியானது அடிவயிற்றில் உள்ள இரத்த நாளங்களின் புறணியில் சேகரிக்கக்கூடிய கொழுப்புப் பொருட்களுடன் இணைக்கப்படலாம். இதனால் வயிற்று வலி, வயிற்றுப்போக்கு, மலத்தில் இரத்தம், மலச்சிக்கல் மற்றும் தசைப்பிடிப்பு போன்ற பிரச்சினைகள் ஏற்படலாம்.

மூட்டு வலி மற்றும் தசைப்பிடிப்பு

 மோசமான சுழற்சி கால்கள், கால்கள், கைகள் மற்றும் கைகளில் வலியை ஏற்படுத்தும். குளிர்ந்த கைகள் மற்றும் கால்கள் வலிக்கலாம் அல்லது துடிக்கலாம், குறிப்பாக அவை சூடாகத் தொடங்கும் மற்றும் இரத்த ஓட்டம் திரும்பும். கால்கள் மற்றும் கைகளில் மோசமான சுழற்சி வலியை ஏற்படுத்தும். நீண்ட நேரம் உட்கார்ந்து அல்லது நிற்கும்போது கால்களில் இந்த வகையான வலி பெரும்பாலும் மோசமாக இருக்கும். மேலும், இரத்தம் சரியாகச் செல்லாதபோது, ஆக்ஸிஜன் மற்றும் ஊட்டச்சத்துக்கள் திறம்பட திசுக்களை அடைய முடியாது, இது விறைப்பு மற்றும் தசைப்பிடிப்பை ஏற்படுத்தும்.

சரும நிறத்தில் மாற்றங்கள்

 போதுமான அளவு தமனி இரத்தம் உடலின் திசுக்களை அடையும் போது, தோல் வெளிர் அல்லது நீல நிறத்தில் தோன்றும். நுண்குழாய்களில் இருந்து இரத்தம் கசிந்தால், இந்த பகுதிகள் ஊதா நிறத்தில் தோன்றும். மூக்கு, உதடுகள், காதுகள், மார்பகக்காம்புகள், கைகள் மற்றும் பாதத்தில் நிற மாற்றம் ஏற்படலாம்.

கால் புண்கள்

 மோசமான சுழற்சி உடலின் குணப்படுத்தும் திறனை பாதிக்கிறது, இது கால்கள் மற்றும் கால்களில் புண்களுக்கு வழிவகுக்கும். கால்களின் நரம்புகளில் இரத்தம் தேங்கும்போது புண்கள் உருவாகலாம், இது தோலுக்கு அடியில் வீக்கத்தை ஏற்படுத்துகிறது.

Read More

உடல் உணர்த்தும் நோய் அறிகுறிகள்

 நமது உடல் அபூர்வ ஆற்றல்களை கொண்டது. சில நோய்கள் தாக்குவதற்கு முன்னால், அறிகுறிகளை உணர்த்தி நம்மை விழிப்புடன் இருக்கச்செய்யும். அறிகுறிகளை உணர்ந்து உடனடியாக பரிசோதனை மற்றும் சிகிச்சைகளை மேற்கொண்டால் அந்த பாதிப்பு ஏற்படுவதை தவிர்த்துவிடலாம். உடல் உணர்த்தும் உண்மைகளில் கவனிக்கவேண்டியவை என்னென்ன தெரியுமா?

* நீண்ட தூரம் உட்கார்ந்து கால்களை தொங்க போட்டபடி பயணம் மேற்கொள்ளும்போது காலில் வீக்கம் ஏற்பட்டால், அது பயணத்தின் பாதிப்பால் ஏற்பட்டது என்று அலட்சியப்படுத்திவிடவேண்டாம். அது ஒருவேளை இதயத்தில் அல்லது சிறுநீரகத்தின் பாதிப்பை வெளிப்படுத்தும் அறிகுறியாக இருக்கலாம். அதற்கான பரிசோதனைகளை மேற்கொள்வது நல்லது.

* காலையில் தூங்கி எழுந்ததும் சிலருடைய முகம் வீங்கிய நிலையில் காணப்படும். ஒரு சில நாட்கள் அவ்வாறு காணப்பட்டால் பிரச்சினை இல்லை. அடிக்கடி அவ்வாறு வீங்கி காணப்பட்டால், சிறுநீரக நோய் பாதிப்பை உணர்த்தும் அறிகுறியாக எடுத்துக்கொள்ளலாம்.

* அளவுக்கு அதிகமான சோர்வு ஏற்பட்டால் அதை கவனத்தில் எடுத்துக்கொள்ளுங்கள். ரத்தசோகையோ, தைராய்டு பாதிப்பின் வெளிப்பாடாக அது இருக்கக்கூடும்.

* உணவுக்கட்டுப்பாடு, உடற்பயிற்சி போன்றவைகளை மேற்கொள்ளாமல் திடீரென்று உடல் எடை குறைந்தால் டாக்டரை சந்தித்து ஆலோசனை பெறுவது நல்லது. சர்க்கரை நோய், புற்றுநோய், காசநோய் போன்றவைகளில் பாதிப்பு இருந்தால் உடல் எடை இழப்பு ஏற்படும்.

* தினமும் காலையில் படுக்கையில் இருந்து எழும்போது தலைவலி தோன்றினால், டாக்டரை சந்தித்து ரத்த அழுத்தத்தை பரிசோதியுங்கள்.

* உடல் எடை இழப்பு ஏற்படுதல், அதிக தாகம், இரவில் அடிக்கடி சிறுநீர் கழித்தல், உடலில் ஏற்படும் புண்கள் ஆறாமல் இருத்தல் போன்றவை ஏற்பட்டால், அவை சர்க்கரை நோயின் அறிகுறியாக இருக்கலாம்.

* அடிக்கடி ஜீரணகோளாறு, வாந்தி, வயிற்றுப்போக்கு மற்றும் சிறுநீர் மஞ்சள் நிறமாக தோன்றுதல் போன்றவை இருந்தால் அவை ஈரல் வீக்கத்தின் அறிகுறியாக இருக்கக்கூடும்.

* கால் பாதம் வெடித்துக்காணப்படுதல், இளநரை போன்றவை ஏற்பட்டால் உடலில் பித்தம் அதிகரித்திருப்பதை உணர்ந்துகொள்ளலாம். கால் பெருவிரல் அல்லது கை பெருவிரல் முனைப்பகுதி சுருங்கி, வீக்கத்துடன் அவ்வப்போது வலித்துக்கொண்டிருந்தால் அது கவுட் என்ற நோயின் அறிகுறியாக இருக்கலாம்.

* உடல் மெலிதல், முகம் சுருங்கிப்போகுதல் போன்றவை இருந்தால் அது காசநோயாக இருக்கலாம். இருமலே இல்லாமல்கூட காசநோய் ஏற்படுவதுண்டு என்பதை கவனத்தில் கொள்ளுங்கள்.

* தொப்புளின் முன்பாகம் ஆப்பிளின் முன்பகுதி போன்று வீக்கத்துடன் காணப்பட்டால், அதுவும் சர்க்கரை நோயின் அறிகுறியாக இருக்கலாம்.

* கர்ப்பகாலத்தில் ஒருசில பெண்களுக்கு திடீரென்று ஈறுவீக்கம் காணப்படும். அவர்கள் உடனடியாக டாக்டரின் ஆலோசனையை பெறவேண்டும். அந்த பெண்களுக்கு உயர்ரத்தம் அழுத்தம் இருக்கவாய்ப்புண்டு. அவர்களுக்கு குறைப்பிரசவத்தில் குழந்தை பிறக்கும் சூழலும் உருவாகலாம்.

Read More

உஷார்! இந்த பழங்களை காலையில் மறந்து கூட சாப்பிடாதீர்கள்

 பழங்கள் சாப்பிடுவது ஆரோக்கியத்திற்கு நன்மை தரும். அவை உங்களை பல நோய்களிலிருந்து விலக்கி வைக்க உதவுகின்றன, ஆனால் நீங்கள் காலை உணவில் வெறும் வயிற்றில் ஒரு சில பழங்களை சாப்பிட்டால், நன்மைக்கு பதிலாக தீங்கு விளைவிக்கும், ஏனென்றால் காலையில் பழங்களை சாப்பிடுவது உங்கள் ஆரோக்கியத்திற்கு தீங்கு விளைவிக்கும் என்று நிபுணர்கள் கூறுகின்றனர். எனவே பழங்களை ஏன் காலையில் வெறும் வயிற்றில் சாப்பிடக்கூடாது என்பதையும், அதை சாப்பிட சரியான நேரம் என்ன என்பதையும் தெரிந்து கொள்வோம்.

நம் உணவில் மாவுச்சத்து, கொழுப்புச்சத்து போன்றவை நிறைந்த பொருட்களை குறைத்துக் கொண்டு, நார்ச்சத்து, ஊட்டத்துச்சத்துகள் நிறைந்த காய்கறி மற்றும் பழங்களை அதிகம் உட்கொள்ள வேண்டும் என்று மருத்துவர்கள் அறிவுறுத்துகின்றனர். பழங்களை அதிகம் உட்கொள்ள வேண்டும் என்ற எண்ணம் மேலோங்கியுள்ளது என்றாலும் கூட, எந்த சமயத்தில் என்ன பழங்களை நாம் சாப்பிட வேண்டும் என்பது குறித்தும், பழங்களால் ஏற்படும் நன்மை குறித்தும் பலருக்கும் தெரிவதில்லை.

பொதுவாக மினரல்ஸ், ஊட்டசத்துக்கள், நார்ச்சத்து போன்றவை பழங்களில் நிறைந்துள்ளன. இவை சுறுசுறுப்பாக வைத்துக் கொள்ளவும், அன்றாடம் உங்கள் உடலுக்கு தேவையான ஊட்டச்சத்துக்களை கொடுக்கவும் உதவுகிறது. 

காலை வெறும் வயிற்றில் நீங்கள் சாப்பிடக் கூடிய பழம், உங்கள் வயிறை சுத்தம் செய்வதாக அமைய வேண்டும். எனவே அதிகளவு நார்ச்சத்து உள்ள பழத்தை காலை உணவில் எடுத்துக் கொள்ளவது உடலுக்கு பயன் தரும். அதன்படி காலையில் தர்பூசணி, பப்பாளி, கொய்யா, மாம்பழம், மாதுளை மற்றும் வாழைப்பழம் போன்றவற்றை எடுத்துக் கொள்ளலாம்.

பொதுவாக பழங்கள் சாப்பிட சரியான நேரம் காலை 10 மணி முதல் மாலை 4 மணி வரை ஆகும். இது பித்த காலம் என்றும் அழைக்கப்படுகிறது. சாப்பிட்ட பிறகு பழங்களை சாப்பிட முயற்சி செய்யுங்கள். நீங்கள் அதை எளிதாக ஜீரணிக்க முடியும்.

Read More

அரசுப்பள்ளி மாணவர்கள் ‘நீட்’ தேர்வை எதிர்கொள்வது எப்படி..?

 ‘நீட் விலக்கு மசோதா’ விவகாரம் விஸ்வரூபம் எடுத்திருக்கும் இதே வேளையில்தான், ‘நீட்’ தேர்விற்கான அறிவிப்புகளும் வெளியாகி இருக்கிறது. இந்த தேர்விற்காக தனியார் பள்ளி மாணவர்கள் சிறப்பாக தயாராகி வரும் நிலையில், தஞ்சாவூரை சேர்ந்த ஸ்ரீராம், அரசு பள்ளி மாணவர்களுக்கு இலவச நீட் பயிற்சிகளை வழங்கி வருகிறார். குறிப்பாக, தஞ்சாவூர் கல்வி மாவட்டத்தின் கீழ் இயங்கும் 6 அரசுப்பள்ளிகளில் நீட் தேர்விற்கு தயாராகும் மாணவ-மாணவிகளுக்கு பயிற்சி அளித்து வருகிறார். இவர், நீட் தேர்வு பற்றியும், அதில் அரசு பள்ளி மாணவர்களுக்கு வழங்கப்படும் சலுகைகள் பற்றியும், நீட் தேர்விற்கு தயாராகும் விதம் குறித்தும் நம்முடன் பகிர்ந்து கொள்கிறார்.

* அரசு பள்ளி மாணவர்களிடம் நீட் தேர்வு குறித்த புரிதல் எப்படி இருக்கிறது?

நீட் தேர்வை கடினமான தேர்வாக கருதுகிறார்கள். ‘தேர்வு எழுத வேண்டும்’ என்ற முடிவிற்கு வரும் முன்பே ‘இதில் வெற்றி பெறுவது கடினம்’ என்ற முடிவிற்கு வந்து விடுகிறார்கள். உண்மையில், அரசு பள்ளி மாணவர்களுக்கு நீட் தேர்வு ரொம்ப சுலபமானதுதான்.

* எல்லோருக்கும் பொதுவான நீட் தேர்வு அரசுப்பள்ளி மாணவர்களுக்கு மட்டும் எப்படி சுலபமானதாக மாறும்?

பாடத்திட்டம் எல்லோருக்கும் பொதுவானதுதான். ஆனால் தமிழ்நாட்டில் அரசுப்பள்ளி மாணவர்களுக்கான உள் இட ஒதுக்கீடு 7.5 சதவீதமாக இருக்கிறது. இந்த ஒதுக்கீட்டின் மூலம் பெறப்படும் 537 சீட்டுகளும், முழுக்க முழுக்க அரசுப்பள்ளி மாணவர்களுக்கானது. அதில் அரசுப்பள்ளி மாணவர்கள் மட்டுமே சேர முடியும்.

குறிப்பாக 6-ம் வகுப்பு முதல் 12-ம் வகுப்பு வரை அரசுப்பள்ளியிலேயே படித்து முடித்த மாணவர்களே இந்த இட ஒதுக்கீட்டிற்கு தகுதியானவர்கள் என்ற அடிப்படையில், போட்டி வட்டம் சுருங்கி விடுகிறது. தன்னம்பிக்கை கூடிவிடுகிறது.

* நீட் தேர்விற்கு அரசுப்பள்ளி மாணவர்கள் எப்படி தயாராக வேண்டும்?

மனப்பாடம் என்பதை தவிர்த்துவிட்டு, 11-ம் வகுப்பு மற்றும் 12-ம் வகுப்பு பாடங்களை புரிந்து படித்தாலே போதும், சிறப்பாக தயாராகி விடலாம். இந்த பார்முலா உங்களது பிளஸ்-2 பொது தேர்வு மதிப்பெண்ணையும் அதிகரிக்கும். நீட் தேர்வில் வெற்றிப்பெறுவதற்கும் வழிகாட்டும்.

* குறிப்பாக எந்தெந்த பாடத்திட்டத்தில் கவனம் செலுத்த வேண்டும்?

11-ம் வகுப்பு மற்றும் 12-ம் வகுப்பின் இயற்பியல், வேதியியல், உயிரியல் இந்த மூன்று பாடத்திட்டங்களில் இருந்துதான், ‘கொள்குறி’ முறையில் மொத்தம் 720 மதிப்பெண்களுக்கு கேள்விகள் கேட்கப்படும். இதில் 11-ம் வகுப்பு மற்றும் 12-ம் வகுப்பின் உயிரியல் பாடத்தில் இருந்து, 360 மதிப்பெண்களுக்கு கேள்விகள் இடம் பெறும். அதனால் உயிரியல் பாடத்தில் அதிக கவனம் செலுத்த வேண்டும். மேலும் 12-ம் வகுப்பின் இயற்பியல் மற்றும் வேதியியல் பாடத்திட்டத்தில் இருந்து 150 மதிப்பெண்களுக்கு கேள்விகள் கேட்கப்படும். இதில் கவனம் செலுத்தினாலே, 500 மதிப்பெண்களை எடுத்துவிடலாம்.

* கடந்த வருட நீட் தேர்வில், அரசுப்பள்ளி மாணவர்கள் பெற்ற முதல் மதிப்பெண் எவ்வளவு?

பொது பிரிவு தேர்வர்களின் முதல் மதிப்பெண் 710. ஆனால் அரசுப்பள்ளி ஒதுக்கீட்டில் தேர்வு எழுதிய அரசுப்பள்ளி மாணவர்களின் முதல் மதிப்பெண் 514 மட்டுமே. அதனால் அரசுப்பள்ளி மாணவர்கள் நீட் தேர்வு எழுத தயக்கம் காட்டக்கூடாது. ஏனெனில் அரசுப்பள்ளி மாணவர்கள் தனியார் பள்ளி மாணவர்களுடன் போட்டி போடுவதில்லை. அரசுப்பள்ளி மாணவர்களின் நீட் தேர்வு போட்டி மற்ற அரசுப்பள்ளி மாணவர்களுடன் மட்டுமே என்பதை தெளிவாக உணர வேண்டும்.

* அரசுப்பள்ளி மாணவர்களுக்கு என சிறப்பு நீட் பயிற்சி வழங்கப்படுகிறதா?

கடந்த இரண்டு ஆண்டுகள் வழங்கப்பட்டன. ஆனால் இந்த ஆண்டு பயிற்சி வகுப்புகள் நடத்தப்படுவதற்கான சாத்தியக்கூறுகள் குறைவாகவே இருக்கின்றன. ஏனெனில் தேர்வு பணி, விடை தாள் திருத்தம் என ஆசிரியர்களின் பணி அட்டவணை பிசியாக இருக்கும் வேளையில், நீட் தேர்விற்கான சிறப்பு பயிற்சிகள் நடத்தப்பட குறைந்த வாய்ப்புகளே இருக்கின்றன.

* நீட் தேர்வுக்கு விண்ணப்பிக்கும் முறைகள் கடினமானதா?

பொது பார்வையில் சுலபமானதுதான். ஆனால் அரசுப்பள்ளியில் பயிலும் மாணவர்களின் பின்தங்கிய குடும்ப சூழலை கருத்தில் கொள்கையில், அரசுப்பள்ளி மாணவர்களுக்கு கொஞ்சம் குழப்பமானதாக தெரியலாம். மேலும் விண்ணப்பத்தை ஆங்கிலத்தில் பூர்த்தி செய்ய வேண்டும். அதனால் அரசுப்பள்ளி ஆசிரியர்களின் வழிகாட்டுதல் தேவைப்படுகிறது. ஒருசில அரசுப்பள்ளிகளில் தலைமை ஆசிரியர்களே, இந்த பணியை ஆர்வமுடன் முன்னெடுக்கிறார்கள். மருத்துவம் பயில ஆசைப்படும் மாணவ-மாணவிகளுக்கு நீட் தேர்வின் மூலம் வழிகாட்டுகிறார்கள்.

* அரசுப்பள்ளி மாணவர்கள் நீட் தேர்விற்கு விண்ணப்பிக்கும்போது எந்தெந்த விஷயத்தில் கவனம் செலுத்த வேண்டும்?

இன்டர்நெட் மையங்களில் விண்ணப்பிக்கும்போது, பெரும்பாலான அரசுப்பள்ளி மாணவர்களை பொது பிரிவில் சேர்த்து விடுகிறார்கள். இதனால் தமிழக அரசின் அரசுப்பள்ளி மாணவர்களுக்கான உள் ஒதுக்கீடு சலுகையை தவற விடுகிறார்கள். அதனால் ‘அரசுப்பள்ளி கோட்டா’ விஷயத்தில் கவனமாக இருக்க வேண்டும். அதேபோல ஓ.பி.சி.-என்.சி.எல். வகைப்பாட்டில் (பி.சி., எம்.பி.சி., டி.என்.சி., பி.சி.எம்.) வரும் அரசுப்பள்ளி மாணவர்கள் ‘ஆல் இந்தியா கோட்டா’ சான்றிதழை பதிவேற்றம் செய்ய வேண்டும். இதை பெறுவதற்கு, வருமான சான்றிதழ் அவசியம்.

* எவ்வளவு செலவாகும்?

பொது பிரிவினருக்கு ரூ.1600, ஓ.பி.சி. மற்றும் ஈ.டபிள்யூ.எஸ். பிரிவினருக்கு ரூ.1500, எஸ்.சி./எஸ்.டி. மற்றும் மாற்றுத்திறனாளிகளுக்கு ரூ.900-ம் விண்ணப்ப கட்டணமாக நிர்ணயிக்கப்பட்டுள்ளது.

* அரசுப்பள்ளி மாணவர்களுக்கு ‘நீட்’ குறித்து நீங்கள் கூறும் அறிவுரை என்ன?

மருத்துவம் பயிலும் ஆசை, அரசுப்பள்ளி மாணவர் களுக்கு அதிகமாக இருக்க வேண்டும். ஏனெனில் அரசுப்பள்ளி மாணவர்களுக்குத்தான், இந்த வாய்ப்பு அதிகமாக இருக்கிறது. நீட் தேர்விற்கு பிறகு மருத்துவம் பயிலும் அரசுப்பள்ளி மாணவர்களின் எண்ணிக்கை ஒற்றை இலக்கத்தில் இருந்து இரட்டை இலக்கமாக உயர்ந்திருக்கிறது. படிப்பு செலவையும் அரசே ஏற்கும் என்பதால் மருத்துவர் கனவை நனவாக்கலாம். குடும்ப பொருளாதாரத்தை உயர்த்தலாம்.

இந்த ஆண்டிலிருந்து தேர்வு எழுதும் நேரமும், கூடுதலாக 20 நிமிடங்கள் அதிகரிக்கப்பட்டுள்ளது. மொத்தம் 3 மணிநேரம் 20 நிமிடங்கள் நடக்கும் நீட் தேர்வை, தமிழ் வழியிலும் எழுதலாம்.

* நீட் தேர்வு எப்போது? விண்ணப்பிக்க கடைசி தேதி?

ஜூலை 17-தேதி நீட் தேர்வு நடத்தப்படுகிறது. இதற்கு விண்ணப்பிக்க, மே 6-ந் தேதி கடைசி நாள். பிளஸ்-2 பொது தேர்வுகள் மே 23-ந் தேதியோடு முடிவடைகிறது என்பதால், பொது தேர்விற்கு பிறகு நீட் தேர்வுக்கு தயாராக 54 நாட்கள் இருக்கின்றன. இதை அரசுப்பள்ளி மாணவர்கள் சிறப்பாக பயன்படுத்திக் கொள்ள வேண்டும். அதேச மயம், முறைப்படி விண்ணப்பிக்க வேண்டும்.

Read More

கோடையில் திராட்சை அளிக்கும் அற்புத நன்மைகள்: பல வித நோய்களுக்கு ஒரே நிவாரணம்

 திராட்சை பலரின் விருப்பமான பழமாகும். கோடையில் திராட்சை பழத்தை சாப்பிடுவதன் மூலம் பல வகையான நோய்களைத் தவிர்க்கலாம். திராட்சை பழம் சத்துக்களின் களஞ்சியமாகும். இது நோய் எதிர்ப்பு சக்தியை வலுப்படுத்த உதவுகிறது. திராட்சையில் வைட்டமின் சி அதிக அளவில் உள்ளது. இது உடலுக்கு பல வித நன்மைகளை அளிக்கின்றது. 

திராட்சையில் காணப்படும் சத்துக்கள்

வைட்டமின் ஏ, வைட்டமின் சி, வைட்டமின் பி மற்றும் பொட்டாசியம் மற்றும் கால்சியம் ஆகியவை ஏராளமாக உள்ளன. ஃபிளாவனாய்டுகள் திராட்சைகளில் காணப்படும் மிகவும் சக்திவாய்ந்த ஆக்ஸிஜனேற்ற கூறுகளாகும். அவை உடலுக்கு மிகவும் நன்மை பயக்கும். 

இது மட்டுமின்றி, கலோரிகள், நார்ச்சத்து, குளுக்கோஸ், மெக்னீசியம் மற்றும் சிட்ரிக் அமிலம் போன்ற பல ஊட்டச்சத்துக்கள் திராட்சையில் போதுமான அளவில் காணப்படுகின்றன. இவை உடலுக்கு அதிகப்படியான நன்மைகளை அளிக்கின்றன. 

திராட்சை சாப்பிடுவதால் கிடைக்கும் 5 அற்புதமான நன்மைகள்

1. கண்களுக்கு நன்மை பயக்கும்

திராட்சையில் வைட்டமின் ஏ ஏராளமாக உள்ளது. இது கண்களுக்கு மிகவும் பயனுள்ளதாக கருதப்படுகிறது. கண் சம்பந்தமான பிரச்சனை உள்ளவர்கள் திராட்சையை உணவில் சேர்த்துக்கொள்ளலாம்.

2. நீரிழிவு நோயாளிகளுக்கு பயனுள்ளதாக இருக்கும்

நீரிழிவு நோயால் பாதிக்கப்பட்டவர்கள் திராட்சையை உட்கொள்ள வேண்டும். இது உடலில் உள்ள சர்க்கரையின் அளவைக் குறைக்கும். இது தவிர, இது இரும்புச்சத்துக்கான ஒரு சிறந்த மூலமாகவும் இருக்கும்.

3. அலர்ஜியை நீக்குகிறது

சிலருக்கு தோல் அலர்ஜி பிரச்சனை இருக்கும். திராட்சையில் அதிக ஆன்டிவைரல் பண்புகள் காணப்படுகின்றன. இது தோல் தொடர்பான ஒவ்வாமைகளை அகற்ற உதவுகிறது. ஆன்டிவைரல் பண்புகள் போலியோ, வைரஸ் மற்றும் ஹெர்பெஸ் போன்ற வைரஸ்களை எதிர்த்துப் போராடவும் உதவியாக இருக்கும்.

4. புற்று நோயிலிருந்து காக்க உதவியாக இருக்கும்

குளுக்கோஸ், மெக்னீசியம் மற்றும் சிட்ரிக் அமிலம் போன்ற பல தனிமங்கள் திராட்சையில் காணப்படுகின்றன. திராட்சை முக்கியமாக காசநோய், புற்றுநோய் மற்றும் இரத்த தொற்று போன்ற நோய்களுக்கு நன்மை பயக்கும். புற்றுநோய் போன்ற ஆபத்தான நோய்களைத் தடுக்கவும் திராட்சை உதவுகிறது.

5. மார்பக புற்றுநோயைத் தடுப்பதில் பயனுள்ளதாக இருக்கும்

திராட்சை சாப்பிடுவது இதய நோயால் பாதிக்கப்பட்டவர்களுக்கு நன்மை பயக்கும். ஒரு ஆராய்ச்சியின் படி, திராட்சை சாப்பிடுவது மார்பக புற்றுநோயைத் தடுக்கும் என கண்டறியப்பட்டுள்ளது.

Read More

கோடையில் சர்க்கரை நோயாளிகள் கவனமுடன் இருக்க வேண்டிய அவசியம் என்ன

 வானிலையில் வெப்பம் அதிகரிக்கும்போது, ​​இரத்த சர்க்கரை அளவை (Blood Sugar Levels (BSL)) உன்னிப்பாகக் கண்காணித்து, உடல் வெப்பத்தை சரியாகக் கையாள வேண்டும். இல்லை என்றால் சர்க்கரை நோய், கசப்பான விளைவுகளை கொடுக்கும்.

கோடைக்காலம் என்பது அனைவரையும் கடுமையாக தாக்குகிறது என்றாலும், நீரிழிவு நோய் தாக்கத்தை இன்னும் கடினமாக்குகிறது, இதனால் உடல் அதிக வெப்பம் மற்றும் ஈரப்பதம் சீர்குலைகிறது.

 நீரிழிவு நோயாளிகள் அதிக வெப்பநிலை மற்றும் ஈரப்பதத்திற்கு அதிக உணர்திறன் உடையவர்கள் என்பது, தகிக்கும் சூரியனின் தாக்கத்தால் சோர்வடையும் அபாயமும் அதிகரிக்கிறது.

உண்மையில், 80°F அதாவது சுமார் 27°Cக்கும் அதிகமான வெப்பநிலை, ​​நீரிழிவு நோய்க்கான மருந்துகள் மற்றும் பரிசோதனைப் பொருட்களையும் பாதிக்கிறது.

வானிலை வெப்பமடையும் போது, ​​இரத்த சர்க்கரை அளவை உன்னிப்பாகக் கண்காணித்து, உடல் வெப்பத்தை சரியாகக் கையாளவில்லை என்றால் சர்க்கரை நோயின் பாதிப்பு அதிகரிக்கும். 

கோடைக்காலம் மற்றவர்களை விட நீரிழிவு நோயாளிகளை அதிகம் பாதிக்கக்கூடிய காரணங்கள் இவை: 

செயலிழக்கும் வியர்வை சுரப்பிகள்

நீரிழிவு நோயாளிகளுக்கு தொடர்ந்து இரத்த சர்க்கரை அளவு அதிகமாக இருப்பதால், இரத்த நாளங்கள் மற்றும் நரம்புகள் சேதமடைந்திருக்கும். வியர்வை சுரப்பிகள் உட்பட உடலில் உள்ள அனைத்து உறுப்புகளும் உயர் இரத்த சர்க்கரையால் பாதிக்கப்படுகின்றன. 

பயனற்ற வியர்வை சுரப்பிகள் உடலை குளிர்விப்பதில் சிறப்பாக செயலாற்ற முடிவதில்லை. எனவே உடலின் திறன் மேலும் பாதிக்கப்படுகிறது. எனவே, நீரிழிவு நோயாளிகள் அதிக வெப்பநிலையால் எளிதில் பாதிக்கப்படுகின்றனர்.

அடிக்கடி சிறுநீர் கழித்தல்

நீரிழப்புக்கு பங்களிக்கும் நீரிழிவு நோயின் மற்றொரு பிரச்சனை அடிக்கடி சிறுநீர் கழிப்பது. ஏனெனில் இரத்தத்தில் உள்ள அதிகப்படியான சர்க்கரை சிறுநீரகத்தையில் வேலையை அதிகரிக்கிறது.

சிறுநீரகங்கள் சரியாக செயல்படத் தவறினால், அதிகப்படியான குளுக்கோஸ் உடலில் இருந்து சிறுநீர் மூலம் வெளியேறிவிடுகிறது, இது உடலில் இருந்து அதிக அளவில் நீரை இழக்கச் செய்கிறது.  

சிறுநீரிறக்கிகள்

இரத்த அழுத்தம் உள்ள நீரிழிவு நோயாளிகளுக்கு இரத்த அழுத்தத்தை கட்டுப்படுத்த டையூரிடிக்ஸ் பரிந்துரைக்கப்படுகிறது. டையூரிடிக்ஸ் சிறுநீரகங்களை சோடியத்தை வெளியிட தூண்டுகிறது.

இது சிறுநீரை அடிக்கடி கழிக்க தூண்டுகிறது, நரம்புகளில் இருந்து அதிகப்படியான திரவங்களை வெளியேற்றுகிறது, இது இரத்த அழுத்தத்தை கட்டுப்படுத்த உதவுகிறது என்றபோதிலும் இது நீரிழப்புக்கு வழிவகுக்கும்.

எனவே, நீரிழிவு நோயாளிகள் கோடைக்காலத்தில் கவனமாக இருக்க வேண்டும்.

Read More

சாப்பிட்டவுடன் தண்ணீர் குடிப்பதால் இத்தனை தீமைகளா, அசர வைக்கும் தகவல்

 நமது ஆரோக்கியத்திற்கு தண்ணீர் மிகவும் முக்கியமானது. இதனால்தான் தினமும் 3-4 லிட்டர் தண்ணீர் குடிக்க வேண்டும் என்று சுகாதார நிபுணர்கள் பரிந்துரைக்கின்றனர். மருத்துவர்களின் கூற்றுப்படி, சாப்பிடும் போது தண்ணீர் குடிப்பதைத் தவிர்க்க வேண்டும், உணவுடன் அல்லது உடனடியாக தண்ணீர் குடிப்பதால் அமிலத்தன்மை, வீக்கம் போன்ற பிரச்சனைகள் ஏற்படலாம். உணவு உண்ட உடனே தண்ணீர் குடிப்பவர்கள் பல உடல்நல பிரச்சனைகளை சந்திக்க நேரிடும்.

உணவு உண்ட பிறகு தண்ணீர் குடிக்கலாமா?

உணவை ஜீரணிக்க சுமார் 2 மணி நேரம் ஆகும் என்று சுகாதார நிபுணர்கள் நம்புகிறார்கள், இதற்கிடையில் தண்ணீர் குடிப்பது செரிமானத்தை பாதிக்கிறது. அதனால்தான் உணவு உண்ட 45-60 நிமிடங்களுக்குப் பிறகு தான் தண்ணீர் குடிக்க வேண்டும். அதேபோல் உணவு உண்பதற்கு அரை மணி நேரத்திற்கு முன் தண்ணீர் குடிக்க வேண்டும் என்பதையும் நினைவில் கொள்ளுங்கள்.

சரியான நேரத்தில் தண்ணீர் குடிப்பதால் கிடைக்கும் நன்மைகள்

1. உணவு உண்ட ஒரு மணி நேரம் கழித்து தண்ணீர் குடிப்பதால் எடை கட்டுக்குள் இருக்கும்.

2. சரியான நேரத்தில் தண்ணீர் குடிப்பதால் செரிமானம் சரியாகும், செரிமான அமைப்பு வலுவாக இருக்கும்.

3. வயிற்றில் வாயு மற்றும் அமிலத்தன்மை பிரச்சனை நீங்கும்.

4. உணவில் இருக்கும் சத்துக்களை உடல் நன்கு உறிஞ்சிக் கொள்ளும்.

5. சரியான நேரத்தில் தண்ணீர் குடிப்பதும் நல்ல தூக்கத்தைப் பெற உதவுகிறது.

உணவு உண்ட உடனே தண்ணீர் குடிப்பதால் ஏற்படும் தீமைகள்

* உடல் பருமன் பிரச்சனை ஏற்படும்

* செரிமான பிரச்சனைகள் ஏற்படும்

* உயர் இரத்த சர்க்கரை அளவு பிரச்சனை ஏற்படும்

* வயிற்று வாயு பிரச்சனை ஏற்படும்

Read More

தூங்கும் முன் மறந்து கூட இந்த 3 பொருட்களை சாப்பிடாதீர்கள்

 தூக்கமின்மை காரணமாக, ஒரு நபர் பல ஆபத்தான நோய்களுக்கு பலியாகலாம். உங்களுக்கும் போதுமான தூக்கம் வராமல் இருந்தால், உங்கள் உணமுறையில் மாற்றங்கள் செய்ய வேண்டியது அவசியமாகும், ஏனென்றால் உணவும் பானமும் உங்கள் தூக்கத்தில் பெரும் தாக்கத்தை ஏற்படுத்தும். அதனால்தான் உணவுப் பழக்கவழக்கங்களில் கவனம் செலுத்துவது மிகவும் முக்கியம் என்று கூறப்படுகிறது.

நல்ல ஆரோக்கியத்திற்கு தூக்கம் அவசியம்

நல்ல ஆரோக்கியம் தூக்கத்துடன் நெருங்கிய தொடர்புடையது. தூக்கமின்மை காரணமாக, பல ஆபத்தான நோய்களுக்கு பலியாகலாம். இதய நோய், பலவீனமான நோய் எதிர்ப்பு சக்தி, மார்பக புற்றுநோய் ஆபத்து, மனச்சோர்வு போன்ற பிரச்சனைகள் இதில் அடங்கும். எனவே, தூங்கும் முன் ஆரோக்கியமற்ற பொருட்களை சாப்பிடுவதை தவிர்க்க வேண்டும்.

இரவில் தூங்கும் முன் இவற்றை உட்கொள்ள வேண்டாம்

1. காஃபின் கலந்த பானங்கள்

இரவில் உணவு உண்ணும் போது வெங்காயம் அல்லது தக்காளி போன்றவற்றுடன் ஆல்கஹால் மற்றும் காஃபின் அளவைக் கண்காணிப்பது முக்கியம். தூக்க முறைகளை பாதிக்கும் காஃபின் பல்வேறு உணவுகள் மற்றும் பானங்களில் காணப்படுகிறது. காஃபின் தேநீர், காபி மற்றும் பல்வேறு குளிர்பானங்களில் காணப்படுகிறது. எனவே, இரவில் தூங்கும் முன் இவற்றை உட்கொள்வதை தவிர்க்கவும்.

2. தக்காளி

தூங்கும் முன் தக்காளி சாப்பிடுவதும் தூக்கத்திற்கு நல்லதல்ல. ஏனெனில் தக்காளி அமில வீக்கத்தை ஏற்படுத்தும் மற்றும் செரிமானம் தொடர்பான பிரச்சனைகளை அதிகரிக்கும். ஒரு அறிக்கையின்படி, இரவில் தக்காளியை உட்கொள்வது அமைதியின்மையை அதிகரிக்கும், இது நிம்மதியான தூக்கத்தை கெடுக்கும் என்று கூறப்படுகிறது.

3. வெங்காயம்

வெங்காயம் உங்கள் செரிமான அமைப்பை சீர்குலைக்கும். வெங்காயம் வயிற்றில் வாயுவை உருவாக்கும். இந்த வாயு உங்கள் வயிற்றின் அழுத்தத்தை பாதிக்கிறது, இதன் காரணமாக அமிலம் தொண்டையை நோக்கி நகரும். குறிப்பாக நேராக படுக்கும்போது. ஆச்சரியப்படும் விதமாக, பச்சையாகவோ அல்லது சமைத்த வெங்காயமோ இதுபோன்ற பிரச்சனைகளை ஏற்படுத்தும். எனவே, இரவில் தூங்கும் முன், முடிந்தவரை வெங்காயத்தை உட்கொள்வதை தவிர்க்கவும்.

Read More

லோ பிபி என்றால் என்ன? அதை முற்றிலும் சரிசெய்ய மிக சுலப வழி என்ன?

 80/60, 90/60 போன்றே பிரஷர் எப்போதும் இருந்தால் அதிர்ச்சியடையத் தேவையில்லை என்றும் அது நார்மல்தான் என்றும் மருத்துவர் ஹரிஹரன் தெரிவித்துள்ளார்.

பொதுமக்களுக்கு ஏற்படும் இயல்பான சந்தேகங்களைத் தனது ஃபேஸ்புக் பதிவுகள் மூலம் தீர்த்து வருகிறார் மருத்துவர் ஹரிஹரன். தற்போது பிபி குறித்து நிறைய கருத்துகள், சந்தேகங்கள் நிலவி வரும் சூழலில் லோ பிபி குறித்து விளக்கம் அளித்துள்ளார்.

ஃபேஸ்புக் பதிவில் அவர் கூறியுள்ளதாவது: 

''இந்தியப் பெண்களின் ஆவரேஜ் ரத்த அழுத்தம் (Blood pressure எனும் பிபி) எவ்வளவு? 

1984-ல் செய்யப்பட்ட ஒரு ஆராய்ச்சியில் தமிழக பெண்களின் ஆவரேஜ் பிரஷர் 100/65. 2020ல் இது 117/75 ஆக உள்ளது.

இதிலிருந்து தெரிவது என்ன? 

1984ல் உள்ள பெண்கள் ஆரோக்கியமாக இல்லையா? 2020-ல் பெண்கள் மிகவும் ஆரோக்கியமாக உள்ளார்களா? இல்லையே. இதன் ஆப்போசிட்தானே நிஜமாக உள்ளது. நாம் நம் அம்மா போல அந்த வயதில் ஆரோக்கியமாக இல்லையே.  அதனால், 198-4ல் உள்ள பெண்களின் ஆவரேஜ் பிரஷர் நார்மல் என வைத்துக்கொண்டால், இன்றைய மகளிரின் பிரஷர் அதிகம் உள்ளது. உடல் எடை, டென்ஷன், தூக்கமின்மை என்பதைக் காரணமாகச் சொல்லலாம். 

அமெரிக்கப் பெண்களிடம் சென்ற வருடம் செய்த ஆராய்ச்சியில், பெண்களின் சிஸ்டாலிக் பிரஷர் 100க்கு கீழ் இருப்பவர்களை விட 100க்கு மேல் இருப்பவர்களுக்கு இதய வியாதி மற்றும் ஸ்ட்ரோக் வர அதிக வாய்ப்புள்ளதாகத் தெரிவிக்கிறது. (குறிப்பு-ஒருவரின் பிரஷர் 120/80 என்றால், மேலே உள்ள 120 என்பது சிஸ்டாலிக் எனப்படும்).

இன்றைக்கு யாரைக் கேட்டாலும், "எனக்கு லோ பிரஷர் இருக்கு, கிறுகிறுனு வந்துடும்" என ஃபேஷனாகச் சொல்வார்கள். அவர்கள் புரிதலே தவறு. என் கிளினிக்கில் கடந்த 16 வருடமாக நான் பார்த்த பெண்களில், முக்கால்வாசி பேருக்கு 90/60, 80/60 தான் இருந்தது.  கிறுகிறுப்பிற்கு அனீமியா போன்ற ஆயிரம் காரணங்கள் பெண்களுக்கு உண்டு. 

அதனால் இந்தியப் பெண்களே, உங்களுக்கு 80/60, 90/60 போன்றே பிரஷர் எப்போதும் இருந்தால், அது நார்மல் எனக் கொள்க. லோ பிரஷர் எனும் வாழ்வியல் வியாதி என ஒன்று  இல்லை. "அதெல்லாம் சரி டாக்டர், லோ பிபியை முற்றிலும் சரிசெய்ய மிக சுலப வழி என்னனு டைட்டில் போட்டீங்களே, பதில் மட்டும் சொல்லுங்க ப்ளீஸ்" .

"அப்படி ஒரு வியாதியே இல்லை".

இவ்வாறு மருத்துவர் ஹரிஹரன் தெரிவித்துள்ளார். 

Read More

சர்க்கரைநோயாளிகள் மாங்காய், மாம்பழம் சாப்பிடலாமா?

 நீரிழிவு உள்ளவர்கள் மாங்காயும் மாம்பழமும் சாப்பிடலாமா? ஒருநாளைக்கு எத்தனை பழம் சாப்பிடலாம்?

ஸ்ரீமதி வெங்கட்ராமன்

பதில் சொல்கிறார் பெங்களூரைச் சேர்ந்த, கிளினிகல் டயட்டீஷியன் மற்றும் வெல்னெஸ் நியூட்ரிஷனிஸ்ட் ஸ்ரீமதி வெங்கட்ராமன்.

``100 கிராம் மாங்காயில் 10 கிராம் கார்போஹைட்ரேட்டும், 44 கலோரிகளும் இருக்கும். நீரிழிவு உள்ளவர்கள் மாங்காய் சாப்பிடலாம். ஆனாலும் நாம் சாப்பிடும் அளவை கவனிக்க வேண்டியது முக்கியம். நீரிழிவு கட்டுப்பாட்டில் இல்லாதவர்கள்கூட பச்சை மாங்காய் சாப்பிடலாம். வெள்ளரிக்காய், முளைகட்டிய பயறு உள்ளிட்டவை சேர்த்த சாலட்டில் மாங்காயும் சிறிது சேர்த்துச் சாப்பிடுவதால் எந்தப் பிரச்னையும் இல்லை. அதிலுள்ள நார்ச்சத்தும் நீரிழிவுக்காரர்களுக்கு நல்லதுதான். மாங்காய் சாப்பிடலாம் என்பதால் அதே விதி நன்கு பழுத்த மாம்பழத்துக்கும் பொருந்தாது. 100 கிராம் மாம்பழத்தில் 17 கிராம் மட்டுமே கார்போஹைட்ரேட் இருக்கிறது. அதனாலேயே அது நீரிழிவு உள்ளவர்களுக்கு ஏற்றதென அர்த்தமில்லை.

`கிளைசீமிக் லோடு' என்றொரு வார்த்தை நீரிழிவுக்காரர்களுக்கு நிச்சயம் தெரிந்திருக்கும்.

சாதம், மைதா உணவுகள் என கார்போஹைட்ரேட் உணவுகளை எடுக்கும்போது அதன் விளைவாக நம் உடலில் குளுக்கோஸின் அளவு எவ்வளவு அதிகரிக்கிறது என்பதைக் குறிப்பதுதான் கிளைசீமிக் லோடு.

எனவே, நீரிழிவு கட்டுக்குள் இல்லாதவர்கள், அதாவது ஹெச்பிஏ1சி (HbA1c ) அளவு 7-க்கு மேல் உள்ளவர்கள், அரிசி உணவுகள், மைதா உணவுகள், மாம்பழம் போன்றவற்றை உண்பதால் ரத்தச் சர்க்கரையின் அளவு இன்னும் அதிகரிக்கும். இன்சுலின் போட்டுக்கொள்வோர் என்றால் அதன் அளவை அதிகரிக்க வேண்டியிருக்கும். எனவே நீரிழிவு உள்ளவர்கள், ரத்தச் சர்க்கரை அளவை கட்டுப்பாட்டுக்குள் கொண்டு வந்த பிறகு மாம்பழம் சாப்பிடலாம். அடுத்து எவ்வளவு சாப்பிடலாம் என்ற கேள்வி வரும். 2 நாள்களுக்கொரு முறை சிறிய மாம்பழத்தில் பாதி சாப்பிடலாம். நிச்சயம் தினம் சாப்பிடக்கூடாது.

மாம்பழம்

சிலருக்கு ஹெச்பிஏ1சி அளவானது 11 என்றெல்லாம் உச்சத்தில் இருக்கும். அவர்கள் மாம்பழத்துக்கு ஆசைப்படவே கூடாது. ஹெச்பிஏ1சி என்பது மூன்று மாதங்களில் உங்கள் ரத்தச் சர்க்கரை அளவு எப்படியிருக்கிறது என்பதற்கான அளவீடு. எனவே மாம்பழம் சாப்பிட ஆசைப்படுவோர், அதற்கு முன் ரத்தச் சர்க்கரை அளவைக் குறைத்துவிட்டால் பிரச்னை இல்லை."

Read More

பற்களை பராமரிப்பது எப்படி?

 பற்களின் பராமரிப்பு என்பது பற்களோடு முடிந்து விடுவதில்லை. பற்களின் பராமரிப்பில் அதை சுற்றியுள்ள திசுக்கள் மிகவும் முக்கியத்துவம் வாய்ந்தவை. உங்கள் இயற்கையான பற்களின் வேர்களை கட்டிக்காத்தால் செயற்கை வேர் என்ற தேவையே இல்லை. வெளியே தெரியும் ஈறு, உள்ளே உள்ள எலும்பு மற்றும் இணைப்புத்திசு ஆகியவை மிக முக்கியமானவை. பற்களின் வேர்கள் எலும்போடு கண்ணுக்குத்தெரியாத நுண்ணிய இழைகளால் இணைக்கப்பட்டுள்ளது. எந்த ஒரு நோயையும் வராமல் தடுப்பது மிக நல்லது அல்லது ஆரம்ப நிலையிலேயே கண்டறிந்து அதற்கு ஏற்றபடி மருத்துவம் செய்துகொள்வது பின்னாளில் அதிக சேதமடைவதையும், செலவு மிகுதியாவதையும் தடுக்கும்.

ஈறுகள் பலம் இழப்பதற்கு பரம்பரை நோய்கள், பற்களின் பராமரிப்பில் குறைபாடு, ஒழுங்காக பல் துலக்காமல் இருத்தல், பற்களில் அதிக கரை படியவிடுதல், தவறான பழக்க வழக்கங்கள், பீடி, சிகரெட், பான் முதலியவை உட்கொள்ளுதல், இரவு நேரத்தில் பல் துலக்காமல் தூங்கி விடுவது, உணவுப் பொருட்களில் வைட்டமின், நார்ச்சத்து போன்றவை இல்லாமல் அதிக மாவுச்சத்து, சர்க்கரை நிறைந்த உணவை உண்ணுதல் ஆகியவை காரணங்களாகும். பற்களை வருடத்திற்கு ஒருமுறை சுத்தம் செய்தல் மூலம் ஆரம்ப நிலையிலேயே ஈறு பாதிப்புகளை சரி செய்யலாம் . அதிகமான நோய் தாக்கம் உள்ளவர்கள் அதன் தன்மைக்கேற்ப பல் மருத்துவத்தில் சிறப்பான கருவிகளைக் கொண்டு கெட்டுப்போன சதைகளை வருவி எடுத்து, நல்ல ஆரோக்கியமான எலும்பு துணுக்குகளையும் பிரித்து எடுக்கப்பட்ட ரத்த அணுக்கள் கொண்டும் இழந்த ஈறு மற்றும் எலும்புகளை வளர வைக்கலாம்.

ஈறுகளின் நலமே உங்கள் பற்கள் மற்றும் வாயின் நலம். வாய் என்பது உங்கள் உடலாகிய இல்லத்தின் நுழைவுவாயில் போன்றது. இதை நீங்கள் பேணி காத்தால் உங்கள் உடல் ஆரோக்கியம் மேம்படும். நன்கு முற்றிய நிலையிலும் பற்களை முழுவதும் எடுக்காமல் அதற்கு நரம்பு உயிரோட்ட சிகிச்சை செய்தும், வேர்சிகிச்சை செய்தும் அதன் மூலம் பற்களை இணைத்து மேற்கொண்டு பல் எடுப்பதை 10 முதல் 15 ஆண்டுகள் தள்ளிப்போடலாம். இந்த முறையில் பற்களின் ஆரோக்கியத்தை கூட்டுவதோடு, செயற்கை வேர்கள் இல்லாமலேயே உங்கள் பற்கள் பலம் பெறுகின்றன.

உங்கள் புன்னகை தன்னம்பிக்கையையும், உங்கள் மீது மற்றவர் வைத்திருக்கும் நம்பிக்கையையும் அதிகரிக்கும். பயமின்றி புன்னகை செய்யுங்கள், நீங்கள் இழந்த புன்னகையை நாங்கள் மீட்டு தருகிறோம் என்று திண்டுக்கல் கிருபா அட்வான்ஸ்டு பல் மருத்துவமனையின் டாக்டர்.வி.பெனடிக்ட் கூறியுள்ளார்.

டாக்டர்.வி. பெனடிக்ட், எம்.டி.எஸ்.,

Read More

இதய நோய்களை தடுக்கும் வேர்க்கடலை

 ஆசியாவில் ‘இஸ்கிமிக் ஸ்ட்ரோக்’ பாதிப்புக்கு ஆளாகுபவர்களின் எண்ணிக்கை குறைவாக இருக்கிறது. அங்கு வேர்க்கடலை நுகர்வு அதிகமாக இருப்பதே அதற்கு காரணம் என்பதை கண்டறிந்தோம்.

வேர்க்கடலை சாப்பிடாதவர்களுடன் ஒப்பிடுகையில், அதனை சாப்பிடுபவர்களுக்கு பக்கவாதம் அல்லது இதய நோய் ஏற்படும் அபாயம் குறைவு என்பது ஆய்வில் கண்டறியப்பட்டுள்ளது.

‘‘உணவு பட்டியலில் தினமும் சராசரியாக 4-5 வேர்க்கடலைகளை சேர்ப்பது ‘இஸ்கிமிக் ஸ்ட்ரோக்’கை தடுக்க உதவும் என்று எங்கள் ஆய்வு முடிவுகள் தெரிவிக்கின்றன’’ என்கிறார், ஆராய்ச்சியாளர், இகேஹாரா. இஸ்கிமிக் ஸ்ட்ரோக் என்பது மூளைக்கு செல்லும் ரத்த குழாய்களில் அடைப்பு அல்லது ரத்தம் உறைவது போன்ற பிரச்சினைகளால் ஏற்படும் பக்கவாதமாகும்.

‘‘ஆசியாவில் ‘இஸ்கிமிக் ஸ்ட்ரோக்’ பாதிப்புக்கு ஆளாகுபவர்களின் எண்ணிக்கை குறைவாக இருக்கிறது. அங்கு வேர்க்கடலை நுகர்வு அதிகமாக இருப்பதே அதற்கு காரணம் என்பதை கண்டறிந்தோம்.

வேர்க்கடலையில் இதய ஆரோக்கியத்துக்கு வலு சேர்க்கும் ஊட்டச்சத்துக்கள் நிறைந்துள்ளன. அதாவது மோனோசாச்சுரேட்டட் கொழுப்பு அமிலங்கள், பாலிஅன்சாச்சுரேட்டட் கொழுப்பு அமிலங்கள், தாதுக்கள், வைட்டமின்கள் மற்றும் நார்ச்சத்து போன்றவை உயர் ரத்த அழுத்தம், கெட்ட கொழுப்பு போன்ற ஆபத்து காரணிகளைக் குறைப்பதன் மூலம் இதய நோய்களில் இருந்து காக்கின்றன’’ என்கிறார்.

அமெரிக்க இதய அசோசியேஷனின் ஒரு பிரிவான அமெரிக்கன் ஸ்ட்ரோக் அசோசியேஷன் இதழான ‘ஸ்ட்ரோக்’ இதழில் இந்த ஆய்வின் முடிவுகள் வெளியிடப்பட்டுள்ளன.

Read More

கோடை காலத்தில் தாகத்தை தணிக்கும் வெள்ளரிக்காய் ஜூஸ்

 தேவையான பொருட்கள்:

வெள்ளரிக்காய் - 1

இஞ்சி - சிறிய துண்டு
எலுமிச்சை சாறு - 1 டீஸ்பூன்
தேன்- 2 டீஸ்பூன்
சீரகப் பொடி - 1/2 டீஸ்பூன்
கருப்பு உப்பு - 1/2 டீஸ்பூன்
தண்ணீர் - 1 கப்

செய்முறை:

வெள்ளரிக்காயை தோலுரித்து, துண்டுகளாக வெட்டிக்கொள்ளவும்.

மிக்சியில் நறுக்கிய வெள்ளரிக்காய் துண்டு, இஞ்சி மற்றும் தண்ணீர் ஊற்றி நன்கு மென்மையாக அரைத்துக் கொள்ள வேண்டும்.

பின்னர் அதில் தண்ணீர் ஊற்றி நன்கு கிளறி, வடிகட்டி கொள்ளவும்.

வடிகட்டி ஜூஸில் கருப்பு உப்பு, எலுமிச்சை சாறு, தேன் மற்றும் சீரகப் பொடி சேர்த்து கலந்து பரிமாறினால், வெள்ளரிக்காய் இஞ்சி ஜூஸ் ரெடி!!!

Read More